Author

File

Persian Title

Qr Code

Source

is suggested

View

دحو الارض یعنی زمین کے بچھائے جانے کے بارے میں آپ کیا جانتے ہیں؟

ذی قعدہ کی پچیسویں تاریخ ’’دحو الارض‘‘کے نام سے موسوم ہے۔امام رضا علیہ السلام کی ایک روایت کے مطابق شب پچیس حضرت ابراہیم ؑ اور حضرت عیسیٰؑ کی ولادت کی شب ہے ۔اسی طرح روایت میں اس مبارک دن کو روز قیام امام مہدیؑ بھی کہا گیا ہے۔ یہ ان چار مبارک دنوں میں سے ہے جس میں روزہ رکھنا ستر سال روزہ رکھنے سے بہتر ہے۔
دحو الارض کا معنیٰ:
دَحْو:مَحْو کے وزن پر ہے جس کا معنیٰ پھیلا نا یا کسی چیز کو سعت بخشنا ہے۔بعض لوگوں کے نزدیک اس کا معنیٰ کسی چیز کو اس کے اصل مقام سے آگے بڑھا نے کے ہیں۔دونوں معنیٰ لازم وملزوم ہے چونکہ ان دونوں کا منبع ایک ہے۔
دحو الارض یہ ہے کہ:ابتدا میں سطح زمین بارش اور سیلاب کی وجہ سے ہر جگہ پانی جمع ہوگیا ٍ۔پھر دھیرے دھیرے تمام پانی زمین کے گڈھوں میں جانا شروع ہوگیا جس کی وجہ سے خشک زمینیں باہر آنے لگیں اور دن بہ دن اور وسیع ہونے لگیں ۔
ابتداء کائنات میں اس دنیا میں کافی نشیب وفراز تھے اور یہ زمین انسانوں کے رہنے کے قابل نہیں تھی۔لیکن جیسے جیسے بارش ہوتی گئی زمین کے ٹیلے ختم ہوئے اور اسی کے ساتھ ساتھ درے پر ہوتے چلے گئے اور اس طرح یہ زمین دھیرے دھیرے انسانوں کے رہنے کے قابل اور لائق استفادہ ہونے لگی۔اسی کو ’’دحو الارض‘‘کہا جاتا ہے۔
دحو الارض آیات اور روایات کی روشنی میں
دحو الارض کا تذکرہ قرآن میں مختلف مقامات پر ہوا ہے۔مثلاً اللہ نے فرمایا:والارض بعد ذالک دحیٰھا۔اور زمین کو(زمین وآسمان کی خلقت کے بعد)پھیلا دیا گیا۔آیت میں دحیھا جو دَحْو کےمصدر سےماخوذ ہےوہی دحو الارض ہے۔دوسری آیت میں ہم پڑھتے ہیں:
والارض وما طحیٰھا۔اور قسم ہے زمین کی اوراس ذات کی جس نے اسے وسعت بخشی ہے۔طحیھا طَحْو کے مصدر سے سَھْو کے وزن پر انبساط اور توسیع کے معنیٰ میں ہے ۔یعنی کسی چیز کو دورکرنا اور یہاں وسعت دینے کے معنیٰ میں ہے۔
روایات میں دحو الارض کی فضٰلت کو بیان کیا گیا ہے جس میں سے صرف ایک روایت کی طرف اشارہ کرتے ہیں:امام رضا علیہ السلام نے فرمایا:"
خرج علینا ابو الحسن یعنی الرضا (علیه السلام) بمرو فی یوم خمسه و عشرین من ذی القعده، فقال: صوموا، فانی اصبحت صائما، قلنا: جعلنا الله فداک ای یوم هو؟ قال: یوم نشرت فیه الرحمه و دحیت فیه الارض" «
التهذیب ج 1 ص 306»
روزہ رکھو،میں بھی اس دن روزہ رکھوں گا۔امام سے پوچھا گیا:ہم آپ پر قربان ہوجائیں۔وہ کون سا مبارک دن ہے؟امام نے فرمایا:وہ ایسا بابرکت دن ہے جس دن رحمت الٰہی نشر ہوئی ،زمین کے فرش کو بچھایا گیا،کعبہ کو نصب کیا گیا اور جناب آدم ؑ زمین پر تشریف لائے۔
دحو الارض کے اعمال وآداب
۱۔روزہ رکھنا۔ستر سال کی عبادت سے افضل ہے۔
۲۔شب پچیس میں سحر خیزی ایک سال کی عبادت سے بہتر ہے۔
۳۔اس دن دحو الارض کی نیت سے غسل کرنا۔
۴۔ذکر الٰہی کے ساتھ ساتھ دعا واستغفار کرنا۔
۵۔زوال شمس ہوتے ہی ظہر کے وقت دورکعت نماز اس طرح پڑھنا کہ دونوں رکعت میں ایک مرتبہ سورۂ حمد اور پانچ دفعہ سورۂ شمس پڑھنا اور سلام پڑھنے کے بعد یہ کہے:لاحول ولا قوة إلا بالله العلي العظيم کہے۔
اور پھر کہے:
يا مقيل العثرات أقلني عثرتي، يا مجيب الدعوات أجب دعوتي يا سامع الأصوات اسمع صوتي، وارحمني وتجاوز عن سيئاتي، وما عندي يا ذا الجلال والاكرام.
اے لغزشوں کو درگذر کرنے والے میری لغزشوں کو معاف فرما۔اے دعائوں کو شرف قبولیت عطا کرنے والے میری دعا کو قبول فرما۔اے آوازوں کو سننے والے میری آواز کو سن لے۔مجھ پر رحم فرما۔میری غلطیاں اور جو کچھ میں نے کیا ہے ان سے چشم پوشی کرلے ۔اے صاحب جلال واکرام۔
۶۔مندرجہ ذیل دعا کو پڑھنا:
اَللَّهُمَّ دَاحِيَ الْكَعْبَةِ وَ فَالِقَ الْحَبَّةِ وَ صَارِفَ اللَّزْبَةِ وَ كَاشِفَ كُلِّ كُرْبَةٍ أَسْأَلُكَ فِي هَذَا الْيَوْمِ مِنْ أَيَّامِكَ الَّتِي أَعْظَمْتَ حَقَّهَا وَ أَقْدَمْتَ سَبْقَهَا۔۔۔دعا طولانی ہونے کیوجہ سے تحریر نہیں کی ۔قارئین محترم سے گذارش ہے کہ مکمل دعا پڑھنے کے لئے مفاتیح الجنان (باب دحو الارض اور اس کے اعمال)کی طرف رجوع فرمائیں۔
۷۔اس روز امام رضا ؑ کی زیارت بہترین اعمال میں سے ہے ۔جس کی بہت تاکید کی گئی ہے۔
۸۔شب پچیس میں رات بھر عبادت،ذکر الٰہی اور توبہ واستغفار میں مصروف رہنا سو سال کی عبادت سے افضل ہے۔
بارگاہ احدیت میں دست بہ دعا ہیں کہ پروردگار ہم کو ان مبارک ایام سے استفادہ اور ان میں تیری عبادت وبندگی کرنے کی توفیق عنایت فرما۔
تحریر: مولانا محمد رضا،مبلغ جامعہ امامیہ لکھنؤ

دحو الارض کے فضائل و اعمال

قرآن کریم نے اسلام کا بنیادی قانون ہونے کے عنوان سے بہت سے مقامات پر اسلام کے کلی مسائل کو بیان کیا گیاہے اور اپنے بہت سے حقائق کے بیان کو پیغمبر اور ان کے جانشینوں کے سپرد کیا ہے اور و اضح طور پر پیغمبراکرم ﷺ کا مفسر قرآن کے طور پر تعارف کروایا گیاہے: (وانزلنا الیک الذکر لتبین للناس ما نزل الیھم) (سورہ نحل، آیہ۴۴.)ہم نے قرآن کو آپ کی طرف نازل کیاہے تاکہ آپ ان کے لئے وہ بیان کریں جو لوگوں کی طرف نازل ہوا ہے۔ اس آیت میں ایک لطیف نکتہ یہ ہے کہ اللہ تعالی نے یہاں پر لفظ '' تبیین‘‘ سے استفادہ کیاہے جو وضاحت اورتفسیر کے معنی میں ہے نہ کہ لفظ ' لتقرأ ولتتلو‘‘ جو پڑھنے کے معنی میں ہے۔ اللہ تعالی نے قرآن کریم میں افراد کے تعارف کے لئے مختلف طریقوں سے استفادہ کیا ہے مثال کے طور پر: الف: نام کے ذریعے تعارف: ( ما کان محمد أبا أحد من رجالکم ولکن رسول اللہ و خاتم النبیین و کان اللہ بکل شیءٍ علیماً)(احزاب،آیہ۴۰.)ترجمہ:محمد تمہارے مردوں میں سے کسی ایک کے باپ نہیں ہیں لیکن وہ اللہ کے رسول اور خاتم النبیین ہیں اوراللہ ہر شی کاخوب جاننے والا ہے۔ ب: عدد کے ذریعے تعارف: (ولقد أخذ اللہ میثاق بنی اسرائیل و بعثنا منھم اثنی عشرنقیباً)( مائدہ ، آیہ۱۲.)ترجمہ:اور بے شک اللہ نے بنی اسرائیل سے عہد لیا اور ہم نے ان میں سے بارہ نقیب بھیجے۔ ج: صفت کے ذریعے تعارف: (الذین یتبعون الرسول النبی الاُمیّ الذی یجدونہ مکتوباً عندھم فی التوراۃ والاِنجیل یأمرھم بالمعروف وینھاھم عن المنکر ویحل لھم الطبیات و یحرم علیھم الخبائث ویضع عنھم اِصرھم والأغلال التی کانت علھیم...) ( اعراف، آیہ ۱۵۷.)ترجمہ:جو لوگ کہ رسول نبی امی کی اتباع کرتے ہیں جس کا ذکر اپنے پاس تورات اور انجیل میں لکھا پاتے ہیں کہ وہ نیکیوں کا حکم دیتا ہے اور برائیوں سے روکتا ہےاور پاکیزہ چیزوں کو حلال قرار دیتا ہے اور خبیث چیزوں کو حرام قرار دیتا ہے اور ان پر سے احکام کے سنگین بوجھ اور قید وبند کو اٹھا دیتا ہے۔ لہذا امام مہدی علیہ السلام کے مقدس وجود کے علاوہ کئی اور ایسے موارد ہیں جن کے بارے میں قرآن نے واضح گفتگو نہیں فرمائی ہے ۔اس نکتے کی طرف توجہ بھی لطف سے خالی نہیں ہے کہ ایسے متعدد مسائل ہیں جو صدیوں سے اختلاف پیدا کرنے کا موجب رہے ہیں حتی کہ مسلمانوں کے درمیان جنگ اور خونریزی کا سبب بنے ہیں لیکن قرآن کریم میں ان کے بارے میں واضح طور پر ذکر نہیں ہواہے۔جیسے کلام خدا کا احادیث یا قدیم ہونا جبر و اختیار وغیرہ ۔ پیغمبراکرم ﷺ کا تورات میں واضح طور پر نام آنا اس بات پر دلیل نہیں ہے کہ امام مہدی علیہ السلام کانام بھی قرآن میں واضح طور پر ہونا چاہئے۔کیونکہ ممکن ہے کہ جس طرح وہاں پر آنحضرت ؐ کے ذکر کو بیان کرنے میں حکمت ہویہاں پر امام مہدی علیہ السلام کے نام کی وضاحت نہ کرنے میں مصلحت ہو۔ اگرچہ نام کے ذکر کرنے سے بھی حق کا مقابلہ کرنے والوں کی مشکل حل نہیں ہوتی، جیساکہ تورات اور انجیل میں پیغمبر کی بشارت تھی لیکن بہت سے اہل کتاب ایمان نہ لائے، اس کے علاوہ بنی اسرائیل کی اپنے دور کے پیغمبر کی طالوت کے مسئلہ میں مخالفت بھی اس بات پر دلیل( سورہ بقرہ، آیات۲۴۶۔۲۴۷.)ہے ہمیشہ اور ہر جگہ نام کا ذکر کرنا اختلاف کو ختم نہیں کرتا۔اس نبی نے انکے کمانڈر کا نام بتا دیا تھا مگر بنی اسرائیل نے اپنے پیغمبر کی واضح طور پر مخالفت میں کہا تھا:'' أنّی یکون لہ الملک علینا و نحن أحقّ بالملک منہ ولم یؤت سعہ من المال‘‘(سورہ بقرہ، آیت۲۴۷.)ان لوگوں نے کہا کہ یہ کس طرح ہم پر حکومت کریں گے ان کے پاس کو مال کی فراوانی نہیں ہے ان سے زیادہ تو ہمیں حقدار حکومت ہیں۔ علماء نے کہا ہے کہ اگر امام مہدی علیہ السلام یا دوسرے آئمہ علیھم السلام کا نام واضح طور پر قرآن میں ہوتا تو مخالفین میں قرآن کو تحریف کرنے کا جذبہ زیادہ پیدا ہوتا اور یہ الہی کتاب تحریف کے خطر ے سے دچار ہوجاتی ۔ اس کے علاوہ ، حقائق کو بیان کرنے کا واحد راستہ فقط نام کی وضاحت میں منحصر نہیں ہے، بلکہ بہت سے مقامات پر ایک حقیقت کی خصوصیات کو واضح طور پر بیان کرکے اس حقیقت کا تعارف کرایا جاسکتاہے۔ قرآن کریم نے مسئلہ امامت و ولایت نیز مہدویت اور عالمی عدل کی حکومت کو بھی اس روش کے تحت بیان کیاہے اور متعدد آیات میں پیغمبر کے بعد ولایت(مائدہ، آیہ ۵۵) اور امام مہدی علیہ السلام کی عالمی حکومت (نورآیہ۵۵)کو انہیں صفات اور خصوصیات کے قالب میں بیان کیا ہے۔ مفسرین قرآن نے پیغمبراکرم صلی اللہ علیہ وآلہ وسلم اور آئمہ معصومین علیھم السلام کی احادیث سے استفادہ کرتے ہوئے قرآن کی ۲۵۰ سے زائد آیات کو امام مہدی علیہ السلام اور ان کی عالمی حکومت کے بارے میں ذکر کیا ہے اس بارے میں مستقل کتابیں بھی لکھی گئی ہیں( سیمای امام مہدی علیہ السلام قرآن ترجمہ حائری قزوینی اور علی اکبر مہدی پور کی کتاب امام زمان در آینہ قرآن) ۔ ان آیات میں سے بعض درج ذیل ہیں :(ولقد کتبنا فی زبور من بعد الذکر ان الارض یرثھا عبادی الصالحون ان فی ھذا لبلاغاً یقوم عابدین)( انبیاء آیات ۱۰۵و ۱۰۶.)''اور ہم نے ذکر کے بعدزبور میں بھی لکھ دیا ہے کہ ہماری زمین کے وارث ہمارے نیک بندے ہی ہوں گے *یقیناً اس میں عبادت گزار قوم کے لئے ایک پیغام ہے۔‘‘ (وعد اللہ الذین آمنوا منکم و عملوالصالحات لیستخلفنھم فی الارض کما استخلف الذین من قبلھم ولیکمنن لھم دینھم الذی ارتضی لھم ولیبدلنھم من بعد خوفھم آمناً یعبدوننی لایشرکون بی شیئاً و من کفر بعد ذلک فاولئک ھم الفاسقون)(نور آیہ۵۵.) ''اللہ نے تم میں سے صاحبان ایمان و عمل صالح سے وعد ہ کیا ہے کہ انہیں روئے زمین میں اسی طرح اپنا خلیفہ بنائے گا جس طرح پہلے والوں کو بنایا ہے اور ان کے لئے اس دین کو غالب بنائے گا جسے ان کے لئے پسندیدہ قرار دیاہے اور ان کے خوف کو امن سے تبدیل کرد ے گا کہ وہ سب صرف میری عبادت کریں گے اور کسی طرح کا شرک نہ کریں گے اور اس کے بعد بھی کوئی کافر ہوجائے تو در حقیقت وہی لوگ فاسق اور بدکردار ہیں‘‘۔

منبع : http://www.shiastudies.net

Common title

قرآن کریم میں حضرت مہدی علیہ السلام کاذکر

قرآن مجید اور اخلاقی تربیت

وحی اور استشراقی افکار کا تحقیقی مطالعہ

سید نسیم حیدر زیدی

اسماء واوصاف ميں عدم تشخيص و تميزاورمختلف طرزتفکرکواختلاف رائ کاسبب کہاجاسکتاہے ۔
اوريہ بات بھي قابل توجہ ہے کہ بعض افرادکي نظرميں قرآن کے علاوہ قرآن کا کوئي دوسرا نام نہيں ہے۔ ہم يہاںمناسب سمجھتے ہیں کہ عناوين قرآن کواسماء اوراوصاف کے ذيل ميں بيان کياجائے۔
الف : قرآني اسماء ، عناوين قرآن ميں سے چار عنوان ايسے ہیں جومسلم قرآن کیلئے اسماء کے طور پر استعمال ہوتے ہیں۔جواپني اہميت اور کثرت کے اعتبارسے بالترتیب يہ ہیں۔
١) قرآن : بل ھوقرآن مجيد، يقيناً يہ بزرگ و برتر قرآن ہے (سورہ بروج :٢١)
٢) کتاب : کتاب انزلناہ اليک ، يہ ايک کتاب ہے جسے ہم نے آپ کي طرف نازل کيا۔ (سورہ ص: ٢٩)
٣) ذکر : ھٰذا ذکر مبارک ، يہ ایک مبارک ذکر ہے (سورہ انبياء :٥٠)
٤) فرقان : تبارک الذي نزّل الفرقان عليٰ عبدہ ، بابرکت ہے وہ ذات جس نے اپنے بندے پرفرقان نازل کيا۔(فرقان ١)
زرقاني نے مندرجہ بالا اسماء ميں'تنزيل‘‘ کا بھي اضافہ کياہے ۔کتاب ،ذکر، فرقان ، يہ تين عنوان قرآن کے علاوہ دوسري آسماني کتابوں کیلئے بھي استعمال ہوتے ہیں۔جبکہ لفظ'قرآن‘‘بطور خاص موجودہ قرآن کیلئے استعمال ہواہے ۔
ب) اوصاف قرآن : ہم يہاں ان اوصاف کاذکرکررہے ہیں کہ جوخودقرآن ميں قرآن کيلئے بطوروصف استعمال ہوتے ہیں۔
١) مجيد : ق والقرآن مجيد (ق٢)
٢) کريم : انہ لقرآن کريم (واقعہ ٧٧)
٣)حکيم : يٰسين والقرآن حکيم (يٰسين١)
٤) عظيم : ولقد تيناک سبعاً من المثاني والقرآن العظيم (حجر٨٧)
٥) عزير : انّہ الکتاب عزير لا ياتيہ الباطل ( فصلت ٤١)
٦) مبارک : ھذا ذکر مبارک ( انبيا : ٠ ٥ )
٧ ) مبين : تلک يات الکتاب و قرآن مبين (حجر١)
٨ ) متشابہ : اللہ نزل احسن الحديث کتابا متشابھا (زمر٢٣)
٩ ) مثاني : اللہ نزل احسن الحديث کتاباً متشابھا مثاني (زمر ٢٣)
١٠ ) عربي : انّا انزلناہ قرنا عربيا لعلکم تعقلون (يوسف٢)
١١) غير ذي عوج : قرناً عربياً غير ذي عوج لعلھم يتقون (زمر ٢٨)
١٢) ذي الذکر : ص والقرآن ذي الذکر ( ص ١)
١٣) بشير : کتاب فصلت ياتہ.. بشيراً (فصلت٢٣)
١٤ ) نذير : کتاب فصلت ياتہ بشيراً و نذيرا ( فصلت ٢٣)
١٥) قيّم : الحمد للّٰہ الذي انزل علي عبدہ الکتاب... قيّماً ( کہف ١٢)
آخر ميں ہم ايک اور نام کي طرف اشارہ کرتے ہيں اگرچہ يہ نام خود قرآن ميں استعمال نہيں ہوا ہے ۔ مگر بعض افراد کا عقيدہ ہے کہ پيغمبر کي رحلت کے بعد قرآن کا رائج ترين اور مشہور و معروف نام ' مصحف‘‘ تھا جبکہ خود پيغمبر کي زندگي ميں قرن کے لئے کوئي معين اور متفق عليہ نام نہ تھا ۔
اس نام گزاري کي کيفيت کے سلسلہ ميں ڈاکٹر رامياد کہتے ہيں : قرآن کي جمع وري کے بعد اصحاب پيغمبر نے يہ چاہا کہ اس کے لئے کوئي نام تجويز کيا جائے لھٰذا بعض نے چاہا کہ اسے انجيل کيا جائے ، جب کہ بعض نے اس کو سفر کہے جانے کي پيش کش کي ، مگر يہ تمام رائ رد ہوگئيں خر کار عبد اللہ ابن مسعود نے اسے' مصحف‘‘ کہے جانے کي تجويز پيش کي جس پر سب کا اتفاق ہو گيا پھر اسي وقت سے قرآن کو 'مصحف‘‘ کے نام سے پہچاہا جانے لگا۔

يہ بات تو مورد قبول ہے کہ پيغمبر اسلام کي رحلت کے بعد قرآن جلد ہي ' مصحف ‘‘ کے نام سے مشہور ہو گيا ۔ مگر يہ کہ خود پيغمبراسلام کي زندگي ميں کوئي خاص اور معين نام نہ تھا قابل قبول نہيں ہے اس لئے کہ قرآن اور کتاب وہ الفاظ ہيں کہ جو خو د پيغمبر اسلام اور حضرت علي ٴکي روايات اور ان کے اصحاب کے اقوال ميں استعمال ہوئے ہيں ۔ جيسا کہ وہ معروف حديث جس ميں آپ نے فرمايا :

اذا التبست عليکم الفتن کقطع الليل المظلم فعليکم بالقرآن ( اصول کافي جلد ٢ ص ٥٩٩)

يا آپ کا قول فضل القرآن علي سائر الکلام کفضل اللہ علي خلقہ ( علوم القرآن عند المفسرين جلد ١ ص ٧٠)

يا آپ کي وہ وصيت کہ فرمايا : اني تارک فيکم الثقلين کتاب اللہ و عترتي(البرھان في تفسير القرآن جلد ١ ص ٩١٤)
اس کے علاوہ عصر نزول کي وہ صدھا روایات بھي ہيں جن ميں اس آسماني کتاب کو قرآن اور کتاب کے نام سے ياد کيا گيا ہے ۔ يہ تمام چيزيں ان ناموں کے اس زمانے ميں رائج اور مشہور ہونے کو ثابت کرتي ہيں ۔
اس کے ساتھ ساتھ يہ کس طرح ممکن ہے کہ ٢٣ سال تک مسلمانوں کي کتاب کا کوئي مشخص و معين نام ہي نہ ہو ؟ نيز علم نحو کے اعتبار سے لفظ' قرآن ‘‘ کا علم اور اسم خاص کے عنوان سے خود قرآن ميں استعمال ہونا بھي اس نام کي شہرت کا مبيّن ثبوت ہے ۔
پيغمبر اسلام کي رحلت کے بعد ' مصحف‘‘ کے نام کي وجہ شہرت قرآن کي کتابت اور اسکي تدوين ہے ۔ صحيفہ ہر گستردہ اور پھيلي ہوئي چيز کو کہا جاتا ہے ، اسي لئے اس صفحہ کو جس پر لکھا جاتا ہے صحيفہ کہا جاتاہے اور مصحف ان صحيفوں کے مجموعے کا نام ہے کہ جو دو جلدوں کے درميان ہو ۔ پيغمبراسلام کي رحلت کے بعد مسلمانوں کے اہم وظائف ميں سے ايک کتابت قرآن اور اس کے لکھے ہوئے صحف کي جمع وري تھا لھٰذا ايسي صورت حال کے پيش نظر يہ نام قرآن کے لئے مشہور و معروف ہو گيا

&nbsp;

اسماء و اوصاف قرآن

زیر نظر کتاب کا اصل نام "قصۃ الایمان بین الفلسفۃ والعلم والقرآن" ہے۔ اصل کتاب عربی زبان میں ہے اس کے مصنف الشیخ ندیم الجسر مفتئ طرابلس و شمالی لبنان ہیں۔ اس میں ابتدائی مکالمے حیران بن الاضعف پنجابی اور ان کے والد کے درمیان ہیں پھر حیران بن الاضعف پنجابی اور ان کے شیخ ابو النور الموزون کے مابین ہیں۔ سوال و جواب کی صورت میں طویل علمی مباحث ہیں۔
قصۃ الایمان میں قدیم و جدید فلسفیوں کی ان کاوشوں کا ذکر ہے جو انھوں نے مختلف زبانوں میں عقل و خرد کی سرگردانی کے ذریعے تلاشِ حق میں سرانجام دیں ۔ کتاب داستان فلسفہ بھی ہے اور حکایتِ تفہیم عقائد بھی۔

Editor

Interpreter

Number of volumes

Publish location

Publication year

Publish number

Publisher

Sect

Scholar

ISBN

Translated

فلسفہ سائنس اور قرآن

"تذکرۂ مفسرین امامیہ" کے مصنف سید شہوار حسین نقوی ہیں۔ یہ کتاب امامیہ مفسرین کی مفصل تذکرہ نگاری پر مبنی ہے۔
کتاب "تذکرۂ مفسرین امامیہ" کا ناشر انتشارات المصطفیٰ دہلی ہے۔ اس کتاب کی اشاعت سال 2012 میں ہوئی ہے۔
اس کتاب میں سید شہوار حسین نقوی نے امامیہ مذہب کے مشہور مفسرین کی تذکرہ نگاری کی ہے۔ یہ کتاب امامیہ مذہب کے علماء کے نام و مقامات، ان کا تعلیمی سلسلہ، مؤلفات، فکری خدمات اور تفسیری نظریات پر مبنی ہے۔ مصنف نے مفسرین کے حیات و خدمات کو خلاصہ کرتے ہوئے ان کی محنت اور علمی خدمات کو پیش کیا ہے۔
"تذکرۂ مفسرین امامیہ" کتاب امامیہ تفسیر کی روشنی میں اہم ریفرنس کتاب ہے۔ اس کتاب کو پڑھ کر قارئین کو امامیہ تفسیر کے مفسرین کے بارے میں معلومات حاصل ہوتی ہیں اور ان کے علمی و فکری میراث کو سمجھنے کا موقع ملتا ہے۔
کتاب "تذکرۂ مفسرین امامیہ" مصنف سید شہوار حسین نقوی کی مصنفانہ کاوش کا نتیجہ ہے۔ یہ کتاب امامیہ مذہب کے مفسرین کے بارے میں تذکرے فراہم کرتی ہے۔
اس کتاب میں سید شہوار حسین نقوی نے امامیہ مذہب کے مشہور مفسرین کے تذکرے اور تفصیلات فراہم کی ہیں۔ اس کتاب میں مفسرین کی زندگی، علمی مقام، تفسیری کام، تفسیری اصول اور مزید معلومات پر تبصرے شامل ہیں۔
"تذکرۂ مفسرین امامیہ" کتاب علمی تحقیقات پر مبنی ہے جو امامیہ مذہب کی تفسیری ورثے کو درجہ بندی کرتی ہے اور ان کے مقامات اور ان کے مسعئ جمیلہ سے عام لوگوں کو آگاہ کرتی ہے۔
اس کتاب کو پڑھ کر دانشوروں، محققین، طلبہ و طالبات اور دیگر لوگوں کو امامیہ مذہب کے تفسیری اداروں اور مفسرین کے بارے میں مزید معلومات حاصل ہوسکتی ہے۔ اس کتاب کو عام عوام کو بھی امامیہ مذہب کے مفسرین کی تعرف و شاندار خدمات کے بارے میں معلومات فراہم کرنے کے لئے استعمال کیا جا سکتا ہے۔

Translated Fields

Rate

Votes

تذکرۂ مفسرین امامیہ

"مقدمہ تفسیر قرآن" کتاب ایک عظیم تفسیری مقدمہ ہے جس کی تصنیف سید علی نقوی (نقن) نے کی ہے۔ اس مقدمہ میں قرآنی آیات کی تفسیر اور شرح کے منہج کو بیان کیا گیا ہے جو قرآنی معانی کو سمجھنے میں مدد فراہم کرتا ہے۔

ناشر "مقدمہ تفسیر قرآن" ادارہ علمیہ لاہور ہے، جو ایک معروف ادارہ ہے جو اسلامی ادب، علوم، اور تفسیر کی کتب کی اشاعت کرتا ہے۔

یہ کتاب 1380 میں لاہور، پاکستان میں شائع ہوئی اور اس کی اشاعت لاہور کے مقامی دائرہ کار میں کی گئی۔ اس کتاب کا مقصد قرآنی آیات کے تفسیر سے لیکر علوم اور عقائدی موضوعات تک کا تشہیری منظر نامہ فراہم کرنا ہے تاکہ قرآنی تعلقات کو بہترین انداز میں سمجھا جا سکے۔

مقدمہ تفسیر قرآن

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

ترجمان القرآن: جناب عبد اللہ ابن عباس

<div class="cxmmr5t8 oygrvhab hcukyx3x c1et5uql o9v6fnle ii04i59q">
<div dir="auto">محقق محترم صدا حسین علوم اسلامی میں خاصی مہارت رکھتے ہیں اور تربیت شاگردان میں مصروف ہیں۔ انہوں نے مانسہرہ یونیورسٹی میں اصول تفسیری شیعہ کا تنقیدی جایزہ لیا ہے اور اپنی تحقیق مکمل کی ہے۔اور اس تحقیق کو محققین کے سامنے دفاع کیلیے. پیش کیا اور امتیازی حیثیت سے اس تحقیق کو مکمل کیا ہے۔</div>
</div>

اصول تفسیر شیعہ کا تحقیقی جائزہ

پیش نظر کتاب قرآنی سورتوں کی عظمت اور ان کی تلاوت کی فضیلت کے بارے میں ہے جو رسول اکرمﷺ اور ائمۂ طاہرینؑ کی احادیث کی روشنی میں ترتیب دی گئی ہے۔
کتاب کے آخر میں ایک جدول بھی مہیّا کیا گیا ہے جس میں تلاوت کے اوقات کے لحاظ سے مخصوص قرآنی سورے بیان کیے گئے ہیں۔

قرآنی معلومات

Books

Articles