Common title

View

یمن ،احادیث و روایات کا مرکز 

قدس کا مسئلہ کوئی شخصی مسئلہ نہیں ہے، قدس کسی ایک ملک سے مخصوص نہیں ہے، قدس کا مسئلہ ان مسائل میں سے نہیں ہے جو کسی خاص زمانے کے مسلمانوں سے مخصوص ہو بلکہ یہ ایک ایسا مسئلہ ہے جو ہر زمانے کے موحّدین اور مومنین سے متعلق ہے۔

ایشیا کا مغرب اور مشرق وسطیٰ کے جنوب کی جانب فلسطین کا مرکز قدیم تاریخی شہر "قدس" کا محل وقوع ہے جسے "بیت المقدس" یا "قدس شریف" کے نام سے یاد کیا جاتا ہے۔ تاریخ میں اسکی قدامت ٤٥ صدیوں سے زیادہ بیان ہو ئی ہے۔ یہ مقدس شہر اُن شہروں میں سے ایک ہے جو تمام انسانوں کے نزدیک مقدس ہیں۔ اکثر انبیاء اسی شہر میں مبعوث ہوئے اور اس شہر کے اردگرد پھیلی ہوئی زمین کے کسان آج بھی خود کو کسی نہ کسی نبی کی اولاد بتاتے ہیں۔ یہ شہر مسلمانوں، عیسائیوں اور یہودیوں کیلئے یکساں متبرک ہے۔ مسلمانوں کا قبلہ اول، مسجد الحرام اور مسجدِ نبوی کے بعد تیسرا حرم ہے۔ سرور کائنات ص ہجرت کے بعد بھی سترہ مہینوں تک اس کی طرف رخ کر کے نماز پڑھتے رہے۔ معراج کے سفر میں بھی یہی شہر آنحضرت ص کی پہلی منزل تھا۔ اِسی جگہ حضرت داؤد علیہ السلام کا مدفن اور حضرت عیسیٰ ع کی جای ولادت ہے۔ روایات میں اس مقدس مقام کے تقدس اور منزلت کے تذکرے درج ہیں۔

مولائے کائنات علی ابن ابی طالب علیہ السلام فرماتے ہیں: "اربعۃ من قصور الجنۃ فی الدنیا: المسجد الحرام و معبد الرسول و مسجد بیت المقدس و مسجد الکوم" (سفینۃ البحار ج ٧ ص٢٤٤)۔

دنیا میں چار جنتی قصر پائے جاتے ہیں جن میں ایک بیت المقدس بھی ہے۔

ابن عباس سے نقل ہے کہ "ان الارض المقدسہ ھی الفلسطین و انما قدسھا اللہ لا ن یعقوب و لد بھا و کانت مسکن ابیہ اسحاق و یوسف ، بنا بیت المقدس علی یدی داود و سلیمان"۔

"سرزمین فلسطین مقدس زمین ہے اوراسے اللہ نے تقدس بخشا ہے کیونکہ حضرت یعقوب علیہ السلام یہاں پیدا ہوئے اور یہیں جناب اسحاق علیہ السلام اور جناب یوسف علیہ السلام کا گھر تھا، بیت المقدس جناب داؤد و سلیمان علیھما السلام کے ہاتھوں سے تعمیر ہوا"۔

بیت المقدس کے نام:

بیت المقدس کو مختلف قوموں نے اپنے اپنے عقیدے کے اعتبار سے مختلف ناموں سے نوازا ہے۔ یہودی اور عیسائی

” روز قدس ملّتِ فلسطین کی حمایت اور اس ملّت کیلئے خصوصی دعا کا دن ہے اور اس کی بہبود کے لئے ہر ممکنہ کو شش کرنے اور سال بھر اس کوشش کو جاری و ساری رکھنے کے لئے عہد کرنے کا دن ہے۔ “

آج بھی اسے "یروشلم" کہتے ہیں۔ یہ دو عبرانی الفاظ "یرو" اور "شلم" کا مجموعہ ہے جس کے معنی "امن کا ورثہ" (Inheritence of Peace) ہیں جو کنعانیوں کے صلح کے خدا "شلم" کی نسبت سے معروف ہے۔

اس کا سب سے قدیمی نام جو تقریباً ٤٥٠٠ سال پہلے تھا "یوبس" (Jebus) ہے۔ اسے "سنہری شہر" (Golden City) بھی کہا جاتا ہے جو اب تک رائج ہے۔ اسے امن کا شہر (City of Peace) بھی کہا جاتا ہے۔ اس مقدس شہر کے ناموں میں بعض مقام پر "ایلیا" اور "کابتولینا" بھی ملتا ہے۔

یہ مقدس شہر فتح عمری کے زمانے سے ٢١٧ھ تک ایلیاء اور بیت المقدس کے ناموں سے مشہور تھا لیکن خلیفہ عباسی مامون کے زمانے سے یہ شہر "قدس" کے نام سے موسوم ہوا اور پھر خلافت عثمانی کے زمانے سے یہ مقدّس شہر "قدس شریف" کے نام سے مشہور ہوا۔

فضائل و کمالات:

تاریخ اس کے فضائل و کمالات سے پر ہے۔ جیسا کہ ذکر ہوا اسے انبیاء کا شہر شمار کیا جا تا ہے کیونکہ اس کی تعمیر میں انبیاء کا ہاتھ ہے۔ حضرت داؤد ع اور حضرت سلیمان ع یہاں کبھی حکومت کیا کرتے تھے اور اللہ نے یہیں پر حضرت زکریا ع کو یحییٰ ع جیسے فرزند کی بشارت دی تھی۔ حضرت موسی ع اسی سرزمین پر نور پروردگار کا جلوہ دیکھ کر گر گئے اور پھر آپ کو اپنے خدا سے بات کرنے کا شرف بھی حا صل ہوا۔ حضرت مسیح ع نے یہیں پر اِس دنیا میں آنکھیں کھولیں اور یہیں سے چرخ چہارم پر بلائے گئے۔ آپکی مادر گرامی نے اِسی سرزمین پر وفات پائی۔

ہمارے نبی حضرت محمد مصطفیٰ صلی اللہ علیہ و آۤلہ وسلم اسی مسجد کی طرف مدّتوں نماز ادا کرتے رہے، یہی مقام مسلمانو ں کا قبلہ اوّل قرار پایا۔ آنحضرت ص کو یہیں پر معراج ملی اور آپ کو راتوں رات مدینہ سے مسجد اقصیٰ کا سفر کرایا گیا۔ لہٰذا یہ سرزمین ادیانِ ابراہیمی (یہودیت، مسیحیت اور اسلام) کے تمام پیروکاروں کے نزدیک عزّت و احترام کی حامل ہے۔ حضرت رسول اکرم صلی اللہ علیہ و آۤلہ وسلم نے ارشاد فر مایا: "حضرت امام مہدی علیہ السلام کعبہ سے ظہور کرنے کے بعد بیت المقدس کی طرف ہجرت کریں گے اور وہ اسے اپنی منزل قرار دیں گے"۔

بیت المقدس کی دینی حیثیت:

قرآن مجید میں "بیت المقدس" یا "یروشلم" وغیرہ کا لفظ تو ذکر نہیں ہوا البتہ اس کا تذکرہ ان الفاظ میں کیا گیا ہے:

"سُبْحَانَ الَّذِی أَسْرَی بِعَبْدِہِ لَیْلًا مِنْ الْمَسْجِدِ الْحَرَامِ إِلَی الْمَسْجِدِ الْأَقْصَی الَّذِی بَارَکْنَا حَوْلَہُ لِنُرِیَہُ مِنْ آیَاتِنَا إِنَّہ ھوَ السَّمِیعُ الْبَصِیر"۔ (سورہ اسراء، آیہ١)۔

"(ہر عیب سے) پاک و پاکیزہ ہے وہ پروردگار جو اپنے بندے کو راتوں

” امام خمینی رح نے فر ما یا تھا: "اگر دنیا بھر کے مسلمان مل کر اسرائیل کی طرف ایک ایک بالٹی پانی پھینک دیں تو وہ اسکے سیلاب میں بہہ جائے گا"۔ “

رات مسجدِ حرام سے مسجد اقصیٰ تک لے گیا جس کے اطراف کو ہم نے بابرکت بنایا ہے تاکہ ہم اسے اپنی بعض نشانیاں دکھلائیں، بے شک وہ پروردگار سب کچھ سننے والا اور سب کچھ دیکھنے والا ہے"۔

مسجد اقصیٰ سے مراد بیت المقدس ہے اور مندرجہ بالا آیت میں جس واقعہ کی طرف اشارہ کیا گیا ہے وہ وہی واقعہ معراج ہے جس سے ہر مسلمان واقف ہے۔ مسجدِ اقصیٰ، حضرت سرور کائنات صلی اللہ علیہ وآلہ وسلم کا پہلا قبلہ رہ چکی ہے اور اس کے گرد و پیش اللہ نے برکتیں نازل فر مائیں۔ یہ برکتیں دینی بھی ہیں اور دنیوی بھی۔ یہ ارضِ مقدس فلسطین کا علاقہ ہے۔ روایات کے مطابق اس مسجد میں ایک نماز پچیس ہزار نمازوں اور بعض روایات کے مطابق پچاس ہزار نمازوں کے برابر ہے۔

مسلمانوں کے نزدیک قدس کا تقدس و اہمیت:

1۔ قدس، ادیان ابراہیمی کی جای پیدائش:

بیت المقدس وہ مقام ہے جہاں ابراہیمی ادیان ظاہر ہوئے اور لوگوں تک پہنچے۔ بیت المقدس کی فضا میں آج بھی توحید کے علمبرداروں کی مقدّس اور پاکیزہ سانسوں کی ٹھنڈک محسوس کی جا سکتی ہے۔

2۔ قدس، انبیای الٰہی اور صالحان کا مدفن:

حضرت مریم س، حضرت داؤد ع، حضرت ابراہیم ع اور دوسرے انبیای الٰہی کی قبریں اس مقدس شہر کی پاکیزگی میں اضافہ کرتی ہیں۔ اس کے ساتھ ساتھ دنیا کے مسلمانوں کی تو جہ کا سبب بھی ہے۔

3۔ قدس، رسول اکرم ص کے معراج کی ابتدا:

رسولِ اسلام ص کی معراج ایک مُسَلَّم حقیقت ہے جسے ہر مسلمان مانتا ہے اور قدس وہ مقام ہے جواس عظیم دینی اور تاریخی واقعہ کی یاد دلا تا ہے جسکی طرف قرآن نے سورہ اسراء میں اشارہ کیا ہے: "سُبْحَانَ الَّذِی أَسْرَی بِعَبْدِہِ لَیْلًا مِنْ الْمَسْجِدِ الْحَرَامِ إِلَی الْمَسْجِدِ الْأَقْصَی"۔

4۔ قدس، مسلمانوں کا قبلہ اول:

مسجد اقصی کئی سالوں تک مسلمانوں کیلئے قبلہ کی حیثیت رکھتا تھا اور وہ اس کی طرف رخ کر کے نماز پڑھتے تھے۔

5۔ قدس شرق وغرب (اسلام و مسیحیّت) کے اتّحاد کی وعدہ گاہ:

جب حضرت مہدی موعود عج کا ظہور ہو گا تو اس وقت حضرت عیسیٰ مسیح ع بھی آسمان سے نازل ہوں گے اور امام ع کی اقتدا میں نماز ادا کریں گے۔ یعنی قدس فکر اسلام و مسیحیت کے اتّحا د کی وعدہ گاہ ہے جو معبود کی بارگاہ میں عاشقانہ رازو نیاز اور انسانِ کامل کی اقتداء سے تحقّق پذیر ہو گا۔

6۔ قدس وہ مکان ہے جہاں یہودیوں اور عیسائیوں پر پیغمبروں کی میراث کے ذریعے حجت تمام ہو گی:

ایک روایت میں ہے کہ تابوت سکینہ، تورات و انجیل کا اصلی نسخہ امام مہدی ع کے ذریعے اپنے اصلی مقام سے بیت المقدس تک منتقل ہو

” سید حسن نصراللہ نے جولائی ٢٠٠٦ کے اسرائیلی حملے کو ناکام بنا کر خود بھی للکار کر کہا: "خدا کی قسم، اسرائیل مکڑی کے جال سے بھی زیادہ کمزور ہے"۔ “

گا اور اسے وہیں رکھا جائے گا تاکہ تمام لو گوں پر اتمام ِحجت ہو سکے۔ ایک اور حدیث میں پیغمبر اکرم ص سے نقل ہوا ہے کہ "دریائے طبریہ سے مقدّس صندوق اس (امام مہدی عج) کے ہاتھوں سے ظاہر ہو گا اور اسے اسکے (امام مہدی عج) سامنے بیت المقدس میں رکھا جائے گا"۔ (الملاحم والفتن ص٥٧)۔

قدس میں موجود اسلامی آثار:

1۔ حرم شریف کا علاقہ جو تقریباً ١٤ ایکڑ کی جگہ میں ہے،

2۔ مسجد صخرہ [قبۃ الصخرہ]،

3۔ مسجد الاقصیٰ،

4۔ دیوار براق: روایت میں ہے کہ یہاں پیغمبر اکرم ص اپنے گھوڑے کو باندھا کرتے تھے۔ یہودی اس دیوار کو "دیوار ندبہ" کہتے ہیں،

5۔ قدس کی دیواریں،

6۔ کوہ طور۔

بیت المقدّس اور مسجد اقصیٰ یہودیوں کے قبضے میں:

یہ نہایت شرمناک بات ہے کہ جس مسجد کی اتنی زیادہ فضیلت ہے کہ اس میں ایک نماز پچیس ہزار یا پچاس ہزار نمازوں کے برابر ہے اور جس بیت المقدس کو سبھی مسلمان متفقہ طور پر اپنا قبلہ اوّل مانتے ہیں اِسی پر اُنکا قبضہ نہیں اور وہ آزادانہ طور پر اِس میں مذہبی رسومات اور عبادتِ الٰہی انجام نہیں دے سکتے۔ اس کی سب سے بڑی وجہ یہودیوں کا وہ انتہا پسند گروہ ہے جسے "صیہونی" کے نام سے یاد کیا جاتا ہے اور جس کے بیشتر افراد دنیا کے ہر ملک میں کلیدی عہدوں پر فائز ہیں اور مسلمانوں سے انکی دشمنی کوئی نئی بات نہیں ہے بلکہ صدیوں سے یہ مسلمانوں کے جانی دشمن رہے ہیں اور ساری دنیا پر حکومت کرنا اِنکے مذہبی آئین میں شامل ہے جس کیلئے وہ کچھ بھی کر سکتے ہیں۔ چاہے وہ مسلمان مردوں کا قتل ہو یا بچوں کا بے رحمی سے ذبح کر نا یا عورتوں سے بے رحمانہ سلوک۔

انہیں فضائل اور خصوصیات کو دیکھ کر اور مظلومین کی حمایت کے لئے رہبرِ کبیرِ انقلابِ اسلامی حضرت امام خمینی رح نے ماہِ رمضان المبارک کے آخری جمعہ کو یوم قدس کے نام سے موسوم کیا۔

یوم قدس کا مقصد:

روز قدس سے رہبر انقلاب اسلامی ایران حضرت امام خمینی رح کا مقصد یہ تھا کہ دنیا کے سامنے اسرائیل کے گھناؤنے اور بدنما چہرے کو بے نقاب کیا جائے اور دنیائے اسلام کا رشتہ فلسطین کی مظلوم قوم سے جو ڑ کر ہر سال اس رشتے کو مزید مستحکم کیا جائے۔ روز قدس ملّتِ فلسطین کی حمایت اور اس ملّت کیلئے خصوصی دعا کا دن ہے اور اس کی بہبود کے لئے ہر ممکنہ کو شش کرنے اور سال بھر اس کوشش کو جاری و ساری رکھنے کے لئے عہد کرنے کا دن ہے، یہ دن مسلمانو ں کو اپنی غیرت میں آنے کا دن ہے۔

مسلمانو! جاگو، اس سر زمین کو جو تمہارا قبلہ اوّل ہے، جہاں فضیلتوں کی ندیاں بہتی ہے، اسے ان ناپاک ہاتھوں سے چھین لو جو معصوم

” مسلمانو! جاگو، اس سر زمین کو جو تمہارا قبلہ اوّل ہے، جہاں فضیلتوں کی ندیاں بہتی ہے، اسے ان ناپاک ہاتھوں سے چھین لو جو معصوم بچوں اور عورتوں کے خون سے آلودہ ہیں۔ “

بچوں اور عورتوں کے خون سے آلودہ ہیں۔ حضرت امام خمینی رح نے ماہ رمضان کے آخری جمعہ کو یوم ِقدس قرار دیا تھا اور سارے مسلمانوں کو متّحد ہو کر اِس کی آزادی کی طرف دعوت دی تھی۔ البتہ اُن کی زندگی میں مسلمان اُنکی اِس آواز پر نہ چو نکے لیکن آج حزب اللہ کی استقامت و پایداری اس نعرہ کو عملی جامہ پہنانے کا پھر مطالبہ کر رہی ہے۔ امام خمینی رح نے فر ما یا تھا:

"اگر دنیا بھر کے مسلمان مل کر اسرائیل کی طرف ایک ایک بالٹی پانی پھینک دیں تو وہ اسکے سیلاب میں بہہ جائے گا"۔

یہ بیان حقیقت سے کس قدر نزدیک تھا جسے حزب اللہ کے قائد سید حسن نصر اللہ نے اپنے مرجع تقلید (حضرت امام خمینی رح) کی بات کو سچ ثابت کیا۔ جولائی ٢٠٠٦ کے اسرائیلی حملے کو ناکام بنا کر خود بھی للکار کر کہا:

"خدا کی قسم، اسرائیل مکڑی کے جال سے بھی زیادہ کمزور ہے"۔

آخرکار دنیا نے اس نعرے کی سچائی بھی دیکھ لی۔ اورحال ہی میں اس عظیم قائد کے ایک سال پہلے کئے ہوئے وعدے (لبنانی اسیروں کی رہائی) کے تحقّق نے واضح کر دیا کہ دیکھو تم اللہ کیلئے کھڑے ہو اللہ تمہاری مدد کرے گا۔ یہ اسرائیل بیتِ عنکبوت سے بھی زیادہ کمزور ہے۔

یوم قدس کے اثرات:

1۔ اس بات کی نشاندہی ہے کہ پوری دنیا اسرائیل کے وجود کے خلاف ہے۔

2۔ مسئلہ فلسطین و مسئلہ قدس ملکی حدود سے نکل کر عالمی مسئلہ قرار پایا۔ دشمن کی کو شش یہ تھی کہ اس مسئلے کو ایک قومی مسئلہ قرار دے اور اس مسئلہ کو عرب و اسرائیل کی جنگ میں تبدیل کر دے لیکن امام خمینی رح کے اعلان سے دشمن کی آدھی جان نکل گئی۔

3۔ مسلمانوں میں ایک معنوی اثر پیدا ہوا، عمومی سطح پر ایک دوسرے کا ساتھ دینے کا جذ بہ بیدار ہوا اور انہیں یہ یقین ہو گیا کہ اگر ہم مسلمان متّحد ہو جائیں تو قدس کو دوبارہ ان غاصبوں سے واپس لے سکتے ہیں۔

یوم قدس اور ہماری ذمہ داریاں:

1۔ قبلہ اوّل بیت المقدّس کی اہمیت و فضیلت کو سمجھیں،

2۔ ہر سال ماہ مبارک رمضان کے آخری جمعہ میں ملّتِ فلسطین کی بھر پور حمایت اور صہیونی مملکت کے مکمل بائیکاٹ کا اعلان کریں اور اس بات کی طرف بھی متوجّہ رہیں کہ صہیونیسم جوانوں میں اخلاقی برائیاں پھیلانے کی مکمل کو شش کر رہا ہے اور اس کیلئے مختلف حربے استعمال کر رہا ہے۔

3۔ صہیونی کمپنیوں کی پروڈکٹس کو پہچانیں اور دوسروں کو اسکی طرف متوجّہ کریں اور ہمیشہ اِن اشیاء کا بائیکاٹ کریں۔

آخر میں ہم دعا کرتے ہیں کہ خدایا ہمیں یہ توفیق عنایت فرما کہ ہم اپنے حق کے مطالبے کیلئے متحد ہو کر آگے بڑھیں اور اپنے حق کو غاصبوں سے چھین لیں۔

مسئلہ قدس

بیت المقدس قبلۂ اوّل اسلام
۱۔بیت المقدس کی جغرافیائی موقعیت
بیت المقدس مغربی ایشیا اور مشرق وسطیٰ کے شمال میں واقع ہے ۔یہ شہر’’یہود‘‘کے پہاڑوں پر واقع ہے جو پانی کو مشرق میں اردن کی کھاڑی اور مغرب میں دریائے مدیترانہ کے درمیان تقسیم کرنے والا ہے ۔ یہ شہر دو پتھریلی پہاڑیوں پر واقع ہے جو دریا کی سطح سے ۰۵۷/ میٹر کی بلندی پر ہے اور شمال میںبیت ایل اور جنوب میں حبرون یا الخلیل کے پہاڑوں کے درمیان فلات قدس اور الخلیل میں واقع ہے ۔شہر کے مغرب میں یہود ا پہاڑوں کی وادی اور مشرق میں بیابان یہود دکھائی دیتا ہے جو بحر ا لمیت تک چلا گیا ہے۔
بیت المقدس کی جغرافیائی وضعیت یہودا پہاڑوں کی ساخت سے مربوط ہے جو یکسان پتھر ہے اور اس میں کوئی کھائی نہیںہے،لہٰذااس وضعیت نے بیت المقدس کو ایک قلعہ میں تبدیل کر دیا ہے جو اپنے وسیع اطراف پر ناظر ہے۔
بیت المقدس کی آب و ہوا مدیترانئی ہے۔ ہلکی سردیوں میں کافی بارش ہوتی ہے اور موسم معتدل رہتا ہے اور موسم گرما میں بہت گرم اور مکمل خشک ہوتاہے ۔سال کے اکثر دنوں میں اس شہر میںمکمل دھوپ رہتی ہے ،سالانہ بارش کی میزان تقریباً پانچ سو میلی میٹر ہے اس شہر کے مغربی حصوں میں بارش کی میزان مشرقی حصوں سے زیادہ ہے ۔
﴿بیت المقدس ص/۳۔۶﴾
۲۔بیت المقدس کی فضیلت قرآن کے آئینہ میں
قرآن کریم بیت المقدس میں واقع مسجد الاقصیٰ کی اہمیت و فضیلت کے بارے میں ارشاد فرماتاہے :
سُبْْحَانَ الَّذِی ٲَسْْرَی بِعَبْْدِہِ لَیْْلًا مِنْْ الْْمَسْْجِدِ الْْحَرَامِ الَی الْْمَسْْجِدِ الْْٲَقْْصَی الَّذِی بَارَکْْنَا حَوْْلَہُ لِنُرِیَہُ مِنْْ آیَاتِنَا َّہ ہُوَ السَّمِیعُ الْْبَصِیرُ ﴿اسرائ آیت ۱﴾
یہ آیۂ کریمہ رسول اسلام کے واقعۂ معراج کو بیان کر رہی ہے ۔اس آیت کی روشنی میں آنحضرت (ص)کے سفر معراج کا آغاز، مسجد الحرام اور اس مقدس سفر کی زمینی سیر کی انتہائ مسجد الاقصیٰ ہے جو تاریخی شہر بیت المقدس میںواقع ہے ۔
مسجد الاقصیٰ وہی مقدس مکان ہے جو یہودیوں کا قبلہ تھا اور مسلمانوں نے بھی تیرہ سال مکہ میں اور ہجرت کے بعد سترہ مہینے اسی کی سمت رخ کر کے نماز ادا کی ہے ۔اسی لئے مسجد الاقصیٰ کو مسلمانوں کا پہلا قبلہ شمار کیا جا تا ہے ۔
پروردگار عالم اس آیہ کریمہ میں ارشاد فرماتا ہے :
’’ ہم نے اس سر زمین کے اطراف کو با برکت قرار دیا۔‘‘
اس برکت سے مراد کیا ہے ؟
مفسرین نے دو احتمال بیان کئے ہیں :
۱۔ممکن ہے جملہ’’بارکنا حولہ‘‘ اس سر زمین کی ظاہری برکتوں کی طرف اشارہ ہو؛ اس لئے کہ یہ سر زمین ایک سر سبز و شاداب ،درختوں سے سرشار اور جاری پانی اور آبادیوں والے علاقہ میں واقع ہے ۔
۲۔ ممکن ہے یہ جملہ اس سر زمین کی معنوی برکت کی طرف اشارہ ہو؛ اس لئے کہ یہ سر زمین عظیم الشان انبیائے الہی کا وطن اور نور توحید اور خدا پرستی کا مکان رہا ہے۔ ﴿تفسیر نمونہ ج/۲ ص/۰۱﴾
لہٰذا قرآن کریم نے اس سر زمین کا ایک شرف بیان کیا ہے ۔ بیت المقدس کی ظاہری اور معنوی برکات اس بات کے پیش نظر کہ وہ انبیائے الہی کا محل زندگی اور پیغمبر اکرم کی معراج گاہ ہے اور اس کے اطراف کی ظاہری برکت واضح ہے اور اس میں کوئی شک نہیں ہے۔
۳۔ بیت المقدس روایات کے آئینہ میں
بیت المقدس قدیم زمانہ سے انبیائے الہی کا شہر رہا ہے اور اسے ’’شہر انبیائ ‘‘کے نام سے یاد کیا گیا ہے ۔مسلمانوں کا قبلہ اول کچھ خاص فضائل کا حامل ہے ،جس نے اسے دوسرے شہروں سے ممتاز بنادیا ہے ۔اسی لئے معصومین ٪ نے اس کی طرف خاص توجہ دی ہے ۔ معصومین ٪ نے اس شہر کی کچھ خصوصیات بیان فرمائی ہیں،جن کی طرف ہم اشارہ کر رہے ہیں :
الف دعاکی قبولیت:
حضرت علی - نے مسجد الاقصیٰ کے سفر پر جانے والے اپنے ایک صحابی سے فرمایا:
’’مشکلات میں گھراکوئی بھی شخص وہاں ﴿بیت المقدس میں﴾دعا نہیں کرتا مگر یہ کہ خدا وند عالم اس کی دعا کو مستجاب اور اس کی مشکلات کو دور کردیتا ہے‘‘۔ ﴿وسائل ج/۲ ص/۹۲۵﴾
ب بیت المقدس ایک بہشتی محل:
حضرت علی - نے ارشاد فرمایا:
اربعۃ من قصور الجنۃ فی الدنیا؛ المسجدالحرام و مسجد الرسول (ص)و مسجد بیت المقدس و مسجد الکوفۃ۔﴿وسائل ج/۲،ص/ ۹۲۵﴾
’’دنیا میں چار مقامات جنت کے محل ہیں :
مسجد الحرام،مسجد نبوی، مسجد الاقصیٰ اورمسجد کوفہ‘‘۔
ج مسجد بیت المقدس چار منتخب مسجدوں میںسے ایک :
امام محمد باقر -نے ابو حمزہ ثمالی سے فرمایا:
چار مسجدیں یہ ہیں :’’مسجد الحرام،مسجد نبوی، مسجد بیت المقدس﴿مسجد الاقصیٰ﴾اور مسجد کوفہ۔اے ابو حمزہ ثمالی! ان مسجدوں میں ایک واجب نماز کا ثواب ایک حج کا ثواب ہے اورا یک مستحبی نماز کا ثواب ایک عمرہ کے ثواب کے برابر ہے‘‘ ۔﴿من لا یحضر الفقیہ ج/۱،ص/۸۴۱﴾
د بیت المقدس میں نماز کا ثواب:
بیت المقدس ، مقدس مقامات اور با فضیلت شہروں میں سے ایک ہے اس لئے کہ وہ بندگان خدا اور عظیم الشان انبیائے الہی کا وطن رہا ہے ۔اسی لئے اسلام میں اس شہر کو ایک خاص مقام و منزلت حاصل ہے اوروہ دوسرے مقامات کے درمیان ایک ستارہ کے مانند چمکتا ہے ۔اسی لئے اس شہر میںعبادت کا ثواب دوسری جگہوں پر عبادت کے ثواب سے کئی گنا زیادہ ہے جیسا کہ حضرت علی - سے مروی ہے کہ آپ(ع) نے ارشاد فرمایا :
’’بیت المقدس میں ایک نماز ،ہزار نماز کے برابر ہے‘‘۔ ﴿من لا یحضر الفقیہ ج/۱،ص/۸۴۱﴾
۴۔بیت المقدس تاریخ کے آئینہ میں
تاریخی شواہد کی بنیاد پر یہ شہر عرب نسل کنعانیوں کے ہاتھوں آباد ہوا اور یہی لوگ بیت المقدس کے پرانے باشندے مانے جاتے ہیں ۔ تاریخ میں آیا ہے کہ حضرت عیسیٰ (ع) کی ولادت سے تین یا چار ہزار سال پہلے عربوں کے آموری اور کنعانی نامی دو قبیلوں نے شام کا سفر کیا۔کنعانیوں نے فلسطین اور آموریوں نے شام میںسکونت اختیار کی ۔ایک جرمنی دانشمند ، مورتکات کنعانیوں کی صفت کو اس طرح تحریر کر تا ہے :
’’شام کے ساحلی علاقہ کے وسط میں آثار قدیمہ کی کشف شدہ چیزوں میں سے معلوم ہوتاہے کہ سامی نسل کے کچھ لوگ حضرت عیسیٰ (ع) کی ولادت سے کم از کم تین ہزار سال پہلے وہاں آباد تھے جن کا نام کنعانیان تھا ‘‘۔﴿بیت المقدس شہر پیامبران ص/۷۱﴾
کنعانیوں کا سب سے مشہور قلعہ ’’یبوس‘‘تھا۔انھوں نے موجودہ بیت المقدس کے علاقہ میں سکونت اختیار کی اور شہر یبوس﴿قدس﴾کی بنیاد رکھی۔ اس شہر کی بنیاد یبوسیوں کے بادشاہ ’’ملک صادق‘‘ کے ہاتھوں رکھی گئی۔ اس نے اس سر زمین کے ایک گوشہ میں ’’یبوس‘‘نامی شہر کی بنیاد رکھی ۔چونکہ وہاں کا بادشاہ صلح اور آبادانی کا دوستدار تھا لہٰذا ایک عرصہ کے بعد وہاں کے باشندوں نے ’’یبوس‘‘کے نام کو بدل کر اس کا نا م ’’اورسالم‘‘ ﴿شہر سالم۔صلح﴾ رکھادیا۔﴿تاریخ بیت المقدس و مسئلہ فلسطین ص/۷۔۸﴾
تاریخ میں آیا ہے کہ شہر اور سالم ﴿بیت المقدس﴾ مختلف ادوار میں انبیائے الہی جیسے حضرت دائود - اور آپ کے فرزند حضرت سلیمان - کی حکومت کا مرکز اور دارالحکومت رہا ہے ۔ حضرت دائود - نے حضرت عیسیٰ (ع) کی ولادت سے ہزار سال پہلے ہزاروں سپاہیوں کی مدد سے اس شہر کو فتح کیا اوراسے اپنا دارالحکومت قرار دیا اور اس کا نام ’’شہر دائود‘‘رکھ دیا گیا ۔ آپ کے بعد آپ کے فرزند حضرت سلیمان - کو بادشاہت ملی اور انہوں نے اپنے ہیکل﴿معبد،محل عبادت﴾کو کوہ ’’موربا‘‘ کے اوپر بنایا۔ اس تاریخ سے لیکر کئی قرن تک اور سالم حضرت دائود - کی نسل میں رہا ، ہیکل سلیمان ۴۲۴.ئ سال تک باقی رہا یہاں تک کہ مصر کے بادشاہ’’ شیتق ‘‘نے اپنی حکومت کے دوران اسے تباہ و برباد کر دیا ۔
بیت المقدس جو کنعانیوں کے ہاتھوں بنیاد پڑا، انبیائے الٰہی حضرت دائود -اور حضرت سلیمان -کا مرکز حکومت رہنے کے بعد اس نے ایک خاص اہمیت حاصل کر لی اور ایک تاریخی شہرت کا حامل ہوگیا ۔ شاید اسی وجہ سے اسلامی روایات میں اس شہر کی تأسیس کی نسبت حضرت سلیمان -کی طر ف دی گئی ہے ۔ البتہ تاریخی نقطۂ نگاہ سے اس شہر کی قدمت حضرت سلیمان - کے دوران حکومت سے پہلے ہے ۔تاریخ کے بیان کے مطابق بیت المقدس کی تاسیس کے پانچ ہزار سال کے عرصہ میں یہ شہر ۵۱ سو سال ’’یبوسیوں‘‘ یعنی ’’کنعانیوں ‘‘کے ہاتھ میں تھا جو جزیرۃ العرب سے آئے تھے اور اس کے اصل بانی تھے ۔ اس کے بعد چار صدیوں تک اسرائیل کے ہاتھوں میںرہا ۔ چند صدیاں ایرانیوں کے ہاتھ میں ،دو صدی یونانیوں اور اشکانیوں کے ہاتھ میں اور چار صدیوںتک رومیوں کے اختیار میںرہا ۔ ان ساری تغییر و تبدیلی کے باجود اس شہر کے اصلی باشندے یعنی کنعانیان اور یبوسیان اسی طرح وہاں مقیم رہے ۔
منابع تاریخی یہودیوں کے سر زمین فلسطین میں وارد ہونے کو میلاد مسیح (ع)سے ایک ہزار سال پہلے کی طرف نسبت دیتے ہیں ۔ عبرانیوں ﴿یہودیوں ﴾نے نہر اردن سے عبور کر کے زبر دستی اس علاقے کو کنعانیوں سے چھین لیا اور.قبل از مسیح وہاںان کی حکومت کی بنیاد پڑی یہ حکومت حضرت دائود - اور حضرت سلیمان - کے زمانہ میں اسّی ﴿۰۸﴾سال کی مدت میں ایک خاص ثقافت و تمدن اور سیاسی نظام سے بر خورد ارتھی۔حضرت سلیمان - کے بعد مملکت یہود دوحصوں میں تقسیم ہو گئی، شمال میں مملکت اسرائیل اور جنوب میں مملکت یہود!
﴿بیت المقدس شہر پیامبران ص/۷۱﴾
اسی طرح فارس اور بابل کے درمیان جنگ میں بیت المقدس ایرانیوں کے ہاتھوں میں آگیا ۔ ساتویں صدی عیسوی میں ساسانی بادشاہ’’ خسرو پرویز‘‘ نے بیت المقدس پر قبضہ کیا۔
بیت المقدس کی تاریخ سے جو باتیں سامنے آتی ہیں ان کا خلاصہ یہ ہے :
۲۔یہودی، یبوس کے ہاتھوں بیت المقدس کی تأسیس کے تین ہزار سال بعد فلسطین میں وارد ہوئے اور وہ قدس کے اصلی باشندے نہیں ہیں ۔
۳۔ عبرانی دو ہجرت کے دوران سر زمین کنعان میں وارد ہوئے :پہلی ہجرت :میلادمسیح (ع) سے پہلے چودھویں صدی کے شروع میں اور دوسری ہجرت: میلاد مسیح (ع)سے پہلے تیرہویں صدی میں مصر سے ۔ عبرانیان ایک ماہر قبیلہ تھا ، انہوں نے کنعانیوں سے فن معماری،کھیتی اور لکھنا پڑھنا سیکھا ۔ اس کے بعد وہ اپنی پرانی زبان ساسانی کو بھول گئے اور کنعانیان کے درمیان رائج لہجہ کو سیکھ لیا۔﴿بیت المقدس شہر پیامبران ص/۸ تا ۰۲﴾
۱۔ کنعانیان عرب تھے جنہوں نے جزیرۃالعرب سے ہجرت کی اور اس علاقہ میں مقیم ہو گئے۔
http://www.fazael.com

بیت المقدس قبلۂ اوّل اسلام

فلسطین پر قبضه کی روش

فلسطین کی سیاسی اور جغرافیائی اہمیت
فلسطین کا رقبہ ٢٧٠٢٤ مربع کلو میٹر ہے ۔ یہ سرزمین دنیا کے شمالی حصہ میں جنوب مغربی ایشیا میں واقع ہے ۔ اس کے مشرق میں بحر روم، شمال میں لبنان، شمال مشرق میں شام ، مشرق میں اردن اور جنوب میں مصر واقع ہے ۔
فلسطین کی طبیعی اہمیت:
الف : جغرافیہ: فلسطین کا رقبہ ٢٧٠٢٤ مربع کلو میٹر ہے ۔ یہ سرزمین دنیا کے شمالی حصہ میں جنوب مغربی ایشیا میں واقع ہے ۔ اس کے مشرق میں بحرروم، شمال میں لبنان، شمال مشرق میں شام ، مشرق میں اردن اور جنوب میں مصر واقع ہے ۔ اس کا شمار مشرقِ وسطیٰ کے ممالک میں ہوتا ہے ۔ فلسطین جنوب کی جانب سے بحراحمر اور مصر کے صحرائے سینا کی حدود میں واقع ہے ۔
فلسطین کے شمالی علاقے جو کہ لبنان اور شام کی سرحدوں سے ملتے ہیں، کوہستانی ہیں اور جس قدر شمال سے جنوب کی طرف جائیں تو پہاڑی سلسلے کا خاتمہ ہوتا چلا جاتا ہے ۔ یہاں تک کہ فلسطین کے جنوب میں ''نقب'' نامی وسیع صحرا موجود ہے جو کہ صحرائے سینا سے متصل ہے ۔ فلسطین کے مشہور پہاڑ کا نام ''جرجوق'' ہے جس کی بلندی ١٢٠٨ میٹر ہے ۔
فلسطین میں بہنے والی نہریں درج ذیل ہیں ۔
نہراردن : یہ شام کے شمالی علاقہ بانیاس سے شروع ہوتی ہے ۔ اس نہر کی لمبائی ٣٠٠ کلو میٹر ہے ۔
نہریر موک : اس کی لمبائی ٤٠ کلو میٹر ہے ۔
نہر المقطع : اس کی لمبائی ١٣ کلو میٹر ہے ۔
فلسطین میں چند ایک چھوٹے چھوٹے دریا بھی ہیں ۔ جیسے جنوب مشرقی فلسطین میں ١٠٥٠ مربع کلو میٹر پر محیط بحر ''ا لمیت'' ،شمال میں ١٦٥ مربع کلو میٹر وسیع '''طبریہ'' ۔
بحرروم کے ساحلی علاقوں میں آب و ہوا معتدل ہے جب کہ مشرقی فلسطین کی جانب بتدریج ہوا میں نمی کا تناسب کم ہوتا چلا جاتا ہے ۔ فلسطین کا شمالی علاقہ پہاڑی اور برفانی ہے جب کہ جنوبی علاقہ انتہائی گرم ہے ۔
آبادی اور بڑے شہر :
اعداد و شمار کے مطابق ١٩٨٧ تک فلسطینیوں کی تعداد پوری دنیا میں ٥١ لاکھ افراد سے زیادہ ہے جو کہ مقبوضہ علاقوں کے علاوہ دنیا کے ١٣ مختلف ملکوں میں منتشر ہیں ۔ فلسطین میںغزہ، قدس، السامرہ اور حیفا نامی چار صوبے ہیں جبکہ مشہور شہر بیت المقدس، بیت اللحم، رام اللہ، غزہ، نابلس، حیفا، یافا اور طولکرم ہیں ۔
فلسطین کی اقتصادی اور جیو پولیٹیکل اہمیت :
فلسطین قدرتی ذخائر سے مالا مال علاقہ نہیں ہے ۔ معدنیات میں سے صرف پوٹا شیم ، مینگنیز، سوڈیم اور ''بحر ا لمیت'' کا برومین قابل ذکر ہیں ۔
پوٹا شیم کے اعتبار سے یہ دنیا کا مالدار ملک ہے ۔ سرزمین فلسطین کا ایک تہائی حصہ قابل کاشت ہے اور یہاں کی اکثریت کا ذریعہ معاش کھیتی باڑی ہی ہے ۔
عالمی اور علاقائی حکمت عملی (Strategy) کے اعتبار سے فلسطین کو خاص اہمیت حاصل ہے ۔ یہ ملک ایشیاء کو افریقہ سے ملانے والا ایک پل ہے اور جزیرہ نمائے عرب کو بحرروم سے ملاتا ہے ۔ اس علاقہ کی اسی اہمیت کی وجہ سے استعمار نے دو اہم عرب علاقوں کے درمیان جدائی ڈالنے کا منصوبہ بنایا اور اس پر عمل کیا۔
http://www.taqrib.info

فلسطین کی سیاسی اور جغرافیائی اہمیت

فلسطین کی تاریخ
قدیم زمانے میں یہ سرزمین ارض کنعان کے نام سے پہچانی جاتی تھی کیونکہ کنعانیوں نے ٢٥٠٠ سال ق۔م میں جزیرة العرب سے ہجرت کر کے اس علاقہ میں سکونت اختیار کی تھی۔
ارضِ کنعان اور فلسطین :
قدیم زمانے میں یہ سرزمین ارض کنعان کے نام سے پہچانی جاتی تھی کیونکہ کنعانیوں نے ٢٥٠٠ سال ق۔م میں جزیرة العرب سے ہجرت کر کے اس علاقہ میں سکونت اختیار کی تھی۔ کریتی قبائل (ا)نے ١٢٠٠ سال ق۔م میں ارضِ کنعان پر حملہ کیا اور غزہ اور یافا کے درمیان ساحلی علاقہ میں قیام کیا ۔ کنعانیوں اور کریتی قبائل کے ادغام سے اس پورے علاقہکے لئے فلسطین کا نام استعمال ہونے لگا ۔
فلسطین کی جانب یہودیوں کی ہجرت :
تقریباً ٣٠٠ سال قبل از مسیح بنی اسرائیل حضرت موسیٰ علیہ السلام کے ساتھ مصر سے نکلے اور شام کے راستہ سے ہوتے ہوئے سرزمین قدس کی جانب چل پڑے ۔ ادھر حضرت موسیٰ نے اصرار کیا کہ بیت المقدس میں داخل ہو جائیں ۔
یقَوْمِ ادْخُلُوا الاَرْضَ الْمُقَدَّسَةَ الَّتِیْ کَتَبَ اﷲُ لَکُمْ وَ لاتَرْتَدُّوْا عَلیٰ اَدْبَارِکُمْ فَتَنْقَلِبُوا خٰسِرِیْنَ
ترجمہ: اے میری قوم! اس ارض مقدس میں داخل ہوجاؤ جسے اﷲ نے تمہارے لیے لکھ دیا ہے اور میدان سے الٹے پاؤں نہ پلٹ جاؤ کہ خسارہ والوں میں سے ہوجاؤ گے ۔ (سورہ مائدہ آیت ۔ ٢١)
لیکن بنی اسرائیل نے حضرت موسیٰ کی نافرمانی کی کیونکہ وہ لوگ ''عمالقہ'' سے الجھنا اور جنگ کرنا نہیں چاہتے تھے جو کہ اس سرزمین پر رہتے تھے ۔ لہذا انہوں نے حضرت موسیٰ اور ہارون علیہما السلام سے کہا:
قَالُوْا یَامُوْسیٰ اِنَّا لَنْ نَدْخُلَھَا اَبَداً مَادَامُوْا فِیْھَا فَاذْھَبْ اَنْتَ وَ رَبُّکَ فَقَاتِلا اِنَّا ھٰہُنَا قَاعِدُوْنَ
ترجمہ: ان لوگوں نے کہا کہ موسیٰ ہم ہرگز وہاں داخل نہ ہوں گے جب تک وہ لوگ وہاں ہیں ۔ آپ اپنے پروردگارکے ساتھ جا کر جنگ کیجیے ہم یہاں بیٹھے ہوئے ہیں ۔ (مائدہ ٢٤)
اسی نافرمانی کی وجہ سے چالیس سال تک ان لوگوں پر اس شہر میں داخلہ حرام کر دیا گیا ۔ ارشاد ہوتا ہے :
قَالَ فَاِنَّھَا مُحَرَّمَة عَلَیْھِمْ اَرْبَعِیْنَ سَنَةً یَتِیْھُوْنَ فِی الاَرْضِ فَلا تَاْسَ عَلَی الْقَوْمِ الْفٰسِقِیْنَ
ترجمہ : ارشاد ہوا کہ اب ان پر چالیس سال حرام کر دیے گئے کہ یہ زمین میں چکر لگاتے رہیں گے لہذا تم اس قوم پر افسوس نہ کرو۔ (مائدہ ۔٢٦)
یکے بعد دیگر حضرت موسیٰ اور حضرت ہارون نے اس دنیائے فانی سے کوچ کیا اور انکی قوم ٤٠ سال تک تیہ کے بیابان میں سرگرداں رہی۔ اس دوران میں پرانی نسل کا خاتمہ ہو گیا اور نئی نسل وجود میں آگئی جس کی سربراہی یوشع بن نون کے ہاتھ میں تھی۔ انہوں نے نئی نسل کو بیت المقدس میں داخل ہونے پر اکسایا ۔ مقدس سرزمین میں داخل ہوتے وقت ''اریحا'' کے مقام پر ''عمالقہ'' کے ساتھ ان کی جھڑپ ہوئی اور ان کو شکست دینے کے بعد وہ لوگ ''قدس'' میں داخل ہوگئے ۔
یوشع بن نون کی وفات کے بعد حضرت طالوت اور ان کے بعد حضرت داؤد نے ٤٠ سال تک ان کی سربراہی کی اور ان کے بعد حضرت سلیمان حاکم ہوئے ۔ حضرت سلیمان کے بعد فلسطین دو حصوں میں تقسیم ہوگیا ۔
١۔ جنوب میں یہودا، جس کا دارالخلافہ ''یروشلم'' تھا ۔
٢۔ شمال میں اسرائیل جس کا مرکز ''شکیم'' تھا ۔
بنابریں حضرت داؤد نہ مملکت اسرائیل کے بانی تھے اور نہ ہی انہوں نے سب سے پہلے یروشلم کو دارالخلافہ قرار دیا اور نہ ہی مسجد الاقصی کی تعمیر آپ کے ہاتھوں سے ہوئی بلکہ اسلامی روایتوں ،تاریخی شواہد اور آیات قرآنی سے معلوم ہوتا ہے کہ بیت المقدس حضرت موسیٰ کے زمانے سے موجود تھا۔
مسلمانوں کے ہاتھوں فلسطین کی فتح :
رسول اکرمۖ کی وفات کے بعد خلیفۂ اول نے شام (جس میں موجودہ شام اور فلسطین شامل تھا) کی جانب لشکر روانہ کیا جو کہ رومیوں کے قبضہ میں تھا ۔ اس لشکر کے سپہ سالار اسامة بن زید تھے جنہوں نے کافی دور تک پیش قدمی کی اور اردن کے نزدیک پہنچ گئے لیکن مدینہ میں مسلمانوں کے درمیان اختلاف پیدا ہو جانے کی وجہ سے یہ لشکر واپسبلا لیا گیا ۔
بالآخر خلیفۂ دوم کی خلافت کے زمانہ میں، بیت المقدس کے رہنے والوں اور خلیفۂ دوم کے درمیان ایک معاہدے کے ذریعے بیت المقدس پر مسلمانوں کا قبضہ ہوگیا ۔ حضرت عمر بن خطاب نے وہاں کے شہریوں کے مطالبہ پر حکم دیا کہ کسی یہودی کو بیت المقدس میں رہنے کا حق نہیں ہوگا ۔ اس کے مقابلے میں وہاں کے عیسائیوں نے جزیہ دینا قبول کیا ۔
فلسطین پر مکمل قبضہ کے بعد کئی عرب قبائل وہاں پر سکونت پذیر ہوگئے ۔ غیر عرب لوگ بتدریج عرب قبائل میں ضم ہوگئے اور کچھ ہی عرصہ کے بعد یہ خطہ مکمل طور پر ایک عرب علاقہ میں تبدیل ہوگیا ۔ امویوں کے زمانہ میں فلسطین، دمشق کے تابع ہوا ۔ اس زمانہ کے باقی ماندہ تعمیراتی آثار میں سے ایک ''قبة الصخرہ'' ہے،جسے عبدالملک بن مروان کے حکم پر ٧٠ ھ میں تعمیر کیا گیا ۔ عباسی دور میں فلسطین، عراقی حکومت کے ماتحت رہا اور بنو عباس اور بنو امیہ کے درمیان ایک جنگ بھی اس علاقہ میں لڑی گئی جس میں عباسیوں کو فتح حاصل ہوئی۔
فاطمیوں کی خلافت کے دوران یہ علاقہ مصر کا حصہ بنا ۔ اگر چہ سلجوقی حکومت (٢) کا دائرہ ایشیائے صغیر، شام اور فلسطین تک پھیل گیا تھا اور قدس پر ان کا قبضہ بھی رہا لیکن کچھ ہی عرصہ بعد دوبارہ فاطمیوں نے قدس پر اپنا قبضہ بحال کرلیا ۔ بعد میں صلیبی لشکر نے قدس پر قبضہ کرنے میں کامیابی حاصل کرلی۔
فلسطین ، صلیبی جنگوں کے دوران:
٤٧٦ھ (١٠٩٧ئ) میں یورپی پادریوں کے اکسانے پر تقریباً ڈیڑھ لاکھ عیسائی یورپ کے مختلف شہروں سے جمع ہوئے اور فلسطین کی جانب چل پڑے تاکہ اپنے عقیدہ کے مطابق حضرت عیسیٰ کی قبر کو مسلمانوں سے چھین لیں (٢)۔ اس لشکر نے اپنے راستہ میں آنے والے کئی مسلمان شہروں کو تباہ و برباد کردیا ۔ چونکہ سلجوقیوں کے ساتھ جنگ کی وجہ سے فاطمیوں کی طاقت میں کافی حد تک کمی آگئی تھی، اس لیے وہ عیسائیوں کا مقابلہ نہ کرسکے جس کے نتیجہ میں ٤٧٨ھ ( ١٠٩٩ء ) میں بیت المقدس عیسائیوں کے قبضہ میں چلا گیا ۔ بالآخر ٦٧٠ھ ( ١٢٩١ئ) میں مسلمانوں کی کامیابی کے ساتھ صلیبی جنگیں اپنے اختتام کو پہنچیں ۔ صلیبی جنگوں کے خاتمہ کے بعد دسویں صدی ہجری کی ابتداء تک یہ ملک مصری سلطنت کا حصہ تھا ۔
فلسطین ، عثمانی دور میں :
٩٢٣ھ (١٥١٧ء ) میں جب عثمانی ترکوں نے مصر پر قبضہ کیا تو فلسطین بھی عثمانی سلطنت میں شامل ہوگیا اور تقریباً چار سو سال تک یہ علاقہ عثمانی سلطنت کا ایک غیر اہم حصہ شمار ہوتا رہا ۔ اٹھارویں صدی عیسوی کے آخر میں نپولین نے اس علاقہ پر حملہ کیا ۔ بتدریج فلسطین پر سے عثمانی کنٹرول کم ہوتا چلاگیا اور عثمانی سلطان کی جانب سے منصوب مصری حاکموں نے (جو خود کو خدیو کہلواتے تھے) ،فلسطین کا انتظام اپنے ہاتھوں میں لے لیا ۔ اسلام کے ظہور کے بعد کی فلسطین کی تاریخ اس بات کا ثبوت ہے کہ فلسطین ایک اسلامی اور عرب سرزمین رہی ہے اور یہودیوں کے اس دعویٰ کی نفی کرتی ہے کہ یہ سرزمین یہودیوں سے متعلق ہے ۔
http://www.taqrib.info

فلسطین کی تاریخ

ہندوستان پر اسلامی حکومت مفتی شوکت علی فہمی کی ایک تاریخی اور معلوماتی کتاب ہے۔ اس میں برصغیر میں مسلمانوں کی حکومت اور اس کے مختلف تاریخی ادوار کا جائزہ پیش کیا گیا ہے۔

کتاب ہندوستان کی سیاسی تاریخ میں مسلم حکمرانوں کے کردار کو سمجھنے میں مدد دیتی ہے۔ اس میں حکومت، سلطنت، سیاسی حالات اور مسلمانوں کی تاریخی خدمات جیسے موضوعات پر گفتگو کی گئی ہے۔
<h3>کتاب کے بارے میں</h3>
<a href="https://islamic-sources.com/ur">ہندوستان پر اسلامی حکومت کا بنیادی موضوع برصغیر میں مسلمانوں کی حکمرانی</a> ہے۔ کتاب میں ہندوستان کی تاریخ کے ان ادوار کو بیان کیا گیا ہے جب مختلف مسلم سلاطین اور خاندانوں نے یہاں حکومت کی۔

مصنف نے مسلم حکومت کے سیاسی اور تاریخی پہلوؤں کو نمایاں کرنے کی کوشش کی ہے۔ اس کے ذریعے قاری ہندوستان میں مسلم اقتدار کے ارتقا اور مختلف حکمرانوں کے دور سے واقف ہو سکتا ہے۔

کتاب میں سلطنتِ دہلی اور مغلیہ دور جیسے اہم ادوار کے مطالعے میں بھی مدد ملتی ہے۔ اس طرح قاری برصغیر کی سیاسی تاریخ کو ایک خاص زاویے سے سمجھنے کی کوشش کرتا ہے۔
<h3>اس کتاب میں ہم کیا سیکھتے ہیں؟</h3>
اس کتاب کے مطالعے سے ہمیں <a href="https://islamic-sources.com/ur">ہندوستان میں مسلمانوں کی حکومت کی تاریخ کے بارے میں معلومات حاصل ہوتی ہیں۔ ہم مختلف مسلم حکمرانوں اور سلطنتوں</a> کے ادوار سے واقف ہوتے ہیں۔

کتاب سے ہمیں برصغیر کے سیاسی حالات اور مسلم حکمرانوں کے کردار کو سمجھنے میں مدد ملتی ہے۔ اس کے ذریعے ہندوستان کی تاریخ کے مختلف ادوار کا عمومی جائزہ بھی لیا جا سکتا ہے۔

یہ کتاب تاریخی واقعات کو سمجھنے اور ماضی کے سیاسی حالات سے سبق حاصل کرنے کا موقع فراہم کرتی ہے۔
<h3>مصنف مفتی شوکت علی فہمی کے بارے میں</h3>
مفتی شوکت علی فہمی اس کتاب کے مصنف ہیں۔ <a href="https://islamic-sources.com/ur/categories/books">انہوں نے ہندوستان میں مسلمانوں کی حکومت اور برصغیر</a> کی تاریخ سے متعلق موضوعات پر قلم اٹھایا ہے۔

ان کی اس تصنیف میں ہندوستان کی سیاسی تاریخ کو اسلامی حکومت کے تناظر میں پیش کرنے کی کوشش کی گئی ہے۔ کتاب سے مصنف کی تاریخی موضوعات سے دلچسپی کا بھی اندازہ ہوتا ہے۔
<h3>یہ کتاب کن افراد کے لیے مناسب ہے؟</h3>
یہ کتاب ہندوستان اور برصغیر کی تاریخ میں دلچسپی رکھنے والے قارئین کے لیے مناسب ہے۔ اسلامی تاریخ اور مسلم حکمرانوں کے ادوار کا مطالعہ کرنے والے افراد بھی اس سے فائدہ اٹھا سکتے ہیں۔

طلبہ، تاریخ کے شائقین اور برصغیر میں مسلمانوں کی سیاسی تاریخ کو سمجھنے کے خواہش مند افراد کے لیے یہ کتاب مفید ہو سکتی ہے۔

محققین بھی اسے معاون مطالعے کے طور پر استعمال کر سکتے ہیں۔ تاہم تحقیقی کام میں کتاب کے تاریخی بیانات کو دیگر معتبر تاریخی مصادر کے ساتھ موازنہ کرنا بہتر ہے۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

Custom Canonical

is suggested

Rate

Indexing

SEO Title

Votes

ہندوستان پر اسلامی حکومت

قدیم تمدّن کا مطالعہ بوجوہ ضروری ہے اس سے ایک تو بنی نوع انسان کی فکری و ذوقی یکجہتی کا ثبوت ملتا ہے، دوسرے اس حقیقت کا انکشاف ہوتا ہے کہ ایک ہی جیسے مسائل کو سلجھانے کے لیے اقوامِ عالم مختلف وسائل سے کام لیتی رہی ہیں، تیسرے یہ راز کھل کر سامنے آتا ہے کہ عالمی تمدّن کی تشکیل میں تمام اقوام و ملل نے بڑھ چڑھ کر حصہ لیا ہے اور ایک دوسرے سے استفادہ بھی کیا ہے، چوتھے یہ بات واضح ہوجاتی ہے کہ جدید دور کے مسائل کہ تہ تک پہنچنے کے لیے بھی ان کی جڑوں کا کھوج قدیم زمانوں تک لگانا ضروری ہے۔ کسی بھی مسئلے کا عالمی تمدن کے تناظر سے ہٹ کر مطالعہ کرنا گوناگون مغالطوں کا باعث ہوسکتا ہے۔ اس کتاب "روایاتِ تمد:نِ قدیم" میں یہی تناظر پیش کرنے کی کوشش کی گئی ہے۔

روایاتِ تمدّنِ قدیم

وہابیت اہل سنت کے ایک فرقے کا نام ہے جو بارہویں صدی کے اواخر اور تیرہویں صدی کے اوائل میں سعودی عرب میں محمد بن عبدالوہاب کے ذریعے وجود میں آیا۔ اس فرقے کے پیروکاروں کو وہابی کہا جاتا ہے۔ وہابی فروع دین میں احمد بن حنبل‌‌ کی پیروی کرتے ہیں۔ ان کی اکثریت جزیرہ نمائے عرب کے مشرقی حصے میں مقیم ہیں۔ اس فرقے کے مشہور مذہبی پیشواؤں میں ابن ‎تیمیہ، ابن قیم اور محمد بن عبدالوہاب قابل ذکر ہیں۔
وہابی قرآن اور سنت میں تأویل کی بجائے آیات اور روایات کے ظاہر پر عمل کرنے کے معتقد ہیں۔ اس بنا پر وہ بعض آیات و روایات کے ظاہر پر استناد کرتے ہیں اور خدائے متعال کے اعضا و جوارح کے قائل ہوتے ہوئے ایک طرح سے تشبیہ اور تجسیم کے معتقد ہیں۔
وہابی اعتقادات کے مطابق اہل قبور حتی پیغمبر اکرم(ص) اور ائمہ معصومین کی زیارت، ان کے قبور کی تعمیر؛ ان پر مقبرہ یا گنبد بنانا، ان ہستیوں سے متوسل ہونا اور ان قبور سے تبرک حاصل کرنا حرام ہے۔ وہابی مذکورہ تمام اعمال کو بدعت اور موجب شرک سمجھتے ہیں اسی بنا پر سعودی عرب پر مسلط ہونے کے بعد وہابیوں نے تمام اسلامی مقدسات بطور خاص شیعہ مقدس مقامات کو منہدم کرنا شروع کیا، انہدام جنت البقیع اسی سلسلے کی ایک کڑی تھی جس میں ائمہ بقیع کے علاوہ کئی دوسرے بزرگ صحابیوں اور صحابیات کے مزار کو سنہ 1344 ھ میں وہابیوں نے منہدم کر دیا۔
نجد کے ایک قبیلے کا سردار محمد بن سعود جو درعیہ کا حاکم تھا، نے محمد بن عبدالوہاب کے نظریات کو قبول کرتے ہوئے اس کے ساتھ عہد و پیمان باندھا جس کے نتیجے میں انہوں نے سنہ 1157 ھ میں نجد اور اس کے گرد و نواح پر قبضہ کرتے ہوئے ان نظریات کو پورے جزیرہ نمائے عرب میں پھیلانا شروع کر دیا۔ ریاض کو فتح کرنے کے بعد اسے دارالخلافہ قرار دیا جو ابھی بھی سعودی شاہی حکومت کا دارالخلافہ ہے۔ موجودہ دور میں سعودی عرب کا سرکاری مذہب وہابیت ہے جہاں اس فرقے کے علماء کے فتووں پر حکومتی سربراہی میں عمل درآمد کیا جاتا ہے۔
یہ ایک نیا فرقہ ہے جو ۱۲۰۹ھ؁ میں پیدا ہوا، اِس مذہب کا بانی محمد بن عبدالوہاب نجدی تھا، جس نے تمام عرب، خصوصاً حرمین شریفین میں بہت شدید فتنے پھیلائے، علما کو قتل کیا، صحابۂ کرام و ائمہ و علما و شہدا کی قبریں کھود ڈالیں ، روضۂ انور کا نام معاذاﷲ ’’صنمِ اکبر‘‘ رکھا تھا یعنی بڑا بت، اور طرح طرح کے ظلم کیے جیسا کہ صحیح حدیث میں حضور اقدس صلی اﷲ تعالیٰ علیہ وسلم نے خبر دی تھی کہ’’ نجد سے فتنے اٹھیں گے اور شیطان کا گروہ نکلے گا‘ وہ گروہ بارہ سو برس بعدیہ ظاہر ہوا۔ علامہ شامی رحمہ اﷲ تعالیٰ نے اِسے خارجی بتایا۔ اِس عبدالوہاب کے بیٹے نے ایک کتاب لکھی جس کا نام کتاب التوحید‘‘ رکھا ، اُس کا ترجمہ ہندوستان میں ’’اسماعیل دہلوی‘‘ نے کیا، جس کا نام’’تقویۃ الایمان‘‘ رکھا اور ہندوستان میں اسی نے وہابیت پھیلائی۔
اِن وہابیہ کا ایک بہت بڑا عقیدہ یہ ہے کہ جو اِن کے مذہب پر نہ ہو، وہ کافر مشرک ہے۔ یہی وجہ ہے کہ بات بات پر محض بلاوجہ مسلمانوں پر حکمِ شرک و کفرلگایا کرتے اور تمام دنیا کو مشرک بتاتے ہیں ۔ چنانچہ ’’تقویۃ الایمان‘‘ صفحہ ۴۵ میں وہ حدیث لکھ کر کہ ’’آخر زمانہ میں اﷲ تعالیٰ ایک ہوا بھیجے گا جو ساری دنیا سے مسلمانوں کو اٹھا لے گی۔‘‘  اِس کے بعد صاف لکھ دیا: ’’سو پیغمبرِ خدا کے فرمانے کے موافق ہوا‘‘، یعنی وہ ہوا چل گئی اور کوئی مسلمان روئے زمین پر نہ رہا ، مگر یہ نہ سمجھا کہ اس صورت میں خود بھی تو کافر ہوگیا۔
اس کتاب میں اسی وہابی فرقے کے عقائد و نظریات کا جائزہ لیا گیا ہے۔

وہابیت کا تنقیدی جائزہ

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

ہندوستان میں شیعیت کی تاریخ اور وصیت نامۂ حضرت غفران مآبؒ

“فجرِ صادق” ایک دینی و فکری عنوان پر مبنی کتاب ہے جس میں صبحِ صادق کے شرعی، فقہی اور روحانی مفہوم کو واضح کیا گیا ہے۔ اس میں نمازِ فجر کے صحیح وقت، سحری کے اختتام اور اسلامی عبادات کے آغاز کے حوالے سے اہم رہنمائی فراہم کی گئی ہے۔ کتاب کا مقصد قاری کو عبادات کے درست اوقات اور ان کی روحانی اہمیت سے آگاہ کرنا ہے۔
<h3>کتاب کے بارے میں</h3>
اس کتاب میں فجرِ صادق اور فجرِ کاذب کے فرق کو تفصیل سے بیان کیا گیا ہے۔ قرآن و حدیث کی روشنی میں نمازِ فجر کے وقت کے آغاز اور اختتام کو واضح کیا گیا ہے۔ ساتھ ہی روزمرہ زندگی میں عبادات کی پابندی اور وقت کی اہمیت پر بھی زور دیا گیا ہے۔ کتاب میں فقہی آراء اور عملی رہنمائی بھی شامل ہے۔
<h3>اس کتاب میں ہم کیا سیکھتے ہیں</h3>
اس کتاب کے مطالعے سے قاری درج ذیل باتیں سیکھتا ہے:

فجرِ صادق اور فجرِ کاذب میں فرق
نمازِ فجر کے صحیح وقت کا تعین
سحری کے اختتام اور روزے کے آغاز کا حکم
عبادات میں وقت کی پابندی کی اہمیت
قرآن و سنت کی روشنی میں صبح کے احکام
<h3>اس کتاب کے مصنف کے بارے میں</h3>
یہ کتاب عموماً دینی علوم کے ماہرین، فقہاء یا معاصر علماء کی تصنیف ہوتی ہے جو اسلامی عبادات اور اوقاتِ نماز پر تحقیق رکھتے ہیں۔ بعض صورتوں میں یہ مختلف خطبات یا دروس کا مرتب شدہ مجموعہ بھی ہو سکتی ہے۔
<h3>یہ کتاب کن کے لیے مناسب ہے</h3>
یہ کتاب درج ذیل افراد کے لیے مفید ہے:

عام مسلمان جو عبادات کے اوقات سیکھنا چاہتے ہیں
دینی مدارس کے طلبہ
فقہ اور عبادات پر تحقیق کرنے والے افراد
رمضان المبارک میں روزہ رکھنے والے افراد
نماز کے صحیح اوقات جاننے کے خواہشمند قارئین

فجر صادق

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

شہر مقدس قم کے بارے میں مختصر معلومات

کتاب آل محمد کا مہمان میں مقدس مقامات کے بارے میں تفصیلی معلومات، عقیدہ رسول صلی اللہ علیہ وسلم سے محبت اور بہت کچھ ہے۔ یہ دین اور رسول اللہ صلی اللہ علیہ وسلم سے محبت کو زندہ کرنے کا ایک مکمل پیکج ہے۔ اس کتاب کو ابھی آرڈر کریں اور کم از کم 3 کام کے دنوں میں یہ کتاب آپ تک پہنچائیں،

اسلامی ممالک کی تاریخ

Books

Articles