”تصوف اور تشیع کا فرق“ علامہ ہاشم معروف حسنی کی کتاب ”بین التصوف والتشیع“ کا اردو ترجمہ ہے۔ اس کتاب میں شیعیت اور تصوف، ہر دو کے اصول، ان کی تاریخ، بنیادی مصادر اور عقائد کے بیان کے ساتھ ساتھ تشیع اور تصوف میں فرق کو واضح کیا گیا ہے۔ یہ کتاب عربی زبان میں لکھی گئی تھی جس کا اردو ترجمہ جناب علامہ شیخ محمد حسن جعفری نے کیا ہے۔ مولف کا مقصد ڈاکٹر مصطفٰی شیبی کی کتاب ”الصلة بين التشيع و التصوف“ میں شیعیت پر لگائے گئے بہتان کا جواب دینا تھا۔
مولف پہلے تشیع کی پیدائش کے مختلف نظریات بیان کر کے ان کا علمی جائزہ لیتے ہیں۔ اس کے بعد وہ تصوف کی تاریخ کا عمیق مطالعہ پیش کرتے ہوئے اس کی پیدائش، اسکے بنیادی مصادر، اسکے اصول بیان کر کے شیعیت اور صوفیت میں اختلاف کو واضح کرتے ہیں۔ ساتھ ساتھ وہ تصوف کی کلیدی شخصیات کا تعارف بھی کراتے ہیں۔
مولف نے تشیع اور تصوف کا فرق بیان کرتے ہوئے ان موضوعات پر بحث کی ہے: تجسیم، حلول و اتحاد، وحدتِ وجود، نبوت، علامتِ رسول، تفاوت عصمت و شفاعت، کراماتِ آئمہ ؑ، صوفیوں کے کرامات کے دعوے، تصوف اور اسلام میں زہد کی مختلف تفاسیر، وغیرہ۔
دیگر موضوعات میں تصوف کے بارے آئمہ ؑ کے فرامین، غلات، تصوف کے یونانی، چینی اور ہندوستانی مآخذ، حقیقتِ محمدیہ کا تصور، مراتبِ اولیاء، صوفیوں کے ہاں بہشت و جہنم کا تصور، صوفیوں کا نظریۂ علم، وغیرہ شامل ہیں۔ مولف نے صوفیوں کی مختلف اصطلاحات کی بھی وضاحت کی ہے۔ جیسے: جمع و تفریق، فنا و بقا، قبض و بسط، خلوت، غیبت و حضور، تجرید و تفرید، مرید و شیخ، وغیرہ۔ اسکے علاوہ صوفیوں کے اقطاب کا بھی مختصر تعارف پیش کیا ہے۔ جیسے: عبدالواحد بن زید، ابراہیم ادہم، ذوالنون مصری، شقیق بن ابراہیم، بشر بن حارث، عسکر بن حسین، معروف بن فیروز کرخی، حاتم اصم، ابوحمزہ خراسانی، ابوبکر بن جحدر شبلی، سری بن مفلس سقطی، جنید بن محمد، سمنون بن عمر، ابویزید بسطامی، سہل بن عبدالله تستری، ابوعبدالله محمد خفیف شیرازی، حسین بن منصور حلاج، محی‌الدین ابنِ عربی اور عبدالکریم گیلانی!
کتاب کے آخر میں تصوف کے بارے میں شیعہ آئمہ ؑ اور شیعہ علماء کے نظریات بیان کئے گئے ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

تصوف اور تشیع کا فرق

تاریخ فقہ جعفری علامہ ہاشم معروف کی عربی کتاب تاریـخ الفقہ الـجعفری کا اردو ترجمہ ہے۔ یہ فقہ جعفری کی تاریخ پرلکھے جانے والی پہلی کتاب ہے۔

فقہ کی تاریخ کے مفید ہونے میں کوئی کلام نہیں کیونکہ اس کے ذریعے سے فقہاء کی کوششوں سے آگاہی حاصل ہوتی ہے اور یہ معلوم ہوتا ہے کہ اس علم نے کیسے ترقی کی اور کس طرح آہستہ آہستہ درجۂ کمال تک پہنچا۔فقہ اسلامی کی تاریخ ایک جدید علم ہے۔ اس کی تاریخ زیادہ طویل نہیں۔ اہل مغرب نے مذاہب اور علوم کی تاریخ مرتب کرنے کے کام کا آغاز کیا ۔مغربی مفکرین کو اعتراف ہے کہ شیعہ علماء نے فقہ کو نئی زندگی بخشی ہے اور اس کو ترقی دے کر جمود سے نجات دلائی ہے۔مشہور جرمن مستشرق گول ڈزیہر (Ignaz Goldizher 1850-1921) اپنی کتاب ’’عقیدہ اور شریعت‘‘ میں کہتا ہے:

’’اسلام کے علمی اور روحانی مباحث کو بارآور بنانے میں شیعوں کی برتری مسلّم تھی اور اب بھی مسلّم ہے۔ اسی طرح کی تیز کارروائی مذاہب کو جمود سے اور خشک سانچوں میں ڈھلنے سے محفوظ رکھتی ہے۔‘‘

اسی نکتے کو علامہ سید ہاشم معروف نے ناقابل تردید دلائل سے ثابت کیا ہے۔ انہوں نے بڑی تفصیل سے فقہ کی سرگزشت بیان کی ہے اور امام علی علیہ السلام کے زمانے سے لے کر امام جعفر صادق علیہ السلام کے زمانے تک فقہی احکام کے شیعہ راویوں کا ان کے زمانے کی ترتیب کے لحاظ سے ذکر کیا ہے۔ انہوں نے احکام الٰہی کے استخراج اور استنباط کے طریقے اور ان کے ماخذوں کے بارے میں بھی مدلل اور مفصل بحث کی ہے۔

اس میں کوئی تعجب کی بات نہیں کہ مصنف نے اس اہم کام کو نہایت عمدگی سے پایۂ تکمیل تک پہنچایا ہے کیونکہ ایک طرف انہیں فقہی مسائل اور ان کے ماخذ سے وسیع واقفیت ہے اور دوسری طرف وہ تمام احادیث اور اقوال کو دیانت داری سے بیان کرتے ہیں۔ وہ فقہ اور اصول فقہ پر پوری طرح حاوی ہیں اور اپنی تیز اور گہری نظر سے مسائل کا تجزیہ کرتے ہیں۔

یہ کتاب پوری تحقیق و تدقیق سے لکھی گئی ہے۔ہمیں یقین ہے کہ یہ کتاب اہل فکر و دانش کے لئے اچھا مواد مہیا کرے گی ۔

تاریخ فقہ جعفری

زیر نظر کتاب سیرت امام علی علیہ السلام پر ایک بے مثال اور بہت ہی عمدہ کتاب ہے اور سیرت سے دلچسپی رکھنے والے ہر فرد پر اور عموماً ہر ایک پر اس کتاب کا پڑھنا واجب عینی کے مرحلے میں ہے۔
لبنان کی سرسبز و شاداب سرزمین جس نے شہید اول، شہید ثانی اور حر عاملی جیسے عظیم دانشوروں کو پروان چڑھایا ہے وہاں کے ایک مفکر و دانشور جناب ہاشم المعروف حسنی بھی ہیں جنہوں نے سیرت النبیﷺ کے بعد سیرت آئمہؑ پر قلم اٹھایا ہے اور یہ کتاب اسی کا ایک حصہ ہے، یہ کتاب فضائل کا مجموعہ ہی نہیں بلکہ واقعات و حالات سے بھرپور مولائے کائنات کے طرز زندگی کو سمجھنے کی اچھی کاوش ہے۔
زیر نظر ترجمہ شدہ کتاب میں پوری کوشش کی گئی ہے کہ اصل عربی کتاب کے مفاہیم کو صحیح انداز میں منعکس کرکے ان کا خلاصہ پیش کیا جائے تاکہ محترم قارئین کم سے کم وقت میں زیادہ سے زیادہ فیض حاصل کرسکیں۔

سیرت علیؑ(حضرت علیؑ کی مکمل سیرت و سوانح حیات)

علامہ سید ہاشم معروف حسنی ۱۹۱۹ء میں جنوبی لبنان کے شہر صور  کے ایک گاؤں جناتا میں پیدا ہوئے۔آپ حوزہ علمیہ نجف اشرف میں اپنے زمانے کے نابغہ روزگار فقہاء آیت اللہ العظمیٰ سید حسین حمامی ، آیت اللہ العظمیٰ سید محسن حکیم طباطبائی ، آیت اللہ العظمیٰآقا سید جمال گلپائیگانی اور آیت اللہ العظمیٰ شیخ محمد حسین کاشف الغطاء سے اعلیٰ دینی تعلیم حاصل کرنے کے بعد لبنان واپس آئے اور وہاں فقہ جعفری کی شرعی عدالت میں جج مقرر ہوگئے۔ آپ تاریخ اسلام اور ائمہ اہلبیت علیہم السلام کی سیرت کے ایک ماہر کی حیثیت سے جانے جاتے تھے۔ آپ نے مکتب تشیع کی تبلیغ اور دفاع کے لیے بے مثال تحقیقی کام کئے اور بین التشیع والتصوف اورالشیعہ بین الاشاعرہ والمعتزلہ  جیسی معرکۃ الآراء کتابیں لکھیں۔
            علامہ سید ہاشم معروف کی دیگر کتابوں کے نام یہ ہیں:(۱)المبادی ء العامۃ للفقہ الـجعفری (۲)نظریۃالعقد فی الفقہ الـجعفری (۳)الشیعۃ بین الاشاعرہ والمعتزلۃ(۴)ولایۃ القاضی فی الفقہ الاسلامی (۵)المسؤولیۃ الـجزائیۃ (۶)الموضوعات فی الآثار والاخبار(۷)دراسات فی الکافی للکلینی والصحیح للبخاری (۸)سیرۃ المصطفیٰﷺ (۹)بین ال والتصوف (۱۰) تاریـخ الفقہ الـجعفری(۱۱) عقیدۃ الشیعۃ الامامیۃ
            سیرت ائمہ اہلبیتؑ علامہ سید ہاشم معروف حسنی کی کتاب سیرۃ الائمۃ الاثنیٰ عشر کا اردو ترجمہ ہے۔ یہ کتاب دو جلدوں پر مشتمل ہےجس میں ائمہ اہلبیت علیہم السلام کی پاکیزہ سیرت کو اجمالی طور پر پیش کیا گیا ہے۔پہلی جلد میں حضرت فاطمہ زہراؑ کی سیرت اور فدک کے حوالے سے آپ کے اقدامات پر گفتگو کی گئی ہے۔اس کے بعد حضرت علیؑ کی حیات مبارکہ کے بیان میں مختلف سیاسی، اجتماعی اور اخلاقی پہلوؤں کی طرف اشارہ کیا گیا ہے۔ پہلی جلد امام حسنؑ کی سیرت پر مکمل ہوتی ہے۔ دوسری اور پیش نظر جلد میں امام حسینؑ سے لے کر امام مہدی عجل اللہ فرجہ کے حالات بیان کئے گئے ہیں نیز امام حسنؑ کی صلح اور امام حسینؑ کے قیام پر تحقیقی بحث کی گئی ہے۔ نیزبارہ اماموں کی سیرت پاک کے بعض پہلوؤں کو اور انسانی فلاح و بہبود کے لیے اُن کی کوششوں، قربانیوں اور کارناموں کو پیش کیا گیا ہےاور اپنے اپنے زمانے کے حکمرانوں کے مقابل اُن کے وہ موقف بھی بیان کئے گئے ہیں جن کی وجہ سے اُن کی زندگی تلخ ہوتی رہی اور سکھ چین جاتا رہا لیکن انھوں نےبہتر انسان، بہتر سماج  اور بہتر حکمرانوں کے تمکن کی راہ میں خوشی اور اطمینان سے اپنی زندگیوں کو وقف کئے رکھا۔
جہاں کہیں ضرورت کا تقاضا ہوا ایسے تاریخی حالات و واقعات کا بنظر غائر جائزہ پیش کیا گیا ہے جن پر سازشی حکمرانوں اور اُن کے اہلکاروں کا اثر پڑتا رہا ہے۔ اس کتاب میں کوشش کی گئی ہے کہ جو کچھ لکھا جائے اور جن حالات و واقعات کا جائزہ پیش کیا جائے وہ جانبداری اور غیر ضروری امور سے مبرا ہوں۔ ائمہ اہلبیت علیہم السلام کی تاریخ کے حوالے سے بلا شبہ یہ ایک جامع اور شاہکار کتاب ہے۔امید ہے کہ قارئین اس کتاب سے بھرپور استفادہ کر سکیں گے۔ ان شاءاللہ

  سیرت ائمہ اہلبیتؑ ج۲

علامہ سید ہاشم معروف حسنی ۱۹۱۹ء میں جنوبی لبنان کے شہر صور (Tyre) کے ایک گاؤں جناتا میں پیدا ہوئے۔آپ حوزہ علمیہ نجف اشرف میں اپنے زمانے کے نابغہ روزگار فقہاء آیت اللہ العظمیٰ سید حسین حمامی ، آیت اللہ العظمیٰ سید محسن حکیم طباطبائی ، آیت اللہ العظمیٰآقا سید جمال گلپائیگانی اور آیت اللہ العظمیٰ شیخ محمد حسین کاشف الغطاء سے اعلیٰ دینی تعلیم حاصل کرنے کے بعد لبنان واپس آئے اور وہاں فقہ جعفری کی شرعی عدالت میں جج مقرر ہوگئے۔ آپ تاریخ اسلام اور ائمہ اہلبیت علیہم السلام کی سیرت کے ایک ماہر کی حیثیت سے جانے جاتے تھے۔ آپ نے مکتب تشیع کی تبلیغ اور دفاع کے لیے بے مثال تحقیقی کام کئے اور بین التشیع والتصوف اورالشیعہ بین الاشاعرہ والمعتزلہ  جیسی معرکۃ الآراء کتابیں لکھیں۔علامہ سید ہاشم معروف کی دیگر کتابوں کے نام یہ ہیں :
)۱(المبادی ء العامۃ للفقہ الـجعفری        )۲(نظریۃالعقد فی الفقہ الـجعفری
(۳)الشیعۃ بین الاشاعرہ والمعتزلۃ          (۴)ولایۃ القاضی  فی الفقہ الاسلامی
(۵)المسؤولیۃ الـجزائیۃ             (۶)الموضوعات فی الآثار والاخبار
(۷)دراسات فی الکافی للکلینی والصحیح للبخاری     (۸)سیرۃ المصطفیٰﷺ
(۹)بین التشیع والتصوف                                             (۱۰)تاریـخ الفقہ الـجعفری
(۱۱) عقیدۃ الشیعۃ الامامیۃ
ان میں سے علامہ صاحب کی آخری چار کتابیں اردو زبان میں ترجمہ ہوچکی ہیں۔

Born

Death

سید ہاشم معروف الحسنی

سید ہاشم معروف الحسنی

سید ہاشم معروف الحسنی

Author Books