”تصوف اور تشیع کا فرق“ علامہ ہاشم معروف حسنی کی کتاب ”بین التصوف والتشیع“ کا اردو ترجمہ ہے۔ اس کتاب میں شیعیت اور تصوف، ہر دو کے اصول، ان کی تاریخ، بنیادی مصادر اور عقائد کے بیان کے ساتھ ساتھ تشیع اور تصوف میں فرق کو واضح کیا گیا ہے۔ یہ کتاب عربی زبان میں لکھی گئی تھی جس کا اردو ترجمہ جناب علامہ شیخ محمد حسن جعفری نے کیا ہے۔ مولف کا مقصد ڈاکٹر مصطفٰی شیبی کی کتاب ”الصلة بين التشيع و التصوف“ میں شیعیت پر لگائے گئے بہتان کا جواب دینا تھا۔
مولف پہلے تشیع کی پیدائش کے مختلف نظریات بیان کر کے ان کا علمی جائزہ لیتے ہیں۔ اس کے بعد وہ تصوف کی تاریخ کا عمیق مطالعہ پیش کرتے ہوئے اس کی پیدائش، اسکے بنیادی مصادر، اسکے اصول بیان کر کے شیعیت اور صوفیت میں اختلاف کو واضح کرتے ہیں۔ ساتھ ساتھ وہ تصوف کی کلیدی شخصیات کا تعارف بھی کراتے ہیں۔
مولف نے تشیع اور تصوف کا فرق بیان کرتے ہوئے ان موضوعات پر بحث کی ہے: تجسیم، حلول و اتحاد، وحدتِ وجود، نبوت، علامتِ رسول، تفاوت عصمت و شفاعت، کراماتِ آئمہ ؑ، صوفیوں کے کرامات کے دعوے، تصوف اور اسلام میں زہد کی مختلف تفاسیر، وغیرہ۔
دیگر موضوعات میں تصوف کے بارے آئمہ ؑ کے فرامین، غلات، تصوف کے یونانی، چینی اور ہندوستانی مآخذ، حقیقتِ محمدیہ کا تصور، مراتبِ اولیاء، صوفیوں کے ہاں بہشت و جہنم کا تصور، صوفیوں کا نظریۂ علم، وغیرہ شامل ہیں۔ مولف نے صوفیوں کی مختلف اصطلاحات کی بھی وضاحت کی ہے۔ جیسے: جمع و تفریق، فنا و بقا، قبض و بسط، خلوت، غیبت و حضور، تجرید و تفرید، مرید و شیخ، وغیرہ۔ اسکے علاوہ صوفیوں کے اقطاب کا بھی مختصر تعارف پیش کیا ہے۔ جیسے: عبدالواحد بن زید، ابراہیم ادہم، ذوالنون مصری، شقیق بن ابراہیم، بشر بن حارث، عسکر بن حسین، معروف بن فیروز کرخی، حاتم اصم، ابوحمزہ خراسانی، ابوبکر بن جحدر شبلی، سری بن مفلس سقطی، جنید بن محمد، سمنون بن عمر، ابویزید بسطامی، سہل بن عبدالله تستری، ابوعبدالله محمد خفیف شیرازی، حسین بن منصور حلاج، محی‌الدین ابنِ عربی اور عبدالکریم گیلانی!
کتاب کے آخر میں تصوف کے بارے میں شیعہ آئمہ ؑ اور شیعہ علماء کے نظریات بیان کئے گئے ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

تصوف اور تشیع کا فرق

زیر نظر کتاب اس بہیانہ اور وحشیانہ سلوک پر سے پردہ اٹھاتی ہے جو جابر حکومتوں نے شیعوں کے ساتھ روا رکھا تھا۔ یہ کتاب ان لوگوں کے اس شرمناک طرزعمل کو زیر بحث لاتی ہے جس کے نتیجے میں اسلام اور اسلامی اتحاد کمزور ہوگیا اور جمہور مسلمانوں کے دلوں میں شیعہ مسلمانوں کے خلاف نفرت اور عداوت پیدا ہوگئی جو کئی صدیوں تک قائم رہی۔ نیز اس کتاب میں ان حکمرانوں کے مظالم پر روشنی ڈالی گئی ہے جنھوں نے عوامی آرزوؤں کا خون کیا اور حکومت کے حقداروں کا حق غصب کر کے سیاسی بساط پر ناجائز قبضہ جمایا۔ اس کتاب میں شہادتگہ عدل میں قدم رکھنے والے ان سرفروشوں کو بھی خراج تحسین پیش کیا گیا ہے جو آمریت کے سامنے سینہ سپر ہوگئے اور جنھوں نے آمریت کے خلاف معرکہ آرائیوں میں اپنی اور اپنے پیاروں کی جانوں کا قیمتی نذرانہ پیش کیا۔ آخر ان کا خون رنگ لایا جس کے نتیجے میں تاج اچھالے گئے اور تخت گراۓ گئے۔ ملوکیت اور آمریت رو بہ زوال ہوئی تو یکے بعد دیگرے جابر بادشاہوں کا صفایا ہوگیا اور ان کے اقتدار کی بساط لپیٹ دی گئی۔ شیعہ ایک دینی حکمران میں پائی جانے والی شرائط کو بڑی اہمیت دیتے ہیں۔ انھوں نے یہ شرائط اپنی فقہی اور اعتقادی کتابوں میں درج کی ہیں۔ شیعہ علماء یہی باتیں اپنے طلباء کو دینی مدارس میں پڑھاتے ہیں، اہل ایمان کو مساجد میں بتاتے اور مجالس میں سمجھاتے ہیں۔ شیعہ برملا کہتے ہیں کہ جو حکمران ’’دین ‘‘ کے نام پر حکومت کرتا ہو اور مذکورہ شرائط میں سے کسی شرط پر پورا نہ اتر تا ہو وہ خدا کا، اس کے فرشتوں کا اور اس کے نبیوں کا دشمن ہے۔ اس سلسلے میں اہل تشیع، شیعہ اور سنی حکمرانوں میں کوئی تفریق نہیں کرتے بلکہ ان کے نزدیک اس شیعہ حکمراں کا جرم جو صحیح طریقے سے حکومت نہ کرتا ہو زیادہ سنگین ہے کیونکہ وہ اپنے عقیدے کے خلاف عمل کرتا ہے۔ شیعیت اس سلسلے میں حکمران کے علم اور عدل کو کافی نہیں سمجھتی بلکہ شیعیت میں یہ چیز بھی ناجائز ہے کہ مفضول کو افضل پر فوقیت دی جائے۔ افضل لوگوں کے ہوتے ہوئے جو غیر افضل لوگ اقتدار کی کرسی پر براجمان ہوجاتے ہیں وہ غاصب ہوتے ہیں۔ چنانچہ ہم بلاخوف تردید یہ کہہ سکتے ہیں کہ شیعہ عقیدے کے مطابق آل بویہ، فاطمی، حمدانی اور صفوی حکومتیں دینی حکومتیں نہیں بلکہ سیاسی حکومتیں تھیں۔ بنی امیہ اور بنی عباس کے خلفاء بھی ’’دینی نہیں بلکہ سیاسی حکمران تھے۔‘‘
یہاں یہ بتانا بے محل نہ ہوگا کہ دین کی رو سے شیعہ اس بات کے خلاف نہیں ہیں کہ عوامی راۓ اور مرضی سے ایک جمہوری حکومت تشکیل پاۓ جو انسانی حقوق کا دفاع کرے نیز سرحدوں کی حفاظت اور ملک کے نظم ونسق کی ذمے داری سنبھالے۔ تاہم الہی حکومت کو دینی معاملات میں دخل اندازی کا کوئی اختیار نہیں ہے۔ لہذا اس کتاب "الشيعه والحاكمون" کے سرورق پر لفظ ’’حاکمون‘‘ استعمال کرنے سے مراد فقط سنی حکمران نہیں بلکہ تمام جابر اور آمر حکمران ہیں۔ یہاں یہ بتا دینا بھی ضروری ہے کہ سنی حکمرانوں نے شیعوں یہ جو ظلم و تشدد کیا تھا اس کی وجوہات سیاسی تھیں، دین سے اسے کوئی سروکار نہ تھا۔
قصہ کوتاہ اس کتاب کی تصنیف کا مقصد یہ ہے کہ قاری کو اپنے عقیدے، اظہار رائے اور عمل میں آزادی حاصل ہوتا کہ وہ اپنے ضمیر کے مطابق عمل کر سکے۔ اس مقصد کے حصول کے لئے اگر ضرورت پڑے تو اسے چاہیے کہ اپنی متاع جان بھی لٹا دے بلکہ اس سے بڑھ کر بھی قربانی کے لئے تیار رہے۔
تاریخ کے گہرے مطالعے سے مجھ پر یہ حقیقت منکشف ہوئی ہے کہ اگر حکمران آمر اور جابر نہ ہوتے تو اسلام اس انداز سے پھیلتا کہ آج اس روئے زمین پر ایک بھی غیر مسلم نہ ہوتا۔
آخری بات یہ ہے کہ جب لوگ اقتدار کے ایوانوں میں پہنچ جاتے ہیں تو ان کے رنگ ڈھنگ بدل جاتے ہیں اور ان کا دامن اچھے اوصاف سے خالی ہوجا تا ہے۔ (اقتدار میں آنے سے پہلے لوگ جن سیاستدانوں کو معتبر خیال کرتے ہیں اور سمجھتے ہیں کہ وہ اعلی اخلاقی اصولوں کو نہیں توڑیں گے وہی سیاستدان اقتدار میں آنے کے بعد توڑ جوڑ کی ڈپلومیسی کرنے لگ جاتے ہیں) اس قاعدے سے صرف وہ لوگ مستثنی ہیں جنھیں خدا گمراہی سے محفوظ رکھتا ہے البتہ ایسے لوگ انگلیوں پر گنے جاسکتے ہیں۔

<div id="gtx-trans" style="position: absolute; left: 818px; top: 376px;">
<div class="gtx-trans-icon"></div>
</div>

شیعہ اور جابر حکمران

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

Translated Fields

شواہد تحریف

ہمارے پاس اس ناشر کی جانب سے طبع کی گئی کچھ کتابیں موجود ہیں جنہیں آپ نیچے ملاحظہ فرما سکتے لیکن فی الحال ہمارے پاس اس ناشر کے بارے میں معلومات فراہم نہیں ہیں۔ اگر آپ کے پاس اس ناشر کے بارے میں معلومات ہیں تو براہ کرم اسے ہمارے ساتھ شیئر کریں تاکہ ہم اس کے بارے میں مزید تفصیلات یہاں درج کر سکیں۔ آپ کی توجہ کا شکریہ۔

مجمع علمی اسلامی،تہران

مجمع علمی اسلامی،تہران

Publisher Books

Contact info

Location