HAMWE NA KHATIBU Mu gitabo cye Kututu al-Arida

HAMWE NA KHATIBU Mu gitabo cye Kututu al-Arida

Ibisingizo byiza n’Iby’Imana, amahoro n’imigisha bisakare ku Ntumwa yayo nabo murugo rwayo bejejweho ibyaha, n’abazagira ikitegererezo kuzageza mu bihe by’imperuka. Iki gitabo usoma, ni igisobanuro cy'igitabo cyitwa KHUTUTUL- ARIDA cyaditswe mu rurimi rw'icyarabu na Muhibudin al-Khatibu. Vuba aha icyo gitabo cyahinduwe mu Kinyarwanda gikuwe mu gitabo cyahinduwe mu Giswayire n’umuryango witwa A.M.U.R wo mu Rwanda, uhagarariye Abayisilmu bo mutorero {Madhihebu} ryitwa Al-Wahabiya abandi bita Salafiya cyangwa Ansarusunna. Igitabo cyahinduwe mu Kinyarwanda na A.M.U.R ku zina ry'IMISINGI MIGARI ISHINGIWEHO N’IDINI Y’ABASHIYA, kigamije gutuma Abayisilamu bari mu matorero {madhihebu} anyuranye mu Rwanda batavuga rumwe n'abavandimwe babo bayoboka mazihebu ya Ahalul-bayiti izwi ku zina ry'Ubushiya. Ibitabo nka kiriya byamamazwa hatanzwe amadorari ahabwa ababyandika cyangwa babisobanura mu ndimi z’amahanga hagamijwe guteranya Abayisilamu bayoboka mazihebu ya Ahal-Suna n'abavandimwe babo bayoboka mazihebu ya Ahalul-bayiti.