معالی السبطین کے نام سے معروف کتاب شیخ مہدی حائری مازندرانی نے لکھی ۔ کتاب کا مکمل نام "معالی السبطین فی أحوال الامامَین الحسن و الحسین" ہے۔ اس کتاب کا اکثر حصہ واقعہ عاشورا اور کربلا سے مربوط ہے ۔واقعہ کربلا پر تحقیق کرنے والے محققین میں سے بعض کی رائے کے مطابق یہ کتاب چنداں اہمیت کی حامل نہیں ہے اور وہ اسے تحریف کے منابع سے شمار کرتے ہیں چونکہ اس کتاب میں جھوٹ پر مشتمل اور غیر مستند مطالب مذکور ہیں۔
مؤلف کا تعارف
صاحب کتاب کا نام شیخ محمد مہدی بن شیخ عبد الہادی ابو الحسن بن شاہ مازندرانی حائری ہے ۔ 1293 ق کو کربلا میں پیدا ہوئے اور 1384 کو وہیں فوت ہوئے ۔ایک علمی گھرانے سے تعلق تھا ان کا خاندان آل مازندرانی کے نام سے کربلا میں پہچانا جاتا ۔فقہ اور اصول اپنے والد کے پاس پڑھا ۔ پھر خطابت کے پیشے میں تخصص کیا ۔ عراق کے معروفترین خطباء میں سے شمار ہوتے تھے۔ شجرۂ طوبیٰ اور الکوکب الدری نام کی کتابیں معالی السبطین سے پہلے لکھیں۔
کتاب
جیسا کہ نام سے واضح ہے کہ یہ کتاب حضرت امام حسن اور امام حسین علیہما السلام کے بارے میں لکھی گئی ہے ۔ یہ کتاب دو اجزا پر مشتمل ہے ۔ پہلا جزو حضرت امام حسن کے متعلق ہے کہ جس میں بارہ مجالس مذکور ہیں اور 39 صفحات پر مشتمل ہے ۔ بقیہ مکمل کتاب حضرت امام حسینؑ، عزادرای اور عاشورا کے بارے میں ہے۔
محققین کی رائے
سید محمد علی قاضی اس کتاب کے متعلق لکھتے ہیں:
معالی السبطین کے منقولات کسی بھی اعتبار سے قابل اعتبار نہیں ہیں مگر یہ کہ وہ اپنے مستندات کے ماخذ نقل کرے۔نیز یہ ایسی کتابوں میں سے نہیں ہے کہ اسے اصلی ماخذ قرار دیا جا سکے ۔ کتاب کے مؤلف سے آشنائی رکھتا ہوں اور اس خطو کتابت بھی رہی ہے ۔ اس کتاب میں صحیح اور نادرست باہم مخلوط ہیں لہذا کتاب کا مطالعہ کرنے والے کیلئے ضروری ہے وہ غیر معتبر سے معتبر کو دقت سے جدا کرے ۔
تحریفی مقامات
مدینہ سے امام حسین علیہ السلام اپنے خادموں ،زیورات اور عطریات وغیرہ کے ہمراہ شاہانہ خروج۔
شب عاشور امام حسین علیہ السلام کے اصحاب کا پراگندہ ہونا۔
روز عاشور امام حسین کا حضرت عباس کے پاس پناہ لینے کا افسانہ۔
حضرت قاسم بن حسن کی شادی کا واقعہ ۔
اسقونی شربة من الماءکے الفاظ سے امام کا پانی مانگنا۔
امام سجاد علیہ السلام کا شہادتوں سے بے خبر ہونا اور امام کا فرمانا : میرے اور تیرے سوا کوئی مرد باقی نہیں ہے ۔
حضرت علی اکبر کی شہادت کے موقع پر آپکی والدہ لیلا برہنہ سر اور پاؤں باہرآئیں اور فرمایا : ووالدہ۔
شہید وہب بن عبد اللہ بن حباب کلبی کا اضافہ۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

View

Votes

معالی السبطین فی احوال الحسن و الحسین ج۱

معالی السبطین فی احوال الحسن و الحسین ج۲

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

القول السدید فی شرح تجرید

شرح لمعہ (کتاب طہارت و طلاق) ج۱

حضرت امام العصر قائم آل محمد علیہ السلام کا وجود ذیجود اہل اسلام و ایمان کے لیے ایک نعمت عظمیٰ ہے حضرات علمائے اعلام نے ہر زمانے میں وجود غیبتِ امام العصرؑ کو بدلائل ثابت کیا ہے اور مبسوط کتب تحریر کی ہیں امام العصرؑ اولادِ علیؑ و فاطمہؑ سے ہیں آپ پیدا ہوچکے ہیں اور بحکم خدا ہماری نظروں سے غائب ہیں جب حکم بارئ تعالیٰ ہوگا ظہور فرمائیں گے اور دین اسلام کو روئے زمین پر غالب فرمائیں گے، اس زمانۂ غیبت میں تمام مؤمنن نہ صرف زیارت امام زمانہؑ کے متمنی ہیں اور ان کی دلی خواہش ہے کہ امام علیہ السلام سے متعلق زیادہ سے زیادہ معلومات حاصل ہوں تاکہ معرفت میں اضافہ ہوتا رہے، جس قدر کتب امام زمانہؑ سے متعلق نشر کی گئی ہیں وہ آپ کے حالات اور طویل غیبت کی وجہ سے عشر عشیر بھی نہیں ہیں۔
اسے حادثاتی اتفاق یا اتفاقی حادثہ کہہ لیجیئے کہ عؤصر حاضر کے محقق سائنسدانوں کو مثلث برمودا سے سابقہ پڑگیا اور ثلث برمودا کی تحقیق میں قدم اٹھنے لگے، مثلث برمودا کے متعلق کتابیں لکھی گئیں رسالہ جات نکالے گئے اور مقالے لکھے گئے جو تمام کے تمام عالمی روزناموں میں شائع ہوتے رہے۔
جزیرۂ خضراء کے نام سے زیر نظر کتاب کی تحقیقی بنیاد عصر حاضر کے موجودہ قرائن اور تاریخی شواہد کو اس طرح مثلثِ برمودا پر منطبق کیا گیا ہے کہ مثلث برمودا ہی جزیرۂ خضراء ہے یا جزیرۂ خضراء کا جدید نام مثلث برمودا ہے، یہ کتاب انتہائی نادرۂ روزگار اور بیش بہا کتاب ہے جو اپنے موضوع کے اعتبار سے تمام دیگر کتب سے ممتاز اور بے نظیر ہے۔

جزیرہ خضرا ممکنہ حالاتِ مُثَلّثِ برمودا

ریاض الاحزان یعنی غموں کے باغ، جیسا کہ کتاب کے نام سے ظاہر ہے یہ مصائب کی کتاب ہے اور اس موضوع پر قدیم ترین کتابوں میں سے ایک ہےاس کتاب کے مؤلف سید محمد حس قزوینی قدس سرّہ ہیں جنہوں نے کتاب کے اس حصے میں شامِ غریباں سے لے کر مدینے واپسی تک کے حالات نہایت تفصیل سے قلمبند فرمائے ہیں خاص کر قافلۂ اسیرانِ شام کی کربلا سے دمشق تک چالیس منازل کا مکمل ذکر اسکتاب میں مل جائے گا، مصائب آل محمد علیہم السلام سے واقفیت میں دلچسپی رکھنے والے قارئین سے اس کتاب کے مطالعے کی گزارش کی جاتی ہے۔

ریاض الاحزان

محمد باقر عبد الکریم بہبہانی کی تصنیف کردہ «الدمعة الساكبة في والحوال النبی و العترة الطاهرة»، عربی میں لکھی گئی چودہ معصومین(ع) کی سوانح حیات اور تفصیلات  پر ایک کتاب ہے۔
مصنف نے کتاب کے آغاز میں کہا ہے کہ میں نے اس کا نام «الدمعة الساكبة و المصيبة الراتبة و المناقب الثاقبة و المثالب العائبة» رکھا ہے، لیکن موجودہ شائع شدہ کتاب میں یہ نام  تبدیل کردیا گیا ہے۔
یہ امر قابل ذکر ہے کہ واعظ تبریزی خیابانی نے«وقائع الأيام في تتمة محرم الحرام»،اس کتاب کے مصنف کی تعریف کی ہے اور«دار الإسلام في من فاز بسلام الإمام(ع)» میں شیخ محمود عراقی کا حوالہ دیتے ہوئے کہا ہے کہ ’’انہیں عربی عبارات میں کچھ خاص مہارت حاصل نہیں تھی کیونکہ انہیں عربی کی کچھ خاص سمجھ بوجھ نہ تھی پھر بھی، توفیق ربانی ان کے اس قدر شامل حال ہوئی کہ  انہوں نے چودہ معصومین(ع) کے حالات میں ایک عظیم عربی کتاب [الدمعة الساكبة] لکھ ڈالی، جو ایک لاکھ سے زیادہ ابیات پر مشتمل تھی اور یہ کتاب اہل نظر اور معتبر علماء کے درمیان مقبول و معتبر قرار پائی کچھ یوں یہ کتاب مشہور ہوئی کہ انکی زندگی میں ہی انکی کتاب سے علماء و افاضل کے لیے نسخہ برداری ہوئی۔
کتاب مصنف کے مقدمے سے شروع ہوتی ہے جبکہ کتاب کے مطالب و مندرجات توصیفی ہیں اور نقل قول پر مبنی ہیں، کتاب کے بعض مندرجات مقتل ابومخنف اور منتخب طریحی سے ماخوذ ہیں کہ جنکے معتبر ہونے میں نقد و نظر موجود ہے۔
مصنف کے دیگر ذرائع میں مندرجہ ذیل کتابیں شامل ہیں: «مقتل الحسين(ع)»، «بصائر الدرجات» شیخ ثنا بن محمد بن حسن بن صفار؛ «التنزيل و التحريف» احمد بن محمد بن صبار؛ «المحاسن و الآداب» احمد بن محمد بن خالد برقی؛ «قرب الإسناد» محمد بن عبدالله بن جعفر بن حسین بن جامع بن مالک قمی؛ «الرد علی فرق الشيعة ما خلا الإمامية» ابومحمدحسن بن موسی نوبختی؛ «الكافي» کلینی؛ «الغيبة» نعمانی؛ «إثبات الوصية» اور«مروج الذهب» مسعودی؛ «البدع المحدثة» علی بن احمد ابی‌قاسم کوفی؛ «هدایة في تاريخ النبي و الأئمة معجزاتهم(ع)» حسین بن حمدان حضینی جنبلائی اور...۔
مقدمے میں، کتاب میں استعمال ہوئے منابع اور ابواب کی فہرست کا تعارف پیش کرتے ہوئے، پیغمبر اکرم(ص) اور ائمہ(ع) کے لئے سوگ اور حزن و بکا کے ثواب کا تذکرہ کیا گیا ہے۔
 اردو ترجمے کی اس پہلی جلد میں پیغمبر اسلام صلی اللہ علیہ وآلہ وسلم، حضرت علیؑ، جناب فاطمہ سلام اللہ علیہا اور امام حسنؑ کا تذکرہ تفصیل کے ساتھ موجود ہے، گویا یہ ان تمام مطالب کا نچوڑ ہے جو آپ مختلف کتابوں میں تلاش کرتے ہیں اور بعض اوقات آپکو وہ نہیں ملتا لیکن اس کتاب کو پڑھنے کے بعد تاریخ و سیرت کا ایک مکمل دورہ ہوجائے گا۔

اَلدَّمْعَةُ السّاکِبَة فی أحْوالِ النَّبیّ و العِتْرَة الطّاهِرَة(اردو ترجمہ الدمعۃ الساکبہ) ج۱

سرزمین پاکستان کے علمائے اعلام میں ایسی شخصیت جنہوں نے علمی گھرانے میں آنکھ کھولی اور علوم آل محمد سے مومنین کو سیراب کیا اور مذہب شیعہ اثنا عشریہ خیر البریہ کے پیروکاروں کو علم دین کی شعاوں سے منور کیا۔
ولادت:
علامہ کاظم حسین اثیر جاڑوی 1941 کو بستی جاڑا ضلع ڈیرہ اسماعیل خان میں پیدا ہوئے۔ آپ کے والد کا نام ملک مکھنہ خان تھا۔
تعلیم:
کلاس ششم تک پڑھنے کے بعد قرآن پاک و دینیات پڑھنے کے لیے مولانا محمد پناہ کی خدمات حاصل کیں ۔اس کے بعد اپنے ماموں علامہ حسین بخش جاڑا اعلی اللہ مقامہ کے سامنے زانوئے تلمذ تہ کیا۔ اور درس نظامی و عربی ادبیات کی تعلیم حاصل کی ۔آپ مدرسہ علمیہ باب النجف جاڑا کے ان طلاب میں شامل ہیں جنہوں نے مدرسہ کے تعمیر کرنے میں استاذ العلماء علامہ حسین بخش جاڑا اعلیٰ اللہ مقامہ کا ہاتھ بٹایا۔1953 میں حوزہ علمیہ نجف اشرف تشریف لے گئے ۔اور شرح لمعہ اور معالم الاصول تک تعلیم حاصل کی۔
تدریس:
جب نجف اشرف سے واپس پاکستان آئے تو آپ نے قبلہ علامہ حسین بخش جاڑا اعلیٰ اللہ مقامہ کے ہمراہ مدرسہ باب النجف جاڑا میں تدریس کی۔
پھر آپ نومبر 1964 میں جامعہ امامیہ کراچی میں بطور مدرس تشریف لے گئے کچھ عرصہ تدریس کرنے کے بعد والد بزرگوار کے انتقال پر واپس وطن جاڑا لوٹ آئے۔
یکم اگست کو مدرسہ باب النجف جاڑا میں دوبارہ تدریسی سلسلہ شروع کیا اور کافی طلبہ کرام کو علوم آل محمدؑ سے سیراب کیا۔
قم المقدسہ میں حصول تعلیم:
کچھ عرصہ پاکستان میں تدریس کے بعد آپ 1971 کو قم المقدسہ تشریف لے گئے جہاں آپ نے ان اساتذہ سے کسب فیض کرتے ہوئے درس خارج پڑھا:

<ul style="text-align: justify;">
 	<li>آیت اللہ العظمی سید محمد کاظم شریعتمدار اعلیٰ اللہ مقامہ</li>
 	<li>آیت اللہ العظمی مکارم شیرازی دامت برکاتہ</li>
</ul>
درس و تدریس:
1974 کو قم المقدسہ سے وطن واپسی پر مختلف مدارس دینیہ میں اپنے تدریسی سلسلے کو دوبارہ شروع کیا اور ترویج علوم آل محمد کے لیے مختلف شہروں کا سفر کیا۔
دار العلوم جعفریہ کوٹلہ جام ضلع بھکر میں درس و تدریس کی ابتدا آپ سے ہوئی۔دار العلوم جعفریہ کوٹلہ جام کے بعد دینی مدرسہ دیووال میں بھی کافی عرصہ تدریس کرتے رہے۔اس کے بعد آپ دار العلوم جعفریہ خوشاب میں گئے اور طلبۂ کرام کو دینی تعلیم دی۔16 نومبر 1975 کو جامعہ حسینیہ جھنگ صدر میں تشریف لائے اور ایک عرصہ تک تدریسی فرائض انجام دیتے رہے۔جامعہ حسینیہ کے بعد آپ لاہور آئے اور مظفر المدارس (مدرسۃ الواعظین) ایمپرس روڈ لاہور میں طویل مدت تک پرنسپل رہے اور درس و تدریس کرتے رہے۔
شاگرد:
آپ کے شاگردوں کی ایک فہرست ہے جنہوں نے مختلف مدارس میں آپ کے سامنے زانوئے تلمذ تہ کیا جن میں سے چند کے اسماء یہ ہیں:

<ul style="text-align: justify;">
 	<li>خطیب علامہ سید ضمیر حسین نقوی آف لاہور</li>
 	<li>علامہ منظور حسین جوادی آف سرائے مہاجر</li>
 	<li>علامہ غلام حر قمی آف پہاڑ پور</li>
 	<li>مولانا غلام محمد باٹھ آف دیووال</li>
 	<li>مولانا ناصر مہدی جاڑا مرحوم</li>
 	<li>مولانا ظہیر مہدی جاڑا لاہور</li>
 	<li>مولانا نذر حسین وجھہ آف سرگودھا۔</li>
</ul>
علمی آثار:
جہاں آپ نے تدریس کے فرائض انجام دیے وہاں آپ نے کتب کی تصنیف و تراجم میں بھی حصہ لیا، تصنیف شدہ کتب یہ ہیں:

<ul style="text-align: justify;">
 	<li>الفکر الجدید فی القرآن المجید 3 جلدیں غیر مطبوعہ</li>
 	<li>آیت العرفان بجواب بلاغ القرآن</li>
 	<li>عشر کیا ہے</li>
 	<li>ہاتھ کہاں سے کاٹا جائے</li>
 	<li>نماز حیدریہ</li>
 	<li>جواز متعہ</li>
 	<li>نظام مصطفی بزبان زوجہ مصطفی</li>
 	<li>شرح لمعہ کتاب طہارت و طلاق</li>
 	<li>مطلوب الطالب فی ایمان ابوطالب</li>
</ul>
جبکہ تراجم میں یہ کتب شامل ہیں:

<ul style="text-align: justify;">
 	<li>الارض و التربۃ الحسینیہ</li>
 	<li>القول السدید فی شرح التجرید</li>
 	<li>دمعۃ الساکبہ</li>
 	<li>جزیرہ خضراء</li>
 	<li>انوار خمسہ</li>
 	<li>معالی السبطین</li>
 	<li>کشف الاسرار فی عقائد الابرار۔</li>
</ul>
اولاد:
آپ کی اولاد میں 5 بیٹے اور 2 بیٹیاں ہیں جن میں سے آپ کی دستار علمی کے وارث مولانا زہیر کاظم جاڑا ہیں جو حوزہ علمیہ قم المقدسہ میں کئی سال سے تحصیل علم کے لیے مقیم ہیں۔
شہادت و تدفین:
علامہ اثیر جاڑوی 28 مارچ 1992 بمطابق 23 رمضان المبارک کو شہید ہوئے جبکہ آپ کے ہمراہ جواں بیٹے کوثر رضا جاڑا کو بھی شہید کر دیا گیا،آپ کی نماز جنازہ خوشاب میں علامہ ملک اعجاز حسین صاحب کی امامت میں ادا کی گئی اور علاقہ بھر کے مومنین شریک ہوئے۔ اور جب آپ کا جنازہ دریاخان میں پہنچا تو نماز جنازہ آپ کی وصیت کے مطابق مولانا آغا علی حسین قمی صاحب نے پڑھائی اور تحریک نفاذ فقہ جعفریہ کے قائد علامہ سید حامد علی موسوی و اراکین، تحریک جعفریہ کے قائد علامہ سید ساجد علی نقوی و اراکین، سید وزارت حسین نقوی، علامہ ملک اعجاز حسین خوشاب، علامہ طاہر ترابی پنجگرائیں، علامہ رمضان توقیر ڈیرہ اسماعیل خان، علامہ ناصر نجفی خوشاب، علامہ سید تقی نقوی ملتان، علامہ سید امداد حسین شیرازی، علامہ ناصر مہدی جاڑا، مولانا مشتاق حسین کوٹلہ جام اور دیگر علاقہ بھر کی مذہبی، سیاسی و سماجی شخصیات اور ہزاروں مومنین نے شرکت کی۔ یہ شہر دریاخان کا تاریخی جنازہ تھا جس میں کئی ہزار لوگ شریک ہوئے۔
آپ کی وصیت کے مطابق آپ کو مسجد امامیہ ڈیرہ روڈ دریاخان کے قریب قبلہ علامہ حسین بخش جاڑا اعلیٰ اللہ مقامہ کے جوار میں دفن کیا گیا۔

Born

Death

کاظم حسین اثیر جاڑوی

کاظم حسین اثیر جاڑوی

Born:

Death:

کاظم حسین اثیر جاڑوی

Author Books