قدم قدم پر چراغ ایسے جلا گئی ہے علی (ع) کی بیٹی
یزیدےت کی ہر ایک سازش پہ چھا گئی ہے علی کی بیٹی

کہیں بھی ایوانِ ظلم تعمیر ہو سکے گا نہ اب جہاں میں
ستم کی بنیاد اس طرح سے ہلا گئی ہے علی (ع) کی بیٹی

عجب مسیحا مزاج خاتون تھی کہ لفظوں کے کیمیا سے
حسینیت کو بھی سانس لینا سکھا گئی ہے علی (ع) کی بیٹی

بھٹک رہا تھا، دماغِ انسانیت، جہالت کی تیرگی میں
جہنم کے اندھے بشر کو رستہ دکھا گئی ہے علی (ع) کی بیٹی

دکانِ وحدت کے جوہری دم بخودہیں اس معجزے پہ ابتک
کہ سنگ ریزوں کو آبگینے بنا گئی ہے علی (ع) کی بیٹی

خبر کرو اہلِ جور کو کہ اب حسینیت انتقام لے گی
یزیدیت سے سنبل جائے، آ گئی ہے علی (ع) کی بیٹی

نبی(ص) کا دین اب سنور سنور کے یہ بات تسلیم کر رہا ہے
اجڑ کے بھی انبیاء کے وعدے نبھا گئی ہے علی (ع) کی بیٹی

نہ کوئی لشکر، نہ سر پہ چادر، مگر نجانے ہوا میں کیونکر
غرورِ ظلم و ستم کے پُرزے اڑا گئی ہے علی (ع) کی بیٹی

پہن کے خاکِ شفا کا احرام، سر برہنہ طواف کر کے
حسین ! تیری لحد کو کعبہ بنا گئی ہے علی (ع) کی بیٹی

کئی خزانے سفر کے دوران کر گئی خاک کے حوالے
کہ پتھروں کی جڑوں میں ہیرے چھپا گئی ہے علی (ع) کی بیٹی

یقیں نہ آئے تو کوفہ و شام کی فضاؤں سے پوچھ لینا
یزیدیت کے نقوش سارے مٹا گئی ہے علی (ع) کی بیٹی

ابد تلک اب نہ سر اُٹھا کے چلے گا کوئی یزید زادہ
غرورِ شاہی کو خاک میں یوں ملا گئی ہے علی (ع)کی بیٹی

گزر کے چپ چاپ لاشِ اکبر سے پا برہنہ رسن پہن کر
خود اپنے بیٹوں کے قاتلوں کہ رلا گئی ہے علی (ع) کی بیٹی

میں اس کے در کے گداگروں کا غلام بن کے چلا تھا محسن
اسی لئے مجھ کو رنج و غم سے بچا گئی ہے علی (ع) کی بیٹی۔
(شہید محسن نقوی)
منبع:http://www.alhassanain.org

Common title

View

خطبات حضرت زینب(سلام اللہ علیہا) علی (ع) کی بیٹی

قرآن رب کى خاص عنايت کا نام ہے

قرآن نظم و ضبط شريعت کا نام ہے

قرآن ايک زندہ حقيقت کا نام ہے

قرآن زندگى کى ضرورت کا نام ہے

قرآن ايک کتاب الہى جہاں ميں ہے

قرآن کے بغير تباہى جہاں ميں ہے

قرآن کردگار کى رحمت کا نام ہے

قرآن ذوالجلال کى عظمت کانام ہے

قرآن اہل بيت رسالت کا نام ہے

قرآن ہى تو مقصد بعثت کا نام ہے

نازل کيا ہے اس کو خدائے جليل نے

پہونچايا ہے رسول تلک جبرئيل نے

قرآن انبياء کى کہانى کا نام ہے

قرآن لا مکاں کى نشانى کا نام ہے

قرآن دين حق کى روانى کا نام ہے

قرآن مصطفى کى جوانى کا نام ہے

قرآں کے علم کى نہيں حد،بے پناہ ہے

قرآن ايک کتاب نہيں ، درسگاہ ہے

قرآن ہے نبى کى نبوت کا معجزہ

قرآن ہے رموز کى کثرت کا معجزہ

قرآن ہے خدا کى صداقت کا معجزہ

قرآن آج بھى ہے بلاغت کا معجزہ

ايسى کوئى کتاب نہيں کائنات ميں

قرآن کا جواب نہيں کائنات ميں

تعظيم اس کتاب کى حق کے ولى نے کى

کعبہ ميں سب سے پہلے نبى کے وصى نے کى

قبل از  نزول اس کى تلاوت على نے کى

تصديق اس کلام کى ميرے نبى نے کى

قرآن و اہل بيت کا يہ اتصال ہے

قرآن ہو على کے بنا يہ محال ہے

ہے ذکر نوح کا کہيں آدم کا تذکرہ

عيسيٰ کا ذکر ہے کہيں مريم کا تذکرہ

ہے جابجا رسول مکرم کا تذکرہ

اور ہے کہيں پہ خلقت آدم کا تذکرہ

ہجرت کاتذکرہ کہيں ذکر غدير ہے

ہے ذکر فاطمہ، کہيں ذکر امير ہے

قرآن کو گروہ ميں بٹ کر نہ ديکھئے

لفظ ومعانى اس کے الٹ کر نہ ديکھئے

اوراق اس کے صرف الٹ کر نہ ديکھئے

قرآں کو اہل بيت سے ہٹ کر نہ ديکھئے

قرآن دين حق کى ضرورت کانام ہے

قرآن اہل بيت کى سيرت کانام ہے
منبع:http://jsoir.blogfa.com

قرآن و ادب

کربلا کی شعری روایت

آغاز اسلام سے آج تک تا ریخ اسلام میں واقعہ کربلا سے زیادہ درد ناک واقعہ پیش نہیں آیا چودہ سو سال گزرنے کے بعد بھی ابھی تک مومنین کے دلوں میں اس کی تاثیر موجودہے اس زمانے سے اہل بیتؑ کے چاہنے والوں نے اپنی توا نائی کے مطابق اس سلسلے میں اشعار کہے ہیں۔
حادثہئ کربلا کے بارے میں بہت زیادہ اشعار پہلی صدی ہجری کے اختتام بعد اور بنی امیہ کا زوال کے دور مےں کہے گئے ہیں جیساکہ ابو الفرج اصفہانی کا بیان ہے کہ بہت سے متاخرین شعراء نے امام حسین ؑ کے لئے مرثیہ کہے ہےں ، بحث کے طویل ہونے کی وجہ سے ہم ان اشعارکوذکر نہیں کرسکتے، لیکن بنی امیہ کے دور میں بنی امیہ کی طرف سے سختی کی بنا پراس وقت کے شعراء نے امام حسین ؑ کے بارے میںبہت کم مرثیے کہے ہیں ۔ (۱)
جیسے عبیداللہ بن حربہ امام حسینؑ کا مرثیہ کہنے کی وجہ سے ابن زیاد کی زیادتی کا نشانہ بنے اور فرار کرنے پر مجبور ہوئے۔ (۲)
اگر چہ پہلی صدی ہجری ہی میں امام حسینؑ کے بارے میں کافی اشعار کہے گئے ہےںلیکن ان کا حجم دوسری صدی ہجری مےں کہے گئے اشعار کی بہ نسبت بہت کم ہے ، سب سے پہلے بنی ہاشم کی داغ دیدہ خواتین نے اپنے عزیزوں کے بارے میں مرثیہ کہے ہےں،جس وقت امام حسین علیہ السلام کی خبر شہادت مدینہ پہنچی بنی ہاشم زینب بنت عقیل سے نالہ و شیون کرتی ہوئی باہرنکل آئیں ان کی زبان پر یہ اشعار تھے :
ماذا تقو لون اذ قال النبی لکم
ماذا فعلتم وانتم آخر الامم
پیغمبر کو کیا جواب دوگے جب تم سے پوچھیں گے کہ اے آخری امت! تم نے کیا کیا؟
بعترتی وباھلی بعد مفتقدی
نصف اساری و نصف ضرٍّوجوابدم
میرے مرنے کے بعد میرے اہل بیتؑ کے ساتھ تم نے کیاسلوک کیا؟ ان میں سے نصف کو اسیر کیا اور نصف کو خون میںنہلا یا۔
ما کان ھذا جزائی اذ نصحت لکم
ان تخلفونی بشر فی ذوی رحمی (۳)
کیا میری یہی جزا تھی؟! کہ میں تمھاری ہدایت کروں اور تم میرے اہل بیتؑ کے ساتھ بد رفتاری کرو۔
من جملہ دل خراش مراثی میں سے شہدائے کربلا کے بارے میں سب سے زیادہ دل خراش مرثیہ جناب ابو الفضل العباسؑ کی والدہ ئگراص۹۰می جناب ام البنینؑ کا مرثیہ ہے ابوالفرج اصفہانی نقل کرتے ہیں : حضرت عباسؑ کے فرزند عبید اللہ کا ہاتھ پکڑ کر جناب ام البنینؑ بقیع جاتی تھیں،مدینہ کے لوگ ان کے ارد گرد جمع ہو جاتے تھے اور ان کے مرثیہ پڑھنے سے رو تے تھے ،مروان بن حکم جیسا شخص بھی اس بانو کے مرثیہ پر رو پڑا۔ (۴)
جناب ام البنین ؑکے مرثیہ کے اشعار یہ تھے:
یامن رای العباس کر علی جماھیر النقد
اے وہ لوگو! کہ جس نے اپنی آنکھوں سے دیکھا کہ میرا عباس ؑکس طرح پست صفت لوگوں پر حملہ کرتا تھا۔
وورائہ من ابناء حیدر کل لیث ذی لبد
اس کے پیچھے فرزندان حیدر شیر کے مثل کھڑے رہتے تھے ۔
انبئت ان ابنی اصیب براسہ مقطوع ید
مجھے خبر دی گئی ہے کہ جب اس کے ہاتھ قلم ہوگئے تب سر پر گرز لگا ۔
ویل علیٰ شبلی اما لبراسہ ضر ب العمد
افسوس میرے بیٹے کے سر پر گرزگراںپڑا۔
لوکان سیفکئ فی ید یکئ لمادنا منکئ احد (۵)
(اے عباس! )اگر تیرے ہاتھ میں تلوار ہوتی تو تیرے پاس کوئی نہیں آتا۔
جس وقت کربلا کے اسیروں کا کارواں مدینہ کی جانب چلا اور مدینہ کے نزدیک پہنچا تو امام زین العابدین ؑنے پہلے بشیر بن جذلم کو مدینہ بھیجا اور بشیر نے ان اشعار کے ساتھ اسیران اہل بیت علیہم السلام کے مدینہ میں داخلہ کی خبردی :
یا اھل یثرب لا مقام لکم بھا
قتل الحسین فاد معی مدرار
اے اہل مدینہ! اب یہ جگہ تمھارے رہنے کے قابل نہیں رہی حسین ؑ قتل کردئیے گئے ان پر آنسو بہاؤ ۔
ا لجسم منہ بکربلامضرّج
والرأس منہ علیٰ ا لقناۃ یدار (۶)
ان کا جسم کربلا کی زمین پر خون میں غلطاں اور ان کا سر نیزہ کے اوپر بلند تھا۔
شاعروں کے درمیان خالدبن معدان،عقبہ بن عمرو،ابو الرمیح خزاعی،سلیمان بن قتہ عدوی ،عوف بن عبد اللہ احمر ازدی اور عبید اللہ بن حرّ پہلی صدی ہجری کے شعرا ء ہیں جنہوںنے مرثیہ گوئی کی ہے اور امام حسینؑ کی مصیبت میں اشعار کہے ہیں جس وقت خالد بن معدان نے شام میں حضرت کاسر نیزہ پر دیکھا تو یہ اشعارپڑھے:
جاؤ ا براسک یا ابن بنت محمّد
مترملاً بد ما ئہ تر میلا
اے نواسہ رسولؐ ! آپ کے سر کو خون میں ڈوبا ہوا لائے۔
و کانّمابک یا ابن بنت محمّد
قتلوا جھاراًعامدین رسولا
اے محمدؐکے نواسے! تمھیں علی الاعلان قتل کرکے چاہتے ہیں کہ پیغمبرؐسے انتقام لیں۔
قتلوک عطشاناًو لم یترقبوا
فی قتلک التنزیل والتاویلا
آپ کو پیاسا قتل کیا اور آپ کے قتل میں قرآن کی تاویل و تنزیل کی رعایت نہیں کی ۔
ویکبرون بان قتلت وانّما
قتلو بک التکبیر و التھلیلا (۷)
جب آپ قتل ہوئے تو تکبیریں بلند کیں حالانکہ آپ کے قتل ساتھ تکبیرو تہلیل کو بھی قتل کر دیا۔
گزشتہ شعرا ء میں عبید اللہ بن حر ہیں کہ جنہوں نے امام حسینؑ کی مصیبت میں مرثیہ کہا ان کے مرثیہ کا پہلا شعر یہ ہے :
یقو ل امیر غادر ای غادر
ألا کنت قاتلت الشھید بن فاطمہ
خائن کاامیر ،خائن کا بیٹا مجھ سے کہتا ہے کہ تم نے کیوں فاطمہ ؑکے شہید فرزند کے ساتھ جنگ نہیں کی؟
ابن زیاد نے جس وقت ان اشعار کو سنا عبید اللہ کے پیچھے بھاگااس نے گھوڑے پر سوار ہو کر اپنی جان بچائی۔ (۸)
سلیمان بن قتۃ من جملہ اہم ترین مرثیہ کہنے والوں میں سے تھے ان کے اشعار یہ ہیں :
مررت علیٰ ابیات آل محمّد
فلم أرھا کعھدھا یوم حلّت
میں آل محمدؐ کے گھروں کی جانب سے گزرا اور ان کو پہلے کی طرح بھرا ہوا نہیں پایا۔
و کانوا رجائً ثمّ صاروا رزیّۃ
و قد عظمت تلکئ الرّزایا وجلّت
آل محمد ؐ امید کا گھر تھے اور بعد میں مصیبت کا محل بن گئے اور وہ بھی بزرگ اورعظیم مصیبتیں۔
الم ترانّ الشمس اضحت مریضہ
لفقد حسین والبلاد اقشعرّت
کیا تم نہیں دیکھتے سورج شہادت حسین ؑسے مریض ہو گیا ہے اور شہرافسر دہ ہوگئے ہیں۔
و قد اعولت تبکی السماء لفقدہ
وانجمھا ناحت علیہ و صلّت (۹)
کیا تم نہیں دیکھتے آسمان نے امام حسین ؑپر گریہ ونالہ کیا اور ستاروں نے نوحہ پڑھااور درود بھیجا ۔
پہلی صدی ہجری کے بعد اموی حُکّام کادباؤ عبّاسیوں کے ساتھ اختلاف و ٹکراؤ کی وجہ سے کم ہوا اور آخر کارامیوںکا عباسیوں کے ہاتھوں خاتمہ ہوا ائمّہ اطہار ؑنے امام حسین ؑ کی مرثیہ گوئی کو زندہ کیا اور بزرگ شعرا جیسے کمیت اسدی،سید حمیری،سفیان بن مصعب عبدی،منصور نمری اوردعبل خزاعی ائمہ ؑکے حضور میں امام حسین ؑکی مصیبت میں اشعار پڑھتے تھے ۔
جیسا کہ سفیان بن مصعب عبدی نے نقل کیا ہے کہ میں امام صادقؑ کی خدمت میں حاضر ہو اامام نے خادموں سے فرمایا: امّ فروہ سے کہو وہ آئیں اور سنیں ان کے جدامجد پر کیاگزری، امّ فروہ آئیں اور پشت پردہ بیٹھ گئیں، اس وقت امام صادقؑ نے مجھ سے فرمایا:پڑھو میںنے قصیدہ پڑھنا شروع کیاقصیدہ اس بیت سے شروع ہوتا ہے:
فرو جودی بدمعکئ المسکوب
اے فروہ اپنی آنکھوں سے آنسو بہاؤاس موقع پر ام فروہ اور تمام عورتوں کی آواز گریہ بلند ہو گئی ۔ (۱۰)
اسی طرح ابوالفرج اصفہانی،اسماعیل تمیمی سے نقل کرتے ہیں کہ میں امام صادقؑ کی خدمت میں تھا کہ سید حمیری امام سے اجازت لے کر داخل ہو ئے امام نے اہل خانہ سے فرمایا: پشت پردہ بیٹھ جائیں، اس کے بعد سید حمیری سے امام حسینؑ کی مصیبت میں مرثیہ پڑھنے کو کہا، سید نے ان اشعار کو پڑھا :
امرر علیٰ جدث الحسین فقل لا عظمہ الزکیہ
امام حسینؑ کی قبر کی طرف سے گزروتوان کی پاک ہڈیوں سے کہو ۔
یا اعظماًلازلت من وظفاًوساکبہ رویّہ
اے ہڈےو سلامت رہو اور مسلسل سیراب ہوتی رہو۔
فاذا مررت بقبرہ فاطل بہ وقف المطیّہ
جس وقت ان کی قبرکے پاس سے گزرنا اونٹوں کے مانند دیر تک ٹھہرنا ۔
وابکئ المطھرللمطھر والمطھرۃ النقیہ
امام مطہّر کو حسین ؑ مطہّرپر گریہ کراؤ ۔
کبکاء معولہ اتت یوماًلواحدھا المنیۃ
اور تمھاراگریہ ایسا ہو جیسے ماںاپنے فرزند کی لاش پر روتی ہے۔
راوی کہتا ہے کہ میں نے دیکھا کہ امام کی آنکھ سے آنسو جاری ہیں اور گھر سے بھی رونے کی آوازےں بلند ہےں۔ (۱۱)
کبھی کبھی دوسرے لوگ بھی جیسے فضیل رسان،ابو ہارون مکنوف وغیرہ سیدحمیری کے اشعار امام جعفر صادقؑ کی خدمت میں پڑھتے تھے اور حضرت کو رلاتے تھے،ابن قولویہ کے مطابق امام صادقؑ نے اپنے صحابی ابو عمار سے کہا: عبدی کے مرثیہ کے اشعار جو امام حسینؑ کے بارے میں ہیںمیرے سامنے پڑھو۔ (۱۲)
دعبل خزاعی نے امام حسین ؑکے لئے بہت سے مرثیہ کے اشعار کہے ہےں امام رضا علیہ السلام اپنے جد کا مرثیہ پڑھنے کے لئے ان کو بلاتے تھے۔ (۱۳)
۱۔مقاتل الطالبین،منشورات الشریف الرضی،طبع دوم،۱۴۱۶؁ھ،۱۳۷۴؁ ھ ش،ص۱۲۱
۲۔ابی مخنف ،مقتل الحسینؑ ،تحقیق حسن غفاری ،قم،طبع دوم ،۱۳۶۴؁ھ،ش،ص۲۴۵
۳۔ مقتل الحسین،ص۲۲۷۔۲۲۸
۴۔ ابو الفرج اصفہانی ،مقاتل الطالبین،منشورات شریف الرضی ، قم ، طبع دوم ، ۱۴۱۶؁ھ ۱۳۷۴؁ھ ش، یی
۵۔ غفاری،حسن ،ذیل کتاب مقتل الحسین ابی مخنف،قم،۱۳۶۴؁،ص۱۸۱
۶۔ ابن طاؤس ،لھوف،ترجمہ محمد دز فولی،موسسہ فرہنگی وانتشاراتی انصاری،قم،طبع اول ۱۳۷۸؁،ص۲۸۴
۷۔ الامین،سیدمحسن،اعیان الشیعہ،دارالتعار ف للمطبوعات،بیروت ( بی تا) ج۱ ص ۶۰۲۳
۸۔ ابی مخنف،مقتل الحسین ،ص۲۴۵
۹۔ ابو الفرج اصفہانی ،مقاتل الطالبین، ص ۱۲۱
۱۰۔ علامہ امینی ، عبد الحسین ، الغدیر، دار الکتب الاسلامیہ ، تہران ، ج۲ ص ۲۹۴۔۲۹۵
۱۱۔ علامہ امینی ، عبد الحسین ، الغدیر، دار الکتب الاسلامیہ ، تہران ، ج۲ ص۲۳۵
۱۲۔ علامہ امینی ، عبد الحسین ، الغدیر، دار الکتب الاسلامیہ ، تہران ، ج۲ ص۲۹۵
۱۳۔ مسعودی ، علی ابن الحسین ،مروج الذہب،منشورات لاعلمی للمطبوعات ، طبع اول ۱۴۱۱؁ھ، ج۳ ص ۳۲۷، رجال ابن داؤد ، منشورات رضی ، قم ، ص ۹۲
منبع:mahdimission.com

امام حسین (ع) اور شہدائے کربلا علیہم السلام کے مرثئے

دیوان امام (منظوم ترجمہ) امام خمینی کی شاعری کا اردو منظوم ترجمہ ہے۔ اس کتاب میں ان کے شعری کلام کو اردو زبان میں پیش کیا گیا ہے۔ کتاب کا ترجمہ ابن علی واعظ نے کیا ہے۔

امام خمینی کی شخصیت میں شاعری اور عرفان کو بھی نمایاں مقام حاصل تھا۔ ان کے اشعار میں روحانی اور عرفانی مضامین ملتے ہیں۔ توحید، عشقِ الٰہی اور سلوک جیسے موضوعات نمایاں ہیں۔
<h3>کتاب کے بارے میں</h3>
یہ کتاب <a href="https://islamic-sources.com/ur">امام خمینی کے شعری مجموعے دیوان امام کا منظوم اردو ترجمہ ہے۔ اصل دیوان میں مختلف شعری اصناف شامل</a> ہیں۔ ان میں غزلیں، رباعیات، قصائد اور دیگر اشعار شامل ہیں۔

کتاب میں امام خمینی کے عرفانی افکار کو شعری انداز میں پیش کیا گیا ہے۔ ان کے کلام میں عشقِ الٰہی اور معرفت کے موضوعات نمایاں ہیں۔ نفس سے آزادی اور سلوکِ معنوی جیسے مضامین بھی ملتے ہیں۔

مآب لائبریری کے مطابق اس اردو ایڈیشن کے کل 370 صفحات ہیں۔ اس کے مترجم ابن علی واعظ ہیں۔ ناشر مؤسسہ تنظیم و نشر آثار امام خمینی امور بین الملل ہے۔ یہ ایڈیشن 1420 ہجری، مطابق 1999ء میں شائع ہوا۔
<h3>اس کتاب میں ہم کیا سیکھتے ہیں؟</h3>
اس کتاب سے ہمیں امام خمینی کے عرفانی افکار کو سمجھنے میں مدد ملتی ہے۔ ہم ان کے شعری ذوق سے بھی واقف ہوتے ہیں۔

کتاب ہمیں عشقِ الٰہی کی اہمیت سمجھاتی ہے۔ اس میں انسان کے روحانی سفر کی طرف بھی توجہ دلائی گئی ہے۔ معرفت اور خود شناسی کے موضوعات بھی سامنے آتے ہیں۔

امام خمینی نے اپنے احساسات کو شعری زبان میں بیان کیا ہے۔ ان کے اشعار میں روحانی کیفیت اور عرفانی مفاہیم نمایاں ہیں۔

منظوم اردو ترجمے کے ذریعے اردو داں قارئین امام خمینی کے فارسی شعری کلام سے استفادہ کر سکتے ہیں۔
<h3>اس کتاب کے مصنف کے بارے میں — امام خمینی</h3>
امام خمینی کا اصل نام <a href="https://islamic-sources.com/ur/categories/books">سید روح اللہ موسوی خمینی تھا۔ وہ ایک معروف عالمِ دین، فقیہ، عارف، مصنف اور شاعر</a> تھے۔ ان کی شخصیت کے علمی اور عرفانی پہلو بہت نمایاں تھے۔

امام خمینی نے فقہ، اصول، فلسفہ اور عرفان میں گہری علمی خدمات انجام دیں۔ ان کی تحریروں میں دینی اور عرفانی موضوعات کو خاص اہمیت حاصل ہے۔

شاعری بھی ان کی شخصیت کا اہم پہلو تھی۔ ان کے شعری کلام میں غزلیں، رباعیات، قصائد اور دیگر اصناف شامل ہیں۔ ان کی شاعری میں عرفانی مضامین نمایاں ہیں۔

دیوان امام امام خمینی کے شعری آثار کا معروف مجموعہ ہے۔ ان کے اشعار مختلف زبانوں میں بھی منتقل ہوئے ہیں۔
<h3>یہ کتاب کن افراد کے لیے مناسب ہے؟</h3>
یہ کتاب شاعری سے دلچسپی رکھنے والے افراد کے لیے مفید ہے۔ عرفان اور اسلامی ادب کے قارئین بھی اس سے فائدہ اٹھا سکتے ہیں۔

امام خمینی کے افکار کا مطالعہ کرنے والے افراد کے لیے یہ کتاب خاص اہمیت رکھتی ہے۔ فارسی شاعری اور اس کے اردو منظوم ترجمے میں دلچسپی رکھنے والے قارئین بھی اسے پسند کریں گے۔

طلبہ، اساتذہ اور محققین بھی اس کتاب سے استفادہ کر سکتے ہیں۔ خاص طور پر وہ افراد جو امام خمینی کے عرفانی اور شعری پہلو کو سمجھنا چاہتے ہیں، ان کے لیے یہ کتاب مناسب ہے۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

Votes

دیوان امام (منظوم ترجمہ )

<p style="direction: rtl;">علامہ سعید اختر رضوی تپشؔ کے قصائد اور غزلوں پر مشتمل زیر نظر کتاب "کلیات تپشؔ" ہے جس میں ۱۵قصیدے ۴۸غزلیں ۸نظمیں ۴سلام ونوحوں اور ۳۴قطعات و متفرقات ہیں۔</p>

کلیات تپشؔ

<p style="text-align: justify;">پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔</p>
<p style="text-align: justify;">کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔</p>

سوز

<p style="text-align: justify;">پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔</p>
<p style="text-align: justify;">کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔</p>

رثائی ادب میں ہندوؤں کا حصہ

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

ادبی قطعات

Books

Articles