تفسیر فرات پرتالیف سے لے کرآج تک تمام علماء نے اعتماد کیاہے، اس تفسیر کے معتبر ہونے میں اس سے بڑھ کراورکیاثبوت ہوسکتاہے کہ ابوالحسن علی بن حسین بن موسی ابن بابویہ قمی والد شیخ صدوق علیہ رحمہ نے اپنی کتاب امالی اورکتاب اخبار زہراء  وغیرہ میں احادیث کواس سے نقل فرمایاہے۔
شیخ صدوق علیہ الرحمہ نے اپنے والدکے بعداس تفسیر کوکس قدرمعتبرگردانااس کاثبوت یہ ہے کہ آپ نے بہت سی احادیث کو اس سے نقل فرمایا،یہ اس کتاب کے معتبر ہونے کی سب سے واضح اورمعتبر دلیل ہے، ان دوبزرگوارکے علاوہ بھی بہت سے علماء منجملہ غیاث بن ابراہیم اورمفسرنصیری نے بھی تفسیرفرات سے روایات نقل کی ہیں اسی طرح اہلسنت کے بزرگ عالم دین حاکم حسکانی نے اپنی کتاب شواہد التنزیل میں تفسیرفرات سے روایات کو اخذکیاہے،اس سے یہ بات کھل کرسامنے آتی ہے کہ تفسیرفرات فریقین میں معتبرمانی جاتی ہے جبکہ متاخرین میں شیخ الاسلام مجدد مجلسی نے اپنی کتاب بحارالانوارمیں تفسیرفرات کو اپنی کتاب کامصدرقراردیاہے۔
کتب تفاسیر میں یہ کتاب بے حدمختصرمگرنہایت مفیدہے،آج تک اس طرح کی جامع تفسیر اردوزبان میں ہمارے ہاں شایع نہیں ہوئی،اللہ تعالیٰ ہمیں اس سے کماحقہ استفادہ کرنے کی سعادت نسیب فرمائے -

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

تفسیرفرات

ابو القاسم فرات بن ابراہیم بن فرات کوفی تیسری صدی ہجری کے اواخر اور چوتھے صدی  ہجری  کے اوائل کے شیعہ علماء، محدثین اور مفسرین میں سے تھے۔ آپ نے اس تفسیر میں صرف ان آیات کو جمع کیا ہے جو اہل بیت (ع) کی شان میں نازل ہوئی ہیں۔
آپ کی وثاقت:
آپ کی زندگی ،تاریخ پیدائش اور تاریخ وفات کے بارے میں دقیق معلومات تاریخی منابع میں درج نہیں ہیں اور نہ پرانے تراجم اور رجالی منابع میں آپ کا نام درج ہے۔ لیکن جن لوگوں کا تذکرہ  آپ  نے اپنی تفسیر میں کیا ہے ان کی زندگی کے مطالعہ سے یہ احتمال دیا جا سکتا ہے کہ  آپ  تیسری صدی ہجری کے اواخر اور چوتھے صدی کے شیعہ علماء میں سے تھے۔ قدیم شیعہ رجال‌ شناس جیسے کشّی، نجاشی، شیخ طوسی اور متأخرین رجال شناس جیسے  ابن داؤود حلی، علامہ حلّی اور محمد بن علی اردبیلی نے ان کے بارے میں کوئی معلومات ذکر نہیں کی ہیں۔ لیکن معاصر رجال‌ شناسوں  اور علماء نے ان کی توثیق کی ہے کیونکہ ان کی روایات اور احادیث کو امامیہ معتبر احادیث سے ہم آہنگ پایا ہے۔آقا بزرگ تہرانی لکھتے ہیں کہ :  شیخ صدوق  ؒ نے اپنے والد علی بن بابویہ سے انہوں نے حسن بن محمد بن سعید ہاشمی جیسے محدثوں سے اپنی بہت ساری کتابوں میں آپ (  فرات کوفی) سے احادیث نقل کی ہیں۔
آپ کا مذہب:
آپ کے شیعہ ہونے میں تو کوئی اختلاف نہیں ہے لیکن اثنا عشری تھے یا زیدی اس حوالے سے محققین کے درمیان اختلاف پایا جاتا ہے۔ بعض نے آپ  کی نقل کردہ احادیث کے اہل بیت (ع) کی احادیث سے مطابقت کی وجہ سے آپ  کے شیعہ اثنا عشری ہونے کے بارے میں تصریح کی ہے۔ جبکہ بعض محققین نے زیدیوں سے احادیث نقل کرنے، بارہ اماموں کے ناموں کی تصریح نہ کرنے اور عصمت کو صرف پنجتن پاک کے ساتھ مختص ہونے کے حوالے سے زید بن علی سے احادیث نقل کرنے کی وجہ سے یہ احتمال دیتے ہیں کہ فرات کوفی اس تفسیر کے لکھتے وقت زیدی مذہب کے پیروکار تھے۔ان تمام باتوں کے باوجود فرات کوفی کا امام محمد باقر (ع)، امام جعفر صادق (ع) اور امام رضا (ع) سے احادیث نقل کرنا، امام مہدی (ع) کی ظہور سے متعلق متعدد احادیث کے موجود ہونے  اور اماموں کی نورانی سرچشمہ اور منبع سے متعلق زیدی مذہب کے نظریے کی خلاف احادیث کے موجود ہونے کی بنا پر فرات کوفی کے شیعہ اثنا عشری ہونے کا احتمال زیادہ ہے لیکن پھر بھی زیدی فرقے کے بعض اعتقادات کی طرف ان کے تمائل رکھنے سے انکار نہیں کیا جا سکتا ہے۔
اساتید  اور علم حدیث میں آپ  اکابرین:
آپ کی تفسیر میں مذکور احادیث کی رو سے آپ کے بعض اکابرین کے ناموں کا پتہ لگایا جا سکتا ہے۔ آپ نے اپنی تفسیر میں اکثر روایات کو امام رضا  ؑ، امام محمد تقی  ؑ اور امام علی نقی ؑ  کے صحابی حسین بن سعید اہوازی‌ (متوفی 250 ہجری)، جعفر بن محمد بن مالک فزاری کوفی‌ (متوفی 300 ہجری) اور عبید بن کثیر عامر کوفی‌ (متوفی 294 ہجری) سے نقل کیا ہے۔  اس تفسیر کے مصحح نے کتاب کے مقدمہ میں آ پ   کے 126؍ مشائخ  اور بزرگان کا نام لیا ہے۔
آپ کے علمی آثار ''تفسیر فرات'' کی اہمیت:
چوتھی صدی ہجری کے بعد سے بہت سارے بلند پایہ شیعہ علماء نے اس تفسیر کو معتبر قرار دے کر اس سے روایت نقل کی ہیں۔ان شخصیات میں محمد بن حسن بن احمد بن ولید جو شیخ صدوق کے اساتید میں سے ہیں، نے اپنی کتاب فضل زیارۃ الحسین  ؑ  میں اسی طرح اہل سنت علماء میں سے حاکم حسکانی نے اپنی کتاب شواہد التنزیل میں اس تفسیر سے حدیث نقل کی ہے۔
بعد میں علامہ مجلسی  اور شیخ حر عاملی جیسے محدثین  کی طرف سے فرات کوفی اور  آپ  کی نقل کردہ احادیث کو بہت زیادہ معتبر اور قابل اعتماد قرار دینے کی وجہ سے بہت سارے دیگر علماء نے بھی اس تفسیر کی طرف مراجعہ کیا ہے۔ منجملہ ان شخصیات میں قاضی سعید قمی نے شرح الاربعین، مشہدی قمی نے تفسیر کنزالدقائق، فیض کاشانی نے تفسیر الاصفی، ہاشم بن سلیمان بحرانی نے البرہان، مامقانی نے تنقیح المقال اور محمد باقر خوانساری نے روضات الجنات میں  اس تفسیر سے استفادہ کیا ہے۔
تفسیر فرات کی خصوصیات:
یہ تفسیر، روش کے اعتبار سے ایک ترتیبی تفسیر ہے جس میں سوروں کی ترتیب سے تفسیر کی گئی ہے۔ البتہ مصنف نے صرف ان آیات کا تذکرہ کیا ہے جو شیعہ تعلیمات اور اعتقادات کے مطابق اہل بیت (ع) کی شان میں نازل ہوئی ہیں۔اور   یہ تفسیر ایک روائی تفسیر ہے اس معنی میں کہ انہوں نے صرف احادیث اور روایات کے ساتھ قرآن کی آیات کی تفسیر کی ہے اور کسی بھی آیت کے بارے میں اپنی فکر، اجتہاد یا ذاتی رای کا اظہار نہیں کیا ہے۔

فرات بن ابراهیم کوفی

Born:

Death:

فرات بن ابراهیم کوفی

Author Books