Mərhum Əllamə Məclisi Biharul-Ənvar kitabının 5-ci cildində rəvayət nəql edir ki, məzmunu belədir:

Salman Farsi Məhəmməd(s) peyğəmbərdən nəql edir ki, Xanım Zəhra(s.ə) Cənnətə daxil olduğu zaman Allahın ona əta etdiyi nemətləri gördükdə bu ayələri tilavət edər: "Onlar deyəcəklər: Qəm-qüssəni bizdən uzaq edən Allaha həmd olsun! Həqiqətən, Rəbbimiz Bağışlayandır, şükürün əvəzini verəndir. Öz lütfü ilə bizi əbədi iqamətgahda yerləşdirən Odur. Orada bizə nə bir yorğunluq üz verəcək, nə də bir üzgünlük toxunacaqdır!" Fatir surəsi, 34-35-ci ayələr.

<a href="http://ahlibeyt.az/">http://ahlibeyt.az</a>

Common title

View

Xanım Fatimeyi-Zəhranın(s.ə) Cənnətdə dediyi ilk sözlər

0–Rəsuli-əkrəm (s.ə.v.v.) buyurur: "Namazını yüngül sayanlar məndən deyil. Allaha and olsun ki, belə bir şəxs mənim yanıma (Kovsər hovuzuna) gələ bilməz. (Yə`ni belə şəxs ümmətin yaxşı adamlarının Peyğəmbərin mərhəmət və lütfünə şamil olduqları yerə daxil olmaz və həzrətin ümmətindən sayılmaz)”

Mən layəhzuruhul-fəqih. c.1,s.206.

***

&nbsp;

11–İmam Sadiq əleyhissalam buyurur: Əgər sizlərdən birinin qapısından bir çay axsa və o şəxs hər gün orada beş dəfə yuyunsa onun bədənində çirk qalarmı? Həqiqətən namaz belə bir çaya bənzəyir. Namaz qılan şəxsin namazı onun günahlarının kəffarəsidir. Amma şəxsin imandan çıxıb kafir olmasına səbəb olan günahlar heç vaxt yuyulmaz və belə şəxs həmin günahda qalar.

Biharul-ənvar /82/236.

***

&nbsp;

12–Rəsuli-əkrəm (s.ə.v.v.) buyurur: "Vacib namaz Allah yanında yaxşı qəbul olunmuş min həcc və min ümrəyə bərabərdir.”

Biharul-ənvar , c.99, s.14.

***

&nbsp;

13–Rəsuli-əkrəm (s.ə.v.v.) buyurur: Öz namazlarınızı (onun düzgün oxunmasına əhəmiyyət verməməklə) heç etməyin. Həqiqətən hər kəs namazın vaxtına və düzgün olması məsələlərinə riayət etməsə, Qarun və Haman ilə birlikdə məhşərə daxil olacaqdır və Allaha vacibdir ki, onu münafiqlərlə birlikdə Cəhənnəm oduna daxil etsin.

Biharul-ənvar /83/14.

***

&nbsp;

14–Rəsuli-əkrəm (s.ə.v.v.) buyurur: "Namazda elə halda ol ki, sanki ömrünün axırıncı namazını qılırsan (namazı son dərəcə hüzuri-qəlblə qıl, e`dam hökmü verilmiş şəxsin e`damdan qabaq qıldığı son namazı kimi)”.

Biharul-ənvar, c.69, s.408.

***

&nbsp;

15–İmam Əli əleyhissalam buyurur: "Əgər namaz qılan şəxs Rəbbinin sonsuz rəhmətinin onun halına necə şamil olduğunu bilsəydi heç vaxt başını səcdədən götürməzdi.”

Təsnifu Qürərul-hikəm, səh.175.

***

&nbsp;

16–İmam Baqir əleyhissalam buyurur: "Qiyamət günü bəndədən soruşulan ilk əməl namazdır, əgər namaz qəbul olunsa sair əməllər də qəbul olunacaqdır, əks halda sair əməllər ona heç bir fayda verməyəcəkdir.”

Biharul-ənvar , c.7, s.267.

***

&nbsp;

17–İmam Sadiq əleyhissalam buyurur: "Həqiqətən bizim şəfaətimiz namazı yüngül sayanlara çatmaz”. (Onlar şəfaətimizdən məhrum olarlar).

Biharul-ənvar, c.2, s.236.

***

&nbsp;

18–İmam Məhəmməd Baqir əleyhissalam buyurur: Hər kəs on xislətlə Rəbbinə qovuşarsa cənnətə daxil olar: Allahdan başqa heç bir mə`bud olmadığına və həzrəti Məhəmmədin Onun Rəsulu olduğuna şəhadət vermək, o Həzrətin Allah tərəfindən gətirdiklərini iqrar (təsdiq) etmək, namaz qılmaq, zəkat vermək, Ramazan ayının orucunu tutmaq, Allah evinin ziyarətinə — həccə getmək, Allah vəlilərinin vilayətini iqrar etmək, Allah düşmənlərindən uzaq olmaq və bütün məstedici şeylərdən çəkinmək.

Xisal /432.

***

&nbsp;

19–İmam Əmirəl-mö`minin Əli əleyhissalam buyurur: Namaz hər bir pərhizkar şəxsin ilahi rəhmətə yaxınlaşması vasitəsi, həcc isə hər zəif və bacarıqsız insanın cihadıdır. (Çünki həccdə əhli-əyaldan uzaqlaşmaq, soyuqluq, istilik, qorxu və sair kimi çətinliklər vardır.) Hər şeyin bir zəkatı vardır, bədənin də zəkatı oruc tutmaqdır. Qadının cihadı isə öz əri ilə yaxşı rəftar edib ona itaət etməsidir.

&nbsp;

&nbsp;

&nbsp;

&nbsp;

Qadinlar.biz

&nbsp;

&nbsp;

&nbsp;

&nbsp;

&nbsp;

&nbsp;

Namaz və onun təsiri


İnsanlar ölümü düşünməkdən şiddətlə qaçslarda ölüm, heç gözləmədikləri bir anda və gözləmədikləri bir şəkildə qarşılarına çıxacaq. Ölümdən qaçış yoxdur. 
"Harda olursunuz olun, hətta uca, möhkəm qalalar içərisində olsanız belə, ölüm sizi haqlayacaq! (Nisa surəsi - ayə 78)" 
Daha əvvəl heç, öldükdən sonra təkrar dirilib, ölüm anında yaşadıqlarını izah edən bir adam olmamışdır. Ölüm anında yaşanacaqları öyrəndiyimiz tək qaynaq, bizlərə həyatı bəxş etdiyi kimi, adı qoyulmuş bir zamanda da geri alınacaq olan Rəbbimizin kitabı Quranda, açıqca və detallı olaraq izah edilmişdir. 
Quranda, ölüm əsnasında ətrafdakı insanların görə bilmədiyi, ancaq ölən adamın həmsöhbət olduğu görünüşlər olduğundan bəhs edilər. 
"Can boğaza yetişdiyi zaman, siz ona baxıb durursunuz. Biz ona sizdən daha yaxınıq, amma siz bunu görmüzsünüz. "(Vaqiə surəsi - ayə 83, 84, 85) 
"Onların nə mal-dövləti, nə də oğul-uşağı səni heyrətə salmasın. ALLAH bununla onlara (münafiqlərə) ancaq dünyada əzab vermək və kafir olduqları halda, canlarının çətinliklə çıxmasını istər." (Tövbə surəsi - ayə 85).
Ayədə də xəbər verildiyi kimi inkar edənlər, dünya nemətlərinə aldanmış və boş əməllərlə əylənib ölümü unutmuşlar. Ancaq inkarçıların unutduqları ölüm yetişdiyi zaman, yaşadıqları son peşmanlıq artıq fayda verməyəcək, malları və uşaqları da onların çətinlik içində çıxan canını əsla geri ala bilməyəcək. 

Ölüm anında, ölən adamın görünüşü ilə ətrafında olanların görünüşləri çox fərqlidir. Yuxusunda, heç acı çəkmədən öldüyü düşünülən insan, əgər bir inkarçı isə, canı çətinlik və acı içində alınar. Yenə çox acı çəkərək öldüyü düşünülən insan, əgər möminsə, onun canı da mələklər tərəfindən asanlıqla və ağrısız alınar. Mömin üçün ölüm, əsla qorxulacaq bir şey deyil. Ölümlə birlikdə asanlıqla canı alınan möminin, Cənnət görünüşü başlayar. 
Mələklər, gözəlliklə canlarını aldıqlarında: 
"Sizə salam olsun! Etdiyiniz gözəl əməllərə görə Cənnətə daxil olun!" deyərlər. (Nəhl surəsi - ayə 32)"
Ölüm inkarçı üçün sonsuz əzabın yüngül bir başlanğıcıdır yalnız. İnkar edənlərin canları, üzlərinə və kürəklərinə vurularaq, boğazlarından tikanlı kollar çəkilib çıxardılarcasına acı içində alınar. 
" Bəs mələklər onların üzlərinə, arxalarına vura-vura canlarını alanda halları necə olacaq? (Mühəmməd surəsi - ayə 27, 28)"
Ölüm mələklərinin, inkarçılara verdikləri əzab müjdəsi isə belədir: 
"Ya Rəsulum! Kaş sən kafirləri mələklər onların üzünə və yanlarına vura-vura: " Dadın atəşin əzabını!" - deyib canlarını alanda görəydin! Bu əzab sizin öz əllərinizlə qazandığınız günahlara görədir. Yoxsa ALLAH bəndələrinə əsla zülm edən deyildir! (Ənfal surəsi - ayə 50, 51)"
Ölümlə birlikdə ruh bədəndən ayrıldıqdan sonra, artıq bədənin heç bir dəyəri qalmaz. İnsanın həyatı boyunca baxımlar etdiyi, qoxular sürdüyü, bəslədiyi bədəni, bütün mənasını itirər. Çünki torpağın altına girdiyi andan etibarən bədən, sürətli bir parçalanma müddətinə girər. Qazın diafraqmaya etdiyi təzyiqə görə ağızdan və burundan qanlı köpüklər gəlir. Qarın bölgəsində toplanan qazlar dərini zəif nöqtəsindən partladaraq bədəndən pis qoxular gələr. Geridə qalan görünüş isə, hələ ölümlə tanış olmayan insanlar üçün, üzərində düşünülüb öyüd alınması lazım olan əhəmiyyətli bir mövzudur. 
Bir saat və ya bir gün sonra siz də ölüm mələyiylə qarşılaşa bilərsiniz. Bu ana qədər oxuduqlarınız, bəlkə ölüm və sonrası üzərində düşünməyiniz üçün sizə edilmiş son xəbərdarlıq ola bilər. Ölüm hər şeyin sonu deyil, əsl başlanğıcıdır. Ölüm anında canınızın asanlıqlamı çıxmasını istəyərsiniz, yoxsa çətinlik içində, üzünüzə və kürəyinizə vurularaqmı? ALLAH, insanlara bütün bunları düşünəcək və tətbiq edəcək qədər müddət vermişdir. Ancaq əhəmiyyətli bir detal da vardır ki, sizə tanınan müddət ölümlə birlikdə sona çatacaq. Ölümün nə vaxt gələcəyini bilmədiyimizə görə, təxirə salacaq vaxtımız da yox deməkdir. Çünki son peşmanlıq fayda etməyəcək. 
"Onlar orada fəryad edib deyəcəklər: "Ey Rəbbimiz! Bizi burdan çıxart ki, saleh əməllər edək. O əməlləri yox ki, dünyada edirdik!" Onlara belə deyəcik: " Məgər orada sizə öyüd-nəsihət qəbul edəcək kimsənin öyüd-nəsihət qəbul edə biləcəyi qədər ömür vermədikmi?! Hələ sizə, siz kafirləri ALLAHın əzabı ilə qorxudan Peyğəmbər də gəlmişdi. Dadın cəhənnəm əzabını! Zalımların imdadına çatan olmaz! (Fatir surəsi - ayə 37)"



Qadinlar.biz











İnkar edənlərin ölüm anı

Dinin insana münasibəti

&nbsp;

İnsan Uca Allahın hər şeyi xidmətinə verdiyi ən dəyərli varlıqdır. Elə isə insan ancaq yaşayıb, əylənib, sonunda da yox olmaq üçün yaradılmamışdır. Qurani- Kərimdə buyurulmuşdur:

"Məgər insan elə güman edir ki, o, başlı-başına (cəzasız) buraxılacaq?!” [Qiyamət surəsi, 36]

Bu da insanın bir məqsəd üçün yaradıldığını göstərir.

Yenə Qurani-Kərimin bildirdiyinə görə, "Kim (dünyada) zərrə qədər yaxşı iş görmüşdürsə, onu (onun xeyrini) görəcəkdir (mükafatını alacaqdır). Kim də zərrə qədər pis iş görmüşdürsə, onu (onun zərərini) görəcəkdir (cəzasını çəkəcəkdir).” [Zəlzələ surəsi, 7-8]

Bu da insanın dünyada ikən etdiyi hər əməlinin hesabını verəcəyini təsdiq edir.

İslama görə bu dünya bir imtahandır. Pis və yaxşı insanlar biri-birindən fərqləndirilib seçilməsi üçün bu dünyada imtanhandan keçirilir. Dünya həyatında sonra tam ayrı və sonsuz bir həyat başlayacaq. Axirət bu sonsuz həyatın adıdır.

Hər insan doğular, böyüyər, yaxşı və ya pis bir həyat yaşayar və sonunda ölər. Dünyamız da eynən bir insan kimi ölümlüdür. Bir gün dünyanın da ömrünün sonu gələcək, bütün planet bir anda yox olacaqdır. Biz bu günə Qiyamət günü deyirik. Daha sonra Uca Allah sonsuz qüdrətiylə yeni bir aləm yaradacaq. Bu yeni aləmdə insanlar dünyadəykən etdiklərinin hesabını verib, yaxşılıq və pisliklərinin qarşılığını görəcəklər. Axirətə iman, öldükdən sonra diriləcəyimizə, dünyadaykən etdiklərimizə görə sorğu-sual ediləcəyimizə və sonunda cəzalanacaq və ya mükafatlanacağımıza inanmaqdır.

Hər insan əcəli gələndə ölər. Ölüm insanın yox olması demək deyildir. Yalnız ruhun bədəndən ayrılması və sonsuz bir aləmə köçməsidir.

İnsanın ölümüylə bədəndən ayrılan ruh, Axirət aləminin başlanğıcı olan qəbir həyatını yaşayar. Qəbirdə Münkər və Nəkir adında iki mələk insana bir sıra önəmli suallar verərlər. Bu sualların başlıcaları: " Rəbbin kimdir? Dinin nədir? Peyğəmbərin kimdir? Kitabın nədir?” suallarıdır. Dünyadaykən iman edib xeyir işlər görənlər bu suallara doğru cavab verərlər. İmanı tam olmayanlar isə bu suallara doğru cavab verə bilməzlər. Sevimli Peyğəmbərimiz Məhəmməd (s.a.v) qebirdə inasanların bu fərqli hallarını belə təsdiqləməkdədir:

"Qəbir hər insan üçün dünyadakı durumuna görə ya Cənnət bağçalarından bir bağça və ya Cəhənnəm çuxurlarından bir çuxurdur”.

Bundan aydın olur ki, hər insan vəziyyətinə uyğun olaraq qəbir həyatı yaşayacaqdır.

Qiyamətin qopma zamanı gələndə İsrafil adlı mələk Sur adı verilən bir alətə üfləyəcəkdir. Beləcə bütün Yer kürəsi alt-üst olub, bütün canlılar öləcək. İsrafilin ikinci dəfə Sura üfləməsi ilə yeni bir dünya qurulacaq və bütün ölülər diriləcək. Məhşər adı verilən böyük bir meydanda toplanacaqlar. İnsanların dünyada etdikləri hər şey bir səhifə içərisində özlərinə veriləcək. Böyük bir məhkəmə qurulacaq. İnsanlar muhakimə ediləcək. Ömrünü nə yolda bitirdiyi, elmi ilə nələr etdiyi, malını necə qazanıb hara xərclədiyi, vücudunu hansı yollara sərf etdiyi soruşulacaq. Bu məhkəmədə heç bir şeyi inkar etmək mümkün deyil. Çünki insanın əli, ayağı, gözü, qulağı hətta günah etdiyi yerləri dilə gələcək, əməllərinə şahidlik edəcək. Bir-birilərini qarşı insanların şahidliklərinə də yer veriləcək. Daha sonra insanların etdikləri xeyir və şər əməllər necə olduğunu dəqiq bilmədiyimiz bir tərəzidə ölçüləcək. Etdiyi yaxşılıqlar ağır gələnlər Cənnəti, pis əməlləri ağır gələnlər isə Cəhənnəmi qazanacaqlar. Bu tərəziyə Mizan deyilir.

Bundan sonra Cəhənnəmin üzərində necə olduğunu Allahdan başqa kimsənin dəqiq bilmədiyi bir körpü qurulacaq. İnsanlar savab əməllərinə görə fərqli vəziyyətlərdə bu Sırat deyilən körpüdən keçəcəklər. Bəziləri ildırım surətilə keçib Cənnətə girəcəklər. Pis insanlar isə Sıratı keçə bilməyəcək və Cəhənnəmə yuvarlanacaqlar.

&nbsp;

&nbsp;

&nbsp;

&nbsp;

&nbsp;

Qadinlar.biz

&nbsp;

&nbsp;

&nbsp;

&nbsp;

Axirət Nədir?

Həzrət İmam Cəfər Sadiq (ə) Peyğəmbərin (s) Həzrət Əliyə (ə) vəsiyyətlərində belə buyurduğunu nəql edir: "Mənim ümmətimdən olan hər kəs Allahın razılığını qazanmaq üçün qırx hədis əzbərləsə, Allah Təala Qiyamət günü onu peyğəmbərlər, siddiqlər, şəhidlər və salehlərlə məhşur edər. Bunlar çox gözəl dostlardır”.

Həzrət Əli (ə) ərz etdi: "Ya Rəsuləllah, bu hədislərdə məqsəd nədir?”. Həzrət (s) buyurdu: "Məqsəd budur ki, heç bir şəriki olmayan yeganə Allaha iman gətirəsən, Ondan başqa heç kəsə pərəstiş etməyəsən, fərəh və həvəslə dəstəmaz alıb namazlarını öz vaxtında qılasan, çünki, heç bir üzrü olmadan namazı təxirə salmaq Allahın qəzəbinə səbəb olar, zəkat verəsən, Mübarək Ramazan ayının orucunu tutasan, imkanın çatsa Allah evinin ziyarətinə gedəsən, ata-ananı incitməyəsən, yetimin malını haqsız yerə yeməyəsən, riba yeməyəsən, şərab və heç bir məstedici içki içməyəsən, ... söz gəzdirməyəsən, yalandan Allaha and içməyəsən, israf etməyəsən, heç kəs barəsində istər yaxın olsun, istərsə də uzaq, yalandan şahidlik etməyəsən, böyük, kiçik hər kəsdən haqqı qəbul edəsən, zalıma - yaxın qohumun olsa da, etimad etməyəsən, nəfsani istəklərinə uymayasan, pak qadınlara böhtan atmayasan, azacıq da olsa riya etməyəsən - çünki, azacıq riya Allaha şərik qoşmaq deməkdir. Eyiblərini üzlərinə vurmaqdan ötrü balaca boylu insana "balacaboy”, hündür boylu insana da "uzunduraz” deməyəsən, Allahın yaratdıqlarından heç birini məsxərə etməyəsən, bəla və müsibətlər müqabilində səbirli olasan, Allahın verdiyi nemətlərə görə Ona şükür edəsən, özünü etdiyin günahların cəzasından amanda hiss etməyəsən, Allahın rəhmətindən naümid olmayasan, günahlarından tövbə edəsən - çünki, tövbə edən günahı etməyən kimidir. Günahı israrla təkrarlamayasan və ardıcıl olaraq istiğfar edəsən. Günahda davamlı olmaq Allahı və peyğəmbərləri məsxərəyə qoymaq deməkdir.

Bil ki, sənə yetişən hər hansı bir şey (Alahın təqdirinə uyğun olaraq) qarşısıalınmazdır və əlinə gəlməyən bir şeyin də yetişməsi qeyri-mümkün olmuşdur. Camaatı razı salmaqdan ötrü Allahı qəzəbləndirmə və heç vaxt dünyanı axirətdən üstün tutma. Çünki, dünya fani və müvəqqəti, axirət isə əbədidir.

Əlində olanları xəsiscəsinə qardaşlarından gizlətmə.

&nbsp;

Batinin də zahirin də bir olsun, zahirin gözəl batininsə çirkin olmasın, çünki belə olsa münafiq hesab olunarsan.

Yalan demə, yalançılarla yoldaşlıq etmə və onlarla əlaqə saxlama, haqq sözü eşidəndə qəzəblənmə, özünə, həyat yoldaşına və övladlarına qarşı bacardığın qədər ədəbli ol, elminə əməl et, Allahın yaratdıqlarına qarşı düzgün rəftar et, onlarla nahaqq davranma, qohumlara və yadlara qarşı sərt və xırdaçı olma, zülümkar və qəddar olma,"Sübhanallah” və "Lə iləhə illəllah” zikrlərini çox təkrar et, çoxlu dua et, ölümü və ölümdən sonrakı həyatı (məadı, cənnət və cəhənnəmi) çox yad et, çoxlu Quran oxu və öz rəftarını da ona uyğunlaşdır, mömin və möminələrə ehsan etməyi qənimət bil, diqqətli ol, özün üçün bəyənmədiyin bir şeyi başqalarına da rəva bilmə, xeyir işdən bezmə, öz yükünü başqasının çiyninə atma.

Elə ki, bir kəsə yaxşılıq etdin, bu yaxşılığına görə ona minnət qoyma.

Dünyanı özün üçün zindan bil ki, Allah da sənə behişt qismət etsin.

Hər kəs bu dediyim qırx hədisi əzbərləyib onlara əməl etsə və ümmətə çatdırsa Allahın rəhməti sayəsində behiştə gedər. Belə bir şəxs Allah yanında peyğəmbərlər və vəsilərdən sonra ən sevimli bəndələr hesab olunar və Qiyamət günü peyğəmbərlər, vəsilər, şəhidlər, salehlər və siddiqlərlə məhşur olar.

&nbsp;

&nbsp;

&nbsp;

&nbsp;

&nbsp;

&nbsp;

Qadinlar.biz

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

Allahın razılığını qazanmaq üçün nə edək?

Məsumlar (ə) buyurur: "Müstəhəbləri elə yerinə yetirin ki, sizin vacibatlarınıza zərər vurmasın”. Həmçinin buyururlar: "Müstəhəbləri o yerə qədər ki, onlardan ləzzət alırsınız, yerinə yetirin. Nə zaman hiss etsəniz ki, onlara meyliniz yoxdur, müstəhəbləri boş buraxıb vacibatların sorağına gedin. Vacibatlarla kifayət edin”.

Bu hədislərdən də göründüyü kimi, insan müstəhəbləri yerinə yetirən zaman onlardan ləzzət almalı və onu sevinclə yerinə yetirməlidir. Müstəhəbləri yerinə yetirmək üçün xüsusi proqrama malik olmaq lazımdır. Belə ki, diama dəstəmazlı olmaq, nafilə namazı, gecə namazlarını qılmaq, Quran oxumaq, ALLAHla münacat etmək üçün xüsusi proqrama malik olmaq lazımdır. Hər birini öz zamanında yerinə yetirmək lazımdır. Əgər insan bu əməllərin fəzilətlərini dərk edərsə, onları yerinə yetirən zaman xüsusi ləzzət alar.

İlk məhrələni daima dəstəmazlı olmaqla başlayın. Ondan sonra hər bir müsəlman özünü məkruh və haramlardan qorumaq üçün gərək dörd göstərişə əməl etsin.

&nbsp;

1. Məşaritə.

İnsan hər gün sübh namazından sonra öz nəfsi ilə əhd-peyman bağlayır ki, hansı işləri görsə və ya hansı işləri tərk etsə, onun ziyanlarını və xeyirlərini öz nəfsinə bəyan etsin. Sonra da öz nəfsindən öhdəçilk alsın və onunla şərt bağlasın ki, bu işləri görməkdə səhlənkarlıq etməsin. Əgər səhlənkarlıq etsələr, cəzalanacaqdır. Cəza növünü də özünüz üçün müəyyən edin.

2. Müraqibət.

İnsan gün ərzində nəfsinə nəzarət etməlidir. Onu özbaşına buraxmamalıdır. Çünki əgər nəfsini özbaşına buraxsan, bütün göstərişləri unudar, əhd və peymanı sındırmış olar. Həmçinin gördüyü işləri xalis şəkildə görməyə çalışsın. Şirkdən, riya və minnətdən uzaq olsun.

3. Mühasibə.

Hər günün sonunda yatmamışdan qabaq müəyyən zaman təyin edib, gün ərzində gördükləri işlərin hesabını çəksin. Əgər gördüyü işləri qoyduğu şərtlərə uyğun gəlirsə, nəfsinə dua etsin və ALLAHa şükür etsin. Əgər səhlankarlıq edirsə, ondan qəzasını tələb etsin. Əgər günah işlədibsə, onu danlasın.

4. Məatibə və istifa.

Əgər nəfsini hesaba çəkəndən sonra görsə ki, səhlankarlıq edibdir, sadə şəkildə onu boş buraxmasın. Çünki əgər laqeyd olarsa, nəfs daha çox günah etməyə cürət əldə edəcəkdir. Ona görə də nəfsi tənbeh və cəzalandırmaq lazımdır. Onu çətin ibadətlər və sədəqə ilə tənbeh etsin. Əgər şübhəli yemək yeyibsə, onu ac saxlasın. Əgər müsəlmanın qeybətini qılıbsa, onu mədh etsin. Əgər namazında səhlənkarlıq edibsə, çox sayda namaz qılsın.

Əgər biz bu dörd göstərişə ibadətlərimizdə riayət etsək, ALLAHın lütf və inayəti ilə daha çox irəli gedər və ibadətlərimizdən ləzzət alarıq.

İbadətlərimizdən ləzzət almağımıza təsir edən amillərdən biri də alimlərlə oturub-durmaqdır. İnsan əgər ibadətdən həqiqi ləzzət alarsa, bir daha onu əldən verməyə çalışmaz.

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

Qadinlar.biz

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

Uncategorized

Articles