Common title

View

تھی وفا بےنام ورنہ تو وفا کا نام ہے

چار شعبان المعظم کی وہ شام کس قدر حسین و دلنواز شام تھی جب حضرت علی ابن ابی طالب کےکاشانۂ نور سے قمر بنی ہاشم کے طلوع کی خبر پھیلتے ہی مدینۂ منورہ کے بام و در جگمگا اٹھے حضرت علی علیہ السلام بڑے مشتاقانہ انداز میں گھر کے اندر داخل ہوئے اوراپنی” مستجاب تمنا“ کوآغوش میں بھر لیا بچے کا چہرہ چاند کی طرح دمک رہا تھا اللہ اکبر کی مترنم آواز کان میں پہنچی تو اسد اللہ کے پسر نے شیر حق کی گود میں انگڑائياں لینی شروع کردی حضرت علی علیہ السلام نے مسکراتے ہوئے ام البنین کی طرف دیکھا اور فرمایا : میں اس بچے کا نام عباس قرار دیتا ہوں ۔ اسی وقت قریب کھڑے امام حسین علیہ السلام آگے بڑھے اور باپ سے لے کر اپنے قوت بازو کواپنی باہوں میں سمیٹ لیا ، روایت میں ہے کہ ام البنین کے لال نےابھی تک آنکھیں نہیں کھولی تھیں جیسے ہی اپنے آقا حسین علیہ السلام کی خوشبو محسوس کی آنکھیں کھول دیں اور فرط مسرت و شادمانی سے فاتح کربلا کی آنکھیں چھلک آئيں ۔
ہے گود میں شبیر کے تصویر وفا کی
اک آنکھ ہے مسرور تواک آنکھ ہے باکی
ایثار و وفا کے پیکر ، علی(ع) کی تمنا ، ام البنین (ع) کی آس حسن (ع) و حسین (ع) کے قوت بازو زینب سلام اللہ علیہا و ام کلثوم سلام اللہ علیہا کی ڈھارس، قمر بنی ہاشم حضرت ابوالفضل العباس(ع) کا یوم ولادت آپ سب کو مبارک ہو ۔
عباس (ع) فخر نوع بشر شان مشرقین
ام البنیں کا لال وہ حیدر کا نور عین
زینب (ع) کےدل کی آس سکینہ کے دل کا چين
صورت میں بوتراب تو کردار میں حسین (ع)
ایثار کا امام وفا کا رسول ہے
خوشبو بتا رہی ہے کہ عصمت کا پھول ہے
شبیر فخر کرتے تھے جس کی حیات پر
ہے ثبت جس کی پیاس دل کائنات پر
آب رواں گواہ ہے جس کے ثبات پر
قبضہ ہے جس کا آج بھی نہرفرات پر
اب تک جہاں میں جس کا علم سربلند ہے
اسلام جس کے خون کااحسان مند ہے
اسلامی روایات کی روشنی میں علی ابن ابی طالب (ع) نے ایک خاص اہتمام کے تحت اپنے بھائی عقیل ابن ابی طالب کے مشورے سے جوانساب کے ماہر سمجھے جاتے تھے ایک متقی و پرہیزگار گھر میں بہادر قبیلے کی نہایت ہی باوقار خاتون فاطمۂ کلابیہ سے عقد کیا اور اپنے پروردگار سے تمنا کی کہ پروردگار! مجھے ایک ایسا فرزند عطا کردے جو اسلام کی بقاء کے لئے کربلا کے خونیں معرکہ میں رسول اسلام (ص) کے بیٹےحسین (ع) کی نصرت و مدد کرے چنانچہ اللہ نے فاطمۂ کلابیہ کے بطن سے کہ جنہیں حضرت علی علیہ السلام نے ام البنین کا خطاب عطا کیا تھا ، چار بیٹے علی کو عطا کردئے اور ان سب کی شجاعت و دلیری زباں زد خاص و عام تھی اور سبھی نے میدان کربلا میں نصرت اسلام کا حق ادا کیا لیکن عباس (ع) ان سب میں ممتاز اور نمایاں تھے کیونکہ خود حضرت علی علیہ السلام نے ان کی ایک خاص نہج پر پرورش کی تھی ۔ 14 سال تک باپ سے فضيلت و کمالات کے جوہر کسب کرتے رہے اور اس منزل پر پہنچ گئے کہ لوگ ثانی حیدر کہنے لگے ۔ شجاعت و فن سپہ گری کے علاوہ معنوی کمالات میں بھی اعلیٰ مدارج طئے کئے زیادہ تر وقت دعا و مناجات اور عبادت میں صرف ہوتا بچوں کی سرپرستی اور کمزوروں اور لاچاروں کی خبر گيری حضرت عباس (ع) کا خاص مشغلہ تھا ، باپ کے بعدامام حسن (ع) کے مطیع و فرمانبردار ہے اور ان کے بعد امام حسین علیہ السلام کے وفادار و علمبردار کہلائے ۔حضرت عباس(ع) مروجہ اسلامی علوم و معارف خصوصا´ علم فقہ میں ممتاز مقام رکھتے تھے بخشش و عطا میں بھی شہرہ حاصل تھا اور اپنے معنوی اثر و رسوخ سے کام لے کر عوام کی فلاح و بہبود اور اصلاح حال کے وسائل فراہم کرتے تھے اسی لئے آپ کوآج بھی باب الحوائج کا لقب حاصل ہے اورکربلائے معلیٰ میں آپ کی بارگاہ آج بھی حاجت مندوں کی پناہ گاہ بنی ہوئی ہے ۔ حضرت عباس کی نمایان ترین خصوصیت ”ایثار و وفاداری“ ہے جو ان کے روحانی کمال کی بہترین دلیل ہے وہ اپنے بھائی امام حسین علیہ السلام کے عاشق و گرویدہ تھے اورسخت ترین حالات میں محبت و وفاداری کے وہ یادگار نقوش چھوڑے ہیں کہ اب لفظ وفا ان کے نام کے ساتھ وابستہ ہوگیا ہے اورچونکہ یہ کمال ان کو باپ دادا سےمیراث میں ملا تھا پروفیسر بدر فیض آبادی کہتے ہیں :
حق میں معصوموں کے عباس ابوطالب تھے
اک پنہ گاہ تھا عابد کے چچا کا دامن
حضرت عباس (ع)کی عمر اس وقت 32 سال کی تھی جب امام حسین علیہ السلام نے آپ کو لشکر حق کا علمبردار قراردیا ہے تاریخ کی روشنی میں امام (ع) کے ساتھیوں کی تعداد 72 یازیادہ سے زیادہ سو، سواسو افراد پر مشتمل تھی اور لشکر یزیدی کی تعداد کم از کم تیس ہزار تھی مگر حضرت عباس (ع) کی ہیبت پورے لشکر ابن زياد پر چھائی ہوئی تھی ۔ امام حسین علیہ السلام کے ساتھ آنے والے تمام لوگ مرد ، عورت اور بچے سبھی پرچم عباس (ع) کے زیر سایہ سکون و اطمینان کااحساس کرتےتھے ۔ شجاعت ودلیری کے ساتھ شفقت و ہمدردی آپ کا خاصہ تھا اور امام وقت کی اطاعت و پیروی شجاعت و مہربانی ہر چیز پر غالب تھی ۔ جناب عباس (ع) کےعشق و معرفت سے سرشار قلب میں صرف ولایت حسین (ع) کی دھڑکن تھی اوران کی پاکیزہ طبیعت انوار توحید سے شعلہ فشاں تھی ۔ کربلامیں سیکڑوں ایسے موقع آئے جب علی علیہ السلام کے شیر کو غیظ و غضب میں دیکھ کر ”تاریخ“نے کروٹيں لینا چاہا لیکن امام وقت کی نگاہیں دیکھ کر مجسمۂ اطاعت نے اپنی شمشیر غضب کو نیام میں رکھ لیا چنانچہ فرزند رسول امام جعفر صادق علیہ السلام حضرت ابوالفضل العباس کی عظمت و جلالت کا ذکر کرتے ہوئے کہا کرتے تھے : ”چچا عباس کامل بصیرت کے حامل تھے وہ بڑے ہی مدبر و دور اندیش تھے انہوں نے حق کی راہ میں بھائی کا ساتھ دیا اور جہاد میں مشغول رہے یہاں تک کہ درجۂ شہادت پرفائز ہوگئے آپ نےبڑ اہی کامیاب امتحان دیا اور بہترین عنوان سے اپناحق ادا کر گئے“ ۔
عباس دست و بازو ئے سلطان کربلا
روشن ہے جس سے شمع شبستان کربلا
جس کے لہو سے سرخ ہے دامان کربلا
جس کی وفا ہے آج بھی عنوان کربلا
حسن عمل سے جس نے سنوارا حیات کو
ٹھکرادیا تھا پیاس میں جس نے فرات کو
منبع:http://www.alhassanain.org

یوم ولادت علمدار کربلا حضرت عباس علیہ السلام

تاریخ ولادت: 4 شعبان، 26 ہجری
لقب :افضل الشہدا ء،باب الحوائج،قمرِ بنی ھاشم،شہنشاہِ وفا،،علمدار،غازی،سقائے سکینہ
کنیت :ابوالفضل
والد: علی ابن ابی طالب
والدہ: فاطمہ کلابیہ علیہا السلام بنت ام البنین
تاریخ شہادت: 10 محرم، 61 ہجری
حضرت عباس علیہ السلام امام علی علیہ السلام کے بیٹے تھے۔ آپ کی والدہ کا نام ام البنین تھا جن کا تعلق عرب کے ایک بہادر قبیلے سے تھا۔ حضرت عباس اپنی بہادری اور شیر دلی کی وجہ سے بہت مشہور ہوئے۔ اپنے بھائی امام حسین علیہ السلام کے ساتھ ان کی وفاداری واقعہ کربلا کے بعد ایک ضرب المثل بن گئی۔ وہ شہنشاہِ وفا کے طور پر مشہور ہیں
ولادت با سعادت حضرت عباس علیہ السلام چار شعبان المعظم 26ھ کو پیدا ہوئے۔ انھوں نے اس وقت تک آنکھ نہیں کھولی جب تک ان کے بھائی امام حسین علیہ السلام نے انھیں اپنے ہاتھوں میں نہیں لیا۔ بچپن ہی سے انھیں امام حسین علیہ السلام کے ساتھ بہت محبت تھی۔ حضرت علی علیہ السلام نے اس عظیم الشان بچے کا نام عباس رکھا۔ روایت ہے کہ حضرت عباس علیہ السلام کی پیدائش کا مقصد ہی امام حسین علیہ السلام کی مدد اور نصرت تھا اور اھلِ بیت علیہم السلام کو شروع سے واقعہ کربلا اور اس میں حضرت عباس علیہ السلام کے کردار کا علم تھاحضرت علی ابن ابی طالب (ع) نے اپنے بھائی عقیل ابن ابی طالب کے مشورے سے جوانساب کے ماہر تھے ایک متقی اور بہادر قبیلے کی خاتون فاطمۂ کلابیہ سے عقد کیا اور اپنے پروردگار سے دعا کی کہ پروردگار! مجھے ایک ایسا بیٹا عطا کرے جو اسلام کی بقاء کے لئے کربلا کے خونیں معرکہ میں امام حسین (ع) کی نصرت و مدد کرے چنانچہ اللہ نے فاطمۂ کلابیہ کے بطن سے کہ جنہیں حضرت علی علیہ السلام نے ام البنین کا خطاب عطا کیا تھا ، چار بیٹے امام علی کو عطا کردئے اور ان سب کی شجاعت و دلیری زباں زد خاص و عام تھی اور سبھی نے میدان کربلا میں نصرت اسلام کا حق ادا کیااور شہید ہوئے لیکن عباس (ع) ان سب میں ممتاز اور نمایاں تھے کیونکہ خود حضرت علی علیہ السلام نے ان کی ایک خاص نہج پر پرورش کی تھی ۔
ابتدائی زندگی حضرت علی علیہ السلام نے ان کی تربیت و پرورش کی تھی۔ حضرت علی علیہ السلام سے انھوں نے فن سپہ گری، جنگی علوم، معنوی کمالات، مروجہ اسلامی علوم و معارف خصوصا´ علم فقہ حاصل کئے۔ 14 سال کی معمولی عمر تک وہ ثانی حیدر کہلانے لگے۔ حضرت عباس علیہ السلام بچوں کی سرپرستی، کمزوروں اور لاچاروں کی خبر گيری، تلوار بازی اور و مناجات و عبادت سے خاص شغف رکھتے تھے۔ ان کی تعلیم و تربیت خصو صاً کربلا کے لئے ہوئی تھی۔ لوگوں کی خبر گیری اور فلاح و بہبود کے لئے خاص طور پر مشہور تھے۔ اسی وجہ سے آپ کو باب الحوائج کا لقب حاصل ہوا۔ حضرت عباس کی نمایان ترین خصوصیت ”ایثار و وفاداری“ ہے جو ان کے روحانی کمال کی بہترین دلیل ہے۔ وہ اپنے بھائی امام حسین علیہ السلام کے عاشق و گرویدہ تھے اورسخت ترین حالات میں بھی ان کا ساتھ نہیں چھوڑا۔ لفظ وفا ان کے نام کے ساتھ وابستہ ہوگیا ہے اور اسی لئے ان کا ایک لقب شہنشاہِ وفا ہے ۔
جنگ صفین جنگ صفین حضرت علی علیہ السلام اور شام کے گورنر معاویہ بن ابی سفیان کے درمیان مئی۔جولائی 657 ء میں ہوئی۔ اس جنگ میں حضرت عباس علیہ السلام نے حضرت علی علیہ السلام کا لباس پہنا اور بالکل اپنے والد علی علیہ السلام کے طرح زبردست جنگ کی حتیٰ کہ لوگوں نے ان کو علی ہی سمجھا۔ جب علی علیہ السلام بھی میدان میں داخل ہوئے تو لوگ ششدر رہ گئے ۔ اس موقع پر علی علیہ السلام نے اپنے بیٹے عباس کا تعارف کرواتے ہوئے کہا کہ یہ عباس ھیں اور یہ بنو ھاشم کے چاند ھیں۔ اسی وجہ سے حضرت عباس علیہ السلام کو قمرِ بنی ھاشم کہا جاتا ھے۔
واقعہ کربلا اور حضرت عباس علیہ السلام واقعہ کربلا کے وقت حضرت عباس علیہ السلام کی عمر تقریباً 33 سال کی تھی۔ امام حسین علیہ السلام نے آپ کو لشکر حق کا علمبردار قراردیا۔ امام حسین علیہ السلام کے ساتھیوں کی تعداد 72 یازیادہ سے زیادہ سو افراد پر مشتمل تھی اور لشکر یزیدی کی تعداد تیس ہزارسے ذیادہ تھی مگر حضرت عباس علیہ السلام کی ہیبت و دہشت لشکر ابن زياد پر چھائی ہوئی تھی ۔ کربلامیں کئی ایسے مواقع آئے جب عباس علیہ السلام جنگ کا رخ بدل سکتے تھے لیکن امام وقت نے انھیں لڑنے کی اجازت نہیں دی کیونکہ اس جنگ کا مقصد دنیاوی لحاظ سے جیتنا نہیں تھا۔ امام جعفر صادق علیہ السلام حضرت ابوالفضل العباس کی عظمت و جلالت کا ذکر کرتے ہوئے کہا کرتے تھے : ”چچا عباس کامل بصیرت کے حامل تھے وہ بڑے ہی مدبر و دور اندیش تھے انہوں نے حق کی راہ میں بھائی کا ساتھ دیا اور جہاد میں مشغول رہے یہاں تک کہ درجۂ شہادت پرفائز ہوگئے آپ نےبڑ اہی کامیاب امتحان دیا اور بہترین عنوان سے اپناحق ادا کر گئے“ ۔
شہادت 10 محرم کو امام حسین علیہ السلام نےان کو پیاسے بچوں خصوصاً اپنی چار سالہ بیٹی سکینہ بنت الحسین کے لئے پانی لانے کا حکم دیا مگر ان کو صرف نیزہ اور علم ساتھ رکھنے کا حکم دیا۔ اس کوشش میں انھوں نے اپنے دونوں ھاتھ کٹوا دیئے اور شہادت پائی۔ اس دوران ان کو پانی پینے کا بھی موقع ملا مگر تین دن کے بھوکے پیاسے شیر نے گوارا نہیں کیا کہ وہ تو پانی پی لیں اور خاندا نِ رسالت پیاسا رہے۔ شہادت کے بعد جیسے باقی شہداء کے ساتھ سلوک ھوا ویسے ہی حضرت ابوالفضل العباس کے ساتھ ہوا۔ ان کا سر کاٹ کر نیزہ پر لگایا گیا اور جسمِ مبارک کو گھوڑوں کے سموں سے پامال کیا گیا۔ [1] ان کا روضہ اقدس عراق کے شہر کربلا میں ہے جہاں پہلے ان کا جسم دفن کیا گیا اور بعد میں شام سے واپس لا کر ان کا سر دفنایا گیا۔ دریائے فرات جو ان کے روضے سے کچھ فاصلے پر تھا اب ان کی قبر مبارک کے اردگرد چکر لگاتا ہے۔
ضو وہ شیشے میں کہاں جو الماس ميں ہے
سارے عالم کی وفا حضرت عباس ميں ہے۔
حوالہ جات
بسطامی، تحفہء حسینیہ، صفحہ 78 ۔ عربی
منبع:http://www.alhassanain.org

عباس بن علی

حرم حسین کے پاسدار ، وفاؤں کے پروردگار، اسلام کے علمبردار، ثانیِ حیدرِ کرّار، صولتِ علوی کے پیکر ، خاندانِ رسول کے درخشان اختر ، اسلام کے سپاہ سالارِ لشکر ، قلزمِ علی کے نایاب گوہر، فاطمہ زہرا کے پسر، ثانیِ زہرا کے چہیتے برادر ، ہارونِ کربلا حضرتِ ابوالفضل العبّاس علیہ السلام ۔
کسی کے قلم میں اتنی طاقت کہاں کہ طیّارِ عرشِ معرفت ، اطلسِ شجاعانِ عرب کے بارے میں خامہ فرسایی کر سکے یا انکی فضیلت میں اپنے لبوں کو وا کر سکے ۔ اسلیے کہ انکی فضیلت اور عظمت وہ بیان کر رہے ہیں جو ممدوح خدا ہیں ۔ شخصیت والا صفات کے بارے میں چند روایاتِ معصومین اور چند حقایق تاریخ، قارئین کی خدمت میں پیش کی جا رہی ہیں :
امام سجّاد علیہ السلام فرماتے ہیں :
ان العباس عنداللہ تبارک وتعالیٰ منزلۃ یغبتہ علیہا جمیع الشہداء یو م القیامۃ خدا وند عالم کے نزدیک عبّاس کی وہ منزلت ہے کہ تمام شہدا قیامت کے دن رشک کرینگے ( ۱)
امام صادق علیہ السلام فرماتے ہیں :
کان عمّی العباس بن علی نافذ البصیرۃ ، صلب الایمان ، جاہد مع اخیہ الحسین و ابلی بلاء حسنا ومضی شہیدا
میرے عمو عباس جو بصیرتِ نافذ اور ایمان محکم رکھتے تھے انہوں نے اپنے بھائی حسین کے ساتھ جہاد کیا اور بلاء نیک کے متحمل ہوئے اور افتخار شہادت سے شرفیاب ہوے ( ۲)
بصیرت نافذ وہ رکھتا ہے جسکی فکر اور رائے قوی ہو اگر عبّاس اس صفت کے حامل نہ ہوتے تو راہِ اسلام میں یہ فداکاری جو آپ نے پیش کی وہ نہ ہوتی۔
استحکام ایمان حضرتِ عباس کی فداکاری سے ثابت ہوتا ہے ۔ مقاتل نے آپ کا رجز جو آپ نے اپنے داہنے ہاتھ کے کٹ جانے کے بعد پڑ ھا ، یوں بیان کیا ہے :
واللہ ان قطعتم یمنی انّی احامی ابدا عن دینی
و عن امام صادق الیقین نجل النبی المصطفیٰ الامین
قسم خدا کی اگر میرا داہنا ہاتھ قلم کر دیا تب بھی میں ہمیشہ اپنے دین اور امام جو پیامبر خدا کی یاد گار ہیں حمایت کروں گا۔(۳)
جمالِ حضرتِ عبّاس آپکو قمرِ بنی ہاشم اس لیے کہا جاتا ہے کہ آپ بہت حسین اور جمیل تھے اور مورّخین نے آپکے حسن و جمال کو اس طرح نقل کیا ہے : کان العباس وسیما جمیلا یرکب الفرس المطہم و رجلاہ یخطان فی الارض و یقال لہ قمر بنی ہاشم۔عباس اتنے خوبصورت اور حسین تھے کہ جب بلند قامت گھو ڑ ے پر سوار ہوتے تو انکے پاؤں زمین پر خط دیتے ہوے جاتے تھے اور انکو لوگ بنی ہاشم کا چاند کہتے تھے ۔ (۴)
علمِ حضرتِ عبّاس حضرت عبّاس کے علم کے بارے میں آئمہ فرماتے ہیں : ان العباّس بن علی زق العلم زقاعبّاس
نے علم کو اس طرح حاصل کیا جیسے کبو تر اپنے بچّے کو دانا چگاتا ہے ۔( ۵)
ملّا محمد باقر بجنوردی اپنی کتاب الکبریت الاحمر میں لکھتے ہیں عبّاس اہلبیت کے افاضل اور اکابر فقہا میں سے ہیں بلکہ وہ عالم غیر معلّم ہیں ۔( ۶)
امامِ سجّاد اپنے خطبہ میں جو آپ نے دربارِ یزید میں ارشاد فرمایا ایک جملہ حضرتِ عبّاس کے لیے ارشاد فرماتے ہیں : انّہ من اہل بیت زقّو العلم زقا۔ وہ اس خاندان سے تعلّق رکھتے ہیں جنہوں نے علم کو غذا کی طرح کھایا ہے جب یزید نے اس جملہ کو سنا بے اختیار ا سکی زبان سے نکلا کہ اس کلمہ کو عرب پرندہ کو غذا دینے کے لیے استعمال کرتے ہیں اسلیے زقوالعلم زقا کا مطلب ہے کہ خاندان پیامبر اپنی اولاد کو بچپنے میں ہی علم سے آراستہ کر دیتے ہیں ۔
شجاعتِ حضرتِ عبّاس تاریخ نے شجاعتِ حضرتِ عبّاس کو اس طرح نقل کیا ہے : کالجبل العظیم و قلبہ کا الّطود الجسیم لانّہ کان فارسا ہماما و بطلا ضرغاما و کا ن جسوراعلیٰ الطّعن والضرب فی میدان الکفّار۔وہ بلندی میں کوہِ عظیم کی مانندقوّت میں ان کاقلب بلند و وسیع پہاڑ کی طرح شجاعِ بے مثال شیرِ ضرغام تھے جنگ میں کفار ہمّت اور مردانگی کی داد دیتے تھے ۔ (۸)
روایت میں ہے کہ جنگِ صفین میں ایک جوانِ نقابدار لشکرِ امیرالمومنین سے نکلا جس سے ہیبت اور شجاعت ظاہر ہوتی تھی جسکی عمر تقریبا سولہ سال ہو گی اور جنگ کرنے کے لیے مبارز طلب کرنے لگا معاویہ نے ابو شعثاء کو حکم دیا کہ
جنگ کرے ابو شعثاء نے کہا شام کے لوگ مجھے ہزار سوار کے برابر سمجھتے ہیں میرے سات بیٹے ہیں میں ان میں سے ایک کو بھیجتا ہوں وہ اس کا کام تمام کر دے گا اور اس نے اپنے ایک بیٹے کو بھیجا لیکن وہ قتل ہو گیا اسی طرح اس نے اپنے ساتوں بیٹوں کو بھیجا اور سب قتل ہوتے رہے ابو شعثاء نے جب یہ دیکھا دنیا ا سکی نظر میں تاریک ہو گئی وہ خود بھی میدان میں آیا اور وہ بھی جہنم واصل ہوا جب لوگوں نے شجاعت کے اس ٹھاٹیں مارتے ہوے سمندر کو میدان میں دیکھا تو کسی کی ہمّت نہ ہوئی کہ کوئی اس شجاع بے مثال کے مقابلہ میں جاتا وہ جوان اپنے لشکر کی طرف پلٹ گیا اصحاب امیرالمومنین حیرت زدہ تھے کہ یہ جوان کون ہے لیکن جب نقاب رخ سے ہٹی تو پتا چلا کہ قمرِ بنی ہاشم حضرتِ ابوالفضل العباس ہیں (۹)
شجاعت حضرتِ عبّاس کا اس روایت سے با خوبی اندازہ لگایا جا سکتا ہے وہ چیزیں جو اہلبیت کے لشکر سے لوٹی گئیں تھیں ان میں پرچمِ حضرت عبّاس بھی تھا جب یہ تمام اشیاء یزید کے سامنے پیش کی گئی تو یزید کی نگاہ اس پرچم پر گئیوہ
غور سے اس پرچم کو دیکھتا رہا اور تعجّب سے کبھی اٹھتا تھا کبھی بیٹھتا تھا کسی نے سوال کیا امیر کیا ہوا کہ اس طرح مبہوت اورحیرت زدہ ہو یزید نے پوچھا یہ پرچم کربلا میں کس کے ہاتھ میں تھا کہا عبّاس برادرِ حسین کے ہاتھ میں یزید کہتا ہے کہ مجھے تعجّب اس علمبردار کی شجاعت پر ہے پوچھا کیوں ؟ کہا دیکھو پورا پرچم حتیّٰ اس کی لکڑ ی پر تیروں اور دوسرے اسلحوں کے نشانات ہیں صرف اس ایک جگہ کے جہاں سے اس کو پکڑ ا گیا ہے یہ جگہ کاملا محفوظ ہے ا سکا مطلب ہے کہ تیر اور دوسرے اسلحے اس جگہ بھی لگے لیکن اس بہادر نے علم کو اپنے ہاتھ سے رہا نہیں کیا آخری وقت تک اس پرچم کی حفاظت کرتا رہا جب ا سکا ہاتھ گرا تب پرچم گرا ۔
یہ تھا حضرت عبّاس کی شجاعت کا ایک نمونہ ۔خداوند عالم سے دعا ہے کہ ہمیں حقیقی محبین اہلبیت علیہم السلام میں سے قراردے ۔
حوالہ:
۱۔بحار ج ۴۵ ص ۲۹۸
۲۔العبّاس بن علی ص ۳۶ نقل ذخیرۃالدّارین
۳۔ منتہی الامال ج ۱ ص۲۷۱
۴۔ العبّاس ، مقرّم ص۷۶ و خصایص العبّاسیہ ص۱۲۰
۵۔ اسرار الشہادۃ ص۳۲۴
۶۔ الکبریت الاحمر ج ۳ ص۴۵
۷۔ العبّاس ، مقرم ص۹۵
۸۔ خصایص العباسیہ ص ۱۱۸ و ۱۱۹
۹۔ فرسان الھیجاء ج۱ ص
۱۰۱۹۳۔چہرۂ درخشان قمر بنی ہاشم ابوالفضل العبّاس ص ۱۹۰۔
منبع:http://www.alhassanain.org

علمدارِکربلا

حضرت عباس(ع) کی زندگی کا جائزہ

الٰہی علماء اور وادی ٔ اسرارورموز کے دانشمند کا نظریہ اور عقیدہ یہ ہے کہ حضرت عباس اہل عِلم وفضل وبصیرت کے بزرگوں میں سے اور خاندان عصمت وطہارت کے اسرار سے باخبر تھے ۔
جناب عباس ایسے دانشمند تھے کہ جنوں نے کسی دنیاوی استاد کے سامنے زانوئے ادب تہہ نہیں کیاتھا کیوں کہ آپ نے فیض الٰہی کے سرچشمہ سے علم حاصل کیا تھا۔ آپ نے اپنے پدر بزرگوارحضرت امیر المومنین ـ اور اپنے بھائیوں سے اسرار الٰہی حاصل کئے تھے اور ان بزرگواروں کے پر فیض دامن سے استفادہ کیا تھا ۔
آیت اللہ بیر جندی لکھتے ہیں:حضرت ابو الفضل العباس اہل بیت علیہم السلام کے اکابر ،افاضل ،فقہاء اور علماء میں سے تھے ،بلکہ ایسے عالم تھے کہ جنوں نے کسی سے زانوئے ادب تہہ نہیں کیا تھا ١ ۔
مرحوم مقرم لکھتے ہیں :جہاں امیر المومنین ـ اپنے بعد اصحاب کو اس طرح تعلیم وتربیت دیتے تھے کہ عالم وجود کے اسرار ورموز منجملہ علم منایا وبلایا (یعنی گزشتہ کے حالات اور موت کا علم) رکھتے تھے(جیسے حبیب بن مظاہر،میثم تماراور رُشَید حجری وغیرہ)کیا یہ بات معقول ہے کہ امیر المومنین ـ اپنے اصحاب کو اس طرح کے علم سے سرفراز فرمائیں اور اپنے نور چشم اور پارۂ جگر کو اپنے علوم سے محروم رکھیں ؟جبکہ آپ کی صلاحیت واستعداد ان افراد سے کہیں زیادہ تھی !کیاہمارے مولا وآقا حضرت ابوالفضل العباس کے پاس ان علوم کے حاصل کرنے کی صلاحیت واستعداد نہیں تھی؟
خدا کی قسم نہیں ،ایسا نہیں ہے !حضرت امیر المومنین ـ نے اپنے ان تمام شیعوں کو جو علوم ومعارف حاصل کرنے کی صلاحیت واستعداد رکھتے تھے اپنے علوم سے سرفراز کرتے تھے چہ جائیکہ آپ کے نور چشم وپارۂ جگر، نہ یہ کہ دوسرے افراد جو آپ سے کسب علوم کرتے تھے ان کی صلاحیت واستعداد آپ کے فرزندوں سے زیادہ تھی ۔
مختصر یہ کہ حضرت عباس اپنی بہن زینب کبریٰ علیہا السلام کی طرح ہیں کہ حضرت امام سجاد ـ کے بیان کے مطابق کہ آپ نے فرمایا:ہماری پھوپھی زینب عالمہ غیر متعلمہ ہیں (یعنی کسی سامنے زانوئے ادب تہہ نہیں کیا)اسی طرح جناب عباس کے بارے میں فرمایا ہے کہ آپ عالم غیر متعلم ہیں ۔
اس کے علاوہ سردار کربلا ،قمر بنی ہاشم حضرت ابو الفضل العباس طیب وطاہر نفس اور پاک وپاکیزہ طینت اور اس عظیم اخلاص کی بنیاد پر کہ آپ جس کے حامل تھے اس حدیث شریف کے مکمل مصداق ہیں کہ :
''مٰا اَخلَصَ عَبد لِلّٰہِ عَزَّوَجَلَّ اَربَعِینَ صَباحاً اِلاّٰ جَرَت یَنابیعُ الحِکمَةِ مِن قَلبِہِ عَلیٰ لِسٰانِہِ ٢ ؛جو شخص اپنے اعمال کو خدا کے لئے چالیس دن انجام دے اس کے قلب سے اس کی زبان پر حکمت کے چشمے جاری ہوں گے ۔' '
پس اس صورت میں اس شخص کے متعلق کہ جس نے اپنی عمر کے تمام اعمال ومراحل کو خداوند عالم کی مرضی وخوشی میں گزار دیئے ہوں اور تمام اخلاقی رذائل سے منزہ ومبرہ اور تمام فضائل سے آراستہ ہو ،کیااس کے سوا تصور کیا جاسکتا ہے کہ اس کی ذات اقدس الٰہی علوم ومعارف کے انوار سے متجلی ہو اور اس کا علم ،علم لدنی ہو ؟
دوسری دلیل اس بات پر کہ قمر بنی ہاش کا علم وجدانی ہے ،اگر چہ برہانی علوم ومعارف میں بھی ماہر تھے ،معصو م ـ کا کلام ہے کہ فرماتے ہیں :''اِنَّ العَبّاسَ بنَ علیٍّ زُقَّ العِلمَ زُقّاً ؛٣ بے شک عباس بن علی کو بچپن ہی میں اس طرح علم سے سیر وسیراب کیا گیا کہ جیسے پرندہ اپنے بچے کو دانہ بھراتا ہے۔ ' '
مرحوم مقرم اس کے بعد لکھتے ہیں:امام کی تشبیہ نہایت بدیع استعارہ ہے اس لئے کہ ''زق''پرندے کا اپنے بچے کو دانہ بھرانے کے معانی میں ہے کہ جس وقت وہ خود تنہا دانہ کھانے پر قادر نہیں ہے ۔حضرت امام علی ـ کے کلام میں اس استعارہ کے استعمال سے ہمیں معلوم ہوتا ہے کہ سقائے سکینہ بچپن ہی سے حتی آغوش مادر سے علوم ومعارف کے حاصل کرنے کی صلاحیت واستعداد کے حامل تھے ٤ ۔
حضرت ابو الفضل العباس بھی اس طیب وطاہر خاندان سے دور نہیں سمجھے جاتے تھے کہ جن کے افراد بچپن میں دریائے علم تھے،یہ وہ مطلب ہے کہ جس کی گواہی ان کے دشمنوں نے دی ہے۔جیسا کہ حضرت امام جعفر صادق ـسے روایت ہے کہ آپ نے فرمایا:
''عثمان مسجد کے دروازے پر بیٹھے ہوئے تھے کہ اتنے میں ایک مرد آیا اور ان سے پیسے کی درخواست کی عثمان نے حکم دیا کہ اسے پانچ درہم دے دیئے جائیں مرد نے کہا کہ مجھے دوسرے شخص کی رہنمائی کرو ،عثمان نے کہا ان جوانوں کی طرف رجوع کرو (ہاتھ سے اس مسجد کی طرف اشارہ کیا کہ جہاں امام حسن اور امام حسین علیہم السلام اور عبد اللہ بن جعفر بیٹھے ہوئے تھے )مرد ان حضرات کے پاس گیا اور ان سے مدد کرنے کی درخواست کی حضرت امام حسن ـ نے فرمایا:
اے مرد تین موارد کے علاوہ کسی سے پیسے کی درخواست کرنا جائز نہیں ہے :دیۂ قتل یا کمر شکن قرض یا بے حد تنگدستی ہو؛پس ان موارد میں سے کون سا مورد تم سے متعلق ہے؟اس نے کہا :ان میں سے ایک مورد ہے ،حضرت امام حسن ـ نے پچاس دینار ،حضرت امام حسین ـ نے انچاس دینار اور عبد اللہ بن جعفر نے اڑتالیس دینار عطا کئے ۔اس مرد نے مسجد کے دروازے کے بغل میں عثمان کو دیکھا اور اس واقعہ کو بیا ن کیا ۔
عثمان نے کہا:ان جوانوں کے مانند جوان کہاں پائے جاتے ہیں ؟یہ وہ جوان ہیں کہ جنھوں نے اپنے کو علم سے مخصوص اور خیر وحکمت حاصل کی کیا ہے ٥۔ ''
تاریخ میں آیا ہے کہ حضرت امام سجاد ـ کے بارے میں یزید بن معاویہ نے کہا :آپ ایسے خاندان سے ہیں کہ جن کو علم پلایا گیا ہے ٦۔
ایک تعجب خیز واقعہ کہ جس کو تمام موثقین نے نقل کیا ہے وہ یہ ہے کہ کربلا کے ایک عالم کو اپنے علم پر غرور اور تکبر پیدا ہوا یہاں تک کہ ایک وقت اپنے دوستوں کے درمیان تھے ،حضرت ابو الفضل العباس اور ان کے الٰہی علوم ومعارف کے بارے میں کہ جن کی وجہ سے آپ کو تمام شہداء پر امتیاز حاصل تھا بحث وگفتگو ہوئی ،اس وقت اس مغرور عالم نے اپنی گرانقدر خصوصیات منجملہ علوم ،نماز شب ،مستحبی اعمال اور زہد وتقویٰ کی بناء پر اظہار کیا کہ جناب عباس کے برتر ہے!اور کہا کہ اگر جناب عباس کو اس طرح کے فضائل کی وجہ سے برتری حاصل ہے تو میں بھی ان فضائل کا حامل ہوں اور روز عاشورہ کی شہادت کی برابری علم وفقہ(کہ جن کے متعلق وہ مدعی تھا وہ ان کا حامل ہے اور حضرت ابو الفضل العباس ان کے حامل نہیں ہیں)کے ساتھ نہیں کی جاسکتی ہے ۔
اس بزم میں موجودہ افراد کو اس کی جسارت سے بڑا تعجب اور حیرت ہوئی اور وہ مرد اپنے اس تکبر وغرور پر نہ ہی شرمندہ تھا اور نہ ہی اسے کوئی خوف لاحق تھا ۔
دوسرے دین مجمع میں موجودہ افراد اس مرد کے متعلق باخبر ہونا چاہتے تھے کیا وہ اپنی گمراہی پر باقی ہے یا خدا کی ہدایت اس کے شامل حال ہوگئی ہے ۔ پس اس کے گھر کی طرف روانہ ہوئے ، وہاں پہنچ کر دق الباب کیا ،ان لوگوں سے کہا گیا کہ وہ جناب عباس کے حرم مطہر میں گئے ہوئے ہیں ، لوگ حرم مطہر کی جانب چلے وہاں پہنچ کر مشاہدہ کیا کہ اس مرد نے اپنی گردن میں رسّی باندھی ہے اور رسّی کا دوسرا سرا ضریح مطہر سے متصل کئے ہوئے ہے اور گریہ و زاری کرتے ہوئے اپنے عمل پر ندامت و شرمندگی کا اظہار کررہاہے ۔
جب لوگوں نے اس موضوع سے متعلق اس سے پوچھا تو اس نے کہا کہ جب میں کل کی شب سویا تو میں نے خواب میں دیکھا کہ میں علماء کے مجمع میں بیٹھاہوا ہوں ، اچانک ایک مرد داخل ہوا اور آواز دی کہ حضرت ابوالفضل العباس تشریف لارہے ہیں آپ کا نام سنتے ہی لوگوں کے قلوب آپ کی طرف متوجہ ہوگئے یہاں تک کہ جناب عباس نور کے ہالوں میں جو آپ کے چہرۂ مبارک سے ساطع ہورہاتھا بزم میں داخل ہوئے اس حال میں کہ تمام لوگ آپ کی عظمت اور شان و شوکت کے مقابلہ میں خاضع و خاشع تھے ، جناب عباس آکر صدر مجلس میں بیٹھے اور میں اس وقت اپنی گزشتہ جسارت کی وجہ سے بڑی شدت کی ساتھ خوف و اضطراب میں مبتلا تھا ۔
جناب عباس نے اہل بزم کے ایک ایک فرد سے گفتگو کرنا شروع کردی یہاں تک کہ میری باری آئی ، فرمایا تم کیا کہہ رہے ہو ؟ اس حال میں کہ میرے ہوش و حواس اڑے ہوئے تھے میں چاہتاتھا کہ اپنے کو اس ہلاکت سے نجات دوں اور اپنے گمان کے مطابق حق کو ثابت کروں ، جو دلیلیں اور باتیں تم لوگوں سے کہی تھیں حضرت کے سامنے پیش کیا ۔
جناب عباس نے فرمایا : میںنے اپنے پدر بزرگوار حضرت امیرالمومنین ـ اور میرے دونوں بھائی امام حسن اور امام حسین علیہما السلام کے پاس علم حاصل کیاہے ،ان جلیل القدراور الہی اساتیدسے علم حاصل کرکے اپنے دین میں یقین کی منزل تک پہونچاہوں جب کی تم اپنی دین میں اور اپنے امام کی نسبت شک کرتے ہو ، کیا ایسا نہیں ہے ؟ میں ان کے کلام سے انکار نہیں کرسکتاتھا ۔
اس کے بعد فرمایا : لیکن وہ استاد کہ جس کے پاس تم نے تعلیم حاصل کی ہے وہ تم سے زیادہ بدبخت ہے ! تمہارے پاس ایسے اصول وقواعد ہیں جو احکام کی نسبت جاہل افراد کے لئے قرار دئیے گئے ہیں تا کہ حقائق تک پہنچنے کے لئے انھیں استعمال کیا جائے ، جب کہ میںان اصول و قواعد کا محتاج نہیں ہوں اس لئے کہ میں نے دین کے واقعی و حقیقی احکام کو وحی ٔ الہی کے سرچشمہ سے حاصل کیاہے ۔
اس کے بعد حضرت فرماتے ہیں : مجھ میں گرانقدر صفات پائے جاتے ہیں ، انھیں بیان کرنا شروع کیا : کرم ، صبر ، ایثار اور جہاد و غیرہ کہ اگر تم سب کے درمیان ان میں سے کچھ صفات تقسیم کی جائیں تو تمہارے پاس انھیں قبول کرنے کی قدرت و توانائی نہیں ہوگی جب کہ تم میں حسد ، خود پسندی اور ریا و غیرہ جیسی رذیلہ صفات پائی جاتی ہیں اس کے بعد اپنے دست مبارک سے میرے منھ پر مارا اور میں اپنی گزشتہ خطاؤں کی وجہ سے خوف و ندامت کی حالت میں اٹھا اور حضرت سے توسل اورتوبہ کرکے آپ کی باتوں کو قبول اور آپ کے سامنے سر تسلیم خم کیا۔
حوالہ جات :
١۔کبریت احمر ٤٠٦۔
٢۔عیون الاخبار ، ٦٨٢ب ٣١، ح ٣٢١۔
٣۔اسرار الشہادة ، ص ٣٢٤۔
٤۔العباس ،مرحوم مقرم ١٦٩، خلاصہ بیان کیا گیا ہے ۔
٦ ٥۔خصال صدوق ، ج١ ، ص٦٧ ، باب '' درخواست جز در سہ مورد روا نیست ''۔
منبع:http://www.alhassanain.org

حضرت عباس کا عِلم

«العباس (شہنشاہ کشور وفا)» حضرت ابو الفضل العباس ابن علی (علیہ السلام) کی سیرت اور حیاتِ مبارکہ پر ایک کتاب ہے۔ اس کے اصل مصنف محقق سید عبد الرزاق موسوی مقرم ہیں۔ کتاب کا اردو ترجمہ مولانا سید حسین مہدی حسینی نے کیا ہے۔

کتاب کے موجودہ اردو ایڈیشن میں ۳۶۲ صفحات ہیں۔ ادارہ منہاج الصالحین لاہور نے اسے ۱۴۳۲ھ، مطابق ۲۰۱۱ء میں شائع کیا۔
<h3>کتاب کے بارے میں</h3>
یہ کتاب <a href="https://islamic-sources.com/ur">حضرت عباس ابن علی (علیہ السلام) کی زندگی اور شخصیت پر گفتگو کرتی ہے۔ مصنف نے ان کی سیرت اور فضائل</a> کو موضوع بنایا ہے۔

کتاب میں حضرت عباس (علیہ السلام) کی حیاتِ مبارکہ اور کربلا میں ان کے کردار پر توجہ دی گئی ہے۔ ان کی وفاداری، شجاعت اور امام حسین (علیہ السلام) سے وابستگی بھی اہم موضوعات میں شامل ہیں۔

حضرت عباس (علیہ السلام) نے واقعۂ کربلا میں امام حسین (علیہ السلام) کا ساتھ دیا۔ ان کی شخصیت وفاداری، ایثار اور قربانی کی نمایاں مثال پیش کرتی ہے۔
<h3>اس کتاب میں ہم کیا سیکھتے ہیں</h3>
اس کتاب کے مطالعے سے حضرت عباس (علیہ السلام) کی سیرت، فضائل اور حیاتِ مبارکہ کے بارے میں معلومات حاصل ہوتی ہیں۔

قاری کربلا میں حضرت عباس (علیہ السلام) کے کردار کو بہتر طور پر سمجھ سکتا ہے۔ ان کی شجاعت اور وفاداری کے مختلف پہلو بھی سامنے آتے ہیں۔

کتاب کا مطالعہ ایثار، وفاداری اور حق کی حمایت جیسے اخلاقی و دینی اصولوں پر غور کا موقع فراہم کرتا ہے۔
<h3>اس کتاب کے مصنف کے بارے میں</h3>
محقق سید عبد الرزاق موسوی مقرم اس <a href="https://maablib.org/tag/tarjuma-shuda-kutab-t/">کتاب کے اصل مصنف ہیں۔ انہوں نے حضرت عباس ابن علی (علیہ السلام)</a> کی زندگی اور سیرت کو اس اثر کا مرکزی موضوع بنایا ہے۔

اس اردو نسخے کا ترجمہ مولانا سید حسین مہدی حسینی نے کیا ہے۔ مآب لائبریری نے انہیں مترجم کے طور پر درج کیا ہے۔
<h3>یہ کتاب کن افراد کے لیے مناسب ہے</h3>
یہ کتاب حضرت عباس (علیہ السلام)، کربلا اور اہل بیت (علیہم السلام) کی سیرت سے دلچسپی رکھنے والے افراد کے لیے مناسب ہے۔

طلبہ، محققین، خطباء اور ذاکرین حضرت عباس (علیہ السلام) کی زندگی کے مطالعے کے لیے اس کتاب سے استفادہ کر سکتے ہیں۔

عام قارئین بھی اس کتاب کے ذریعے علمدارِ کربلا کی سیرت، وفاداری اور قربانی کے بارے میں مزید معلومات حاصل کر سکتے ہیں۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

Votes

العباس (شہنشاہ کشور وفا )

«خصائص عباس علمدار (خصائص عباسیہ)» حضرت ابو الفضل العباس ابن علی (علیہ السلام) کی سیرت پر ایک اہم کتاب ہے۔

اس کتاب میں حضرت عباس (علیہ السلام) کی زندگی اور فضائل بیان کیے گئے ہیں۔ کتاب کے اصل مصنف شیخ محمد ابراہیم کلباسی نجفی ہیں۔

اس کتاب کا اردو ترجمہ مولانا ریاض حسین جعفری نے کیا ہے۔ اردو ایڈیشن کو ادارہ منہاج الصالحین لاہور نے شائع کیا ہے۔
<h3>کتاب کے بارے میں</h3>
یہ <a href="https://islamic-sources.com/ur">کتاب خاص طور پر حضرت عباس (علیہ السلام) کی شخصیت پر روشنی ڈالتی ہے۔ مصنف نے ان کی سیرت اور فضائل</a> کو موضوع بنایا ہے۔

کتاب میں حضرت عباس (علیہ السلام) کی زندگی کے مختلف پہلو بیان کیے گئے ہیں۔ کربلا میں ان کے کردار پر بھی توجہ دی گئی ہے۔

حضرت عباس (علیہ السلام) امام حسین (علیہ السلام) کے وفادار بھائی اور علمدار تھے۔ ان کی شجاعت اور وفاداری واقعۂ کربلا کا اہم حصہ ہے۔
<h3>اس کتاب میں ہم کیا سیکھتے ہیں</h3>
اس کتاب سے ہمیں حضرت عباس (علیہ السلام) کی سیرت اور فضائل کے بارے میں معلومات ملتی ہیں۔

قاری ان کی شجاعت، وفاداری اور ایثار کے مختلف پہلوؤں سے واقف ہوتا ہے۔ کربلا میں ان کی خدمات کو بھی سمجھنے کا موقع ملتا ہے۔

حضرت عباس (علیہ السلام) کی زندگی ہمیں وفاداری اور حق کی حمایت کا درس دیتی ہے۔ ان کا کردار ایثار اور قربانی کی روشن مثال پیش کرتا ہے۔
<h3>اس کتاب کے مصنف کے بارے میں</h3>
شیخ محمد ابراہیم کلباسی نجفی اس کتاب کے <a href="https://maablib.org/tag/tarjuma-shuda-kutab-t/">اصل مصنف ہیں۔ انہوں نے حضرت عباس (علیہ السلام)</a> کی سیرت اور فضائل کو موضوع بنایا ہے۔

موجودہ اردو ایڈیشن میں مولانا ریاض حسین جعفری نے کتاب کا ترجمہ کیا ہے۔ ادارہ منہاج الصالحین لاہور نے یہ اردو ایڈیشن شائع کیا۔

یہ کتاب حضرت عباس (علیہ السلام) کی شخصیت پر موجود مطالعے میں ایک قابل توجہ اثر ہے۔
<h3>یہ کتاب کن افراد کے لیے مناسب ہے</h3>
یہ کتاب حضرت عباس (علیہ السلام)، کربلا اور سیرت اہل بیت (علیہم السلام) سے دلچسپی رکھنے والوں کے لیے مناسب ہے۔

طلبہ اور محققین اس کتاب سے حضرت عباس (علیہ السلام) کی زندگی کے بارے میں معلومات حاصل کر سکتے ہیں۔

خطباء اور ذاکرین بھی اپنے مطالعات میں اس کتاب سے استفادہ کر سکتے ہیں۔ عام قارئین کے لیے بھی یہ کتاب مفید ہے۔

Translated Fields

خصائص عباس علمدار (خصائص عباسیہ )

حضرت عباس علمدار علیہ السلام حضرت عباس بن علی علیہ السلام کی عظیم شخصیت پر ایک اہم کتاب ہے۔
حضرت عباس علیہ السلام امام علی علیہ السلام کے فرزند اور امام حسین علیہ السلام کے وفادار بھائی تھے۔

آپ علیہ السلام واقعۂ کربلا میں علمدارِ لشکرِ امام حسین علیہ السلام تھے۔
آپ کی زندگی وفاداری، شجاعت، ایثار اور قربانی کی روشن مثال ہے۔
<h3>کتاب کے بارے میں</h3>
یہ کتاب حضرت عباس علمدار علیہ السلام کی زندگی اور شخصیت کو موضوع بناتی ہے۔
اس میں آپ علیہ السلام کے کردار اور کربلا میں آپ کے عظیم مقام کو بیان کیا گیا ہے۔

<a href="https://islamic-sources.com/ur">حضرت عباس علیہ السلام کی امام حسین علیہ السلام سے وفاداری</a> اس کتاب کا اہم پہلو ہے۔
کربلا کے واقعات میں آپ علیہ السلام کی شجاعت اور قربانی بھی نمایاں ہے۔
حضرت عباس علیہ السلام کی سیرت پر متعدد مستقل کتب بھی لکھی گئی ہیں۔
<h3>اس کتاب میں ہم کیا سیکھتے ہیں</h3>
اس کتاب کے مطالعے سے ہمیں کئی اہم اسباق ملتے ہیں:

وفاداری اور اطاعت کی اہمیت۔
اہل بیت علیہم السلام سے محبت۔
حق کے راستے پر ثابت قدمی۔
شجاعت اور بہادری کا حقیقی مفہوم۔
ایثار اور قربانی کی عظمت۔
امام حسین علیہ السلام سے حضرت عباس علیہ السلام کی وفاداری۔
کربلا میں حضرت عباس علیہ السلام کا کردار۔
مشکل حالات میں دین کا ساتھ دینے کا جذبہ۔
<h3>اس کتاب کے مصنف کے بارے میں</h3>
کمال السید

کمال السید ایک معروف ادیب اور مصنف ہیں۔
<a href="https://islamic-sources.com/ur/categories/books">انہوں نے اسلامی تاریخ اور اہل بیت علیہم السلام کی شخصیات پر تحریریں لکھی</a> ہیں۔

ان کی تحریروں میں اہل بیت علیہم السلام کی زندگی اور کردار کو ادبی انداز میں پیش کیا جاتا ہے۔
حضرت عباس علیہ السلام کی شخصیت بھی ان کے ادبی کام کا موضوع رہی ہے۔
<h3>یہ کتاب کن افراد کے لیے مناسب ہے؟</h3>
یہ کتاب درج ذیل افراد کے لیے مفید ہے:

حضرت عباس علیہ السلام کی سیرت سے دلچسپی رکھنے والے افراد۔
واقعۂ کربلا کا مطالعہ کرنے والے قارئین۔
اہل بیت علیہم السلام کی سیرت پڑھنے والے افراد۔
نوجوان طلبہ اور طالبات۔
اسلامی تاریخ کے قارئین۔
عاشورا اور کربلا کے موضوع پر مطالعہ کرنے والے افراد۔
حضرت عباس علیہ السلام کی وفاداری اور شجاعت سے سبق حاصل کرنے والے قارئین۔

حضرت عباس علمدار علیہ السلام

<p style="text-align: justify;">پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔</p>
<p style="text-align: justify;">کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔</p>

ذکرالعباس

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

فضائل العباس علیہ السلام

<p style="direction: rtl; text-align: justify;"><span style="font-weight: 400;">مجھے تو تاریخ کے اوراق میں ایک ایسی ہستی نظر آرہی ہے جس کی ولادت کی تمنا حضرت علی ابن ابی طالب علیہما السلام کر رہے ہیں۔ جس کی شجاعت کی بشارت حضرت محمدمصطفیﷺ </span><span style="font-weight: 400;">دے رہے ہیں، حضرت فاطمہؑ اپنا فرزند فرمارہی ہیں، جس کو امام حسنؑ اپنامدگار بتا رہے ہیں اور امام حسینؑ "نفسی انت" فرمارہے ہیں اور جس کے بلند مدارج کی شہادت امام زین العابدینؑ دے رہے ہیں اور جسے امام جعفر صادق نافذ البصیرت اور عبد صارح فرمارہے ہیں، اور جس پر امام آخرالزمان عجل اللہ تعالیٰ فرجہ الشریف، سلام بھیج  رہے ہیں۔</span></p>
<p style="direction: rtl; text-align: justify;"><span style="font-weight: 400;">کون نہیں جانتا کہ حضرت عباس علیہ السلام امیر المومنین حضرت علی علیہ السلام کی تمناوں سے پیدا ہوئے اور وحدانیت کا کمال کمسنی میں اقرار کیا۔ آپ کا بچپن معصومینؑ کی آغوش میں گزرا۔ جوانی اسلام اور ذمہ دارانِ اسلام کی امداد میں گزری شہادت راہ خدا میں واقع ہوئی۔ </span></p>
<p style="direction: rtl; text-align: justify;"><span style="font-weight: 400;">اسلام اور امام حسینؑ کی حمایت میں شہادت نصیب ہوئی، بچپن سے جوانی اور جوانی سے یوم شہادت تک جو اسلامی خدمات کئے ہیں وہ تاریخ کے صفحات میں روز روشن کی طرح واضح ہیں۔ کسے خبر نہیں کہ معرکۂ صفین کے سر کرنے میں آپ نے سروتن کی بازی لگا دی تھی، ولید بن عقبہ والئ مدینہ منورہ کے دربار میں آپ کا دلیرانہ عمل اور کردار ناقابل فراموش ہے، مدینہ منورہ </span><span style="font-weight: 400;">سے روانگی مکۂ معظمہ میں قیام، کربلا میں ورود، نصب خیام کا واقعہ، طلب آب اور سقّائی غرضیکہ اس عظیم سفرمیں تادم آخر آپ نے وہ شاندار کردار پیش فرمایا ہے جو تاریخ کربلا میں نمایاں جگہ کا </span>مالک ہے۔</p>
<p style="direction: rtl; text-align: justify;">پیش نظر کتاب کی تالیف میں سوانح نگاری کا جو طریقہ اپنایا گیا ہے وہ یہ ہے کہ جو واقعات معلوم الكذب نہ ہوں اور جن واقعات سے ممدوح یا مخاطب کی شان نہ گھٹتی ہو انھیں حوالۂ کتب سے پڑھا اور لکھا جاسکتا ہے اس ضمن میں <span style="font-weight: 400;">حجت الاسلام حضرت علامہ سید حسین صاحب قبلہ علیین مکان تحریر فرماتے ہیں کہ بیان واقعہ میں "اثارۃ الاحزان علی القتیل العطشان" میں اسناد مؤثقہ کی پابندی نہیں ہے "ولیس الامر منحصراً فی الاحادیث المرویۃ عن اھل العصمۃ" یہ ضروری نہیں ہے کہ اس معاملہ میں جو احادیث آئمہ معصومینؑ </span><span style="font-weight: 400;">سے مروی ہوں بس انھیں پر اعتماد کیا جائے اور مؤرخین کے قول کو نظر انداز کر دیا جائے۔ "فالامر موسع في الروایات کما فی سائر المندوبات" بس سمجھنا چاہیئے کہ بیان روایات میں سائر مندوبات کی طرح آزادی ہے۔ یہی وجہ ہے جناب شیخ مفیدؒ جیسی شخصٰت نے کلبی، مدائنی، اربلی اور ابومخنف وغیرھم کے بیانات سے تمسک فرمایا ہے۔</span></p>
<p style="direction: rtl; text-align: justify;"><span style="font-weight: 400;">پیش نظر کتاب میں جن چیزون پر خصوصی تبصرہ کیا گیا ہے وہ یہ ہیں (۱) حضرت عباسؑ کی تاریخ ولادت (۲) آپ کی تعداد اولاد (۳) آپ کا جنگ صفین میں کارنامہ اور تبدیلئ لباس کی بحث (۴) علمداری کی تاریخ (۵) آپ کی عصمت کی بحث (۶) آپ کا وقار ائمۂ طاہرین کی نظر میں (۷) واقعۂ کربلا کا پس منظر (۸) مدینہ منورہ سے روانگی کے وجوه و اسباب (۹) تاریخ کوفہ اور کوفہ میں خفیہ سازش (۱۰) کوفہ سن ۶۱ہجری میں شیعیان علی سے تقریباً خالی تھا(۱۱) ایّام عشرہ کی ہر تاریخ کا علیٰحدہ بیان (۱۴) حضرت عباسؑ کے کنواں کھودنے کا شمار (۱۳) حضرت عباسؑ سے شمر کے رشتہ کی حقیقت (۱۴) ایک شب کی مہلت طلبی کے وجوہ اور جمہور مؤرخین کی رائے سے اختلاف (۱۵) مؤرخ طبری کی تنگ نظری پر تبصرہ (۱۶) حضرت عباسؑ کی تدفین (۱۷) حضرت عباسؑ کا مدفن اور تاریخ کربلا (19) حضرت عباسؑ کی عمر شریف (۲۰) حضرت عباسؑ کی نذر،حاضری اور سبیل کی وجہ۔</span></p>
<p style="direction: rtl;">پیش نظر کتاب کو اپنے مطالعے کا حصہ ضرور قرار دیں۔</p>

حضرت ابو الفضل عباس علیہ السلام

Books

Articles