پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

is suggested

Rate

View

Votes

جنات المعارف

استادمحترم فقیہ اہلبیت حضرت آیۃ اللہ مولاناسیدعلی صاحب قبلہ گوپالپوری قمی حضرت آیۃ اللہ العظمیٰ مولانا سیدراحت حسین صاحب قبلہ گوپالپوری اعلی اللہ مقامہ صاحب تفسیر انورالقرآن وسابق پر نسپل مدرستہ الواعظین لکھنؤکے فرزندارجمند تھے ۔١٥؍رمضان المبارک سنہ ۱۳۳۰ ہجری   مطابق  ٢٩اگست  ١٩١٢  کو نجف اشرف  عراق میں پیداہوئے ۔
تعلیم و تبلیغ:
چارسال کی عمر میں والدین کے ساتھ ہندوستان واپسی ہوئی ۔ ابتدائی تعلیم مقامی اساتذہ اور اپنے والدماجد سے حاصل کرکے مدرسہ سطان المدارس اورجامعہ ناظمیہ لکھنؤ سے سندالافاضل  اور ضمیمہ ممتاز الا فاضل کی سندحاصل کی اسکے ساتھ ساتھ پر ائیویٹ طور سے ادب ،فقہ  ، فلسفہ اور طب لکھنؤ کے شیعہ وسنی علماء سے کسب فیض کرتے رہے۔لکھنؤمیں آپ کی بیماری کاجوسلسلہ شروع ہواتھا ،  وہی دائمی المرض ہونے کاسبب بنا ،مگر علالت کے عالم میں بھی علم کا دامن نہیں چھوڑا اور علم کو روح کیلئے بہترین آب و غذا سمجھ کر روح و جسم کو سیراب کرتے رہے ۔
١٩٤٥ ء مطابق  ١٣٦٤ھ میں اُترولہ ضلع گونڈہ یوپی میں دینی خدمات کے لئے تشریف لائے۔ مسجدیں آباد کی اورمذہبی بیداری کا  لوگوں کے دلوں میں ایسا دیا روشن کیا کہ لوگ خود بخود علم اور دین و شریعت کے گرویدہ ہو گئے اور آپکے علم و اخلاق کا کلمہ پڑھنے لگے  آپ نے لوگوں کے اسی جذبہ کو دیکھتے ہوئے مصطفٰےﷺدارالعلوم کا سنگ بنیاد رکھا جو آج بھی لوگوں  کے لئے باب ہدایت بنا ہوا ہے ۔
درس اجتہاد:
کچھ مدتوں تک اترولہ میں دینی خدمات انجام دینے کے بعدغالباً  ١٣٦٩  ھ میں درس اجہتادکے لئے ایرا ن تشریف لے گئے اورلمعہ ،رسائل، مکاسب ،شرح تجرید اور دوسری حوزوی کتابوں کو پڑھنے کے لئے مختلف آیات عظام اورجحج الاسلام کے سامنے زانوئے ادب طے کیا  ۔ ان کتابوں کو پڑھنے کے بعد درس خارج میں شرکت کی اور  اپنی علم کی تشنگی کو بجھایا۔آپکی جانفشانیوں اور علمی صلاحیتوں کو دیکھتے ہوئے وہاں کے کئی آیات عظام  نے اجازہ وکالت واجتہاد عطا فرمایا۔
وطن  واپسی:
شہر اجتہاد قم المقدسہ سے پیمانۂ علم کو لبریز کرکے آپ  وطن عزیز واپس آئے اور  پھر اُترولہ کی جانب رخ  کیا شہر قم سے واپسی پر لوگوں نے بڑے ہی جوش و خروش سے آپکا استقبال کیا آپ نے لوگوں کے جذبوں کو دیکھتے ہوئے اسی شہر کو  اپنی اسلامی خدمات کا مرکزبنایا اور پھر ہمہ تن شریعت محمدیؐ کی خدمات میں مصروف ہوگئے،۔آپ میں پڑھنے پڑھانے اور تعلیم و تعلم کاشوق شروع سے تھا۔
تالیف و تصنیف:
علوم اسلامی میں موصوف کو بے حد تجربہ اوربھر پور مہارت حاصل تھی ۔جس موضوع پر قلم اٹھایاایسی تحقیقی وبلندمعیارکتاب لکھی جواپنی نظیر آپ ہے ،آپ کے تصنیفات وتالیفات شاہد ہیں کہ آپ نے دین وقوم کی خدمت میں اپنے کو وقف کردیاتھا۔موصوف کے علمی وقلمی خدمات کااندازہ ان کی مختلف تحقیقی کتابوں سے لگایا جا سکتاہے :

<ul style="text-align: justify;">
 	<li>تفسیررموز التنزیل (٣جلد)</li>
 	<li>الفرقتہ النا جیۃ فی الاسلام:</li>
</ul>
صدرا لمفسرین  فقیہ اہلبیت حضرت آیۃ  اللہ عالیجناب مولانا سید علی صاحب قبلہ رضوی قمی گوپالپوری اعلی اللہ مقامہ کی مشہور زمانہ کتاب'' الفرقتہ النا جیۃ  فی الاسلام ''تاریخ وکلام اور مناظرہ کاوہ بے نظیر مجموعہ ہے جس سے ہرخاص وعام استفادکر سکتاہے اس میں قرآن واحادیث ، عقل ومنطق ،روایات ودرایت اور تاریخی حقائق کی روشنی میں حوالوں کے ساتھ ہر موضوع اورہر باب اپنے قارئین کو مطمئن کرسکتاہے تشنگان حق وحقیقت کی سیرابی لے لئے یہ شیریں دریاہے تاریخ وکلام کے ہر طالب علم کے لئے یہ  ایک مکمل دستاویزہے۔ مولانا موصوف نے اسلامی فرقوں کی تقسیم اور ان کی تاریخ واصلیت کے ساتھ ساتھ ان کے اسباب وعوامل پر کو بڑے اچھے اندازمیں بیان فرمایاہے۔ صدراسلام سے لے کر آپکے زمانے تک مختلف تغیرات و تحولات کااستدلالی ،تجزیہ اور ہزاروں کتابوں کو کھنگھالنے کے بعد حقائق کو منظرعام پر لانے کے لئے جس انداز میں خامہ فرسائی کی ہے یہ آپ کا ہی حق تھا۔استاد محترم طاب ثراہ  کی زندگی ہی میں یہ کتاب ہندوستان کے کونے کونے میں  بہت مقبول ہو چکی تھی اور بیرون ملک میں بھی بعض اہل علم حضرات تک یہ کتاب پہونچی اس کتاب نے لوگوں کے دلوں میں ایسا انقلاب برپاکیاکہ اس کے مطالعہ سے بہت سے لوگ مذہب حقہ اورفرقہ ناجیہ سے مشرف ہوئےاور صحیح راستہ کو پا کر حقائق سے آشنا ہو گئے ، اس کتاب کی مختلف زبانوں میں ترجموں کی فرمائش ہوتی مگر یہ کام بہرحال اہم اور بڑاتھا جو ابھی تک انجام نہیں پا سکا ۔مولانامرحوم کی یہ کتاب’’الفرفتہ الناجیۃفی الاسلام ‘‘ اور بقیہ دوسری کتابیں آپکے بارگاہ اہل بیت میں بے لوث دینی خدمات کا نتیجہ ہیں جس نے آپکو اتنی شہرت اور مقبولیت عطا کی۔
اور دوسری جانب ائمہ معصومینؑ کی عنایتیں اور پشت پناہی ہے جسے آپ نے خواب میں دیکھا تھا جسے آپ نے خود اپنی زندگی میں یوں بیان فرمایا تھا  کہ ایک دن میں نے خواب میں دیکھا کہ امامت وخلافت امیر المونین حضرت علیؑ  کے اثبات کے سلسلے میں میری ایک ناصبی اورخارجی عالم دین سے بحث ہورہی تھی اورمیں ہردلیل قرآن واحادیث اور عقل ومنطق کی روشنی میں دے رہاتھا مگروہ قبول نہیں کررہا تھا ۔ اچانک میری پشت سے آوازآئی کیامیں نے غدیر خم کے میدان میں علی کو اپناامام وخلیفہ نہیں بنایاتھااس آوازکو سنتے ہی میں نے دیکھا تو پیغمبر اسلام  ﷺ سامنے کھڑےتھے ۔یہ دیکھ کر میری آنکھ کھل گئی ،اس خواب کی تعبیر سے میں سمجھاکہ میری تبلیغوں میں آنحضرت ﷺ کی پشت پناہی شامل ہے اور میری خدمات چہاردہ معصومین  علیہم السلام کی بارگاہ میں شرف قبولیت حاصل کرچکی ہیں۔

<ul style="text-align: justify;">
 	<li>نوروظلمت کی جنگ</li>
 	<li>فاطمہ کاچاند</li>
 	<li>جواز عزاداری</li>
 	<li>اوقات نماز</li>
 	<li>منازل موت وبرزخ</li>
 	<li>اسر ار کائنات درغرض خلقت ممکنات</li>
 	<li>معیار خلافت</li>
 	<li>اعلام الہدایہ:</li>
</ul>
موصوف نے ’’ اعلام الہدایہ ‘‘  چہاردہ معصومین علیہم السلام کی سوانح حیات کوبہتر ین حاشیہ کے ساتھ کتاب ترجمع کرکے دین اسلام کو ایک عظیم سرمایہ عطا کیا ہے۔جو چند سال پہلےآپ کے چھوٹے داماد حجۃ الاسلام والمسلمین مولا نا سیداحمد علی عابدی (مدیر جامعۃ الامام امیر المؤمین ،نجفی ہاؤس ممبئی )کے کاوشوں سے چھپ کر لوگوں کے مطالعہ کی زینت بن چکی ہے ۔

<ul style="text-align: justify;">
 	<li>جنات المعارف(علامات ظہورقائم آل محمد ؑ)</li>
 	<li>حقیقت وضو</li>
 	<li>ترجمہ دعائے فرمان صادق آل محمدؑ</li>
 	<li>رسالہ جنت وجہنم و ...وغیرہ جیسی بیش بھا کتابیں آپکی قلمی شاہکار ہیں جو زیور طبع سے آراستہ ہومنظر عام پر آچکی ہیں۔</li>
</ul>
اس کے علاوہ اوربھی بہت سے رسالے اور کتابیں جو ابھی تک لوگوں کے سامنے نہیں آ سکیں ہیں یہ سارے کارنامے اور آپ کی جدو جہد عشق و محبت اہلبیت ؑ  کی واضح دلیلیں ہیں جس سے آپ کی بصیرت وعرفان کااندازہ کیاجاسکتاہے۔  آپ کی مطبوعہ کتب  تقریباً ستر  ٧۰ ؍عدد ہیں  ۔
اُترولہ وقرب وجوار میں آپ کے نورِ علم سے شعائیں پھیلیں اور تشنگان علوم آپ کے چشمۂ علم سے سیراب ہوئے ،آپ باکمال شاعراوربہترین  خطیب واعظ بھی تھے ۔
امرالعروف ونہی عن المنکر اور اخلاقیات کے دروس آج بھی زبان  زدخاص و عام ہیں،آپ کے زہدوتقویٰ، سخاوت وشجاعت کی تعریف آج بھی کی جاتی ہے  ۔ اُترولہ اسکے قرب جوار میں غیر شیعہ حتی غیر مسلم بھی آپ کے علم وکردار سے بہت متاثر ہوئے آپ انھیں فرائض کی ادائیگی کی طرف متوجہ کر تے اور شیریں الفاظ ودل نشیں انداز میں مو عظہ فرماتے تھے جس کا لوگوں کے دلوں پر بہت گہرا اثر ہوتا تھا ،آپ کی مہمان نوازی،سخاوت ،اور تواضع و انکساری کو لوگ آج بھی یاد کرتے ہیں کتابوں کے بڑے شوقین تھے اور کتابیں ہی آپ کی زندگی کا سرمایہ حیات تھیں  بیماری کے عالم میں بھی آپ نے کتابوں کا دامن نہیں چھوڑا ،تصنیف وتالیف ،مطالعہ وتحقیق اوردرس وتدریس وشاعری وخطابت آپ کے پسند یدہ ودلچسپ مشاغل تھے۔
پرنسپل کی ذمہ داری:
اپنے والد مرحوم  کی علالت کے زمانے میں مدرسۃ  الواعظین لکھنؤ میں پرنسپل کی ذمہ داریوں اور تدریسی فرائض کو کما حقہ انجام دیا اور اجتہاد سے پہلےاور ایران سے حصول علم کے بعد قصبہ اترولہ ضلع بلرام پور یوپی کے علاوہ قرب وجوار میں ٣٥ سال سے زائد عرصہ تک تبلیغ کے فرائض کو انجام دیااورمختلف شاگردوں کو علوم دینی کی ایسی اچھی تربیت کی کہ آج ان کے ہو نہار شاگرد ساری دنیا میں بیش بہا خدمات اسلام انجام دے رہے ہیں ۔
وفات:
بروز یکشنبہ(اتوار) ٢٧؍جنوری سنہ   ١٩٨٠ء مطابق ٨ ؍ربیع الاول سنہ   ١٤٠٠ہجری کو یہ آفتاب علم واجتہاد ڈوب گیا ۔ اندرون امامباڑہ کربلااُترولہ میں آپ کا مرقد ہے۔ اُترولہ وقرب وجوارہی نہیں بلکہ ہندوستان ایک بہت اچھے باعمل عالم دین اور مجتہد،صاحب قلم وزبان سے محروم ہوگیا خداوندعالم کی بارگاہ میں دست بدعاہوں کہ مولانا مرحوم کی مغفرت فرمائے اور ان کے درجات کو بلند فرمائے ،ہم لوگوں کو توفیق دے کہ ان کے مشن کو زندہ رکھ سکیں ۔

Born

Death

سید علی رضوی قمی گوپالپوری

سید علی رضوی قمی گوپالپوری

Born:

Death:

سید علی رضوی قمی گوپالپوری

Author Books