FINNDE LISLAAMU NDEN KA DUƊAL AHLUL BAYTI (A.S)

FINNDE LISLAAMU NDEN KA DUƊAL AHLUL BAYTI (A.S)

Yettoore woodanii Allaahu jooma tagooreeji ɗin yo jam e kisal wonu e Muhammadu (s.a.w) Nelaaɗo makko on, on timminɗo ko adii kon, uddituɗo ko uddii kon, fenñinirɗo goonga kan goonga, dartaniiɗo konuuji meereteeɓe ɓen, fooluɗo doole majjereeji ɗin, e ɓeynguure makko laɓɓinaande nden, nokku gunndoo makko on e werde fiyaake makko on e fuɗirde ganndal makko ngal,e ruttorde ñeeñal makko ngal e keesu wal defte makko ɗen, e pelle diina makko kan, ɓen ɓe o ɓantori turagol ɓaawo makko ngon.. Pellet diininagol e fewtugol e diina hino jeyaa e ko ɓuri neeɓude e fewtanɗe neɗɗanke yankeeje ɗe taariika neɗɗanke maandini ɗun, ko ɗun ɓuri ɗuuɗude lasili ka nder ngurndan e ka taariika. Ngurndan neɗɗanke ɗan -tippude e batteeji taariika yankooji tabituɗi ɗin –fewtannde diina nden woopitaali e nder ɗin dummuneeji fow e so’annde fii diina yankoore.