متعلّمِ مصطفیٰؐ علی مرتضیٰؑ فرماتے ہیں: "ہم اقلیمِ سخن کے فرمانروا ہیں"۔ (نہج البلاغہ: خطبہ 230) یعنی اس بیان و کلام کے ہم امیر ہیں۔ اس امیرِ بیان کے بکھرے ہوئے حکمت بھرے کلام کو ہمیشہ صاحبان عقل جمع کرکے اپنی فکروں کو منوّر کرتے رہتے ہیں۔
امیرالمؤمنینؑ کے ان حکمت بھرے کلمات کا قدیمی ترین مجموعہ جو اس وقت الگ کتاب کی صورت میں موجود ہے وہ اہل سنت کے مشہور عالم ”ابو عثمان عمرو بن بحر الجاحظ متوفی 255ھ" کی کتاب "مأۃ کلمۃٍ" "سو کلمات" ہے۔ جس کی مختلف علماء نے شرح کی ہے۔ جاحظ اکثر کہا کرتے تھے کہ امیرالمؤمنین علی ابن ابی طالب علیہما السلام کا ہر جملہ ہزار جملے کے برابر ہے۔ ان سو کلمات کی ایک شرح اہل سنت کے مشہور عالم "رشید الدین وطواط" نے " مطلوب كل طالب من کلام علی بن ابی طالب" کے نام سے لکھی ہے اور ان سو کلمات کا فارسی میں ترجمہ بھی کیا ہے۔
امیر المؤمنینؑ کے کلام کو جمع کرنے والوں اور اس کلام کی عظمت کو بیان کرنے والوں کی ایک طولانی فہرست ہے۔ چوتھی صدی ہجری کے اختتام پر بغداد کے ایک شیعہ عالم سید ابوالحسن محمد رضی متوفی 406" نے حالات آئمہ پر ایک کتاب ”خصائص الأئمة" کے نام سے لکھنی شروع کی۔ انہوں نے جناب امیر المومنینؑ کے حالات لکھے اور اس کے اختتام پر آپ کے بعض مختصر اقوال درج فرمائے، جن سے متاثر ہو کر ان کے قریبی افراد نے ان سے درخواست کی کہ آپ امیر المومنینؑ کا مزید کلام جمع کریں۔ تو ان کی خواہش پر سید رضی نے آپ کے خطبات، خطوط، وصیتیں اور مختصر اقوال جمع کئے اور اس مجموعہ کا نام "نہج البلاغہ" رکھا۔
"نہج البلاغہ" کو اتنی اہمیت ملی کہ اب تک دو سو کے قریب شیعہ و سنی علماء اس کی مکمل یا بعض حصوں کی شرح لکھ چکے ہیں۔ اہل سنت کے مشہور عالم مفتی مصر ”علامہ شیخ محمد عبده" نے نہج البلاغہ پر بہت کام کیا اور اس کی شرح لکھی جس میں ایک مقام پر لکھتے ہیں: "عربی زبان والوں میں کوئی ایسا نہیں جو اس کا قائل نہ ہو کہ امام علی بن ابی طالب علیہما السلام کا کلام، کلام خدا و کلام رسول کے بعد ہر کلام سے بلندتر، زیادہ پر معانی اور زیادہ فوائد کا حامل ہے۔ عرب عیسائی دانشوروں نے بھی خوبصورت الفاظ میں "نہج البلاغہ" کو سراہا ہے۔ مشہور عیسائی ادیب اور شاعر "پولس سلامہ" اپنی کتاب میں لکھتے ہیں : ”یہ معارف و علوم کا مرکز اور اسرار و رموز کا کھلا ہوا دروازہ ہے۔ یہ نہج البلائنہ کیا ہے؟ ایک روشن کتاب میں بکھرے ہوئے موتی، یہ چنے ہوئے پھولوں کا ایک باغ ہے۔
"نہج البلاغہ" پر لکھی جانے والی درجنوں شروح میں سب سے زیادہ شہرت پانے والی شرح ایک ابل سنت عالم ”ابوحامد عز الدين عبد الحميد بن هبة اللہ بن ابی الحدید معتزلی کی ہے۔
چار سال آٹھ ماہ کی طویل مدت کلامِ علیؑ کے ساتھ بسر کر کے اور بیس جلدوں پر مشتمل علمی و ادبی و تاریخی شرح لکھ کر ابن ابی الحدید تھکے نہیں، بلکہ ان میں علم کی پیاس مزید بڑھی اور انہوں نے اس شرح کے اختتام پر نو سو اٹھانوے (998) مزید اقوال جمع کئے جن کے بارے میں ابن ابی الحدید لکھتے ہیں:
"جناب سید رضی ابو الحسن کے حضرت امیر المومنینؑ کے کلام نہج البلاغہ سے نقل شده یہ آخری سطریں تھیں جن کی ہم نے اللہ تعالی کی مدد سے شرح کر دی ہے۔ اب ہم مولائے کائناتؑ کے ان حکمت آمیز کلمات کا تذکرہ کرتے ہیں جو جناب سید رضی نے ذکر نہیں فرمائے مگر لوگوں نے انہیں آپ سے منسوب کیا ہے۔ ان میں سے بعض کو شہرت حاصل ہے اور بعض اتنے مشہور تو نہیں لیکن آپ سے روایت کیے گئے ہیں اور آپ کی طرف نسبت دی گئی ہے۔ بعض کلمات آپ کے علاوہ دوسرے علماء کے ہیں مگر آپ کے کلام کی مانند ہیں اور آپ کی دانائی کی باتوں کے مشابہ ہیں اور چونکہ مفید حکمت کی باتوں پر مشتمل ہیں اسی لیے ہم نے مناسب سمجھا کہ یہ کتاب ان سے خالی نہ ہو۔ تاکہ یہ اس کتاب نہج البلاغہ  کی تکمیل اور تتمّہ قرار پائے۔ بعض مقامات پر کچھ تکرار بھی ہوا ہے مگر کتاب کے طویل ہونے یا نظروں سے دوری کے باعث ہم اس کی طرف اشارہ نہیں کر پائے۔ ہم نے ان کلمات کو گنا تو ہزار پایا۔"
ان کلمات کی اہمیت کو مد نظر رکھتے ہوئے 1929ء میں بیروت سے "اَلفُ کَلِمَۃٍ" کے نام سے ان کلمات پر مشتمل الگ کتاب شائع ہوئی۔ اردو زبان افراد تک حکمت سے مالا مال اس خزانے کو اقبال حسین مقصود پوری نے ترجمہ کی کرکے پہنچایا ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

ہزار گوہر (اَلفُ کَلِمَۃٍ)

عِزّ الدین ابو حامد عبد الحمید بن ہبۃ اللہ (1191-1253 ء)، ابن ابی الحدید کے نام سے مشہور، اپنے زمانے کے شاعر، ادیب اور نہج البلاغہ کے شارح تھے۔ وہ فقہی اعتبار سے شافعی اور کلامی اعتبار سے معتزلی تھے لیکن اس کے باوجود امام علیؑ کو باقی تینوں خلفا سے افضل سمجھتے ہوئے آپؑ کے خلاف قیام کرنے والوں کو باغی، فاسق اور اہل دوزخ سمجھتے تھے مگر یہ کہ وہ توبہ کریں۔ امیرالمؤمنین(ع) کی شان میں ان کا لکھا ہوا قصیدہ عینیہ امامؑ کی ضریح کے گرد طلا سے لکھا گیا ہے۔
عز الدین ابو حامد عبد الحمید بن ہبۃ اللہ بن محمد بن محمد بن محمد بن حسین بن ابی‌ الحدید مداینی، اول ذی الحجہ 586 ھ/1191 ء، کو مدائن میں پیدا ہوا اور اسی شہر میں پلا بڑھا۔ مستعصم عباسی کے شیعہ وزیر ابن علقمی سے رفاقت کی وجہ سے دار الخلافہ کا دیوان نویس بن گیا۔ شروع میں دار التشریفات کا کاتب رہا اور 629 ھ کو خزانے کے کاتب کا عہدہ سنبھالا اور اس کے کچھ عرصہ بعد دیوان کا کاتب بنا۔ صفر 642 ھ /جولائی 1244 ء کو حلہ کا ناظر معین ہوا۔ پھر امیر علاء الدین طَبّرْس کے بچوں کا استاد اور پھر عَضُدی ہسپتال کا ناظر اور آخر کار بغداد کی لائبریری کا ناظر بن گیا۔
ابن ابی ‌الحدید کے ابن علقمی سے گہرے روابط تھے اور انہیں وزیر کی حمایت حاصل تھی۔ اسی لئے شرح نہج البلاغہ اور قصاید السبع کو وزیر کے نام تقدیم کیا اور ان سے نفیس انعام وصول کیا۔ جب 642 ھ/1244 ء کو مغول نے بغداد پر حملہ کیا تو عباسی فوج نے شرف الدین اقبال شرابی کی سپہ سالاری میں مغول کو شکست دی اور ابن ابی الحدید نے اس کامیابی کو ابن علقمی کی تدبیر کا نتیجہ قرار دیتے ہوئے اس کی شان میں ایک قصیدہ لکھا جس کے کچھ بیت شرح نہج البلاغہ کی شرح میں درج ہوئے ہیں۔ 655 ھ/1257 ء کو بغداد پر ہلاکو خان کے حملے میں ابن ابی الحدید اور ان کا بھائی موفق‌ الدین مغلوں کے ہاتھوں گرفتار ہوئے اور انہیں قتل کرنے کا حکم سنا دیا گیا لیکن ابن علقمی اور خواجہ نصیر الدین طوسی کی وساطت سے موت سے نجات پائی۔
بغداد کے مغولوں کے ہاتھ آنے کے کچھ عرصہ بعد ہی ابن ابی‌ الحدید وفات پا گئے۔ ان کی وفات کے بارے میں مورخوں کا اختلاف ہے اور بعض مآخذ میں 655 ھ قرار دیا گیا ہے۔ جبکہ بعض نے سنہ 656 ھ قرار دیا ہے۔
علمی زندگی
ابتدائی تعلیم اپنے وطن مدائن میں حاصل کی اور وہیں پر کلامی مذاہب سیکھے اور معتزلہ مکتب کی طرف مائل ہوئے۔ پھر بغداد جاکر وہاں کے علما سے کسب فیض کیا۔ جن میں سے اکثر شافعی مذہب کے ماننے والے تھے۔ وہاں کتابیں پڑھنے اور علم کے حصول اور علمی و ادبی محافل میں شرکت کرنے لگے اور بسمۃ السحر کے مولف کے بقول وہ معتزلی جاحظی بن گئے۔ اسی طرح ابو البقاء عکبری اور ابو الخیر مصدق بن شبیب واسطی سے عربی ادب سیکھا۔
ابن ابی الحدید شاعری میں بڑے ماہر تھے اور مختلف مضامین میں اشعار پڑھا کرتے تھے لیکن ان کی مناجات اور عرفانی اشعار بہت مشہور ہیں۔ صدر اسلام کی تاریخ کا بھی انہیں بڑا علم تھا۔ علامہ حلی (متوفی 726ھ/ 1326ء) نے اپنے والد سے اور انہوں نے ابن ابی الحدید سے روایت کی ہے۔
مذہب
آپ اصول میں معتزلی اور فروع میں شافعی مسلک تھے۔ کہا گیا ہے کہ سنی اور شیعہ سے یک درمیانی طریقہ اپنایا تھا۔ شرح نہج البلاغہ میں عقیدتی مسائل میں خود کو جاحظ کے موفق ہونے کی تصریح کی ہے؛ اسی لئے انہیں معتزلی جاحظی کہا گیا ہے۔ شرح نہج البلاغہ میں تحقیق کرنے سے معلوم ہوتا ہے کہ ابن ابی الحدید کو ابن کثیر کے برخلاف جس نے انہیں شیعہ غالی قرار دیا تھا معتدل معتزلی قرار دیا جا سکتا ہے۔ آپ نے اپنی کتاب کے آغاز میں ابوبکر کی بیعت کے شرعی طور پر صحیح ہونے پر معتزلی شیوخ (متقدم، متاخر، بصریون، بغدادیوں) کے اتفاق کا ذکر کیا ہے اور کہا ہے کہ رسول خداؐ کی طرف سے اس بیعت پر کوئی نص نہیں آئی ہے لیکن صرف عوام کا انتخاب کہ جسے اجماع اور غیر اجماع دونوں طریقوں سے پیشوا معین کرنے کا راستہ قرار دیا ہے اور یہ صحیح ہے۔
امام علیؑ کے بارے میں عقیدہ
ابن ابی الحدید معتزلہ مذہب کی پیروی کرتے ہوئے امام علیؑ کو باقی تینوں خلفاء سے برتر سمجھتے ہیں اور تصریح کرتے ہیں کہ وہ کثرت ثواب اور فضل و صفات حمیدہ کے اعتبار سے دوسروں سے افضل ہے۔ اس کے باوجود ان کے عقیدے میں امام کا افضل ہونا ضروری نہیں ہے۔ اسی وجہ سے کتاب کے آغاز میں خطبے میں کہا: اس اللہ کا شکر ہے جس نے مفضول کو افضل پر مقدم کیا۔
جنگ جمل برپا کرنے والوں کے بارے میں ابن ابی الحدید کہتا ہے: یہ سب ہمارے معتزلہ دوستوں کے نزدیک نابود ہیں سوائے تین آدمی عائشہ، طلحہ اور زبیر کے، کیونکہ ان تینوں نے توبہ کی ہے اور توبہ کے بغیر ان کا حکم بغاوت پر مصر ہونے کی وجہ سے جہنم ہے۔
آپ صفین میں شام کی فوج کے بارے میں کہتے ہیں: یہ لوگ ہمارے معتزلی دوستوں کے نزدیک نابود ہیں؛ کیونکہ بغاوت پر اصرار کیا ہے اور اسی حالت میں مر گئے ہیں؛ ان کے سرابراہان ہوں یا ان کی پیروی کرنے والے۔ اسی طرح خوارج کے بارے میں لکھتے ہیں: یہ لوگ ہم معتزلیوں کے نزدیک بغیر کسی اختلاف نظر کے سب جہنمی ہیں۔ کلی طور پر ہمارے مکتب کے علماء جو بھی فاسق فسق کی حالت میں مرتا ہے تو اسے جہنمی کہتے ہیں اور اس میں کوئی شک نہیں ہے کہ برحق امام کے خلاف بغاوت کرنے والے اور خروج کرنے والے فاسق ہیں۔
تالیفات
ابن الحدید کی 15 تالیفات کا ذکر کیا گیا ہے جن میں سے مندرجہ ذیل مشہور ہیں:
شرح نہج البلاغہ ابن ابی الحدید
یہ کتاب 20 جزء پر مشتمل ہے۔ اور اسی کتاب کی وجہ سے ہی ابن ابی الحدید مشہور ہوئے ہیں اور اس کتاب میں ادب، تاریخ، کلام، اور اسلامی تہذیب کا ایک عظیم مجموعہ ہے۔ یہ کتاب کئی بار چھپ چکی ہے۔ اور خاص کر شیعوں میں بڑی شہرت که حامل ہے۔ اس شرح کے قدیمی ترین نسخوں میں سے ایک نسخہ جو امام رضاؑ کے حرم کی لائبریری میں موجود ہے جس پر ابن علقمی کی طرف سے شرح کی اجازت موجود ہے۔ اور احتمال قوی ہے کہ یہ سب ابن ابی الحدید کی حیات میں ہی لکھی گئی ہیں۔
الفلک الدائر علی المثل السائر، یہ ضیاء الدین ابن اثیر جزری موصلی (558-637ھ/1163-1239ء) کی کتاب المثل السائر فی ادب الکاتب و الشاعر پر نقد کے طور پر لکھی ہے۔ یہ کتاب علم بلاغت کی اہم کتابوں میں سے ہے اور نقد کی دنیا میں معتبر کتاب سمجھی جاتی ہے۔[24] اس کتاب کو تیرہ دنوں میں لکھا ہے۔[25]
السبع العلویات یا قصائد السبع العلویات، جس کو ابن ابی الحدید نے 611ھ/1214ء کو ابن علقمی کے نام مدائن میں پڑھا ہے۔ قصیدے کا موضوع پیغمبر اکرمؐ، علیؑ کی مدحت، فتح خیبر، فتح مکہ اور امام حسین کی شہادت ہے۔ یہ کتاب بھی کئی بار چھپ چکی ہے۔ (بمبئی، 1305 ھ، 1316ھ؛ قاہرہ، 1317ھ؛ بیروت، 1374ھ) جبکہ ابن حماد علوی، شمس الدین محمد بن ابی الرضا، رضی استر آبادی، (د 686ھ/ 1287ء)، محفوظ بن وشاح حلی اور بعض دوسرے لوگوں نے ان قصیدوں پر شرح بھی لکھی ہے۔
ان سات قصیدوں میں سے ایک، قصیدہ «عینیہ» امیرالمؤمنینؑ کی مدح میں ہے جس کو امامؑ کی ضریح کے چاروں طرف سونے سے لکھا گیا ہے۔
نظم کتاب الفصیح ثعلب اس کو ابن ابی الحدید نے ایک ہی رات میں نظم کیا ہے۔ یہ کتاب اصل میں ابو العباس احمد بن یحیی المعروف، ثعلب کوفی نحوی (200-291ھ/ 816-904ء) کی ہے، مختصر اور چھوٹی سی ادبی کتاب جو بہت افراد کو اپنی طرف جلب کر سکی ہے۔
دیگر تالیفات
العبقری الحسان، کلام، منطق، طبیعیت، اصول، تاریخ اور شعر میں؛
المحصل پر تعلیقہ، فلسفہ اور کلام، المحصول فی اصول الفقہ بقلم امام فخر رازی؛
الاعتبار علی کتاب الذریعۃ فی اصول الشریعہ، مصنف سید مرتضی علم الہدی (متوفی 436 ھ/1044 ء)
شرح مشکلات الغرر تالیف: ابو الحسن بصری
الوشاح الذہبی فی علم الأبی
دیوان شعر
آپ نے غزالی کی کتاب المستصفی من علم الاصول کو بھی نقد کیا ہے اور علم کلام میں زمخشری کی آیات البینات زمخشری، طب میں منظومہ ابن سینا کی شرح کی ہے۔

Born

Death

عِزّ الدین ابو حامد عبدالحمید بن ہبۃ اللہ ابن ابی الحدید

عِزّ الدین ابو حامد عبدالحمید بن ہبۃ اللہ ابن ابی الحدید

Born:

Death:

عِزّ الدین ابو حامد عبدالحمید بن ہبۃ اللہ ابن ابی الحدید

Author Books