پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

is suggested

Rate

View

Votes

مفاتیح الجنان

مفاتیح الجنان جس کے معنی جنت کی کنجیوں کے ہیں، شیعوں کے یہاں سب سے زیادہ معروف اور مشہور دعاؤں کی کتاب ہے جسے شیخ عباس قمی نے تالیف کیا ہے۔ یہ کتاب پیغمبر اکرمؐ، ائمہ معصومینؑ اور بعض جلیل القدر شیعہ علماء سے منقول مختلف دعاؤں، مناجاتوں، زیارتوں، سال کے مختلف مہینوں اور ایام کے مخصوص اعمال و عبادات پر مشتمل ہونے کے ساتھ ساتھ مختلف دینی آداب و رسوم کا مجموعہ ہے۔ مؤلف نے اس کتاب کے اکثر مضامین کو سابقہ کتب منجملہ: اقبال الاعمال، زاد المعاد اور مصباح کفعمی سے اقتباس کیا ہے۔
مفاتیح الجنان پہلی مرتبہ سنہ 1344 ہجری کو مشہد مقدس میں شایع ہوئی اور مختصر عرصے میں ہمہ گیر ہوئی۔ یہ کتاب پوری دنیا کے شیعیان اہل بیتؑ کے گھروں، مساجد و مقدس مقامات پر قرآن کے ساتھ ساتھ پائی جاتی ہے اور خاص دینی، مذہبی مواقع اور مناسبتوں میں مستحب اعمال کے لئے اس کی طرف رجوع کیا جاتا ہے۔ فارسی میں مفاتیح الجنان کا مشہور ترین ترجمہ مہدی الہی قمشہ ای کا ترجمہ ہے جبکہ اردو سمیت دنیا کی تقریبا تمام زندہ زبانوں میں اس کتاب کا ترجمہ موجود ہے۔ محدث قمی نے اپنی کتاب باقیات الصالحات کو بھی مفاتیح کی طرز پر تحریر اور اس کے ساتھ ضمیمہ کیا ہے جو مختلف اشاعتوں میں مفاتیح کے حاشیے کے طور پر درج ہے۔
مفاتیح نوین اور منہاج الحیاۃ مفاتیح الجنان کے مضامین کی مستند سازی اور مفاتیح الحیات، مفاتیح الجنان کی تکمیل کی خاطر لکھی گئی ہے۔ اس کتاب کے مختلف خلاصے مختلف ناموں سے منظر عام پر آ چکے ہیں۔
سبب تالیف
شیخ عباس قمی خود اس حوالے سے فرماتے ہیں کہ اس کتاب کو میں نے مِفتاح الجنان کی اصلاح کی خاطر لکھا جو اس زمانے میں دعاؤں کی رائج ترین کتاب تھی لیکن اس میں بغیر سند کے دعائیں مذکور تھیں۔ بعض مؤمنین نے مجھ سے تقاضا کیا کہ مفتاح الجنان کی سند پر مشتمل دعاوں کو جدا کر کے دیگر معتبر دعاوں کے ساتھ تحریر کروں۔
لیکن اسکے باوجود شیخ عباس قمی نے مفاتیح میں بھی دعاوں کو ان کے اسناد کے ساتھ ذکر نہیں کیا ہے بلکہ صرف انکے مآخذ کے ذکر کرنے پر اکتفاء کیا۔نیز مفاتیح الجنان میں بھی بعض ایسی دعائیں نقل کی ہیں جو ائمہ معصومین(ع) سے نقل نہیں ہوئیں بلکہ بعض علماء کی زبان سے نقل ہوئی ہیں جیسے دعائے عدیلہ۔
فاتیح الجنان کے آغاز پر قرآن کریم کی چند سورتیں درج ہیں جس کے بعد یہ کتاب مختلف حصوں پر مشتمل ہے:
پہلا حصہ: دعائیں
یہ حصہ نمازوں کے بعد پڑھی جانے والی دعاؤں (تعقیبات) اور ہفتے کے شب و روز کے اعمال پر مشتمل ہے۔ اس حصے میں موجود مشہور نمازوں میں منجملہ: نماز رسول اکرم ؐ، نماز امیرالمؤمنین ؑ، نماز حضرت فاطمہ (س) اور نماز جعفر طیار قابل ذکر ہیں۔ اس کے علاوہ اس حصے میں ہفتے کے مختلف ایام میں معصومین ؑ کی زیارت، بعض دعائیں اور مناجاتیں جیسے: امام سجاد ؑ سے منقول مناجات خمسۃ عشر، مسجد کوفہ میں علی ؑ کی مناجات، دعائے سمات، دعائے کمیل، دعائے جوشن صغیر، دعائے جوشن کبیر اور دعائے مکارم الاخلاق وغیرہ ذکر ہوئی ہیں۔
دوسرا حصہ: سال کے اعمال
اس حصے میں ہجری قمری سال کی مختلف مناسبتوں کے مستحب اعمال بیان کئے گئے ہیں۔ اس حصے کا آغاز ماہ رجب کے اعمال کے بیان سے ہوا ہے اور آخر میں جمادی الثانی تک کے اعمال کو مفصل طور پر بیان کیا گیا ہے اور اس حصے کا خاتمہ نوروز اور رومی مہینوں کے اعمال کے بیان پر ہوا ہے۔
ماہ شعبان کے اعمال میں مناجات شعبانیہ، ماہ رمضان کے اعمال میں دعائے ابوحمزہ ثمالی، دعائے افتتاح، دعائے سحرِ معروف اور لیلۃ القدر کے اعمال اور ماہ ذوالحجہ کے اعمال کے ضمن میں مام حسینؑ کی دعائے عرفہ اس حصے میں مندرج مشہورترین اعمال اور دعائیں ہیں جو مفاتیح کی معروف ترین دعاؤں میں شمار ہوتی ہیں۔
تیسرا حصہ: زیارات
اس حصے کے آغاز میں سفر اور زیارت کے آداب نیز مراقد مقدسہ و مشاہد مشرفہ میں داخل ہونے کیلئے اذن دخول کو ذکر کیا گیا ہے۔
اس حصے کی پہلی زیارت رسول خداؐ کی زیارت ہے جس کے بعد حضرت فاطمہ(س) کی زیارت اور بعد ازاں ائمۂ بقیع کی زیارت درج ہے۔
ائمہ معصومینؑ کی زیارتوں کے علاوہ اس حصے میں امام زادگان، نیز بعض بزرگان دین اور شیعہ علمائے کرام کے زیارت نامے بھی شامل ہیں۔ حضرت حمزہ، مسلم بن عقیل، فاطمہ بنت اسد(س)، شہدائے احد، سلمان فارسی وغیرہ کے زیارتنامے، اور مسجد کوفہ اور مسجد صعصعہ سمیت بعض معروف و مشہور مساجد کے اعمال بھی اسی باب میں مندرج ہیں۔
اس باب کا طویل ترین حصہ زیارت امام حسین سے مختص کیا گیا ہے۔ امام حسینؑ کے مشہور ترین زیارت نامے اسی حصے میں مندرج ہیں جیسے: زیارت عاشورا، زیارت اربعین اور زیارت وارث۔
شیخ عباس قمی، نے دعائے ندبہ، دعائے عہد، اور زیارت جامعۂ کبیرہ کو زیارت امام زمانہ(عج) کے حصے میں قرار دیا ہے۔
امام زمانہ(عج) کے مختلف زیارتناموں کے بعد زیارت انبیاء، زیارت حضرت معصومہ(س) اور زیارت عبدالعظیم حسنی درج ہیں۔
مفاتیح کے اس حصے کا آخری موضوع جو مفاتیح کی ابتدائی نسخے کے مطابق مفاتیح کے آخری مطالب میں شمار ہوتے ہیں، زیارت قبور مؤمنین اور اس سے متعلقہ دعاؤں سے مربوط ہے۔
مفاتیح الجنان کے ملحقات
مؤلف نے دوسری اشاعت میں ملحقات مفاتیح الجنان کے عنوان سے ایک اور باب کا اضافہ کیا ہے جس میں مؤلف نے آٹھ مطالب کا اضافہ کیا ہے جن کی تفصیل یہ ہیں:
دعا و وداع رمضان المبارک
عید فطر کے خطبے
زیارت جامعۂ ائمۃ المؤمنین
زیارت کے بعد پڑھی جانے والی دعا
زیارت وداع ائمہ ؑ
رقعۂ حاجت
غیبت امام زمانہ(عج) کی دعا
نیابتی زیارت کے آداب
مؤلف نے اس کتاب میں مزید کسی چیز کے اضافے کی خوف سے ایسا کرنے والوں کو خدا و رسول اور ائمہ اطہار کی لعنت کا مستحق قرار دیا ہے۔ لیکن ان کے نہ چاہتے ہوئے اور ان کی اجازت کے بغیر مفاتیح کے ناشروں نے اس کتاب میں ملحقات دوم کے عنوان سی بعض اور مطالب کا اضافہ کئے ہیں۔ ان ناشروں نے اپنے اس کام کی علت یوں بیان کرتے ہیں کہ چونکہ مؤلف نے مفاتیح الجنان میں بعض دعاؤوں کو طولانی ہونے کی وجہ سے صرف ان کا نام یا کچھ حصہ ذکر کیا ہے۔ ہم نے ان دعاؤوں کے بقیہ حصوں کو بھی نشر کیا تاکہ اس کتاب کے ہوتے ہوئے لوگوں کو کسی اور کتاب کی ضرورت پیش نہ آئے۔ اس سلسلے میں چونکہ مفاتیح میں امام زادوں کیلئے کوئی زیارت نامہ نقل نہیں ہوا تھا اسلئے ہم نے یہاں پر ایک زیارت نامہ ان کیلئے بھی ذکر کئے ہیں۔ انہی ملحقات میں نماز امام حسین ؑ اور نماز امام محمد تقی ؑ کے بعد کی دعا اور حدیث کساء بھی ہیں۔
کتاب باقیات الصالحات
یہ مؤلف کی مستقل کتاب ہے جسے انہوں نے مفاتیح کے حاشیے میں منتشر کیا ہے۔ خود مؤلف کے بقول مفاتیح کے اس حصے کی تحریر بروز جمعہ 19 محرم سن 1345 ہجری کو ختم ہوئی۔ یہ کتاب مفاتیح کے حاشیے کے عنوان سے چھ ابواب اور ایک ملحقہ پر مشتمل ہے۔
اس حصے کے مندرجات:
پہلا باب: روزانہ کے اعمال کا خلاصہ، جس میں دن اور رات کے مختلف اوقات کے اعمال اور دعائیں نیز نماز شب کی کیفیت و آداب مندرج ہے۔
دوسرا باب: اس باب میں نماز ہدیہ معصومین ؑ، لیلۃ الدفن کی نماز، حاجات کی نمازیں، استغاثہ کی نمازیں، ایام ہفتہ کی نمازیں اور بعض دیگر مستحب نمازیں مندرج ہیں۔ مؤلف نے استخارہ کی اقسام بھی اسی باب میں بیان کی ہیں۔
تیسرا باب: یہ باب مختلف بیماریوں، مشکلات اور پریشانیوں سے نجات کے لئے مخصوص دعاؤں اور تعویذات پر مشتمل ہے۔
چوتھا باب: یہ باب کتاب شریف الکافی کی منتخب دعاؤں پر مشتمل ہے اور اس باب کی بیشتر دعائیں مختلف مشکلات اور دشواریوں کے خاتمے اور دنیوی حوائج کی برآوردگی کیلئے مؤثر ہیں۔
پانچواں باب: یہ باب بعض مختصر احراز اور دعاؤں پر مشتمل ہے جنہيں مہج الدعوات و مجتنی سے منتخب کیا گیا ہے۔ اس باب میں بلاؤں سے دور رہنے کی دعائیں (احراز) نیز چند مناجاتیں اور وسعت رزق کی دعائیں شامل ہیں۔
چھٹا باب: بعض سورتوں اور آیات کریمہ کے خواص، چند دعاؤں اور متفرقہ موضوعات پر مشتمل ہے۔ اس باب میں قرآن کی بعض سورتوں اور آیات کے خواص بیان کئے گئے ہیں جو روزمرہ مشکلات و مسائل کے حل اور حاجات کے برآوردہ ہونے کے لئے مؤثر ہیں۔ مطلوبہ افراد کو خواب میں دیکھنے کا عمل، مطالعہ کے آداب، دعائے عقیقہ اور قرآن کریم سے استخارہ کی مختلف قسموں کو اسی باب میں بیان کیا گیا ہے۔
خاتمہ: اس باب میں احکام میت کو اجمالی طور پر بیان کیا گیا ہے۔

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

مفاتیح الجنان اردو

مفاتیح الجنان جس کے معنی جنت کی کنجیوں کے ہیں، شیعوں کے یہاں سب سے زیادہ معروف اور مشہور دعاؤں کی کتاب ہے جسے شیخ عباس قمی نے تالیف کیا ہے۔ یہ کتاب پیغمبر اکرمؐ، ائمہ معصومینؑ اور بعض جلیل القدر شیعہ علماء سے منقول مختلف دعاؤں، مناجاتوں، زیارتوں، سال کے مختلف مہینوں اور ایام کے مخصوص اعمال و عبادات پر مشتمل ہونے کے ساتھ ساتھ مختلف دینی آداب و رسوم کا مجموعہ ہے۔ مؤلف نے اس کتاب کے اکثر مضامین کو سابقہ کتب منجملہ: اقبال الاعمال، زاد المعاد اور مصباح کفعمی سے اقتباس کیا ہے۔
مفاتیح الجنان پہلی مرتبہ سنہ 1344 ہجری کو مشہد مقدس میں شایع ہوئی اور مختصر عرصے میں ہمہ گیر ہوئی۔ یہ کتاب پوری دنیا کے شیعیان اہل بیت ؑ کے گھروں، مساجد و مقدس مقامات پر قرآن کے ساتھ ساتھ پائی جاتی ہے اور خاص دینی، مذہبی مواقع اور مناسبتوں میں مستحب اعمال کے لئے اس کی طرف رجوع کیا جاتا ہے۔ فارسی میں مفاتیح الجنان کا مشہور ترین ترجمہ مہدی الہی قمشہ ای کا ترجمہ ہے جبکہ اردو سمیت دنیا کی تقریبا تمام زندہ زبانوں میں اس کتاب کا ترجمہ موجود ہے۔ محدث قمی نے اپنی کتاب باقیات الصالحات کو بھی مفاتیح کی طرز پر تحریر اور اس کے ساتھ ضمیمہ کیا ہے جو مختلف اشاعتوں میں مفاتیح کے حاشیے کے طور پر درج ہے۔
مفاتیح نوین اور منہاج الحیاۃ مفاتیح الجنان کے مضامین کی مستند سازی اور مفاتیح الحیات، مفاتیح الجنان کی تکمیل کی خاطر لکھی گئی ہے۔ اس کتاب کے مختلف خلاصے مختلف ناموں سے منظر عام پر آ چکے ہیں۔

سیرت معصومینؑ ج۲

سیرت معصومینؑ ج۱

''منازل آخرۃ'' مرنے کے بعد کیا ہوگا؟

عباس بن محمدرضا قُمی (شیخ عباس قمی) سنہ 1394 ہجری میں قم میں پیدا ہوئے۔ ان  کے والد محمد رضا قمی ایک متدین اور دینی امور میں لوگوں کیلئے ایک مرجع کی حیثیت رکھتے تھے جن سے وہ اپنے دینی وظائف سے آگاہ ہوتے تھے۔ ان کی والدہ بانو زینت بھی ایک متدین اور پارسا خانون تھیں۔محدث قمی ان کے بارے میں کہتے ہیں کہ میں جس مقام پر پہنچا ہوں وہ میری ماں کی مرہون منت ہے کیونکہ ان کی ہمیشہ کوشش یہی تھی کہ مجھے باوضو دودھ پلائیں۔
اساتید:
شیخ عباس قمی نے ابتدائی تعلیم قم میں حاصل کی جہاں انہوں نے درج ذیل اساتید سے کسب فیض کیا:
میرزا محمد ارباب قمی ، شیخ ابو القاسم قمی ، سید احمد طباطبایی قمی آپ کے سسر ، شیخ محمد حسین قمی استاد خط نستعلیق۔
محدث قمی نے اعلی تعلیم کیلئے مختلف اسلامی ملکوں کا سفر کیا:
روانگی نجف اشرف:
شیخ عباس قمی سنہ 1316 ھ 22 سال کی عمر میں نجف اشرف چلے گئے۔ جہاں انہوں نے درج ذیل استاتید سے کسب فیض کیا:
سید محمد کاظم طباطبایی یزدی مولف کتاب فقہی العروۃ الوثقی ، میرزا حسین نوری محدث نوری، صاحب کتاب المستدرک ، میرزا محمد تقی شیرازی جو میرزائے دوم سے معروف ہیں۔ سید حسن صدر کاظمی ، سید ابو الحسن نقوی لکھنوی۔ شیخ عباس قمی نجف میں اقامت کے دوران سنہ 1318 ہجری میں حج کیلئے مکہ تشریف لے گئے۔
ایران واپسی:
محدث قمی نے سنہ 1322 ہجری میں محدث نوری کی وفات کے بعد نجف کو ترک کرکے ایران کا رخ کیا۔ ایران میں قیام کے دوران کئی بار عتبات عالیات کی زیارت کیلئے تشریف لے گئے اور دبارہ حج سے مشرف ہوئے۔سنہ 1332 ہجری کو محدث قمی نے مشہد مقدس کی طرف سفر کیا اور وہیں پر زندگی گزارنے لگے۔ آقا حسین قمی کے کہنے پر انہوں نے مشہد میں قیام کا ارادہ کیا اور سنہ 1354 ہجری تک وہیں مقیم رہے۔موصوف اپنی کتاب فوائد الرضویہ کے مقدمے میں لکھتے ہیں کہ بہت زیادہ گرفتاریوں اور سختیوں کی وجہ سے جن تفصیل طولانی ہے، میرے ذہن میں یہ خیال آیا کہ امام علی ابن موسی الرضا علیہ السلام جو غریبوں کی پناگاہ اور متقیوں کے امام ہیں، سے پناہ مانگوں۔
مشہد مقدس میں ان کے بعض اساتید درج ذیل ہیں:
آقا بزرگ حکیم شہیدی
میرزا محمد خراسانی فرزند آخوند خراسانی
شیخ مرتضی آشتیانی
حاج آقا حسین قمی
میرزا عبد الجواد ادیب نیشابوری۔
مشہد میں 22 سالہ قیام کے دوران انہوں نے مختلف کتابیں لکھیں اور بہت زیادہ مجالس اور محافل سے خطاب کئے جو ہر خاص و عام میں مقبول ہوئے۔انہوں نے ان مجالس اور محافل میں امریکیوں کی مخالفت اور لوگوں میں شعور پیدا کرنے کی خاطر تقاریریں کیں جس کی وجہ سے مشہد کے ڈیموکریٹک حذب کی جانب سے قتل کی دھمکی بھی ملی۔
شیخ عباس قمی مسجد گوہرشاد مشھد، جس میں بہت سارے لوگ قتل ہوئے اور حاج آقا حسین قمی کو جلاوطن کیا گیا، کے بعد سنہ 1354 ہجری کو نجف اشرف چلے گئے اور زندگی کے آخری ایام تک وہی پر قیام پذیر ہوئے۔
ذاتی اور اخلاقی خصوصیات:
آقا بزرگ تہرانی جو شیخ عباس قمی کے دوستوں میں سے ہیں موصوف کے بارے میں کہتے ہیں: وہ انسان کامل اور علم فضل کا اعلی نمونہ تھے اور تمام اچھے صفات جیسے حسن خلق اور تواضح وغیرہ کے حامل تھے۔ سلیم الذات اور شریف النفس تھے اور غرور اور شہرت طلبی سے دوری اختیار کرتے اور ایک زاہدانہ زندگی گزارتے تھے۔ میں جتنا عرصہ ان کے ساتھ رہا ان سے مانوس ہوا اور میری جان اور روح ان کی جان اور روح میں گھل مل گئی۔
شاگرد:
آقا بزرگ طہرانی۔ سید احمد موسوی مستنبط ۔سید احمد معروف سید آقا تستری جزائری ۔شیخ حسین مقدس مشہدی ۔شیخ میرزا حیدر قلی خان سردار کابلی ۔سید شہاب الدین مرعشی نجفی ۔شیخ عبد الحسین رشتی ۔حاج ملا علی واعظ خیابانی تبریزی ۔سید علی مدد قائنی خراسانی ۔ سید علی نقی فیض الاسلام طہرانی ۔شیخ محمد تقی مقدس طہرانی ۔شیخ محمد صادق صدر الشریعۃ تنکابنی ۔شیخ محمدعلی اردوبادی ۔شیخ محمد مہدی شرف الدین واعظی تستری ۔سید محمد ہادی میلانی ۔سید مصطفی صفایی خوانساری ۔سید میرزا مہدی شیرازی ۔شیخ یوسف بیارجمندی حائری ۔ شیخ یوسف بن عبد علی رجایی مغزی۔
علمی آثار:
مفاتیح الجنان شیخ عباس قمی کی مشہور ترین تالیف ہے جو دعاوں، زیارتوں اور پیامبر اکرم(ص) و ائمہ اطہار(ع) سے منقول مناجات پر مشتمل ہے۔
تحفۃ الاحباب (علم رجال میں)۔ الدر النظیم فی لغات القرآن العظیم ۔کحل البصر فی سیرۃ سید البشر ۔کتاب نقد الوسائل شیخ حر عاملی ۔تقسیم بدایۃ الہدایۃ اثر شیخ حر عاملی ۔شرح کتاب الوجیزۃ شیخ بہائی ۔فیض القدیر فیما یتعلق بحدیث الغدیر ۔علم الیقین (علامہ مجلسی کی کتاب حق الیقین کا خلاصہ) ۔مقالید الفلاح فی عمل الیوم و اللیلہ۔ مقلاد النجاح (خلاصہ کتاب مقالید الفلاح)۔ بحارالانوار کی گیارویں جلد کا خلاصہ۔ شرح کلمات قصار نہج البلاغہ ۔ہدیۃ الانام الی وقایع الایام (کتاب فیض العلوم کا خلاصہ) ۔فیض العلام فی وقایع الشهور و الایام (دنوں اور مہینوں کے واقعیات کے بارے میں) ۔سفینۃ البحار و مدینۃ الحکم و الآثار؛ یہ کتاب بحار الانوار کا موضوعی خلاصہ ہے۔تحفۃ الاحباب فی تراجم الاصحاب. (حضرت محمد (ص) اور ائمہ اطہار(ع) کے اصحاب کے بارے میں)۔ فوائد الرجبیۃ فیما یتعلق بالشہور العربیۃ ۔ الدرۃ الیتیۃ فی تتمات الدرۃ الثمینۃ ۔ہدیۃ الزائرین و بہجۃ الناظرین ( قبور ائمہ اطہار علیہم السلام کی زیارت اور اس کے ثواب کے بارے میں اور اماموں کے روضوں میں مدفون علماء اور مؤمنین کی نشاندہی)۔ اللئالی المنثورۃ فی الاحراز و الاذکار المذکورۃ (دعا اور دوسرے مستحبات کے بارے میں)۔ الفصول العلیہ فی المناقب المرتضویہ (علی بن ابی طالب (ع) کے مناقب اور مکارم اخلاق)۔ سبیل الرشاد۔ حکمۃ بالغہ و مأۃ کلمۃ جامعۃ (عقاید اور اصول دین کے بارے میں حضرت علی علیہ السلام کے مختصر جملات) ۔ذخیرۃ الابرار فی منتخب انیس التجار۔ غایۃ القصوی فی ترجمۃ العروۃ الوثقی (سید محمد کاظم طباطبایی یزدی کی کتاب العروۃ الوثقی کا فارسی ترجمہ)۔ التحفۃ الطوسیۃ و النفحۃ القدسیۃ (امام رضا علیہ السلام کی زیارت اور آپ کے روضہ اقدس سے مربوط بعض فوائد)۔ نفس المہموم (مقتل امام حسین (ع)۔ نفثۃ المصدور. (نفس المہموم کا تکملہ) ۔الانوار البہیہ فی تاریخ الحجج الالہیہ۔  گناہان کبیره و صغیره کے بارے میں ایک کتابچہ ۔منازل الآخرۃ ۔شیخ طوسی کی کتاب مصباح المتہجد کا ترجمہ ۔ نزہۃ النواظر ۔ مقامات العلیہ ( معراج السعادۃ کا خلاصہ) ۔ ترجمہ جمال الاسبوع ۔ منتہی الآمال فی تواریخ النبی و الآل ( پیامبر (ص) اور اماموں کی تاریخ)۔ تتمۃ المنتہی فی وقایع ایام الخلفاء۔ تتمیم تحیۃ الزائر۔ الکنی و الالقاب. (علما اور شعرا وغیرہ کے حالات زندگی)۔ ہدیۃ الاجباب فی المعروفین بالکنی و الالقاب (کتاب الکنی و الالقاب کا خلاصہ)۔ فوائد الرضویہ فی احوال علماء المذہب الجعفریہ (شرح حال علمائے شیعہ)۔ بیت الاحزان فی مصائب سیدۃ النسوان۔
وفات:
محدث قمی نے سوموار کی رات 22 ذی الحجہ سنہ 1365 ہجری کو 65 سال کی عمر میں نجف اشرف میں وفات پائی۔ سید ابوالحسن اصفہانی نے روضہ امام علی علیہ السلام میں ان کی نماز جنازہ پڑھائی۔ جس کے بعد ان کے استاد محدث نوری کے جوار میں حضرت علی علیہ السلام کے روضہ اقدس میں دفن ہوئے۔

عباس بن محمدرضا قُمی (شیخ عباس قمی)

Born:

Death:

عباس بن محمدرضا قُمی (شیخ عباس قمی)

Author Books