مکتب تشیع ، علامہ مظفر کی کتاب عقائد شیعہ کا اردو ترجمہ ہے۔ یہاں شیعہ سے مراد ’’ پیروان اہلبیت محمدؑ ‘‘ یا شیعہ اثنا عشری یعنی بارہ اماموں کے ماننے والے شیعہ ہیں۔ یہ کتاب ، گہری ، تحقیق اور انتہائی تلاش و جستجو نیز پورے یقین اور اعتماد کے ساتھ ، نہایت مدلل اور فہم انداز میں ، حضرت محمد ﷺ ، ان کے اہلبیتؑ اور ان کے پیروؤں کے نقطۂ نظر سے اسلام کا تعارف کراتی ہے اور اس ضمن میں اثنا عشری شیعوں کے گراں قدر عقائد و تعلیمات کو دلکش ، سنجیدہ ، مفید اور پختہ اسلوب بیان کے ساتھ مختصر مگر جامع طریقے سے پیش کرتی ہے۔ اِعتقادات کے اس مجموعے کو مرتب کرنے کا مقصد یہ ہے کہ اسلام کے ان عقیدوں کا خلاصہ لکھ ڈالوں جو میں نے پیغمبر اسلام ﷺ کے اہلبیتؑ کے طور طریقوں سے سمجھے ہیں تاکہ یہ اس کا مقصد یہ ہے کہ یہ علم لوگوں تک پہنچے اور وہ اس سے فائدہ اٹھائیں اور اس کے ذریعے سے شیعہ امامیہ پر لگائے جانے والے بہت سے الزامات دور ہو سکیں ۔ یہ کتاب تمام اسلامی ملکوں مثلاً مصر ، لبنان ، شام ، عراق ، کویت ، ایران اور افریقی ممالک بلکہ ساری دنیا میں ایک خاص شہرت رکھتی ہے۔ یہی وجہ ہے کہ اب تک اس کتاب کے مختلف زبانوں میں متعدد ایڈیشن شائع ہو چکے ہیں۔

اس کتاب کے مطالعے سے بے تعصب پڑھنے والے یقیناً اس نتیجے پر پہنچیں گے کہ حضرت محمد ﷺ اور ان کے اہلبیتؑ کے پیروؤں کے عقیدے قرآن و سنت کے صحیح اصولوں سے مطابقت رکھتے ہیں اور جو کچھ اس مذہب اہلبیتؑ میں ملتا ہے وہ دلیل سے ثابت ، عقل کو قبول اور خرافات سے دور ہے۔اہم بات یہ ہے کہ جو کوئی مذہبوں کے بارے میں کسی نتیجے پر پہنچنا چاہتا ہے ، اس کے لیے نہایت ضروری ہے کہ وہ ان ہی مذہبوں کے ماننے والوں کی کتابوں اور تحریروں کی طرف رجوع کرے کیونکہ واقفیت حاصل کرنے کا بہترین طریقہ بھی یہی ہے۔ اس سلسلے میں یہ کتاب بہترین، جامع ،مدلل اور رہنما ثابت ہوگی۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

مکتبِ تشیع

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

ثقیفہ

سقیفہ

شیخ محمد رضا مظفر جو ایک بہت بڑے استاد اور بلند پایہ محقق ہیں ، ۵ ؍ شعبان ۱۳۲۲ ہجری قمری کو عالموں اور کاملوں کے ایک بہت بڑے خاندان میں پیدا ہوئے۔ ان کے والد شیخ محمد بن عبداللہ ایک مشہور عالم اور اپنے زمانے کے مرجع تقلید تھے۔

آپ اس عالم فاضل خاندان کے سائے میں بڑے ہوئے اور اپنے دو بڑے اور فاضل بھائیوں شیخ عبد النبی مظفر اور محمد حسن مظفر کی سرپرستی میں تعلیم پاتے رہےاور علم کے بلند درجوں پر فائز ہوئے اور فقہ ، اصول اور فلسفے کے شعبوں میں فارغ التحصیل ہوگئے۔

ان علوم کے علاوہ استاد موصوف اپنے زمانے کے دوسرے علوم سے بھی واقف تھے اور اسلامی علوم کو نئے طریقے سے بیان کرنا بھی جانتے تھے۔ وہ علمی رسالوں مثلاً المقتطف وغیرہ میں دور حاضر کی زبان اور طریقۂ استدلال کے مطابق شیعیت کے تقدس کی حمایت میں مقالے اور نشریے لکھتے تھے۔

انھوں نے مختلف موضوعات پر بہت عمدہ کتابیں لکھیں اور اب بھی ان کی ایک کتاب المنطق والاصول شیعوں کی درسگاہوں میں نصابی کتاب شمار ہوتی ہے اور دوسری کتاب الفلسفہ کا حوالہ ان کے معاصر فلسفی تک دیتے ہیں اور اس کے بلند اسلوب کی تعریف کرتے ہیں۔

اُستاد نے اپنی مخصوص بصیرت کی مدد سے کوشش کرکے مذہب اہلبیت محمدؑ کی درسگاہوں کے تعلیمی پروگراموں میں اصلاحی انقلاب پیدا کیا اور منطق کے گنجینۂ تعلیم کو ان آلودگیوں اور آمیزشوں سے پاک کرکے جنھوں نے کہیں کہیں انھیں افسانے کی شکل دے دی تھی اصولی اور آبرومند صورت بخشی۔آپ ترقی کے لیے نظم و ضبط کو بڑا ضروری سمجھتے تھے،ہمیشہ پُرجوش رہتے اور اپنے عظیم مقاصد کے حصول کی خاطر قدم قدم آگے بڑھتے رہتے تھے۔ پھر بھی فرمایا کرتے :’’ ہم نے ابھی تک عالمگیر اسلامی مقاصد کی راہ میں محض چھوٹے چھوٹے قدم ہی اٹھائے ہیں۔ ‘‘وہ علم اور دین کی ان تمام قیمتی خدمات اور مذہب اہلبیت محمدؑ کا روشن چہرہ دکھانے کی اَن تھک کوشش اور تحقیق کے ساتھ دنیا سے رخصت ہو گئے ۔
آپ کا نام محمد رضا مظفر ہے اور دنیائے علم دانش میں آپ  علامہ مظفر کے نام سے  جانے جاتے ہیں آپ کی ولادت  بروز ۵؍شعبان  المعظم سنہ ۱۳۲۲ ہجری میں  سر زمین عراق کے شہر نجف اشرف میں ہوئی۔ آپ کی  ذات چودہ ویں صدی ہجری  کے بڑے بڑے مصنفین شیعہ میں شمار ہوتی ہے۔
تحصیل علم  و ا ساتید:
آپ نے اپنے تعلیمی سفر کا آغاز ہی  حوزہ علمیہ نجف اشرف سے شروع کی  ۔
جہاں محمد حسن مظفر ،  محمد حسین نائینی ،آقا ضیاء عراقی، عبدالہادی شیرازی ،سید علی قاضی طباطبایی ، محمد حسین غروی اصفہانی سے  علوم آل محمدؑ حاصل کی ۔
شاگرد:
آپ نے بہت سے طلاب دینی  کی تربیت کی اور انہیں علوم آل محمد ؑ سےمزین فرمایا  جن میں احمد وائلی ، سید جواد شبر، سید حسین خرسان، سید محمد بحر العلوم کا نام نمایاں ہے۔
آثار علمی :
یوں تو آپ نے بہت ساری کتابیں لکھیں ہیں  اور ان میں سےکچھ کتابیں  آج بھی  مدارس دینیہ اور دانشکدوں میں پڑھائی جاتی ہے جن میں سے منطق مظفر، اصول الفقہ، عقائد الامامیہ ،دیوان مظفر ( جو تقریبا ً پانچ ہزار اشعار کے بیت پر مشتمل ہے)وغیرہ  نمایاں ہے۔
آپ کے آثار علمی کا ایک مجموعہ بھی ہے جسے"موسوعۃ العلامۃ الشیخ محمد رضا المظفر" کے نام سے  ۱۰ ؍ جلدوں پر مشتمل  انتشارات عتبہ عباسیہ مقدسہ کی طرف سے  چاپ ہوئی۔
خدمات علمی ، فرہنگی اور اجتماعی:
آپ نے متعدد علمی مراکز کی بنیاد ڈالی اور اسے حکومت عراق  میں رجسٹیشن بھی کرایا  (جن کا مقصد   اصلاح مردم  اور  لوگو میں علم و دانش عام ہو جائے) جن میں سے چند یہ ہیں :
جمعیت منتدی النشر
دانشکدہ منتدی
مدارس منتدی
دانشکدہ فقہ
وفات:  آپ کی وفات ۱۶؍ رمضان المبارک  ۱۳۸۳ہجری  میں نجف اشرف میں ہوئی اور آپ کی تدفین آپ کے بھائی شیخ محمد حسن مظفر کے بغل  والی قبر میں سپرد خاک ہوئے ۔
&nbsp;

Born

Death

شیخ محمد رضا مظفر

شیخ محمد رضا مظفر

Born:

Death:

شیخ محمد رضا مظفر

Author Books