”اُمّی“ کے معنی میں تین مشہور احتمال پائے جاتے ہیں: پہلا احتمال یہ ہے کہ ”اُمّی“ یعنی جس نے سبق نہ پڑھا ہو، دوسرا احتمال یہ ہے کہ ”اُمّی“ یعنی جس کی جائے پیدائش مکہ ہو اور مکہ میںظاہر ہوا ہو، اور تیسرے معنی یہ ہیں کہ ”اُمّی“ یعنی جس نے قوم او رامت کے درمیان قیام کیا ہو، لیکن سب سے زیادہ مشہور و معروف پہلے معنی ہیں، جو استعمال کے موارد سے بھی ہم آہنگ ہیں، اور ممکن ہے تینوں معنی باہم مراد ہوں۔
اس سلسلہ میں کوئی اختلاف نہیں ہے،کہ”پیغمبر اکرم (ص)کسی مکتب اور مدرسہ میں نہیں گئے “اور قرآن کریم نے بھی بعثت سے پہلے آنحضرت (ص) کے بارے میں وضاحت کے ساتھ بیان کیا ہے:< وَمَا کُنْتَ تَتْلُوا مِنْ قَبْلِہِ مِنْ کِتَابٍ وَلاََتخُطُّہُ بِیَمِینِکَ إِذًا لَارْتَابَ الْمُبْطِلُونَ>(1)
”اور اے پیغمبر! آپ اس قرآن سے پہلے نہ کوئی کتاب پڑھتے تھے اور نہ اپنے ہاتھ سے کچھ لکھتے تھے ورنہ یہ اہل باطل شبہ میں پڑجاتے“۔
یہ بات حقیقت ہے کہ اس وقت پورے حجاز میں پڑھے لکھے لوگ اتنے کم تھے کہ ان کی تعداد انگشت شمار تھی اور سبھی ان کوجا نتے تھے، مکہ میں جو حجاز کا مرکز شمار کیا جاتا تھا لکھنے پڑھنے والوں کی تعداد ۱۷/ سے زیادہ نہیں تھی اور عورتوں میں صرف ایک عورت پڑھی لکھی تھی۔(2)
ایسے ماحول میں اگر پیغمبر اکرم (ص) نے کسی استاد سے تعلیم حاصل کی ہوتی تو یقینی طور پریہ بات مشہور ہوجاتی، بالفرض اگر (نعوذ باللہ) آنحضرت (ص)کی نبوت کو قبول نہ کریں، تو پھر آپ اپنی کتاب میں اس موضوع کی نفی کیسے کرسکتے تھے؟ کیا لوگ اعتراض نہ کرتے کہ تم نے تعلیم حاصل کی ہے، لہٰذا یہ بہترین شاہدہے کہ آپ نے کسی کے پاس تعلیم حاصل نہیں کی ہے۔
بہر حال پیغمبر اکرم (ص) میں اس صفت کا ہونا نبوت کے اثبات کے لئے زیادہ بہتر ہے جس سے یہ بات واضح ہوجاتی ہے کہ جس شخص نے کہیں کسی سے تعلیم حاصل نہ کی ہو وہ اس طرح کی عمدہ گفتگوکرتا ہے جس سے معلوم ہوجاتا ہے کہ آنحضرت (ص) کا خداوندعالم اور عالم ماوراء طبیعت سے واقعاً رابطہ ہے۔
یہ آنحضرت (ص) کی بعثت نبوت سے پہلے، لیکن بعثت کے بعد بھی کسی تاریخ نے نقل نہیں کیا کہ آپ نے کسی کے پاس لکھناپڑھنا سیکھا ہو، لہٰذا معلوم یہ ہو ا کہ آپ اولِ عمر سے آخر ِعمر تک اسی ”اُمّی“ صفت پر باقی رہے۔
لیکن یہاں پر سب سے بڑی غلط فہمی یہ ہے جس سے اجتناب کرنا ضروری ہے وہ یہ کہ تعلیم حاصل نہ کرنے کے معنی جاہل ہونا نہیں ہے، اور جو لوگ لفظ ”اُمّی“ کے جاہل معنی کرتے ہیں وہ اس فرق کی طرف متوجہ نہیں ہیں۔
اس بات میں کوئی مانع نہیں ہے کہ پیغمبر اکرم (ص) تعلیم الٰہی کے ذریعہ ”پڑھنا“ یا ”پڑھنا  اور لکھنا“ جانتے ہوں، بغیر اس کے کہ کسی انسان کے پاس تعلیم حاصل کی ہو، بے شک اس طرح کی معلومات انسانی کمالات میں سے ہیں اور مقام نبوت کے لئے ضروری ہیں۔
حضرات ائمہ معصومین علیہم السلام سے منقول روایات اس بات پر بہترین شاہد ہیں، جن میں بیان ہوا ہے : پیغمبر اکرم (ص) لکھنے پڑھنے کی قدرت رکھتے تھے۔(3)
لیکن ان کی نبوت میں کہیں کوئی شک نہ کرے اس قدرت سے استفادہ نہیں کرتے تھے،اور جیسا کہ بعض لوگ کہتے ہیں کہ لکھنے پڑھنے کی طاقت کوئی کمال محسوب نہیں ہوتی، بلکہ یہ دونوں علمی کمالات تک پہنچنے کے لئے کنجی کی حیثیت رکھتے ہیں نہ کہ علم واقعی اور کمال حقیقی، تو اس کا جواب بھی اسی میں مخفی ہے کیونکہ کمالات کے وسائل سے آگاہی رکھنا خود ایک واضح کمال ہے۔لیکن جیسا کہ بعض لوگوں کا تصور ہے جس طرح کہ سورہ جمعہ میں بیان ہوا ہے:
< یَتْلُوا عَلَیْہِمْ آیَاتِہِ وَیُزَکِّیہِمْ وَیُعَلِّمُہُمُ الْکِتَابَ وَالْحِکْمَةَ>(4) یا اس کے ماننددوسری آیات، اس بات کی دلیل ہیں کہ پیغمبر اکرم (ص) لوگوں کے سامنے لکھی ہوئی کتاب (قرآن) سے پڑھتے تھے، یہ بھی ایک غلط فہمی ہے، کیونکہ تلاوت کے معنی لکھی ہوئی کتاب پڑھنا بھی ہیں اور زبانی طور پر پڑھنا بھی، جو لوگ قرآن، اشعار یا دعاؤں کو زبانی پڑھتے ہیں ان پر بھی تلاوت کا اطلاق بہت زیادہ ہو تا ہے۔(5)
(1) سورہ عنکبوت ، آیت   ۴۸
(2) فتوح البلدان بلاذری ،مطبوعہ مصر، صفحہ ۴۵۹
(3) تفسیر برہان ، جلد ۴، صفحہ ۳۳۲، سورہٴ جمعہ کی پہلی آیت کے ذیل میں
(4) سورہ جمعہ ، آیت ۲”(وہ رسول) انھیں کے سامنے آیات کی تلاوت کرے ان کے نفوس کو پاکیزہ بنائے اور انھیں کتاب و حکمت کی تعلیم دے“۔
(5) تفسیر نمونہ ، جلد ۶، صفحہ ۴۰۰
منبع:islaminurdu.com

Common title

View

کیا پیغمبر اکرم (ص) امّی تھے؟

مختلف قبائل قريش اور اشراف مكہ كا ايك گروہ جمع ہوا تاكہ وہ'' دار الند وہ'' ميں ميٹنگ كريں اور انہيں رسول اللہ كى طرف سے درپيش خطرے پر غور وفكر كريں _
(كہتے ہيں) اثنائے راہ ميں انہيں ايك خوش ظاہر بوڑھا شخص ملا جو در اصل شيطان تھا (يا كوئي انسان جو شيطانى روح وفكر كا حامل تھا)_
انہوں نے اس سے پوچھا : تم كون ہو؟
كہنے لگا : اہل نجد كا ايك بڑا بوڑھا ہوں، مجھے تمہارے اراداے كى اطلاع ملى تو ميں نے چاہا كہ تمہارى ميٹنگ ميں شركت كروں اور اپنا نظريہ اور خير خواہى كى رائے پيش كرنے ميں دريغ نہ كروں _
كہنے لگے : بہت اچھا اندر آجايئے _
اس طرح وہ بھي'' دارالندوة''ميں داخل ہوگيا _
حاضرين ميں سے ايك نے ان كى طرف رخ كيا اور ( پيغمبر اسلام (ص) كى طرف اشارہ كرتے ہوئے ) كہا : اس شخص كے بارے ميں كوئي سوچ بچار كرو ، كيونكہ بخدا ڈر ہے كہ وہ تم پر كامياب ہوجائے ( اور تمہارے دين اور تمہارى عظمت كو خاك ميں ملادے گا )
ايك نے تجويز پيش كى : اسے قيد كردو يہاں تك كے زندان ہى ميں مرجائے _
بوڑھے نجدى نے اس تجويز پراعتراض كيا اور كہا : اس ميں خطرہ يہ ہے كہ اس كے طرف دار ٹوٹ پڑيں اور كسى مناسب وقت اسے قيد خانے سے چھڑا كر اس سرزمين سے باہر لے جائيں لہذا كوئي اور بنيادى بات كرو _
ايك اورشخص نے كہا: اسے اپنے شہرسے نكال دو تاكہ تمہيں اس سے چھٹكارامل جائے كيونكہ جب وہ تمہارے درميان سے چلا جائے گا تو پھر جو كچھ بھى كرتا پھرے تمہيں كوئي نقصان نہيں پہنچا سكتا اور پھر وہ دوسروں ہى سے سروكار ركھے گا _
اس بوڑھے نجدى نے كہا : واللہ يہ نظريہ بھى صحيح نہيں ہے ، كہا تم اس كى شيريں بيانى ،قدرت زبان اور لوگوں كے دلوں ميں اس كے نفوذ نہيں ديكھتے؟ اگر ايسا كروگے تو وہ تمام دنيائے عرب كے پاس جائے گا اور وہ اس كے گرد جمع ہوجائيں گے اور پھر وہ ايك انبوہ كثير كے ساتھ تمہارى طرف پلٹے گا اور تمہيں تمہارے شہروں سے نكال باہر كرے گا اور بڑوں كو قتل كردےگا _
مجمع نے كہا بخدا يہ سچ كہہ رہاہے كوئي اور تجويزسو چو_
ابوجہل كى رائے
ابوجہل ابھى تك خاموش بيٹھا تھا ، اس نے گفتگو شروع كى اور كہا : ميرا ايك نظريہ ہے اور اس كے علاوہ ميں كسى رائے كو صحيح نہيں سمجھتا _
حاضرين كہنے لگے :وہ كيا ہے ؟
كہنے لگا : ہم ہر قبيلے سے ايك بہادر شمشير زن كا انتخاب كريں اور ان ميں سے ہر ايك ہاتھ ميں ايك تيز تلوار دے ديديں اور پھر وہ سب مل كر موقع پاتے ہى اس پر حملہ كريں جب وہ اس صورت ميں قتل ہوگا تو اس كا خون تمام قبائل ميں بٹ جائے گا اور ميں نہيں سمجھتا كہ بنى ہاشم تمام قبائل قريش سے لڑسكيں گے لہذا مجبورا اس
صورت ميں خون بہا پر راضى ہوجائيں گے اور يوں ہم بھى اس كے آزار سے نجات پاليں گے_
بوڑھے نجدى نے (خوش ہوكر ) كہا: بخدا : صحيح رائے يہى ہے جو اس جواں مرد نے پيش كى ہے ميرا بھى اس كے علاوہ كوئي نظريہ نہيں _
اس طرح يہ تجويز اتفاق رائے سے پاس ہوگئي اور وہ يہى مصمم ارادہ لے كروہاںسے اٹھے _
حضرت على عليہ السلام نے اپنى جان كو بيچ ڈالي
جبرئيل نازل ہوئے اور پيغمبر اسلام (ص) كو حكم ملا كہ وہ رات كو اپنے بستر پر نہ سوئيں ،پيغمبر اكرم (ص) رات كو غار ثور كى طرف روانہ ہوگئے اور حكم دے گئے كہ على آپ كے بستر پر سوجائيں (تاكہ جو لوگ دروازے كى درازسے بستر پيغمبر (ص) پر نظر ركھے ہوئے ہيں انہيں بستر پر سويا ہوا سمجھيں اور آپ كو خطرے كے علاقہ سے دور نكل جانے كى مہلت مل جائے )_
اہل سنت كے مشہور مفسر ثعلبى كہتے ہيں كہ جب پيغمبراسلام (ص) نے ہجرت كرنے كا پختہ ارادہ كرليا تو اپنے قرضوں كى ادائيگى اور موجود امانتوں كى واپسى كے لئے حضرت على عليہ السلام كو اپنى جگہ مقرر كيا اور جس رات آپ غار ثور كى طرف جانا چاہتے تھے اس رات مشركين آپ پر حملہ كرنے كے لئے آپ كے گھر كا چاروں طرف سے محاصرہ كئے ہوے تھے، آپ نے حضرت على عليہ السلام كو حكم ديا كہ وہ آپ كے بستر پر ليٹ جائيں ، اپنى مخصوص سبز رنگ كى چادر انہيں اوڑھنے كو دى ، اس وقت خدا وند عالم نے جبرائيل اور ميكائيل پر وحى كى كہ ميں نے تم دونوں كے درميان بھائي چارہ اور اخوت قائم كى ہے اور تم ميں سے ايك كى عمر كو زيادہ مقرر كيا ہے تم ميں سے كون ہے جو ايثار كرتے ہوئے دوسرے كى زندگى كو اپنى حيات پر ترجيح دے ان ميں سے كوئي بھى اس كے لئے تيار نہ ہوا تو ان پروحى ہوئي كہ اس وقت على ميرے پيغمبر كے بستر پر سويا ہوا ہے اور وہ تيار ہے كہ اپنى جان ان پر قربان كردے، زمين پرجائو اور اس كے محافظ ونگہبان بن جائو ،جب جبرئيل ،حضرت على عليہ السلام كے سرہانے آئے اور ميكائيل پائوں كى طرف بيٹھے تو جبرئيل كہہ رہے تھے: سبحان اللہ، صدآفرين آپ پر اے على عليہ السلام كہ خدا آپ كے ذريعے فرشتوں پر فخر ومباہات كررہاہے ،اس موقع پر آيت نازل
ہوئي ''كچھ لوگ اپنى جان خدا كى خوشنودى كے بدلے بيچ ديتے ہيں اور خدا اپنے بندوں پر مہربان ہے'' اور اسى بناء پروہ تاريخى رات '' ليلة المبيت''(شب ہجرت) كے نام سے مشہور ہوگئي _
ابن عباس كہتے ہيں :جب پيغمبر (ص) مشركين سے چھپ كر ابوبكر كے ساتھ غار كى طرف جارہے تھے يہ ايت على عليہ السلام كے بارے ميں نازل ہوئي جو اس وقت بستر رسول (ص) پر سوئے ہوئے تھے _
ابوجعفر اسكافى كہتے ہيں :جيسے ابن ابى الحديد نے شرح نہج البلاغہ، جلد 3 ص 270 پر لكھا ہے :
پيغمبر (ص) كے بستر پر حضرت على عليہ السلام كے سونے كا واقعہ تو اتر سے ثابت ہے اور اس كا انكار غير مسلموں اور كم ذہن لوگوں كے علاوہ كوئي نہيں كرتا (2)
جب صبح ہوئي تومشركين گھر ميں گھس آئے _ انہوں نے جستجو كى تو حضرت على عليہ السلام كو پيغمبر(ص) كى جگہ پر ديكھا _ اس طرح سے خدا نے ان كى سازش كو نقش برآب كرديا _
وہ پكارے: محمد كہاں ہے ؟
آپ نے جواب ديا : ميں نہيں جانتا _
وہ آپ كے پائوں كے نشانوں پر چل پڑے يہاں تك كہ غار كے پاس پہنچ گئے ليكن (انہوں نے تعجب سے ديكھا كہ مكڑى نے غار كے سامنے جالاتن ركھاہے ايك نے دوسرے سے كہا كہ اگر وہ اس غار ميں ہوتے تو غاركے دہانے پر مكڑى كا جالا نہ ہوتا ، اس طرح وہ واپس چلے گئے )
پيغمبر (ص) تين دن تك غار كے اندر رہے ( اور جب دشمن مكہ كے تمام بيابانوں ميں آپ كو تلاش كرچكے اور تھك ہار كرمايوس پلٹ گئے تو آپ مدينہ كى طرف چل پڑے )_
سورہ انفال ايت 30 كے ذيل ميں واقعہ ہجرت بيان ہوا ہے الغدير، جلد 2 ص45 پر ہے كہ غزالى نے احياء العلوم ج3 ص 238 پر، صفورى نے نزہتہ المجالس ج2 ،ص 209 پر، ابن صباغ مالكى نے فصول المہمہ، ميں سبط ابن جوزى نے تذكرہ الخواص ص 21 پر ، امام احمد نے مسندج ا ص 348 پر، تاريخ طبرى جلد 2 ص99 پر، سيرة ابن ہشام ج 2، ص 291 پر، سيرة حلبى ج 1 ص 29 پر، تاريخى يعقوبى ج2 ص 29 پرليلة المبيت كے واقعہ كو نقل كيا ہے
منبع:http://www.shiaarticles.com

ہجرت پيامبر اكرم (ص)

معراج رسول (ص)

تاریخ اسلام سے معلوم ہوتا ہے کہ جب سرزمین حجاز میں اسلام کافى نفوذ کرچکا تو پیغمبراکرم(ص) نے اس زمانے کے بڑے بڑے حکمرانوں کے نام کئی خطوط روانہ کیے _ ان میں بعض خطوط میں کا سہارا لیا گیا ہے ،جس میں آسما نى ادیان کى قدر مشترک کا تذکرہ ہے_
مقوقس(1) کے نام خط
مقوقس مصر کا حاکم تھا پیغمبر اسلام (ص) نے دنیا کے بڑے بڑے بادشاہوں او رحکام کو خطوط لکھے او رانہیں اسلام کى طرف دعوت دی،حاطب بن ابى بلتعہ کو حاکم مصر مقوقس کى طرف یہ خط دے کرروانہ کیا_
بسم اللّہ الرحمن الرحیم
من: محمد بن عبداللّہ
الی: المقوقس عظیم القبط
سلام على من اتبع الھدى ،اما بعد:''فانى ادعوک بدعایةالاسلام
اسلم تسلم،یو تک اللّہ اجرک مرتین، فان تولیت فانما علیکم اثم
القبط ، . . . یا اھل الکتب تعالواالى کلمة سواء بیننا و بینکم'' ان لا نعبد الا اللّہ ولا نشرک بہ شیئاً ولا تتخذ بعضنا بعضاً ارباباً من دون اللّہ ،فان تولوا فقولوا اشھدوا بانا مسلمون''_
اللہ کے نام سے جو بخشنے والا بڑا مہربان ہے _
از _ _ _ محمد بن عبد اللہ
بطرف_ _ _ قبطیوں کے مقوقس بزرگ _
حق کے پیروکاروں پر سلام ہو_
میں تجھے اسلام کى دعوت دیتا ہوں_ اسلام لے آئو تاکہ سالم رہو _ خدا تجھے دوگنا اجر دے گا _ (ایک خود تمہارے ایمان لانے پر اوردوسراان لوگوں کى وجہ سے جو تمہارى پیروى کرکے ایمان لائیں گے ) او راگر تو نے قانون اسلام سے روگردانى کى تو قبطیوں کے گناہ تیرے ذمہ ہوں گے __اے اہل کتاب ہم تمہیں ایک مشترک بنیادکى طرف دعوت دیتے ہیں او روہ یہ کہ ہم خدائے یگانہ کے سوا کسى کى پرستش نہ کریں اور کسى کو اس کا شریک قرار نہ دیں حق سے روگردانى نہ کریں تو ان سے کہو کہ گواہ رہو ہم تم مسلمان ہیں''_
پیغمبر (ص) کا سفیر مصر کى طرف روانہ ہوا، اسے اطلاع ملى کہ حاکم مصر اسکندریہ میں ہے لہذا وہ اس وقت کے ذرائع آمد ورفت کے ذریعے اسکندریہ پہنچا او رمقوقس کے محل میں گیا، حضرت کا خط اسے دیا ، مقوقس نے خط کھول کر پڑھا کچھ دیر تک سوچتا رہا، پھر کہنے لگا:''اگر واقعاً محمد(ص) خدا کا بھیجا ہوا ہے تو اس کے مخالفین اسے اس کى پیدائشے کى جگہ سے باہر نکالنے میں کیوں کامیاب ہوئے او روہ مجبور ہوا کہ مدینہ میں سکونت اختیار کرے؟ ان پر نفرین او ربد دعا کیوں نہیںکى تاکہ وہ نابود ہو جاتے؟''
پیغمبر (ص) کے قاصد نے جواباً کہا:
''حضرت عیسى علیہ السلام خدا کے رسول تھے اور آپ بھى ان کى حقانیت کى گواہى دیتے ہیں، بنى اسرائیل نے جب ان کے قتل کى سازش کى توآپ نے ان پر نفرین اور بد دعا کیوں نہیں کى تاکہ خدا انہیں ہلاک کردیتا؟
یہ منطق سن کر مقو قس تحسین کرنے لگا اور کہنے لگا :
''احسنت انت حکیم من عند حکیم ''
''افرین ہے ،تم سمجھ دار ہو اور ایک صاحب حکمت کى طرف سے ائے ہو ''
حاطب نے پھر گفتگو شروع کى اور کہا :
''اپ سے پہلے ایک شخص (یعنى فرعون )اس ملک پر حکومت کرتا تھا ،وہ مدتوں لوگوں میں اپنى خدائی کا سودا بیچتا رہا ،بالاخر اللہ نے اسے نابود کر دیا تاکہ اس کى زندگى اپ کے لئے باعث عبرت ہو لیکن اپ کوشش کریں کہ اپ کى زندگى دوسروں کے لئے نمونہ بن جائے''_
''پیغمبر (ص) نے ہمیں ایک پاکیزہ دین کى طرف دعوت دى ہے ، قریش نے ان سے بہت سخت جنگ کى او ران کے مقابل صف آراء ہوئے، یہودى بھى کینہ پرورى سے ان کے مقابلے میں آکھڑے ہوئے او راسلام سے زیادہ نزدیک عیسائی ہیں _ ''
مجھے اپنى جان کى قسم جیسے حضرت موسى علیہ السلام نے حضرت عیسى علیہ السلام کى نبوت کى بشارت دى تھى اس طرح حضرت عیسى علیہ السلام حضرت محمد کے مبشر تھے ، ہم آپ لوگوں نے تو ریت کے ماننے والوں کو انجیل کى دعوت دى تھى ،جوقوم پیغمبرحق کى دعوت کو سنے اسے چاہئے کہ اس کى پیروى کرے ،میں نے محمد کى دعوت آپ کى سرزمین تک پہنچادى ہے، مناسب یہى ہے کہ آپ او رمصرى قوم یہ دعوت قبول کر لے''_
حاطب کچھ عرصہ اسکندریہ ہى میں ٹھہرا تاکہ رسول اللہ (ص) کے خط کا جواب حاصل کرے ،چند روز گزر گئے، ایک دن مقوقس نے حاطب کو اپنے محل میں بلایا او رخواہش کى کہ اسے اسلام کے بارے میں کچھ مزید بتایا جائے_
حاطب نے کہا:
''محمد (ص) ہمیں خدانے یکتا ئی پرستش کى دعوت دیتے ہیں او رحکم دیتے ہیں کہ لوگ روزوشب میں پانچ مرتبہ اپنے پروردگار سے قریبى رابطہ پیدا کریں او رنماز پڑھیں ،پیمان پورے کریں ،خون او رمردار کھانے سے اجتناب کریں''_
علاوہ ازیں حاطب نے پیغمبر اسلام (ص) کى زندگى کى بعض خصوصیات بھى بیان کیں_
مقوقس کہنے لگا:
''یہ تو بڑى اچھى نشانیاں ہیں_ میرا خیال تھا کہ خاتم النبیین سرزمین شام سے ظہور کریں گے جو انبیاء علیہم السلام کى سرزمین ہے،اب مجھ پر واضح ہوا کہ وہ سر زمین حجاز سے مبعوث ہوئے ہیں''_
اس کے بعد اس نے اپنے کاتب کو حکم دیا کہ وہ عربى زبان میں اس مضمون کا خط تحریر کرے:
بخدمت : محمد بن عبد اللہ _
منجانب: قبطیوں کے بزرگ مقوقس _
''آپ پر سلام ہو،میں نے آپ کاخط پڑھا ،آپ کے مقصد سے باخبر ہوااو رآپ کى دعوت کى حقیقت کو سمجھ لیا،میں یہ تو جانتا تھا کہ ایک پیغمبر (ص) ظہور کرے گا لیکن میرا خیال تھا کہ وہ خطہ شام سے مبعوث ہوگا، میں آ پ کے قاصد کا احترام کرتا ہوں''_
پھر خط میں ان ہدیوں اور تحفوں کى طرف اشارہ کیا جواس نے آپ کى خدمت میں بھیجے ،خط اس نے ان الفاظ پر تمام کیا_
''آپ پر سلام ہو''
تاریخ میں ہے کہ مقوقس نے کوئی گیارہ قسم کے ہدیے پیغمبر (ص) کے لئے بھیجے ، تاریخ اسلام میں ان کى تفصیلات موجود ہیں،ان میں سے ایک طبیب تھا تاکہ وہ بیما ر ہونے والے مسلمانوں کا علاج کرے، نبى اکرم (ص) نے دیگر ہدیئے قبول فرمایائے لیکن طبیب کو قبول نہ کیا او رفرمایا:''ہم ایسے لوگ ہیں کہ جب تک بھوک نہ لگے کھانا نہیں کھاتے او رسیر ہونے سے پہلے کھانے سے ہاتھ روک لیتے ہیں، یہى چیز ہمارى صحت و سلامتى کے لئے کافى ہے، شاید صحت کے اس عظیم اصول کے علاوہ پیغمبر اسلام (ص) اس طبیب کى وہاں موجودگى کو درست نہ سمجھتے ہوں کیونکہ وہ ایک متعصب عیسائی تھا لہذا آپ نہیںچاہتے تھے کہ اپنى او رمسلمانوں کى جان کا معاملہ اس کے سپرد کردیں_
مقوقس نے جو سفیر پیغمبر (ص) کا احترام کیا،آپ کے لئے ہدیے بھیجے او رخط میں نام محمد اپنے نام سے مقدم رکھا یہ سب اس بات کى حکایت کرتے ہیں کہ اس نے آپ کى دعوت کو باطن میں قبول کرلیا تھا یا کم از کم اسلام کى طر ف مائل ہوگیا تھا لیکن اس بناء پرکہ اس کى حیثیت او روقعت کو نقصان نہ پہنچے ظاہرى طو رپراس نے اسلام کى طرف اپنى رغبت کا اظہار نہ کیا _
قیصر روم کے نام خط
بسم اللّہ الرحمن الرحیم
من:محمد بن عبداللّہ
الی: ہرقل عظیم الرّوم
سلام على من اتبع الھدى
اما بعد:فانى ادعوک بدعایةالاسلام_
اسلم تسلم،یو تک اللّہ اجرک مرتین، فان تولیت فانما علیکم اثم القبط،___یا اھل الکتب تعالواالى کلمة سواء بیننا و بینکم'' ان لا نعبد الا اللّہ ولا نشرک بہ شیئاً ولا تتخذ بعضنا بعضاً ارباباً من دون اللّہ ،فان تولوا فقولوا اشھدوا بانا مسلمون''_
اللہ کے نام سے جو بخشنے والا بڑا مہربان ہے_
منجانب: محمدبن عبد اللہ _
بطرف: ہرقل بادشاہ روم_
''اس پر سلام ہے جو ہدایت کى پیروى کرے_میں تجھے اسلام کى دعوت دیتا ہوں_ اسلام لے آئو تاکہ سالم رہو _ خدا تجھے دوگنا اجر دے گا _ (ایک خود تمہارے ایمان لانے پر اوردوسراان لوگوں کى وجہ سے جو تمہارى پیروى کرکے ایمان لائیں گے ) او راگر تو نے قانون اسلام سے روگردانى کى تو اریسوں کا گناہ بھى تیرى گردن پر ہوگا_اے اہل کتاب ہم تمہیں ایک مشترک بنیادکى طرف دعوت دیتے ہیں او روہ یہ کہ ہم خدائے یگانہ کے سوا کسى کى پرستش نہ کریں اور کسى کو اس کا شریک قرار نہ دیں حق سے روگردانى نہ کریں تو ان سے کہو کہ گواہ رہو ہم تم مسلمان ہیں''_
قیصر کے پاس نبى اکرم (ص) کا پیغام پہنچانے کے لئے ''دحیہ کلبی'' مامور ہوا سفیرپیغمبر(ص) عازم روم ہوا_
قیصرکے دارالحکومت قسطنطنیہ پہنچنے سے پہلے اسے معلوم ہوا کہ قیصربیت المقدس کى زیارت کے ارادے سے قسطنطنیہ چھوڑ چکا ہے، لہذا اس نے بصرى کے گور نر حادث بن ابى شمر سے رابطہ پیداکیا اور اسے اپنامقصد سفر بتایا ظاہراً پیغمبر اکرم (ص) نے بھى اجازت دے رکھى تھى کہ دحیہ وہ خط حاکم بصرى کو دیدے تاکہ وہ اسے قیصرتک پہنچادے سفیر پیغمبر (ص) نے گورنر سے رابطہ کیا تو اس نے عدى بن حاتم کو بلایا اور اسے حکم دیا کہ وہ دحیہ کے ساتھ بیت المقدس کى طرف جائے اور خط قیصر تک پہنچا دے مقام حمص میں سفیر کى قیصر سے ملاقات ہوئی لیکن ملاقات سے قبل شاہى دربار کے کارکنوں نے کہا:
''تمہیں قیصر کے سامنے سجدہ کرنا پڑے گا ورنہ وہ تمہارى پرواہ نہیں کرے گا ''
دحیہ ایک سمجھدار آدمى تھا کہنے لگا :
''میں ان غیر مناسب بدعتوں کوختم کرنے کے لئے اتنا سفر کر کے آیا ہوں _ میں اس مراسلے کے بھیجنے والے کى طرف سے آیا ہوں تا کہ قیصر کو یہ پیغام دوں کہ بشر پرستى کو ختم ہونا چاہئے او رخدا ئے واحد کے سواکسى کى عبادت نہیں ہونى چاہیے ، اس عقیدے کے باوجود کیسے ممکن ہے کہ میںغیر خدا کے لئے سجدہ کروں''_
پیغمبر (ص) کے قاصد کى قوى منطق سے وہ بہت حیران ہوئے ،درباریوں میں سے ایک نے کہا:
''تمہیں چاہئے کہ خط بادشاہ کى مخصوص میز پر رکھ کر چلے جائو، اس میز پر رکھے ہوئے خط کو قیصر کے علاوہ کوئی نہیں اٹھا سکتا''_
دحیہ نے اس کا شکریہ اداکیا ،خط میز پر رکھا اورخودواپس چلا گیا،قیصر نے خط کھولا ،خط نے جو''بسم اللہ'' سے شروع ہوتا تھا اسے متوجہ کیا اور کہنے لگا_
''حضرت سلیمان علیہ السلام کے خط کے سوا آج تک میں نے ایسا خط نہیں دیکھا ''
اس نے اپنے مترجم کو بلایا تا کہ وہ خط پڑھے او راس کا ترجمہ کرے ،بادشاہ روم کو خیال ہوا کہ ہو سکتا ہے خط لکھنے والا وہى نبى ہو جس کاوعدہ انجیل او رتوریت میں کیا گیا ہے، وہ اس جستجو میں لگ گیا کہ آپ کى زندگى کى خصوصیات معلوم کرے، اس نے حکم دیا کہ شام کے پورے علاقے میں چھان بین کى جائے،شاید محمد کے رشتہ داروںمیں سے کوئی شخص مل جائے جو ان کے حالات سے واقف ہو ،اتفاق سے ابوسفیان او رقریش کا ایک گروہ تجارت کے لئے شام آیا ہوا تھا، شام اس وقت سلطنت روم کامشرقى حصہ تھا، قیصر کے آدمیوں نے ان سے رابطہ قائم کیا او رانہیں بیت المقدس لے گئے،قیصر نے ان سے سوال کیا :
کیا تم میں سے کوئی محمد کا نزدیکى رشتہ دار ہے ؟
ابو سفیان نے کہا :
میں اور محمد ایک ہى خاندان سے ہیں او رہم چوتھى پشت میں ایک درسرے سے مل جاتے ہیں_
پھرقیصر نے اس سے کچھ سوالات کئے دونوں میں یوں گفتگو ہوئی''
قیصر: اس کے بزرگوں میںسے کوئی حکمران ہوا ہے؟
ابوسفیان: نہیں _
قیصر: کیا نبوت کے دعوى سے پہلے وہ جھوٹ بولنے سے اجتناب کرتا تھا؟
ابوسفیان: ہاں محمد راست گو او رسچا انسان ہے_
قیصر: کونسا طبقہ اس کا مخالف ہے اور کونسا موافق؟
ابوسفیان: اشراف اس کے مخالف ہیں، عام او رمتوسط درجے کے لوگ اسے چاہتے ہیں_
قیصر: اس کے پیروکاروں میں سے کوئی اس کے دین سے پھرا بھى ہے؟
ابوسفیان: نہیں_
قیصر: کیا اس کے پیروکار روز بروز بڑھ رہے ہیں ؟
ابوسفیان:ہاں _
اس کے بعد قیصر نے ابوسفیان او راس کے ساتھیوں سے کہا:
''اگر یہ باتیں سچى ہیں تو پھر یقینا وہ پیغمبر موعود ہیں، مجھے معلوم تھا کہ ایسے پیغمبر کا ظہور ہوگا لیکن مجھے یہ پتہ نہ تھا کہ وہ قریش میں سے ہوگا، میں تیار ہوں کہ اس کے لئے خضوع کروں او راحترام کے طور پر اس کے پائوں دھوو ں ،میں پیش گوئی کرتا ہوں کہ اس کا دین او رحکومت سرزمین روم پر غالب آئے گی''_
پھر قیصر نے دحیہ کو بلایا او راس سے احترام سے پیش آیا، پیغمبر اکرم (ص) کے خط کا جواب لکھا او رآپ کے لئے دحیہ کے ذریعے ہدیہ بھیجااورآپ کے نام اپنے خط میں آپ سے اپنى عقیدت او رتعلق کا اظہار کیا_
یہ بات جاذب نظر ہے کہ جس وقت پیغمبرا کرم (ص) کا قاصد آنحضرت(ص) کا خط لے کر قیصر روم کے پاس پہونچا تو اس نے خصوصیت کے ساتھ آپ کے قاصد کے سامنے اظہار ایمان کیا یہاں تک کہ وہ رومیوں کو اس دین توحید و اسلام کى دعوت دینا چاہتا تھا، اس نے سوچا کہ پہلے ان کى آزمائشے کى جائے، جب اس کى فوج نے محسوس کیا کہ وہ عیسائیت کو ترک کردینا چاہتا ہے تو اس نے اس کے قصر کا محاصرہ کرلیا، قیصر نے ان سے فوراً کہا کہ میں تو تمہیں آزمانا چاہتا تھا اپنى جگہ واپس چلے جائو_
(1)''مقوقس''(بہ ضم میم وبہ فتحہ ہردو ''قاف'')''ہرقل ''بادشاہ روم کى طرف سے مصر کا والى تھا_
منبع:http://www.shiaarticles.com

پیغمبر (ص) کے خطوط دنیا کے بادشاہوں کے نام

رسولِ اکرم (صلی اللہ علیہ وآلہ وسلم )  کا زندگی نامہ

پیغمبر اسلام کے آباء و اجداد کی شان و عظمت

«محمد پیغمبر صلح» حضرت محمد (صلی اللہ علیہ و آلہ و سلم) کے صلح کے معاہدوں کے بارے میں ایک تحقیقی کتاب ہے۔ اس میں رسول اکرم (صلی اللہ علیہ و آلہ و سلم) کے مختلف معاہدات کا جائزہ لیا گیا ہے۔

کتاب میں سیرت نبوی کے سیاسی اور اجتماعی پہلوؤں پر توجہ دی گئی ہے۔ مصنف نے صلح کے معاہدوں کو تاریخی شواہد کی روشنی میں بیان کیا ہے۔
<h3>کتاب کے بارے میں</h3>
اس کتاب کا بنیادی <a href="https://islamic-sources.com/ur">موضوع رسول اکرم (صلی اللہ علیہ و آلہ و سلم) کے صلح کے معاہدات ہیں۔ ان معاہدات کا تاریخی پس منظر</a> بھی بیان کیا گیا ہے۔

کتاب میں صلح حدیبیہ اور دیگر اہم معاہدات کے مختلف پہلو زیرِ بحث آتے ہیں۔ ان معاہدات کے مقاصد اور نتائج کو بھی سمجھنے کی کوشش کی گئی ہے۔

مصنف نے سیرت نبوی میں امن اور معاہدے کی اہمیت کو نمایاں کیا ہے۔ کتاب سے رسول اکرم (صلی اللہ علیہ و آلہ و سلم) کی سیاسی حکمت اور تدبیر کے بعض پہلو سامنے آتے ہیں۔
<h3>اس کتاب میں ہم کیا سیکھتے ہیں</h3>
اس کتاب سے ہمیں رسول اکرم (صلی اللہ علیہ و آلہ و سلم) کے صلح کے معاہدات کے بارے میں معلومات حاصل ہوتی ہیں۔ ہم ان معاہدات کے تاریخی حالات کو بھی سمجھ سکتے ہیں۔

کتاب سے معلوم ہوتا ہے کہ سیرت نبوی میں معاہدوں کی کیا اہمیت تھی۔ صلح اور امن کے ذریعے مختلف حالات سے نمٹنے کے طریقوں پر بھی روشنی پڑتی ہے۔

ہم صلح حدیبیہ جیسے اہم واقعے کے مختلف پہلوؤں کا مطالعہ کر سکتے ہیں۔ اس سے رسول اکرم (صلی اللہ علیہ و آلہ و سلم) کی حکمت اور معاملہ فہمی کو سمجھنے میں مدد ملتی ہے۔
<h3>اس کتاب کے مصنف کے بارے میں</h3>
پروفیسر ڈاکٹر منتظری مقدم اس کتاب کے <a href="https://maablib.org/tag/tarjuma-shuda-kutab-t/?e-page-1bb79af=2">مصنف ہیں۔ انہوں نے رسول اکرم (صلی اللہ علیہ و آلہ و سلم)</a> کے صلح کے معاہدات کو تحقیقی انداز میں موضوعِ بحث بنایا ہے۔

ان کی یہ کاوش سیرت نبوی کے تاریخی اور سیاسی پہلوؤں کے مطالعے سے متعلق ہے۔ کتاب میں تاریخی واقعات کو معاہدات کے تناظر میں سمجھنے کی کوشش کی گئی ہے۔
<h3>یہ کتاب کن افراد کے لیے مناسب ہے</h3>
یہ کتاب سیرت رسول اکرم (صلی اللہ علیہ و آلہ و سلم) میں دلچسپی رکھنے والے افراد کے لیے مناسب ہے۔

طلبہ اور اسلامی تاریخ کے قارئین اس کتاب سے فائدہ اٹھا سکتے ہیں۔ سیرت نبوی پر تحقیق کرنے والے افراد کے لیے بھی یہ کتاب مفید ہے۔

اسلامی تاریخ، معاہدات اور سفارت کاری کا مطالعہ کرنے والوں کے لیے بھی یہ کتاب قابلِ مطالعہ ہے۔ عام قارئین بھی رسول اکرم (صلی اللہ علیہ و آلہ و سلم) کے صلح کے معاہدات سے واقفیت حاصل کر سکتے ہیں۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Rate

Indexing

SEO Title

Votes

محمد پیغمبر صلح (سرکار کے صلح کے معاہدوں کا تحقیقی جائزہ )

«رسول اسلام روایات کی روشنی میں» حضرت محمد (صلی اللہ علیہ و آلہ و سلم) کی سیرت پر مبنی کتاب ہے۔ اس میں رسول اکرم (صلی اللہ علیہ و آلہ و سلم) کی شخصیت بیان ہوئی ہے۔

کتاب میں آپ (صلی اللہ علیہ و آلہ و سلم) کی زندگی کے مختلف پہلو پیش کیے گئے ہیں۔ ان موضوعات کو روایات کی روشنی میں بیان کیا گیا ہے۔

یہ کتاب رسول اسلام (صلی اللہ علیہ و آلہ و سلم) کی تعلیمات کو سمجھنے میں مدد دیتی ہے۔ سیرت نبوی کے اخلاقی اور تربیتی پہلو بھی اس میں نمایاں ہیں۔
<h3>کتاب کے بارے میں</h3>
کتاب میں <a href="https://islamic-sources.com/ur">رسول اکرم (صلی اللہ علیہ و آلہ و سلم) کے اخلاق کا ذکر ملتا ہے۔ آپ (صلی اللہ علیہ و آلہ و سلم)</a> کے کردار کو بھی بیان کیا گیا ہے۔

روایات کے ذریعے رسول اسلام (صلی اللہ علیہ و آلہ و سلم) کی زندگی کے مختلف واقعات پیش کیے گئے ہیں۔ آپ (صلی اللہ علیہ و آلہ و سلم) کی دینی خدمات بھی زیرِ بحث آتی ہیں۔

کتاب سیرت نبوی کو اسلامی زندگی کے لیے ایک اہم نمونہ قرار دیتی ہے۔ قاری آپ (صلی اللہ علیہ و آلہ و سلم) کی تعلیمات سے رہنمائی حاصل کر سکتا ہے۔
<h3>اس کتاب میں ہم کیا سیکھتے ہیں</h3>
اس کتاب سے ہمیں رسول اکرم (صلی اللہ علیہ و آلہ و سلم) کی سیرت معلوم ہوتی ہے۔ آپ (صلی اللہ علیہ و آلہ و سلم) کے اخلاق بھی ہمارے سامنے آتے ہیں۔

ہم روایات کی روشنی میں رسول اسلام (صلی اللہ علیہ و آلہ و سلم) کی تعلیمات سمجھتے ہیں۔ عبادت اور اخلاق سے متعلق کئی رہنما اصول سامنے آتے ہیں۔

کتاب ہمیں سیرت نبوی سے عملی رہنمائی لینے کی طرف متوجہ کرتی ہے۔ اس سے اسلامی اخلاق اور اچھے کردار کی اہمیت واضح ہوتی ہے۔
<h3>اس کتاب کے مصنف کے بارے میں</h3>
مفسر قرآن آیت اللہ <a href="https://maablib.org/tag/tarjuma-shuda-kutab-t/?e-page-1bb79af=2">سید محمد حسین طباطبائی معروف شیعہ عالم اور مفسر</a> تھے۔ وہ اسلامی فلسفہ کے بھی بڑے محقق تھے۔

ان کی پیدائش تبریز میں ہوئی۔ انہوں نے اسلامی علوم کی مختلف شاخوں میں علمی کام کیا۔

ان کی سب سے معروف تصنیف «المیزان فی تفسیر القرآن» ہے۔ یہ قرآن مجید کی ایک اہم تفسیری کتاب ہے۔

علامہ طباطبائی نے قرآن اور روایات کے تعلق پر بھی خاص توجہ دی۔ ان کی علمی خدمات میں فلسفہ، عرفان، حدیث اور اسلامی عقائد شامل ہیں۔
<h3>یہ کتاب کن افراد کے لیے مناسب ہے</h3>
یہ کتاب سیرت رسول اکرم (صلی اللہ علیہ و آلہ و سلم) میں دلچسپی رکھنے والے افراد کے لیے مناسب ہے۔

طلبہ اور دینی علوم کے قارئین اس سے فائدہ اٹھا سکتے ہیں۔ اسلامی تاریخ کا مطالعہ کرنے والوں کے لیے بھی یہ کتاب مفید ہے۔

رسول اکرم (صلی اللہ علیہ و آلہ و سلم) کے اخلاق اور تعلیمات سمجھنے والے قارئین اس سے استفادہ کر سکتے ہیں۔

قرآن، حدیث اور سیرت کے تعلق میں دلچسپی رکھنے والے افراد کے لیے بھی یہ کتاب قابلِ مطالعہ ہے۔

رسول اسلام روایات کی روشنی میں

<p style="text-align: justify;">پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔</p>
<p style="text-align: justify;">کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔</p>

ناسخ التواریخ حضرت رسول اکرمﷺ ج۱

وحی اور نبوت

تاریخ احمدی مع صلۂ تاریخ احمدی

<p style="text-align: justify;">پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔</p>
<p style="text-align: justify;">کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔</p>

شاہکار رسالت

یہ کتاب حضرت محمدﷺ کی مبارک زندگی پر مشتمل ہے۔ اس میں آپﷺ کی سیرت کو تاریخی اور تربیتی انداز میں بیان کیا گیا ہے۔ مقصد یہ ہے کہ قارئین آپﷺ کی زندگی سے رہنمائی حاصل کریں۔
<h3>کتاب کے بارے میں</h3>
اس کتاب میں نبی کریمﷺ کی <a href="https://islamic-sources.com/ur">پیدائش سے لے کر وفات تک کے اہم واقعات بیان</a> کیے گئے ہیں۔ مکی اور مدنی دور کو تفصیل سے شامل کیا گیا ہے۔ اس میں دعوت، اخلاق، غزوات اور معاشرتی اصلاح کے پہلو بھی موجود ہیں۔
<h3>اس کتاب میں ہم کیا سیکھتے ہیں</h3>
اس کتاب سے ہمیں اسوہ حسنہ کی عملی رہنمائی ملتی ہے۔ صبر، برداشت اور عدل کا درس حاصل ہوتا ہے۔ دعوت دین کے اصول سمجھ آتے ہیں۔ اور ایک بہتر اسلامی معاشرہ بنانے کا طریقہ بھی معلوم ہوتا ہے۔
<h3>اس کتاب کے مصنف کے بارے میں</h3>
مصنف ایک سیرت نگار اور محقق ہیں۔ انہوں نے <a href="https://tanzil.net/#19:1">تاریخی مصادر کی روشنی میں یہ کتاب تحریر</a> کی ہے۔ ان کا انداز سادہ اور تحقیقی ہے۔ مقصد نبی کریمﷺ کی زندگی کو عام فہم انداز میں پیش کرنا ہے۔
<h3>یہ کتاب کن افراد کے لیے مناسب ہے</h3>
یہ کتاب طلباء اور عام قارئین کے لیے مناسب ہے۔ خطباء اور اساتذہ بھی اس سے فائدہ اٹھا سکتے ہیں۔ جو افراد سیرت النبیﷺ کو سمجھنا چاہتے ہیں ان کے لیے یہ بہترین کتاب ہے۔

پیغمبر اسلام

Books

Articles