<div id="pg5" class="page ">
<div class="pageContent">
<p class="libNormal0" style="direction: rtl; text-align: justify;">دور حاضرمیں جہاں حضرت انسان نے مادیت میں اس قدر ترقی کی ہے کہ اب وہ خلائی سفر کامیابی سے انجام دیتے ہوئے نظام شمسی میں دیگر سیـٓاروں پر کمندیں ڈال رہا ہے، وہاں وہ اقدار انسانی میں مسلسل انحطاط کے مسئلہ سے بھی شدّت کے ساتھ دو چار ہے۔ ظاہر ہے کہ یہ مادّی ترقی مادی تعلیم کے حصول کامنطقی نتیجہ ہے لیکن اقدار حیات کی ترقّی میں ایک اور چیز بھی ناگزیر ہے حبس کو تربیت کہتے ہیں۔ یہ انسان کی ایسی ضرورت ہے جو مہد یعنی ماں کی گود سے شروع ہوتی ہے اور یہ وہ کیفیت ہے جس کی عدم مو جود گی مادّی تعلیم کے با وجود انسان کو اس سطح پر لے آئی ہے جہاں ترقّی علوم مادّی کا عملی مقصد مخالفین کی حیات کو صفحہء ہستی سے یکسر مٹا دینا ہے۔ دنیا کی بڑی طاقتوں کے وہ منصوبے اس بات کی دلیل ہیں جو بتدریج سائنسی تجربات کی شکل میں سامنے آرہے ہیں ان کے ذریعے کوشش کی جارہی ہے کہ ایسے ہتھیار ایجاد کریں، جن کا استعمال کم سے کم وقت میں زیاد ہ سے زیادہ انسانوں کو نیست و نابود کردے۔</p>

</div>
</div>
<div id="pg6" class="page " style="text-align: justify;">
<div class="pageContent">
<p class="libNormal0" style="direction: rtl; text-align: justify;">ان تمام حالات کے پیش نظر تربیتِ انسان کی ضرورت دن بہ دن زیادہ محسوس ہوتی جارہی ہے کتا ب ہذا "آئین تربیت'' ایران کے فاضل مصنّف جناب ابراہیم امینی نجف آبادی کی ایک نہایت عمدہ سعی ہے حبس میں تر بیت انسان کے موضوع پر اسوہء معصومین علیہم السلام کی روشنی میں بجث کی گئی ہے۔</p>
<p class="libNormal0" style="direction: rtl; text-align: justify;">کتاب ہذا میں مندرجہ ذیل امور پر خصوصیت کے ساتھ روشنی ڈالی گئی ہے جو ضروریات تربیت میں شامل ہیں: ۱: جسمانی اور نفسانی دونوں میں تربیت کنندہ کی امور تربیت سے کما حقّہ واقفیت۔ ۲: اہدافِ تربیت سے واقفیت۔ ۳: تربیت کے لیے جن اقدار و اوضاع کی ضرورت ہوتی ہے، ان سے کما حقّہ واقفیت۔</p>
<p class="libNormal0" style="direction: rtl; text-align: justify;">فاضل مؤلّف نے یہ سب کچھ سیرت معصومینؑ کی روشنی میں پیش کیا ہے،امید و اثق ہے کہ یہ کتاب والدین اور اساتذہ کے لیے تربیت اولاد و شاگرد میں ایسی معاون ثابت ہو گی حبس سے دور مادیت میں قوم کو با اقدار انسان مل سکیں گے۔</p>

<div id="pg11" class="page " style="text-align: justify;">
<div class="pageContent">
<p class="libNormal0" style="direction: rtl;">تعلیم اور تربیت میں فرق ہے تعلیم کا معنی ہے آموزش، سکھانا یا کسی کو کوئی مطلب یاد کرانا۔ جب کہ تربیت کہ مطلب ہے شخصیت کی تعمیر اور پرورش۔ تربیت کے ذریعے سے اپنے پسند کے مطابق افراد ڈھالے اور تیارکیے جاسکتے ہیں اورنتیجتاً معاشر ے کو تبدیل کیا جا سکتا ہے۔</p>
<p class="libNormal0" style="direction: rtl;">ضروری ہے کہ تربیت ایک سو چے سمجھے پروگرام کے تحت انجام پائے تا کہ کامیابی کے ساتھ نتیجہ بھی ہاتھ لگے، تربیت میں صرف وعظ و نصیحت اور ڈرانا دھمکانا ہی کافی نہیں بلکہ چاہیے کہ تمام حالات اور شرائط و مقاصد کے مطابق یہ تربیت فراہم ہو، تا کہ مقصود حاصل ہو سکے۔</p>
<p class="libNormal0" style="direction: rtl;">تربیت کے لیے بہترین زمانہ بچین کا ہے کیونکہ بچے نے ابھی پوری شکل اختیار نہیں کی ہوتی اور ہر طرح کی تربیت کے لئے آمادہ ہوتا ہے، یہ حساس اور اہم ذمہ داری پہلے مرحلہ پرماں باپ کے ذمے ہے لیکن تربیت ایک سہل اور سادہ سا کام نہیں ہے بلکہ ایک انتہائی ظریف و حسٓاس فن ہے کہ جس کے لیے کام کی شناخت، اطلاعات، تجربہ، برد باری اور حوصلہ و عزم کی ضرورت ہے، یہ بات باعث افسوس ہے کہ اکثرماں باپ فنِٓ تربیت سے آشنا نہیں، یہی وجہ ہے کہ زیادہ تر بچوں کی کسی حساب شدہ اور منظم پروگرام کے تحت پرورش نہیں ہوتی بلکہ وہ گویا خود رو پودوں کی طرح پروان چڑ ھتے ہیں۔</p>
<p class="libNormal0" style="direction: rtl;">مشرق و مغرب کے ترقی یافتہ کہلا نے والے ممالک میں تربیت کے مسئلے کو بہت زیادہ اہمیت حاصل ہے، انہوں نے اس سلسلے میں بہت تحقیقات کی ہیں، بہت سی سودمند کتابیں لکھی ہیں اور وہاں اس فن کے بہت سے ماہرین موجود ہیں(البتہ پھر بھی وہ اخلاقی بیماریوں میں شدت سے گرفتار ہیں) لیکن ہمارے ملک میں زندگی کے اس اہم مسئلہ کی طرف کوئی توجہ نہیں کی گئی، گرچہ چند ایک ماہرین موجود ہیں اور تھوڑی بہت کتابیں بھی ہیں لیکن اتنا کچھ کفایت نہیں کرتا، دوسری زبانوں سے اس ضمن میں بہت سی کتابوں کا ترجمہ ہوا ہے جو سب کی دسترس میں ہیں لیکن ان مشترقی اور مغربی کتابوں میں دوبڑے نقص موجود ہیں۔</p>
<p class="libNormal0" style="direction: rtl;">پہلا عیب یہ ہے کہ ان میں انسان کو فقط جسمانی حوالے اور اس کی دنیوی زندگی کے حوالے سے دیکھا گیا ہے اور بحث و تحقیق کی گئی ہے اور روحانی سعادت و بد بختی اور اخروی زندگی سے یا غفلت برتی گئی ہے یااعراض کیا گیا ہے۔</p>

</div>
</div>
<div id="pg12" class="page " style="text-align: justify;">
<div class="pageContent">
<p class="libNormal0" style="direction: rtl;">مغرب میں تربیت کے لیے اس کے علاوہ کوئی ہدف نہیں کہ بچے کی جسمانی طاقت اس کی حیوانی قوتوں، اعصاب اور مغز کو صحیح طریقے سے پروان چڑھایا جائے تا کہ جس و قت وہ بڑا ہو تو آرام سے زندگی گزارسکے اور مادی فوائد اور حیوانی لذتوں سے بہرہ مند ہو سکے اور اگر ان کتابوں میں اخلاق کے بارے میں گفتگو ہوتی بھی ہے تو وہ بھی اسی دنیوی زندگی اور مادی مفادات کے حصول سے مربوط ہے، ان کتایوں میں روحانی کمالات یا نقائص کاذکر نہیں، اخروی خوشبختی یا بدبختی کا تذکرہ نہیں، مجموعی طور پر یہ کہا جاسکتا ہے کہ ان میں اخلاقی اور روحانی زندگی کے بارے میں کچھ نہیں، دوسراعیب یہ ہے کہ مغرب والوں کے نزدیک تربیتی مسائل کا انحصار تجربات اور شماریات پر ہے، دین کا ان پرکوئی رنگ نہیں، لہٰذا یہ کتابیں مسلمانوں کے نزدیک مفید، جامغ اور کامل نہیں ہوسکتیں کیوں کہ ایک مسلمان کی نظر مین انسان کے دو پہلو ہیں، ایک جسم اور دوسرا روح، ایک دنیوی زندگی اور دوسری اخروی زندگی، اور دونوں کا ہی خیال رکھنا اور انھیں  صحیح ڈھنگ سے تربیت کرنا ضروری ہے اور یہ کتاب اس ذمہ داری کو پوری کرتی ہے ضرور مطالعہ فرمائیں۔</p>

</div>
</div>
</div>
</div>

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

آئین تربیت

آج کا دور مصرفیتوں کا دور ہے ہماری معاشرت کا انداز بڑی حد تک مشینی ہو گیا ہے زندگی کی بدلتی ہوئی قدروں سے دلوں کی آبادیاں ویران ہو رہی ہیں فکرونظر کا ذوق اور سوچ کا انداز بدل جانے سے ہمارے ہاں ہیرو شپ کا معیار بھی بہت پست سطح پر آگیا ہے آج کھلاڑی‘ ٹی وی اور بڑی سکرین کے فن کار ہماری نسلوں کے آئیڈیل اور ہیرو قرار پائے ہیں جس کی وجہ سے ماضی و حال کے وہ عظیم سپوت اور روشنی کی وہ برتر قندیلیں ہماری نظروں سے اوجھل ہو گئی ہیں لہذا انھیں جاننا اور دوسروں تک ان کے کارناموں کو پہنچانا ہماری ذمہ داری ہے۔

اپنے اسلاف اور خصوصاً اہل علم اسلاف کو یادرکھنا بعد میں آنے والوں کے لیے ضروری ہوتا ہے اور رہنمائی کا ذریعہ بھی اسی لیے ان کی یاد کو تازہ اور ان کی زندگی سے خود کے لیے چراغ راہ بنانا بہت ضروری ہے اور یہ تبھی ممکن ہے جب ہم ان کی حیات کے نشیب و فراز اور ان کی کاوشوں سے آگاہ رہیں۔

بلاشبہ انسان اشرف المخلوقات ہے۔ رب ذوالجلال نے اسے دوسری مخلوقات پر یہ فوقیت علم کی بنا پر عطا کی ہے۔ اللہ ہی ہے جس نے انسان کو قلم کے ذریعے علم سکھایا اور زمین پر اپنا نائب بنا کر بھیجا۔ اُس کے خاص بندے اسی قلم اور کائنات کے مشاہدے کے ذریعے اپنے علم میں اضافہ کرتے اور اسے آگے بڑھاتے ہیں۔ اللہ کے ایسے ہی خاص بندوں میں سے ایک نام مولانا موصوف کا ہے جنہوں نے علم کے سمندر میں ڈوب کر سراغِ زندگی پایا اور اسی علم کے بحرِ بے کراں بن کر اس کے دامن کو وسیع اور تشنگانِ علم کو سیراب کیا۔

اس دنیائے فانی میں بسنے والے ہر انسان کا لمحہ بتدریج اس کی شخصیت کی تکمیل کرتا ہے۔ زمانہ اسے مبلغ، محدث، مؤرخ، محقق، مقرر، مصلح، مربی و محسن کے خطابات عطا کرتا ہے۔ ایسے شخص کی زندگی سراپا علم و عمل، سراپا جہاد اور عالم انسانیت کے لیے سرچشمہ ہوتی ہے۔ وہ زندہ رہتا ہے تو محترم و مکرم ہو کر زندگی کے لمحات گزارتا ہےاور اس عالمِ فنا سے منہ موڑتا ہے تو اپنے پیچھے نہ بھلائے جا سکنے والے کارناموں کی ایک تاریخ رقم کر جاتا ہے۔ ایک پورا زمانہ، ایک پورا عہد اس کی شخصیت سے منسوب ہو جاتا ہے۔ مستقبل کے محرر و مؤرخ اسے اوراقِ تاریخ میں یاد گار زمانہ قرار دیتے ہیں۔

آپ کے بارے میں معلومات اپڈیٹ کی جائیں گی۔

Born

Death

قیصر عباس ثاقب نقوی

قیصر عباس ثاقب نقوی

قیصر عباس ثاقب نقوی

Author Books