ضمیر اختر نقوی کا خمیر لکھنؤ کی تہذیبی سر زمین سے ہے، جس کی وجہ سے لکھنوی ثقافت کا گہرا اثر ان کی شخصیت میں نظر آتا ہے،اردو مرثیہ کی تاریخ پر ان کی گہری نظر تھی۔ زیر نظر کتاب "اردو مرثیہ پاکستان میں" دوحصوں پر مشتمل ہے، پہلے حصے میں ، پاکستان کے قیام سے پہلے لکھے گئے اردو کے مرثیوں پر تبصرہ کیا گیا ہے جبکہ دوسرے حصے میں جدید مرثیوں کے حوالے سے گفتگو کی گئی ہے۔ضمیر اختر نقوی نے مختلف علاقوں کے شعراکے مرثیوں کو سامنے رکھتے ہوئے ان کے حالات زندگی کو بیان کیا ہےساتھ ہی ساتھ ان کے مراثی کا نمونہ پیش کیا ہے اور پھر ان کی مرثیہ نگاری پر مختصر مگر جامع تنقید و تبصرہ بھی پیش کیا ہے۔ یہ کتاب ایک طرح سے اردو مرثیہ نگاروں کا تذکرہ ہے جس میں شعرا کی بڑی تعداد نظر آتی ہے۔
یہ تحقیقی کام یقینا بہت بڑا کام ہے۔ یہ تصنیف ہر لحاظ سے بلند پایہ اور قابلِ قدر ہے۔ضمیراختر نقوی نے قدیم مرثیہ اور جومرثیہ اس وقت لکھا جارہا ہے،اس کااحاطہ کرلیا ہے۔ضمیر اختر نقوی نے بہت مبارک کام کیا ہے۔ادب شناس اس کتاب کو پڑھیں گے اور یہ کتاب ہمیشہ اور ہر دور میں پسند کی جائے گی۔ضمیر اختر نقوی کی یہ کتاب اُردو ادب میں ایک گراں قدر اضافہ ہے۔
اُردو مرثیے کی بد قسمتی یہ ہے کہ اسے انیسؔ کے سوا کوئی ایسا شاعر نہیں ملا جس نے صرف مرثیہ گوئی کی بدولت تاریخِ ادب میں مستقل جگہ بنالی ہو۔اُردو کے ممتاز ترین شاعروں کاذکر ہو گا تو میر غالبؔ،انیسؔاور اقبال کے نام پہلے ذہن میں آئیں گے، ان کے بعد ان اصناف کاخیال آئے گا جن میں ان شاعروں نے طبع آزمائی کی ہے۔البتہ جب تاریخِ ادب میں خصوصی طور پر ان اصناف کاذکر ہوگاتب کچھ اور شاعروں کے نام بھی ذہن میں آئیں گے جنھوں نے ان اصناف میں امتیاز حاصل کیا ہے۔مثلاً امجد حیدرآبادی اور جگت موہن لال ،رواںؔ بہت اچھے رباعی گوشاعر تھے،جب ہم تاریخِ ادب میں رباعی کے باب میںآئیں گے تو امجد اور رواںؔ کا ذکر ناگزیر ہوگا،لیکن جب ہم پورے اُردو ادب کو ایک واحدہ مان کراس کے اکابر کاشمار کریں گے تو ہمیں ان دونوںماہر رباعی گویوں کا شاید خیال نہ آئے اور ہم یہ کہنے میں حق بجانب ہوں گے کہ اُردو میں صنفِ رباعی کمال کے درجے تک نہیں پہنچ سکی،گویا امجد اور رواںؔکو تاریخِ ادب میں نہیں بلکہ تاریخِ ادب کے باب ِرباعی میں مستقل جگہ حاصل ہوئی ہے اور ان کاذکر تاریخِ رباعی میں ناگزیز سہی،تاریخِ ادب میں ناگزیر نہیں ہے۔میر انیسؔ تاریخِ مرثیہ ہی میں ہیں ،تاریخِ ادب میں بھی ناگزیر ہیں،اسی لیئے ان کی بدولت مرثیے کو اُردو ادب میں وہ مقام حاصل ہوا جو رباعی کو حاصل نہ ہوسکا۔ظاہر ہے کہ مرثیہ،انیسؔ و دبیر ؔکے بعد ختم نہیں ہوا،لیکن ان دو بڑے استادوں کے اٹھ جانے کے بعد اس میدان میں ایک سناٹا سا ضرور چھا گیا جس میں ایک عرصے تک انیسؔ و دبیرؔکی گونج سنادیتی رہی،آخر وہ بھی ہلکی ہوتے ہوتے ختم کے قریب پہنچی۔
یہی وہ وقت تھا جب ہندوستان میں مرثیہ گوئی کی نشاۃِ ثانیہ کی داغ بیل پڑی۔ تقسیم ہند کے بعد سیّد آلِ رضا،نسیمؔ امروہوی،جوشؔ ملیح آبادی،نجمؔ آفندی وغیرہ کی پاکستانی مہاجرت کے ساتھ نشاۃِ ثانیہ کی یہ تحریک بھی پاکستان منتقل ہوگئی۔وہاں یہ تحریک تسلسل کے ساتھ جاری ہے،تاہم ابھی تک ہندوستان میں یقینا اور غالباً پاکستان میں بھی عام خیال یہی تھا کہ مرثیہ گوشاعر اگر چہ پاکستان میں ہندوستان سے زیادہ ہیں لیکن ان کی تعداد اور کلام اتنا نہیں ہے کہ مستقل تحقیق و تنقید کا موضوع بن سکے۔ اس غلط فہمی کو دور کرنے کا سہرا ضمیراختر نقوی کے سر ہے۔
ضمیر اختر نقوی نے خود کو اُردو مرثیے کی تحقیق اور تنقید کے لیئے وقف کردیا ہے۔ میرانیسؔ اور تاریخِ مرثیہ ان کے خصوصی موضوع ہیں،لیکن ان کی تازہ کتاب ’’اُردو مرثیہ پاکستان میں‘‘انھیں جدید مرثیے کے متخصص کی حیثیت سے پیش کرتی ہے۔ انھوںنے اس کتاب میں سو سے زائد پاکستانی مرثیہ نگاروں کا تذکرہ لکھنے کے علاوہ صنف ِمرثیہ کی پس منظری تاریخ،ہندوستان کے موجودہ مرثیہ نگاروں اور پاکستان کے مختلف شہروں میں عزاداری کے بیان سے اپنے موضوع کو مزید مربوط اور مستحکم کردیا ہے۔
اس کتاب کو پڑھنے کے بعد یہ اُمید رکھنا بے جانہ ہوگا کہ مستقبل میں اُردو مرثیے کو پھروہی وقار حاصل ہوگا جو ماضی میں اسے انیسؔ و دبیرؔکی بدولت حاصل ہو اتھا۔اس وقت اس کتاب میں شامل بیشتر مرثیہ نگار نئے مرثیے کے اولیں معماروں میں شمار ہوں گے، لیکن ظاہر ہے کہ زمانہ ان میں سے بہتوں کو اسی طرح فراموش کردیتا جس طرح اس نے اُردو کے بہت سے ابتدائی مرثیہ نگاروں کو فراموش کیا۔ضمیر اختر کی کتاب سے یہ اندیشہ دور ہوگیا اور یہی ان کا بڑا کارنامہ ہے۔
’’اُردو مرثیہ پاکستان میں’’اس وقت بھی ایک قابلِ قدر اور بیش قیمت دستاویز ہے اور وقت گزرنے کے ساتھ اس کی قدر و قیمت میں اضافہ ہوتا جائے گا۔
اس کتاب میں پاکستان کے تقریباً ۱۰۰ مرثیہ نگاروں کے حالات ِ زندگی اور ان کے کلام پر نقدو تبصرہ شامل ہے۔کتاب بڑی عرق فشانی اور دیدہ ریزی سے ترتیب دی گئی ہے۔
کتاب کی ایک امتیازی شان یہ ہے کہ اس میں جوشؔ ملیح آبادی،جناب آلِ رضاؔ، جناب راجا صاحب محمود آبادؔ، شاعرِ اہلِ بیت ؑجناب نسیمؔ امروہوی اور جناب نجم ؔآفندی صاحب کے حالات ِ زندگی اور ان کے کلام پر سیر حاصل ریویوکیا گیا ہے اور وہ وہ نکات بیان کیے ہیں جن سے اُردو مرثیے میں چار چاند لگ گئے ہیں۔
کتاب کا ایک شان دار باب آرزوؔ لکھنوی کی مرثیہ نگاری پر ہے۔لوگ آج تک آرزو کو ایک غزل گوشاعرکی حیثیت سے ہی جانتے تھے۔ ضمیر صاحب کے ذوقِ تجسس کی داد دیجئے کہ انھوں نے آرزو ؔکے قلمی مرثیے کہاں کہاں سے دریافت کیے ہیں۔
کتاب کاایک اور شان دار باب’’پاکستان میں اندازِ عزاداری‘‘ ہے۔ اس موضوع پر موصوف نے تفصیل سے روشنی ڈالی ہے۔راقم الحروف کی واقفیت کے لیے یہ باب واقعی ایک قابلِ قدر اضافہ ہے۔ہم لکھنؤ کی عزاداری میں سالہا سال تک شریک رہے ہیں۔ہمارا خیال تھا کہ اس قسم کی عزاداری صرف لکھنؤتک ہی محدود ہے۔اب ضمیر صا حب کی تصنیف سے معلوم ہوا ہے کہ خاص کرکراچی اور لاہور میں بھی اسی انداز کی عزاداری ہوتی ہے۔یہ باب پاکستان کی تہذیب وتمدّن میں ایک قابلِ فخر سرمایہ ہے۔
غرض یہ کہ ’’اُردو مرثیہ پاکستان میں‘‘ہر لحاظ سے بلند پایہ اور گراں مایہ اضافہ اور موضوع پر حاکمانہ قدرت کی عینی شاہد ہے۔آئیے پڑھیے۔لطف اندوز ہویئے، اپنی معلومات میں اضافہ کیجئے اور مصنّف کے اسلوب ِ بیان اور اندازِ تحقیق کی دل کی گہرائیوں سے داد دیجئے۔یہ کتاب لکھ کر مصنّف نے اُردو ادب پر بڑا احسان کیا ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

is suggested

Rate

View

Votes

اردو مرثیہ پاکستان میں

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

مناقب قربی

ہمارے پاس اس ناشر کی جانب سے طبع کی گئی کچھ کتابیں موجود ہیں جنہیں آپ نیچے ملاحظہ فرما سکتے لیکن فی الحال ہمارے پاس اس ناشر کے بارے میں معلومات فراہم نہیں ہیں۔ اگر آپ کے پاس اس ناشر کے بارے میں معلومات ہیں تو براہ کرم اسے ہمارے ساتھ شیئر کریں تاکہ ہم اس کے بارے میں مزید تفصیلات یہاں درج کر سکیں۔ آپ کی توجہ کا شکریہ۔

سید اینڈ سید کراچی

سید اینڈ سید کراچی

Publisher Books

Contact info

Location