ƁEYNGUURE SUUDU NELAAƊO NDUN

ƁEYNGUURE SUUDU NELAAƊO NDUN

Nelaaɗo Allaahu'on Maaki: (ko mi acuɗɗo e mo'on piiji ɗiɗi tedduɗi; deftere Allaahu nden e ɓeynguure suudu an ndun fannii hiɗon jogitii ɗii ɗiɗi on majjataa ɓaawo'an poomaa, kannji ɗiɗi ɗi seedataa haaɗi tawoyammi ka weenndu (kawsara). Ahlul bayti ɓeynngure suudu Nelaaɗo nden ko duɗal jalbungal e koode wenngii ɗe ka nder weeyo lislaamu mawɗo on, ko kamɓe woni ñentintee ngal toowungal ngal ɓaawo Nelaaɗo Allaahuahu on (S.A.W) ko kamɓe adii yarude e ngal ganndal Nelaaɗo, ɓe wuuri ka suudu maɓɓe, ɓe yahi e laawol Nelaaɗo on hiɓe nodda feewude e deftere Allaahu nden. Jogitagol sunna Nelaaɗo (S.A.W), iɓe piyira njikkuuji maɓɓe mise toowuɗe wonannde mofte ɗen, ɓe selataa laawol Nelaaɗo ngol, hiɓe nodda e goonga, ɓe selataa laawol goonga kan yere tuggannde meselal. kamɓe wano hadiise on ɓannginirani'en nii, ko kamɓe woni ɓattiiɓe Alghur'aana on, ɓe seedataa e mayre sabu ko kamɓe woni misirteeɓe e kala ko Alghura'aana on ronndii e faamuuji e ñiiɓe, ko fii ɗun waɗi si aayeeje jippike yewtii ko laaɓi pos fii maɓɓe, ko konngol joomiraaɗo : إِنَّمَا يُرِيدُ الله لِيُذهِبُ عَنْكمُ الرِّجسَ اَهلَ البَيتِ وَيُطَهِّرَكُمْ تَطهِيرا.ً "Anndee ko Allaahu faalaa ko ittugol e mo'on soɓe onon yimɓe suudu ndun o laɓɓina on laɓɓinnde"