Kitabu kilichoko mikononi mwako ni tarjuma ya kitabu cha Kiingereza kiitwacho, Peshawar Nights. Asili
ya kitabu hiki ni cha lugha ya Kifarsi kwa jina la, Shab’ha-ye Peshawar. Sisi tumekiita, Mikesha ya
Peshawar.
Mikesha ya Peshawar ni nakala ya mjadala kati ya wanavyuoni mbalimbali wa Kisunni na mwanachuoni
mmoja wa Kishia mzaliwa wa Shiraz (Iran) aitwaye Sayyid Abdu ‘l-Fani Muhammad al-Musawi Sultanu
‘l-Wa’idhiin, ambaye wakati huo alikuwa na umri wa miaka 31 tu. Mjadala huu ulifanyika katika mji wa
Peshawar ambao wakati huo ilikuwa ni sehemu ya Bara Hindi na hivi sasa ni sehemu ya Pakistan.
Ulifanyika kuanzia tarehe 27 Januari 1927 na kuundelea kwa mikesha kumi ndani ya msikiti ambako
watu zaidi 200 walihudhuria kila usiku. Mjadala huu ulifanywa kwa muundo mzuri wa kuheshimiana
pande zote bila ya kuvunjiana heshima. Mwandishi mwenyewe amejiita katika kitabu hiki kama “Da’i”
yaani mtu anayewaombea mema watu wengine, sisi tumelitafsiri neno hilo kama “Muombezi”.
Masharti ya mjadala yalikuwa kwamba ni vianzo vile tu vinavyokubaliwa na madhehebu zote ndivyo
vitakavyorejelewa. Mjadala huu uliandikwa na kuripotiwa na waandishi wanne katika magazeti ya kila
siku, na baadaye ukachapishwa kama kitabu huko Tehran, Iran.
Huu ulikuwa ni mjadala uliopangwa vizuri, wa kielimu na utumiaji wa vipawa vya akili ambapo kila hoja
iliyotolewa ilitumika elimu na akili kuiwasilisha mpaka pande zote zikaridhika.
Katika kuwasilisha hoja zake, mwanachuoni huyu mkubwa wa Kishia alitumia rejea za vitabu vingi
maarufu vya Kisunni na ambavyo si maarufu sana lakini vyenye kuaminika. Rejea na vitabu hivyo
vimeorodheshwa kwa wingi sana ndani ya kitabu hiki ili msomaji aweze kuvirejelea. Lakini kwa bahati
mbaya sana, mengi ya matoleo mapya ya vitabu hivyo yamefanyiwa mabadiliko na baadhi ya sehemu
kuondolewa, hususan zile zinazounga mkono madai ya Shia. Ufuatao hapa chini ni mfano mdogo tu wa
yanayofanywa katika vitabu hivyo:
Katika ukurasa wa 301 wa juzuu ya 3 ya Tafsir al-Kashshaaf iliyokusanywa chini ya maelekezo ya
Sheikh Mustafa al-Halabi (toleo la pili, 1319 A.H. liliochapishwa na Main Government Printing House ya
Amiriah Bulaq ya Misir), kuna beti zinazojitokeza ambazo kwazo Jarullah Zamakhshari, mfasiri wa al-
Kashshaaf, alitangaza wazi imani yake katika uhalali wa Ushia. Lakini katika chapisho la 1373 A.H.
lililochapishwa na Printing House Istiqamah bi’l-Qahara, shairi lililotajwa halionekani tena.
Marehemu Allamah Sayyid S. Akhtar Rizvi katika kitabu chake Uimamu uk. 37, anaandika kushangazwa
kwake kutokana na maneno yaliyoondolewa katika kitabu cha at-Tarikh cha at-Tabari, chapa ya Leiden
(ya mwaka 1879 Masihia) ambayo imeyanakili maneno ya Mtukufu Mtume (s.a.w.) aliyoyatumia wakati
wa karamu maarufu ya ndugu wa karibu aliyoitayarisha mwenyewe.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

mikesha_ya_peshwaar

Muhammad al-Musawi al-Shirazi( سید محمّد موسوی شیرازی), anayejulikana kama Sulṭān al-Waʿiẓīn Shīrāzī ( alizaliwa 1314/1897  na kufariki 1391/1971) alikuwa mwanazuoni wa Kishia na mwandishi wa Mikesha yapeshwaar. ambacho ni maandishi ya mijadala yake na wanachuoni wa Kisunni. Alikuwa maarufu kwa kutoa hotuba na mahubiri. Sultan al-Wa'izin alikuwa na safari za kuhubiri katika nchi mbalimbali na kushiriki katika mijadala na makundi ya Kiislamu na yasiyo ya Kiislamu. Kazi zake nyingine ni Sad maqala-yi sultani na Guruh-i rastigaran ya firqa-yi Najiya.

Sultan al-Wa'izin aliandika vitabu tofauti:

1. Shab-ha-yi Pishawar dar difa' az harim-i Tashayyu': kitabu hiki kina mijadala ya Sultan al-Wa'izin Shirazi na wanazuoni wa Kisunni. Mijadala hii ilifanywa wakati wa usiku kumi huko Peshawar, Pakistan.

2. Sad maqala-yi Sultani (Rahnama-yi Yahud wa Nasara wa Muslimin dar ma'rifat-i Turat wa Injil wa Qur'an-i Majid): kitabu hiki ni mkusanyo wa makala za mwandishi katika ukosoaji wa Ukristo na Uyahudi. Nakala hizi ziliandikwa kwa jarida la Parcham-i Islam.

3. Ghuruh-i rastigaran ya firqa-yi Najiya: Baadhi ya wanafunzi wa Kisunni wa masomo ya kidini huko Tehran walituma baadhi ya maswali yaliyoandikwa kwa Sultan al-Wa'izin. Alijibu maswali hayo, kisha akayakusanya na kuyachapisha kama kitabu

Born

Death

Muhammad al-Musawi al-Shirazi

Muhammad al-Musawi al-Shirazi

Born:

Death:

Muhammad al-Musawi al-Shirazi

Author Books