Author

Common title

View

اسلامی تصورِ جہاد، چند غلط فہمیوں کا ازالہ

جہاد مسلمان کی زندگی کا عظیم دستور اور نظام ہے۔ جب بھی مومن کے اندر سے روح جہاد ختم ہوتی ہے تو آہستہ آہستہ ایمان و اسلام سے محبت بھی جاتی رہتی ہے اور ہر طرف سے اسے فتنے گھیر لیتے ہیں ۔ایک کے بعد ایک آزمائش اس پر آتی ہے۔تارکین جہاد کے گھر، محلے، مارکیٹیں ، بازار اور منڈیاں بالآخر لعنت و شورش کا گڑھ بن جاتے ہیں اور ہیبت ناک قسم کے حالات کے سامنے ان کے اعصاب جواب دے جاتے ہیں حتیٰ کہ کسی بھی کام کے قابل نہیں رہتے اور ان کی نبض ہی رک جاتی ہے۔
جیسے جیسے جہاد سے دلچسپی کم ہوتی ہے اسی تناسب سے دلوں سے وحی کی برکت بھی اٹھ جاتی ہے اور اللہ کے دین کے ساتھ لگاﺅ اور محبت بھی ختم ہو جاتی ہے۔دلوں میں الہا مات الٰہیہ کے لئے کوئی جگہ نہیں رہتی۔اس طرح خدائی اسرا ر سے دل خالی ہو جاتے ہیں ۔انکے روشن دن بھی تاریک راتوں کی طرح ہو جاتے ہیں کیونکہ اللہ تبارک و تعالیٰ اپنے فیضان و تجلیات انہی لوگوں کو عطا کرتا ہے جو جہاد کی ذمہ داریاں ادا کرتے ہیں ۔اور اللہ کی عظمت شان کے مطابق اللہ کے کلمہ کی سربلندی کے لئے کوشاں رہتے ہیں ۔جس معاشرہ میں ایسے مجاہدین رہتے ہیں کبھی مایوس وپشیمان نہیں ہوتا۔
اس میں کوئی شک نہیں کہ جس معاشرے میں اللہ کے کلمہ کی سر بلندی کے لیے کوششیں ہوتی ہیں وہی معاشرہ ہے جس کے قبیلوں اور افراد میں یکجہتی ہوتی ہے۔جس معاشرہ میں بسنے والے مومن گاﺅں گاﺅں ،قریہ قریہ اور قصبہ قصبہ چل کر اللہ کے دین کی سربلندی کے لیے کام کرتے ہیں اور دعوت حق لوگوں تک پہنچاتے ہیں تو اللہ تعالیٰ ان کے معاشرہ کو ہمہ جہت کامیابیاں دلاتا ہے۔اور جو معاشرہ اس فریضہ کو ادا نہیں کرتا اور اس میں روح جہاد نہیں ہے وہ تباہ ہو جاتا ہے۔ آج نہیں تو کل یا اس کے بعد اس کو ختم ہونا ہے اور کل دور نہیں ہے۔تاریخ شاہد ہے کہ کتنے ہی طاقتور ذلیل و خوار ہوئے ،کتنے ہی مالدار فقیر ہوئے اس لیے کہ انہوں نے جہاد چھوڑ دیا تھا۔جو لوگ بادشاہوں کے درباروں کے گرد چکر کاٹتے رہے آخر کار ذلیل و خوار ہوئے اور ان کے پاﺅں چوم کر گزرنے لگے۔ہم ان آیات کے ذریعے ان کو یاد دلاتے ہیں :
کَم تَرَکُوا مِن جَنّٰتٍ وَّعُیُونٍ o وَّزُرُوعٍ وَّمَقَامٍ کَرِیمٍ o وَّنَعمَةٍ کَانُوا فِیہَا فٰکِہِینَ o ۔( الدخا ن۔۲۵۔۲۷)
”کتنے ہی باغ اور چشمے اور کھیت اور شاندار محل تھے جو وہ چھوڑ گئے ۔ کتنے ہی عیش کے سروسامان جن میں وہ مزے کر رہے تھے ان کے پیچھے دھرے رہ گئے۔ “
کہیں ایسا دن نہ آجائے کہ لوگ ہمارے اوپر یہ آیا ت پڑھیں ۔ اللہ تعالیٰ ہمیں اس دن سے بچائے۔آمین۔
ہاں امویوں ،عباسیوں ،سلجوقوں اور عثمانیوں پر فاتحہ پڑھی جا چکی ہے۔اگر ہم بھی ان اثاثوں کودشمن کے خلاف آخری قلعہ سمجھ کر استعمال نہیں کریں گے تو ہماری بھی فاتحہ پڑھی جائے گی۔ہمیں چاہیے کہ مردوں اورمقبروں کی طرح نہ ہوجائیں بلکہ ہم وہ زندگی جئیں جو انسانیت کے لائق ہو۔
اگر ہم اللہ کے دین کی عظمت اور قدر کریں تو ہم اللہ کے ہاں اسی قدر اجر پائیں گے جس قدر ہم اپنے دلوں میں اس کے نام کی قدر و عظمت کو زندہ رکھیں گے اور اگر ہم نے اللہ کے حکم کو کوئی اہمیت نہ دی اور دعوت و تبلیغ کا فریضہ ادا نہ کیا تو اسی طرح اللہ کے ہاں ذلیل ہوں گے اور ہمارانشان تک نہ رہے گا۔
اگر تم زندہ اور باعزت رہنا چاہتے ہو تو اللہ کا نام اپنے دل کی تحتی پر لکھ لو۔اسے اپنی زندگی کا مقصد بنا لو ۔اپنی زندگی سے ہر اس چیز کو اٹھا باہر پھینکوجس کا اللہ سے تعلق نہ ہو۔بلکہ اپنے خوابوں کو بھی اللہ سے غیر متعلق چیزوں سے پاک کر لواورا پنی زبان حال سے اقرار کرو:ایسی زندگی سے قبر کی تہہ بہتر ہے جس میں اللہ کی محبت نہیں ، جس میں دعوت و تبلیغ نہیں ، جس میں شریعت الٰہی کا نفاذ نہیں ۔پس ایسی زندگی سے موت بہتر ہے جس میں تجلیات الٰہی کے لیے دل نہ ہو۔اس فکرو شعور کو پوری امت میں اجاگر کرنے کے لئے جدوجہد کرو۔ہمارا معاشرہ اپنی اقدار و روایات کھو چکا ہے۔ان کو دوبارہ بحال کرنے اور اپنے پاﺅں پر کھڑا کرنے کے لئے کوششیں شروع کرو تاکہ تمہارا رب تمہیں نیست و نابود ہونے سے بچا لے ۔
مؤمن جانتاہے کہ اسے کس چیز کو کیسے ترجیح دینی ہے۔ وہ دنیا اور آخرت میں بقدر ضرورت اعتدال رکھتا ہے۔ وہ اس بات کا شعور رکھتا ہے کہ آخرت کی کیا اہمیت ہے اور اس فانی دنیا کے مقابلے میں کس حد تک آخرت کو ترجیح دینی ہے ، جس میں ہمیشگی ہے دوام ہے ۔ اس لیے مؤمن ہمیشہ اللہ کے حکم کو دنیوی امور پر مقدم رکھتا ہے اور وہ فنا ہونے اور زائل ہونے والی اشیاءکو ہمیشہ باقی رہنے والے امور اور اشیاءپر ترجیح نہیں دیتا ، بلکہ وہ دنیا کو اسی قدر اہمیت دیتا ہے جس قدر اس نے اس میں رہنا ہے اور آخرت کو اسی قدر اہمیت دیتا ہے جس قدر اس نے آخرت کی زندگی میں رہنا ہے۔ نہ تو یہودیوں کی طرح دنیا ہی میں اٹک کر رہ جاتا ہے اور نہ عیسائیوں کی طرح دنیا سے بالکل کٹ کر رہتاہے ۔مؤمن تو وہ ہے جو دنیوی معاملات کو آخرت کے مقابلہ میں حقیر سمجھتا ہے تاکہ آخرت میں وہ خود حقیر نہ بن جائے کیونکہ جو لوگ دنیا ہی کو اپنی زندگی کا مقصد و محور بنا لیتے ہیں اور آخرت کو بھول جاتے ہیں و ہ آخرت کی بھلائیوں سے محروم بھی ہو تے ہیں ۔ یعنی جو شخص موت سے ہیبت کھاتا ہے وہ دنیا کی زندگی کی لذت بھی کھو دیتا ہے ۔ اسی طرح جو شخص دشمن کو میدان جنگ میں سامنے دیکھ کر ہوش گنوا بیٹھتا ہے او ر اپنی زندگی سے محبت کی خاطر میدان جنگ سے بھاگ کھڑا ہوتا ہے اور اپنی مالی حالت اور زندگی کی فکر میں راہ جہاد سے فرار میں کامیابی سمجھتا ہے ، وہ در حقیقت زندگی اور زندگی کے لوازمات سے ہی ہاتھ دھو بیٹھتا ہے یہاں تک کہ جو شخص دنیا و ما فیہا کو چھوڑ کر جہاد سے پیچھے رہتے ہوئے اپنی عبادت گاہ میں تن تنہا بیٹھا رہتا ہے بالآخر اس عبادت گاہ سے بھی محروم ہو جاتا ہے۔ اس لیے کہ پست حوصلہ اور کم ہمت لوگ ایک دن سب کچھ گنوا بیٹھیں گے اور سر کے بل گریں گے ۔ جہاں تک بلند ہمت اور عالی حوصلہ لوگوں کا تعلق ہے تو وہ اپنے ہاتھوں سے ستاروں بھری اس دنیا کی تعمیر کرتے ہیں ۔ اس دنیا کو اپنے سامنے حقیر سمجھتے ہیں ، اس بات کو نہیں مانتے کہ کوئی اور ان پر حکمرانی کرے بلکہ اپنے اندر یہ صلاحیت محسوس کرتے ہیں کہ دنیا ان کے پیچھے چلے اور وہی حکومت کریں اور ساری زندگی اس نظریہ پر قائم رہتے ہیں کہ دنیا کی حاکمیت انہی کا مقدر ہے ۔
جو لوگ موت کو زندگی پر ترجیح دیتے ہیں ان پر ہمیشہ زندہ

مومن ہمیشہ جہاد سے منسلک رہتا ہے

اسلام میں انسان بلکہ تمام جانداروں کے سلسلے میں جو تجزیہ وتفسیر کی گئی ہے اور زندگی کی اھمیت کا جس طرح اسلام قائل ہے اسکی روشنی میں ا سلام میں موضوع جنگ ایک دلچسپ شکل اختیا ر کرلیتا ہے ۔ اس موضوع کو مزید واضح وروشن کرنے کے لئے ضروری ہے کہ انسان بلکہ عام زندگی کے بارے میں اسلام کی تفسیر و تجزئے پر ایک نظر ڈالتے چلیں ۔ ھم جانتے ھیں کہ اسلام نے بغیر کسی علت کے ایک انسان کے قتل کو تمام نوع بشر کے قتل کے مرادف قرار دیا ہے ۔اس مقام پر اس کے علاوہ بھی چند نکتوں کی جانب اشارہ کیا جائے گا :

(1)۔ ان تمام اوصاف حمید ہ سے قطع نظر کرتے ہوئے کہ جن کی بنا پر حضرت علی بن ابی طالب (ع) کو پیغمبر اسلام (ص) کے بعد اسلام کی اولین ردیف میں شمار کیا جاتا ہے ،بغیر کسی شک و شبہ کے پھلی ردیف کے مجاھدبھی ھیں۔تمام تاریخوں نے متفقہ طور پر لکھا ہے کہ آپ کو کسی ایک شخص یا دشمن کی پوری فوج کے مقابلے میں کبھی ڈر کر پیچہے ھٹتے ہوئے نھیں دیکھا گیا۔جنگ تبوک کے علاوہ اسلام کی تمام جنگی فتوحا ت آپ کی علمبرداری اور فداکاری کی بنیاد پرمعرض وجود میں آئی ھیں۔

اسلام کے اسی اولین ردیف کے جنگجو کا ارشادگرامی ہے:”واللّٰہ لو اعطیت الا قالیم السبعةبما تحت افلاکھا علی ان اعصی الله فی نملة اسلبھا جلب شعیرة ما فعلت۔“

(خدا کی قسم !اگرھفت اقلیم ان چیزوں سمیت جو آسمانوں کے نیچے ھیں مجہے دےدئے جائیں کہ صرف الله کی اتنی معصیت کروں کہ میں چیونٹی سے جو کا ایک چھلکا چھین لوںتو کبھی ایسا نہ کروں گا۔)

اسلام نے علی (ع) کی اس طرح تر بیت کی ہے کہ ایک طرف آپ کے سامنے اس دنیا کی آخر ی قا بل تصور عظیم ترین منفعت (پوری دنیا کی مالکیت ) ہے اور دوسری طرف دنیا کی ضعیف تر ین مو جو د چیونٹی کے منہ سے ایک جو کا چھلکا چھیننا جو اس کا ئنا ت کا نا قا بل شمار اور بے ارزش ترین حادثہ ہے۔ علی (ع) دونوں کا مقا بلہ کر نے کے بعد اس چہو ٹی سی نا فر مانی کو اس لا محدو د لذت سے کھیں زیا دہ خوف ناک سمجھتے ھیں اور اس چہوٹی سی معصیت سے بچنے کے لئے اس عظیم منفعت کو ٹھکر اد یتے ھیں ۔یہ ہے اسلام کا مجا ھد ، اسے کھتے ھیں اسلام کے لئے تلوار چلانے والا، یہ وہ جنگجو ہے جو مفسد ین کے ساتھ بر سر پیکار ہے ، جنگ کر رھا ہے ، اسلام کے لئے میدان کا رزا ر میں کشتو ں کے پشتے لگا رھا ہے در حالیکہ چیونٹی جو ایک زندہ مو جود ہے ، کے منہ سے ایک جو کے چھلکے کو بھی ظلم وستم کے ساتھ چھیننا گوا رانھیں کرتاہے۔

(2) ۔ اخلاق انسانی کا جو سلو ک حضرت علی بن ابی طالب (ع) نے اپنے قا تل ابن ملجم کے ساتھ اختیار کیا ہے اس سے اندا ز ہ لگا یاجاسکتا ہے کہ اسلام میں شمشیر کشی کا مسئلہ زور آزمائی کے لئے نھیں تھا بلکہ اسکا اصل مقصد انسان سازی تھا ۔ آپ نے اپنے فرزندو ں سے فرمایاتھا کہ اگر ابن ملجم کو معاف کردو گے تو یہ تقویٰ سے زیا دہ نزدیک ہے ۔

(3)۔ حضرت رسول گرا می صلی اللہ علیہ وآلہ وسلم کا تمام جنگو ں کے مو قع پر عا م فر مان یہ ہوا کرتا تھا :” سیر وا با سم اللّٰہ وفی سبیل اللّٰہ وعلی ملةرسول اللّٰہ لا تغدرو اولا تغلو ا ولا تمثلو او لا تقطعو اشجر ة الا ان  تضطرو ا الیھا ولا تقتلو اشیخا فا تیا ولا صبیاولا امراة ولا متبتلا فی شاھق ولا تحر قو اا لنخل ولا تغر قو ابا لماء ولا تعقروامن البھا ئم مما یوٴ کل لحمہ الا مالا بد لکم “(خداکانام لیکر،اسکی مدد ،اسکی راہ میں پیغمبر خدا کی ملت پر آگے بڑہو ۔ جنگ کے موقع پر فریب نہ کرنا ، کسی کواسیر نہ کرنا ، مثلہ نہ کرنا ،کسی درخت کو مجبوری کے موقع کے علاوہ قطع نہ کرنا ،کسی چو پائے کو کہ جسکا گوشت قابل استفادہ ہو ،نہ مارناسوائے اس کے کہ کوئی دوسری راہ موجود نہ ہو ۔) یہ اسلام کاجنگ کے سلسلے میں محکم دستور ہے۔ یہ نکتہ قابل غور ہے کہ آپ فرماتے ھیں کہ خدا کے نام سے ،خداکی مددسے ،خداکی راہ میں، کسی مقام پر یہ نھیں کھا ہے کہ تلوار کے نام سے ،کامیابی کے را ہ میں ۔کبھی نھیں فرمایا کہ عرب کے نام سے ،عرب کے تعاون سے ،عرب کی سربلندی کے راستے میں۔ کھیں پر یہ ارشاد نھیں ہوا کہ حسب ونسب کہ نام پر ، نسلوں کے تعاون سے ،نسلوں کی کامیابی کے لئے وغیرہ غیرہ ۔

آپ فرماتے ھیں کہ فریب دھی،قید و بند میں مبتلا کرنا ،مثلہ کرنا ممنوع ہے جب کہ معمولی انسانوں کے نزدیک یہ تمام چیزیں جنگ کا جز ء لاینفک ھیں صرف اتنا ھی نھیں کہ انسان کو شمشیر کی نوک پر رکھنے سے منع فرمایا ہے بلکہ حکم یہ ہے کہ بلاوجہ حیوانات کے لئے بھی مزاحمت ایجاد نہ کرنا ۔

ان تمام چیزیوں سے بڑالازم الاجراء حکم د یا جارھا ہے کہ کسی بھی درخت کو بغیر مجبوری کے قطع نہ کیا جا ئے۔

جھاد کے فقھی احکام میں سے ایک حکم یہ بھی ہے کہ دشمن کی کمین گاہ میں سم پاشی ممنوع ہے۔

(4)۔اگر کسی موقع پر کفارجنگ کے دوران عورتوں ،بچوں ،اوربوڑہوںکواپنی سپر بنالیں مثلاًاگر اسلامی لشکر کی صفوں کے سامنے لا کھڑا کریں تو ایسی حالت میں جنگ ممنوع ہوجائیگی،یھا ں تک کہ مفر و ضہ کیفیت ختم ہو جا ئے ۔ سوا ئے اسکے کہ فردی جنگ کے مو قع پر مذکورہ کیفیت کی رعا یت کی بنا پر شکست کھا نے کا خوف ہو ۔ ایسی صورت میں پو ری دقت وتو جہ کے ساتھ مذکورہ اشخاص کو کمتر ین تعداد میں قتل کر تے ہو ئے جنگ کو جا ری رکھا جائے گا۔

اگر مفر وضہ حالات میں کو ئی اسلامی سپاھی مذکورہ احکام کی رعایت نہ کر تے ہو ئے بو ڑہو ں ، بچو ں اور عورتو ں پر حملہ کر دے اور ان مستثنی افراد میں سے کسی کو قتل کر دے تو اگر یہ قتل عمد 1 ہو اہو تو اس سے قصاص لیا جائے گا نیز قتل عمد ی کا کفا ر ہ بھی اسے ادا کر نا ہو گا اور اگر یہ قتل غلطی سے سر زد ہو ا ہو تو مقتو ل کا فر کی دیت اس مسلمان کے مال سے لیکر مقتو ل کے ورثا ء کو دی جا ئے گی ۔(جوا ھر : کتاب جھاد ص/ 563)

(5) ۔ جنگ کو ظھر سے قبل شرو ع کر نا مکروہ ہے ۔ یحیی بن ابی العلا ء سے روا یت ہے کہ امیر المو منین (ع) بیان فر ماتے ھیں :” ظھر گز رنے کے بعد شب    قر یب ہو جا تی ہے جسکی بناپر خو نریز ی کم ہو جاتی ہے اسلئے جو میدان جنگ میں آنا چا ھتا ہے وہ تا ریکی پھیل جانے کی بنا پر نھیں پہو نچ سکے گا ۔ میدان جنگ سے فرار کر نے والے کے لئے بھا گنے کے امکانات زیادہ ھیں۔“ (سا بقہ حوالہ )

(6) ۔ جنگ کے آغاز کی لا زمی شر ط ، حقا ئق وا صول اسلام کو بیان کر نا ہے ۔ مسمع بن عبد الملک نے حضرت جعفر صادق (ع) سے نقل کیا ہے کہ امیر المو منین (ع) نے فرمایا :” پیغمبر اسلام (ص)نے مجہے یمن بھیجا اور حکم دیا کہ اسلام کے اصول وحقا ئق کو بیان کئے بغیر کسی سے جنگ نہ کروں“۔ پھر آپ نے فر مایا :” اے علی !اگر تمھارے ذریعے خدا وند عالم کسی کی ھدا یت فر مادے تو یہ اس سے بہتر ہے کہ تم ان تمام موجودات کے مالک ہو جاوٴجن پر آفتاب طلوع وغروب کرتا ہے ۔“

ضروری ہے کہ قبل از جنگ، کفار کے لئے واضح کردیا جا ئے کہ ھمارا مقصد دنیا وی مال ومنال اور حکومت وسلطنت نھیں ہے ۔لھذا اگر ایک اسلامی سپاھی دعوت سے قبل کسی ایک کا فر کو قتل کردے تو اسکو مجرم سمجھا جائے گا حتی کہ بعض فقھاء کا نظر یہ یہ ہے کے اسلامی سپاھی اس کا فر کے خون کا ذمہ دار ہے ۔مذکورہ بالاشرائط کے ملا حظے کے بعد اس حقیقت کو قبول کرنا بہت آسان ہے کہ پیغمبر اسلام(ص) اپنے آخری ایام میں ایک وسیع وعریض سرزمین جسکی مقدار تمام یو روپ کے مساوی ہے، پر حکمرانی کررہے تہے اور اس وقت لاکہوں افراد اس سرزمین پر زندگی بسر کررہے تہے۔دشمن کے صرف 150 / افراد کے جانی نقصان کے بعد یہ علاقہ فتح ہو اتھا (بہ استثنائے مقتولین یہود بنی قریضہ کہ یہ لوگ اپنی سرکشی کی بنیاد پر قتل ہوئے تہے)۔مسلمانوں کے جانی نقصان کا تخمینہ دس سال کی مدت کے دوران ایک فرد ماھانہ کے حساب سے لگایا جاسکتا ہے ۔ 120/مسلمان اور 150/ کافر کل ملاکر270/ افراد قتل ہوے ھیں اور پورے یوروپ کے مساوی سرزمین پر حکومت اسلامی قائم ہوئی ہے اور اسکے باشندوں نے اسلام قبول کیا ہے۔( رسول اکرم(ص) در میدان جنگ : ص/12)

(7) ۔جنگوں میں نہ صرف مسلمانوں کے لئے روا نھیں ہے کہ پیمان شکنی کریں بلکہ اگر کفار کے دو گروہ بر سر پیکار ہوں اور پھر صلح اور آپس میں عھد وپیمان کرلیں، اس کے بعد ان دونوں گروہوں میں سے کوئی اپنے دشمن کے خلاف مسلمانوں کے ساتھ عھد وپیمان کرناچاہے تو یہ پیمان اسلام کی نظر میں ممنوع ہے۔کتاب جواھر ،باب جھادص /625 پرروایت ذکر ہوئی ہے کہ طلحہ بن زید حضرت امام صادق (ع) سے نقل کرتے ھیں : ” کفار حربی میں سے دو گروہوں نے باھم جنگ کی اور پھر صلح کرلی ۔پھران دونوں بادشاہوں میں سے ایک نے اپنے دشمن کو دہوکا دیتے ہوئے مسلمانوںکے ساتھ اس دوسرے بادشاہ سے جنگ کے سلسلے میں پیمان کرلیا ۔ آیا یہ مصا لحت اور پیمان جائز ہے ؟“ آنحضرت نے فرمایا :” مسلمان فریب دھی نھیں کرسکتا ہے ، نہ فریب وحیلہ کا حکم دے دسکتاہے اور نہ فریب کاروںاور حیلہ گروں کا ساتھ دے سکتا ہے۔مسلمان صرف مشرکین سے جنگ کر سکتے ھیں لیکن ان کفار کا ساتھ نھیں دے سکتے جنہوں نے باھم جنگ نہ کرنے کا پیمان کرلیا ہو۔“

اسلام میں جنگ کی کیفیت

<p dir="RTL">اسلامی جہاد معاشرے کی اصلاح کا بہترین ذریعہ</p>
<p dir="RTL">دنیا میں ہر حاکم کی یہی خواہش ہوتی ہے کہ اُس کی رعایا سب سے اچھی ہو اور انسانی و اخلاقی اقدار سے دور نہ ہوجائے ،جو حاکم صالح نہیں بھی ہوتے وہ بھی بظاہر ایسا ہی دکھاوا کرتے ہیں حتی کہ غیر مذہبی حکومتیں بھی یہی چاہتی ہیں کہ ان کی رعایا اور معاشرہ اخلاقی اقدار کو گم نہ کردیں کیونکہ جس معاشرے میں اخلاقی زوال آجاتا ہے وہ منتشر ہوکر برباد ہوجاتا ہے .شہروں ،بستیوں ،قصبوں اور دیہاتوں میں امن کمیٹیاں اور سماج سدھار تنظیمیں اور پولس و انتظامیہ کی جانب سے ان کی حوصلہ افزائی اس کی اہمیت کو بیان کرتی ہے .پوری دنیا کے اصلاح معاشرہ کے لئے یہ اقدامات ایک طرف اور اسلامی جہاد ایک طرف ،اسلامی جہاد سے معاشرہ جیسا صاف ستھرا اور پُر امن رہتا ہے ایسا کسی بھی ذریعہ سے نہیں رہ سکتا ،یہ اسلامی جہاد ہی ہے جس کی بدولت خود بخود ہر انسان اپنے آپ پر نگاہ رکھتا ہے اور اپنا محاسبہ کرکے آلودگیوں سے بچنے کے راستے فراہم کرتا ہے ،اسے ہم جہاد بالنفس کہتے ہیں ،یہ اسلامی جہاد ہی ہے جس کی وجہ سے ہر مسلمان اپنا فرض سمجھتا ہے کہ وہ اپنے قلم کو معاشرے کی اصلاح و بھلائی میں استعمال کرے ،اسے جہاد بالقلم کہا جاتاہے ،یہ اسلامی جہاد ہی ہے جو انسانوں کو یہ دعوت دیتا ہے کہ وہ اپنی زبان سے برائیوں کو نہ پھیلنے دیں اسے جہاد بااللسان کے نام سے یاد کیا جاتا ہے ،یہ اسلامی جہاد ہی ہے جو معاشرے پر ہر قسم کے اٹیک کو ڈفینس کے ذریعہ روکنے کی تاکید کرتا ہے،ڈفینس صرف تلوار یا دیگر اسلحہ سے ہی نہیں ہوتا بلکہ معاشرے پر چاہے اقتصادی حملہ ہو یا مخرب اخلاق فلموں اور سیریلوں کے ذریعہ ثقافتی یلغار ہو دفاع کرنا ضروری ہے ،بعض نادان لوگ مخرب اخلاق فلمیں دکھانے والے سینما گھروں کے مالکوں کو دھمکیاں دیتے ہیں یاپھر بم سے اڑادیتے ہیں یہ طریقۂ کار اسلامی جہاد کے منافی ہے،اس کے دفاع کا بہترین طریقہ یہ ہے کہ اخلاقی قدروں پر مبنی فلموں ،سیریلوں اور لٹریچر کی معاشرے میں فراوانی کردی جائے .لوگوں نے جہاد کو بغیر سمجھے اسے بدنام کرنا شروع کردیا، بدنام کرنے والوں میں ایسے بھی تھے جو اسلامی جہاد کے فلسفے سے اچھی طرح آشنا تھے مگر معاشرے میں اخلاقی اصول و ضوابط کو پنپتا ہوا نہیں دیکھ سکتے تھے لہٰذا انہوں نے اسلامی جہاد کی مخالفت کرکے اسے دہشت گردی کا نام دے دیا ،ایسے یہودی یا عیسائی نظریہ پرداز اگر تنہا خود یہ کام انجام دیتے تو اتنا کامیاب نہ ہوتے جتنا مٹھی بھر جاہل مسلمانوں کو استعمال کرکے ہوئے کیونکہ ان مسلمانوں نے جو بھی غیر اخلاقی و غیر انسانی کام انجام دیئے وہ جہاد ہی کے نام پر دیئے جس سے پوری دنیا میں جہاد جیسا معاشرہ ساز فریضہ نفرت میں تبدیل ہوگیا اور ڈر ہے کہ کہیںاس مقدس فریضہ کو جرم نہ بنا دیا جائے اور پھر اس کے لئے کوئی دفعہ بھی ایجاد کرلی جائے.ڈکشنری میں جہاد کے معنی کوشش کے ہیں اور یہ کوشش چاہے کسی بھی کام کے لئے کی جائے جہاد کہلائے گی اور اصطلاح میں معاشرے سے برائیوں کو جڑ سے ختم کرنے کی راہ میں کوشش کرنا جہاد کہلاتا ہے ،اسی لئے اسلامی روایات میں جہاد کی درجہ بندی میں سب سے اوپر جہاد بالنفس﴿اپنے نفس سے جہاد کرنا﴾رکھا گیا ہے یعنی اپنے نفس کو خواہشات کی پیروی اور برائیوں سے روکنا ،روایات میں اسے ’’جہاد اکبر ‘‘کا نام دیاگیا ہے یعنی سب سے بڑا جہاد ،جب ہر انسان اسلامی اصولوں پر عمل کرتے ہوئے اپنے نفس کو برائیوں اور خواہشات کی پیروی سے دور رکھنے کے لئے جد و جہد کرے گا تو یہ معاشرہ جنت نظیر بن جائے گا نہ پولس کی ضرورت ہوگی نہ عدالتوں پر کروڑوں خرچ کرنے پڑیں گے، جہاد بالنفس سے خود بخودپورا معاشرہ مہذب اور با اخلاق ہو کر راحت و سکون کے ساتھ اپنی منزلیں طے کرے گا ،اسلامی روایات میں جہاد باللسان کو دوسرے درجہ میں رکھا گیا ہے یعنی برائی کو دیکھ کر انسان خاموش نہ رہے بلکہ برائی کو برا ضرور کہے،اس جہاد کو امر بالمعروف اور نہی عن المنکر کہتے ہیں ،زمانہ اتنا دگر گوں ہوگیا ہے کہ برائی کرنے والے کو برائی سے کوئی نہیں روکتا بلکہ سب اسی کو برا بھلا کہتے ہیں جو برے کو برا کہتا ہے ،ایک طرف تو معاشرہ علمائ پر یہ الزام تراشی کرتا ہے کہ علمائ حضرات معاشرے کو سدھارنے کے لئے کوئی قدم نہیں اٹھاتے دوسری جانب اگر کوئی شخص کسی شخص کی برائی پر نگاہ رکھتا ہے اور اسے ٹوکتا ہے تو یہی معاشرہ کہتا ہے کہ میاں تمہیں کیا مطلب ؟ جو کر رہاہے کرنے دو ،اس کو اگر برائی پر ٹوکو گے تو معاشرے میں اس سے انتشار پھیلے گا ،یہ منطق برائی کوسماج میں پھیلانے کے لئے ایجاد کی گئی ہے اور اسلامی تعلیمات کے سو فی صد خلاف ہے ،قرآن مجید میں ارشاد ہوتا ہے : ’’ ولتکن منکم امۃ یدعون الی الخیر و یامرون بالمعروف و ینھون عن المنکر و اولئک ھم المفلحون‘‘اور تم میں سے ایک گروہ کو ایسا ہونا چاہئے جو خیر کی دعوت دے ،نیکیوں کا حکم دے ،برائیوں سے منع کرے اور یہی لوگ نجات یافتہ ہیں ،یہ جہاد اسلام کے نظام کا ایسا جزو ہے جو خود بخود معاشرے کی نگرانی کرتا ہے ،ہر انسان اپنا شرعی فریضہ سمجھتے ہوئے ایک دوسرے کو اس کے اعمال و رفتار سے آگاہ کرتا ہے اور یہاں یہ مثل صادق آتی ہے کہ : ’’مومن ،مومن کا آئینہ ہے‘‘اسلام کے علاوہ کسی اور مذہب میں برائیوں کو روکنے اور اچھائیوں کو پھیلانے کا ایسا طریقہ نہیں پایا جاتا ،یہ شرف تو صرف اسلام ہی کو حاصل ہے کہ وہ معاشرے میں ہر قسم کے فساد کا مخالف ہے جو اس دنیا میں ہر صالح حکومت اورحاکم کی تمنا ہوتی ہے،اس کے بعد جہاد بالقلم یعنی معاشرے کو سدھارنے کے لئے قلم کے ذریعہ کوشش کی جائے ،اس جہاد کے بھی بے حد ثواب ہیں اور اس کا درجہ تلوار کے جہاد سے بڑا ہے ،قول معصوم ہے کہ : ’’عالم کے قلم کی سیاہی کا قطرہ شہید کے خون سے افضل ہے‘‘ اس روایت میں واضح طور پر جہاد بالسیف یعنی تلوار کے جہاد پر قلم کے جہاد کی فضیلت کو بیان کیاگیا ہے ،قلم کے ذریعہ کیاگیا جہاد سب سے زیادہ دیر پا ہوتا ہے ،تقریریں ذہنوں سے محو ہو سکتی ہیں لیکن قلمی کاوشیں کتابوں اور لٹریچر کی شکل میں زیادہ عرصہ تک محفوظ رہتی ہیں،جس سے کئی کئی نسلیں استفادہ کر سکتی ہیںاسی لئے جہاد بالقلم کی بہت تاکید ہے. اس کے بعد جہاد مالی ہے یعنی مال کے ذریعہ معاشرے کی فلاح و بہبود کا انتظام کرنا تاکہ معاشرے میں جرائم کا گراف بڑھ نہ جائے ،تحقیقات سے یہ بات ثابت ہوچکی ہے کہ معاشرے میں جرائم فقر و ناداری کی وجہ سے زیادہ ہوتے ہیں،لہٰذا اس راہ میں صاحب استطاعت لوگ اپنا مال راہ خدا میں خرچ کرکے ایسے جرائم کو روک سکتے ہیں ،مال خرچ کرنے سے مراد یہ نہیں ہے کہ تھوڑا بہت دے کر فقیری کی لت کو پروان چڑھایا جائے بلکہ نادار شخص کو اس کے پیروں پر کھڑا کردیا جائے ،ایسا کرنے سے معاشرہ خود بخود پر سکون ہوجائے گا،سب سے نچلے طبقے میں جہاد بالسیف یعنی معاشرے کی اصلاح اور اُس پر ہونے والے حملوں کے دفاع میں اسلحہ اٹھانا ،اگر ہم تاریخ یعقوبی ،الامامہ والسیاسہ، وقعہ صفین ،شرح نہج البلاغہ، بحار الانوار ،تاریخ طبری، مروج الذہب وغیرہ تاریخی کتابوں کا مطالعہ کریں تو بزرگان اسلام کے لکھے ہوئے سیکڑوں خطوط اور کئی گئی تقریریں مل جائیں گی جو اِن بزرگوں نے معاشرے کے دفاع اور راہ خدا میں تلوار چلانے سے پہلے مد مقابل سے جہاد بالقلم اور جہاد بااللسان کے طور پر کیںبالخصوص امام حسین (ع) نے میدان کربلا میں تو اس کا بہت زیادہ اہتمام کیا 10محرم 61ہجری سے پہلے تک آپ برابر جہاد بااللسان اور جہاد بالقلم فرماتے رہے حتی کہ جب آپ تنہا رہ گئے اُس وقت بھی آپ نے ان جہادوں کو ترک نہ فرمایا اور آخری مرتبہ یزیدی فوج کو مخاطب کرکے فرمایا جس کا مفہوم یہ ہے کہ : ’’ابھی بھی اگر تم راہ راست پر آجاؤ تو میں اپنے اصحاب اور اولاد کی دردناک شہادت کو بھلا سکتا ہوں ‘‘امام عالی مقام نے اس وقت تلوار چلائی جب یزیدی فوج نے کسی بھی ہدایت کو قبول کرنے سے انکار کردیا ،عالم اسلام میں اس سے اچھی مثال جہاد بالسیف کے نچلے پائیدان میں ہونے کی نہیں مل سکتی ،اور یہ اجازت بھی اسلام نے شاید اس لئے دے دی کہ اس کی نظر میں اصلاح معاشرہ بہت اہم ہے .اسلام دشمن عناصر اس جہاد کو قتل و غارت گری سے تشبیہ دیتے ہیں جو کہ غلط ہے، چونکہ اسلام عالم انسانیت کے لئے امن کا پیغام لے کر آیا تھا لہٰذا وہ طاقتیں جو معاشرے کے کمزور لوگوں کا خون چوس رہی تھیں اور ان کو سودی قرضوں میں جکڑ کر غلام بنا چکی تھیں اسلام کے اس پیغام سے بوکھلا گئیں اور ہر طرح کی مخالفت شروع کردی جس کا سلسلہ آج تک جاری ہے ،لہٰذا اسلام نے بھی مسلمانوں کو اپنے دفاع کا حق دیاہے جس کو عقل بھی تسلیم کرتی ہے.</p>
<p dir="RTL">http://afkaremasoomeen.blogfa.com/</p>

اسلامی جہاد معاشرے کی اصلاح کا بہترین ذریعہ

<p>سورہ توبہ آيت ١٩ تا ٢٢<br />
آَ جَعَلْتُمْ سِقَايَۃَ الْحَآجّ ِ وَ عِمَارَۃَ الْمَسْجِدِ الْحَرَامِ کَمَنْ اٰمَنَ بِاللّٰہِ وَ الْيَوْمِ الْاٰخِرِ وَ جَاھَدَ فِيْ سَبِيْلِ اللّٰہِ۔ لَايَسْتَونَ عِنْدَ اللّٰہِ۔ وَ اللّٰہُ لَايَھْدِي الْقَوْمَ الظَّالِمِيْنَ۔ اَلَّذِينَ اٰمَنُوا ھَاجَرُوا وَ جَاھَدُوا فِيْ سَبِيْلِ اللّٰہِ بِاَمْوَالِھِمْ وَ اَنْفُسِھِمْ اَعْظَمُ دَرَجَۃً عِنْدَ اللّٰہِ۔ وَ اُولٰئِکَ ھُمُ الْفَائِزُونَ۔ يُبَشِّرُھُمْ رَبُّھُمْ بِرَحْمَۃٍ مِنْہُ وَ رِضْوَانٍ وَ جَنّٰتٍ لَھُمْ فِيْھَا نَعِيْم¾ مُقِيم¾۔ خَالِدِينَ فِيْھَا اَبَداً اِنَّ اللّٰہَ عِنْدَہ اَجْر¾ عَظِيْم¾۔<br />
ترجمہ:<br />
آيا تم نے حاجيوں کو پاني پلانا اور مسجد الحرام کو تعمير اور آباد کرنا اس شخص (کے عمل) کي مانند قرار ديا ہے جو خدا اور آخرت کے دن پر ايمان لايا اور اس نے خدا کي راہ ميں جہاد کيا ہے؟ يہ اللہ کے نزديک برابر نہيں ہوسکتے، اور اللہ تعاليٰ ظالم لوگوں کو ہدايت نہيں کرتا۔ جو لوگ ايمان لے آئے ہجرت کي اور اللہ کي راہ ميں اپنے اموال اور جانوں کے ساتھ جہاد کيا وہ اللہ کے نزديک بہت بڑا درجہ رکھتے ہيں اور يہي لوگ کامياب ہيں۔ ان کا پروردگار انہيں اپني طرف سے رحمت، رضامندي اور بہشت کے ان باغوں کي نويد ديتا ہے جن ميں ان کے لئے ابدي نعمتيں ہيں۔ وہ ان ميں تاابد رہيں گے۔ يقينا خداوندِ عالم کے پاس بہت بڑا اجر ہے۔<br />
نکات:<br />
٭ رسولِ اکرم ۰ کے چچا جنابِ عباس اور جنابِ شيبہ ايک دوسرے پر فخر جتا رہے تھے۔ عباس کہنے لگے، ’’يہ ميرے لئے نہايت ہي فخر کي بات ہے کہ ميں حاجيوں کو پاني پلاتا ہوں‘‘ اور شيبہ کہنے لگے کہ ’’ميں خانہ کعبہ کا کليدبردار ہوں‘‘۔ اس پر حضرت علي نے فرمايا: ’’ميں اس بات پر فخر کرتا ہوں کہ آپ لوگوں سے کم سن ہوں ليکن آپ لوگ ميري شمشير اور جہاد کي وجہ سے ايمان لائے ہو‘‘۔ حضرت عباس کو يہ بات بري لگي تو انہوں نے آنحضرت۰ سے شکايت کردي، جس پر يہ آيت نازل ہوئي۔ (منقول از تفسيرِ نمونہ)<br />
٭ حضرت علي نے بار ہا اس آيت کے ذريعے اپني اولويت اور افضليت ثابت کي ہے، کيونکہ ايمان اورجہاد ان تمام خدمات سے بالاتر ہے جو دوران شرک انجام دي گئي ہوں، کيونکہ ان خدمات کي کوئي حيثيت نہيں ہے۔<br />
پيام:<br />
١۔ اپنے اعمال پر نہيں اترانا چاہئے کيونکہ ايمان کے بغير عمل کي حيثيت سراب کي سي ہے يا بے روح جسم کي سي۔<br />
٢۔ مخلص مجاہد دوسروں سے برتر ہيں چاہے دوسروں کے کام بڑے اہم ہي کيوں نہ ہوں۔ (آَجَعَلْتُمْ سِقَايَۃَ الْحَآجّ)<br />
٣۔ باايمان مجاہدوں کو دوسروں کے ہم پلہ جاننا معاشرتي مظالم ميں سے ايک ظلم ہے۔ (الْقَوْمَ الظَّالِمِيْنَ)<br />
٤۔ تقويٰ کي طرح ايمان، ہجرت اور جہاد بھي تمام نيکيوں ميں سرِ فہرست ہيں۔(اَعْظَمُ دَرَجَۃً)<br />
٥۔ اگر لوگوں کے نزديک قبائلي اور نسلي امتياز قابلِ قدر ہے تو خدا کے نزديک ايمان، ہجرت اور جہاد امتياز ہيں۔ (عِنْدَ اللّٰہِ)<br />
٦۔ ايمان دوسرے تمام کمالات کے لئے ضروري ہے۔(اٰمَنُوا)<br />
٧۔ تمام مقدس کاموں کي قدرو قيمت نيت پر منحصر ہے۔( فِيْ سَبِيْلِ اللّٰہِ)<br />
٨۔ اصل کاميابي اور کامراني صرف اور صرف ايمان کے زيرِ سايہ ہي ممکن ہے۔(ھُمُ الْفَائِزُونَ)<br />
٩۔ اللہ تعاليٰ نے خود ہي مہاجر اور مجاہد مومنين کو بہشت کي نويد دي ہے۔(يُبَشِّرُھُمْ رَبُّھُمْ)<br />
١٠۔ کسي دين کے جامع ہونے کي علامت يہ ہے کہ وہ فطرت کے ہم آہنگ ہونے کے ساتھ ساتھ اپنے پيروکاروں کو اميد بھي دلاتاہے۔(يُبَشِّرُھُمْ رَبُّھُمْ)<br />
١١۔ اگرخدا کي خوشنودي کے لئے فاني نعمتوں سے دستبربردار ہو جائيں تو ابدي نعمتوں سے بہرہ مند ہوں گے۔(نَعِيْم¾ مُقِيم¾)<br />
١٢۔ دنيوي نعمتوں کے لئے زوال اور فنا بہت بڑي آفت ہے جب کہ آخرت ميں اس قسم کي کوئي آفت نہيں ہوگي۔ (مُقِيم¾، خَالِدِينَ، اَبَداً)<br />
١٣۔ جو خدا ساري دنيا کو ’’قليل‘‘ کہتا ہے وہي مجاہدين کے اجر کو (عظيم) کہہ رہا ہے۔<br />
١٤۔ خداوندِ عالم ہماري قليل اور فاني چيزوں کو بہت بڑي قيمت کے بدلے خريدتا ہے حالانکہ ہمارے پاس جو کچھ بھي ہے، وہ بھي اسي کا ديا ہوا ہے۔<br />
منبع:alhassanain.com</p>


جہاد کرنے والوں کا درجہ

تحقیق الجہاد مع ضمیمہ جات جہاد کے اسلامی تصور پر ایک اہم تحقیقی کتاب ہے۔ اس کے مصنف نواب یار جنگ مولوی چراغ علی ہیں۔ کتاب میں جہاد کے مفہوم اور اسلامی جنگوں کے بارے میں تفصیلی بحث کی گئی ہے۔

یہ کتاب اصل میں انگریزی زبان میں A Critical Exposition of the Popular Jihad کے عنوان سے 1885ء میں شائع ہوئی۔ بعد میں اس کا اردو ترجمہ تحقیق الجہاد کے نام سے شائع ہوا۔ اس اردو ایڈیشن کے مترجم غلام الحسنین پانی پتی ہیں۔
<h3>کتاب کے بارے میں</h3>
اس <a href="https://islamic-sources.com/ur">کتاب میں جہاد کے اسلامی تصور کا تحقیقی جائزہ پیش کیا گیا ہے۔ مصنف نے قرآن، حدیث، فقہ اور اسلامی تاریخ</a> سے استدلال کیا ہے۔

کتاب کا بنیادی موضوع یہ ہے کہ اسلام میں جہاد کا مفہوم کیا ہے۔ اس کے ساتھ رسول اکرم (صلی اللہ علیہ و آلہ و سلم) کی جنگوں کے اسباب اور حالات پر بھی گفتگو کی گئی ہے۔

کتاب میں ان اعتراضات کا جواب دینے کی کوشش کی گئی ہے جو اسلام اور جہاد کے بارے میں مغربی مصنفین کی طرف سے پیش کیے گئے تھے۔ اس کے ساتھ ضمیمہ جات میں جہاد، جنگ اور غلامی جیسے موضوعات سے متعلق مزید مباحث شامل ہیں۔
<h3>اس کتاب میں ہم کیا سیکھتے ہیں</h3>
اس کتاب کے مطالعے سے ہمیں درج ذیل موضوعات کو سمجھنے میں مدد ملتی ہے:

جہاد کے مفہوم اور اس کی مختلف صورتیں۔
قرآن میں جہاد اور قتال سے متعلق مباحث۔
رسول اکرم (صلی اللہ علیہ و آلہ و سلم) کی جنگوں کا پس منظر۔
اسلامی جنگوں کے اسباب اور مقاصد۔
اسلام اور جنگ کے بارے میں کیے جانے والے اعتراضات۔
جہاد اور دفاع کے باہمی تعلق کا مطالعہ۔
اسلامی تاریخ کو تحقیقی انداز میں دیکھنے کی کوشش۔
جہاد کے بارے میں جدید دور میں پیدا ہونے والے فکری سوالات۔

کتاب کے ضمیمہ جات بھی موضوع کو مزید سمجھنے میں مدد دیتے ہیں۔
<h3>اس کتاب کے مصنف کے بارے میں</h3>
نواب یار جنگ مولوی چراغ علی

مولوی چراغ علی برصغیر کے <a href="https://islamic-sources.com/ur/categories/books">معروف مسلم مفکر اور مصنف تھے۔ وہ انیسویں صدی کے مسلم فکری مباحث میں نمایاں</a> مقام رکھتے تھے۔

انہوں نے اسلام، شریعت، جہاد اور اسلامی تاریخ جیسے موضوعات پر قلم اٹھایا۔ تحقیق الجہاد ان کی معروف تصانیف میں شمار ہوتی ہے۔ اس کتاب کا اصل انگریزی ایڈیشن 1885ء میں شائع ہوا تھا۔

اس کتاب کے اردو ایڈیشن میں غلام الحسنین پانی پتی نے ترجمہ کیا ہے۔ 1967ء کے ایک معروف اردو ایڈیشن کو کراچی کی نفیس اکیڈمی نے شائع کیا تھا۔
<h3>یہ کتاب کن افراد کے لیے مناسب ہے؟</h3>
یہ کتاب ان افراد کے لیے مفید ہے:

جہاد کے اسلامی تصور میں دلچسپی رکھنے والے قارئین۔
قرآن اور اسلامی تاریخ کے طلبہ۔
اسلام اور جنگ کے موضوع پر تحقیق کرنے والے افراد۔
اسلامی فکر کا مطالعہ کرنے والے طلبہ۔
برصغیر کی مسلم فکری تاریخ کے محققین۔
ایم اے، ایم فل اور پی ایچ ڈی کے طلبہ۔
جہاد سے متعلق جدید فکری مباحث کو سمجھنے والے قارئین۔
اسلامی موضوعات پر تحقیقی کتب پڑھنے کے شوقین افراد۔

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

Votes

تحقیق الجہاد مع ضمیمہ جات

تحفہ المقلدین ترجمہ انیس المقلدین ایک اہم فقہی کتاب ہے۔
یہ کتاب فقہ جعفریہ کے عملی احکام پر مشتمل ہے۔
اس میں روزمرہ زندگی کے شرعی مسائل بیان کیے گئے ہیں۔
کتاب آیت اللہ سید حسین بروجردی کے فتاویٰ کے مطابق ہے۔
اس کا اردو ترجمہ مولانا سید علی رضوی لکھنوی نے کیا ہے۔
<h3>کتاب کے بارے میں</h3>
یہ کتاب انیس المقلدین کا اردو ترجمہ ہے۔
<a href="https://islamic-sources.com/ur">اس کا تعلق اصول فقہ اور احکام فقہ سے ہے</a>۔
کتاب میں فقہ جعفریہ کے مختلف مسائل بیان ہوئے ہیں۔
اس میں عبادات اور شرعی اعمال کے احکام شامل ہیں۔
عملی زندگی میں پیش آنے والے مسائل بھی زیرِ بحث آتے ہیں۔

مآب لائبریری کے مطابق کتاب کی زبان اردو ہے۔
اس کے کل 140 صفحات ہیں۔
اس کے ناشر کا نام نظامی پریس، لکھنؤ ہے۔
<h3>اس کتاب میں ہم کیا سیکھتے ہیں</h3>
اس کتاب کے ذریعے ہم فقہ جعفریہ کے بنیادی احکام سمجھ سکتے ہیں۔
ہم شرعی مسائل کو بہتر انداز سے جان سکتے ہیں۔
عبادات کے درست طریقوں سے آگاہی حاصل ہوتی ہے۔
روزمرہ زندگی کے مختلف فقہی مسائل سمجھ میں آتے ہیں۔
تقلید اور مرجعیت سے متعلق عملی رہنمائی بھی ملتی ہے۔

یہ کتاب دینی احکام پر عمل کرنے میں مدد دیتی ہے۔
اس کے ذریعے حلال اور حرام کے مسائل سمجھنے میں آسانی ہوتی ہے۔
نیز، انسان اپنے شرعی فرائض سے زیادہ باخبر ہوتا ہے۔
<h3>اس کتاب کے مصنف کے بارے میں</h3>
آیت اللہ سید حسین بروجردی

<a href="https://islamic-sources.com/ur/categories/books">آیت اللہ سید حسین بروجردی شیعہ عالمِ دین اور بزرگ فقیہ</a> تھے۔
وہ اپنے دور کے ممتاز مراجعِ تقلید میں شمار ہوتے تھے۔
انہوں نے فقہ اور حدیث کے میدان میں نمایاں علمی خدمات انجام دیں۔
ان کی علمی کاوشوں میں فقہی اور حدیثی تحقیقات شامل ہیں۔
انیس المقلدین بھی ان کی علمی تصانیف میں شمار ہوتی ہے۔

ان کے فتاویٰ نے شیعہ مسلمانوں کے عملی مسائل میں رہنمائی فراہم کی۔
ان کے فقہی کام نے حوزۂ علمیہ میں بھی اہم مقام حاصل کیا۔
<h3>مترجم: مولانا سید علی رضوی لکھنوی</h3>
اس کتاب کا اردو ترجمہ مولانا سید علی رضوی لکھنوی نے کیا ہے۔
مآب لائبریری میں انہیں کتاب کے مؤلف/مترجم کے طور پر درج کیا گیا ہے۔
کتاب کے موضوعات میں فقہ جعفریہ، احکام فقہ اور ترجمہ شدہ کتب شامل ہیں۔
<h3>یہ کتاب کن افراد کے لیے مناسب ہے؟</h3>
یہ کتاب فقہ جعفریہ سے دلچسپی رکھنے والے افراد کے لیے مفید ہے۔
دینی طلبہ اس سے فقہی مسائل سمجھ سکتے ہیں۔
مبلغین اور دینی مدارس کے طلبہ بھی اس سے فائدہ اٹھا سکتے ہیں۔
عام مومنین کے لیے بھی یہ کتاب عملی رہنمائی فراہم کرتی ہے۔
خصوصاً وہ افراد جو شرعی احکام کا مطالعہ کرنا چاہتے ہیں، اس کتاب سے فائدہ اٹھا سکتے ہیں۔

تحفہ المقلدین ترجمہ انیس المقلدین (رسالہ عملیہ )

جہاد

Books

Articles