زیر نظر کتاب اپنے موضوع کے اعتبار سے ممتاز و منفرد ہے کہ اس سے قبل اردو زبان میں ایسی کاوش منظر عام پر نہیں آسکی ہے اس کتاب کا اصل مسوّدہ فرانسسی زبان میں ہے، اسے پچیس دانشوروں کی ایک جماعت نے مرتب کیا ہے، مرتّبین کی غالب تعداد مسلمان نہیں ہے،پیش نظر کتاب کی تحریر مذہبی پس منظر نہیں رکھتی ہے اور اسے سائنسی تناظر میں لکھا گیا ہے۔
اسلامی مسائل سترہویں صدی عیسوی سے یورپی دانشوروں کی توجہ کا مرکز بنے ہوئے تھے اور امریکہ کی یونیورسٹی میں توسیع کے بعد امریکی اکابرین نے بھی اسلامی تعلیمات پر تحقیق کرنے میں دلچسپی لینا شروع کیا۔ یہ بات سب کو معلوم ہے کہ اسلامی مسائل اور ہر طبقہ کے مسلم دانشوروں کے متعلق یورپی و امریکی محققین نے سترہویں صدی عیسوی کے بعد بہت سی کتب تحریر کی ہیں اور یہ سلسلہ ابھی تک جاری ہے۔ اہل یورپ و امریکہ اس صدی کے آغاز خصوصا جنگ عظیم کےشروع میں مسلک شیعہ اثناء عشری اور ان کے اکابرین پر تحقیق کرنے کی جانب مائل ہوئے۔  یہاں یہ بات قابل ذکر ہے کہ مطالعاتی مرکز جو اسٹراسبرگ فرانس میں واقع ہے نہ صرف اسلای مسائل پر تحقیق کرتا ہے بلکہ دنیا کے دیگر مذاہب پر بھی ریسرچ کرتا ہے۔ جو لوگ اس تحقیقاتی مرکز میں خدمات سر انجام دیتے ہیں وہ اسٹرا سبرگ کے رہائشی نہیں بلکہ اسٹراسبرگ یونیورسٹی کے اساتذہ کے علاوہ ان میں وہ دانشور بھی شامل ہیں جو دوسرے ملکوں میں مذہبیات پر تحقیقی کام میں مشغول ہیں اور اپنی تحقیقات کو اس مرکز کے سیکریٹریٹ کے لئے ارسال کرتے ہیں۔ اور کبھی کبھار یہ محققین دو سال میں ایک مرتبہ اسٹرا سبرگ میں جمع ہو کر باہمی تبادلہ خیالات کرتے ہیں۔
انہی محققین کی تحقیقات میں سے ایک تحقیق پیش خدمت کتاب کی صورت میں شائع ہوئی ہے۔ اس میں ایسے مطالب درج ہیں جو ابھی تک کسی بھی اسلامی ملک میں دوسری کتابوں کی زینت نہیں بنے حالانکہ مجھے یہ کہنے دیجیئے کہ امام جعفر صادق علیہ السلام کا انسانی اور عملی مرتبہ فی الحقیقت اس کتاب کی رسائی سے بہت زیادہ بلند ہے۔ مگر یہ کتاب اس بات کا موجب بن سکتی ہے کہ اہل علم امام جعفر صادق علیہ السلام کے بارے میں اس سے زیادہ جامع اور ضخیم مواد تصنیف و تالیف کریں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

سپرمین اِن اسلام

یہ کتاب مرکز مطالعات اسلائی اسٹراسبرگ (Islamic Studies Centre Strausberg) (فرانس) کے اراکین کی کاوشوں کا ثمر ہے۔ ان اراکین کا تعلق دنیا کے مختلف ممالک سے ہے۔ یہ لوگ عام طور پراکٹھے نہیں ہوتے لیکن ہر دو سال کے بعد ان کا اجماع اس شہر میں ہو تا ہے۔
مستشرقین نہایت ہی لگن اور جانفشانی سے نہ صرف امام جعفر صادقؑ کی شخصیت اور ان کے کارناموں پر گہری تحقیق کر کے اپنے تحقیقی کام کو منصہ شہود پر لائے ہیں بلکہ ان کی تحقیق امامؑ کی زندگی کے ایسے پہلو بھی اجاگر کرنے کاباعث قرار پائی ہے جو مختلف وجوہات کی بناء پر عموی معلومات کا حصہ نہ تھے۔
اگرچہ آپ کی علمی شخصیت و روحانی عظمت کا احاطہ کسی انسان کے بس کا روگ نہیں اور نہ ہی پیش نظر کتاب سمندر کو کوزے میں بند کر سکی  ہے۔ البتہ ایسی مساعی سے نوع بشر کیلئے آپ کی عظیم علمی خدمات کا اعتراف ضرور سامنے آتا ہے۔

سپر برین آف اسلام

آج کا دور مصرفیتوں کا دور ہے ہماری معاشرت کا انداز بڑی حد تک مشینی ہو گیا ہے زندگی کی بدلتی ہوئی قدروں سے دلوں کی آبادیاں ویران ہو رہی ہیں فکرونظر کا ذوق اور سوچ کا انداز بدل جانے سے ہمارے ہاں ہیرو شپ کا معیار بھی بہت پست سطح پر آگیا ہے آج کھلاڑی‘ ٹی وی اور بڑی سکرین کے فن کار ہماری نسلوں کے آئیڈیل اور ہیرو قرار پائے ہیں جس کی وجہ سے ماضی و حال کے وہ عظیم سپوت اور روشنی کی وہ برتر قندیلیں ہماری نظروں سے اوجھل ہو گئی ہیں لہذا انھیں جاننا اور دوسروں تک ان کے کارناموں کو پہنچانا ہماری ذمہ داری ہے۔

اپنے اسلاف اور خصوصاً اہل علم اسلاف کو یادرکھنا بعد میں آنے والوں کے لیے ضروری ہوتا ہے اور رہنمائی کا ذریعہ بھی اسی لیے ان کی یاد کو تازہ اور ان کی زندگی سے خود کے لیے چراغ راہ بنانا بہت ضروری ہے اور یہ تبھی ممکن ہے جب ہم ان کی حیات کے نشیب و فراز اور ان کی کاوشوں سے آگاہ رہیں۔

بلاشبہ انسان اشرف المخلوقات ہے۔ رب ذوالجلال نے اسے دوسری مخلوقات پر یہ فوقیت علم کی بنا پر عطا کی ہے۔ اللہ ہی ہے جس نے انسان کو قلم کے ذریعے علم سکھایا اور زمین پر اپنا نائب بنا کر بھیجا۔ اُس کے خاص بندے اسی قلم اور کائنات کے مشاہدے کے ذریعے اپنے علم میں اضافہ کرتے اور اسے آگے بڑھاتے ہیں۔ اللہ کے ایسے ہی خاص بندوں میں سے ایک نام مولانا موصوف کا ہے جنہوں نے علم کے سمندر میں ڈوب کر سراغِ زندگی پایا اور اسی علم کے بحرِ بے کراں بن کر اس کے دامن کو وسیع اور تشنگانِ علم کو سیراب کیا۔

اس دنیائے فانی میں بسنے والے ہر انسان کا لمحہ بتدریج اس کی شخصیت کی تکمیل کرتا ہے۔ زمانہ اسے مبلغ، محدث، مؤرخ، محقق، مقرر، مصلح، مربی و محسن کے خطابات عطا کرتا ہے۔ ایسے شخص کی زندگی سراپا علم و عمل، سراپا جہاد اور عالم انسانیت کے لیے سرچشمہ ہوتی ہے۔ وہ زندہ رہتا ہے تو محترم و مکرم ہو کر زندگی کے لمحات گزارتا ہےاور اس عالمِ فنا سے منہ موڑتا ہے تو اپنے پیچھے نہ بھلائے جا سکنے والے کارناموں کی ایک تاریخ رقم کر جاتا ہے۔ ایک پورا زمانہ، ایک پورا عہد اس کی شخصیت سے منسوب ہو جاتا ہے۔ مستقبل کے محرر و مؤرخ اسے اوراقِ تاریخ میں یاد گار زمانہ قرار دیتے ہیں۔

آپ کے بارے میں معلومات اپڈیٹ کی جائیں گی۔

Born

Death

سید کفایت حسین نقوی

سید کفایت حسین نقوی

سید کفایت حسین نقوی

Author Books