انقلاب اسلامی ایران بلا شبہ اس دور کا سب سے بڑا معجزہ ہے جس کے ظہور سے سپر طاقتوں کے ایوان کانپنے لگے ہیں اور سامراجی ممالک کے سربراہوں کی راتیں بے خواب ہوگئی ہیں ۔ صدر امریکہ نے اس انقلاب کو اپنی جھولی میں ڈالنے کے لئے بیان دیا کہ امریکی اور اسلامی ثقافت میں بڑی گہری مماثلت ہے نیز پہلی بار امریکہ کی جانب سے اہل اسلام کو عید کی مبارکباد بھی پیش کی گئی۔ صدر امریکہ نے اپنے عملے کو ہدایت جاری کی کہ اسلام کے بارے میں ایک مفصل رپورٹ اسے پیش کی جائے۔
بہر حال جہاں یہ اسلامی انقلاب پوری دنیا پر اثر انداز ہوا وہاں اس نے عالم اسلام میں انڈونیشیا سے لے کر سینیگال تک مسلمانوں کو ایک جذبۂ تازہ دیا انہیں سید جمال الدین افغانی اور علامہ اقبال کا احیائے اسلام کا خواب زندہ حقیقت کا روپ دھارتا نظر آنے لگا۔ مغربی افکار کی مرعوبیت کا طلسم ٹوٹنے لگا اور اپنے اسلامی ورثے پر شرمندگی کے بجائے اظبار فخر کی جرأت ہونے لگی۔ اسلامی ممالک میں غیر اسلامی تہذیب و اقدار کے خاتمے اور اسلامی نظام کو اپنانے کی تحریک پیدا ہوگئی۔
اسلام دشمن عناصر سامراجی طاقتوں اور اسرائیل اور جنوبی افریقہ کے حامیوں نے اپنے مفادات خطرے میں دیکھ کر اس انقلاب کے خلاف پروپیگنڈے کا ایک زبردست محاذ کھڑا کردیا۔ انقلاب کو ناکام کر نے کے لئے بڑی بڑی سازشیں تیار کی گئیں حتیٰ کہ اسلامی انقلاب کی فکری بنیادوں کو منہدم کرنے کے لئے اپنے ایجنٹوں کے ذریعہ فکری انتشار پیدا کرنے، اسے اصلی  راستے سے ہٹانے اور اس میں بیرون اِزموں کے افکار کا پیوند لگا نے کی کوششیں بھی کی گئیں مگر الحمد للہ کہ اسلام پر حق الیقین رکھنے والے انقلابی قائدین اور مفکرین نے بروقت اسلامی انقلاب کی فکری وضاحت کر کے ان کوششوں کو ناکام  بنادیا اور عوام نے رہبر عظیم امام خمینی رحمۃ اللہ علیہ کی بلند قیادت اور انقلاب کی اسلامی حقیقت پر یقین رکھتے ہوئے اسے انتہائی مستحکم کر دیا یوں یہ انقلاب نعمتیں اور رحمتیں برساتا ہوا اپنے اصلی راستے پرآ گے بڑھ رہا ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

انقلاب ایران

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

Translated Fields

Rate

Votes

الامامؑ

پیش نظر کتاب میں ڈاکٹر علی شریعتی نے مولائے کائنات علی ابن ابی طالب علیہما السلام کی زندگی کے اس پہلوکو اجاگر کرنے کی کوشش کی ہے جس کی طرف عموماً توجہ نہیں کی جاتی۔اس مقالے میں ڈاکٹر علی شریعتی نے دو امور پر زور دیا ہے ا۔ اہمیتِ معرفت، ۲۔ عدم معرفت کی بدولت علی علیہ السلام کی اس بسيط کائنات میں تنہائی۔
ڈاکٹر علی شریعتی اس حقیقت کو آشکار کرتے ہیں کہ کروڑوں لوگوں کے دل علی علیہ السلام کی محبت میں شبانہ روز تڑپتے ہیں اور محبت امیرؑ میں لکھی گئی کتابیں، اشعار، قصائد کو اگر یکجا کیا جائے تو ایک عظیم کتابخانہ معرض وجود میں آجائے گا مگر علیؑ کی شخصیت کیسی تھی اور ان کی جامع اور اکمل ذات کو ذہن میں متصور کرنے والی شائد ایک کتاب بھی نہ مل سکے اس کربناک صورتحال کی ذمہ دار قوم و ملت نہیں بلکہ قوم کے فضلاء و دانشور ہیں جو فرماتے ہیں کہ بات صحیح ہے مگر خلافِ مصلحت ہے۔
مولائے کائنات کی محبت از حد ضروری مگر ان کی محبت سے بھی زیادہ اہم اور گرانقدر ان کی ذات کی معرفت ہے جو کہ ایک انسان مطلق و کامل کی معرفت ہے جو چلچلاتی دھوپ میں مشغول مزدوری ہے، گہری فکر میں غوطہ زن فلسفی، خالق کائنات کی تخلیق میں محو پرواز عارف کامل، محراب مسجد میں سر بسجود بے مثال عابد، لذائذ دنیا سے مستغنی زاہد، میدان حرب کا فقید المثال جنگجو، یتامیٰ  و ارامل کیلئے تاریک و سرد راتوں میں سامان مہیا کرنے والا مردگار، قوم و ملت کی ہدایت میں مصروف کامل رہنما، اخلاق و فضائل انسانیت کا چشمۂ پرفیض، بے مثال شوہر، افضل ترین باپ اور سیدالبطحاء کا مجموعۂ اوصاف فرزند، نفس رحمة للعالمین، ایسے جامع اضدار اوصاف کا مالک انسان کامل دنیا دار معاشرے میں ناشناختہ رہے۔ جس ذات کے نقش قدم پر چل کر معاشرہ کامیاب، سماج آزاد، ترقی یافتہ اور پرسکون تہذیب معرض وجود میں آسکتی تھی اہل دنیا اس کی شناخت و معرفت سے بے بہرہ رہے۔
انسان خواہشات و حیوانیت سے جس رفتار سے دور ہوتا جاتا ہے اتنا ہی تنہا ہوتا جاتا ہے اور صرف اور صرف انسان رہ جاتا ہے اور مولائے کائنات انسان مطلق ہیں۔ان کی خاموشی کیوں ہے؟ ان کا غم کیا ہے؟ ان کی تنہائی اور ان کا غم یہ ہے کہ ہم انہیں پہچان نہ سکے۔
ڈاکٹر علی شریعتی اس رسالے کے ذریعے محبان امیرعلیہ السلام کے اندر کے انسان کو کمال کے راسوں پر گامزن دیکھنا چاہتے ہیں اور یہ ایک ہی صورت میں ممکن ہے کہ ہم مولائے کائنات کی معرفت حاصل کرنے کے بعد ان کے نقش قدم پر چلنے کی کوشش کریں کیونکہ دنیوی آسودگی اور اخروی نجات کا یہی واحد راستہ ہے۔
پیش نظر کتابچے کو ضرور اپنے مطالعے کا حصہ قرار دیں۔

علیؑ اور تنہائی

اسم گرامی:مجتبیٰ علی خان۔ عرفیت : عابد(گھروالوں کے لئے )شہرت : ادیب الہندی تخلص: ادیب

&nbsp;

وطن :عبد اللہ بہارپور،ضلع سلطان پور۔ تاریخ ولادت:  ۱۵؍رمضان المبارک ۱۳۶۴ھ؁مطابق ۲۳؍اگست ۱۹۴۵ء؁

ولدیت:  جناب الحاج محمد ضیغم علی خان مرحوم (رئیس بہارپور)

&nbsp;

ابتدائی تعلیم : جامعہ ناظمیہ لکھنؤ

&nbsp;

اعلیٰ تعلیم: حوزہ علمیہ نجف اشرف ؛(۱۴؍مئی ۱۹۶۴ء؁کونجف اشرف روانہ ہوئے اورتقریباً۱۲سال تک اساطین فقہ واصول سے کسب فیض کرنے کے بعد۱۹۷۶ء؁میں ہندوستان واپس ائے)

&nbsp;

اسناد:عالم ،فاضل ،ادیب ماہر،ادیب کامل،بی اے (B.A)ایم اے(M.A)ایل ایل بی (L.L.B)

&nbsp;

اساتذہ کرام :آیۃ اللہ العظمیٰ حکیمؒ ،آیۃ اللہ العظمیٰ امام خمینی ؒ،آیۃ اللہ العظمیٰ خوئی ؒ،آیۃ اللہ راستی ،آیۃ اللہ کریمی ،مفتی اعظم مولاناسیداحمد علی ؒ، استاذ الاساتذہ مولانامحمد شاکرامروہوی طاب ثراہ ،علامہ اخترعلی تلہری صاحب ،مولاناابن حیدرصاحب وغیرہ

&nbsp;

احباب وہم عصر:حجۃ الاسلام والمسلمین مولانا سیدتقی الحیدری صاحب،حجۃ الاسلام سید محمد کاظم کریمی صاحب مرحوم ،مولاناسیدعلی اختر رضوی شعور ؔگوپال پوری ؒ،عالی جناب قمراحسن صاحب،و...۔

&nbsp;

تبلیغی سفر:

الف:عشرہ مجالس :

آپ نے ہندوستان کے اکثرشہروں میں عشرہ مجالس خطاب کیا نیز اسی غرض سے امریکا،کناڈا،انگلینڈ،افریقا،اور امارات متحدہ تشریف لے گئے ۔

&nbsp;

ب:مذہبی کانفرنس:

&nbsp;

آپ نے دینی اورمذہبی کانفرنس کے سلسلے میں کئی شہروں کاسفرکیاجن میں مجلس علماء وواعظین کے زیراہتمام دہلی ، میرٹھ  اور بنگلور میں منعقدہ کانفرنسیں نمایاں حیثیت کی حامل ہیں ۔

&nbsp;

مناصب اورعہدے :

&nbsp;

۱۔وائس پرنسپل مدرسۃ الواعظین لکھنؤ  (۱۹۸۰ء؁میں )

&nbsp;

۲۔پرنسپل منصبیہ عربی کالج میرٹھ  (۱۹۹۸ء؁میں )

&nbsp;

۳۔جنرل سیکرٹری مجلس علماء وواعظین

&nbsp;

۴۔ مدرس وثیقہ عربی کالج فیض آباد

&nbsp;

نجف اشرف سے واپسی پر فخرالاتقیاء مولاناسیدوصی محمدصاحب مرحوم نے مدرسہ میں آکرشرح لمعہ وغیرہ کادرس دینے کی فرمائش کی ۔ وثیقہ کے قیام ہی کے دوران آپ نے انگریزی سیکھی اورمختلف امتحانات دیتے ہوئے ایل ایل بی کی ڈگری بھی حاصل کی ۔

&nbsp;

آثار اورکارنامے:

&nbsp;

الف :تراجم :

&nbsp;

قانون اساسی جمہوری اسلامی ایران ،بعض عربی اورفارسی کے طویل مقالوں کاترجمہ بھی شامل ہے ۔

&nbsp;

ب:تصانیف وتألیفات :

&nbsp;

۱۔الامام:علی میاں ندوی نے سیرت امیرالمومنین ؑ پرایک کتاب ’’المرتضیٰ ‘‘لکھی جس میں حقائق کوتوڑمروڑکرپیش کیاگیا تھا ، مولاناموصوف نے اس فتنہ پرورکتاب کاعالمانہ جواب ’’الامام‘‘ کے نام سے 1994 میں شائع کیا(افسوس علالت کی وجہ سے اس کادوسراحصہ شائع نہ ہوسکاشایدکچھ مسودے محفوظ ہوں )

&nbsp;

۲۔انقلاب ایران :اس کتاب میں انقلاب اسلامی ایران کے سلسلہ میں عدم معرفت اور نادانی کی بنا پر زبان اعتراض کھولنے والوں کے لئے دعوت دی گئی ہے۔  ۱۳۹۹ ھ میں ادارہ نور اسلام ،فیض آباد سے شائع ہوئی ۔

&nbsp;

۳۔انوار:اقوال چھاردہ معصومین پرمشتمل ’’انوار‘‘نامی کتاب مرتب کی جومقبولیت کے پیش نظرمختلف اداروں سے شائع ہوتی رہی ہے اس کاہندی ترجمہ بھی شائع ہوچکا ہے۔

&nbsp;

۴۔افتخارالعلماء :یہ کتاب افتخارالعلماء مولانا سعادت حسین خان صاحب مرحوم کی حیات وخدمات پرمشتمل ہے ۔

&nbsp;

۵۔جدیدفارسی ادب پرانقلاب اسلامی ایران کے اثرات (غیرمطبوعہ)یہ کتاب اصل میں مولانا مرحوم کی پی ،ایچ،ڈی (Phd)کی Thesisتھی۔

&nbsp;

۶۔ جناب زینب سلام اللہ علیھا (غیرمطبوعہ نامکمل)

&nbsp;

ج:مضامین :

&nbsp;

آپ نے بہت سے مضامین تحریر کئے جوہندوپاک کے مختلف رسالوں میں شائع ہوئے جن میں الواعظ، توحید، اصلاح، سرفراز، صداقت اور تنظیم المکاتب سرفہرست ہیں۔

&nbsp;

مضامین کی تنظیم وترتیب کا کام چل رہاہے عنقریب ویب سائٹ کے ذریعہ مومنین کی خدمت میں پیش کئے جائیں گی۔

&nbsp;

دینی خدمات :

&nbsp;

۱۔مختلف شہروں اوردیہاتوں میں مساجد اور امامباڑوں کی بنیادرکھی اوران کی تعمیر میں مالی تعاون کیا نیز تعمیر مساجد کمیٹی کی بنیاد بھی رکھی ۔

&nbsp;

۲۔بہارپورکے آبائی امام باڑے کی تعمیرنو کروائی اور اپنی وصیت کے مطابق اسی میں سپرد لحد ہوئے ۔

&nbsp;

۳۔آپ نے متعدد اداروں کے ساتھ بھرپور تعاون کیاجن میں مجلس علماء وواعظین اور تعمیر مساجد کمیٹی شامل ہیں۔

&nbsp;

۴۔مدرسۃ الواعظین کے وائس پرنسپل ہونے کے بعد آپ نے مدرسہ میں بہت سے ترقیاتی کام کئے ۔کتب خانے کے لئے جدید کتابیں حاصل کیں ۔بوسیدہ عمارت کی تعمیرنو کی مہم چلائی اورمتعدد کمرے تعمیر کروائے ،ماہنامہ الواعظ کوعلمی اورمالی تعاون کے ذریعہ کافی ترقی دی نیز مدرسہ میں دینی معلومات کاہفتہ وار پروگرام ہوتا تھا جس میں اہل شہر بھی شامل ہوتے تھے۔

&nbsp;

۵۔وقت کی اہم ترین ضرورت کے پیش نظرآپ نے مجلس علماء وواعظین سے بہت سی کتابیں شائع کروائیں جن میں علی ؑفی القرآن ،اہل البیت ؑفی القرآن ، شہرشہادت ،امام مہدی (عج )حدیث کی روشنی میں، ایسا ہی ہے حکم اسلام کا وغیرہ شامل ہیں

&nbsp;

ادبی خدمات:

&nbsp;

شعروشاعری کے علاوہ ادبی مضامین اورانشائیے شامل ہیں جومختلف ناموں سے سرفراز میں شائع ہوئے ۔

&nbsp;

معاشرتی اور اجتماعی سرگرمیاں :

&nbsp;

۱۔لکھنؤکی تحریک عزاداری میں نمایاں حصہ لیا۔

&nbsp;

۲۔عراق کے قیام کے دوران آیۃ اللہ یوسف حکیم کی حفاظت کے لئے بڑھ چڑھ کرحصہ لیا۔

&nbsp;

آپ اس سلسلے میں اتنے سرگرم تھے کہ حکومت کی بلیک لیسٹ میں نام آگیا تھا لیکن اس کے باوجود اپنی ذمہ داری سے دست بردار نہیں ہوئے آخرکار آیۃ اللہ حکیم کے خانوادہ کی طرف سے آپ کوشام بھیجنے کا انتظام کیاگیا اور آپ بحفاظت حدود عراق سے نکل آئے ۔

&nbsp;

۳۔آیۃ اللہ خمینی ؒ نجف اشرف میں رہ کر ایران کی شاہی حکومت کے خلاف تحریک چلا رہے تھے آپ نے اس تحریک میں بھی غیرمعمولی حصہ لیا جس کے نتیجے میں حکومت کے معتوبین میں شمار ہونے لگے اور نام بدل کرہندوستان واپس آنا پڑا۔

&nbsp;

شخصیت کی خوبیاں :

&nbsp;

۱۔حق کے لئے جانثاری کاجذبہ :عراق وایران کی تحریکیں اس بات کی گواہ ہیں۔ ۲۔جلدی معاف کردینا۔ ۳۔اپنے دشمنوں سے نیک برتاو کرنا۔ ۴۔مادی چیزوں سے بے رغبتی ۔ ۵۔غیبت کرنے والوں سے دوری ۔۶۔اہل بیت طاہرین ؑکے دشمنوں سے شدید نفرت اور اظہار بیزاری ۔

&nbsp;

اولاد :

&nbsp;

۱۔حجۃ الاسلام مولانامصطفیٰ علی خان (شمیل)آپ حوزہ علمیہ قم سے تعلیم حاصل کر کے ہندوستان واپس آ گئے ہیں اور لکھنو میں مقیم ہیں مختلف تبلیغی خدمات کے علاوہ اپنے والدگرامی کے کارناموں کو منظرعام پر لانے اور ان کے ادھورے کاموں کومکمل کرنے کی جدوجہد کر رہے ہیں، خدا ان کی توفیقات میں اضافہ فرمائے ۔

&nbsp;

۲۔مرتضیٰ علی خان  (کمیل)

&nbsp;

۳۔احمدعلی خان  (زہیر)

&nbsp;

۴۔مہدی علی خان (سہیل)

&nbsp;

وفات :

&nbsp;

آپ کے گردے خراب ہوچکے تھے بڑے فرزند برادر عزیز مولانا مصطفیٰ علی خان (شمیل) صاحب نے اپنے گردے کی پیشکش کی جسے انھوں نے ایک عرصہ تک ٹالا آخر ڈاکٹروں کے اصرارسے مجبور ہو کر ۳۱؍دسمبر ۱۹۹۹ء؁ کو گردے کی تبدیلی کاآپریشن ہوا ڈاکٹروں نے چھ مہینے تک سخت حفاظت اور احتیاط کامشورہ دیاتھاکہ انفکشن نہ ہوطجائے لیکن دو ہی مہینے میں لکھنؤ آگئے اورعیادت کرنے والوں میں ایسا گھرے کی سخت انفکشن ہوگیا دوبارہ دہلی گئے لیکن وقت موعود آچکا تھا ۴؍محرم۱۴۲۱ھ؁ مطابق ۱۰؍اپریل ۲۰۰۰ء؁ کو دار فانی سے داربقا کی طرف کوچ کرگئے ۔۱۱؍اپریل کو میت لکھنو ہوتے ہوئے وطن (بہارپور) پہنچی نمازمیت مرحوم کے فرزند اکبر مولانامصطفی علی خان شمیل نے پڑھائی ۔

&nbsp;

مدفن:حسینیہ بہارپور،ضلع سلطان پور ۔

&nbsp;

ایک یادگارلمحہ:

&nbsp;

عراق میں قیام کے دوران ایک مرتبہ درسی مذاکرہ میں جاسوسوں نے عراق پولیس کومولانا مرحوم کی موجودگی کی اطلاع پہنچادی ،پولس صرف انہیں کو تلاش کرنے وہاں پہنچی تھی لیکن ان میں ذرا بھی اضطراب پیدا نہ ہوا زیر لب یہ آیت پڑھتے رہے ’’وجعلنامن بین ایدیھم سداومن خلفھم سداً فاغشیناھم فھم لا یبصرون ۔‘‘ (سورہ یٰس آیت ۹)

&nbsp;

ہم نے ایک دیوار ان کے آگے کھڑی کردی اورایک دیوار ان کے پیچھے ،ہم نے انھیں ڈھانک دیا اب انھیں کچھ نہیں سوجھتا۔

&nbsp;

پولیس وہاں کچھ دیرتک کھڑی رہی اور پھر واپس چلی گئی تو ان کے رفقاء کی جان میں جان آئی سب نے اس لرزہ خیز واقعہ پر دیر تک تبصرے کئے لیکن یہ تمام تبصروں کاجواب ہلکی سی مسکراہٹ سے دیتے رہے ۔

Born

Death

مجتبیٰ علی خان(ادیب الہندی)

مجتبیٰ علی خان(ادیب الہندی)

Born:

Death:

مجتبیٰ علی خان(ادیب الہندی)

Author Books