مفسرقرآن شیخ محسن علی نجفی کی ساری زندگی دین مبین اسلام کی سربلندی اور مکتب اہلبیت کی ترویج میں گزری آپ متعدد کتابوں کے مولف ہیں اور آپ کی ان علمی خدمات کو تمام عالم اسلام کے علم دوست افراد انتہائی قدر کی نگاہ سے دیکھتے ہیں۔ بطور خاص آپ نے قرآن اور قرانیات پر خاص توجہ مرکوز رکھی قرآن کریم کا اردو زبان میں ایک شاہکار ترجمہ کر کے آپ نے اردو بولنے والے افراد پر ایک عظیم احسان کیا ہے۔ یہ بات روز روشن کی طرح آشکار ہے کہ ’’ترجمہ‘‘ انتہائی مشکل کام ہے اور بطور خاص علمی کتابوں کا ترجمہ تو عام افراد کے بس کی بات ہی نہیں ہے قرآن کریم جو اللہ کا کلام ہے ایک خاص اسلوب اور بلند و بالا مفاہیم پر مشمتل ایسی عظم کتاب ہے کہ جو آج ہی معجزہ خالدہ کے طور پر اپنی بلندی و رفعت پر قائم و دائم ہے۔
واضح رہے کہ قرآن کریم کا ترجمہ کرنا ہر کس و نا کس کے بس کی بات نہیں چونکہ اس کے لیے کسی علوم پر مہارت اور دسترس کا ہونا ضروری ہے ادبیات عرب سے مکمل آشنائی، عربی زبان پر تسلط، قلم میں روانی کے ساتھ ساتھ خداوند متعال کی عنایات خاصہ انسان کے شامل حال ہونی چاہیں تب جا کر انسان اس کام میں کامیابی سے ہمکنار ہو سکتا ہے۔ عام طور پر اردو زبان میں موجود ترجمے کئی مشکلات سے دو چار نظر آتے ہیں کہ کبھی تو مترجم کا ترجمے کے دوران ہدف اور مقصد یہ ہوتا ہے کہ اردو کی ادبی جہات کو مدنظر رکھے اور ساری توانائی اسی مقصد کے حصول پر ہی صرف کرنا اور اسکا نتیجہ یہ نکلتا ہے کہ غیر محسوس طور پر قرآن کے متن اور پیغام سے دور ہوجاتا ہے جبکہ ادبی جہات کی حفاظت کے ساتھ ساتھ متن قرآن اور پیغام قرآن سے جڑا رہنا انتہائی ضروری ہے چونکہ ترجمہ میں اصل مقصد یہی ہوتا ہے کہ خدا کے کلام کو کسی بھی کمی پیشی کے بغیر قاری تک منتقل کیا جائےاور کہیں اس مشکل کا ترجموں میں مشاہدہ کیا جاتا ہے کہ مترجم تحت اللفظی ترجمہ کرنا ہے کہ اس کے نتیجے میں قاری قرآن کے پیغام کو بھیجنے میں دشواری محسوس کرتا ہے۔
اس ترجمے کی خاص بات یہی ہے کہ ایک طرف سے تو ادبی جہات کو تاحد امکان مد نظر رکھا گیا ہے اور اس کے ساتھ ساتھ متن قرآن اور پیغام قرآن کو دقیق انداز میں منتقل کرنے کی پوری کوشش کی گئی ہے اور دوسری طرف سے قاری کو تحت اللفظی ترجمے کے شکنجے میں قید نہیں کیا گیا ہے اور یہ دونوں باتیں اس ترجمے کے حسن کو چار چاند لگاتے ہیں۔ اس ترجمے کی ایک خاص بات ہر صفحے کے حاشیہ پر تفسیر نکات کا ذکر کیا جاتا ہے ہر صفحہ پر ترجمے سے متعلقہ تفسیری مطالب کو خلاصہ کی صورت میں پیش کیا گیا ہے بہت ہی کم عرصے میں اس ترجمے کے متعدد ایڈیشن کا چھپنا اس بات کا واضح ثبوت ہے کہ یہ ترجمہ علمی و عوامی خلقوں میں یکساں مقبول ہونے کے ساتھ مختلف مکاتب فکر کے نزدیک انتہائی قابل اعتماد ہے۔
اہم خصوصیات:
٭ مزید تحقیق اور حواشی میں خاطر خواہ اضافہ، گویا مکمل تفسیر کا خلاصہ۔
٭ مختصر مگر جامع، علوم قرآن پر مبنی مقدمہ قرآن۔
٭ حواشی کی موضوعاتی فہرست۔
٭ طویل علمی و تحقیقی کاوشوں کاخلاصہ
٭ عام فہم اور سلیس انداز میں قرآنی تعلیمات کی تفہیم۔
٭ عصری تقاضوں کے مطابق نظریاتی، اعتقادی، قانونی، سماجی، سائنسی، تاریخی اور اقتصادی مسائل پر ماہرانہ گفتگو اور ائمہ اہل البیت علیہم السلام کے موقف کی وضاحت۔
٭ قرآنی تصریحات کے بارے میں نئی نسل کے ذہنوں میں موجود سوالوں اور مکتب اہل البیت علیہم السلام کے خلاف معاندانہ الزام تراشیوں کے تسلی بخش جوابات۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

بلاغ القرآن

ہمارے پاس اس ناشر کی جانب سے طبع کی گئی کچھ کتابیں موجود ہیں جنہیں آپ نیچے ملاحظہ فرما سکتے لیکن فی الحال ہمارے پاس اس ناشر کے بارے میں معلومات فراہم نہیں ہیں۔ اگر آپ کے پاس اس ناشر کے بارے میں معلومات ہیں تو براہ کرم اسے ہمارے ساتھ شیئر کریں تاکہ ہم اس کے بارے میں مزید تفصیلات یہاں درج کر سکیں۔ آپ کی توجہ کا شکریہ۔

دار القرآن- جامعۃ الکوثر اسلام آباد

دار القرآن- جامعۃ الکوثر اسلام آباد

Publisher Books

Contact info

Location