Kitabu kilichoko mikononi mwako ni tarjuma ya kitabu cha Kiingereza kiitwacho, Abu Huraira, kilichoandikwa na Sayyid Abdulhusain Sharafuddin al-Musawi.
Kitabu hiki kinazungumzia maisha na wasifu wa sahaba machachari wa Mtukufu Mtume SAW na jinsi alivyoitumia nafasi hii pamoja na fursa alizozipata. Mwandishi wa kitabu hiki amefanya utafiti wa kina juu ya maisha ya sahaba huyu kwa sababu moja kubwa aliyoisema, ambayo ni umaarufu wake katika wingi wa hadithi alizosimulia kutoka kwa Mtukufu Mtume SAW mbali ya kweli kwamba aliishi naye kwa muda mfupi sana ukilinganisha na masahaba wengine. Hii ndio sababu kubwa iliyomfanya mwandishi huyu afanye utafiti juu ya sahaba huyu ili kujua undani wake. Ni muhimu kumjua mtu kama huyu kwani aliyosimulia kutoka kwa Mtukufu Mtume SAWni mengi sana yakiwemo ya ukweli na kusingizia, na ya kuongoza na kupotosha. Tumekiona kitabu hiki ni chenye manufaa sana , hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu.

Kutokana na ukweli huo, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.Tunamshukuru ndugu yetu, Ramadhan S. K. Shemahimbo kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwa
kitabu hiki. Ni matumaini yetu kwamba kitabu hiki kitakuwa ni changamoto kubwa kwa wasomaji wetu.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

ABU HURAIRA

Kitabu kilichoko mikononi mwako ni tarjuma ya kitabu cha Kiarabu kiitwacho, Ahlu ‘l-Bayti Fi Tafasiri Ahli ‘s-Sunnah kilichoandikwa na Sheikh Nazri Hasan. Sisi tumekiita, Ahlul Bayt Ndani ya Tafsiri za Kisunni. Hii ni sehemu ya tatu inayochambua tafsiri za wanavyuoni wakubwa wa Kisunni – Ibn Kathir, Suyuti, Burusawi, Alusi na Qasimi.
Ahlul Bayt, yaani Watu wa Nyumba ya Mtume Muhammad SAW ni viongozi ambao Mtume alituusia tuwafuate. Katika hotuba yake ndefu na maarufu aliyoitoa pale Ghadir Khumm katika msafara wake wa kurejea kutoka Hija yake ya mwisho, Mtukufu Mtume SAW alisema haya mbele ya masahaba na mahujaji zaidi ya laki moja: “...Nakuachieni vitu viwili vizito: Qur’ani na Ahlul Bayt wangu. Viwili hivyo havitaachana mpaka vinifikie katika [hodhi ya] Kawthar. Nawausia juu ya Ahlul Bayt wangu!, Angalieni jinsi mtakavyojihusisha nao. Kama mkishikamana na viwili hivi hamtapotea kamwe...” (kwa maelezo zaidi soma kitabu cha al-Ghadir) Lakini bahati mbaya sana sio Waislamu wote wanaowafuata Ahlul Bayt AS pamoja na kwamba wanavyuoni wa madhehebu zote wameandika habari zao katika vitabu vyao na kuonesha kwamba hawa ni viongozi wa Umma huu wa Kiislamu. Mwandishi wa kitabu hiki anajaribu kuthibitisha hilo kwa kutoa rejea mbalimbali kutoka vitabu maarufu vya wanavyuoni wa Kisunni.

Ni muhimu kukubaliana na kuziheshimu tofauti za kila mmoja na kutambua msimamo na mtazamo wa kila mmoja. Matatizo huja pale mtu anapolazimisha tabia, imani na mila zake zitawale wengine au kuzifisha itikadi na misimamo ya wengine. Ni muhimu kufikiria kila aina ya maoni katika kujaribu kuamua ukweli. Uislamu kimsingi uko dhidi ya kufuata kibubusa. Wafuasi wa madhehebu nyingine wanaweza kuchambua uthibiti wa kitabu hiki ili kujenga maoni yao wenyewe kuhusu mtazamo mzuri wa mtu mwenyewe. Ni muhimu mtu kuelewa hoja za wale ambao hakubaliani nao. Inaweza ikasemwa kwamba wale ambao hawaelewi kabisa mtazamo wa maoni tofauti, hawaelewi kwa ukamilifu mtazamo wa kwao wenyewe.
Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huo, Taasisi yetu ya Al-Itrah Foundation imeamua kuchapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.
Tunamshukuru ndugu yetu, Hemedi Lubumba (Abu Batul) kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa
kwake. Ni matumaini yetu kwamba kitabu hiki kitakuwa ni changamoto kubwa kwa wasomaji wetu.

AHLUBAYT NDANI YA TAFSIRI ZA KISUNNI SEHEMU YAKWANZA

AHLUL BAYT NDANI YA TAFSIR ZA KISUNNI SEHEMU YA TATU

Tunamshukuru Allah (s.w.t) na baraka za Mtukufu Mtume (s.a.w.w) na Ahlul Bayt (a.s) kwa kutujaalia kuweza kufanikia juhudi zetu hizi katika kuchapisha kitabu hiki "Sahifatul Kamillah Al-Sajadia".
Kitabu kilochopo mikononi mwako ni tafsiri ya kitabu cha Kiarabu, kiitwacho "As-Sahifatul Kamillah Al-Sajadia" kilichoandikwa na Imamu wa Nne Al-Imam Zainul Abdeen (a.s). Ndani ya Kitabu hiki Imam (a.s) ameelezea Du'a mbali mbali.
Sababu iliyoifanya Mission yetu isimamie kazi hii ni kama zile za mwanzo, ambayo zinatokana na maombi ya Maulamaa wengi katika Afrika Mashariki kututaka tukifanyie tarjuma kitabu hiki kiingie kwenye lugha ya Kiswahili.
Tunamshukuru Shaikh Harun Pingili kwa kutukubalia ombi letu na kuifanya kazi hii kwa moyo mmoja, na vile vile Bilal Muslim Mission of Scandinavia kutukubalia kukichapisha kitabu hiki.
Tunamshukuru Mwenyezi Mungu tena kwani vitabu vyetu vya mwanzo vimependwa mno na wasomaji na hivyo kutupa ari ya kuchapisha hiki ulichonacho mkononi na kitakachofuatia Insha-Allah.
Mission inatoa shukurani zake za dhati kwa wale wote ambao kwa juhudi zao kitabu hiki kinawafikia wasomaji wetu mikononi na waliosaidia kwa njia moja au nyingine katika tarjuma na uchapishaji wa kitabu hiki. Tunamuomba Mwenyezi Mungu (s.w.t) awalipe malipo mema hapo Duniani na baadaye huko, Akhera.

AL-SAHIFATU AL-KAAMILATU AL-SAJJAADIYYATU

Kitabu hiki kilichoko mikononi mwako hivi sasa ni juhudi ya miaka mingi sana ya watu waliojitolea kuona
kazi hii imefanikiwa bila ya kumsahau Marhum Abu Muhammad wa London.
Kama lilivyo jina la Tafsiri ndivyo ilivyo Tafsiri yenyewe ambayo mwanachuoni huyu mahiri kabisa
aliyeifafanua ni mtu aliyebobea katika fani zote ambazo mfasiri (Mfafanuzi) anatakiwa awe nazo.
Sheikh Muhammad Jawad Mughniyya ameonesha cheche zake katika vitabu vingi alivyoviandika katika
maudhui mbalimbali na hivyo kujipatia wasomaji wengi sana.
Msomi huyu, mwenye fikra huru na anayetetea kile anachokiamini, ni mtu mwenye mawazo mapana na
kuyaangalia mambo kwa undani sana, kipaumbele chake ni katika maslahi ya umma huu na amejaribu
sana kwenda na wakati.
Sifa kubwa pekee ya mwanachuoni huyu ni kuwa yeye hakujihusisha sana na kung'ang'ania madhehebu
fulani tu, labda hii yatokana na wadhifa wake wa ukadhi aliokuwa nao katika nchi ya Lebanon ambayo
ina madhehebu mengi, ambapo sula la madhehebu ni nyeti nchini humo, hata hivyo yeye aliweza
kuamua matatizo ya watu kwenye ofisi yake kulingana na madhehebu yao pale walipomwendea. Hiyo
ilimsaidia sana hata kuweza kutoa kitabu kitwacho Al-Fiqh a'laa madhaahabil-khamsah (Fikhi ya
madhehebu matano) yaani ya Hanafi, Maaliki, Shafi, Hambali na Shia (ambacho twataraji kitatoka kwa
lugha ya kiswahili hivi karibuni Inshaallah).
Jambo lililotupa msukumo wa kukifasiri kitabu hiki kwa lugha ya Kiswahili ni zile faida nyingi
atakazozipata msomaji na kujua mambo mengi na ya ajabu yaliyo mapya kwake ambayo si rahisi
kuyapata kwa wafasiri wengine.
Msomaji atapata faida katika fani za Sayansi, Siasa, Historia, Mashairi, visa vizuri, na Saikolojia
miongoni mwa mengine; ndiyo maana msomaji atashangaa kidogo anapoisoma Tafsiri hii atakapoona
mwandishi amewataja na kuwanukuu watu kama kina Mfalme Edward, wanasayansi kama kina Enstein,
wasanii kama Charlie Champlin (Mchekeshaji maarufu), na wengineo, hali inayoifanya tafsiri hii kuwa ni
ya kipekee kabisa.
Mtindo alioutumia mwandishi ni sahali uliokusudiwa watu wa tabaka mbalimbali, wanavyuoni na watu wa
kawaida. Nia yetu ni kukigawanya kitabu hiki bure lakini tumelazimika kukiuza kwa bei nafuu ili
kurudisha gharama za uchapishaji. Mwisho: Shukrani kubwa iwaendee bila ya kuwataja watu waliojitolea
usiku na mchana, jopo la wafasiri, wahariri, wachapaji, waliotupa moyo na kutoa maoni yao na
walioisimamia ili kuhakikisha kwamba kitabu kimemfikia msomaji.

Al-Kashif-Juzuu Kumi Na Tatu

Al-Kashif-Juzuu ya Ishirini na Nne

Al-Kashif-Juzuu Ya Ishirini Na Tatu

Vijana

&nbsp;

HADITHI HII INA WAHUSU WANAZUONI WA AHLUBAITI RASUL AS PEKEE AMBAO NI MA'ASUMU
بحث "العلماء ورثة الانبياء"
Utafiti kuhusu hadithi ya Wanazuoni ni warithi wa Mitume".
قال سبحانه ((إنما يخشى الله من عباده العلماء))
Mwenyezi Mungu Mtukufu anasema: Hakika Wanaomuogopa Mwenyezi Mungu zaidi katika waja wake ni Wanazuoni.
فمن الواضح انه ليس كلما ذكرت الروايات كلمة ( العلماء ) فالمقصود بها عامة العلماء بل أكثر الروايات التي تتطرق إلى مدح العلماء وعلو منزلتهم وأنهم أفضل البشر بعد الأنبياء، فالمقصود من هكذا روايات هم علماء آل محمد وهم الأئمة المعصومين (ع) وهم الراسخون في العلم المذكورين في الاية (لَكِنِ الرَّاسِخُونَ فِي الْعِلْمِ مِنْهُمْ وَالْمُؤْمِنُونَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَالْمُقِيمِينَ الصَّلاةَ وَالْمُؤْتُونَ الزَّكَاةَ وَالْمُؤْمِنُونَ بِاللَّهِ وَالْيَوْمِ الْآخِرِ أُولَئِكَ سَنُؤْتِيهِمْ أَجْراً عَظِيماً) (النساء:162
Kwa uwazi kabisa siyo kila linapotajwa neno" "Wanazuoni" basi makusudio yake eti ni kwa Wanazuoni wote, (Hapana) Bali riwaya nyingi ambazo zinapelekea kuwasifu Wanazuoni na daraja lao la juu na hakika wao wanakuwa ni wabora wa viumbe baada ya Mitume, makusudio ya riwaya hizo ni Wanazuoni wa Kizazi cha Mtukufu Mtume Muhammad saww na hao ndiyo Maimamu watakatifu waliohifadhiwa as na wao ndiyo hasa wanaitwa waliozama katika elimu waliotajwa katika Qur-ani Tukufu:

Lakini waliozama katika elimu miongoni mwao na Walioamini yale yaliyoteremshwa kwako na yaliyoteremshwa kabla yako wenye kudumu na kuswali wenye kutoa zaka na wanaomuamini Mwenyezi Mungu na siku ya Kiyamah, hao tutawalipa malipo makubwa.4:162
ومن البديهي انه لا يعقل أن يكون فقيه غير معصوم قابل للخطأ والانحراف أفضل من نبي من أنبياء بني إسرائيل (ع) كنبي الله موسى (ع) أو نبي الله عيسى (ع) روح الله ، فمهما بلغ الإنسان من الكمال دون العصمة لا يفضل على الذي يمتلك
Kwa ujumla haiwezi kuingia akilini kuwa mwanazuoni asiyekuwa Ma'asumu anayefanya madhambi na kugeuza mambo ya haramu kuwa ya halali eti awe mbora zaidi ya Mtume miongoni mwa Mitume wa Bani Israel as kama vile Nabii wa Mwenyezi Mungu Musa as au Nabii wa Mwenyezi Mungu Isa as Roho ya Mwenyezi Mungu, vyovyote vile Mwanadamu atakavyoufikia ukamilifu hawezi kumzidi yule ambaye anaumiliki ubora huo (kutoka kwa Mwenyezi Mungu Mtukufu.
وعن الصادق (ع) ( إن علياً كان عالماً وإن العلم يتوارث و لن يهلك عالم إلا بقي من بعده من يعلم مثل علمه أوما شاء الله )) الكافي ج : 1 ص248.
Kutoka kwa Imamu Ja'afar Swadiq as anasema: Hakika Ally Bin Abi Twalib as alikuwa ni mwanazuoni (mkubwa) na Hakika elimu hurithiwa na katu hatoangamia mwanazuoni isipokuwa atakuwa amebaki baada yake anayejua mfano wake au kwa namna atakavyo Mwenyezi Mungu Mtukufu.
ومعنى الحديث إن الإمام علي (ع) هو وارث رسول الله وذريته من بعده هم العلماء يرث بعضهم الأخر (ع) حتى انتهت الوراثة إلى مولانا صاحب العصر والزمان الإمام الحجة بن الحسن (مكن الله له في الأرض) فهو وارث الأنبياء والمرسلين (ع) لا فلان ولا اشباهم كما يدعون.
&nbsp;

Maana ya hadithi hii ni kwamba: Hakika Imamu Ally as ndiye mrithi wa Mtukufu Mtume Muhammad saww, na kizazi chake kitukufu kilicho kuja baada yake wao ndiyo Wanazuoni waliorithi baadhi yao kuwarithi wengine hadi urithi huo ukakomea kwa Maulana Swahibu Zamani Imamu Hujja wa Mwenyezi Mungu Muhammad bin Hassani (Mwenyezi Mungu ampe umakini katika dunia) yeye ndiye mrithi wa Mitume Ambiyaa na Mitume mursalina as, siyo fulani wala mfano wao kama watu wengi wanavyodai.

&nbsp;
ومن كلام للإمام الرضا ع مع أحد أصحابه نأخذ منه مقدار الحاجة (( ... أفتدري من السفهاء؟ فقلت : لا يا ابن رسول الله . فقال: هم قصاص من مخالفينا و تدري من العلماء؟ فقلت :لا يا ابن رسول الله. قال: فقال: هم علماء آل محمد (ع) الذين فرض الله عز و جل طاعتهم و أوجب مودتهم))) ... )) معاني الأخبار ص 180)).
Na katika maneno ya Imamu Ally Ridhaa as akiwa pamoja na mmoja wa Maswahaba wake tuchukue maneno Sehemu tu kwa kadir ya mahitaji.

.....Swahaba wa Imamu Ridhaa anasema niliulizwa swali na Imamu Ally Ridhaa as akasema Je unawajua wapumbavu? Swahaba akasema nikasema: Hapana Ewe mtoto wa Mtukufu Mtume saww,. Imamu Ally Ridhaa as akasema: Ni wale wanaolipiza kisasi katika watu wanaotupinga. Imamu Ally Ridhaa as akasema:  Je unawajua Wanazuoni? Swahaba akasema nikasema: Hapana Ewe mtoto wa Mtukufu Mtume saww. Imamu Ally Ridhaa as akasema: Wanazuoni ni kizazi cha Mtukufu Mtume Muhammad saww ambao Mwenyezi Mungu Mtukufu amefaradhisha kuwatii wao na akawajibisha kuwapenda.

&nbsp;

REJEA:
<ol>
 	<li>Alkaafiy Jz 1 UK 248</li>
 	<li>Maanil Akhbari UK 180</li>
</ol>
Vilevile ukisoma vitabu hivi hapa chini utapata ufafanuzi zaidi ������������������
عن المحقق الخوئي في مصباح الفقاهة ج3 ص289 ،
Miswubahul Fiqaahat Jz 3 UK 289
وقال أيضاً في كتاب الصوم ج2 :
Kitabu saumu Jz 2

&nbsp;
وعن محمد سعيد الحكيم في كتابه مصباح المنهاج -التقليد-ص199
Kitabu Maswabihul Minhajit Taqlid UK 199

&nbsp;
وعن السيد أحمد الخونساري في كتابه منية الطالب ج2ص232 -
Kitabu Miswubahul Maniyat Twalib Jz 2 UK 232
الشيخ محمد حسين الأصفهاني في حاشيته على المكاسب ج2 ص385
Katika Hashiyatu Alal Makasibi Jz 2 UK 385

File

WANAZUONI NI WARITHI WA MITUME:"

Ali ibn Hussein bin Ali bin Abi Talib, anayejulikana kama Imamu Sajjad na Zaynul-Abidin (38-95 AH), Imamu wa nne wa Mashia. Uimamu wake ulidumu miaka 34. Imam Sajjad (AS) alikuwepo kwenye tukio la Karbala; Lakini kwa sababu ya ugonjwa, hakushiriki katika vita. Baada ya kuuawa shahidi Imam Hussein (AS), jeshi la Umar ibn Sa'd lilimpeleka Kufa na Sham pamoja na wafungwa wa Karbala. Khutba ya Imam Sajjad katika Mji wa Sham iliwafahamisha watu juu ya msimamo wa Ahlul-Bayt.

&nbsp;

Tukio la Hara, harakati ya Tawabin na Thaura ya Mukhtar vilifanyika wakati wa Imam Sajjad (AS). Mkusanyiko wa Dua za Imam Sajjad (AS) zimekusanywa katika kitabu cha Sahifa Sajjadih. Risatul-Huquq inayojumuisha haki 50 za Mungu na watumishi wake, watu na watawala, wazazi na watoto, majirani n.k ni moja wapo ya Athari zake.

&nbsp;

Kwa mujibu wa riwaya za Kishia, Imam Sajjad (AS) aliuawa kishahidi kwa sumu kwa amri ya Walid bin Abdul Mulk. Kaburi lake liko katika makaburi ya Baq’i karibu na makaburi ya Imam Hassan Mujtaba (AS), Imam Mohammad Baqir (AS) na Imam Jafar Swadiq(AS).

&nbsp;

Imam Sajjad (AS) alikuwa na fadhila nyingi. Kama vile ibada na kusaidia maskini . Imam pia alikuwa na cheo kikubwa miongoni mwa Masunni na walisifu elimu yake, ibada na uchamungu wake.

Laqabu zake

Laqabu zake ni Abu al-Hasan, Abu al-Hussein, Abu Muhammad, Abu Bakr, Abu Abdullah, Zayn al-Abidin, Sajjad, Zaki, na Dhul-Thafnat (mtu ambaye sijda yake inaonekana kwa sababu ya wingi wa sijda), ambayo inaonyesha maisha yake ya Zuhud/kujinyima raha huko Madina.

 

Kuzaliwa

Ali ibn Hussein alizaliwa Madina. Vyanzo vingi vinaeleza kuwa alizaliwa mwaka wa 38 Hijiria; Lakini vyanzo vingine pia vinataja miaka 33, 36, 37 na 50. Aliishi miaka miwili wakati wa Uimamu wa Ali, miaka 10 wakati wa Uimamu wa Hassan Ibn Ali (Imam wa pili wa Mashia) na miaka kumi na moja wakati wa Uimamu wa Ali. baba yake Hussein Ibn Ali. Inasemekana kwamba mama yake alikuwa Shahrbanoo, binti ya Yazgard, mfalme wa mwisho wa Sassani. Kwa mujibu wa baadhi ya riwaya, mama yake aliletwa Madina akiwa mfungwa wakati wa ukhalifa, na Umar alitaka kumuuza, lakini Ali alijitolea kumwomba amchague mume wake kipenzi kutoka miongoni mwa vijana wa Kiislamu na kutoa vifaa vyake kwenye hazina. Omar alikubali ombi hilo na Shahrbanoo akamchagua Hussein mtoto wa Ali.

&nbsp;

Ali bin Hussein Zainul-Abidin (a.s)

&nbsp;

Hussein Ibn Ali Ibn Abi Talib (AS) (4 AH-61 AH), ambaye pia anaitwa miongoni mwa Mashia wa Imam Hussein (AS), Aba Abdillah na Sayyid al-Shuhada, ni Imamu wa tatu wa Mashia ambaye aliuawa shahidi katika tukio la Ashura. Ni mtoto wa pili wa Imam Ali (AS) na Fatemeh Zahra (AS) na mjukuu wa Mtume Mohammad (AS). Baada ya kaka yake, Imam Hassan (AS) alikuwa na dhamana ya kuwaongoza Mashia kwa takriban miaka kumi na moja.

&nbsp;

Kwa mujibu wa riwaya za kihistoria za Shia na Sunni, Mtume wa Uislamu (SAW) alitangaza kuuawa kwake kishahidi wakati wa kuzaliwa kwake na akamchagulia jina la "Hussein". Mtume wa Mwenyezi Mungu (SAW) alimpenda sana Hasan (Imam Hassan na Imam Hussein) na akapendekeza kila mtu awapende. Imam Husein (AS) ni mmoja wa watu wa Kisaa na mmoja wa waliokuwepo katika tukio la Mubahala na ni mmoja wa familia ya Mtume ambaye imeteremshwa juu yake aya ya utakaso. Riwaya nyingi zimepokelewa kutoka kwa Mtume Muhammad (SAW) juu ya fadhila za Imam Hussein (AS); Miongoni mwa mambo mengine, "Hassan na Hussein ni mabwana wa vijana wa Peponi" na "Husein ndiye taa na jahazi la wokovu."

&nbsp;

Kuna ripoti chache kuhusu maisha ya Imam wa tatu wa Kishia katika miongo mitatu baada ya kifo cha Mtume (SAW). Alikuwa na baba yake wakati wa ukhalifa wa Imam Ali (AS) na alishiriki katika vita vya kipindi hicho. Wakati wa Uimamu wa Imam Hassan (AS), alikuwa mfuasi na msaidizi wake na alithibitisha jaribio la kufanya amani na Mu'awiyah. Baada ya kifo chake cha kishahidi, Mu’awiyah aliendelea kuwa mwaminifu kwa mapatano ya kaka yake muda wote alipokuwa hai, na katika kujibu barua kutoka kwa baadhi ya Mashia wa Kufa ambao walitangaza utayari wao wa kuukubali uongozi wake na kuwaasi Banii Umaiyya, aliwataka wasubiri. mpaka kifo cha Mu'awiyah.

&nbsp;

Kipindi cha Uimamu wa Hussein ibn Ali (AS) kiliambatana na utawala wa Mu'awiyah ibn Abi Sufyan. Kwa mujibu wa ripoti za kihistoria, Imam Hussein (AS) katika baadhi ya matukio amepinga vikali vitendo vya Mu'awiyah; Kwa mfano, baada ya kuuawa Hujr ibn Uday, alimwandikia barua ya karipio na katika suala la Uongozi wa Yazid baada ya Mu’awiyah, alikataa kukubali utii. Khutba ya Imam Hussein huko Mina pia inachukuliwa kuwa ni msimamo wa kisiasa dhidi ya Bani Umayya. Hata hivyo, imesimuliwa kwamba Mu’awiyah, kama makhalifa watatu, alimheshimu Husein ibn Ali (as) kwa sura.

&nbsp;

Baada ya kifo cha Mu’awiyah, Imam Husein (AS) hakuona kiapo cha Utii kwa Yazid kuwa ni halali, na kwa mujibu wa amri ya Yazid ni kumuua kama angekataa kuweka kiapo cha utii, aliondoka Madina kwenda Makka tarehe 28 Rajab 60 Hijiria. Wakati wa kukaa kwake kwa miezi minne huko Makka, alipokea barua nyingi kutoka kwa watu wa Kufa wakikubali utawala wake, na baada ya mjumbe wake, Muslim ibn Aqeel, kuthibitisha ukweli wa Barua za  watu wa Kufa, tarehe 8 Dhu al-Hijjah, kabla ya kujua Uvunjaji wa ahadi uliofuata wa watu wa Kufa na kifo cha kishahidi cha Muslim, alielekea Kufa.

&nbsp;

Wakati Ibn Ziad, liwali wa Kufa, alipojua kuhusu harakati za Husein kuelekea Kufa, alituma jeshi kwake, na baada ya askari wa Hurr ibn Yazid kuziba njia yake, hakuwa na la kufanya ila kubadili njia yake ya kuelekea Karbala. Katika siku ya Ashura, vita vilizuka kati ya Imam Hussein na masahaba zake pamoja na jeshi la Kufa chini ya uongozi wa Umar ibn Sa'd, ambavyo vilipelekea kuuawa shahidi Imam wa tatu wa Mashia na masahaba zake. Baada ya hapo, wanawake na watoto na Imam Sajjad (AS), ambaye alikuwa mgonjwa siku hizo, walichukuliwa mateka na kupelekwa Kufa na kisha Sham. Mwili wa Imam Hussein (AS) na masahaba zake ulizikwa huko Karbala tarehe 11 au 13 Muharram na baadhi ya watu wa kabila la Bani Assad.

&nbsp;

Kuna mitazamo tofauti kuhusu harakati ya Imam Hussein kutoka Madina kwenda Karbala. Kulingana na moja wapo ya maoni ni kwamba  alitaka kuunda serikali, lakini wengine wanaamini ilikuwa kuokoa maisha. Kuuawa shahidi Husein ibn Ali (AS) kumekuwa na taathira kubwa kwa Waislamu na Mashia katika kipindi chote cha historia na kumechochea mapambano na maasi. Wakiwafuata Maimamu wa Kishia, Mashia wanazingatia makhsusi katika kumuomboleza Hussein bin Ali, hususan katika mwezi wa Muharram na Safar.Ziyara ya Imam Husein pia inasisitizwa katika riwaya za maasumin na kaburi lake ni sehemu ya Ziyara ya  Mashia.

&nbsp;

Husein Ibn Ali (AS) pamoja na cheo chake miongoni mwa Mashia kama Imamu wa tatu na bwana wa mashahidi, pia anaenziwa na Masunni kwa wema ambao wamepokewa kuhusu yeye kutoka kwa Mtume (SAW) na pia kwa upinzani wake. dhidi ya Yazid.

&nbsp;

Mkusanyiko wa hotuba na kazi za Imam Hussein, katika mfumo wa hadithi, dua, barua, mashairi na khutba imeandikwa katika kitabu cha ensaiklopidia ya maneno ya Imam Hussein na kitabu cha Musnad cha Imam al-Shahid.

Imam Hussein (a.s)

Muhammad bin Hassan (a.j) (aliyezaliwa 255 AH), anayejulikana kwa vyeo kama vile Imam Mahdi, Imam al-Zaman na Hujjat ibn al-Hassan, ni Imamu wa kumi na mbili na wa mwisho wa Maimamu wa Kishia ambaye Uimamu wake ulianza baada ya kifo cha Imam Hassan. Askari (as) mwaka wa 260 Hijiria na utaendelea mpaka baada ya kudhihiri kwake katika zama za mwisho. Kwa mujibu wa Mashia, yeye ndiye Mahdi aliyeahidiwa ambaye atatokea baada ya muda mrefu wa kutokuwepo.

&nbsp;

Kwa mujibu wa vyanzo vya Shia, serikali ya Bani Abbas katika Uimamu wa Imam Hassan Askari (a.s) ilitaka kumtafuta mtoto wake wa kiume kama Mahdi na mrithi wa baba, na kwa hivyo kuzaliwa kwa Imam Zaman kulifanywa kuwa siri na  isipokuwa masahaba wachache maalum wa Imam wa 11 wa Kishia, hakuna ambaye alijua. Kwa ajili hiyo, baada ya kifo cha Imam Askari (AS), Mashia wengi walitilia shaka na kuibuka madhehebu katika jamii ya Shia na kundi la Mashia likamfuata Jafar Kadhab, ami yake Imam Zaman. Katika mazingira haya, maagizo ya Imam al-Zaman, ambayo kwa ujumla yalielekezwa kwa Mashia na kufikishwa kwa watu na manaibu maalum, yalipelekea kuanzishwa tena kwa Ushia; Kiasi kwamba katika karne ya nne Hijria, kati ya madhehebu yaliyokuwa yamefarakana kutoka kwa Mashia baada ya Imamu wa Kumi na Moja, ni Mashia wa madhehebu ya Maimamu Kumi na Wawili pekee waliobaki.

&nbsp;

Baada ya kifo cha baba yake, Imam al-Zaman alikuwa katika Ghaiba ndogo na wakati huu alikuwa akiwasiliana na Mashia kupitia manaibu maalum wanne. Kwa mwanzo wa Ghaiba kubwa 329 Hijria, uhusiano wa watu na Imam al-Zaman (a.j) kupitia manaibu maalum pia uliisha. Kwa mujibu wa Mashia, Mahdi (a.j) yu hai mpaka atokee pamoja na Isa (as). Wanachuoni wa Kishia wametoa maelezo kuhusu sababu na maelezo ya maisha marefu ya Imam al-Zaman.

&nbsp;

Kwa mujibu wa Mashia, Imamu wa Kumi na Mbili atatokea mwishoni mwa wakati na pamoja na masahaba wake watasimamisha serikali ya ulimwengu na kuijaza dunia iliyojaa dhulma kwa uadilifu. Katika riwaya za Kiislamu, nasaha za Waislamu za kumngoja Mwokozi zimesisitizwa sana na Mashia wanazichukulia riwaya hizi kuwa ni za kusubiri ujio wa Imam al-Zaman.

&nbsp;

Wafasiri wa Kishia, kwa kutegemea riwaya za maasum, wamezingatia baadhi ya aya za Qur'ani Tukufu kuwa zinamrejelea Imam wa Zama. Riwaya nyingi zimepokewa kuhusu Imam al-Zaman, maisha na Ghaiba yake, na utawala wake, na vitabu vingi vya hadithi vimeandikwa kwa lengo la kuelezea riwaya hizi. Mbali na vitabu vya Hadith, kazi nyingi zilizoandikwa na za uchambuzi zimeandikwa kuhusu Imam al-Zaman.

&nbsp;

Kulingana na vyanzo  vya Sunni, mtu anayeitwa Mahdi anahesabiwa kuwa mwokozi wa apocalypse na anahesabiwa kuwa ni kizazi cha Mtume (SAW), lakini wengi wao bado wanaamini kwamba atazaliwa katika zama za mwisho. Wakati huo huo, baadhi ya wanachuoni wa Kisunni, kama vile Sibt Ibn Jozi na Ibn Talha Shafi'i, kama Mashia, wanaamini kwamba Mahdi Aliyeahidiwa ni mtoto wa Imam Hassan Askari.

&nbsp;

Dua na dhikr nyingi zimesimuliwa kuwasiliana na Imam wa Zama wakati wa Ghaiba; Kama vile dua ya ahadi, dua ya Nudbah, ziyara ya Al-Ayasin na sala ya Imam al-Zaman. Kwa mujibu wa baadhi ya hadithi, kukutana na Imam wa Zama katika wakati wa Ghaiba pia kunawezekana, na baadhi ya wanachuoni wa Kishia wametaja hadithi katika vitabu vyao kuhusu baadhi ya watu kukutana naye. Maeneo mengi katika sehemu mbalimbali yanahusishwa na Imam wa zama, Ikiwa ni pamoja na Samarra, Msikiti wa Sahalah huko Kufa na Msikiti wa Jamkaran huko Qom.

Imam Mahdi (a.j)

Matukio ya Kiislamu

Safina ya msafara wa mwisho wa mwanadamu inakaribia mwisho wake katika dimbwi la hatari ya imani
potofu ya kuamini dunia hii tu bila ya kujali Aakhera. Uroho huu umeongezeka katika udanganyifu wetu
wa kisayansi kiasi kwamba mwanadamu anataka kuiendesha sayari ya Venus, Mwezi na Jua. Uroho
huu umemfanya kiasi cha kuweza kusahau matatizo ya dunia yetu hii.
Mashabiki wa utamaduni wameudhalilisha ubinadamu kufikia tabaka la chini kabisa la aibu kiasi kwamba
hata kilio cha Baba Adam a.s. pia kitakuwa kimelowana kwa jasho la udhalilisho.
Kidhahiri, dunia hii imejaa mwangaza lakini kiza cha ujahiliya kinaenea mbali na kwa mapana. Kizazi
cha Shetani kimekwisha tayarisha mipango kamambe ya kulipiza kisasi chake cha kudharauliwa na
kizazi cha Mtume Adam a.s. Hali mbaya na machafuko ya matendo ya aina yote ya madhambi ndivyo
vilivyosababisha kufungwa milango ya mwanadamu ya kuwa huru. Kivuli cha kiza kikubwa cha misiba
ndiyo mambo yanayotia uchungu wa moyo juu ya ubinadamu.
“Lakini, mwale wa nuru moja tu wa matumaini katika janga hili la kutokuwa na matumaini ni ile nuru ya
nafsi yako (Imam MahdiError: Reference source not found a.s. ) ambayo ipo inang'ara mbali na pazia
isiyoonekana. Tunakuomba Ewe Imam Mahdi a.s. ! Udhihiri haraka iwezekanavyo na kwamba ufupishe
hayo masaa ya subira yetu kwa ajili yako ingawaje kamwe hatuwezi kupoteza subira zetu kwa ajili yako.
”
“Tuombee, udhihirishe yale yaliyo batini na uifanye nuru yako ing'arishe ulimwengu mzima. Dhihirisha
maneno ya Allah swt kuwa "Allah swt ataikamilisha nuru yake hata kama makafiri watachukia".
Udhahiri wako ndio dalili ya kuja kwa Siku ya Qayama lakini kutokuwapo kwako pia ni yenye maumivu
kama Siku ya Mwisho. Wanaadamu tunaoathirika tunakuhitaji mno na mimi ninayo imani kamili ya kuja
kwako na mwelekeo mwema katika kudhihiri na njia moja ya kukukaribisha, kwa kunyenyekea ninakitoa
kitabu hiki "Qayamat-i-Sughra" mbele yako na natumaini kuwa utanikubalia mimi kama mtumwa wako
na hakika hii itakuwa ndiyo uokovu wangu”.

dalili_za_qiyama_na_ubashiri_wa_kudhihiri_imam_mahdi_(a.s)

Kitabu kilichoko mikononi mwako ni tarjuma ya kitabu cha dua (Kiarabu/Kingereza) kwa jina la A Manual of Ramadhan Devotion.
Sisi tumekiita, Du’a za Mwezi wa Ramadhani. Kitabu hiki ni mkusanyiko wa dua maarufu zinazosomwa katika
mwezi mtukufu wa Ramadhani. Jambo bora kabisa ambalo muumini anaweza kuomba wakati wa mwezi huu ni maghfira na msamaha kutokana na dhambi zake zilizopita. Nyingi ya dua maalumu kwa mwezi wa Ramadhani ni
za kuomba msamaha wa mzigo mkubwa wa dhambi ambao mtu ameubeba.

Ramadhani ni nafasi nzuri sana aliyopewa yeye kufanya madhambi yake yafutwe na kujipatia cheo cha juu mbele ya macho ya Mwenyezi Mungu. Kutokana na umuhimu wa dua hizi, tumeamua kukichapisha kitabu hiki kwa lugha ya Kiswahili, kwa lengo letu lile lile lakuwahudumia ndugu zetu Waislamu wazungumzaji wa Kiswahili.
Tunamshukuru ndugu yetu Ustadh Al Haji Hemedi Lubumba Selemani na Al Haji Ramadhani S. K. Shemahimbo, kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki katika kusahihisha na kukipitia hadi kufanikisha kuchapishwa kwake. Ni matumaini yetu kwamba kitabu hiki kitakuwa
ni chenye manufaa kwa wasomaji wetu na kuzidisha upeo wao wa ibada na elimu katika dini.

Dua Iftitah

Kitabu kilichoko mikononi mwako ni tarjuma ya kitabu cha Kiarabu kiitwacho Adabu ‘l-Haramain kilichoandikwa
na Sayyid Jawad al-Husaini Aali Ali ash-Shahrudi. Sisi tumekiita, Amali za Madina.
Kitabu hiki kinaelezea mambo ya kuzingatiwa kuanzia wakati mtu anapoanza safari kwa ajili ya kufanya ziara (ziyara) katika mji mtukufu wa Madina (yaani Adabu zaZiara).
Kila safari ina taratibu zake na madhumuni yake. Kwa hiyo, msafiri hutakiwa kuzingatia utaratibu wa safari hiyo
ili kufanikisha madhumuni yake. Safari ya Ziara ina utaratibu na kanuni zake zilizowekwa kisheria, hivyo, mtu
anapokwenda mji wowote mtukufu kwa ajili ya Ziara lazima ayazingatie hayo ili afanikishe madhumuni ya safari
yake hiyo muhimu.
Katika kitabu hiki mwandishi ameelezea kwa lugha fasaha hatua kwa hatua kuanzia mtu kuondoka kwenda kufanya
ziara katika mji mtukufu wa Madina mpaka anapomaliza ziara yake na kurudi nyumbani. Mwandishi ameshughulikia kwa kina adabu na amali za kufanya kwa mwenye kufanya ziara Madina tukufu. Hata hivyo, ni
matarajio yetu kwamba ataendelea kutufahamisha kuhusu adabu na amali za kufanya katika miji mingine mitukufu
insha’Allah.

AMALI-ZA-MADINA

Minasaba za Kislamu

Kama utakavyosoma katika utangulizi, kitabu hiki kilianzishwa kama kijitabu cha Kiswahili; kisha kilitafsiriwa katika lugha ya Kiingereza na kuongezewa mambo mengi na kuchapishwa na Misheni yetu. Kisha mambo mengine machache yaliongezewa hapa na pale na hilo toleo jipya lilichapishwa na “A Group of Muslim Brothers”, Tehran, Iran, kwa ajili ya kutolewa bure Ulimwenguni.
Waislamu wa Afrika ya Mashariki walihitaji sana tukitoe kitabu hiki kwa lugha ya Kiswahili. Hivyo basi, kwa kulikubali agizo lao hilo muhimu, tunaitoa tafsiri hii; na tunamuomba Mwenyezi Mungu kuwa kitabu hiki kiwe chenye faida kubwa kwa Waislamu wote katika sehemu hii ya Afrika, Amin!

Muhammad (s.a.w.w.) ni Nabii wa Mwisho

Kitabu ulichonacho mikononi mwako asili yake kimeandikwa kwa Kiingereza na jopo la maulamaa wa Misri kwa jina la Child Care in Islam. Sisi tumekiita: Malezi ya Watoto katika Uislamu.
Kama inavyofahamika kwamba; Uislamu ni dini na ni mfumo wa maisha, basi mafundisho yake hayakuacha kitu kinachohusiana na maisha ya mwanadamu - kuanzia tumboni mwa mama yake, kuzaliwa kwake, kunyonya na kulikizwa kwake, kufunzwa mambo ya kimsingi na mama yake, mpaka kufikia kimo cha kwenda shuleni. Haya yameelezwa kwa utaratibu mzuri sana kutoka kwenye vyanzo viwili vikubwa vya sheria ya Kiislamu - Qur'ani na Sunna.
Kwa mujibu wa Uislamu kipindi cha mafunzo ya watoto huanza wakati mwanaume na mwanamke wanapoingia katika ushirika wa ndoa, kama wazazi wa baadaye, ni lazima wajihisi kwamba wana wajibu wa kuwalea watoto wao. Hii ni kwa sababu kwa mujibu wa kanuni za kurithi (tabia), mwenendo wote wa tabia nzuri na mbaya wa wazazi hurithiwa na watoto wa wazazi hao. Hivyo, mzazi akiwa na tabia nzuri atawarithisha watoto wake tabia hiyo, na ni kwa sababu hii mafunzo ya watoto huanzia punde tu wakati mume na mke wanapoingia katika ndoa. Ili kufanikisha somo la kitabu hiki, jopo hilo la maulamaa limerejea sana kwenye vyanzo hivyo viwili - Qur'ani na Sunna. Watoto ni taifa la kesho, na ili kuwa na taifa zuri lenye maadili mema, lazima kuwalea watoto katika mazingira mazuri ya kimaadili; na ni mafunzo ya Kiislamu tu, kama yatafundishwa vizuri na kuzingatiwa basi Umma utaondokana na matatizo mengi ya kijamii kama inavyoonekana hivi sasa.
Tumekiona kitabu hiki ni chenye manufaa sana, hususan katika wakati huu ambapo jamii inazidi kudidimia katika maovu kutokana na kumomonyoka kwa maadili mema. Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yaleyale ya kuwahudumia Waislamu, hususan wazungumzaji wa Kiswahili. Tunamshukuru ndugu yetu A. Mohamed kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha uchapishaji kitabu hiki.

Translated Fields

Rate

Votes

malezi ya watoto katika uislamu

Kitabu hiki kinatoa ufafanuzi wa hadithi maarufu ya Mtume Mtukufu Muhammad (s.a.w.w.) ambaye amesema, “Yeyote atakayekufa pasi kumtambua Imamu wake atakufa mauti ya mpagani.”
Kila Mwislamu mwenye kuamini kauli ya Bwana Mtume (s.a.w.w.) hana budi kufanya kila juhudi ya kumtambua Imamu wake wa wakati huu maana dunia hii haiwezi kubaki hata sekunde moja bila ya Hujjah ya Mwenyezi Mungu (s.w.t.) kuwapo.

Ama kwa hakika, kuwa na imani katika Imamu ni mzizi mmojawapo wa bDini, maana kazi ya kuiongoza na kuihifadhi dini ni wajibu wa Imamu baada ya kuondoka duniani Bwana Mtume (s.a.w.w.).

Imame Zaman Hazrat Mahdi a s

Kitabu ulichonacho mikononi mwako asili yake ni cha lugha ya Kiarabu kwa jina la, al-Imamu ‘l-Hasan wa ‘l-Bana’a ‘l-Ijtima’iy kilichoandikwa na Sheikh Hasan Musa as-Saffar. Sisi tumekiita, Imam Hasan na Mfumo wa Kujenga Jamii. Imam Hasan (a.s.) ni mjukuu wa Mtume Muhammad (s.a.w.w.) kutokana na binti yake mpenzi, Fatima Zahra (a.s.) na baba yake Imam Ali bin Abu Talib (a.s.). Imam Hasan (a.s.) ni Imamu wa pili katika Maimamu wa Ahul Bayt (a.s.). Ni ukweli ulio dhahiri kwamba Maimamu hawa wanaotokana na Nyumba ya Mtukufu Mtume (s.a.w.w.) ni wateule wa Mungu, na maisha yao ni mfano wa kuigwa katika jamii ya wakati ule na wakati
huu na wakati ujao.

Katika kitabu hiki tutaona jinsi Imam Hasan (a.s.) alivyoishi na jamii iliyomzunguka kwa upole, unyenyekevu na huruma, na jinsi alivyokuwa akiwahudumia wagonjwa na watu wenye shida mbalimbali bila ubaguzi wowote au kujali kama ni maadui au wafuasi wake. Tumekiona kitabu hiki ni chenye manufaa sana, hususan wakati
huu wa maendeleo makubwa ya elimu katika nyanja zote ambapo uwongo, ngano za kale na upotoshaji wa historia ni vitu ambavyo havina nafasi tena katika akili za watu. Kutoka na ukweli huu, taasisi yetu ya Al-Itrah imeamua kukichapishakitabu hiki kwa lugha ya Kiswahili kwa madhumini yake

Imam Hassan Mfumo wa Kejenga Jamii

Sifa zote njema anastahiki Allah (s.w.t.) aliyeumba ulimwengu na kusimamisha mbingu bila nguzo, kwa hakika yeye husikiliza dua zetu tuanazosoma na husikiliza hata tukimtaja kwa siri. Yeye ndiye anayetangua mateso, misiba, kuondosha kiza, kutakasa mioyo yetu. Kwa kupitia rehema, hujalia matumaini kwa wale waliokata tamaa.
Yeye hudhihirisha ukarimu wake ambao hauna mfano na kuwajalia riziki binadamu kupita kiwango kinachohitajika.
Salam ziwe kwa mitume yake yote aliyotutumia pamoja na maimamu wa haki aliowatakasa na khasa kwa mpenzi wake Muhammad Al-Mustafa (s.a.w.) ambaye ni lakiri wa mitume. Hakika ni neema kubwa mno ya Allah (s.w.t.) licha ya kutufundisha namna ya kumomba yeye lakini vile vile hata namna ya kuzungumza na yeye kupitia dua.

Kupitia hizo dua mtu hugundua kuna ruwaza ya ukarimu na wema. Ikiwa binadamu atatengana na silisili (pattern) zilizo pandikizwa na waovu, basi kwa hakika binadamu amejaliwa uwezo kujiokoa nafsi yake kutokana na khofu inayomkabili katika maisha yake ya kila siku, hiyo itaweza kumgeuza binadamu kuwa kiumbe mtiifu na mwabudu wa Allah (s.w.t.) tu ambalo ndio lengo la kuumbwa kwake.
Hizi Hadith Al-Qudsi ni tarjuma ya kitabu Al-hadith al-qudsi kilichotarjumiwa na ndugu N. M. Walji wa Nairobi chini ya uangalizi wa Seyyid Murtadha M. Murtadha.

Hadithi Qudsi

Mbalimbali

Kitabu kilichoko mikononi mwako ni tarjuma ya kitabu cha Kiingereza kiitwacho, Peshawar Nights. Asili
ya kitabu hiki ni cha lugha ya Kifarsi kwa jina la, Shab’ha-ye Peshawar. Sisi tumekiita, Mikesha ya
Peshawar.
Mikesha ya Peshawar ni nakala ya mjadala kati ya wanavyuoni mbalimbali wa Kisunni na mwanachuoni
mmoja wa Kishia mzaliwa wa Shiraz (Iran) aitwaye Sayyid Abdu ‘l-Fani Muhammad al-Musawi Sultanu
‘l-Wa’idhiin, ambaye wakati huo alikuwa na umri wa miaka 31 tu. Mjadala huu ulifanyika katika mji wa
Peshawar ambao wakati huo ilikuwa ni sehemu ya Bara Hindi na hivi sasa ni sehemu ya Pakistan.
Ulifanyika kuanzia tarehe 27 Januari 1927 na kuundelea kwa mikesha kumi ndani ya msikiti ambako
watu zaidi 200 walihudhuria kila usiku. Mjadala huu ulifanywa kwa muundo mzuri wa kuheshimiana
pande zote bila ya kuvunjiana heshima. Mwandishi mwenyewe amejiita katika kitabu hiki kama “Da’i”
yaani mtu anayewaombea mema watu wengine, sisi tumelitafsiri neno hilo kama “Muombezi”.
Masharti ya mjadala yalikuwa kwamba ni vianzo vile tu vinavyokubaliwa na madhehebu zote ndivyo
vitakavyorejelewa. Mjadala huu uliandikwa na kuripotiwa na waandishi wanne katika magazeti ya kila
siku, na baadaye ukachapishwa kama kitabu huko Tehran, Iran.
Huu ulikuwa ni mjadala uliopangwa vizuri, wa kielimu na utumiaji wa vipawa vya akili ambapo kila hoja
iliyotolewa ilitumika elimu na akili kuiwasilisha mpaka pande zote zikaridhika.
Katika kuwasilisha hoja zake, mwanachuoni huyu mkubwa wa Kishia alitumia rejea za vitabu vingi
maarufu vya Kisunni na ambavyo si maarufu sana lakini vyenye kuaminika. Rejea na vitabu hivyo
vimeorodheshwa kwa wingi sana ndani ya kitabu hiki ili msomaji aweze kuvirejelea. Lakini kwa bahati
mbaya sana, mengi ya matoleo mapya ya vitabu hivyo yamefanyiwa mabadiliko na baadhi ya sehemu
kuondolewa, hususan zile zinazounga mkono madai ya Shia. Ufuatao hapa chini ni mfano mdogo tu wa
yanayofanywa katika vitabu hivyo:
Katika ukurasa wa 301 wa juzuu ya 3 ya Tafsir al-Kashshaaf iliyokusanywa chini ya maelekezo ya
Sheikh Mustafa al-Halabi (toleo la pili, 1319 A.H. liliochapishwa na Main Government Printing House ya
Amiriah Bulaq ya Misir), kuna beti zinazojitokeza ambazo kwazo Jarullah Zamakhshari, mfasiri wa al-
Kashshaaf, alitangaza wazi imani yake katika uhalali wa Ushia. Lakini katika chapisho la 1373 A.H.
lililochapishwa na Printing House Istiqamah bi’l-Qahara, shairi lililotajwa halionekani tena.
Marehemu Allamah Sayyid S. Akhtar Rizvi katika kitabu chake Uimamu uk. 37, anaandika kushangazwa
kwake kutokana na maneno yaliyoondolewa katika kitabu cha at-Tarikh cha at-Tabari, chapa ya Leiden
(ya mwaka 1879 Masihia) ambayo imeyanakili maneno ya Mtukufu Mtume (s.a.w.) aliyoyatumia wakati
wa karamu maarufu ya ndugu wa karibu aliyoitayarisha mwenyewe.

mikesha_ya_peshwaar

Tunamshukuru Allãh (s.w.t.), na kwa baraka za Mtukufu Mtume
(s.a.w.w.) na Ahlul~Bayt (a.s.), kwa kutujaalia tuweze kufanikisha juhudi
zetu hizi katika kuchapish kitabu hiki juu ya sheria za ki-Islamu.
Kitabu hiki kilochopo mikononi mwako ni tafsiri ya kitabu cha kiingreza
kiitwacho In Defense of Islamic Lawskilicho andikwa na marehemu
Allamah Sayyid Saeed Akhtar Rizvi, Muasisi na Mhubiri Mkuu wa
Mission hii. Kitabu hiki kimekua maarufu katika ulimwengu wa
ki-Islamu. Watu wengi kutoka Africa ya Mashriki wametuomba
kukitafasiri katika lugha ya kiswahili.
Tunamshukuru Dr. Mohammad Salehe Kanju kuitafsiri kitabu hiki
katika lugha ya kiswahili.
Kwa manufa ya wasomaji wetu tumeongeza makala juu ya Mahakama
ya Kadhi ambae ilityariswa na Mwandidhi bada ya kitabu asili ya
kiingreza kuchapiswa.
Mission inatoa shukurani zake za dhati kwa Bwana Mahmood
Khimji ambae kwa juhudi zake kitabu hiki kinawafikia wasomaji wetu
mikononi na Sayyid Murtaza Rizvi kuipanga vizuri katika kompyuta
na wale wote wanaotuunga mkono kwa njia moja au nyingine kwa
kufanikisha kuchapiswa kitabu hiki, Tunamuomba Mwenyezi Mungu
(s.w.t.) awalipe malipo mema hapo Duniani na baaday huko.

UTETEZI WA SHERIA  ZA KIISLAMU

BISMILLAAHIR RAHMAANIR-RAHEEM
Kwa jinsi kitabu hiki kina maelezo na mafundisho ya maana juu ya kufunga na maamrisho yake, hata inambidi kila Mwislamu na asiye Mwislamu kuwa na kitabu hiki, na kukisoma, na hasa wale wanaotaka kujua Uislam.
Namshukuru Mwenyezi Mungu kwa kunipa taufiki ya kukitunga kitabu hiki ili wapate faida watu, na namwomba Mola kwa utukufu wa Muhammad na Ahlu Baiti wake (a.s.) na kwa baraka ya siku ya leo tukufu ya kuzaliwa Imam wetu Ameerul-Mumineen Ali (a.s.) mwezi kumi na tatu ya Rajab 1387 al-Hijra, anikubalie kwa takabali njema na aniwekee akiba yangu siku ya Qiyama. Na naomba kwa Mola atupe taufiki mimi na Waislamu wote kuyafuata yaliyomo humu.

Vile vile napenda kumshukuru sana Maulana Sayyid Saeed Akhtar Rizvi kwa kuchukua taabu ya kuipanga kwa uzuri milango na maelezo ya kitabu hiki.

kitabu cha saumu

Kitabu kilichoko mikononi mwako ambacho ndani yake Sala (swala) imeelezwa pamoja na vielelezo vya picha, tumekiita: Sala ni Nguzo ya Dini.
Sala ni nguzo kubwa ya dini. Mtukufu Mtume (s.a.w.) amesema: "Sala ni nguzo ya dini, mwenye kuivunja ameivunja dini, na mwenye kuisimamisha ameisimamisha dini." Mtukufu Mtume ameongeza: "Kila kitu kina uso, na uso wa Uislamu ni Sala. Mwenye kuacha kusali ameuchafua uso wa dini." Imam Muhammad Baqir (a.s.) amemnukuu
Mtukufu Mtume (s.a.w.) akisema: "Kitu cha kwanza atakachohesabiwa muumini (Siku ya Kiyama) ni Sala. Ikikubaliwa yatakubaliwa matendo mengine, na ikikataliwa yatakataliwa matendo mengine pia."
Kwa ufupi, kuna hadithi nyingi sana kutoka kwa Mtukufu Mtume (s.a.w.) na Maimamu (a.s.) kuhusu umuhimu wa Sala kiasi kwamba katika hadithi moja, Mtukufu Mtume (s.a.w.) amesema kwamba kitu chenye kutofautisha baina ya Uislamu na ukafiri ni sala. Wakati huu tulionao una mitihani mingi sana, vijana wa Kiislamu na wazee pia
wamejitumbukiza katika vitendo viovu na vichafu kiasi kwamba mtu hawezi kumtofautisha na mnyama, na pengine hata mnyama ni afadhali. Ili kuishinda mitihani hii na maovu haya, dawa yake ni kushikamana na sala. Allah 'Azza wa Jalla anasema katika Qur'ani Tukufu:
"… Hakika Sala huzuia mambo machafu na maovu, na kwa hakika kumbuko la Allah ni (jambo) kubwa kabisa, na Allah anajua mnayoyatenda." (29:45)

Tumekiona kitabu hiki ni chenye manufaa sana, hususan katika wakati huu ambapo jamii inazidi kudidimia katika maovu kutokana na kumomonyoka kwa maadili mema. Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yaleyale ya kuwahudumia Waislamu, hususan wazungumzaji wa Kiswahili.
Tunamshukuru mwandishi wa kitabu hiki, Mustafa Ranjbar Shirazi, na ndugu yetu Ibrahim Khamisi kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha uchapishaji wa kitabu hiki.

Swala ni Nguzo ya Dini

Kitabu kilichoko mikononi mwako ni tarjuma ya kitabu cha Kiingereza
kiitwacho From Marriage to Parenthood. Sisi tumekiita, Kuanzia Ndoa
Hadi Kuwa Wazazi.
Kitabu hiki kinazungumzia masuala yote yanayohusu wanandoa: kuanzia
kufunga kwao ndoa - waishi vipi, mpaka watakapopata watoto - wawalee
vipi - kwa mujibu wa mafundisho ya Kiislamu. Kama ambavyo inafahamika
kwamba Uislamu ni dini na ni mfumo wa maisha, basi kwa hakika
haukuacha hata kitu kimoja kinachohusu maisha ya mwanadamu,
pamoja na kumhudumia kiroho.
Ndoa ni taasisi ambayo iliasisiwa na Allah ‘Azza wa Jallah Mwenyewe
pale alipowaunganisha baba yetu Adam na mama yetu Hawa kuishi pamoja
kama mume na mke.
Kwa hiyo, Uislamu kama dini na mfumo wa maisha, umeweka kanuni,
sheria na hukumu za kufuatwa ndani ya taasisi hii tukufu (ya ndoa).
Waandishi wa kitabu hiki wamefanya juhudi kubwa ya kukusanya
mafundisho yote muhimu yenye kuhusu taasisi hii kutoka katika vyanzo
vikubwa na chimbuko la sheria na mafundisho ya Uislamu, ambavyo ni
Qur’ani na Sunna
Tumekiona kitabu hiki ni chenye manufaa sana, hususan wakati huu wa
maendeleo makubwa ya elimu katika nyanja zote. Kutokana na ukweli
huo, Taasisi yetu ya Al-Itrah Foundation imeamua kukichapisha kitabu hiki
kwa lugha ya Kiswahili, kwa madhumuni yake yaleyale ya kuwahudumia
Waislamu, hususan wazungumzaji wa Kiswahili.

Tunamshukuru ndugu yetu, Ramadhani Kanju Shemahimbo kwa kukubali
kukitarjumi kitabu hiki. Vilevile tunawashukuru wale wote walioshiriki
kwa njia moja au nyingine hadi kufanikisha kuchapishwa kwake.

KUANZIA NDOA HADI KUWAWAZAZI

Kijitabu kilichoko mikononi mwako ni tarjuma ya Kiswahihi kutoka
Kiingereza.
Ni tafsiri pana ya khutba iliyotolewa na mmoja wa wanachuoni
wetu mashuhuri wa Kiislamu Sayyid Muhammad Rizvi, katika
Bunge la Canada, Ottowa tarehe 20 Septemba, 2006 katika lugha
ya Kiingereza.
Tarjuma yake inatolewa hapa kwa faida ya ndugu zetu
wazungamzaji wa Kiswhili wa Afrika ya Mashariki na pengine
popote.
Amani na Jihadi ni mada ambayo imetumiwa nje ya muktadha
wa Kiislamu dhidi ya Uislamu na vyombo vya habari visivyo amini
(Uislamu) vya mlengo wa kulia, wanasiasa na pia wanahistoria.
Sayyid Muhammad Rizvi kwa ufupi anaelezea hapa kuhusu amani
na Jihadi kama ilivyo katika Uislamu.
Kwa hakika wasomaji wasio na upendeleo watafaidika kutokana
na toleo hili.
Tunawashukuru wale wote ambao kwa njia moja au nyingine
wamechangia katika utoaji wa tarjuma hii ya Kiswahili ambayo
inawasilishwa hapa.

AMANI NA JIHADI KATIKA UISLAM

Kitabu hiki kilichoko mikononi mwako ni tarjuma ya kitabu cha Kiarabu
kiitwacho, Fiqhu ‘l-Fatayaat kilichoandikwa na Mustafa Ranjbar wa
Kitengo cha Utamaduni cha Jamhuri ya Kiislamu ya Iran .
Kitabu hiki chenye manufaa sana kinahudumia mahitaji ya wajibu wa dini
ya Kiislamu ya mwanamke kuhusiana na vipindi vyake vya kila mwezi.
Baadhi ya mas’ala na hukumu za kuhudumia maiti ni makala muhimu zilizoongezwa
kwenye kitabu hiki.
Sharia na kanuni zilizowekwa na Uislamu kwa ajili ya namna ya maisha ya
usafi iliyodhibitiwa ni wajibu kwa kila Mwislamu kujifunza na kuzipandikiza
ndani ya nafsi yake. Hili ni dhahiri kabisa kwamba litamwezesha
yeye kudumu ndani ya mipaka ya mahitaji ya kisharia yaliyowekwa.
Shukrani zetu nyingi zimwendee ndugu yetu Ukhti Maysara Ali kwa kazi
yake ya kutarjumi kitabu hiki. Vilevile shukrani zetu kwa wale wote
waliochangia kwa njia moja au nyingine kwenye kufanikisha kukamilika
kwa kazi hii tukufu.

Islamic sources

Vijana

Matukio ya Kiislamu

Minasaba za Kislamu

Mbalimbali

Shia

Mafunzo ya malezi