ایک زمانہ تھا کہ رات کو سونے سے قبل بزرگ اپنے بچوں کو دین کی ابتدائی تعلیمات دیا کرتے تھے۔ کچھ اصول دین سے تعارف کروایا کرتے تھے اور کچھ فروع دین سکھایا کرتے تھے مگر بد قسمتی سے اب نہ بزرگوں کے پاس وقت ہے اور یہ بچوں کو دلچسپی۔ اب شہروں میں تو اس کی جگہ ٹیلی ویژن نے لے لی ہے اور دیہات والے ضروریات زندگی پورا کرنے کی فکر سے ہی آزاد نہیں ہوتے وہ بچوں کو کیا بتائیں۔
اسکولوں کا بھی یہ عالم ہے کہ وہاں اسلامیات و دینیات کے نام پر غلط سلط چیزیں رٹوا دیجاتی ہیں دوسری مصیبت یہ ہے کہ ذرائع ابلاغ پر بھی انہیں نظریات کا پرچار کیا جاتا ہے۔ نتیجہ یہ ہے کہ گھروں میں اسکولوں میں، ہر جگہ وہی باتیں، اور وہی غلط نظریات اور وہی غلط عقائد ان کے ذہنوں میں ٹھونسے جارہے ہیں۔
علاوہ ازیں ایک باعث تشویش بات یہ ہے کہ قرائن کے مطابق بین الاقوامی سطح پر یہ ثابت کرنے کی کوشش کی جارہی ہے کہ دین اسلام کی ترویج اور ترقی میں آل رسولﷺ کا کوئی حصہ نہیں۔ اس کا بین ثبوت یہ ہے کہ وہ تاریخی واقعات جو حضرت علی علیہ السلام کے تذکرے کے بغیر بے معنی ره جاتے ہیں، ان سے بھی ان کے ذکر کو نہایت چابکدستی سے نکال دیا جاتا ہے ایسا کرنا آنجنابﷺ کے ساتھ ساتھ تاریخ سے بھی نا انصافی ہے۔ اس کا نتیجہ واضح ہے۔ کچھ عرصہ کے بعد خدانخواستہ ہماری ملت کے نوجوان اس شک میں پڑ جائیں گے کہ کہیں اکابرینِ شیعہ غلط تو نہیں کہتے تھے!!
ادھر اپنی حالت یہ ہے کہ مجالس میں کوئی بے چارہ حقیقت پسند مقرر دین شناسی کی بات کہہ دے تو لوگ منہ بسورنے لگتے ہیں مجلس سے اٹھ کر چلے جاتے ہیں اس کا نام پسندیدہ مقررین کی فہرست سے نکال دیا جاتا ہے جس سے اس مقررکا مستقبل تاریک ہوتا نظر آتا ہے لہذا کوئی بھی صاحب منبر جان بوجھ کر اپنی خودکشی کی ہمت نہیں کرتا۔ اس کی بجائے وہ بھی بڑے ہوشیار ہو گئے ہیں، انہوں نے ایک اور ہی راه نکال لی ہے کہ عوام کو نت نئے مسائل میں الجھا دو یوں دھڑے بندیوں میں الجھی ہوئی قوم مثبت سوچ سے عاری ہوجائے گی۔
انہی سب مشکلات کو دیکھتے ہیں پیش نظر کتاب میں اصول دین، فروع دین، اخلاقیات اور شیعہ مسلک کی بنیادی کتبِ احادیث کا ابتدائی تعارف کروایا گیا ہے۔ اس کتابچے میں حسب ذیل امور کو پیش نگاہ رکھا گیا ہے:
وہ معلومات فراہم کرنے کی کوشش کی گئی ہے جن کی اس سطح پر ضرورت ہوتی ہے۔
بعض ایسے اہم عناوین بھی شامل کئے گئے ہیں جن سے عمداً یا سہواً  بے اعتنائی برتی گئی۔
تحریر جلی حروف میں ہے تا کہ بچوں کو پڑھنے میں آسانی ہو۔
مخصوس اصطلاحات تک تدریجا رسائی حاصل کی گئی ہے۔
ایک عنوان کے تحت ساری معلومات یکجا کردینے کے بجائے سوال و جواب کا طریقہ استعمال کیا گیا ہے اور چند ایک کے سوا تقر یا سارے جوابات مختصر ہیں تا کہ بچوں کو ذہن نشین کرنا آسان ہو۔
زبان، سہل استعمال کی گئی ہے۔
اس کتاب کو باقاعدگی سے بچوں کے خانگی درس میں شامل کریں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

دین شناسی(شیعہ بچوں کے لیے دینیات)

آج کا دور مصرفیتوں کا دور ہے ہماری معاشرت کا انداز بڑی حد تک مشینی ہو گیا ہے زندگی کی بدلتی ہوئی قدروں سے دلوں کی آبادیاں ویران ہو رہی ہیں فکرونظر کا ذوق اور سوچ کا انداز بدل جانے سے ہمارے ہاں ہیرو شپ کا معیار بھی بہت پست سطح پر آگیا ہے آج کھلاڑی‘ ٹی وی اور بڑی سکرین کے فن کار ہماری نسلوں کے آئیڈیل اور ہیرو قرار پائے ہیں جس کی وجہ سے ماضی و حال کے وہ عظیم سپوت اور روشنی کی وہ برتر قندیلیں ہماری نظروں سے اوجھل ہو گئی ہیں لہذا انھیں جاننا اور دوسروں تک ان کے کارناموں کو پہنچانا ہماری ذمہ داری ہے۔

اپنے اسلاف اور خصوصاً اہل علم اسلاف کو یادرکھنا بعد میں آنے والوں کے لیے ضروری ہوتا ہے اور رہنمائی کا ذریعہ بھی اسی لیے ان کی یاد کو تازہ اور ان کی زندگی سے خود کے لیے چراغ راہ بنانا بہت ضروری ہے اور یہ تبھی ممکن ہے جب ہم ان کی حیات کے نشیب و فراز اور ان کی کاوشوں سے آگاہ رہیں۔

بلاشبہ انسان اشرف المخلوقات ہے۔ رب ذوالجلال نے اسے دوسری مخلوقات پر یہ فوقیت علم کی بنا پر عطا کی ہے۔ اللہ ہی ہے جس نے انسان کو قلم کے ذریعے علم سکھایا اور زمین پر اپنا نائب بنا کر بھیجا۔ اُس کے خاص بندے اسی قلم اور کائنات کے مشاہدے کے ذریعے اپنے علم میں اضافہ کرتے اور اسے آگے بڑھاتے ہیں۔ اللہ کے ایسے ہی خاص بندوں میں سے ایک نام مولانا موصوف کا ہے جنہوں نے علم کے سمندر میں ڈوب کر سراغِ زندگی پایا اور اسی علم کے بحرِ بے کراں بن کر اس کے دامن کو وسیع اور تشنگانِ علم کو سیراب کیا۔

اس دنیائے فانی میں بسنے والے ہر انسان کا لمحہ بتدریج اس کی شخصیت کی تکمیل کرتا ہے۔ زمانہ اسے مبلغ، محدث، مؤرخ، محقق، مقرر، مصلح، مربی و محسن کے خطابات عطا کرتا ہے۔ ایسے شخص کی زندگی سراپا علم و عمل، سراپا جہاد اور عالم انسانیت کے لیے سرچشمہ ہوتی ہے۔ وہ زندہ رہتا ہے تو محترم و مکرم ہو کر زندگی کے لمحات گزارتا ہےاور اس عالمِ فنا سے منہ موڑتا ہے تو اپنے پیچھے نہ بھلائے جا سکنے والے کارناموں کی ایک تاریخ رقم کر جاتا ہے۔ ایک پورا زمانہ، ایک پورا عہد اس کی شخصیت سے منسوب ہو جاتا ہے۔ مستقبل کے محرر و مؤرخ اسے اوراقِ تاریخ میں یاد گار زمانہ قرار دیتے ہیں۔

آپ کے بارے میں معلومات اپڈیٹ کی جائیں گی۔

Born

Death

تصدق حسین

تصدق حسین

تصدق حسین

Author Books