شیخ محمد مہدی بن شیخ عبد الہادی ابو الحسن بن شاہ مازندرانی حائری۔ 1293 ق کو کربلا میں پیدا ہوئے اور 1384 کو وہیں فوت ہوئے ۔ایک علمی گھرانے سے تعلق تھا ان کا خاندان آل مازندرانی کے نام سے کربلا میں پہچانا جاتا تھا۔ فقہ اور اصول اپنے والد کے پاس پڑھا ۔ پھر خطابت کے پیشے میں تخصص کیا ۔ عراق کے معروفترین خطباء میں سے شمار ہوتے تھے۔ شجرۂ طوبیٰ اور الکوکب الدری نام کی کتابیں معالی السبطین سے پہلے لکھیں۔

محمد مهدی حائری مازندرانی

سید محمد جواد ذہنی تہرانی ( 1326-1381 ) شیعہ فقیہ اور مصنف ہیں۔ انہوں نے سید احمد خوانساری، سید محمدرضا گلپایگانی، سید شهاب‌الدین مرعشی نجفی، محمدعلی اراکی و ابوالحسن شعرانی جیسے فقہاء سے کسب فیض کیا۔ انہوں نے 44 کتابوں تالیف کیں، آپ کا انتقال 1381 میں ہوا اور آپ کو شہر قم میں علی بن بابویہ کے مزار میں دفن کیا گیا۔

سید محمدجواد ذهنی تهرانی

سوانح حیات
مولانا سید نثار حسین بن سید اکبر حسین شوال 1268 ھ کو علی نگر گیا بہار میں پیدا ہوئے ۔ آپ کے خاندان میں مولوی سید افضل علی صاحب ابن علی مولوی وزیر علی صاحب اور مولوی ذاکر حسین صاحبان بھی اہل علم سے تھے ۔

فارسی کی تعلیم مختلف اساتذہ سے حاصل کی اور ایسی قابلیت پیدا کی کہ رقعات شادی فارسی نظم و نثر میں لکھتے اور اصلاح دینے میں یکتا ہوگئے ۔ اردو شاعری میں آغا میرزا صاحب عطا سے اصلاح لی ۔

مولوی وزیر علی صاحب (جو آپ کے چچا تھے ) سے ایک مہینے کے قریب میزان منشعب پنج گنج، زبدہ ختم کی پھر مولوی سید ذکی حسن صاحب زنگی پوری مولوی سید علی حسین صاحب اور مولوی سید محمد عسکری صاحب لکھنوی سے عظیم آبادی میں صرف و نحو و غیرہ کی تعلیم حاصل کی ۔

اسی زمانے میں آپ کی شادی ہوگئی لیکن آپ شوق علم میں ہفتے عشرے کے بعد چپکے سے لکھنو چلے گئے جہاں مولوی سید حیدر علی صاحب ،مولوی علی نقی صاحب ،مولوی حبیب حیدر صاحب سب رجسٹرار ،جناب ممتاز العلما ،جناب سید العلما ثانی ،جناب ملک العلما ،جناب مفتی صاحب ، جناب مولوی سید احمد علی صاحب محمد آبادی سے علوم متداولہ میں تلمذ حاصل کیا ۔

سنی علما میں مولوی عبد الحی صاحب ، مولوی فضل اللہ صاحب اور مولوی عبد النعیم صاحب سے پڑھا۔

طب کے لئے عالم و طبیب نواب مظفر حسین خان صاحب بن نواب مسیح الدولہ سے کچھ دنوں تک نفیسی پڑھی ۔ اس کے بعد شیخ تفضل حسین صاحب تعلقہ دار فتح پور بسواں سے نفیسی و قانون کا درس لیا ۔ بعد تکمیل وطن آئے اور علمی مشاغل و طبی مصروفیات میں نصروف رہے ۔

آپ نے چھ حج اور نو مرتبہ زیارت کئے ۔ دو مرتبہ مشہد مقدس گئے ۔ ایک سفر حج میں مولوی سید نیاز حسن صاحب برستی حیدرآبادی اور جناب مولوی سید مظہر علی صاحب بنارسی حیدرآبادی سے ملاقات ہوگئی ۔ یہ دونوں بزرگ آپ کو حیدرآباد لے گئے ۔

حیدرآباد میں تین سو روپے ماہوار پر مہتمم شفاخانہ یونانی بیرون بلدیہ حیدرآباد ہوئے ۔ 1337 ھ میں سرکار نظام سے پنشن مل گئی ۔

دوسرے سفر خراسان میں شاہ ایران اعلی حضرت ناصر الدین شاہ سے ملاقات ہوئی تو آپ کو عمدۃ العلما بحر العلوم حسام الاسلام کا خطاب ملا۔

سفر عراق میں ایک ماہ جناب سرکار میرزا محمد حسن شیرازی کے درس میں اور چار ماہ جناب شیخ مازندرانی اور ملا حسین اردکانی کے درس میں اور ایک ماہ مرزا حبیب اللہ کے درس میں شریک ہوئے ۔

آپ بہت خلیق ، سادہ مزاج ، مقدس و متقی بزرگ تھے ۔

1338 ھ حیدرآباد دکن میں رحلت فرمائی ۔

اولاد

مولوی حاجی سید زین العابدین صاحب

تلامذہ
مولوی سید میرن صاحب

مولوی سید بندہ حسن صاحب

مولوی سید اکابر حسین صاحب زید پوری

مولوی سید احمد حسین برستی

مولوی سید ابن علی صاحب

تالیفات
ترجمه فارسی شافیه

حاشیه فارسی بر میزان الانكار مفتی سعدالله

حاشیه فارسی بر شرح معيار الاشعار محقق

حاشیه عربی بر شرح جامی

ردالاجابة الشيخية

ایقاظ الغافلين

هداية المؤمنین

نهاریه به امیه

ساعتيه علويه

تعليق المحال بالمحال

حاشیه نفیسی

الألقاب المتداولها صراط مستقیم

الف رقعه (مکاتیب عربیه)

ابطال المساوات

حاشیه قطبی

حاشیه میبذی

حاشیه ملاجلال

حاشیه میرزاهد

حاشیه ملا حمدالله

حاشيه شرح تجرید علامه

مطمع اللبيب في شرح ضابطة التهذيب

عمدة المعارف (اردو) در اثبات الوهیت و توحيد

بحرالمعارف (اردو: ناتمام)

دیوان اردو، (ناتمام)

دیوان فارسی

دیوان عربی

حاشیه شرح لمعه

حاشیه شرح زبدة الاصول

حاشیه معالم (ناتمام)

نقشه قبله نما

ازالة التوهمات

قواعد فارسی

مسایل اعتقادی ضروری

سید نثارحسین عظیم آبادی

جاوید اقبال قزلباش ایک معروف محقق، مصنف، ادیب، شاعر، اور عاشق رسول حضرت امام خمینی (رہ) اور رہبر معظم جاوید اقبال غزلباش بزرگ استاد تھے۔ ان کا تعلق ایک شریف گھرانے سے تھا اور وہ ایک اہم فکری شاعر تھے جو ایران اور پاکستان کے درمیان ثقافتی تعلقات کے فروغ کے لئے اہم کردار ادا کرتے تھے۔
جاوید اقبال قزلباش ایک عظیم ادیب تھے جن کی اہل بیت اطہار(ع)، ایران اور فارسی زبان سے والہانہ محبت ان کے تمام کاموں میں نمایاں تھی۔ ان کی محبت امام خمینی (رہ) اور ایرانی انقلاب کے اصولوں کے ساتھ تھی جسے وہ اپنی کتابوں اور مضامین میں بیان کرنے کی کوشش کرتے تھے۔
جاوید اقبال قزلباش نے کئی زبانوں، فارسی، اردو، اور انگریزی میں کئی کتابیں، مضامین، اور شاعری مجموعے تصنیف کی ہیں جو ان کی فکری اور ادبی مہارت کو ظاہر کرتی ہیں۔ ان کی کتابیں اسلامی اتحاد کے تصور پر، انقلاب اسلامی کے فکری ستون پر، انسان الٰہی، محبت کا ستون، شعری مجموعہ ہاتھ میں پتھر، مسئلہ فلسطین، اور دیگر موضوعات پر مشتمل ہیں۔ ان کی کتب ایران میں اسلامی اتحاد کے تصور کی ترویج کے لئے اہم ثبوت ہیں اور ان کی شاعری کی زبان میں انسانی معنوں اور اصولوں کو بیان کرتی ہیں۔

جاوید اقبال قزلباش

شہید ثانی 13 شوال سنہ 911 ہجری کو لبنان کے شیعہ علاقے جبل عامل کے نواحی گاؤں جُبَع میں پیدا ہوئے۔وہ ابن حاجہ نحاریری اور شہید ثانی کے لقب سے مشہور ہیں۔
شہید ثانی کے خاندان کے تمام افراد شیعہ علماء کے زمرے میں شمار ہوتے تھے حتی کہ ان کا خاندان "سلسلۃ الذہب" کے عنوان سے مشہور ہوا:
شیخ نور الدین علی، شہید ثانی کے والد، جو اپنے زمانے کے فضلا اور علماء میں سے تھے۔
ابو منصور جمال الدین حسن المعروف بہ صاحب معالم، شہید ثانی کے فرزند۔
سید محمد علی عاملی المعروف بہ صاحب مدارک، جو شہید ثانی کے نواسے تھے۔
شیخ علی اور شیخ زین الدین، جو صاحب معالم کے فرزند اور شہید ثانی کے پوتے تھے۔
خاندان صدر، منجملہ سید حسن صدر صاحب کتاب تأسیس الشیعہ، امام موسی صدر، شہید سید محمد باقر صدر اور ان کی شہیدہ بہن بنت الہدی صدر بھی شہید ثانی کی اولاد اور نسل میں شمار ہوتے ہیں۔
شہید ثانی نے دو شادی کی۔ ان کی پہلی زوجہ ان کے استاد محقق کرکی کی بیٹی تھیں۔
تعلیمی مراحل:
شہید ثانی کی خود نوشت سوانح عمری کے مطابق ان کی تعلیم کا آغاز کس عمر میں ہوا انہیں نہیں معلوم۔ البتہ انہوں نے ذکر کیا ہے کہ 9 سال کی عمر میں ناظرہ قرآن ختم کیا اور اس کے بعد وہ اپنے والد کے پاس ادبیات عرب و فقہ کی تعلیم میں مصروف ہوئے۔ انہوں نے اپنے والد سے کتاب مختصر الشرایع اور شہید اول کی کتاب اللمعۃ الدمشقیۃ پڑھی۔
سفر میس، کَرَک و جُبَع:
وہ سنہ 925 ہجری میں والد کی وفات کے بعد تعلیم جاری رکھنے کی غرض سے جبل عامل کے گاؤں "میس" گئے اور محقق کرکی سے جو شہید کے خالو بھی تھے، آٹھ سال تک استفادہ کیا۔ انہوں نے محقق کرکی سے محقق حلی کی کتاب شرائع الاسلام، علامہ حلی کی کتابیں ارشاد الاذہان اور قواعد الاحکام پڑھیں۔
میس کے بعد شہید نے کرک نوح کا رخ کیا اور وہاں کتاب المحجۃ البیضاء کے مولف سید جعفر کرکی کے پاس کتاب قواعد ابن میثم بحرانی، اصول فقہ میں کتاب تہذیب، سید جعفر کی کتاب العمدة الجلیلة فی الاصول الفقهیة و کتاب الکافیة فی النحو و فقہ اور بعض دیگر علوم کی کتابیں پڑھیں۔                                                                            شہید نے تقریبا سترہ ماہ تک وہاں قیام کرنے کے بعد جمادی الثانی سنہ 934 ھ میں جبع کا سفر کیا اور سنہ 937 ھ تک وہاں کسب علم میں مشغول رہے۔
دمشق:
شہید نے جبع کے بعد دمشق کا قصد کیا اور وہاں شیخ محمد مکی (متوفی 938 ھ) سے علم طب، ہیئت اور فلسفہ اشراق (سہرودی) جیسے موضوعات کی کتابیں پڑھیں، شیخ احمد جابر الشاطبیہ سے علم قرائت و نافع، ابن کثیر، ابی عمرو و عاصم کی قرائت کے موضوعات کی کتابیں پڑھیں۔سنہ 938 ھ میں وہ جبع واپس آ گئے، اسی سال میں ان کے دونوں استاد شمس الدین و شیخ علی کی وفات ذکر ہوئی ہے۔ آپ نے سنہ 941 ھ کے آخر تک جبع میں قیام کیا اور سنہ 942 ھ کے شروع میں دمشق واپس ہوئے۔ اس سفر میں شہید نے شمس الدین طولون دمشقی حنفی کے پاس صحیح مسلم و صحیح بخاری کے کچھ حصے پڑھے اور ان دونوں کتابوں سے نقل روایات کا اجازہ حاصل کیا اور اسی سال ربیع الاول میں شیخ شمس الدین کی تمام روایات کا اجازہ بھی حاصل کیا۔
مصر و حجاز:
انھوں نے سنہ 942 ھ میں مصر کی طرف عزیمت کی اور عربی علوم، اصول فقہ، معانی، بیان، عروض، منطق، تفسیر قرآن اور دیگر علوم کے حصول کے لئے وہاں کے 16 علماء سے استفادہ کیا۔ شہید نے شوال 943 ہجری میں مصر میں اٹھارہ ماہ قیام کے بعد حجاز کا سفر کیا اور حج و عمرہ تمتع انجام دیا اور 14 صفر 944 ھ میں اپنے وطن جبع واپس آ گئے۔
اجتہاد:
شہید نے 33 برس کی عمر میں سنہ 944 ھ میں اجازہ اجتہاد حاصل کیا اور ان کا اجتہاد سنہ 948 ھ میں سب کے لئے آشکار ہوگیا۔
زیارت و بیت المقدس:
17 ربیع الثانی سنہ 946 ھ میں شہید عتبات عالیات کی زیارت کے لئے عراق گئے اور اسی سال 15 شعبان میں اپنے وطن واپس آئے۔ سنہ 948 ھ میں انہوں نے بیت المقدس کا سفر اختیار کیا اور شیخ شمس الدین بن ابی اللطیف مقدّسی سے صحیح مسلم و صحیح بخاری کے کچھ حصے پڑھے اور ان سے روایت عام کا اجازت نامہ حاصل کیا اور اپنے وطن پلٹ کر آئے۔ سنہ 951 ھ کے اواخر تک وہ وطن میں ہی عملی کاموں میں مشغول رہے۔
قسطنطنیہ:
اس کے بعد شہید ثانی نے روم شرقی کے سفر کا ارادہ کیا اور 12 ذی الحجہ 951 ھ کو اس کے لئے روانہ ہوئے۔ ذی الحجہ کا مہینہ انہوں نے دمشق میں گزارا اور 16 محرم سنہ 952 ھ میں وہ حلب پہچے اور 7 صفر تک وہیں قیام کیا۔ 12 صفر 952 ھ طوقات میں وارد ہوئے، اس کے بعد اماسیہ اور وہاں سے 17 ربیع الاول سنہ 949 ہجری میں قسطنطنیہ پہنچے۔ انہوں نے ساڑھے تین مہینہ وہاں قیام کیا۔
شہید نے اس سفر میں اپنا رسالہ جو دس علوم پر مشتمل تھا، قاضی عسکر محمد بن محمد بن قاضی زادہ رومی کے پاس بھجوایا اور ان سے ملاقات اور علمی مباحثہ کرنے کے بعد، قاضی رومی نے انہیں تجویز دی کہ اپنی پسند کے کسی بھی مدرسے میں تدریس کریں۔ شہید ثانی نے استخارہ کرنے کے بعد بعلبک کے مدرسہ نوریہ کو تدریس کے لئے منتخب کیا اور مذکورہ قاضی کی طرف سے اس مدرسے کا انتظام انہیں سونپ دیا گیا۔
مرجعیت علمی:
شہید ثانی نے شعبان 952 ھ میں عراق کا سفر کیا اور 4 شوال کو سامرا پہچے۔ 8 شوال کو کاظمین میں وارد ہوئے۔ 15 شوال کو کربلا پہچے۔ پھر وہاں حلہ، کوفہ اور نجف گئے۔
ائمہ معصومین (ع) کی زیارتوں کے بعد 15 صفر سنہ 953 ھ کو لبنان واپس ہوئے اور بعلبک میں سکونت کے بعد، اپنی علمی شہرت کے سائے میں، علمی مرجعیت کے رتبے پر فائز ہوئے۔ انھوں نے اس شہر میں جامع تدریس کا آغاز کیا؛ وہ علمی لحاظ سے پنجگانہ مذاہب جعفری، حنفی، شافعی، مالکی اور حنبلی سے پوری طرح آگاہ تھے اور ان پر عبور کامل رکھتے تھے چنانچہ وہ پانچوں مذاہب کے مطابق شاگردوں کی تربیت کرتے تھے اور وہ درحقیقت فقہ مقارن اور تقابلی عقائد کی تدریس کرتے تھے۔ عام لوگ بھی اپنے مذاہب کے مطابق اپنے استفتائات کا جواب ان سے وصول کرتے تھے۔اس کے بعد وہ اپنے وطن جبع واپس آ گئے اور سنہ 955 ھ تک وہیں تدریس و نگارش میں مشغول رہے۔
مشاہیر اور علماء کا کلام:
شیخ حر عاملی (متوفی 1104 ہجری) شہید ثانی کے بارے میں لکھتے ہیں: ان کی شخصیت وثوق، علم و فضل اور زہد و پارسائی، عبادت اور پرہیزگاری، تحقیق و مہارت، جلالت قدر اور عظمت شان اور تمام فضائل و کمالات کے لحاظ سے، اس سے کہیں زيادہ مشہور ہے اس کا ذکر کرنے کی ضرورت پیش آئے اور ان کی خوبیاں اور اوصاف حمیدہ اس سے کہیں زيادہ ہیں کہ انہیں شمار کیا جا سکے اور ان کی تصانیف بھی مشہور ہيں۔
شیعہ عالم رجال جناب تفرشی ان کے احوالات بیان کرتے ہوئے لکھتے ہیں: شہید ثانی مکتب شیعہ کے تابندہ چہروں میں سے چمکتا دمکتا چہرہ اور ان کے موثق علماء میں سے ہیں۔ ان کی محفوظات کثیر اور مکتوبات پاکیزہ ہیں۔
اساتید:
شیعہ اساتید:

<ul style="text-align: justify;">
 	<li>ان کے والد علی بن احمد عاملی جبعی متوفی 925 ھ</li>
 	<li>محقق کرکی متوفی 938 ھ</li>
 	<li>شیخ محمد بن مکی (حکیم و فیلسوف دمشق)</li>
 	<li>سید حسن بن جعفر کرکی (کرک نوح)</li>
 	<li>شمس الدین محمد بن مکی دمشقی</li>
 	<li>شیخ احمد بن جابر</li>
 	<li>شیخ جمال الدین احمد بن شیخ شمس الدین محمد بن خاتون عاملی</li>
</ul>
اہل سنت اساتید:

<ul style="text-align: justify;">
 	<li>شمس الدین بن طولون دمشقی حنفی (دمشق)</li>
 	<li>شیخ محیی الدین عبد القادر بن ابی الخیر غزی</li>
 	<li>شیخ شمس الدین بن ابی اللطف مقدسی (بیت المقدس)</li>
 	<li>شیخ شهاب الدین احمد رملی</li>
 	<li>ملا حسین جرجانی</li>
 	<li>ملا محمد استر آبادی</li>
 	<li>ملا محمد علی جیلانی (سید محسن امین لکھتے ہیں: ممکن ہے یہ تینوں (جرجانی، استر آبادی، جیلانی)، شیعہ رہے ہوں۔)</li>
 	<li>شهاب الدین بن نجار حنبلی</li>
 	<li>شیخ ابو الحسن بکری</li>
 	<li>زین الدین جرمی مالکی</li>
 	<li>شیخ ناصر الدین ملقانی مالکی</li>
 	<li>شیخ ناصر الدین طبلاوی شافعی</li>
 	<li>شیخ شمس الدین محمد نحاس</li>
 	<li>شیخ عبد الحمید سمنهودی</li>
 	<li>شیخ شمس الدین محمد بن عبد القادر فرضی شافعی</li>
 	<li>شیخ عمیره</li>
 	<li>شیخ شهاب الدین بن عبدالحق</li>
 	<li>شیخ شهاب الدین بلقینی</li>
 	<li>شیخ شمس الدین دیروطی</li>
</ul>
شاگرد:

<ul style="text-align: justify;">
 	<li>شہید کے داماد، نور الدین علی بن حسین موسوی عاملی</li>
 	<li>سید علی حسینی جزینی عاملی، المعروف بہ صائغ</li>
 	<li>شیخ بہائی کے والد حسین بن عبد الصمد عاملی</li>
 	<li>علی بن زہرہ جبعی</li>
 	<li>سید نور الدین کرکی عاملی</li>
 	<li>بہاء الدین محمد بن علی عودی جزینی، المعروف بہ ابن العودی</li>
 	<li>شیخ محی الدین بن احمد میسی عاملی</li>
 	<li>سید عز الدین حسین بن ابی الحسن عاملی</li>
 	<li>شیخ تاج الدین بن ہلال جزائری۔</li>
</ul>
تالیفات:
سید محسن امین عاملی نے شہید کی 79 تالیفات (کتاب، حاشیے و رسالے) کا تذکرہ کیا ہے۔ ان میں سے بعض یہ ہیں:

<ul style="text-align: justify;">
 	<li>روض الجنان فی شرح ارشاد الاذہان</li>
 	<li>مسالک الافہام فی شرح شرائع الاسلام</li>
 	<li>الفوائد العملیہ فی شرح النفلیہ</li>
 	<li>المقاصد العلیہ فی شرح الألفیہ</li>
 	<li>مناسک الحج الکبیر و مناسک الحج الصغیر</li>
 	<li>الروضۃ البہیۃ فی شرح اللمعۃ الدمشقیۃ</li>
 	<li>رسالۃ فی شرح بسملہ</li>
 	<li>حقائق الایمان</li>
 	<li>منظومۃ فی النحو اور اس کی شرح</li>
 	<li>تمہید القواعد الأصولیہ لتفریع الاحکام الشرعیہ</li>
 	<li>غنیۃ القاصدین فی اصطلاحات المحدثین</li>
 	<li>رسالۃ فی الأدعیہ</li>
 	<li>رسالۃ فی آداب الجمعہ</li>
 	<li>البدایۃ فی علم الدرایہ اور اس کی شرح، شہید اولین شیعہ عالم ہیں جنہوں نے درایۃ الحدیث میں اہم کتاب تالیف کی ہے۔</li>
 	<li>کتاب فی الأحادیث، یہ کتاب 1000 احادیث پر مشتمل ہے جن کو حسن بن محبوب کی کتاب "مشیخہ" سے منتخب کیا گیا ہے۔</li>
 	<li>منیۃ المرید فی ادب المفید و المستفید، یہ کتاب تعلیم و تعلم کے آداب پر مشتمل ہے جو تعلیم و تربیت کے لحاظ سے بہت مفید ہے۔</li>
 	<li>مسکّن الفؤاد عند فقد الاحبۃ و الاولاد، یہ کتاب انھوں نے کئی فرزندوں کی وفات کے بعد اپنی اور دوسروں کی تسکین کے لئے تالیف کی ہے۔</li>
 	<li>کشف الریبۃ عن احکام الغیبۃ۔</li>
</ul>
شہادت اور اس کی کیفیت:
آپ کی شہادت کے بارے میں دو روایات نقل ہوئی ہیں۔ ایک یہ کہ شہید ثانی نے دو افراد کے درمیان تنازعے میں ایک فریق کے خلاف فیصلہ سنایا تو جس کے ضرر میں فیصلہ ہوا تھا وہ شخص صیدا کے قاضی کے پاس جاتا ہے اور یہ قاضی روم کے سلطان (سلطان سلیمان) سے مطالبہ کرتا ہے کہ شہید کو بدعت ایجاد کرنے اور اہل سنت کے چاروں مذاہب سے خارج ہونے کی جرم میں گرفتار کیا جائے۔ اس روایت کو بعض نے رد کیا ہے۔
دوسری روایت یہ ہے کہ بعض اہل سنت سلطان سلیمان کے وزیر اعظم رستم پاشا کے پاس جاکر کہتے ہیں کہ شیخ زین الدین (شہید ثانی) اجتہاد کا دعویدار ہے اور بہت سارے شیعہ علما آپ کے پاس جاتے ہیں اور امامیہ کتابیں ان کے پاس پڑھتے ہیں اور ان کے اس کام کا مقصد شیعہ مذہب کی ترویج اور تبلیغ ہے۔ اسی لیے رستم پاشا بعض لوگوں کو آپ کی گرفتاری پر مامور کرتا ہے جبکہ اس وقت شہید مکہ میں تھے۔ یوں آپ کو مکہ میں گرفتار کرکے استنبول لے گئے اور اور سرکاری گماشتوں نے انہیں سلطان کے پاس لے جانے کے بجائے خودسرانہ طور پر ان کا سر تن سے جدا کیا اور آپ کا جسم تین دن تک دفن کئے بغیر رکھا اور بعد از اں سمندر میں پھینک دیا۔آپ کی تاریخ شہادت 5 ربیع الاول سنہ 965 ہجری ذکر کی گئی ہے۔
شہادت کا خواب:
شیخ بہائی کے والد شیخ حسین بن عبد الصمد حارثی کہتے ہیں: ایک دن میں شہید ثانی کے پاس پہنچا اور آپ کو اپنے آپ میں گم پایا۔ جب اس کی وجہ پوچھی تو کہا: برادرا! میرا خیال ہے کہ میں دوسرا شہید ہونگا، کیونکہ خواب میں سید مرتضی علم الہدی کو دیکھا انہوں نے ایک مجلس کا اہتمام کیا تھا جس میں شیعہ علما اور دانشور شریک تھے۔ جب میں مجلس میں پہنچا تو سید مرتضی اپنی جگہ سے کھڑے ہوگئے اور مجھے تبریک پیش کی اور حکم دیا کہ میں شہید اول کے ساتھ بیٹھ جاوں۔

زین الدین بن نورالدین علی بن احمد عاملی جُبَعی(شهید ثانی)

مولانا مقبول احمد صاحب طاب ثراہ 1870میں پیدا ہوئے ، آپ کے والد کا نام پیر جی غضنفر علی عرف مراد علی دہلوی ہے ، ایام شیرخوارگی میں ہی ماں کی آغوش سے محروم ہوگئے ، پھر سات سال کی عمر میں سایۂ پدری سے بھی محروم ہوگئے ، والد کے انتقال کے بعد آپ کے بڑے بھائی پیر جی حفیظ اللہ نے آپ کی پرورش کی ، اس وقت وہ پانی پت میں زندگی گزارتے تھے ، وہاں آپ نے ساتویں کلاس تک تعلیم حاصل کی پھر دہلی آگئے ،دہلی میں میرزا احمد بیگ سے بہت زیادہ متاثر ہوئے اور انہیں کی سرپرستی میں اپنی تعلیم کا سلسلہ جاری رکھا ، میرزا احمد بیگ نے اپنے فرزند کی طرح ان کی تربیت کی ۔ تقربیاً 1886 عیسوی میں ذاتی تلاش و تحقیق کے بعد اپنا آبائی مسلک “اہل سنت ” کو چھوڑ کرمذہب حقہ شیعہ اثنا عشری سے منسلک ہوگئے ۔حیرت انگیز بات یہ ہے کہ جب تبدیلی مذہب کا آس پاس علاقوں میں چرچا ہوا تو آپ نے ڈر سے تقیہ اختیار نہیں کیا بلکہ دہلی جامع مسجد میں جاکر اپنے مذہب کا اعلان کرتے ہوئے لوگوں کو مناظرہ کی دعوت دی لیکن دو دنوں تک کوئی بھی مناظرہ کے لئے تیار نہیں ہوا ۔آپ نے دینی تعلیم کے ساتھ ساتھ انگریزی اور عصری تعلیم میں بھی مہارت حاصل کر لی تھی ۔
بی اے کے امتحان میں امتیازی نمبروں سے کامیابی حاصل کرنے کے بعد قزلباش خاندان میں شادی کی ، آپ کو خدانے دو فرزند عطا کئے لیکن دونوں فرزند جواں سالی میں داغ مفارقت دے گئے ۔
مذہبی اور سماجی خدمات
مولانا مقبول احمد صاحب طاب ثراہ کی مذہبی اور سماجی دونوں خدمات کا دائرہ بہت وسیع ہے ، آپ ایک بلند پایہ اور خوش بیان خطیب تھے ،ایک مدت تک نواب حامد علی خان کی مسجد میں خطابت کا فریضہ انجام دیا ، 21/رمضان المبارک کو فیض آباد تشریف لے گئے اور وہاں کثیر مجمع میں مجلس سے خطاب فرمایا جس کی وجہ سے آپ کی خطابت کو کافی شہرت ملی ، اس کے بعد آپ دور دراز علاقوں میں مجلس خطاب کرنے کے لئے تشریف لے جانے لگے ۔آپ کی خطابت میں موجود علمی صلاحیتوں کو نواب رامپور نے محسوس کیا جس کی وجہ سے وہ کافی متاثر ہوئے ، انہوں نے اپنی ریاست کے بعض امور کے حساب و کتاب کی ذمہ داری آپ کے حوالے کی ، لیکن اس مصروفیت کے باوجود بھی آپ نے خطابت نہیں چھوڑی اور وقفہ وقفہ سے متعدد جگہوں پر خطابت کرتے رہے ۔
اس کے علاوہ ریاست دہلی کے عہدہ آوٹ آفیسری پر مامور رہے ، ایک مدت تک مدرسہ اثنا عشریہ میں تدریس کا فریضہ انجام دیا ، چنانچہ مدرسہ کی طرف سے راجا سید باقر علی خان کی خدمت میں ایک وفد گیا تو اس میں آپ بھی شریک تھے ، آپ کی صلاحیت کو دیکھ کر راجا صاحب جب تک زندہ رہے خود سے جدا نہ کیا ۔
آپ کی بے پناہ تبلیغ کا نتیجہ تھا کہ آپ نے 1920عیسوی میں سو آغاخانی خوجوں کو شیعہ کیا ، پھر 1921 عیسوی میں دوبارہ ممبئی تشریف لے گئے تو اس سے زیادہ لوگوں کو شیعہ کیا ۔
آپ کے وعظ و نصیحت کا انداز دلکش تھا ، ایک مرتبہ سننے والا بار بار سننے کا مشتاق ہوتاتھا ، آپ اپنی گفتگو میں اکثر مناظرانہ لب و لہجہ اختیار کرتے تھے ، تشیع کی تبلیغ و اشاعت میں کوئی دقیقہ فروگذاشت نہیں فرماتے تھے اور اس سلسلے میں کسی سے بھی خوف زدہ نہیں ہوتے تھے ۔آواخر عمر میں ایک عمومی اسپتال بنوانے کا ارادہ تھا لیکن مالی تعاون نہ ہونے کی وجہ سے اپنی خواہش کوعملی جامہ نہ پہناسکے ۔
قلمی جواہر پارے
ترجمہ و تفسیر قرآن کے علاوہ آپ کے بعض قلمی جواہر پارے مندرجہ ذیل ہیں:
ترجمہ اسنی المطالب فی ایمان ابی طالب ؛ دینی علوم کے متعلق درسی کتاب (پانچ حصے )؛ زائچۂ تقدیر ؛ فالنامہ دانیال ؛ تہذیب الاسلام ؛ ترجمہ حلیۃ المتقین ؛ وظائف مقبول ؛چودہ سورتوں کا مجموعہ ؛ دعاؤں کا مجموعہ؛ مفتاح القرآن …۔
ترجمه وتفسیر قرآن کا اجمالی تعارف
مولانا مقبول احمد صاحب طاب ثراہ نے اپنی تفسیر میں عام طور سے تفسیر صافی کو بنیادی حیثیت دی هے اور بعض مقامات پر دوسری معتبر تفسیروں سے بھی استفاده کیا هے۔آپ نے قرآن کا بطور کامل ترجمه کیا اور حواشی میں تفسیری نکات تحریر کئے ہیں اور اس سلسلے میں روایات سے بھرپور استفادہ کیاہے ، اپنی تفسیر میں آپ نے زیادہ تر شیعہ و سنی اختلافی مسائل کو بیان کیا اور ان مطالب کی تفصیل پر مشتمل ایک علیحده ضمیمه بھی لکھا چونکه ضمائم کا حجم زیادہ تھا اس لئے وہ ایک مستقل جلد میں طبع هوۓ ۔ یہ بات پیش نظر رہے کہ بعض جگہوں پر ضمائم کی اشاعت ممنوع قرار دے دی گئی ہے ۔
ترجمه قرآن کا وه نسخه جو هماری نظر سے گذارا وه مقبول پریس کی طرف سے تیسری بار چھپا هے، اس ترجمه کے ابتدائی صفحات پر چند علماء کی تقریظات مرقوم هیں جن میں مولانا سید احمد علی؛سید کلب حسین ؛سید محمد دہلوی؛سید نجم الحسن امروہوی؛سید سبط نبی نوگانوی ؛سید محمد باقر؛سید محمد هادی؛سید آقا حسین؛سید ناصر حسین ۔ یه ترجمه ۹۶۶ صفحات پر مشتمل هے ۔
آپ نے ترجمه اور تفسیر لکھنے میں جن منابع سے استفاده کیا وه اکثر روایی هیں جیسے اصول کافی ٬تفسیر قمی ٬تفسیر عیاشی ٬احتجاج طبرسی ٬تفسیر مجمع البیان اور تفسیر صافی وغیرہ۔ترجمه قرآن میں انکا اسلوب با محاوره هے، اگر چہ بعض جگہوں پر اس بات کی بھی کوشش کی ہے کہ آیات کے تحت اللفظی ترجمہ سے استفادہ کریں ۔
وفات :
مولانا مرحوم تبلیغ دین کے لئے مختلف شہروں میں سفر کرتے رہتے تھے ، چنانچہ ممبئی میں انہوں نے دو سو سے زائد لوگوں کو شیعہ کیا ، وہاں سے شملہ تشریف لے گئے اور وہاں بھی دین حقہ کی تبلیغ کی ، 23دسمبر 1921عیسوی کو آپ شملہ سے دہلی واپس آئے اورایک دن بعدیعنی 24/دسمبر 1821عیسوی کو اپنے مالک حقیقی سے جا ملے ۔آپ کی وفات سے پورا ہندوستان غم و اندوہ میں ڈوب گیا ، کافی دنوں تک ایصال ثواب کی مجلسیں ہوئیں۔ آپ کی وفات کے بعد دہلی میں مدرسۃ القرآن اور آگرہ میں مقبول المدارس تعمیر کیاگیا ، جو آج بھی بطور یادگار موجود ہیں ۔
اساتید:
ماسٹر مرزااحمد بیگ، مولوی سید آفتاب حسین
علمی آثار:
طلاب کی درسی کتابوں کی تالیف، ترجمہ القرآن، آخری پارہ ترجمہ اور تفسیر سے مکمل، کتاب النجوم کا انگریزی ترجمہ،اثبات ایمان حضرت ابی طالب مصنفہ سید احمد دجلان مفتی مکہ کی عربی کتاب کا ترجمہ، اس کا نام اسنی المطالب ہے حلیۃ المتقین کا ترجمہ،
مصروفیات:
دہلی ریاست کے عہدہ آوٹ آفیسری پر مامور، مدرسہ اثناعشریہ دہلی کی طرف سے راجہ سید باقر علی خان کی خدمت میں ایک وفد گیا تو اس میں آپ بھی شریک تھے، ہر زبان کے اخباروں میں آپ کے وعظ کی تعریف چھپی . مومنین دلی نے درگاہ پنجہ شریف میں مدرسۃ القرآن کے نام سے ایک دینی مدرسہ مرحوم کی یادگار قائم کیا ہے اور شیعیان آگرہ نے بھی ایک مقبول یادگار مقبول المدارس کے نام سے قائم فرمائی ہے ۔
آپ۱۶ سال کے سن میں سنی سے شیعہ ہوئے اس کے بعد اشہد ان علی ولی اللہ خلیفۃ بلا فصل کی آواز بلند کی اور جوش میں آکر دلی کی جامع مسجد میں جاکر اعلان کردیا کہ میں سنیوں کے علماء سے مباحثہ کرنے پر تیار ہوں مگر کسی نے مقابلہ کی جرآت نہ کی، تقریبا ۱۹۲۰ء میں تخمینا سو آغا خانی خوجوں کو شیعہ اثنا عشری کیا، ۱۹۲۱ء میں اس سے بھی زیادہ آغا خانی بمبئ میں شیعہ ہوئے، مجالس و وعظ کی وجہ سے مقدمہ اور ضلع فیض آباد و جونپور میں آپ کا وعظ کچھ عرصہ کے لئے بند کردیا گیا۔
وفات:
آپ کی وفات ۱۴نومبر۱۹۲۱ء میں ہوئی اور دلی ہی میں آپ کی تدفین ہوئی ۔
اولاد:
آپ کی تین اولاد تھیں جن میں سے دوفرزند جواں سال آپکی زندگی میں اور ایک آپ کے بعد مرحوم ہوگئے اور سلسلہ اولاد منقطع ہوگیا۔

سید مقبول احمد دہلوی

علامہ سید ابوالقاسم الدیباجی ایک عالم اور محقق اسلامی ہیں جو اپنی علمی خدمات کے لئے معروف ہیں۔ انہوں نے علوم اسلامی، تفسیر، حدیث، فقہ، و ادب کے شعبے میں اپنی تحقیقات کی ہیں۔
"زینب بطلتہ الحریتہ" ان کی ایک اہم کتاب ہماری سایٹ پر موجود ہے جس میں حضرت زینب بنت علی (ع) کی زندگی اور ان کے کربلا کے بعد کے عہدوں کو مکمل حالت میں پیش کیا گیا ہے۔ یہ کتاب چار فصلوں میں تقسیم کی گئی ہے، جس میں حضرت زینب (س) کی ولادت سے کربلا تک، کربلا میں ان کی کردار، عاشورا کے بعد سے آخر عمر تک کی زندگی اور وفات کا موضوع شامل ہے۔

سید ابوالقاسم الدیباجی

مختصر حالات

تحصیل ابتدای تحصیل وطن میں انجام دی پہر دینی تعلیم حاصل کرنے کے لیے شہر لکھنو میں مدرسہ ناظمیہ میں داخلہ لیا۔٨سال مدرسہ ناظمیہ میں علوم دینی حاصل کرنے کے بعد مدرسہ ناظمیہ سے فارغ التحصیل ہوئے مزید آگے پڑھنے کے لیے سن ۱۹۸۲ حوزہ علمیہ قم ایران تشریف لے گۓ۔١٤ سال ایران میں علوم آل محمد حاصل کرتے رہے ۔اس درمیان کبھی بھی انہوں نے تبلیغ دین کو فراموش نہیں کیا ۔ہر سال ماہ رمضان اور محرم و صفر تبلیغ دین کے لئے لیے ہندوستان کے مختلف شہروں کا سفر کرتے رہے اور تبلیغ دین کے اہم فرائض کو انجام دیا جیسے وشاکاپٹنم، مچھلی پٹنم،بیگن پلی، حیدرآباد، فیض آباد،جونپور، کلکتہ اور یوپی کے مختلف چھوٹے چھوٹے گاؤں کا بھی سفر کیا۔١٩٩٧کو تبلیغ دین اور تدریس کے لیے ایران کو الوداع کہا۔اور ہندوستان واپس آگئے۔2سال اندرا پردیش کے بیگن پلی قبضہ میں تبلیغ دین کے فرائض انجام دیا ۔۔اور سن 1999 جونپور تشریف لائے اور مدرسہ ناصریہ میں 4 سال تدریس کے فرائض انجام دیے اور ساتھ ہی ساتھ تبلیغ بھی کرتے رہے اور اپنے وطن میں جمعہ کی نماز قائم کی۔اور تین سال اپنے وطن میں امام جمعہ رہے۔ 2003 کو اربعین کے دن مجلس پڑھ کر کراکت سے جونپور آتے ہوے ایک سڑک حادثے میں انکا انتقال ہوگیا اور 40سال کی مختصر عمر میں اس جہان فانی کو الوداع کہا۔اور انکو شہر جونپور میں سپرد خاک کیا گیا۔

سید باقر رضا رضوی

سوانح حیات

مرزا ابوالقاسم صاحب جو بمبئی کی خوجہ شیعہ اثناعشری مسجد میں امام جماعت کے فرائض انجام دیتے رہے اور وہیں ان کا انتقال ہوا، فخر العلماء مرزا محمد عالم انہیں کے فرزند ارجمند تھے۔

ابتدائی تعلیم کے بعد ۱۹۴۶ میں آپ کا داخلہ سلطان المدارس لکھنؤ کے درجہ سوم میں ہوا۔ جہاں سے آپ نے صدرالافاضل تک پوری تعلیم حاصل کی اسی دوران الہ آباد بورڈ لکھنؤ یونیورٹی اور شیعہ عربی کالج سے بھی اعلی سندیں حاصل کیں، صدر الافاضل کا امتحان پاس کر کے 1957 میں آپ برائے تحصیل و تکمیل علوم عراق تشریف لے گئے ۔ ابتدا میں آپ نے چند ماه کربلائے معلی میں قیام فرمایا اور شرح کبیر کو دوبارہ مولانا سید حسن مرحوم (مقیم کربلائے معلی عراق) سے پڑھا۔ اس کے بعد نجف اشرف میں حجت الاسلام آغا شیخ محمد علی بربری سے نحو وصرف، معانی و بیان کی تکمیل کی، اور حجت الاسلام آغا مرزا اسلم خراسانی و حجت الاسلام آقائے سیدنصر اللہ المستنبط و حجت الاسلام آقائے شیخ علی اور آقائے سید جواد تبریزی وغیرہم سے فقہ و اصول کے درسیات کی تکمیل کی۔ جس کے بعد آپ ۱۹۶۱ء میں ہندوستان واپس تشریف لائے۔

تصنیف وتالیف

عراق روانگی سے قبل آپ علمی جریده العلم کے مدیر اعلی رہے، اور آپ نے اہمیت نماز ، محيط الدائرہ اور نقد الشعر کی تلخیص فرمائی ۔ دوران قیام عراق شرح تجرید علامہ حلی کا اردو میں ترجمہ کیا۔ واپسی عراق کے بعد آپ کے تصانیف تقریبا ڈھائی درجن ہیں ۔ بعض کتب دوسری زبانوں میں بھی ترجمہ ہوئیں۔
اساتذہ

آپ نے حسب ذیل علماء و افضل سے علی الترتيب تعلیم حاصل کی:

مولانا سید محمد حسن صاحب

مولانا سید الطاف حیدر صاحب مولانا سید احمد صاحب

مولانا سید ابن حسن نونہروی صاحب

مولانا کلب عابد صاحب

مولانا سید محمد صاحب

ان کے علاوہ مفتی اعظم صاحب ، محسن الملت، مولوی سید صادق صاحب اور مولانا سید حسین صاحب سے بھی شرف تلمذ حاصل رہا۔

عراق

حجت الاسلام آغا شیخ محمد علی بربری

حجت الاسلام آغا مرزا اسلم خراسانی

حجت الاسلام آقائے سیدنصر اللہ المستنبط

حجت الاسلام آقائے شیخ علی

آقائے سید جواد تبریزی
قومی خدمات

آپ اداره عالیہ تبلیغ و اشاعت کے بانی تھے۔ مدینہ العلم جامعة التبلیغ کے پرنسپل تھے۔ اس کے علاوہ مدرسه ناصر یہ جونپور اور لکھنؤ کے شیعہ کالج کی مجلس عامہ کے ممبر اور مسلم پرسنل لابورڈ کے ممبر تھے۔ آپ کے قائم کردہ مدرسہ جامعة التبلیغ سے تشنگان علوم سیراب ہو رہے ہیں جن میں ہندوستان کے ہر صوبے اور علاقے کے طلباء شامل ہیں۔
وفات

آپ کا انتقال ۱۴ ربیع الثانی 1405 ھ ہجری درگاہ حضرت عباس رستمگر لکھنو میں قلبی دورہ پڑنے سے ہوا اور اپنے تعمیر کردہ مدرسہ جامعة التبليغ مصاحب گنج لکھنو میں حسب وصیت سپرد خاک کئے گئے۔

میرزا محمد عالم

سوانح حیات

مولانا سید انتظار حسین صاحب نقوی امروہوی سنہ 1355 ھ میں عثمان پور میں پیدا ہوئے۔ آپ کے مورث اعلیٰ سید نظام احمد غنج رواں کےپوتے سید چاند نے اپنے فرزند سید عثمان کے نام پر موضع عثمان پور آباد کیا تھا ۔

آپ نے مدرسہ باب العلم نوگاواں سادات میں مولانا سید آقا حیدر صاحب قبلہ مرحوم سے علوم دینیہ کی تحصیل کی ۔ 1371 ھ سے 1374 ھ تک کیرا (کچھ) کی خوجہ شیعہ اثنا عشری جماعت میں مذہبی خدمات انجام دئیے۔ اس کے بعد آپ تانزانیا تشریف لے گئے جہاں سونگیا اور سنگیڈا کی جامعتوں میں خدمتیں انجام دیں۔ تانزانیا کے بعد آپ ماڈاگاسکر گئے جہاں 1398 ھ تک مذہبی خدمات انجام دیتے رہے۔

افریقہ سے وطن واپسی کے بعد آپ نے اپنے نو تعمیر کشادہ مکان کے بیرونی حصہ میں آٹا پیسنے اور دھان کوٹنے کی مشینیں لگائیں جن سے آپ کو اچھی اور حلال روزی بے منت احدے ملتی تھی ۔

تصانیف

ستون صداقت

اظہار حق

سید انتظار حسین امروهوی

سوانح حیات

حضرت آیت اللہ سید کاظم نقوی رہ صاحب 13 جمادی الاولی 1353 ھ کو لکھنو میں پیدا ہوئے ۔ آپ کے والد گرامی ممتاز العلماء آیت الله سید ابو الحسن نقوی منن صاحب ( پرنسپل مدرسة الواعظین لکھنو) تھے ۔ آپ کی والدہ سیدہ امۃ الحسین بنت ابوالفضل العباس نصیرآبادی تھیں ۔ آپ کے برادران آیت الله العظمی سید العلماء سیدعلی نقی نقوی ، علم الہدی آیت الله سید مرتضی نقوی ، آیت الله سید باقر نقوی مقیم دبی ، اور مولانا سید عبد الحسن نقوی ہیں ۔ زوجہ سیدہ محمودہ بیگم بنت مولوی سید اعظم علی نقوی جائسی ایڈووکیٹ تھیں۔ آپ خاندان اجتهاد ، مجدد الشریعۃ محی الملۃ آیت الله العظمی سید دلدارعلی غفران مآب طاب ثراہ کے روشن چراغ ہیں۔

آیت اللہ سید کاظم نقوی رہ صاحب نے لکھنو میں تعلیم حاصل کرنے کے بعد حوزہ نجف جانے کے بعد اجازہ اجتہاد دریافت کیا۔ اور ہندوستان واپس آنے کے بعد مختلف علمی ، قومی خدمات میں تا حیات مشغول رہے۔

اولاد

سید عباس علی نقوی مقیم امریکہ ( متولد به ۵ اراگست ۱۹۸۲ء)

مناصب

امام جمعه مسجد جامع مسلم یونیورسٹی علی گڑھ

ناظم شعبۂ دینیات مسلم یو نیورسٹی

صدر شعبۂ دینیات مسلم یونیورسٹی

ڈین فیکلٹی آف تھیالوی مسلم یونیورسٹی
اساتذہ و تلامذہ
اساتذہ

حجت الاسلام علامہ سید کاظم حسین نقوی

آیت الله علی سیدعلی نقی نقوی نقن صاحب

مفتی اعظم آیۃ اللہ العظمی سید احمدعلی موسوی

آیت اللہ العظمی سید ابوالقاسم الخوئی

آیت الله العظمی سید علی بہشتی

آیت اللہ العظمی سید مرتضی خلخالی

آیت اللہ العظمی محمد تقی خوانساری

آیت اللہ سید ایوب حسین نقوی سرسوی صاحب

آیت اللہ سید رسول احمد رضوی صاحب گوپالپوری

تلامذۃ

عالیجناب خضیر موسی جعفر (نائب صدر عراق )

پروفیسر لطیف حسین شاہ کاظمی شعبه فلسفه مسلم یونیورسٹی علی گڑھ

ڈاکٹر نسیم زہرا لکچرر شعبہ تھالوجی مسلم یونیورسٹی علی گڑھ

پروفیسر فرمان حسین سابق ڈین شعبه دینیات مسلم یونیورسٹی

ڈاکٹر رانی با نو اسسٹنٹ پروفیسر مین کا لج مسلم یونیورسٹی

علامہ حامد علی شاہ ، پاکستان

علامہ حشم حسین ، پاکستان

آپ کے بیشتر تلامذہ ایران اور عراق میں ہیں ۔
تصانیف
مطبوعہ تصانیف

(1) درس حکومت

(۲) اسلام کی ضرورت

(۳) اسلام اور طبقاتی نظام

(4) مذہب، اطمینان نفس کا سر مایہ

(۵) اسلام کیا چاہتا ہے

(6) عورت اور اسلام

(7)ماده، قدیم یا حادث

(۸) یثرب کا مسافر سر زمین کربلا پر

(۹) مذہب اور ضمیر

(۱۰) اسلام اور آزادی

(۱۱) مذہب اور زندگی

(12) حضرت علی کا نقطہ نظر اور طریقہ کا ر

( ۱۳ ) وحی ایک پر اسرار رابطہ

(14)شق القمر

(۱۵) قانون ساز کون ۔ انسان یا خدا

(16) عرب کے اقتصادیات اور اسلام کے خدمات

(۱۷) دنیا، دین کی نظر میں

(۱۸) جہالت، بیماری اور تنگدستی

(۱۹) حسین اور انسانیت

(۲۰) ایام عزا کا اختتام اور اپنے نفوں کا جائزہ (۲۱) من و اہرمن

غیر مطبوعہ تصانیف

(1) حاشیه قوانین الاصول

(۲) حاشیہ رسائل

(۳) شرح رسائل (اردو)

(۴) شرح کافی

(۵) شرح فرائد الاصول

(6) شرح معالم الاصول

(7) شرح مکاسب ( اردو )

(۸) انجام کائنات

(۹) کشکول

(۱۰) فقه اسلامی کے اصول تحقیق

وفات

آپ کی وفات ۳/ جمادی الثانی 1439 ہجری سه شنبہ کے دن کو به مقام شریعت کدہ رئیس العلماء ۱ بجے دن میں ہوئی ۔ اور 1 بجے شب میں بہ مقام کر بلائے شاہ جمال علی گڑھ میں آپ کو سپرد لحد کیا گیا۔

سید کاظم نقوی

سوانح حیات

سنہ 1349ھ میں باسٹہ ضلع بجنور میں پیدا ہوئے۔ آپ کے والد محترم مولانا سید صغیر حسن تقوی تھے۔

غُرّۃُ العلماء، جناب، سرتاج العلماء اور ابوذر زمان آپ کے مشہور القاب ہیں۔ جناب کی زندگی میں فضول خرچی نامی چیز دکھائی نہیں دیتی بلکہ آپ انتہائی درجہ پرہیز فرماتے تھے۔

سیدمحمد صاحب عالم باعمل، متقی۔پرہیزگار اور ایک اچھے شاعر تھے۔ آپ کا خاندان علم و فضل میں معروف تھا۔ جناب کے والد بھی ایک عالم باعمل تھے۔

 تعلیم

آپ نے ابتدائی تعلیم اپنے خانوادہ سے ہی حاصل کی اور اپنے والدمحترم کی خدمت میں زانوئے ادب تہہ کئے نیز سات سال کی عمر میں قرآن مجید کی تعلیم مکمل کی۔

ابتدائی تعلیم کے بعدسنہ 1362ھ میں مدرسہ باب العلم نوگانواں کا رخ کیا وہاں رہ کر چار سال تک سلطان الواعظین علامہ آقا حیدراور آیۃ اللہ سبط نبی کی خدمت میں زانوئے ادب تہہ کئے۔ پھرمدرسہ ناظمیہ لکھنؤکے لئے عازم سفر ہوئے، وہاں رہ کر بزرگ اور جیّد علماء اعلام کی خدمت میں زانوئے ادب تہہ کئے مثلاًمولانا ایوب حسین، تاج العلماء سید محمد زکی، مفتی سیداحمدعلی شوشتری اور مولانا رسول احمدگوپالپوری وغیرہ۔

سنہ1951ء میں نجف اشرف(عراق) کے حوزہ کی جانب گامزن ہوئے اور زمانہ کے مشہور ومعروف فقہاء کی خدمت میں رہ کر کسب فیض کیا جن میں سے آیۃ اللہ العظمیٰ سید محسن الحکیم، آیۃ اللہ العظمیٰ سید ابوالقاسم الموسوی الخوئی، آیۃ اللہ العظمیٰ اسداللہ مدنی تبریزی، استاد مدرس افغانی، آیۃ اللہ حیدرعباس الہ آبادی اور استاد اشکوری وغیرہ کے اسمائے گرامی قابل ذکر ہیں۔

سید محمدصاحب نجف اشرف میں تعلیم حاصل کرنے کے ساتھ ساتھ مدرسہ ایروانی میں تدریس کے فرائض بھی انجام دیتے رہے کیونکہ آپ کو فقہ و اصول میں بہت مہارت حاصل تھی، طلاب کی کثیر تعداد آپ کے درس میں شرکت کرتی تھی۔ اس دوران جناب ہر شب جمعہ نجف اشرف سے پیدل چل کر کربلا کی زیارت کے لئے تشریف لے جاتے تھے۔

چونتیس سال کی عمر میں جناب کو حوزہ علمیہ نجف اشرف کے چار اساتذہ نے اجتہاد کے اجازے مرحمت فرمائی:

(1)آیۃ اللہ العظمیٰ سید محسن الحکیم

(2)آیۃ اللہ العظمیٰ سید حسین بروجردی

(3)آیۃ اللہ العظمیٰ سید باقر الصدر

(4)آیۃ اللہ العظمیٰ سید ابوالقاسم الموسوی الخوئی۔

آپ سولہا سال تک نجف اشرف میں بحرِ بیکراں سے منسلک رہے اورر سنہ 1967ء میں درجۂ اجتہاد پر فائز ہوکرنجف سے ہندوستان واپس آئے۔

اولاد

موصوف کے سارے بیٹے اہلِ علم و کمال ہیں اور ہندوستان کے مختلف شہروں میں تحریر، تقریر اور تدریس کے ذیعہ اشاعت علوم محمدؐ و آل محمدؐمیں مشغول ہیں جن کے اسمائے گرامی کچھ اس طرح سے ہیں:

مولاناسید حسین اصغر

مولانا سید عابد رضا

مولانا سید جعفر رضا

مولانا سید موسیٰ رضا

مولانا سید علی رضا

مولانا ڈاکٹرسید تقی رضا برقعی

مولاناڈاکٹر سید ہادی رضا(پروفیسر اے ایم یو علیگڑھ)

خدمات
دینی خدمات

موصوف نے بمبئی، دہلی اور گجرات وغیرہ جیسے بڑے بڑے شہروں میں دینی خدمات انجام دیں۔

اپنی زندگی کے آخر میں شہررامپور میں امام جمعہ و جماعت کے عنوان سے منتخب کئے گئے۔

جناب باسٹوی صاحب، دینی و اجتماعی پروگراموں میں حاضری دے کر اس کی معنوی صورت کو برقرار رکھتے تھے۔ پھندیڑی سادات میں انہدام جنت البقیع کے سلسلہ سے سہ روزہ اصلاحی و احتجاجی مجالس کے اجتماع میں امام جماعت کے فرائض بھی انجام دیتے تھے اور پروگرام کی صدارت بھی آپ ہی کیاکرتے تھے۔ مؤمنین موصوف سے بہت محبت کرتے اور وقتاً فوقتاً آپ کی زیارت سے مشرف ہوتے رہتے تھے۔

علمی خدمات

مدرسہ باب العلم نوگانواں سادات میں مدیریت و تدریس کے فرائض کو بنحو احسن انجام دیا، اس کے بعد مدرسہ منصبیہ میرٹھ کی مدیریت وتدریس کو سنبھالااور وہاں بھی اپنی لیاقت کا پرچم لہرادیا۔

آپ کا شمارعربی، فارسی اور اردو کے بہترین شعراء میں ہوتا تھا۔

شاگردان

ابوذرزمان نے بہت سے شاگردوں کی تربیت فرمائی جن میں سے :

مولانا محمدعلی محسن تقوی

مولانا افضال حسین جالپوری

مولانا عابد رضا تقوی

مولاناسیدناصرعباس پھندیڑوی

مولانا شایان چھولسی

مولانا عبداللہ زیدی پھندیڑوی

مولانا حسن اختر نوگانوی

مولانا سید محمد اصغرپھندیڑوی

مولانا طالب حسین پھندیڑوی

مولانا شاہنواز حسین میمن

مولانا ڈاکٹر سید عباس رضا رضوی چھولسی

مولانا صادق خوئی

مولانا علقمی

مولانا غمخوار حسین وغیرہ کے اسمائے گرامی قابل ذکر ہیں

تصانیف
منظوم نہج البلاغہ

آیۃ اللہ سیدمحمدصاحب نے متعدد کتابیں تالیف کیں اور مختلف تحقیقیں انجام دیں، آپ نےنہج البلاغہ کا منظوم ترجمہ بھی کیاجس کا قلمی نسخہ آپ کے فرزندارجمند "مولانا سید علی رضا تقوی" کے پاس محفوظ ہے۔ مولائے کائناتؑ کے ایک جملہ کا منظوم ترجمہ نمونہ کے طور پر اس طرح پیش کیا جاسکتا ہے:

دور فتنہ میں رہو اے نونہال!

اونٹ کے دوسالہ بچہ کی مثال

کوئی اس کی پشت پر بیٹھے تو چل سکتا نہیں

اس کے خالی تھن سے کچھ بھی دودھ مل سکتا نہیں

انقلابِ عالم

امروہہ کے لقمان رضا نامی شخص نے امامت کا دعویٰ کیا تو آیۃ اللہ سیدمحمدباسٹوی نے اس سے مناظرہ کیا اور اس کی کتاب "آفتابِ عالم" کے جواب میں "انقلابِ عالم" نامی سات جلدوں پر مشتمل کتاب تحریر فرمائی جو قلمی صورت میں ان کے بیٹوں کے پاس موجود ہے۔

مناظرات

مولانا انصار حسین زیدی پھندیڑوی(فاضل مشرقیات) کے ساتھ ایک مناظرہ ہوا جو تین دن تک جاری رہا، یہ مناظرہ وحدانیت خدا کے عنوان سے تھا۔ آخرکارابوذر زمان نے انصارصاحب کو قانع کردیا، اس موضوع پر مولانا انصار صاحب نے "تدبّر فی القرآن" نامی کتاب بھی لکھی، جب اس کا علم سیدمحمد صاحب کو ہوا تو بازار میں آنے سے پہلے اپنی ساری جمع پونجی کے عوض ساری کتابوں کو خرید لیا۔

&nbsp;

امروہہ کے لقمان رضا نامی شخص نے امامت کا دعویٰ کیا تو آیۃ اللہ سیدمحمدباسٹوی نے اس سے مناظرہ کیا اور آپ اس مناظرے میں کامیاب ہوئے ۔
ذاتی صفات

نحو و صرف، فصاحت وبلاغت، فقہ و اصول، حدیث و تفسیر اور کلام و عقائد میں جناب کی نظیر نہیں ملتی۔ دین و دیانت، اورتقویٰ و پرہیز گاری جیسے اوصاف آپ کی ذات سے ظاہرتھے۔ دولتِ دنیاکی طرف کبھی بھی نظر نہیں کی بلکہ ہر وقت دولتِ علم کی فکر میں محو رہتے تھے۔ جناب کی زندگی میں علم اورکتاب کی بہت زیادہ اہمیت تھی۔

اگر اخلاقی اعتبار سے دیکھا جائے تو آپ کی شخصیت ایسی تھی کہ بلاتفریق مذہب وملت لوگ آپ کی خدمت میں آتے اور اپنے لئے دعا کی گزارش کرتے تھے تو جناب ان کواہلبیت اطہارعلیہم السلام سے منقول دعاؤں کی تعلیم فرماتے اور اس کے ہمراہ اسپند، کلونجی اور سونٹ کے استعمال کی تاکید فرمایاکرتے تھے۔
وفات

یہ علم و عمل کا آفتاب25/ربیع الاوّل سنہ 1428ھ میں سرزمین رامپور پرغروب ہوگیا اور چاہنے والوں کی ہزار آہ و بکا کے ہمراہ نوابین رامپورکے مقبرہ عالیہ میں سپردِ لحد کیا گیا۔

سید محمد تقوی

سوانح حیات

مبارکپور اعظم گڑھ یوپی کا ایک ھونہار اور ہے مثال شخصیت

(حجت الاسلام والمسلمین الحاج مولانا علی ارشاد صاحب قبلہ نجفی اعلی اللہ مقامہ)

مبارکپور اعظم گڑھ کا یہ درخشندہ ستارہ ۱۱ ذیقعدہ ۱۳۴۵ھجری مطابق مارچ ۱۹۲۶عیسوی کو افق مبارکپور پہ طلوع ہوا

آپکے والد ماجد عالیجناب الحاج مولانا حکیم علی حماد صاحب قبلہ اعلی اللہ مقامہ اور والدہ ماجدہ صغری مرحومہ جو جناب امان اللہ مرحوم ساکن املو کی بیٹی تھیں

آپنے ابتدائی تعلیم گھر پر اپنے عظیم المرتبت والد سے پھر مدرسہ احیاء العلوم مبارکپورمیں پھر ایک سال مدرسہ باب العلم میں حاصل کی اسکے بعد مدرسہ ناصریہ جونپور تشریف لے گئے جہاں ۱۹۴۲ء میں "مولوی" اور ۱۹۴۳ء میں "عالم" کی سند لیکر جامعہ جوادیہ بنارس چلے گئے وہاں سے ۱۹۴۸ء میں "فخرالافاضل" کرکے ۱۹۴۹ء میں "فاضل طب الہ آباد بورڈ" کا امتحان پاس کیا اور جامعہ جوادیہ میں تعلیم کے دوران ھی لکھنو یونیورسٹی سے ۱۹۴۶ء میں "دبیر کا مل کا امتحان دیکر سند حاصل کی

ھندوستان کی تعلیم سے فراغت کے بعد ۱۹ شعبان ۱۳۶۸ ھ مطابق جون ۱۹۴۹ء بغرض تعلیم اجتہاد آپ نجف اشرف عراق تشریف لے گئے اور وہاں سے اجازات اجتہاد حاصل کرکے ۲۳رمضان المبارک ۱۳۷۳ھ مطابق ۱۹۵۴ء وطن عزیز واپس لوٹے

۱۹۵۴ء سے ۱۹۸۷ء تک آپنے ھندوستان کے مختلف مقامات اور متعدد مدارس و جامعات میں تبلیغ و تدریس کے فرائض انجام دیۓ

۲ بار مدرسہ باب العلم مبارکپور کے پرنسپل اور تا عمر شیعہ جامع مسجد مبارکپور کے امام جمعہ اور متولی رہے

۱۹۸۶ء میں حکومت ایران کی دعوت پر ایران تشریف لے گئے

آپنے شہرہ آفاق علماء کی متعدد کتابوں کے ترجمے کئے

آپ غیر معمولی صلاحیتوں کے مالک تھے مگر لوگوں نے آپکو پہچانا نہیں

"قدر گوھر شاہ داند یا بداند جوھری"

آپ حق گوئی میں کمال رکھتے تھے اور حق بولنے میں کسی کا خیال نہیں رکھتے تھے اسی لیے بعض لوگ آپکی حق گوئی کی بنا پر آپ سے ناراض رہتے تھے

مگر

آپ نے لوگوں کی رضا کے لیے خدا کی ناراضگی مول نہیں لی

آپکی زندگی میں دنیاوی سکون میسر نہ تھا مگر کبھی کسی سے تقدیر کا شکوہ نہیں کیا

صبرو شکر کی کٹھن منزلوں کو طے کرتے ہوئے آپنے ۱۳محرم ۱۴۰۸ھ مطابق ۸ ستمبر ۱۹۸۷ء سہ پہر ۲ بجے داعی اجل کو لبیک کہا اور ھمیں ھمیشہ کے لیے اپنے عظیم سایہ سے محروم کر دیا

انا للہ و انا الیہ راجعون

ھزاروں سال نرگس اپنی بے نوری پہ روتی ہے

بڑی مشکل سے ھو تا ہے چمن میں دیدہ ور پیدا

آ پ نے چار فرزند چھوڑ ے

جنمیں ایک مولانا فيروز عباس صاحب قبله

دوسرے حقير سراپا تقصير احسان عباس

تیسرے مولانا عرفان عباس صاحب سلمه

چوتھے مولانا محمد عباس سلمہ

اور چاروں اسوقت خدمت دین میں مصروف ہیں

اللہ ھماری خدمات کو قبول کرے اور توفیقات میں اضافہ فرمائے .

آپکے عظیم المرتبت اساتذہ میں سر فہرست ہندوستان میں

آیۃ اللہ فی العالمین الحاج مولانا سید ظفر الحسن الرضوی صاحب قبلہ اعلی اللہ مقامہ

(سابق پرنسپل جامعۂ جوادیہ بنارس)

حضرت حجۃ الاسلام والمسلمین الحاج مولانا سید وصی محمد صاحب قبلہ اعلی اللہ مقامہ

(سابق پرنسپل جامعۂ وثیقہ عربی کالج فیض آباد)

اور عراق میں

مرجع جہان تشیع حضرت آیۃ اللہ العظمٰی السید محسن الحکیم اعلی اللہ مقامہ

مرجع جہان تشیع حضرت آیۃ اللہ العظمیٰ السید ابو القاسم الموسوی الخوئ اعلی اللہ مقامہ

وغیرھم کا شمار ہوتا ہے

اور آپ کے شاگردوں کی اک طویل فہرست ہے جنمیں مشہور زمانہ شخصیتیں یہ ہیں

حجۃ الاسلام والمسلمین عالیجناب الحاج مولانا محمود الحسن خانصاحب قبلہ اعلی اللہ مقامہ

(سابق پرنسپل جامعۂ ناصریہ جونپور)

حجۃ الاسلام والمسلمین عالیجناب الحاج مولانا سید عابد حسین صاحب قبلہ کراروی اعلی اللہ مقامہ

(بانئ حوزہ علمیہ امام خمینی رہ وٹوا احمدآباد گجرات)

حجۃ الاسلام والمسلمین عالیجناب مولانا تقی الحیدری صاحب قبلہ اعلی اللہ مقامہ

(سابق پرنسپل جامعۂ وثیقہ عربی کالج فیض آباد)

وغیرھم

شجرہ مبارکہ علماء خانوادہ واحدی:-

مولانا فیروز عباس،احسان عباس, مولانا عرفان عباس, مولانا محمد عباس

ابن مولانا علی ارشاد النجفی اعلی اللہ مقامہ

ابن مولانا علی حماد (حکیم) اعلی اللہ مقامہ

ابن مولانا علی سجاد(حکیم) اعلی اللہ مقامہ

ابن مولانا میانصاحب یار علی اعلی اللہ مقامہ

ابن مولانا میانصاحب عبد الواحد اعلی اللہ مقامہ

ابن مولانا میانصاحب جان محمد اعلی اللہ مقامہ

ابن شیخ خوانوادہ و رئیس قوم میانصاحب دوست محمد اعلی اللہ مقامہ

علی ارشاد مبارکپوری

<div>
آج کا دور مصرفیتوں کا دور ہے ہماری معاشرت کا انداز بڑی حد تک مشینی ہو گیا ہے زندگی کی بدلتی ہوئی قدروں سے دلوں کی آبادیاں ویران ہو رہی ہیں فکرونظر کا ذوق اور سوچ کا انداز بدل جانے سے ہمارے ہاں ہیرو شپ کا معیار بھی بہت پست سطح پر آگیا ہے آج کھلاڑی‘ ٹی وی اور بڑی سکرین کے فن کار ہماری نسلوں کے آئیڈیل اور ہیرو قرار پائے ہیں جس کی وجہ سے ماضی و حال کے وہ عظیم سپوت اور روشنی کی وہ برتر قندیلیں ہماری نظروں سے اوجھل ہو گئی ہیں لہذا انھیں جاننا اور دوسروں تک ان کے کارناموں کو پہنچانا ہماری ذمہ داری ہے۔ اپنے اسلاف اور خصوصاً اہل علم اسلاف کو یادرکھنا بعد میں آنے والوں کے لیے ضروری ہوتا ہے اور رہنمائی کا ذریعہ بھی اسی لیے ان کی یاد کو تازہ اور ان کی زندگی سے خود کے لیے چراغ راہ بنانا بہت ضروری ہے اور یہ تبھی ممکن ہے جب ہم ان کی حیات کے نشیب و فراز اور ان کی کاوشوں سے آگاہ رہیں۔ بلاشبہ انسان اشرف المخلوقات ہے۔ رب ذوالجلال نے اسے دوسری مخلوقات پر یہ فوقیت علم کی بنا پر عطا کی ہے۔ اللہ ہی ہے جس نے انسان کو قلم کے ذریعے علم سکھایا اور زمین پر اپنا نائب بنا کر بھیجا۔ اُس کے خاص بندے اسی قلم اور کائنات کے مشاہدے کے ذریعے اپنے علم میں اضافہ کرتے اور اسے آگے بڑھاتے ہیں۔ اللہ کے ایسے ہی خاص بندوں میں سے ایک نام مولانا موصوف کا ہے جنہوں نے علم کے سمندر میں ڈوب کر سراغِ زندگی پایا اور اسی علم کے بحرِ بے کراں بن کر اس کے دامن کو وسیع اور تشنگانِ علم کو سیراب کیا۔ اس دنیائے فانی میں بسنے والے ہر انسان کا لمحہ بتدریج اس کی شخصیت کی تکمیل کرتا ہے۔ زمانہ اسے مبلغ، محدث، مؤرخ، محقق، مقرر، مصلح، مربی و محسن کے خطابات عطا کرتا ہے۔ ایسے شخص کی زندگی سراپا علم و عمل، سراپا جہاد اور عالم انسانیت کے لیے سرچشمہ ہوتی ہے۔ وہ زندہ رہتا ہے تو محترم و مکرم ہو کر زندگی کے لمحات گزارتا ہےاور اس عالمِ فنا سے منہ موڑتا ہے تو اپنے پیچھے نہ بھلائے جا سکنے والے کارناموں کی ایک تاریخ رقم کر جاتا ہے۔ ایک پورا زمانہ، ایک پورا عہد اس کی شخصیت سے منسوب ہو جاتا ہے۔ مستقبل کے محرر و مؤرخ اسے اوراقِ تاریخ میں یاد گار زمانہ قرار دیتے ہیں۔ آپ کے بارے میں معلومات اپڈیٹ کی جائیں گی۔

</div>

شخصیات

شخصیات