انیس کے منتخب مرثیوں پر مشتمل پروفیسر مسعود حسن رضوی ادیب کی یہ کتاب پہلی بار ۱۹۳۱ء میں شائع ہوئی تھی۔ اس وقت مراثی انسی کی صرف نول کشوری جلدیں دستیاب تھیں، ان جلدوں میں چھپنے والے مرثیوں کے متن میں بہت سے غلطیاں تھیں۔ مرثیے سے دلچسپی رکھنے والے قارئین کو غلط خوانی سے بچانے کے لیے مرتبہ نے ضروری سمجھا کہ ان مرثیوں کے متن کو ان کی ممکنہ صحت کے ساتھ پیش کیا جائے۔
مرثیے سے خصوصی دلچسپی کے سبب مرتبہ نے رثائیات و انیسیات کو اپنی تحقیق کے ایک مستقل موضوع کے طور پر اختیار کیا اور صنف مرثیہ اور انیس سے متعلق کئی اہم کتابیں تصنیف کیں۔ پیش نظر کتاب انھیں اہم کتابوں میں سے ایک ہے۔
میر ببر علی انیس ان شاعروں میں سے ایک ہیں جنہوں نے اردو کی رثائی شاعری کو اپنی خلاقی سے معراج کمال تک پہنچا دیا۔ صنف مرثیہ میں انیس کا وہی مقام ہے جو مثنوی کی صنف میں ان کے دادا میر حسن کا ہے۔ انیس نے اس عام خیال کو باطل ثابت کر دیا اردو میں اعلی درجہ کی شاعری صرف غزل میں کی جا سکتی ہے۔ انہوں نے رثائی شاعری کو جس مرتبہ تک پہنچایا وہ اپنی مثال آپ ہے۔ انیس آج بھی اردو میں سب سے زیادہ پڑھے جانے والے شاعروں میں سے ایک ہیں۔
میر ببر علی انیس 1803 میں فیض آباد میں پیدا ہوئے، ان کے والد میر مستحسن خلیق خود بھی مرثیہ کے ایک بڑے اور نامور شاعر تھے۔ انیس کے پر دادا ضاحک اور دادا میر حسن(مصنف مثنوی سحر البیان)تھے۔ یہ بات بھی قابل غور ہے کہ اس خاندان کے شاعروں نے غزل سے ہٹ کر اپنی الگ راہ نکالی اور جس صنف کو ہاتھ لگایا اسے کمال تک پہنچا دیا۔ میر حسن مثنوی میں تو انیس مرثیہ میں اردو کے سب سے بڑے شاعر قرار دئے جا سکتے ہیں۔
شاعروں کے گھرانے میں پیدا ہونے کی وجہ سے انیس کی طبیعت بچپن سے ہی موزوں تھی اور چار پانچ برس کی ہی عمر میں کھیل کھیل میں ان کی زبان سے موزوں شعر نکل جاتے تھے۔ انہوں نے اپنی ابتدائی تعلیم فیض آباد میں ہی حاصل کی۔ مروجہ تعلیم کے علاوہ انہوں نے سپہ گری میں بھی مہارت حاصل کی۔ ان کا شمار علماء کی صف میں نہیں ہوتا ہے تاہم ان کی علمی معلومات کا سب کو اعتراف ہے۔ ایک بار انہوں نے سر منبر علم ہیئت کی روشنی میں سورج کے گرد زمین کی گردش کو ثابت کر دیا تھا۔ ان کو عربی اور فارسی کے علاوہ بھاشا(ہندی) سے بھی بہت دلچسپی تھی اور تلسی و ملک محمد جائسی کے کلام سے بخوبی واقف تھے۔ کہا جاتا ہے کہ وہ لڑکپن میں خود کو ہندو ظاہر کرتے ہوئے ایک برہمن عالم سے ہندوستان کے مذہبی صحیفے سمجھنے جایا کرتے تھے۔ اسی طرح جب پاس پڑوس میں کسی کی موت ہو جاتی تھی تو وہ اس گھر کی خواتین کی نالہ و زاری اور اظہار غم کا گہرائی سے مطالعہ کرنے جایا کرتے تھے۔ یہ مشاہدات آگے چل کر ان کی مرثیہ نگاری میں بہت کام آئے۔
انیس نے بہت کم عمری میں ہی باقاعدہ شاعری شروع کر دی تھی۔ جب ان کی عمر نو برس تھی انہوں نے ایک سلام کہا۔ ڈرتے ڈرتے باپ کو دکھایا۔ باپ خوش تو بہت ہوئے لیکن کہا کہ تمہاری عمر ابھی تحصیل علم کی ہے۔ ادھر توجہ نہ کرو۔ فیض آباد میں جو مشاعرے ہوتے، ان سب کی طرح پر وہ غزل لکھتے لیکن پڑھتے نہیں تھے۔ تیرہ چودہ برس کی عمر میں والد نے اس وقت کے استاد شیخ امام بخش ناسخ کی شاگردی میں دے دیا۔ ناسخ نے جب ان کے شعر دیکھے تو دنگ رہ گئے کہ اس کم عمری میں لڑکا اتنے استادانہ شعر کہتا ہے۔ انہوں نے انیس کے کلام پر کسی طرح کی اصلاح کو غیر ضروری سمجھا، البتہ ان کا تخلص جو پہلے حزیں تھا بدل کر انیس کر دیا۔ انیس نے جو غزلیں ناسخ کو دکھائی تھیں ان میں ایک شعر یہ تھا۔
سبب ہم پر کھلا اس شوخ کے آنسو نکلنے کا
دھواں لگتا ہے آنکھوں میں کسی کے دل کے جلنے کا
تیرہ چودہ برس کی عمر میں انیس نے اپنے والد کی غیر موجودگی میں گھر کی زنانہ مجلس کے لئے ایک مسدس لکھا۔ اس کے بعد وہ رثائی شاعری میں تیزی سے قدم بڑھانے لگے اس میں ان کی محنت اور ریاضت کا بڑا ہاتھ تھا۔ کبھی کبھی وہ خود کو کوٹھری میں بند کر لیتے، کھانا پینا تک موقوف کر دیتے اور تبھی باہر نکلتے جب حسب منشاء مرثیہ مکمل ہو جاتا۔ خود کہا کرتے تھے، "مرثیہ کہنے میں کلیجہ خون ہو کر بہہ جاتا ہے۔" جب میر خلیق کو، جو اس وقت تک لکھنؤ کے بڑے اور اہم مرثیہ نگاروں میں تھے، پورا اطمینان ہو گیا کہ انیس ان کی جگہ لینے کے قابل ہو گئے ہیں تو انہوں نے بیٹے کو لکھنؤ کے باذوق اور نکتہ رس سامعین کے سامنے پیش کیا اور میر انیس کی شہرت پھیلنی شروع ہو گئی۔ انیس نے مرثیہ گوئی کے ساتھ مرثیہ خوانی میں بھی کمال حاصل کیا تھا۔ محمد حسین آزاد کہتے ہیں کہ انیس قد آدم آئینہ کے سامنے، تنہائی میں گھنٹوں مرثیہ خوانی کی مشق کرتے۔ وضع، حرکات و سکنات اور بات بات کو دیکھتے اور اس موزونی اور نا موزونی کی خود اصلاح کرتے۔ کہا جاتا کہ سر پر صحیح طریقہ سے ٹوپی رکھنے میں ہی کبھی کبھی ایک گھنٹہ لگا دیتے تھے۔
اودھ کے آخری نوابوں غازی الدین حیدر، امجد علی شاہ اور واجد علی شاہ کے زمانہ میں انیس نے مرثیہ گوئی میں بے پناہ شہرت حاصل کر لی تھی۔ ان سے پہلے دبیر بھی مرثئے کہتے تھے لیکن وہ مرثیہ خوانی کو کسی فن کی طرح برتنے کی بجائے سیدھا سادہ پڑھنے کو ترجیح دیتے تھے اور ان کی شہرت ان کے کلام کی وجہ سے تھی جبکہ انیس نے مرثیہ خوانی میں کمال پیدا کر لیا تھا۔ آگے چل کر مرثیہ کے ان دونوں استادوں کے الگ الگ مداح پیدا ہو گئے۔ ایک گروہ انیسیا اور دوسرا دبیریا کہلاتا تھا۔ دونوں گروپ اپنے اپنے ممدوح کو برتر ثابت کرنے کی کوشش کرتے اور دوسرے کا مذاق اڑاتے۔ انیس اور دبیر ایک ساتھ کسی مجلس میں مرثیہ نہیں پڑھتے تھے۔ صرف ایک بار شاہی گھرانے کے اصرار پر دونوں ایک مجلس میں یکجا ہوئے اور اس میں بھی انیس نے یہ کہہ کر کہ وہ اپنا مرثیہ لانا بھول گئے ہیں، اپنے مرثئے کی بجائے اپنے بھائی مونس کا لکھا ہوا حضرت علی کی شان میں ایک سلام صرف ایک مطلع کے اضافہ کے ساتھ پڑھ دیا اور منبر سے اتر آئے۔ مونس کے سلام میں انہوں نے جس فی البدیہ مطلع کا اضافہ کر دیا تھا وہ تھا۔
غیر کی مدح کروں شہ کا ثنا خواں ہو کر
مجرئی اپنی ہوا کھووں سلیماں ہو کر
یہ در اصل دبیر پر چوٹ تھی جنہوں نے حسب روایت مرثیہ سے قبل بادشاہ کی شان میں ایک رباعی پڑھی تھی۔ اس کے باجود عمومی طور پر انیس اور دبیر کے تعلقات خوشگوار تھےاور دونوں ایک دوسرے کے کمال کی قدر کرتے تھے۔ دبیر بہت منکسر المزاج اور صلح کل انسان تھے جبکہ انیس کسی کو خاطر میں نہیں لاتے تھے۔ ان کی پیچیدہ شخصیت اور نازک مزاجی کے واقعات اور ان کی مرثیہ گوئی اور مرثیہ خوانی نے انہیں ایک افسانوی شہرت دے دی تھی اور ان کا شمار لکھنؤ کے ممتاز ترین شہریوں میں ہوتا تھا۔ اس زمانہ میں انیس کی شہرت کا یہ حال تھا کہ صاحب اقتدار امیر، نامور شہزادے اور عالی خاندان نواب زادے ان کے گھر پر جمع ہوتے اور نذرانے پیش کرتے۔ اس طرح ان کی آمدنی گھر بیٹھے ہزاروں تک پہنچ جاتی لیکن اس فراغت کا زمانہ مختصر رہا 1856 میں انگریزوں نے اودھ پر قبضہ کر لیا۔ لکھنؤ کی خوشحالی رخصت ہو گئی۔ گھر بیٹھے رزق پہنچنے کا سلسلہ بند ہو گیااور انیس دوسرے شہرں میں مرثیہ خوانی کے لئے جانے پر مجبور ہو گئے۔ انہوں نے عظیم آباد(پٹنہ)، بنارس، الہ آباد اور حیدرآباد میں مجلسیں پڑھیں جس کا اثر یہ ہوا، دور دور کے لوگ ان کے کلام اور کمال سے واقف ہو کر اس کے مداح بن گئے۔
انیس کی طبیعت آزادی پسند تھی اور اپنے اوپر کسی طرح کی بندش ان کو گوارہ نہیں تھی ایک بار نواب امجد علی شاہ کو خیال پیدا ہوا کہ شاہنامہ کی طرز پر اپنے خاندان کی ایک تاریخ نظم کرائی جائے۔ اس کے لئے نظر انتخاب انیس پر پڑی۔ انیس نے پہلے تو اخلاقاً منظور کر لیا لیکن جب دیکھا کہ ان کو شب و روز سرکاری عمارت میں رہنا ہو گا تو کسی حیلہ سے انکار کر دیا۔ بادشاہ سے وابستگی، اس کی کل وقتی ملازمت، شاہی مکان میں مستقل سکونت دنیوی ترقی کی ضمانتیں تھیں۔ بادشاہ اپنے خاص ملازمین کو خطابات دیتے تھے اور دولت سے نوازتے تھے۔ لیکن انیس نے شاہی ملازمت قبول نہیں کی۔ دلچسپ بات یہ ہے کہ جن انگریزوں نے اودھ پر قبضہ کر کے ان کا رزق چھینا تھا وہی ان کو پندرہ روپے ماہوار وظیفہ اس لئے دیتے تھے ک کہ وہ میر حسن کے پوتے تھے جن کی مثنوی فورٹ ولیم کالج کے نصاب اور اس کی مطبوعات میں شامل تھی۔
جس طرح انیس کا کلام سحر آمیز ہے اسی طرح ان کا پڑھنا بھی مسحور کن تھا۔ منبر پر پہنچتےہی ان کی شخصیت بدل جاتی تھی۔ آواز کا اتار چڑھاؤ آنکھوں کی گردش اور ہاتھوں کی جنبش سے وہ اہل مجلس پر جادو کر دیتے تھے اور لوگوں کو تن بدن کا ہوش نہیں رہتا تھا۔ مرثیہ خوانی میں ان سے بڑھ کر ماہر کوئی نہیں پیدا ہوا۔ آخری عمر میں انہوں نے مرثیہ خوانی بہت کم کر دی تھی۔ 1874 ء میں لکھنؤ میں ان کا انتقال ہوا۔ انہوں نے تقریباً 200 مرثئے اور 125 سلام لکھے، اس کے علاوہ تقریباً 600 رباعیاں بھی ان کی یادگار ہیں۔
انیس ایک نابغہ ٔ روزگار شخصیت تھے۔ اگر وہ مرثیہ کی بجائے غزل کو اظہار کا ذریعہ بناتے تب بھی ان کا شمار بڑے شاعروں میں ہوتا۔ غزل پر توجہ نہ دینے کے باوجود ان کے کئی شعر خاص و عام کی زباں پر ہیں۔
خیال خاطر احباب چاہئے ہر دم
انیس ٹھیس نہ لگ جائے آبگینوں کو
انیس دم کا بھروسہ نہیں ٹھہر جاؤ
چراغ لے کے کہاں سامنے ہوا کے چلے
انیس کا کلام اپنی فصاحت، منظر نگاری اور زبان کے ساتھ ان کے خلاقانہ برتاؤ کے لئے ممتاز ہے۔ وہ ایک پھول کے مضمون کو سو طرح پر باندھنے پر قادر تھے۔ ان کی شاعری اپنے عہد کی نفیس زبان اور تہذیب کی آئینہ دار ہے۔ انہوں نے مرثیہ کی تنگنائے میں گہرائی سے غوطہ لگا کر ایسے بیش بہا گوہر نکالے جن کی اردو مرثیہ میں کوئی مثال نہیں ملتی۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

روح انیس، میر انیس کے مرثیے اور سلام

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

رزم نامہ انیس و دبیر(تعارف و تقابل)

سید مسعود حسن ادیب اردو کے محقق تسلیم کیے جاتے ہیں۔ انہوں نے کئی کتابوں کو مرتب کیا ہے۔ وہ اپنے ادبی اور تحقیقی کارناموں کے متعلق خود لکھتے ہیں ہیں: “ذوقؔ کی تحریک حالات کی مساعدت اور خیالات کی یکسوئی کی بدولت مجھ سے جو تھوڑا بہت ادبی کام ہو سکا ہے اس سے میرا شمار ادب کے خدمت گزاروں میں ہونے لگا ہے اور میرے خود فراموشانہ انہماک سے امید کی جاسکتی ہے کہ آئندہ بھی کچھ قابل ذکر خدمات انجام دے سکوں گا۔اب تک جن کتابوں کی تصنیف و تالیف اور ترتیب یا ترجمہ میرے ہاتھوں انجام پا چکا ہے ان کے نام یہ ہیں:
“امتحان وفا” ” فرہنگ مثال” ” ہماری شاعری” “فیض میر مجالس رنگین” “دبستان اردو” “روح انیس” “نظام اردو” “جواہر سخن جلد دوم” “شاہکار انیس” اس کے علاوہ بہت سے تحقیقی اور تنقیدی مضامین مختلف رسالوں میں شائع ہوچکے ہیں اور نامکمل کاموں کا اچھا خاصا ذخیرہ موجود ہے اگر ان کی تکمیل ہوگئی تو امید ہے کہ اردو ادب میری خدمتوں کو جلد فراموش نہ کرسکے گا” ان کاموں کے علاوہ انہوں نے “کلیات فائز” کو بھی مرتب کیا ہے اور اندر سبھا وغیرہ پر بھی کچھ کام کیا ہے۔
یوں ان کے مضامین اور دوسری تحقیقی تحریروں میں بھی تنقید کی جھلکیاں ملتی ہیں۔ لیکن نظریاتی تنقید پر ان کی ایک مستقل کتاب “ہماری شاعری” ہے۔ ہماری شاعری ان کے دو طویل مضامین کا مجموعہ ہے جس میں انہوں نے اردو شاعری پر عام اعتراضات کے جوابات نہایت مدلل انداز میں دیے ہیں۔ اس کتاب کے دو حصے ہیں، پہلے حصے میں شعر کی اہمیت اور ماہیت پر روشنی ڈالی گئی ہے اور دوسرے حصے میں اعتراضوں سے بحث کی گئی ہے۔ بہرحال اس کا مقصد کچھ بھی ہو اس کتاب میں یہی دو چیزیں ملتی ہیں جن سے مسعود صاحب کے تنقیدی نظریات اور اندازِ تنقید دونوں کا اندازہ ہو جاتا ہے۔
مسعود صاحب سوچ سمجھ کر بات کرنے کے عادی ہیں۔ تحقیق ان کی گھٹی میں پڑی ہے، احتیاط کو وہ ایمان سمجھتے ہیں، ان کی طبیعت کا عام رحجان یہ ہے کہ وہ اسلاف کے کارناموں کی اہمیت کو پہچانیں اور ان کا صحیح اندازہ لگائیں کیونکہ ان کے خیال میں جدید خیالات اور نئے رحجانات کی عمارت اس وقت تک دیر پا نہیں ہوسکتی جب تک ان کا رشتہ روایات سے نہ جوڑا جائے۔
مسعود صاحب نے فارسی اردو اور انگریزی تینوں ادبیات کا گہرا مطالعہ کیا ہے لیکن وہ مغرب سے واقفیت کے باوجود اس سے بہت کم متاثر ہوئے ہیں۔ کیونکہ ان کے خیال میں مشرقی ادبیات کو مغرب کے تنقیدی معیاروں سے نہیں جانچا جاسکتا۔
شاعری مسعود صاحب کے نزدیک جذبات کے اظہار کا دوسرا نام ہے۔ وہ انسانی زندگی میں جذبات کو بڑی اہمیت دیتے ہیں۔ ان کے خیال میں جذبات ہی کی وجہ سے دنیا میں رونق اورچہل پہل موجود ہے۔ وہ شاعری کو بیکار مشغلہ نہیں سمجھتے، وہ اس کے مقصدی ہونے کے قائل ہیں۔ ایک جگہ لکھتے ہیں:
“یہ سچ ہے کہ شعر سے لازمی طور پر کوئی مالی فائدہ نہیں ہوتا لیکن اگر ذہن کی تیزی، دل کی شگفتگی، روح کی بیداری اور اخلاق کا شمار بھی فائدوں میں ہے تو شعروشاعری کے مفید ہونے سے کون انکار کر سکتا ہے”
حالیؔ نے ملٹنؔ کے اس قول پر کہ “شاعری میں سادگی! اصلیت کا جوش ہونا ضروری ہے” نہایت تفصیل سے بحث کی ہے اور انہوں نے انہیں خصوصیات کو شاعری کے لیے ضروری قرار دیا ہے۔مسعود صاحب بھی تھوڑے سے اختلاف کے ساتھ کم و پیش انہیں خصوصیات کو شاعری کے لیے ضروری سمجھتے ہیں۔ سادگی، اصلیت اور جوش کے بجائے انہوں نے اصلیت، سادگی، بلندی، باریکی اور تڑپ کی اصطلاحیں وضع کی ہیں۔بس اتنا ہی حالی سے اختلاف ہے، ورنہ مجموعی تصور سے ان کا مطلب وہی ہے جو حالی کا تھا۔ مسعود صاحب نے خود بھی حالی کے اثرات کا اعتراف کیا ہے۔
مسعود صاحب کے تنقیدی نظریات پر مشرقی رنگ غالب ہے۔ ان کے سوچنے کا تمام تر انداز مشرقی ہے۔عملی تنقید میں بھی مسعود صاحب ان اصولوں کا خاص طور پر خیال رکھتے ہیں اور انہی کی روشنی میں اس کا جائزہ لیتے ہیں۔ وہ مناسب الفاظ، زور، باریکی، تڑپ، وضاحت، حسن بیان، صنائع بدائع، قافیہ، ردیف وغیرہ کی طرف ضرور توجہ دلاتے ہیں۔
مسعود صاحب کی تنقید اہمیت رکھتی ہے کیونکہ وہ مشرقی ہوتے ہوئے بھی سائنٹیفیک انداز کی ہے۔ وہ محقق ہیں، چھن بین ان کی فطرت بن چکی ہے اور یہ خصوصیت ان کی تنقید میں بھی موجود ہے جس کی وجہ سے ان کی تنقید میں بہت سنبھلی ہوئی کیفیت پیدا ہو گئی ہے۔ ایک نقاد کی حیثیت سے وہ منفرد ہیں۔
اردو ادب کے محقق اور نقاد۔ پیدائش 29 جولائی 1893ء کو محلہ ناظر پورہ شہر بہرائچ میں ہوئی[2] اور ان کا نام محمد مسعود رکھا گیا عرفیت ننھے قرار پائی،کیوں کہ وہ جسمانی طور پر بہت کمزور اور منحنی تھے، لیکن ہائی اسکول تک پہنچتے پہنچتے انھوں نے اپنے نام میں تبدیلی کر لی اور اپنا نام سید مسعود حسن رکھ لیا جس میں بعد میں رضوی اور پھر ادیب کا اضافہ ہوا۔ ادب سے ان کی دلچسپی اسکول کے ہی زمانے میں شروع ہو گئی تھی کیوں کہ انھوں نے ایک بیاض تیار کی جس کا عنوان تھا ”اشعار برائے بیت بازی۔“ اس کتاب میں الف سے لے کر ے تک حروف تہجی کے اعتبار سے اشعار درج تھے۔ یہ ان کی پہلی تالیف تھی جو صرف تیرہ برس کی عمر میں تیار ہوئی، جس وقت وہ پانچویں درجہ کے طالب علم تھے۔ وہ بیت بازی کے مقابلوں میں تنہا پوری جماعت کو ہرا دیاکرتے۔ طالب علمی کے ہی زمانے میں انھیں امانت کی اندر سبھا کے بہت سے حصے زبانی یاد تھے جو کبھی کبھی اسکول میں وہ ترنم سے سنایا کرتے تھے۔ امانت کی اندرسبھا سے دلچسپی کا ہی نتیجہ تھا کہ انھوں نے بعد میں’لکھنئو کا عوامی اسٹیج‘ جیسی گراں قدر کتاب لکھی۔ جسے اردو ڈراموں میں سنگِ میل کی حیثیت سے تسلیم کیا جاتا ہے۔
مرثیہ
ادیب کے والد کا انتقال جلدی ہی ہو گیا، لیکن ان کی والدہ کا تعلق صاحبِ علم گھرانے سے تھا ا س لیے وہ چاہتی تھیں کہ ان کا بیٹا بھی علم حاصل کرے۔ مسعود حسن کی نانی میر انیس کے خاص شاگرد میر سلامت علی مرثیہ خواں لکھنئو کی بیٹی اور خود اہل زباں تھیں۔ وہ ادیب کو غلط یا غیر فصیح زبان بولنے پر ٹوکتی رہتی تھیں۔ نانی کے بھائی عبد العلی نے ادیب کو حساب کے علاوہ مرثیہ خوانی بھی سکھائی تھی۔ میرعبد العلی کے نانا میر انیس کے یہاں داروغہ تھے اور ان سے ادیب انیس کے واقعات سنا کرتے تھے۔ بعد میں انھوں نے میر عبد العلی سے حاصل ہونے والی معلومات کو اپنے بہت اہم مضمون میر انیس کے کچھ چشم دید حالات میں لکھا بھی ہے۔ ان بزرگوں کی وجہ سے مسعود کو انیس اور صنفِ مرثیہ سے ایک خاص تعلق پیدا ہو گیا۔ بچپن میں ہی انھوں نے فرمائش کر کے اپنے لیے انیس کے کئی مرثیوں کی نقلیں تیار کروائیں اور آگے بڑھ کر انیس شناسوں اور مرثیے کے محققوں میں سر فہرست ہو گئے۔
لکھنؤ
ادیب سنہ 1908ء میں لکھنئو آ گئے تھے اور انھوں نے حسین آباد ہائی اسکول میں داخلہ لیا جہاں جوش ملیح آبادی بھی زیرِ تعلیم تھے۔ لکھنئو کے طالب علمی کے زمانے میں ادیب کے ادبی ذوق کو جلا ملی۔ دوسری طرف ان کو اس مٹتے ہوئے شہر اور اس کی ختم ہوتی ہوئی ادبی اور تہذیبی روایات نے مسحور کرنا شروع کر دیا۔ ان کی ملاقات بہت سے ایسے اصحاب سے ہوئی جنھوں نے اپنی آنکھوں سے واجد علی شاہ کا زمانہ اور 1857ء کا آشوب دیکھا تھا ان کے پاس عبرت ناک حکایتوں کا خزانہ تھا۔ جس کو سن کر ادیب بہت متاثر ہوئے اور یہی سبب بنا کہ وہ واجد علی شاہ اور لکھنوی تہذیب کی جانب متوجہ ہوئے اور ان دونوں موضوعات پر متعدد کتابوں کی تدوین کر کے اس موضوع پر سندکی حیثیت اختیا رکر لی۔
کتابیں
سنہ 1915ء سے 1917ء تک وہ کیننگ کالج کے طالب علم رہے اور اس کے بورڈنگ ہاؤس کے ساتھیوں میں علی عباس حسینی اور مرزا حامد حسین وغیرہ ادب کے مطالعے میں غرق رہتے تھے۔ ان میں ادبی موضوعات پر گرما گرم بحثیں ہو تی تھیں۔ جن میں مرزا محمد ہادی رسوا، مولانا بے خود موہانی اور مرزا یاس یگانہ چنگیزی شریک ہو تے تھے۔ ان اہل قلم نے ادیب کے ذہن کو وسعت دی۔ بی اے پاس کرنے کے بعد ادیب نے ریاستی حکومت کے محکمہٴ تعلیم میں ملازمت اختیار کر لی اور ملازمت کے دوران میں ہی انھوں نے پہلی کتاب سنہ 1920”امتحان وفا“ شائع کی جو لارڈ ٹینی سن کے ایک منظوم انگریزی قصے اینوک آرڈن (Enoch Arden) کا اردو نثر میں ترجمہ ہے۔ انھوں نے گولڈ اسمتھ کی نظموں کا بھی اردو میں ترجمہ کیا تھا۔ سنہ 1922میں وہ لکھنئو یونیورسٹی میں اردو کے لکچرر ہوئے اور اس کے بعد وہیں سے سبک دوش ہوئے۔ انھیں کتابیں جمع کرنے کا بے حد شوق تھا اور اس شوق نے ہی ان کے گھر کو ایک لائبریری میں تبدیل کر دیا ۔
کارنامہ
سعود حسن رضوی ادیب کا سب سے بڑا کارنامہ اردو ڈراما اور اسٹیج ابتدائی دور کی مفصل تاریخ ہے۔ جس میں انھوں نے اردو ڈرامے کو پوری تفصیل کے ساتھ پیش کیا ہے۔ اس کے علاوہ انھوں نے امانت کی اندر سبھا اور واجد علی شاہ کی کتابوں کی بھی تدوین کی ہے۔ میر تقی میر پر بھی ان کا کام بہت اہمیت کا حامل ہے۔
انتقال
مسعود حسین رضوی ادیب 60برسوں تک لکھتے پڑھتے رہے اور مضامین نو کے انبار لگا دیے۔ اس نابغہ روزگار شخصیت کا 29نومبر سنہ 1975ء کو لکھنئو میں کتابوں کے اس ذخیرے میں ہی انتقال ہوا جہاں بیٹھ کو وہ لکھا پڑھا کرتے تھے۔

سید مسعود حسن رضوی ادیب

Born:

Death:

سید مسعود حسن رضوی ادیب

Author Books