معالی السبطین کے نام سے معروف کتاب شیخ مہدی حائری مازندرانی نے لکھی ۔ کتاب کا مکمل نام "معالی السبطین فی أحوال الامامَین الحسن و الحسین" ہے۔ اس کتاب کا اکثر حصہ واقعہ عاشورا اور کربلا سے مربوط ہے ۔واقعہ کربلا پر تحقیق کرنے والے محققین میں سے بعض کی رائے کے مطابق یہ کتاب چنداں اہمیت کی حامل نہیں ہے اور وہ اسے تحریف کے منابع سے شمار کرتے ہیں چونکہ اس کتاب میں جھوٹ پر مشتمل اور غیر مستند مطالب مذکور ہیں۔
مؤلف کا تعارف
صاحب کتاب کا نام شیخ محمد مہدی بن شیخ عبد الہادی ابو الحسن بن شاہ مازندرانی حائری ہے ۔ 1293 ق کو کربلا میں پیدا ہوئے اور 1384 کو وہیں فوت ہوئے ۔ایک علمی گھرانے سے تعلق تھا ان کا خاندان آل مازندرانی کے نام سے کربلا میں پہچانا جاتا ۔فقہ اور اصول اپنے والد کے پاس پڑھا ۔ پھر خطابت کے پیشے میں تخصص کیا ۔ عراق کے معروفترین خطباء میں سے شمار ہوتے تھے۔ شجرۂ طوبیٰ اور الکوکب الدری نام کی کتابیں معالی السبطین سے پہلے لکھیں۔
کتاب
جیسا کہ نام سے واضح ہے کہ یہ کتاب حضرت امام حسن اور امام حسین علیہما السلام کے بارے میں لکھی گئی ہے ۔ یہ کتاب دو اجزا پر مشتمل ہے ۔ پہلا جزو حضرت امام حسن کے متعلق ہے کہ جس میں بارہ مجالس مذکور ہیں اور 39 صفحات پر مشتمل ہے ۔ بقیہ مکمل کتاب حضرت امام حسینؑ، عزادرای اور عاشورا کے بارے میں ہے۔
محققین کی رائے
سید محمد علی قاضی اس کتاب کے متعلق لکھتے ہیں:
معالی السبطین کے منقولات کسی بھی اعتبار سے قابل اعتبار نہیں ہیں مگر یہ کہ وہ اپنے مستندات کے ماخذ نقل کرے۔نیز یہ ایسی کتابوں میں سے نہیں ہے کہ اسے اصلی ماخذ قرار دیا جا سکے ۔ کتاب کے مؤلف سے آشنائی رکھتا ہوں اور اس خطو کتابت بھی رہی ہے ۔ اس کتاب میں صحیح اور نادرست باہم مخلوط ہیں لہذا کتاب کا مطالعہ کرنے والے کیلئے ضروری ہے وہ غیر معتبر سے معتبر کو دقت سے جدا کرے ۔
تحریفی مقامات
مدینہ سے امام حسین علیہ السلام اپنے خادموں ،زیورات اور عطریات وغیرہ کے ہمراہ شاہانہ خروج۔
شب عاشور امام حسین علیہ السلام کے اصحاب کا پراگندہ ہونا۔
روز عاشور امام حسین کا حضرت عباس کے پاس پناہ لینے کا افسانہ۔
حضرت قاسم بن حسن کی شادی کا واقعہ ۔
اسقونی شربة من الماءکے الفاظ سے امام کا پانی مانگنا۔
امام سجاد علیہ السلام کا شہادتوں سے بے خبر ہونا اور امام کا فرمانا : میرے اور تیرے سوا کوئی مرد باقی نہیں ہے ۔
حضرت علی اکبر کی شہادت کے موقع پر آپکی والدہ لیلا برہنہ سر اور پاؤں باہرآئیں اور فرمایا : ووالدہ۔
شہید وہب بن عبد اللہ بن حباب کلبی کا اضافہ۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

View

Votes

معالی السبطین فی احوال الحسن و الحسین ج۱

معالی السبطین فی احوال الحسن و الحسین ج۲

مرزا دبیر کی مرثیہ نگاری

مرثیہ نگاری اور میر انیس

مرثیہ خوانی کی پہلی مجلس لکھنؤ کے ایک رہائشی غلام علی کے گھر منعقد ہوئی۔ روایت ہے کہ غلام علی جو میر مظفر حسین ضمیر لکھنوی کے گھر کے پاس رہتے تھے اور بڑے پُرخلوص عزادار تھے۔ سال بھر کی آمدنی مجلس حسینؑ پر خرچ کیا کرتے تھے۔ ایک مرتبہ محرم الحرام کی شبِ عاشور انہیں کوئی مجلس پڑھنے والا نہ ملا تو وہ ضمیر لکھنوی کے پاس آئے اور کہنے لگے کہ اس سال مجلس پڑھنے کے لیے کوئی خطیب میسر نہ ہے۔ آپ نے میرے ہاں مجلس پڑھنا ہے۔ ضمیر لکھنوی نے کہا کہ مَیں غزل، مثنوی اور قصیدے پڑھتا ہوں۔ لیکن مرثیے آج تک نہیں پڑھے۔ ضمیر لکھنوی کے کھرے جواب کے بعد غلام علی نے کہا ”اچھا نہ پڑھیے لیکن یاد رہے حشر میں دامن گیر ہوں گا اور رسولِ خدا سے شکایت کروں گا۔“یہ سنتے ہی ضمیر کانپ اٹھے صاحبِ خانہ سے مرزا گدا علی گدا کی بیاض مراثی لے کر ایک مرثیہ منتخب کیا جو یوں لکھنؤ میں پہلی مجلس مرثیہ خوانی کا آغاز ہوا۔
مرثیہ نگاری و مرثیہ خوانی برصغیر پاک و ہند میں مسلم ثقافت کا لازمی حصہ رہے ہیں اور رہیں گے بھی۔ اس کتاب میں آپ مرثیہ خوانی کے ابتدائی خدوخال جان پائیں گے اور اردو ادب کی شخصیات، میر خلیق، میر انیس اور مرزا دبیر کے فن کی جہتوں سے آشنا ہونگے۔ منفرد موضوع پر منفرد کتاب ہے۔

مرثیہ خوانی کا فن

پیش نظر کتاب جناب گلفام ہاشمی کی تقاریر کا وہ مجموعہ ہے جسے انھوں نے عشرۂ محرم میں خطاب کیا ہے۔ اس کتاب میں مولانا موصوف کے تقریری اسلوب کی رعایت کی گئی ہے جبکہ اس کتاب کے مطالب بہت عمدہ اور قابل مطالعہ ہیں۔

مجالسِ گلفام

زیر نظر مجموعہ سید سعید اختر رضوی گوپالپوری کے ان مقالات پر مشتمل ہے جو واقعۂ کربلا کے مختلف پہلوؤں پر روشنی ڈالتے ہیں۔ مقالات کو اس طرح ترتیب دیا گیا ہے کہ کتاب میں گونہ تسلسل پیدا ہوگیا ہے۔
امید ہے کہ ان کے مطالعہ سے واقعۂ کربلا کے مختلف تاریخی، مذہبی اور فلسفیانہ پہلوؤں پر روشنی پڑے گی اور قاری قربان گاہ حق و صداقت کی اس عظیم ترین قربانی کے حقائق و معارف اور اسرار و رموز سے کسی حد تک روشناس ہوجائے گا۔

کربلائیات

Books