شیخ الطائفہ کی یہ کتاب محمد و آل محمد علیہم السلام سے مروی انمول روایات و اخبار کا وہ خزانہ ہے جو دنیا و آخرت کی امارت کا ضامن بن سکتا ہے، عقائد کی پختگی، مذہب کی تفہیم، تاریخ کی تعلیم، فقہ کی ترویج، اور عمل کی ترغیب سے مملو کتاب ہم تک پہنچاکر شیخِ ممدوح نے عظیم کارنامہ انجام دیا ہے، ان کے بے شمار علمی شاہکار تشیع کی بنیادوں کو مضبوط کرنے کا باعث بنے۔
زیرنظر کتاب الأمالی محمد ابن حسن الطوسی(متوفی 460 ھ) کی تالیف ہے۔ اس کتاب میں وہ روایات ہیں جن کو شیخ الطائفہ نے اپنے طلباء کے لئے نجف اشرف میں باقاعدہ دروس کے دوران نقل کیا تھا۔ کتاب کی پہلی مجلس 455 ہجری میں منعقد ہوئی تھی، اور آخری 458 ہجری میں ہوئی تھی، اور 19 ویں مجلس سے لے کر کتاب کے آخر تک، جمعہ کو تھی، جس کی صحیح تاریخ ہر ایک مجلس کے آغاز میں مذکور ہے۔
تراجم کی کتابوں میں 30 سے ​​زائد کتابوں کا تذکرہ "امالی" کے عنوان سے ہوا ہے، اور ان میں سے مشہور کتابوں میں شیخ صدوق، شیخ مفید، سید مرتضیٰ اور شیخ طوسی جیسی امالیاں مشہور ہیں۔
امالی ان مطالب کو کہا جاتا ہے جسے استاد کسی مجلس یا کسی خاص وقت پر  اپنے حافظے سے یا اپنی کتاب سے شاگردوں کے سامنے بیان کرتا ہے اور وہ شاگرد ان تمام مطالب کو لکھ لیتے ہیں اس لیے اسے ''المجالس'' اور عرض المجالس بھی کہتے ہیں۔
شیخ طوسی کی کتاب امالی ان کے بیٹے ابو علی طوسی کے توسط سے روایت ہوئی ہے، اسی وجہ سے کتاب کے کچھ حصے ابو علی کے مانے جاتے ہیں؛ اگرچہ یہ درست نہیں ہے اور یہ ساری کتاب شیخ نے اپنے طلباء کو املاء کروائی ہیں جن میں  ابو علی بھی تھے۔
موجودہ کتاب میں 1537 روایات ہیں جن کا اہتمام 46 مجالس میں کیا گیا ہے اور ان بیانات کے لئے سیریل نمبر ڈالے گئے  ہیں اور ہر مجلس کا بھی نمبروار اندراج  کیا گیا ہے۔
اگرچہ کتاب «الأمالی» کا موضوع ترتیب سے نہیں ہے، اسی وجہ سے، کتاب سے کوئی ایک خاص موضوع حاصل کرنا مشکل معلوم ہوتا ہے، لیکن کتاب کو دیکھ کر قاری کو پتہ چل جاتا ہے کہ ولایت اور فضائل امیرالمؤمنین علیہ السلام سے مربوط روایات حجم میں کتاب کے بہت سارے حصے کواحاطہ کیے ہوئے ہے۔
شیخ طوسی نے احادیث کے تمام سلسلۂ سند کا تذکرہ کیا ہے اور مرسل یا مقطوع روایت بہت کم نظر آتی ہیں لہذا یہ کہا جاسکتا ہے کہ شیخ طوسیؒ کی امالی میں منتخب روایتیں ہیں جن کو شیخ نے ہزاروں روایتوں میں سے منتخب کیا ہے۔
الامالی مضامین کی مختلف نوعیت کے لحاظ سے بہت دلچسپ ہے کیوں کہ اصول دین اور معرفت خدا، فضایل معصومینؑ و سیرۂ نبوی، ادعیہ مأثوره اور وقایع تاریخی و سیاسی جیسے ہجرت به حبشه اور مقتل امام حسین(ع) و قیام مختارجیسے مضامین اس میں شامل ہیں۔
ان امور سے متعلق روایتوں کے علاوہ مختلف موضوعات جیسے اخلاق سے متعلق روایتیں، کھانے پینے کے آداب اور مسجد کے آداب وغیرہ بھی اس کتاب میں آئے ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

امالی (مجالس) الشیخ الطوسی ج۲

امالی (مجالس) الشیخ الطوسی ج۱

آ پ کا نام محمد بن حسن ہے اور آپ کی ولادت شیخ صدوقؒ کی وفات کے چار سال بعد ایران کےماہ مبارک رمضان   سنہ  385؍ہجری میں ایران کے شہر خراسان میں  ہوئی ۔
آپ کی کنیت ابو جعفر ہے اور کبھی کبھار آپ کو شیخ کلینی اور شیخ صدوق کے مقابلے میں چونکہ آپ  کی کنیت بھی ابو جعفر ہیں آپ کو ابو جعفر ثالث کہا جاتا ہے۔لیکن آپ    شیخ طوسی و شیخ الطائفہ کے نام سے زیادہ  معروف ہیں۔ آپ   شیعوں کے مایا  ناز فقہاء اور محدثین میں سے ہیں۔ آپ کتب اربعہ میں سے دو کتابوں، التہذیب الاحکام اور الاستبصار کے مؤلف ہیں۔
آپ ؒ سنہ 408 ہجری کو 23 سال کی عمر میں عراق تشریف لے گئے اور 5 سال تک شیخ مفید کی شاگردی میں رہے۔ آپ شیخ مفید کے علاوہ 3 سال حسین بن عبداللہ غضائری و نیز ابن حاشر بزاز، ابن ابی جید اور ابن الصلت کے شاگرد بھی رہے ہیں۔ آپ نے سید مرتضی کو بھی درک کیا ہے۔
عباسی خلیفہ القائم بامر اللہ نے بغداد میں علم کلام کی تدریس آپ کے سپرد کی۔ آپ کی شاگردی میں تقریبا 300 علماء شامل تھے آپ اسی منصب پر فائز رہے یہاں تک کہ سلجوقی ترکیوں نے بغداد فتح کیا اور سنہ 447 میں طغرل بغداد میں آئے اور اس نے شاپور لائبریری کو جلا ڈالا۔
سنہ 448 کو اہل تشیع اور اہل سنت کے درمیان تصادم ہوا۔ ابن جوزی کہتے ہیں انہی حوادث کے دوران شیخ طوسی بغداد سے چلے گئے اور سنہ 449 میں آپ کا گھر مسمار کیا گیا۔ اس کے بعد آپ نجف اشرف چلے گئے اور اپنی عمر کے آخری 12 سال نجف اشرف میں ہی گزاریں ۔اور حوزہ علمیہ نجف کی بنیاد رکھی اگرچہ کہا جاتا ہے کہ یہ حوزہ ان سے قبل بھی موجود تھا۔
علمی مقام منزلت:
آپ  شیعہ فقہاء میں ایک ممتاز مقام رکھتے تھے یہاں تک کہ آپ کو  شیخ الطائفہ یعنی فقہاء کا استاد کہا جاتا تھا۔ آپ  نے علم فقہ اور اصول میں مطلق اجتہاد کی بنیاد رکھی۔ علم فقہ میں جب بھی لفظ "شیخ" استعمال کیا جاتا ہے تو اس سے مراد آپ کی ذات  ہوتی ہے۔
شیخ طوسی کے بعد کسی میں ان کے نظریات سے مخالفت کرنے کی جرأت نہیں تھی یہاں تک کہ ابن ادریس (متوفی 597 ھ) نے ان کے نظریات پر تنقید شروع کی۔ آپ کی کتاب نہایہ شیعہ مدارس میں پڑھائی جانے والی درسی کتابوں میں شامل تھی۔ جب محقق حلی (متوفی 676 ھ) نے کتاب شرایع الاسلام لکھی تو طلاب علوم دینی اس کتاب کو شیخ طوسی کی کتابوں سے پہلے پڑھتے تھے۔ شیخ طوسی نے علم فقہ کے تمام ابواب میں کتابیں تألیف کی ہیں اور ہر شعبے میں انکی کتابیں متأخرین کیلئے مرجع علمی ہوا کرتی تھی کیونکہ ان سے پہلے موجود بہت سارے منابع کرخ میں شاپور لائبریری کی آگ لگنے کے وقت جل کر راکھ ہو گئی تھیں۔
آپ کے  اساتید:
شیخ طوسی کے اساتید بہت زیادہ ہیں۔ میرزا حسین نوری نے مستدرک وسائل الشیعہ میں ، 37 افراد کو ان کے اساتید کے عنوان سے ذکر کیا ہے لیکن شیخ طوسی اکثرا جن اساتید سے روایات نقل کرتے ہیں ان کی تعداد 5 ہے:
شیخ ابو عبداللہ احمد بن عبدالواحد بن احمد بزاز، معروف بہ ابن حاشر و ابن عبدون متوفی 423 ھ
شیخ احمد بن محمد بن موسی، معروف بہ ابن صلت اہوازی متوفی 408 ھ
شیخ حسین بن عبیداللہ بن غضائری، متوفی 411 ھ
شیخ ابوالحسین علی بن احمد بن محمد بن ابی جید، متوفی بعد از 408 ھ
ابو عبداللہ محمد بن محمد بن نعمان مشہور بہ شیخ مفید، متوفی 413 ھ
آپ کے شاگرد:
اہل تشیع اور اہل سنت کے 300 سے زیادہ مجتہدین و علماء نے شیخ طوسی کی شاگردی اختیار کی ہیں۔ جن میں سے بعض کے نام یہ ہیں:
آدم بن یونس بن ابی مہاجر نسیفی۔ابوبکر احمد بن حسین بن احمد خزاعی نیشابوری۔ابوطالب اسحاق بن محمد بن حسن بن حسین بن محمد بن علی بن حسین بن بابویہ قمی۔ابو ابراہیم اسماعیل برادر اسحاق مذکور۔ابو الخیر برکۃ بن محمد بن برکۃ اسدی۔ابوالصلاح تقی بن نجم الدین حلبی۔ابو ابراہیم جعفر بن علی بن جعفر حسینی۔شمس الاسلام حسن بن حسین بن بابویہ قمی، معروف بہ حس۔ابو محمد حسن بن عبدالعزیز بن حسن جبہانی۔ابو علی حسن بن شیخ الطائفۃ محمد بن حسن طوسی۔موفق الدین حسین بن فتح واعظ جرجانی۔محیی الدین ابو عبداللہ حسین بن مظفر بن علی بن حسین حمدانی۔ابو الصمصام و ابوالوضاح ذوالفقار بن محمد بن معبد حسینی مروزی۔زین بن علی بن حسین حسینی۔زین بن داعی حسینی۔سعد الدین بن براج۔ابو الحسن سلیمان بن حسن بن سلمان صہرشتی۔شہرآشوب سروی مازندرانی، جد شیخ محمد بن علی مؤلف معالم العلماء و المناقب۔صاعد بن ربیعۃ بن ابی غانم۔عبدالجبار بن عبداللہ بن علی المقرئ رازی معروف بہ مفید۔ابو عبداللہ عبدالرحمن بن احمد حسینی خزاعی نیشابوری معروف بہ مفید۔موفق الدین ابوالقاسم عبیداللہ بن حسن بن حسین بن بابویہ۔علی بن عبدالصمد تمیمی سبزواری۔غازی بن احمد بن ابی منصور سامانی۔کردی بن عکبر بن کردی فارسی۔جمال الدین محمد بن ابی القاسم طبری آملی۔ابو عبداللہ محمد بن احمد بن شہریار خازن غروی۔ محمد بن حسن فتال نیشابوری، صاحب روضۃ الواعظین۔ابوالصلت محمد بن عبدالقادر بن محمد۔ابوالفتح محمد بن علی کراجکی۔ابو جعفر محمد بن علی بن حسن حلبی۔ابوعبداللہ محمد بن ہبۃ اللہ الطرابلسی۔سید مرتضی ابوالحسن مطہر بن ابی القاسم علی بن ابی الفضل محمد حسینی دیباجی۔منتہی بن ابی زید بن کیابکی حسینی جرجانی۔منصور بن حسین آبی۔ابوابراہیم ناصر بن رضا بن محمد بن عبداللہ علوی حسینی۔
آپ کے علمی آثار:
آپ شیخ طوسی مختلف علوم جیسے فقہ، کلام، تفسیر اور رجال وغیرہ میں بے شمار علمی آثار (تہذیب الأحکام، الإستبصار، الغیبہ، التبیان، الرجال،...)کے مالک ہیں۔ ان کے بعض علمی آثار محو ہو چکے ہیں۔ آقا بزرگ تہرانی نے شیخ طوسی کے علمی آثار کی فہرست کو کتاب نہایہ کے مقدمے میں ذکر کیا ہے۔( شیخ طوسی، نہایہ، مقدمہ آقا بزرگ، صص۱۷-۳۱)
وفات:
آپ نے اپنی عمر کے آخری 12 سال نجف میں زندگی گزاری اور سوموار کی رات 22 محرم سنہ 460 ہجری میں وفات پائی۔ آپ کے شاگرد حسن بن مہدی سلیقی، حسن بن عبدالواحد عین زربیاور ابوالحسن لولوی نے انہیں غسل دیا اور ان کے گھر میں ہی انہیں سپرد خاک کیا گیا۔آپ کی وصیت کے مطابق آپ کا گھر ابھی بھی دینی علوم کیلئے درسگاہ کے طور پر استعمال ہوتا ہے اور اب یہ مسجد میں تبدیل ہو گیا ہے۔ مسجد شیخ طوسی (جسے جامع الشیخ الطوسی بھی کہا جاتا ہے) آج کل نجف اشرف کی مشہور ترین مساجد میں شمار ہوتی ہے۔ اب تک کئی باراس کی  توسیع و تعمیر کی گئی ہے۔

Born

Death

محمد بن حسن (شیخ طوسی)

محمد بن حسن (شیخ طوسی)

Born:

Death:

محمد بن حسن (شیخ طوسی)

Author Books