زیر نظر کتاب سید الشہداء حسین ابن علی علیہما السلام  کے ان خطبات فرمودات اورمکتوبات کے متن، ان کے ترجمے اور تشریح پر مشتمل ہے جو اپنی انقلابی تحریک کے دوران مدینہ سے مکہ، مکہ سے کربلا اور وہاں اپنی شہادت تک کے درمیانی عرصے میں آپ کی زبان مبارک سے صادر ہوئے یا جنہیں آپ نے مختلف افراد اور گروہوں کے نام تحریر فرمایا۔
یہ کتاب حوزۂ علمیہ قم سے تعلق رکھنے والے عالم دین حجت الاسلام محمد صادق نجمی کی قلی کاوش ہے۔ فاضل مؤلف نے اس کتاب میں سن ساٹھ ہجری کے ماہِ رجب  سے اکسٹھ ہجری کے ماہ محرم کی دس تاریخ کو وقتِ عصر تک امام حسینؑ کے ارشاد فرمائے ہوئے خطبات اور مختصر کلمات نیز تحریر کردہ مکتوبات اور وصایا کو ترتیب کے ساتھ کچھ اس انداز سے جمع کیا ہے اور ان کی ایسی محققانہ تشریح  کی ہے اور ان سے مربوط تاریخی واقعات اور شخصیات کے احوال کو کچھ اس طرح ضبط تحریر میں لائے ہیں کہ یہ کتاب واقعۂ کربلا کی ایک تفصیلی روئیداد ہونے کے ساتھ ساتھ حسین ابن علیؑ کی تحریک کے مقاصد ومحرکات پر بھی روشنی ڈالتی ہے، اس دور کے معاشرے اور دینی شخصیات کے انداز فکر کو بھی سامنے لاتی ہے، ساتھ ہی روز عاشور انصار واصحاب حسینؑ، جوانان بنی ہاشم اور خود امام حسینؑ کی جنگ و جہاد، رجز خوانی اور شہادت کے احوال کے بیان کی وجہ سے ایک مستند مقتل بھی بن گئی ہے۔
فارسی زبان میں یہ کتاب "جامعہ مدرسین حوزه علمیہ قم" سے وابستہ اشاعتی ادارے "دفتر انتشارات اسلامی" نے "سخنان حسین ابن علیؑ از مدینہ تا کربلا" کے نام سے شائع کی، جسے ہاتھوں ہاتھ لیا گیا اور اب تک اسکے متعد دایڈیشن شائع ہو چکے ہیں۔
اپنی ندرت، انداز اور اعتبار کے حوالے سے علمائے کرام کے حلقوں میں مقبول اس کتاب کا اردو ترجمہ جناب حجت الاسلام سیدعلی مرتضی زیدی نے کیا ہے۔
امید ہے یہ کتاب اردو داں قارئین سے بھی قبولیت کی سند پائے گی، ہم اپنے معزز قارئین کی آراء، مشوروں اور تجاویز کے ہمیشہ منتظر رہتے ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

خطبات، فرمودات و مکتوباتِ حسین ابنِ علی علیہ السلام مدینہ تا کربلا

پیش نظر کتاب اہل سنت کے بزرگ علماء بخاری اور مسلم کی کتابوں پر مشتمل ہے، اس کتاب میں حدیث کے موضوع پر تدوین حدیث و منع حدیث اور پھر صحیحین کے مطالعے کو اولویت کے ساتھ نقد و نظر کے ترازو تک لایا گیا ہے، کتاب دلچسپ ہونے کے ساتھ ہی معلومات سے مملو ہے ضرور مطالعہ فرمائیں۔

صحیحین کا ایک مطالعہ

آپ محمد صادق نجمی کی ولادت  سنہ ۱۳۱۵ ش کو آذربائیجان  کے مشرق میں واقع  شبستر کے اطراف کے ہریس نامی ایک گاؤں میں ہوئی ۔ حاج مرزا احمد  (عرف آقا ہریسی) آپ کے والد ہیں جو  ایک عالم دین تھے ان  پر لوگ بہت زیادہ اعتماد   رکھتے تھے۔ اور آپ کی ماہ کا تعلق کوہ کمری سادات خاندان سے تھا من جملہ آپ کے  خاندان کے تمام  لوگ ہریس گاؤں کے   متدین افراد میں سے تھے۔ اور اس گاؤں کے لوگ  دوستداران اہلبیت  ؑ  ہیں اور  اہلبیت ؑ  کے اخلاقی اصولوں  پر عمل پیرا  ہیں ۔ ایسے مذہبی گاؤں اور خاندان  میں آپ کی پرورش ہوئی  اور یہی وجہ تھی کی آپ کو صنف روحانیت میں بہت زیادہ دلچسپی تھی ۔
کسب علم :
آپ جب ۸ ؍ یا ۹ ؍ سال کے ہوئے تو وہیں کے کسی مکتب میں  اپنی تعلیم کا آغاز  تلاوت کلام پاک سے کیا  اور پھر ادبیات فارسی سے آشنا ہوئے۔  اور دوران فارسی ادب سیکھنے کے  ساتھ ساتھ  گلستان شیخ سعدی ،نصاب الصبیان، تاریخ وصاف، ابواب الجنان  ... وغیرہ  سیکھا     اور  مسائل اخلاقی کی بھی تعلیم لی ۔
تعلیم کے ابتدائی دورانیہ تمام کرتے کے بعد آپ نے  اپنے والد آقا احمد  ہریسی  سے جامع المقدمات،سیوطی،اور شرح جامی جیسی کتابوں   کا علم  حاصل کیا ۔  تقریبا ً جب آپ ۱۵؍ سال کے  ہوئے تو اپنے والد کے ہمراہ  تبریز  آئے اور یہاں کے کسی مدرسہ میں داخلہ لیا  اور وقت سے آپ طلاب دینیہ   میں شامل  ہوگئے ۔ تبریز میں ایک سال اور کچھ مہینہ رہ کر ان  اسباق کہ جن کو  آپ نے  اپنے والد کے ساتھ شروع کیا تھا مکمل کر نے کے بعد    سنہ ۱۳۳۲ش میں قم کے لئے روانہ ہوگئے اور یہاں وادر  حوزہ علمیہ قم  ہوگئے ۔ آپ قم میں  مدرسہ فیضیہ  میں سکونت اختیار کی  ۔ قم میں  آنے کے چار  مہینہ  بعد   آیت اللہ  العظمی حضرت حجت کا انتقال ہوگیا  جس سے آپ کو بہت صدمہ پہونچا۔
اس کے بعد آپ  مسلسل تیس سال تک حصول علوم دینیہ میں مشغول رہے   اور اسی درمیان تدریس بھی کی اور کئی کتابوں کی تالیف و ترجمہ بھی کیا اور اور اسی دوران چند مدت کے لئے مشہد میں   مدرسہ خیرات خان میں رہ کر  تعلیم حاصل کی ۔
اساتید:
۱. شیخ علی اکبر اہری، معروف بہ نحوی
۲. شیخ عبدالله نورانی
۳. شہید مفتح
۴. شہید مطہری
۵. سید جواد خطیبی
۶. مشکینی
۷. آیت الله شیخ جعفر سبحانی
۸. شیخ مرتضی حائری یزدی‌۔
آثار علمی:
۱. سخنان حسین بن علی علیہ‌السّلام از مدینہ تا کربلا
۲. سیری در صحیحین
۳. تاریخ حرم ائمہ بقیع
۴. یک مناظره علمی
۵. ہدیہ غدیریہ۔
وفات:
آپ کی وفات ۲۵؍ شہریور ۱۳۹۰شمسی میں  ہوئی ۔

Born

Death

محمد صادق نجمی

محمد صادق نجمی

Born:

Death:

محمد صادق نجمی

Author Books