حوزه علمیه جوادیه بنارس، ایالت اترپردیش، سال تأسیس 1347 ھجری قمری

حوزه علمیه جوادیه

حجۃ الاسلام و المسلمین مولانا ڈاکٹر سید محسن رضا عابدی صاحب قبلہ عرف سرکار، فاضل مدرسۃ الواعظين لکھنؤ، پرنسپل حوزہ علمیہ اہلبیت (ع) ہوگلی مغربی بنگال۔ اس امام باڑہ کے ایک حصہ مدرسہ سے مخصوص ہے جس کا نام حوزہ علمیہ اہلبیت علیھم السلام ہے۔ اور ہوگلی امام باڑہ کے نام سے مشہور ہے۔
ہگلی امام باڑہ ہندوستان میں ہگلی ندی کے کنارے مغربی بنگال کے شہر مرشد آباد میں واقع شیعہ مذہبی ایک عمارت ہے جو مغربی بنگال کی تاریخی عمارتوں میں سے ایک ہے۔ امام باڑے کا بانی حاجی محمد محسن بنگال کا ایک زمیندار اور تاجر تھا جنہوں نے سنہ 1841ء میں ہوگلی امام حسین علیہ السلام کی مجالس منعقد کرنے کے لیے اس امام باڑے کی تعمیر کروائی۔ ہوگلی امام باڑے میں بلاتفریق ہر مسلک اور مذہب کے لوگ عزاداری میں شرکت کرتے ہیں۔ شیعہ سنی کے علاوہ غیر مسلم بھی کافی تعداد میں شریک ہوتے ہیں۔ سات محرم کو پوری ریاست سے عزادار یہاں جمع ہوتے ہیں۔ امام بارگاہ میں ایک طرف مدرسہ بھی واقع ہے جس کا نام (حوزہ علمیہ اہلبیت علیھم السلام) ہے، مدرسہ کو مغلیہ طرز تعمیر سے بنایا ہے۔ 20 سال کے عرصے میں تعمیر مکمل ہوئی۔ دسمبر اور جنوری میں سیاح بھی کافی تعداد میں یہاں کا رخ کرتے ہیں۔

حوزہ علمیہ اہلبیت (ع)، ہوگلی مغربی بنگال

ہندوستان کے شہر حیدرآباد میں واقع حوزۃ المھدی العلمیۃؑ زیر نگرانی:ایمان فاؤنڈیشن، نجفی ہاؤس ممبئی
واضح رہے کہ یہ مدرسہ نجفی ہاؤس کے زیر اہتمام کام کرتا ہے اور طلاب کی علمی اور اخلاقی تربیت میں قدیم الایام سے پیش پیش رہا ہے یہاں سے فارغ طلاب دنیا کے گوشہ و کنار میں علمی و تبلیغی خدمات انجام دے رہے ہیں۔

حوزۃ المھدی العلمیۃ(ع)، حیدرآباد

۲۰؍جمادی الثانی ۱۴۱۵ھ(۲۴؍نومبر ۱۹۹۴ء)کو مربیٔ ملت حجۃ الاسلام والمسلمین الحاج مولانا سید حیدر مہدی زیدی طاب ثراہ نے ہندوستان کے علمی شہر لکھنؤ میں قوم کی بچیوں کو اعلیٰ دینی تعلیم سے آراستہ کرنے کے لئے مدرسہ جامعۃ الزہراء(س) کے نام سے پہلی درس گاہ اپنی شریک حیات فاضلہ جلیلہ خواہر سیدہ رباب زیدی صاحبہ کے ساتھ قائم کی ۔
تعارف
۲۰؍جمادی الثانی ۱۴۱۵ھ(۲۴؍نومبر ۱۹۹۴ء)کو مربیٔ ملت حجۃ الاسلام والمسلمین الحاج مولانا سید حیدر مہدی زیدی طاب ثراہ نے ہندوستان کے علمی شہر لکھنؤ میں قوم کی بچیوں کو اعلیٰ دینی تعلیم سے آراستہ کرنے کے لئے مدرسہ جامعۃ الزہراء(س) کے نام سے پہلی درس گاہ اپنی شریک حیات فاضلہ جلیلہ خواہر سیدہ رباب زیدی صاحبہ کے ساتھ قائم کی ۔
اغراض و مقاصد
 یوں تو شہر لکھنؤ محبان محمدؐ و آل محمدؐ کا مرکز رہا ہے مگر صنف نسواں اعلیٰ دینی تعلیم سے محروم تھی جس کی محرومیت کا احساس دیندار و با شعور طبقہ شدت سے کر رہا تھا۔
معاشرہ سازی جو مرسلین و مصلحین کی دیرینہ آرزو رہی ہے اور معاشرہ اور معاشرہ کی اکائیاں افراد کی صورت میں آغوش مادر سے نکل کر معاشرہ کو تشکیل دیتی ہیں۔ اب اس صورت میں اگر آغوش ہی آلودہ ہوا اور ماں ہی دینی تعلیم سے محروم ہو تو وہ افراد کہاں سے آئیں گے جو معاشرہ سازی میں اپنا کردار ادا کریں گے۔ اس ضرورت کا احساس کرتے ہوئے اور قوم کو اس محرومی سے نکالنے کے لئے مربی ملت سید حیدر مہدی طاب ثراہ اس کا راہ حل نکالنے کے لئے آگے بڑھے آپ کا ماننا تھا کہ ’’ مرد کی تعلیم فرد کی تعلیم ہے جب کہ عورت کی تعلیم معاشرہ کی تعلیم ہے۔‘‘
اس لئے آپ نے جامعۃ الزہراء کی بنیاد رکھی تا کہ معاشرہ ساز بچیوں کو روح اسلام سے آشنا کیا جا سکے جو معاشرہ سازی کی ذمہ داریاں ادا کریں۔
صنف نسواں کی اعلیٰ دینی تعلیم و تربیت
تعلیم اور ثقافت اہل بیت کی نشر و اشاعت
اسلام کے نام پر معاشرہ بالخصوص خواتین کے درمیان پھیلی ہوئی غیر شرعی رسم ورواج اور خرافات کا خاتمہ
عمارت و سہولیات
 بحمد اللہ مدرسہ کی بلڈنگ تین طبقوں پر مشتمل ہے۔ جس میں پہلے طبقہ پر دو بڑے اجتماعی ہال، کتاب خانہ اور ڈائننگ ہال موجود ہیں۔ دوسرے طبقہ پر طالبات کی شب و روز کی رہائش کے لئے تمام سہولیات سے آراستہ کمرے (بیڈ، ائر کولر، شخصی الماریاں وغیرہ) ، وضو خانہ ، واٹر کولر، ۲۴ گھنٹہ بجلی اور پانی کا انتظام بھی موجود ہے۔
دارالاقامہ میں طالبات کی نظارت و تربیت کے لئے شب و روز مسئول خواب گاہ(Warden) بھی ساتھ رہتی ہیں۔ تیسرا طبقہ درس گاہ سے مخصوص ہے جس میں کلاس روم، دار القرآن بزم فضہ، دفاتر، بیت الصلوٰۃ، سلائی اور ہنری و ثقافتی کاموں کے لئے کمرہ موجود ہیں۔
اسی طرح خواہران کے مباحثہ اور مطالعہ کے لئے الگ الگ کمروں کا انتظام ہے۔ خواہران کی ابتدائی اور فوری ضروریات کے لئے فروش گاہ (دوکان) بھی موجود ہے۔
کتابخانہ
 طالبات کے مطالعہ اور ان کے تحقیقی کاموں میں آسانی فراہم کرنے کے لئے مدرسہ کے اندر دو کتاب خانہ موجود ہیں، ایک ’’ کتابخانہ مربیٔ ملت‘‘ کے نام سے ہے جس میں مختلف موضوعات پر عربی، فارسی ، اردو ، انگریزی، ہندی زبانوں مین درسی اور غیر درسی کتابیں دستیاب ہیں۔ ’’ کتاب خانہ مربیٔ ملت‘‘ تقریباً سترہ ہزار کتابوں پر مشتمل ہے جس سے طالبات کے علاوہ اساتذہ بھی استفادہ کرتے ہیں۔
اور دوسرا کتاب خانہ بنام ’’ کتاب خانۂ فخر النساء‘‘ ہے جس میں سات ہزار کے قریب نوارد کتابیں موجود ہیں۔
تعلیمی و تربیتی نظام
تعلیمی نظام
 دور حاضر کے تقاضوں کے پیش نظر وہ نظام تیار کیا گیا جو میدان عمل میں بھی کارساز ہواور حوزۂ علمیہ قم و نجف کے اعلیٰ دینی تعلیمی نظام سے بھی ہماہنگ ہو۔ لہٰذا فقہ ، اصول ، کلام ، تفسیر، منطق، فلسفہ، اخلاق ، تاریخ و ادبیات عرب جیسے اہم موضوعات پر مشتمل نصاب تیار کیاگیا۔
یہ تعلیمی نظام پانچ سالوں پر مشتمل ہے اور ہر سال کے دو سمسٹر ہیں اس طرح جامعۃ الزہراء کا تعلیمی نظام کل دس سمسٹر ہیں جنہیں تین الگ الگ مرحلوں میں تقسیم کیا گیا ہے۔
پہلا مرحلہ:                دورۂ تمہیدی (ایک سال)
دوسرا مرحلہ:              دورۂ کاروانی       (دوسال)
تیسرامرحلہ:               دورۂ کارشناسی(دوسال)
طالبات کو علمی اعتبار سے قوی بنانے اور ان کی تدریسی اور تحریری صلاحیتوں کو پروان چڑھانے کے لئے مباحثہ اور درس نویسی کو نظام میں لازم قرار دیا گیا ہے۔ بعض موضوعات پر طالبات کے تحقیقی مقالے اور مضامین بھی لازم ہیں۔
اب تک ۱۴ طالبات کی تحقیقات کو حوزۂ علمیہ قم کی بین الاقوامی یونیورسٹی جامعۃ المصطفی العالمیہ سے اعلیٰ درجہ کے ساتھ کامیابی مل چکی ہے۔
تربیتی نظام
 خواہران کی معنوی اور اخلاقی تربیت کے لئے ان کے شب و روز کے اوقات میں ان کے لئے عبادی و معنوی فضا ہموار کی گئی ہے جس میں اہم ترین نماز پنجگانہ کی باجماعت ادائیگی ، تعقیبات، ایام ہفتہ کی مخصوص دعائیں جیسے دعائے کمیل،دعائے توسل ، دعائے ندبہ، سمات اور زیارت عاشورہ وغیرہ خاص اہتمام کے ساتھ برپا ہوتی ہے۔
روز عرفہ ۱۵؍رجب المرجب جیسے مخصوص ایام میں، اعمال روز عرفہ اور اعمال اُم داؤد کے لئے خصوصی انتظام کیا جاتا ہے۔جس میں شہر کی خواتین بھی کثیر تعداد میں شرکت کرتی ہیں اور جامعۃ الزہراء کی مخصوص روحانی فضا سے بہرہ مند ہوتی ہیں۔
اس کے علاوہ ہر ہفتہ مختلف اساتذہ کے ذریعہ درس اخلاق بھی دیا جاتا ہے اور گھریلو اور سماجی تربیت کے پیش نظر معصومین کی ولادت و شہادت کی مناسبت سے برپا ہونے والی مجالس و محافل کا انتظام خود طالبات کرتی ہیں جس میں خطابت، تقاریر اور نوحہ خوانی وغیرہ کی ذمہ داریاں بھی خود طالبات ادا کرتی ہیں۔
نیز طالبات کی ہنری صلاحیتوں کو ابھارنے اور ان سے آراستہ کرنے کے لئے سلائی، کڑھائی وغیرہ کی کلاسیں بھی باضابطہ طور پر منعقد کی جاتی ہیں۔
اسی طرح سماجی تربیت کو مد نظر رکھتے ہوئے مدرسہ کے داخلی امور کی چھوٹی چھوٹی ذمہ داریاں بھی بچیوں کے درمیان تقسیم کر دی جاتی ہیں تاکہ ان میں کام کرنے کا طور طریقہ اور سلیقہ پیدا ہو سکے اور طالبات اپنی تبلیغی ذمہ داریاں اور فرائض زندگی کو بطور احسن انجام دے سکیں۔
فارغ التحصیل طالبات
 مدرسہ کی تاسیس کی ابتداء سے ہی خواہران کی تعلیم و تربیت کا باقاعدہ طور سے سلسلہ شروع کرنے کی غرض سے پہلے سے طے شدہ شرائط کے مطابق ہندوستان کے مختلف شہروں سے طالبات کا داخلہ لیا گیا اور سلسلہ تعلیم و تربیت شروع ہو گیا اور بحمد اللہ سن ۲۰۰۰ء میں پہلا گروہ کامیابی سے اپنا تعلیمی وتربیتی سفر مکمل کرکے فارغ التحصیل ہوا۔
اور اسی طرح تقریباً ۱۵ سے ۲۰ خواہران ہر سال جامعہ سے فارغ التحصیل ہوتی ہیں جن میں سے بعض اعلیٰ سے اعلیٰ تعلیم کے لئے بیروں ملک ایران و عراق جا چکی ہیں اور باقی اپنے ملک اور بیرون ملک (کویت، عمان اور مختلف افریقی ممالک) میں اپنی تبلیغی ذمہ داریوں کو زبان و قلم سے انجام دے رہی ہیں اور بعض ہندوستان کے حوزات میں مصروف تدریس ہیں۔
دار القرآن ’’ بزم فضّہ‘‘
قرآن کے مفاہیم سے آگاہی اور اس سے عملی وابستگی کی خاطر جامعۃ الزہراء(س) میں شعبۂ ’’دار القرآن بزم فضّہ‘‘ قائم کیا گیا جس میں تجوید ، ترتیل، مفاہیم قرآنی ، تفسیر ، تواشیح اور مناجات وغیرہ کی عملی تعلیم دی جاتی ہے۔ اس حصہ کی نمایاں خدمت تربیت حافظات قرآن کریم ہے۔ جس کے نتیجے میں الحمد للہ اب تک سات طالبات حفظ کل قرآن کر چکی ہیں جب کہ دوسری بعض طالبات ۱۵ جز کی حافظہ ہیں۔
مدرسہ علمیہ نرجس(ع)
شہر لکھنؤ اور بیرون شہر سے کالج کی تعلیم یافتہ طالبات کی دینی تعلیم و تربیت کے لئے ۲۰۰۱ء میں جامعۃ الزہراء(س) کا ایک اور شعبہ ’’ مدرسہ علمیہ نرجس‘‘ قائم کیا گیا جو کہ مدرسہ کا غیر اقامتی بخش ہے تاکہ قوم کی بچیاں کم وقت میں عصری تعلیم کے ساتھ دینی تعلیم و تربیت سے بھی آراستہ ہوں اور معاشرہ سازی میں اپنا کردار ادا کریں۔
یہ شعبہ چار سالہ کورس پر مشتمل ہے جس میں فقہ، کلام، تاریخ، اخلاق اور قرآن و حدیث سے مربوط دیگر موضوعات پڑھائے جاتے ہیں۔
گہوارۂ بی بی معصومہ (س)
’’بچپن میں علم پتھر پر نقش کے مانند ہے۔‘‘ اسی کے پیش نظر چھوٹی بچیوں کی تعلیم و تربیت کے لئے یکم ذیقعدہ ۱۴۳۶ھ روز ولایت کریمہ اہل بیت حضرت معصومہ سلام اللہ علیہا’’ گہوارۂ معصومہ(س)‘‘ کے نام سے مدرسہ کے ایک اور شعبہ کا قیام عمل میں آیا جس میں چھوٹی بچیوں کو قرآن، دینیات وغیرہ کی تعلیم کے ساتھ ان کی دینی تربیت پر خاص توجہ دی جاتی ہے اور جس میں ۶۵ چھوٹی بچیاں زیر تعلیم ہیں۔
مختصر مدتی کورس
اسی طرح ہر سال اسکول اور کالج میں پڑھنے والی اسٹوڈنٹس اور خواتین کے لئے گرمیوں کی تعطیلات میں اور ماہِ مبارک رمضان کی مناسبت سے مختصر مدتی کورس (Camp) کا بھی انتظام کیا جاتا ہے۔ اب تک خود جامعہ کے اندر ۲۳ کامیاب کیمپ کا انعقاد کیا جا چکا ہے جس میں اسٹوڈنٹس ذوق و شوق کے ساتھ شرکت کرتی ہیں۔
اس کے علاوہ ماہِ رمضان المبارک کی تعطیلات میں گھر جانے والی خواہران اپنے اپنے علاقوں میں تعلیمی تربیتی و عبادی کیمپ کا اہتمام کرتی ہے۔
علماء کے تأثرات
حجۃ الاسلام والمسلمین الحاج آقای مہدی مہدوی پور دامت برکاتہ
نمائندہ ولی فقیہ، ہند
’’ خداوند عالم بانیٔ جامعۃ الزہراء(س) مرحوم سید حیدر مہدی زیدی کی روح کو شاد فرمائے اور پروردگاراساتذہ محترم اور طلاب معزز کی عالمانہ، عابدانہ و خالصانہ محنت و کوشش کا بے شمار اجر بھی ان مرحوم کو عنایت فرمائے۔ انصاف یہ ہے کہ آج جامعۃ الزہراء (س) تمام حوزات علمیہ اور مراکز دینی کے درمیان ایک نگینہ کی طرح شمک رہا ہے۔ مرحوم اورخانم رباب زیدی صاحبہ کی تلاش وکوشش سے شیعوں کے لئے ایک قابل فخر مرکز میں تبدیل ہو چکا ہے۔اس حوزہ کی تربیت یافتہ طالبات پورے ہندوستان مین مذہب حقہ کی تبلیغ و ترویج میں مشغول ہیں۔ خدا کا شکر ہے کہ اس حوزہ کی فارغ التحصیل طالبات مختلف شہروں میں خواتین کے لئے ہدایت کا چراغ ہیں۔‘‘
آیۃ اللہ آقای محمد حسن اختری دامت برکاتہ
جنرل سکریٹری مجمع جہانی اہل بیت (ع)
’’ ہم نے مدرسہ جامعۃ الزہراء(س) کو دیکھا ۔ یہ مدرسہ مکتب اہل بیت علیہم السلام کا ایک روشن اور نمایاں مرکز ہے کہ جس نے بہت ہی کامیاب اور تاثیر گذار مبلغات کی تربیت کی ہے۔‘‘
حجۃ الاسلام والمسلمین آقای غلام رضا مہدوی دامت برکاتہ
نمائندہ جامعۃ المصطفیٰ العالمیہ، ہند
’’ بے شک جامعۃ الزہراء کی پیشانی پر آقای حیدر مہدی کا نام نامی ہمیشہ باقی رہے گا۔‘‘

 

جامعة الزهرا سلام اللہ علیھا، لکھنؤ

تعارف
مدرسۃ الواعظین، ہندوستان کے شہر لکھنو میں شیعوں کا ایک دینی مدرسہ ہے۔ یہ مدرسہ سنہ 1919 ء میں تاسیس ہوا۔ اس کا مقصد دینی طلاب کو فقہ و اصول کی اعلیٰ تعلیم سے آراستہ کرنا اور فن خطابت و فن مناظرہ کا ماہر بنانا تھا۔ اس مدرسہ کے کتب خانے میں خطی نسخوں کی موجودگی اور حفاظت، مدرسے اور کتب خانے کی شہرت کا سبب بنی۔
مہاراجہ محمد علی محمد خان نے 19 مئ سنہ 1919 ء کو اپنے جوان سالہ بھائی صاحب زادہ محمد علی احمد خان کی یاد میں محمود آباد میں مدرسہ الواعظین کی بنیاد رکھی۔سید نجم الدین حسن اور ان کے صاحب زادے کے مشورے پر اس مدرسے کی تاسیس ہوئی۔ اس عمارت کی بنیاد کا مقصد ان طلاب کی تربیت کرنا تھی جنہوں نے دوسرے مدرسے میں تعلیم حاصل کی ہے اور شیعی علوم میں مزید مہارت حاصل کرنا چاہتے تھے اور اسی طرح مختلف مہارتیں مثلا خطابت، وعظ اور گفتگو میں مہارت حاصل کر سکیں۔
وہ مبلغین اور طلاب جنہوں نے اس مدرسے میں تعلیم حاصل کی ہے، ہندوستان کے علاوہ دنیا کے مختلف ممالک جیسے ہانگ کانگ، برما، تبت، زنجبار، سنگاپور اور ماڈاگاسکر میں تبلیغ کے لئے سفر کرتے رہتے ہیں۔ ان مبلغین کی متعدد گزارشات مدرسہ الواعظین کے مجلے میں شائع ہو چکی ہیں۔
اس کی سالانہ تین روزہ کانفرنس دسمبر کے آخری ہفتے میں مدرسہ الواعظین کے توسط سے منعقد ہوتی ہے۔ اس مدرسے کے ساتھ جن افراد کا تعاون یا رابطہ ہوتا ہے وہ اس کانفرنس میں شرکت کر کے دنیا کے مختلف علاقوں میں اپنی سرگرمیوں کے حوالے سے رپورٹ پیش کرتے ہیں۔ اسی طرح اس کے ذمہ داران مدرسے کی سرگرمیوں کے حوالے سے رپورٹ پیش کرتے ہیں۔
سابق پرنسپلز
خطیب اعظم علامہ سید سبط حسن نقوی جائسی انہوں نے اس مدرسہ الواعظین لکھنؤ کے پہلےپرنسپل کی حیثیت سے خدمات انجام دیے۔
آیت الله سید ابوالحسن نقوی عرف منن صاحب بن فردوس مکان سید محمد ابراہیم کے دوسرے پرنسپل کی حیثیت سے خدمات انجام دیے۔
علامہ عدیل اختر زیدی (1936 ء سے 1950 میں اپنی وفات تک) انہوں نے اس مدرسہ الواعظین لکھنؤ کے تیسرےپرنسپل کی حیثیت سے خدمات انجام دیے۔
آیت اللہ العظمی سید راحت حسین رضوی گوپالپوری 1952-1955 تک پرنسپل رہے
نادرة الزمن علامہ سید ابن حسن نونہروی (وفات 25 مارچ 1980)
مولانا سید شبیہ الحسن نونہروی (وفات 13 مئی 1998)
حجت الاسلام مولانا سید محسن رضوی گوپالپوری سن 2000 میں وفات پائے
مولانا سید محمد وارث حسن نقوی (وفات 11 مئی 2008)
مولانا مجتبی علی خان ادیب الہندی مرحوم(نائب پرنسپل)
مدرسۃ الواعظین کے مولانا عرج الحسن میسمہ اعزازی پرنسپل
تعلیمی پروگرام
مدرسۃ الواعظین کا شمار اعلیٰ تعلیمی مذہبی مراکز میں ہوتا ہے، جس میں طلاب دینی شیعہ علوم بالخصوص فقہ و اصول میں مہارت حاصل کرتے ہیں۔ وہ خطابت کے مختلف کورسز میں شرکت کرتے ہیں۔ اس مدرسے کے طلبہ کے لئے ضروری ہے کہ وہ مطالعاتی کورس کے تین سال مکمل کریں اور اس کے بعد ہندوستان کے مختلف شہروں میں خطابت کے لئے سفر کریں۔
مدرسہ علمیہ کا ایک اور تعلیمی پروگرام مختلف زبانوں جیسے انگریزی، عربی، فارسی کا سیکھنا ہے جو کہ لازمی ہے۔ ان کے دوسرے پروگراموں میں دوسرے مذاہب سے آشنائی کے کورسز بھی شامل ہیں۔[6] اس مدرسہ میں دو طرح یا قسم کے طلبہ تعلیم حاصل کیا کرتے تھے: ایک وہ جن کی زندگی کے اخراجات مدرسے کے ذمہ تھے اور کچھ ایسے بھی تھے جو اپنے خرچے پر تعلیم حاصل کرتے تھے۔
کچھ لوگوں کا ماننا ہے کہ اس مدرسے کی ایک خاص فضا کے باعث حوزہ علمیہ نجف و قم سے مجتہدین تحصیل علم کے لیے یہاں تشریف لایا کرتے تھے۔ ان میں آیت اللہ سید حسن قمی کا نام لیا جاتا ہے۔
کتب خانہ اور نشر و اشاعت
اس مدرسے کے کتب خانے میں تقریبا 20 ہزار مطبوعہ کتابیں اور 1500 خطی نسخے ہیں، اس مدرسے اور کتب خانہ کی شہرت کی ایک وجہ اس میں موجود قیمتی خطی نسخوں کو بھی مانا جاتا ہے۔ اس مدرسے سے انگریزی، عربی، فارسی اور اردو میں متعدد کتابیں نشر ہوئی ہیں۔ قرآن کریم، نہج البلاغہ اور صحیفہ سجادیہ کا انگریزی زبان میں ترجمہ مدرسے کے نشر و اشاعت کی بہت اہم کتابیں ہیں۔اسی طرح اس مدرسہ سے انگریزی میں ایک جریدہ مسلم ریویو اور دوسرا اردو زبان میں واعظ منتشر ہوا کرتا تھا۔

مدرسة الواعظین، لکھنؤ

جامعه ایمانیه
جامعۂ ایمانیہ کا پورا نام مجمع العلوم جامعۂ ایمانیہ ہے۔ یہ برّ صغیر ہند و پاک کا قديم ترين شیعہ دینی مدرسہ ہے جس کا قیام اعلٰی دینی، تعلیمی نيز اسلامی حقائق و معارف کی ترويج واشاعث کی غرض سے دسمبر 1866ء مطابق 1283 ہجری میں سرزمين بنارس، ہند پر عمل ميں آيا تھا۔ اس کے بانی و واقف بنارس کے معروف زميندار مولوی خورشيد علی خان مرحوم تھے جنھوں نے اسے بنارس کے قاضی القضاة مولانا قاضی بندہ علی خان مرحوم کی تجويز اور فرمائش پر قائم کیا تھا اور اپنی جایداد وقف کی تھی،مدرسہ کے لیے شہر ميں زمين قاضی بندہ علی مرحوم نے فراہم کی تھی اوراس کی عمارت کی تعمیر کا کام بھی انھیں کی نگرانی میں 1870ء مطابق1287 ھجری میں تکمیل پايا تھا، جامعہء ایمانیہ نے اپنے قيام سے اب تک 145 برس کے طويل عرصے میں کثیر تعداد میں علما،خطباء،مبلغین،مصنفین اور با صلاحیت مدرسین و اساتذہ پیدا کیے ہیں اور نہایت وسيع پیمانے پر گرانقدر دینی و قومی خدمات انجام دی ہیں، جن کا سلسلہ آج بھی جاری ہے اور یہ ادارہ اس وقت مولانا سيد محمد حسینی کے زير قیادت و سرپرستی مزيد ترقی و کمال کی جانب گامزن ہے۔

جامعه ایمانیه

سلطان المدارس و جامعہ سلطانیہ
امجد علی شاہ اودھ نے ۱۸۴۷ء  سے پہلے پرانے مدرسے کو نئے انداز میں قائم کیا ۔ نواب جنت آرام گاہ سعادت علی خان کے شاندار مقبر ہ کی وسیع عمارت میں مو لانا میر احمد علی ، مفتی محمد عباس، مولانا حامد حسین ، مولانا شیخ علی اظہر اور مولانا مرزا محمد علی جیسے علماء و مدرسین؛  اساتذہ کے عنوان سے مقرر کئے گئے ۔ وہاں بیس استاد تھے ۔ ان کی تنخواہ سو، ستّر،تیس،چالیس اور بیس روپئے تک تھی۔طلباء کے وظائف نو،چھ۔اور چار روپیہ ماہانہ۔ بادشاہ خود مدرسے آتے اور اپنے باورچی خانے سے طرح طرح کی نعمتیں بھیجواتے تھے ۔ قبلہ و کعبہ  سلطان العلماء سید محمد صاحب اس کے سر پر ست تھے ۔۱۸۵۷ء  میں مدرسہ بند ہو گیا ۔۱۸۹۲ء  میں نواب آغا ابّو صاحب نے اس مدرسہ کو جامع مسجد آصف الدولہ میں بحال کیا جس کے شیخ الجامعہ مولانا ابو الحسن صاحب قبلہ متوفی۱۸۹۵ء ہوئے ۔۱۹۱۱ء  میں مدرسہ کی جدید عمارت کی تعمیر شروع ہوئی اور۲۱/ مارچ ۱۹۱۲ء کو مدرسہ موجودہ عمارت میں منتقل ہوا،،۔ (مطلع انوار : مولانا الحاج سید مرتضی حسین صاحب قبلہ صدر الافاضل ، ص۳۴ ، ۳۲)
مدرسہ کی عمارت میں ایک بڑا ہال ہے ، ہال کے دونوں طرف اوپر نیچے۲۱  در جے ہیں ، دارالا قامہ اور عمارت کے درمیان ایک پختہ صحن ہے، دار الا قامہ میں طلاب کیلئے ۶۲کمرے ہیں، دونوں طرف ایک ایک بیرونی ہے ایک بیرونی میں باورچی خانہ ، حمام، ہینڈ پائپ اور گودام ہے۔ دوسری بیرونی میں دفتر  اور طلاب کی رہائش ہے۔ عمارت سے الگ ایک لائبریری ہے جس میں تقریبا ًایک ہزار کتابوں کےقلمی نسخے ہیں۔مطبوعہ کتب کے علاوہ ابتدائی تعلیم سے لیکر انتہائی تعلیم تک ۱۴ سال کا کورس ہے جس میں ۹ سال مدرسہ کی تعلیم کے ہیں اور پانچ سال جامعہ کی تعلیم کے ہیں ۔یہاں ۲۱ مدرس، ایک کلرک،۲ لائبریرین،۳  چپرا سی اور۲ جاروب کش ہیں۔ جس میں  سے ۹ مدرسین،ایک کلرک اور۳چپراسیوں کو الہ آباد بو رڈبائی بینک مشاہرہ دیتا ہے اور بقیہ حضرات کا مشاہرہ جامعہ سے متعلق ہے جو وجوہات شرعیہ سے دیا جاتا ہے ،،۔ (مولاناسید محمد رضا ساجد رضوی زید پوری)
مدرسہ سلطان المدارس و جامعہ سلطانیہ لکھنؤ کے مجددو متولی، سید مہدی حسین خان موسوی معروف بہ نواب آغا ابّو صاحب: ولادت: ۱۲۵۰ ھ/   ۱۸۳۴ء - وفات: ۱۳۳۶ھ/۱۹۱۷ء۔  والا جاہ لکھنؤ کے بہت بڑے رئیس اور اس سے بڑ ے دینی عالم ، مقدس متقی ، فقیہ وادیب تھے ۔ نواب والا جاہ صاحب کے ایک بیٹے تھے جوآغا ابّو صاحب کے نام سے پہچانے جاتے تھے ۔
جب شاہی وقف کی دیکھ بھال کا انتظام ہو ا تو آغا ابّو صاحب بھی ایک متولّی مقرر ہوئے ۔ آغا ابّو صاحب نے وقف کی شرعی حیثیت کو بحال کیا اور سب سے بڑا کام  ۱۸۹۲ءمیں مدرسہ شاہی کا احیاء تھا ۔ انہوں نے حکومت سے مطالبہ کیا کہ شاہی عمارتوں کے گرنے اور مدرسے کے ضائع ہونے کے بعد ہمیں موزوں زمین اور مناسب عمارت بنانا ہوگی ۔ حکومت نے اس مقصد کے لئے حکیم مہدی کے مقبرہ کے پاس بہت بڑی زمین دی جس پر ایک بہت عالی شان مدرسہ تعمیر ہوا  اور مدرسہ کا نام "سلطان المدارس و  جامعہ سلطانیہ" رکھاگیا۔  مدرسہ کے اخراجات وقف حسین آباد اور خود ابّو صاحب کے وقف سے پورے ہوتے تھے ۔ آغا ابّوصاحب نے اپنا قیمتی کتب خانہ بھی مدرسہ کو وقف کر دیا تھا ، اس کتب خانے میں تفسیر و حدیث اور فقہ و عقائد جیسے علوم پر کئی ہزار کتابیں تھیں ۔
آغا ابّو صاحب بانی مدرسہ سلطان المدارس  کا یہ تذکرہ ان کی تالیفات کی فہرست سے خالی رہتا اور یہ لکھ کر بات ختم ہو جاتی کہ وہ فارسی ، عربی وارود کے شاعر تھے ۔ اتفاقاً ہمیں ایک پرانی مطبوعہ کتاب مل گئی جس کا نام ہے ،، بغیتہ الطلاب ، ،اس کے مئولف مولانا سید حیدر علی صاحب نے نواب آغا ابّو صاحب کی ایک عربی عبارت چھاپی ہے اور آخر عبارت میں ان کا تعارف  بھی کرایا ہے۔
والا جاہ بہادر نیشاپوری: نواب مرزا محمد بہادر جووالا جاہ کے نام سے مشہور تھے ۔ آپ تقریباً۱۲۲۰ ھ میں پیدا ہوئے موصوف نواب دلیر الدولہ دلاور الملک مر زا محمد علی خان عرف نواب آغا حیدر صاحب کے چھوٹے صاحبزادے اور لکھنؤ کے مقتدر رئیس، فیض آباد سے لکھنؤ اور لکھنؤ سے عراق جاکر ملا در بندی اور آیۃ اللہ علی نقی طبا طبائی سے کسب فیض کیا ۔ مقامی طور پر جناب ممتا ز العلماء سید تقی صاحب اور جناب صفدر شاہ صاحب جیسے پر ہیز گار علماء کے شاگرد تھے موصوف کی تصویر عمامہ و قبا کے ساتھ نہیں دیکھی گئی صرف گول چندو ے کی ٹوپی ، اچکن اور سادہ لباس میں نظرآتی ہے، چہرہ پرخوبرومحاسن اور پیشانی پر نشانِ سجدہ تھا، آپ حج وزیارات سے مشرف ہوچکے تھے ۔
 ان کے صاحبزادے نواب آغا ابّو صاحب تھے جن کے تقدس و احتیاط کا چرچہ ہم نے بھی سنا ۔ نواب آغا ابّو صاحب متوفی۱۳۳۶ھ ہی نے مدرسہ سلطان المدارس کے نا م سے لکھنؤمیں ایک عظیم الشان درسگاہ قائم کی جس کا دور آخر میں نے بھی دیکھا اور وہیں سے صدر الا فاضل کیا ہے۔
آیۃ اللہ العظمیٰ حضرت مولانا سید ابوالحسن رضوی لکھنوی معروف بہ جناب ابّو صاحب قبلہ نے تقریباً ۱۲۸۹ھ میں رؤو سائے لکھنؤ کی امداد سے ایک مدرسہ کی بنیاد ڈالی جب وہ چند ماہ چل کر بند ہو گیا تو آپ کو اس قدر ملال ہو اکہ ارادہ کر لیا کہ ترک لکھنؤ کر کے عراق چلے جائیں ۔ پہلےیہ مدرسہ امام باڑہ جناب    ممتاز العلما ء میں قائم ہوا ۔ پھر قریب گو ل دروازہ دو مکان کر ایہ پر لئے جب پستی کا زمانہ آیا تو کٹرہ ابو تراب خاں میں آگیا آپ خود بھی در س دیتے تھے جب آپ ۱۳۳۰ھ میں زیارات عتبا ت عالیا ت کو گئے تو یہ مدرسہ جناب  ملا ذ العلماء کے حوالہ کر دیا تو امام باڑہ جناب غفران مآب میں آ گیا جب سید العلماء ثانی زیارات عراق کو گئے تو اپنا قائم مقام کر گئے اور تمام مملو کہ و موقوفہ آپ کی تحویل میں دے گئے بعد واپسی کے مدرسہ ناظمیہ کی بنیاد ڈالی اور جناب مرزا عبا س علی خاں صاحب بہادر کو ترغیب دلائی اور وہ مدرسہ کھولا گیا تو اس کو جناب نجم العلما ء کے سپرد کیا گیا پھر مدرسئہ حسین آباد کی تحریک چلائی اور اس میں کامیابی ہوئی چنانچہ اصلاح ماہ صفر۱۳۲۷ ھ میں ہے کہ  ۱۸۹۴ءمیں مدرسہ حسین آباد جاری ہوا۔ 

سلطانیه - سلطان المدارس

جامعہ ناظمیہ ہندوستان میں شیعہ اسلامی تعلیم کے اہم مراکز میں سے ایک ہے۔ یہ لکھنؤ شہر میں واقع ہے۔ ناظمیہ کی بنیاد 8 جمادی الاول، 1308 ہجری (2 فروری، 1890) کو رکھی گئی تھی، جو اسے ہندوستان کا سب سے قدیم شیعہ مذہبی ادارہ بناتی ہے۔ جامعہ ناظمیہ مرحوم اور قابل احترام عالم آیت اللہ العظمی سید نجم الحسن (جنہیں نجم الملت بھی کہا جاتا ہے) نے قائم کیا تھا۔
موجودہ پرنسپل امیر العلماء آیت اللہ سید حمید الحسن اعلیٰ اسلامی علوم کے لئے نجف تشریف لے گئے اور وہاں سے واپسی کے بعد 1969 سے اس ادارے کے ساتھ ہیں ۔
مولانا سید فرید الحسن، آیت اللہ حمید الحسن کے صاحبزادے، ناظمیہ عربی کالج کے پرنسپل ہیں ، جو مدرسہ کے حکومتی فنڈ سے چلنے والا حصہ ہے۔ آیت اللہ حمید الحسن مدرسہ ناظمیہ کے پرنسپل رہے۔
جامعہ ناظمیہ کے اساتذہ میں مولانا سید محمد شاکر نقوی امروہوی، مولانا سید ابن حیدر، مولانا محمود احمد، مولانا محمد مجتبیٰ حسین، مولانا شہنشاہ، مولانا غافر، مولانا مرتضیٰ پروی، اور مولانا سید محمد افضل نقوی شامل تھے۔

جامعه ناظمیہ

پیغمبر اسلام صلی اللہ علیہ و آلہ وسلم اپنے ساتھ وہ بلند افکار و مفاہیم لائے جس نے انسانی زندگی میں ایک عظیم انقلاب برپا کر دیا۔ جس نے انسان کو جاہلیت کے دور کی خرافاتوں سے نجات دلایا۔
اس انقلاب نے خواتین کو بھی ان کا حق دلایا اور انہیں امتیاز دیا، انہیں گمراہی اور تاریکی سے باہر نکالا۔
لہذا خواتین کو علم و ثقافت کے میدان میں آگے بڑھانے، نشر و ترویج افکار مکتب اھل بیت علیہم السلام کی راہ میں، ان کی توانائیوں سے فائدہ اٹھانے کی غرض سے حضرت آیت اللہ العظمی سیستانی دام ظلہ کے دفتر نے اس مرکز کی تاسیس کی ہے جس کا نام الزھراء علیھا السلام کے نام پر رکھا گیا ہے۔
اس ادارہ کے پروگرام کا ذکر ذیل میں کیا جا رہا ہے:
۱۔ خواتین کے ذریعہ تالیف کی گئی کتابوں اور مقالوں کی ایک لائبریری تاسیس کرنا۔
۲۔ خواتین کی تعلیم و تربیت اور تحقیق کی روش کے لیے کلاسیں منعقد کرنا، تا کہ اس کے ذریعے سے وہ علمی و ثقافتی سطح پر زیادہ سے زیادہ رشد کر سکیں۔
۳۔ عقائد کی کلاسوں کی شروعات۔
۴۔ آڈیو ویڈیو لائبریری کی تاسیس۔
۵۔ اہم کتابوں میں موجود خطی نسخوں کی فہرست کی ترتیب و تنظیم، خاص کر خواتین کے تالیف کردہ کتب۔
۶۔ خواتین کے لیے ہر ھفتے تقریر کا پروگرام، جس میں یہ موضوعات ہونگے جیسے تفسیر، تجوید، عقائد وغیرہ۔ اسی طرح سے دوسرے تعلیمی اور حفظ قرآن کے پروگرام۔
۷۔ مختلف مذھبی مناسبتوں پر دینی پروگروام کرانا۔

ادارہ ثقافتی الزھراء (علیھا السلام)

اس میں کوئی شک نہیں ہے اور تمام دلیلیں اس بات کو ثابت کرتی ہیں کہ انسان اس دینا کی تمام مخلوقات سے افضل و برتر ہے اور یہ فضیلت اس کی عقل کی بیناد پر ہے۔ جیسا کہ اس آیہ مبارکہ میں بیان ہوا ہے کہ (یقینا آسمان و زمین کی خلقت اور شب و روز کے اختلاف میں صاحبان عقل و خرد کے لیے نشانیاں بیان کی گئی ہیں، جس نے زمانہ قدیم سے لے کر آج تک انسان کو اس بات پر مجبور کیا ہوا ہے کہ انسان اپنے اطراف اور آس پاس کی اشیاء و مخلوقات پر غور و فکر کر سکے) (سورہ آل عمران آیہ ۱۹۰) اس بنیاد پر جمادی الثانیۃ ۱۴۱۸ ھجری قمری کے آخر میں حضرت آیت اللہ العظمی سیستانی دام ظلہ کے دفتر نے نجوم و فلکیات کی تحقیقات کے لیے حجت الاسلام والمسلمین شھرستانی دام ظلہ کی سر پرستی میں اس ادارہ کی تاسیس کی ہے۔
اس ادارہ نے مندرجہ ذیل درسوں کے ساتھ اپنی خدمات کی ابتداء کی ہے:
۱۔ تاریخ علم فلک
۲۔ منظومہ شمسی
۳۔ فلکیات اسلامی
۴۔ ھیئت و نجوم
۵۔ جیولوجی (علم زمین شناسی) اور دوسرے دروس، جن میں اب تک ۱۵۰ محققین، یونیورسٹی اور حوزہ علمیہ کے بھترین اساتذہ کے دروس میں شرکت اور استفادہ کر چکے ہیں۔
یہ کلاسیں علم نجوم کے جدید، ترقی یافتہ وسائل اور مشینری، کمپیوٹر سافت ویرز، جدید انٹرنیٹ سرویس، کرنٹ نجومی نقشوں، نجوم و فلک کی تخصصی لائبریری آڈیو اور ویڈیو مشینوں اور اس فن کے ماہرین کی مدد سے ممکن ہو سکیں ہیں۔
اس ادارہ کی دوسری خدمات میں علم نجوم کے ان مقالوں کا ترجمہ کرنا ہے جو دینا بھر میں چھپ چکے ہوںاور انہیں آل البیت گلوبل انفارمیشن سینٹر کی سائٹس پر ڈالنا ہے۔ نیز کمپیوٹر کے موجودہ نجوم کے کرنٹ سافٹ ویرز کی مدد سے اوقات شرعی کے لیے کیلینڈر تیار کرنا ہے۔
ہہ بات بھی قابل توجہ ہے کہ تربیت و کلاس کے لیے ایک ایسے مفید گروہ کی تربیت کی جائے جو لوگوں کو قبلہ کے مسائل، وقت، چاند اور نجوم کے دوسروے مختلف مسائل کے جواب دے سکے اور نجوم کی علمی کانفرنس منعقد کی جائے۔
اس مرکز کی خدمات اس طرح ہیں:
۱۔ فلک و نجوم یونیورسٹی کی تاسیس۔
۲۔ تجربہ گاہ و لیبوریٹری کی تعمیر۔
۳۔ نجوم کے بارے میں مسلمان دانشمندوں کے آثار و کتب کی طباعت۔
۴۔ علم نجوم کی جدید کتب کی طباعت۔
۵۔ نجومی کیلینڈر کی طباعت۔
اس مرکز کا پتہ یہ ہے:
ٹریفک پلیس کے ادارہ کے پاس،
قم مقدس، جمہوری اسلامی ایران،
<a href="http://www.nojumi.org/" target="_blank" rel="noopener">http://www.nojumi.org</a>

<div class="clr pd9" style="text-align: justify;"></div>
<div class="socialShare" style="text-align: justify;"></div>

ادارہ تحقیقات فلکیات و نجوم

اسلامی معاشرہ اور طب اسلامی، جس کا ذکر ائمہ معصومین کی حدیثوں میں ہوا ہے اور جو اب رو بہ زوال ہے، کے احیاء کی ضرورت کے مد نظر، اللہ تعالی کے لطف و کرم, ائمہ اطھار علیہم السلام کی عنایتوں سے اور حضرت آیت اللہ العظمی سیستانی دام ظلہ کے دفتر، خاص کر حجت الاسلام والمسلمین شہرستانی دام ظلہ کی توجہ سے امام صادق علیہ السلام کے نام سے اسلامی طب کے لیے شہر مقدس قم میں ایک ادارہ قائم کیا گیا ہے جس کا افتتاح حضرت فاطمہ زھراء سلام اللہ علیہا کی ولادت با سعادت کے روز ۱۳۷۸ ھجری قمری میں کیا گیا ہے۔
اس مرکز کی خدمات اس طرح ہیں:
۱۔ معتبر اسلامی اسناد کی جمع آوری کرکے انہیں ایک ذخیرہ اطلاعات میں شامل کر دینا۔
۲۔ طب اسلامی کی ترقی اور نشر کی طرف توجہ دیتے ہوئے اسے اسلامی معاشرہ میں رواج دینا۔
۳۔ طب کے علمی و تحقیقاتی اداروں کے ساتھ ساتھ لوگوں کو اس اسلامی طب کی طرف سے کی جانے والی تحقیقات سے آگاہ کرنا۔ تا کہ اس کے ذریعہ سے انسان کی روحانی و جسمانی سلامتی کی حفاظت کی جا سکے۔
۴۔ تحقیقات کے نتائج کو بڑے اخبارات میں چھاپنا۔
اراکین:
اس ادارہ کی کمیٹی چھ ارکان پر مشتمل ہے جس میں تین رکن کا انتخاب حوزہ علمیہ قم سے اور تین کا انتخاب ڈاکٹرز اور یونیورسٹی کے پروفیسرز سے کیا جاتا ہے۔
ادارہ کی تحقیقات کمیٹی:
اس ادارہ میں آٹھ تحقیقی کمیٹیاں ہیں:
۱۔ قرآنی آیات کی تحقیقاتی کمیٹی:
اس کمیٹی کی ذمہ داری ہر طرح کے موضوعات اور ان قرآنی آیات کی سفارشات کی تحقیقات کرنا ہے جو انسانی جسم کی سلامتی کی طرف اشارہ کر رہی ہیں۔
۲۔ قرآن و احادیث تحقیقاتی کمیٹی:
اس کمیٹی کی ذمہ داری ان آیات اور احادیث کا جمع کرنا ہے جو ائمہ اھل بیت (علیہم السلام) سے طب کے بارے میں نقل ہوئی ہیں۔
۳۔ فصل بندی کمیٹی:
اس میں کوئی شک نہیں ہے کہ اسلامی ثقافت میں طب کی نادر و بیش قیمتی کتابوں کا بڑا ذخیرہ ہے لیکن افسوس کے ساتھ کہنا پڑ رہا ہے کہ یہ کتابیں مختلف اسباب کی وجہ سے محققین کی دسترس سے باہر ہیں، اسی بات کے پیش نظر یہ کمیٹی کتابوں کی تنظیم و ترتیب انجام دے رہی ہے تا کہ محققین کے لیے یہ امکان پیدا ہو جائے۔
۴۔ میڈیکل سائنس تحقیقاتی کمیٹی:
اس تحقیقی کمیٹی کا ھدف میڈیکل کے خاص موضوعات پر ہونے والی تحقیقات اور اس بارے میں علماء و فقہاء کی آراء کا جمع کرنا، ان کی تنظیم و ترتیب اور فہرست مرتب کرنا ہے۔
۵۔ اخلاق طبی، اسلام کی نظر میں:
یہ کمیٹی ڈاکٹرز کے ایک گروہ کے ساتھ بڑے پیمانے پر اسلامی طب کے اخلاقی دروس کو شروع کرنے کا منصوبہ بنا رہی ہے اور ساتھ ہی آیات قرآن، پیغمبر اسلام (ص) اور ائمہ علیہم السلام کی سیرت پر توجہ کرتے ہوئے طب اسلامی پر دروس کا مجموعہ تیار کر رہی ہے۔
۶۔ تقابلی کمیٹی:
اس کمیٹی کی ذمہ داری ان طبی موضوعات کا، جو پیغمبر اکرم (ص) اور ائمہ معصومین (ع) سے نقل ہوئے ہیں، آج کی طب سے موازنہ و مقائسہ اور تقابل کرنا اور اس کے نتائج بیان کرنا ہے۔ سب سے پہلے تحقیقاتی اداروں کو پھر لوگوں میں، اس تاکید کے ساتھ کہ اسلام ایک مکمل و جامع دین ہے اور اس میں ہر طرح کی مشکل کا حل موجود ہے۔
۷۔ ترجمہ کمیٹی:
اس کمیٹی کی ذمہ ان کتابوں کی تعیین کرنا ہے جن کے ترجمے زیادہ سود مند اور فائدہ مند ثابت ہو سکتے ہے۔
۸۔ ھماھنگی تحقیقات کمیٹی:
اس کمیٹی کا کام ان طبی تحقیقات کے نتائج کی تطبیق کرنا ہے، جو مختلف اداروں کے ذریعے سے انجام پائی ہیں، ان تحقیقات اور موضوعات کے ساتھ جو اسلام میں ثابت ہو چکے ہیں۔
اس ادارہ کا کتب خانہ:
اس کتاب خانہ کا مقصد طب اسلامی کے ایک مخصوص کتاب خانہ کی تاسیس کرنا ہے جس کے ابتدائی امور کی انجام دہی ہو چکی ہے۔
مجلہ تخصصی:
اس تحقیقاتی ادارہ کا ایک دوسرا ھدف خصوصی شمارہ طبع اور نشر کرنا ہے، جس کا مقصد اس ادارہ کی طرف سے کی جانے والی تحقیقات کا، حوزہ علمیہ کے طلاب اور علمی اداروں تک پہچانا ہے۔
اس کا پتہ یہ ہے:
کوچہ (7)
شاھد روڈ، نیروگاہ
قم مقدس، ایران

ادارہ تحقیقات طب اسلامی امام صادق (علیہ السلام)

کتب درسی کی اہمیت کسی پر پوشیدہ نہیں ہے اور اس بات کے پیش نظر کہ طلاب حوزہ علمیہ کی مھم ترین ضرورتوں میں سے ایک کتب درسی ہیں، افسوس کا مقام یہ ہے کہ کوئی ایک ایسا ادارہ موجود نہیں ہے جو کتب درسی کی طباعت و نشر کی ذمہ داری اٹھا سکے۔ لہذا اس خلاء کو پر کرنے کے لیے حضرت آیت اللہ العظمی سیستانی دام ظلہ کے دفتر نے مدیریت حوزہ علمیہ کی شراکت میں اس ادارہ کی بنیاد رکھی ہے۔
جس کے اھداف کا ذکر ذیل میں کیا جا رہا ہے:
۱۔ حوزہ کے نصاب کی مطبوعہ قدیم و جدید کتب کی جمع آوری کرنا۔
۲۔ غیر شیعی یونیورسٹی اور دینی اداروں میں پڑھائی جانے والی نصاب کی کتب یا ایسی کتب جن سے نصٓاب کے طور پر استفادہ کیا جاتا ہے، کی فراہمی و جمع آوری، جیسے مصر کی الازھر اسلامی یونیورسٹی یا سعودی عرب کی ام القری یونیورسٹی میں پڑھائی جانے والی کتابیں۔
۳۔ ایسی کتابوں اور مقالوں کی جمع آوری کرنا جو حوزہ علمیہ کے نصاب درسی کے لیے تالیف کی گئی ہیں۔
۴۔ درسی کتابوں کے بارے میں حوزہ علمیہ کے بزرگ اساتذہ کے مثبت و منفی نظریوں کی جمع آوری۔
۵۔ مختلف تحقیقی و تخصیصی شعبوں کی بنیاد رکھنا، ذیل میں ان کے موضوعات کا ذکر کیا جا رہا ہے:
الف: تفسیر و قرآنی علوم
ب: علوم حدیثی
ج: اخلاق و عرفان
د: فقہ و اصول
ھ: علم کلام و عقائد
و: منطق و فلسفہ
اس شعبہ کی خدمات، جو نصاب درسی کی ترتیب و اصلاح کرنا ہے، مرکزی کمیٹی کی نظارت کے بعد منظر عام پر آتی ہیں۔

اس ادارہ کا پتہ یہ ہے:
کوچہ ممتاز، پہلے موڑ کے بعد بائیں طرف،
صفائیہ روڈ،
قم مقدس،
جمہوری اسلامی ایران،
ٹیلی فون۔ 00982537742850

ادارہ تالیف و طباعت نصاب حوزہ علمیہ

سطح علمی و ثقافتی کے ارتقاء، مفاہیم عقاید اسلامی و علوم اھل بیت علیہم السلام کے ارتقاء کی راہ میں سہیم ہونے اور دین محمدی کی خدمت کی راہ میں قدم بڑھانے کے لیے علمی روش اپنانے کی غرض سے اور اس دینا کے گوشہ و کنار میں بسنے والے مسلمانوں کی دینی و فرھنگی ضرورت کے تحت، اس مرکز کی تاسیس کی گئی ہے جو اپنے آپ میں منحصر بفرد ہے اور جس سے ہر مسلمان بغیر کسی محدودیت کے اپنے علمی و تحقیقاتی امور کے لیے استفادہ کر سکتا ہے۔
اس سلسلے میں شہر نجف کے مراجع نے عملا پہل کی ہے جس میں خاص کر حضرت آیت اللہ العظمی سید علی سیستانی دام ظلہ نے پیش پیش رہتے ہوئے اس ادارہ کی تاسیس کی ہے جو اپنی مثال آپ ہے۔
ادارہ کے اھداف:
اگر چہ اس ادارہ کے اھداف بہت زیادہ ہیں، ان میں سے بعض کا ذیل میں ذکر کیا جا رہا ہے:
۱۔ ان دینی عقائد کی تبلیغ و نشر و اشاعت، جو پیغمبر اسلام (ص) اور ان کے اھل بیت (ع) نے ہم تک پہچائے ہیں۔
۲۔ اس سلسلے کے تمام فقہی، اعتقادی، مھم اور مفید سوالوں کے جواب دینا۔
۳۔ طلاب حوزہ علمیہ اور دوسرے محققیین کے لیے اس مرکز اس کی انٹرنیٹ ویب سائٹس سے زیادہ سے زیادہ استفادہ کے لیے راہ ہموار کرنا۔ جس میں فنی و علمی دو شعبہ ہیں جن کا ذکر ذیل میں کیا جا رہا ہے:
۱۔ شعبہ فنی:
اس شعبہ کے مھم حصے یہ ہیں:
اس ادارہ کی طرف سے چلنے والی سائٹس، مراجع کرام کے گھروں کی سائٹس اور ثقافتی اداروں اور حوزہ علمیہ اور دوسری سائٹس کی تنظیم و ڈیزائینگ اور سرپرستی کی ذمہ داری۔
۲۔ کنٹرول و حفاظت۔
یہ شعبہ انٹرنیٹ کی لائنوں کی سلامتی و حفاظت اور عضویت رکھنے والے حضرات کو ان کی بھتر کیفیت کے ساتھ فراہمی اور انٹرنیٹ پر مخصوص صفحات کے کھولنے جیسی خدمت انجام دیتا ہے۔
۳۔ تحقیقات:
اس تحقیقاتی شعبہ کا کام سب سے پہلے مختلف ثقافتی خدمات کی تنظیم و ترتیب دینا اور انہیں جدید عملی روش کے مطابق کرنا ہے۔
۴۔ کیفے نیٹ:
حوزہ علمیہ کے طلاب کے لیے مفید علمی مطالب کی جستجو اور انٹرنیٹ سےاستفادہ کے لیے یہ شعبہ خدمت انجام دیتا ہے۔
۵۔ کتب خانہ:
اس ادارہ کا کلیدی کردار افکار اسلامی کے فروغ کی راہ میں خدمت انجام دینا ہے اس بات کے مد نظر اس کتاب خانہ کا افتتاح کیا گیا ہے جس میں دو حصہ ہیں:
الف۔ اس حصہ میں عقائد، فقہ، تاریخ اور رجال کی کتابیں ہیں۔ ان کتابوں میں مرجع عالی قدر حضرت آیت اللہ العظمی حاج سید علی سیستانی دام ظلہ کی تالیفات و کتب بھی شامل ہیں۔
ب۔ ایسا آڈیو بینک بنانا جس میں انسائکلوپیڈیا (دائرۃ المعارف) اور دوسری فکری و ثقافتی تقریروں کے علاوہ، مراثی و نوحہ وغیرہ ہوں۔
دوسری خدمات:
ان کے علاوہ اس ادارہ کی بہت سی دوسری خدمات ہیں جن کا ذکر یہاں کیا جا رہا ہے:
۱۔ علماء و مراجع کے لیے ایک انٹر نیٹ سائٹ کی تاسیس کرنا۔
۲۔ ذیل میں ذکر ہونے والی فنی و ثقافتی خدمات کی فراہمی:
الف۔ عضو حضرات کے لیے ۲۴ گھنٹے تیز اسپیڈ والی اور قوی لائن فراہم کرنا۔
ب۔ انٹرنیٹ کی انٹرنیشنل ویب سائٹ کے لیے ڈومین کی فراہمی۔
ج۔ متخصص و ماھر کمپیوٹر انجینیر، ویب ڈیزائنر اور پروگرامر کے ذریعہ ویب سائٹ کے لیے پہلے صفحہ کی ڈیزائن کرنا۔
د۔ سرور کے لیے انٹر نیشنل سائٹ کی فضاء حاصل کرنا اور اس قسم کی دوسری خدمات حاصل کرنا جیسے: ای میل، مختلف زبانوں میں برنامہ نویسی اور سائٹ سے استفادہ کرنے والوں کے بارے میں تفصیلی رپورٹ دینا۔
ھ۔ انٹرنیٹ کے ذریعہ علمی خدمات پہچانا۔
و۔ خصوصی پروگرام تشکیل دینا خاص کر ایسے اسلامی پروگرام جو عصری علمی رشد کے ساتھ ہوں تا کہ ترقی کی دوڑ میں پیچھے نہ رہیں۔
ز۔ وسیع ترین (سی ڈی بینک) علمی بینک کا قیام کرنا اور اسے حوزہ علمیہ کے طلاب اور دانشور حضرات کے استفادہ کے لیے قرار دینا۔
ح۔ علمی اداروں کے لیے(آی ایس پی) نیٹ ورک بنانا، جو ابتداء شہر کی سطح تک ہوگا مگر بعد میں اس کا دائرہ پڑوسی ملکوں تک پھیل جائے گا۔ غیر اخلاقی سائٹوں کے لیے فیلٹر اور پروکسی لگانا۔
ط۔ حوزہ علمیہ کے دروس، سیمیناروں اور اسلامی کانفرنسوں کی دائریکٹ نشر و اشاعت کرنا۔
ی۔ کمپیوٹر و انٹرنیٹ کے کورسوں کے لیے کلاسیں منعقد کرنا۔

اس ادارہ کا پتہ یہ ہے:
الرسول (ص) روڈ کے آخر میں،
نجف اشرف،
عراق
ٹیلی فون۔ 0096433332690
  0096433332691
  0096433332692
<a href="http://www.holynajaf.net/" target="_blank" rel="noopener">http://www.holynajaf.net</a>

آل البیت گلوبل انفارمیشن سینٹر (نجف اشرف)

یہ نیٹ ورک بھی آل البیت گلوبل انفارمیشن سینٹر کی ایک شاخ ہے جس کا افتتاح شہر کاظمین میں کیا گیا ہے۔ یہ سائٹ عربی اور انگریزی دو زبانوں میں ہے۔
اس کے موضوعات اس طرح ہیں:
تاریخ شہر مقدس کاظمین، امام موسی کاظم علیہ السلام اور امام علی محمد تقی علیہ السلام کی سوانح حیات، آڈیو لائبریری، کتاب و کتاب خانہ اور گوشہ تصاویر وغیرہ۔

اس کا پتہ یہ ہے:
کاظمین، عراق
<a href="http://www.holykadhmia.com/" target="_blank" rel="noopener">http://www.holykadhmia.com/</a>

اسلامی مراکز