یہ کاوش ایک مختصر خاکہ ہے، ان جلیل القدر علماء وفقہاء اور شہدائے عظام کا، جن کے مثالی کارناموں اور شبانہ روز کوششوں کے نتیجے میں بحمد اللہ آج ہم مذہب حَقّہ سے کماحقہ بہرہ مند ہورہے ہیں یا ہو سکتے ہیں۔ لوگ مجالس سید الشہداء حضرت امام حسین علیہ السلام خلوص دل سے کرتے ہیں، ان میں سب شریک ہوتے ہیں، ان مجالس میں تعلیمات قرآنی کے ساتھ ساتھ احادیث مبارکہ پڑھی جاتی ہیں، اسلامی روایات بیان کی جاتی ہیں ان تمام متفق علیہ احادیث و روایات صحیحہ کو جمع کرنے والے، ان کے بارے میں قرآن کریم سے استدلال کرنے والے علماء وفقهاء (مراجع کرام) اور شہید ہونے والوں کا بیان آپ کو اس کتاب میں ملے گا۔
کتاب کا مکمل نام ’’عباد الرحمان في كل دهرو زمان‘‘ رکھا گیا ہے۔ اس کی وجہ تسمیہ یہ ہے کہ ان تمام علمائے حق نے راہ حق پر گامزن رہنے کے لیے جو بے انتہا ان تھک محنت کی اور ان میں سے اکثر نے تو اپنی جان و مال اور سب کچھ مذہب حقہ یعنی شیعیت (مذہب امامیہ) کے لیے قربان کر دیا تو بلا شبہ یہ خواہش نفس کو کچلنے والے، بیدار ضمیر انسان تھے، کیوں کہ انہوں نے اپنی تمام زندگی مال و زر کو اپنا تابع رکھ کر گزر اوقات کی اور ہمیشہ حق کے فروغ کے لیے کام کرتے رہے۔ 
لہذا یہ کتاب ’’عباد الرحمان في كل دهرو زمان‘‘ اس میں آپ کو غیبت صغری سے لے کر اب تک کے چیدہ چیدہ علما و فقہاء حکماء، صلحاء اور شہداء کا ایک مختصر سوانحی خاکہ، ان کے علم کی راہوں میں جد و جہد، پرانے وقتوں کا آسائشوں سے عاری اور تکلیف دہ ماحول اور ظالموں کے سامنے کلمہ حق بلند کرنے کی عادت اور شہادت کا اعلی منصب ، یہ سب کچھ ملے گا۔ یہ ایک سنہری زنجیر ہے، جو کہ آپ کو آج کے مجتهد و عالم سے غیبت صغری تک پہنچائے گی۔ 
میں سمجھتا ہوں کہ اس وقت ضرورت اس امر کو سمجھنے کی ہے کہ دین اسلام خاص طور پر مذہب فقہ میں جو اس وقت علم وحکمت موجزن ہے۔ بحمد الله حوزہ ہائے علمیہ میں جو رونقیں ہیں، نجف اشرف اور قم المقدسہ جو اس وقت الله تعالی کے بے انتہا فضل و کرم سے دین اسلام میں شیعیان عالم کے مراکز بنے ہوئے ہیں، یہ سب فیضان؛ نائین اربعہ کے زمانے سے ہی جاری و ساری ہے۔ یہ تمام علم وادب کا کمال و جمال حضرت محمد و آل محمد علیہم السلام کا صدقہ جاریہ ہے، جو ان شاء الله تعالی تا قیام قیامت جاری و ساری رہے گا۔
یہ کتاب جو کہ بحمد الله حسن و معیار برقرار رکھتے ہوئے تالیف کی گئی ہے، یہ تمام مسلمانوں کی آگاہی کے لیے بالعموم اور شیعہ نوجوانوں کے لیے بالخصوص تحریر کی گئی ہے تا کہ علم و معرفت کی جو شمع آج سے بارہ سو برس پہلے جلائی گئی تھی، اس کے نور سے ہم سب بھی آشنا ہوجائیں اور یہ دیکھیں کہ قدیم زمانے میں علم حاصل کرنا کس قدر دشوار کام تھا اور اس سلسلے میں ضروری وسائل بھی موجود نہیں تھے لیکن اس کے باوجودعلمائے کرام نے جو رفعت وسربلندی حاصل کی وہ واقعی مذہب امامیہ کا بہ لطف چهارده معصومین علیہم السلام ایک معجزہ ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

عباد الرحمن-مایۂ ناز علماء و مجتہدین کرام کے مثالی تذکرے

آج کا دور مصرفیتوں کا دور ہے ہماری معاشرت کا انداز بڑی حد تک مشینی ہو گیا ہے زندگی کی بدلتی ہوئی قدروں سے دلوں کی آبادیاں ویران ہو رہی ہیں فکرونظر کا ذوق اور سوچ کا انداز بدل جانے سے ہمارے ہاں ہیرو شپ کا معیار بھی بہت پست سطح پر آگیا ہے آج کھلاڑی‘ ٹی وی اور بڑی سکرین کے فن کار ہماری نسلوں کے آئیڈیل اور ہیرو قرار پائے ہیں جس کی وجہ سے ماضی و حال کے وہ عظیم سپوت اور روشنی کی وہ برتر قندیلیں ہماری نظروں سے اوجھل ہو گئی ہیں لہذا انھیں جاننا اور دوسروں تک ان کے کارناموں کو پہنچانا ہماری ذمہ داری ہے۔

اپنے اسلاف اور خصوصاً اہل علم اسلاف کو یادرکھنا بعد میں آنے والوں کے لیے ضروری ہوتا ہے اور رہنمائی کا ذریعہ بھی اسی لیے ان کی یاد کو تازہ اور ان کی زندگی سے خود کے لیے چراغ راہ بنانا بہت ضروری ہے اور یہ تبھی ممکن ہے جب ہم ان کی حیات کے نشیب و فراز اور ان کی کاوشوں سے آگاہ رہیں۔

بلاشبہ انسان اشرف المخلوقات ہے۔ رب ذوالجلال نے اسے دوسری مخلوقات پر یہ فوقیت علم کی بنا پر عطا کی ہے۔ اللہ ہی ہے جس نے انسان کو قلم کے ذریعے علم سکھایا اور زمین پر اپنا نائب بنا کر بھیجا۔ اُس کے خاص بندے اسی قلم اور کائنات کے مشاہدے کے ذریعے اپنے علم میں اضافہ کرتے اور اسے آگے بڑھاتے ہیں۔ اللہ کے ایسے ہی خاص بندوں میں سے ایک نام مولانا موصوف کا ہے جنہوں نے علم کے سمندر میں ڈوب کر سراغِ زندگی پایا اور اسی علم کے بحرِ بے کراں بن کر اس کے دامن کو وسیع اور تشنگانِ علم کو سیراب کیا۔

اس دنیائے فانی میں بسنے والے ہر انسان کا لمحہ بتدریج اس کی شخصیت کی تکمیل کرتا ہے۔ زمانہ اسے مبلغ، محدث، مؤرخ، محقق، مقرر، مصلح، مربی و محسن کے خطابات عطا کرتا ہے۔ ایسے شخص کی زندگی سراپا علم و عمل، سراپا جہاد اور عالم انسانیت کے لیے سرچشمہ ہوتی ہے۔ وہ زندہ رہتا ہے تو محترم و مکرم ہو کر زندگی کے لمحات گزارتا ہےاور اس عالمِ فنا سے منہ موڑتا ہے تو اپنے پیچھے نہ بھلائے جا سکنے والے کارناموں کی ایک تاریخ رقم کر جاتا ہے۔ ایک پورا زمانہ، ایک پورا عہد اس کی شخصیت سے منسوب ہو جاتا ہے۔ مستقبل کے محرر و مؤرخ اسے اوراقِ تاریخ میں یاد گار زمانہ قرار دیتے ہیں۔

آپ کے بارے میں معلومات اپڈیٹ کی جائیں گی۔

Born

Death

سید ذوالفقار حسین نقوی

سید ذوالفقار حسین نقوی

سید ذوالفقار حسین نقوی

Author Books