پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

نماز قرآن اور عترت کے آئینے میں

یہ کہنا شاید غلط نہ ہو کہ اس موضوع پر اتنی تحقیق و جامعیت اور شرح و بسط سے یہ پہلی کتاب ہے۔ حضرت خدیجہ سلام اللہ علیہا جو سب سے پہلے پیغمبر اسلام ﷺ پر ایمان لائیں جو آنحضرتؐ کے کردار و اخلاق ، صفات و اوصاف سے اتنا متاثر ہوئیں کہ باوجود عرب کی معززترین دولتمند ترین خاتون ہونے کے خود آپ کی کنیزی کی متمنّی ہوئیں، ایسی عظیم ترین شخصیت کی سیرت و کردار اور حالات زندگی پر کوئی مستقل کتاب اردو میں موجود نہیں، بے شک آپ کے حالات و سوانح حیات سے اردو کتابیں خالی نہیں مگر تمام تر آپ کا ذکر یا تو ازواجِ پیغمبرؐ کے ضمن میں ہے یا صحابیات کے سلسلے میں مستقل طور پر آج تک کوئی کتاب شائع نہیں ہوئی۔
یہ کتاب امتیازی اہمیت کی حامل ہے اسے اپنے مطالعے کا حصہ ضرور قرار دیں۔

ملیکۃ العرب

مجموعہ کتب رئیس الواعظین

آپ کا نام سید کرار حسین ،آپ کا لقب رئیس الواعظین اور آپ کے والد کا نام جناب رفیق الحسن صاحب مشہور بہ رفیق میاں اور آپ کی ولادت ۱۳۵۶ ہجری کو میرپور ضلع اعظم گڑھ (اتر پردیش) میں ہوئی ۔
تعلیم و تربیت:
وطن میں ابتدائی تعلیم کے بعد آپ 1947ء میں مدرسہ جوادیہ (بنارس) میں داخل ہوئے ـ اور کچھ عرصہ تک ابتدائی عربی بھی سرکار ظفرالملۃ ہی سے پڑھی ۔ فخرالافاضل کرنے کے بعد آپ مدرسۃ الواعظین (لکھنؤ) میں داخل ہوئے ۔ وہاں کی تعلیم مکمل ہونے کے بعد آپ نے کئی سال تک مدرسہ الواعظین کی طرف سے تبلیغی خدمات انجام دیں ۔ پھر اپنے طور پر خطابت کے لیے ہندوستان کے مختلف شہروں کے ساتھ ساتھ بیرونی ممالک میں بھی جاتے رہے۔
خاص عادت:
آپ کی ایک خاص عادت یہ تھی کہ آپ ایک بے باک اور بلا خوف اور دو دو چار کی طرح بات کرتے اور حق کے لئے ہر طرح کی کوشش اور ایثار کے لئےہمیشہ تیار رہتے تھے۔
اساتید:
آیہ اللہ ظفر الملۃ صاحب قبلہ
تبلیغی و دینی مصروفیات:
آپ کا وطن میر پور تھا لیکن وہاں سے آمد و رفت میں بے حد دشواریاں ہوتی تھیں اس لیے آپ نے سید واڑہ محمد آباد گوہنہ میں سکونت اختیار کرلی ۔ وہاں قیام کے دوران آپ نے شاہی مسجد میں نماز پنجگانہ اور نمازجمعہ کی امامت شروع کی ۔ سید واڑہ کی دینی فضا میں ترقی کے اثرات قرب و جوار کی بستیوں میں بھی محسوس کئے جانے لگے ۔ اور اصلاح معاشرہ کا کام تیزی سے آگے بڑھنے لگا۔
آپ کی ذاکری 1955ء میں شروع ہوئی تھی نیز تحریری خدمات کا سلسلہ 1962ء میں شروع ہوا جب آپ نے غلام محمد جیلانی کی کتاب ''بھائی بھائی'' کے جواب میں ''ہابیل قابیل'' لکھی ۔ یہ آپ کی طالب علمی کا آخری زمانہ تھا ۔ آپ کی تحریر و تقریر کی چاشنی کا راز آپ کے اس اسلوب میں پنہاں تھا جس کے آپ خود ہی موجد تھے اور شاید خاتم بھی۔
جب 1955ء میں آپ نے ذاکری شروع کی تو اس وقت کے مقبول رجحان کو سامنےرکھتے ہوئے مناظرانہ انداز بیان اختیار کیا ۔ ایک عرصہ تک اس سلاح کے ذریعہ دینی عقائد و اصول کو ذہنوں میں راسخ کیا ۔ اس کے بعد خطیب اعظم سید غلام عسکری کی دوستی کے فیض سے تبلیغی اور اصلاحی انداز بیان اپنایا ۔ اور اس حوالہ سے مرکزی مقامات پر تبلیغی مجالس کا انعقاد کرایا ۔ مساجد میں نماز جماعت کی بنیاد رکھی۔دینی مکاتب کا قیام عمل میں آیا ۔ سماجی اور معاشرتی پروگراموں میں اصلاح رسوم کی بنیاد ڈالی۔آپ کی ذاکری کے مشہور واقعات میں مبارک پور کا تاریخی مناظرہ ، احمد آباد(گجرات) کی سالانہ مجالس اور نوادہ چاند پور (اعظم گڑھ) میں شیعیت کی شجرکاری شامل ہیں ـ آپ کی تقاریر اہل سنت میں بھی مقبول تھیں ، چنانچہ سیرت النبی اور میلاد النبی صلی اللہ علیہ وآلہ وسلم کے جلسہ جات میں اکثر آپ کو دعوت دی جاتی تھی۔
 علمی آثار:
 زمانہ طالب علمی ہی سے آپ کے مضامین رسالہ الجواد (بنارس) ، الواعظ (لکھنؤ) اور دیگر قومی اخبارات و رسائل میں شائع ہوتے رہتے تھے۔ لیکن مستقل تصانیف آپ کی حسب ذیل ہیں :

<ul style="text-align: justify;">
 	<li>ملیکۃ العرب : (حضرت خدیجہ بنت خویلد کی مفصل سوانح حیات)</li>
</ul>
 فارسی زبان میں بھی حضرت خدیجۃ الکبریٰ کے حالات زندگی پر اس قدر تحلیلی کتاب موجود نہیں ہے ـ اور خود اردو زبان میں بھی اب تک اس کتاب جیسی کتاب نہیں لکھی گئی ہے۔ اس کتاب میں حضرت خدیجہ کی زندگی سے متعلق ایک مسلمان کے ذہن میں پیدا ہونے والے سوالات کا اطمینان بخش جواب موجود ہے۔

<ul style="text-align: justify;">
 	<li>ام المومنین حضرت عائشہ</li>
 	<li>ہابیل قابیل</li>
 	<li>نور و نار</li>
 	<li>سازش (واقعہ قرطاس پر بحث) 6</li>
 	<li>مجرم (بجواب انکشاف حقیقت)</li>
 	<li>تاریخ الشیعہ</li>
 	<li>دلیل عزا</li>
 	<li>باغی (باغ فدک پر مفصل بحث)</li>
 	<li>ولی اللہ</li>
 	<li>نماز قرآن و عترت کے آئینہ میں</li>
 	<li>تحفہ غدیر</li>
 	<li>فلسفہ دعا(لکھنؤ میں خطاب کیا ہوا خمسہ مجالس)</li>
</ul>
تاسیسات:
ادارہ تنظیم المکاتب خطیب اعظم مولانا سید غلام عسکری کے حالات میں ادارہ تنظیم المکاتب کی تاسیس کا حال لکھا گیا ۔ یہاں اتنا لکھنا ضروری ہے کہ خطیب اعظم نے مولانا کرار حسین کے ساتھ دینے کے وعدہ کے بعد ہی تنظیم المکاتب کے قیام کے لیے استخارہ کیا ۔ اور 15/ جمادی الاول 1388ھ مطابق 11/ اگست 1968ء کو جو پہلی کمیٹی بنی اس میں خطیب اعظم سکریٹری اور مولانا کرار حسین جوائنٹ سکریٹری منتخب ہوئے ۔ خطیب اعظم کی وفات کے بعد آپ سکریٹری ہوگئے ، ۔ مولانا سعادت حسین نے جب صدارت چھوڑی تو علامہ ذیشان حیدر جوادی جو نائب صدر تھے ، صدر ہوگئے اور مولانا کرار حسین نائب صدرہوگئے ـ اخبار تنظیم المکاتب جب تنظیم المکاتب کا پندرہ روزہ اخبارجاری ہوا تو ایک عرصہ تک مولانا کرار حسین اس کے ایڈیٹر رہے ۔ مجلہ البیان ایک سہ ماہی رسالہ حجۃ الاسلام سید محمد موسوی (نجفی ہاؤس بمبئی)کی سرپرستی میں آپ نے جاری کیا جس کے ایڈیٹر آپ خود تھے ـ اس کا پہلا شمارہ ، محرم تا ربیع الاول 1417ھ محمد آباد گوہنہ ضلع مئو سے شائع ہوا ـ اس کے مضامین اہل علم کے نزدیک قابل قدر ہوتے تھے ۔ مخالفین کی سازشوں کے نتیجہ میں دو سال کے بعد آقای موسوی نے اس کی کمک بند کر دی جس کے بعد اس رسالہ کی اشاعت کا سلسلہ منظم نہ رہ سکا۔
وفات:
اگست 1998ء میں آپ کے حلق میں کینسر (سرطان) کے آثار ظاہر ہوئے ۔ بمبئی کے علاج سے وقتی سکون ملا ـ لیکن پھر مرض بڑھتا گیا ۔ آخری دنوں میں مدرسہ جوادیہ (بنارس) میں آکر مقیم ہوگئے اور علاج کا سلسلہ جاری رہا ـ آخرکار وہیں 20 ذی الحجہ 1420ھ مطابق 27 مارچ 2000ء کو آپ نے رحلت فرمائی ۔ جنازہ محمد آباد گوہنہ لے جایا گیا ۔ محمد آباد گوہنہ میں 21 ذی الحجہ کو مولانا سید شمیم الحسن نے نماز جنازہ پڑھائی اور آپ کو گھر کے نزدیک صدر امام باڑہ میں سپرد خاک کر دیا گیا۔

Born

Death

سید کرّار حسین رضوی (رئیس الواعظین)

سید کرّار حسین رضوی (رئیس الواعظین)

Born:

Death:

سید کرّار حسین رضوی (رئیس الواعظین)

Author Books