مقتل مفید، سید الشہداء حضرت امام حسینؑ اور آپ کے انصار و اصحاب اور اقربا کے مصائب و آلام پر مشتمل جامع کتاب۔
پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

مقتل مفید

شیخ مفیدؒ کے باقیات علمی میں سے ایک یہ کتاب "اَلْإرْشاد فی مَعْرفةِ حُجَجِ الله عَلَی الْعِباد (تألیف: ۴۱۱ق) معروف بہ «الارشاد»" بھی ہے، یہ آئمۂ ہدیٰ علیہم السلام کے حالات کے بارے میں اوّلین کتابوں میں سے ایک ہے اور آئمۂ اثنا عشر کے تعارف اور ان کی تاریخ پر مبنی ہے۔
زیر نظر کتاب "تذکرۃ  الاطہار" چوتھی صدی ہجری کی ایک عظیم و مقدس شخصیت آیۃ اللہ شیخ مفید علیہ الرحمہ کی عظیم تصنیف ہے، کتاب کے پہلے حصے میں امیرالمؤمنین علی علیہ السلام کے حالات زندگی ہیں اور آپ کے کمالات و فضائل کا تفصیلی ذکر ہے جبکہ دوسرے حصے میں باقی گیارہ آئمۂ اطہار کی سوانح حیات ہے۔
اس مستند کتاب کا ترجمہ حجۃ الاسلام علامہ سید صفدر حسین نجفی نے کیا ہے جو پہلے بھی بہت سی علمی کتب کے ترجمے کرچکے ہیں،ہمارے ائمۂ اہلبیت علیہم السلام کی پاک سیرت کی ایک جھلک آپ کے سامنے ہے جوآپ کی راہوں کو روشن کرنے کے لیے بہترین نور ہے جسے مصباح القرآن ٹرسٹ لاہور پاکستان نے بڑی دیدہ زیبی کے ساتھ زیور طباعت سے آراستہ کیا ہے، اسے اپنے مطالعے کا حصہ ضرور قرار دیں۔

الارشاد-تذکرۃ الاطھار(ائمۂ اطہارؑ کے حالات زندگی)

شیخ مفیدؒ کے باقیات علمی میں سے ایک یہ کتاب "اَلْإرْشاد فی مَعْرفةِ حُجَجِ الله عَلَی الْعِباد (تألیف: ۴۱۱ق) معروف بہ «الارشاد»" بھی ہے، یہ آئمۂ ہدیٰ علیہم السلام کے حالات کے بارے میں اوّلین کتابوں میں سے ایک ہے اور آئمۂ اثنا عشر کے تعارف اور ان کی تاریخ پر مبنی ہے۔
زیر نظر کتاب "تذکرۃ  الاطہار" چوتھی صدی ہجری کی ایک عظیم و مقدس شخصیت آیۃ اللہ شیخ مفید علیہ الرحمہ کی عظیم تصنیف ہے، کتاب کے پہلے حصے میں امیرالمؤمنین علی علیہ السلام کے حالات زندگی ہیں اور آپ کے کمالات و فضائل کا تفصیلی ذکر ہے جبکہ دوسرے حصے میں باقی گیارہ آئمۂ اطہار کی سوانح حیات ہے۔
اس مستند کتاب کا ترجمہ حجۃ الاسلام علامہ سید صفدر حسین نجفی نے کیا ہے جو پہلے بھی بہت سی علمی کتب کے ترجمے کرچکے ہیں،ہمارے ائمۂ اہلبیت علیہم السلام کی پاک سیرت کی ایک جھلک آپ کے سامنے ہے جوآپ کی راہوں کو روشن کرنے کے لیے بہترین نور ہے جسے امامیہ پبلی کیشنز نے زیور طباعت سے آراستہ کیا ہے، اسے اپنے مطالعے کا حصہ ضرور قرار دیں۔

صدرِ اسلام میں اصحابِ پیغمبرﷺ کے ساتھ صحابیاتِ پیغمبرﷺ کی ایک طویل فہرست اور ان کے حالاتِ زندگی تاریخ کا ایک حصہ ہیں جو آج کی خواتین کو دینداری، دین فہمی اور دینی خدمات کی فراہمی کے سلسلے میں دعوت عمل دیتی ہے۔
یہ ترجمہ رسالۂ احکام النساء تصنیف جناب شیخ مفید رحمۃ اللہ علیہ ہے جو احکام اور مسائلِ شریعت پر مشتمل ہے اس کتاب میں طہارت سے کتاب دیات تک مؤمنات و مکلفات کے مسائل کا تذکرہ موجود ہےجسے عربی سے اردو زبان میں سید محمد صاحب نے ترجمہ کیا ہے اور نئے قالب اور جدید دور کی زبان میں باب العلم والتحقیق کے محققین نے ڈھالا ہے۔
أحكام النساء، تألیف شيخ مفيد، ابوعبدالله محمد بن محمد بن نعمان (336 - 413 هجرى)، جو چوتھی صدی ہجری میں شیعہ فقہا اور راویوں کے درمیان ایک ممتاز شخصیت میں سے ہے۔
شیخ مفید نے یہ کتاب بزرگ خاتون اور سید جلیل القدر، سید مرتضیٰ کی والدہ اور سید رضی کی والدہ، فاطمہ، حسین بن احمد بن حسن ناصر كبير کی بیٹی کی درخواست پر لکھی ہے۔
انہوں نے شیخ مفیدؒ سے خواتین کے مسائل کے بارے میں ایک مختصر اور جامع کتاب لکھنے کو کہا، جسے شیخ مفیدؒ نے قبول کیا اور یہ کتاب لکھی۔
یہ کتاب خواتین کے احکام کے بارے میں ہے اور ان سے متعلق شرعی مسائل کو اس میں بیان کیا گیا ہے،شیخ مفیدؒ نے اس کتاب میں عقائد کو بھی اختصار کے ساتھ پیش کیا ہے، پھر انہوں نے فقہی مسائل کو،کتابِ  طہارت سے لیکر  کتاب دیت تک یعنی ، فقہ کے تمام ابواب جو خواتین سے متعلق ہیں کو ذکر کیا ہے۔
آپ کے سامنے جو کتاب ہے اسے دارالعلم کے محققین نے جدید پیرائے میں اور دور حاضر کے فقہاء کے فتاوا کے مطابق پیش کرنے اسے اور بہتر بنا دیا ہے۔

احکام النساء

امالی لغتِ عرب کا لفظ ہے جو اردو زبان و ادب میں شاذ و نادر ہی مستعمل ہے اور نہ ہی اردو میں اس کا نعم البدل موجود ہے ہاں البتہ انگریزی زبان کا ایک لفظ جو اب اردو لغت کا بھی حصہ بن چکا ہے امال کا ہم معنیٰ ہے اور وہ ہے نوٹس(NOTES)۔ بزرگ علمائے اعلام کا وطیرہ تھا کہ اپنی تالیفات و تصنیفات کی اساس کے طور پر اور اپنی یادداشتوں کو محفوظ رکھنے کے لیے گاہے گاہے نوٹس بناتے رہا کرتے تھے جن پر بعد از آن ان پر اپنی تحریروں کی بنیاد رکھتے اور ان سے بھرپور فائدہ اٹحاتے تھے، یہ نوٹس معلومات کا خزینہ ہوا کرتے تھے۔
الأمالی شیخ مفید عربی زبان میں تالیف کی گئی شیخ مفید (متوفی 413 ھ) کی کتاب ہے جس میں اخلاقی، اعتقادی اور تاریخ اسلام سے مربوط احادیث ہیں۔ امالی املا کے معنی میں ہے۔ شیخ مفید نے اس کتاب کو سات سال کے عرصے میں رمضان کے مہینوں میں 42 جلسات کی ضمن میں اپنے شاگردوں کو املا کرایا ہے۔ نجاشی نے اس کتاب کو الأمالی المتفرقات کے نام سے ذکر کیا ہے کیونکہ اس کا املا سنہ 404 ھ سے 411 ھ کے درمیان مکمل ہوا ہے۔
تراجم و سوانح سے مربوط منابع میں تقریبا 30 سے زیادہ کتابیں امالی کے نام سے موجود ہیں۔ جن میں الامالی (شیخ صدوق)، امالی (شیخ مفید)، الامالی (سید مرتضی) اور الامالی (شیخ طوسی) بزرگ علماء کی مشہور ترین کتب امالی ہیں۔ امالی املاء کے معنی میں ہے جس میں استاد کلاس یا مجلس درس میں حفظا یا کتاب دیکھ کر مطالب کو اپنے شاگردوں کیلئے پڑھتے ہیں اور شاگرد انہیں من و عن نوٹ کرتے ہیں۔ اسی بنا پر اسے المجالس اور عرض المجالس بھی کہا جاتا ہے۔
اس کتاب کی احادیث 1 رمضان سنہ 404 ھ سے 27 رمضان سنہ 411 ھ کے عرصے میں 42 جلسات کے ضمن میں املاء کی گئی ہیں۔ سنہ 405 ھ اور 406 ھ میں نامعلوم علت کی بنا پر کوئی جلسہ برگزار نہیں ہوا۔ پہلے سال کی تمام مجلسیں بغداد میں ضمرۃ ابو الحسن علی بن محمد بن عبدالرحمان فارسی-ان کی حالات زندگی سے متعلق کوئی معلومات میسر نہیں- کے گھر میں برگزار ہوئیں پھر اگلے سالوں میں یہ مجلسیں بغداد میں مسجد شیخ مفید منتقل ہوئیں جس کے نتیجے میں یہ جلسات زیادہ عمومی‌ ہوئیں۔
اکثر مجالس ماہ رمضان میں لیکن کبھی کبھار شعبان اور رجب میں بھی برگزار ہوئی ہیں اسی طرح یہ جلسات ہمیشہ ہفتے کے دن برگزار ہوتے تھے لیکن کبھی کبھار پیر اور بدھ کے دن بھی برگزار ہوئی ہیں۔
سنہ 407 ھ کو باقی سالوں کی نسبت زیادہ جلسات یعنی 12 جلسات برگزار ہوئیں اور سنہ 408 ھ میں صرف دو جلسات برگزار ہوئی ہیں۔
یہ کتاب 42 جلسات اور مجموعی طور پر 387 احادیث پر مشتمل ہیں۔ جلسہ نمبر 23 میں سب سے زیادہ 27 احادیث اور جلسہ نمبر 31 میں سب سے کم یعنی صرف 4 احادیث موجود ہیں۔
اس کتاب میں احادیث کے ضمن میں اخلاقی، اعتقادی اور تاریخی موضوعات پر بحث کی گئی ہے۔ اس کتاب کے مضامین کی تفصیل کچھ یوں ہیں:
فرشتوں کے توسط سے انسان کے اعمال کا ثبت ہونا۔
اہل بیت کی محبت بہشت میں داخل ہونے کا سبب ہے۔
علیؑ، فاطمہ(س)، حسنین(ع) اور ان کے شیعوں کے فضائل۔
طالب علم کی فضیلت۔
بیماری گناہ کی مغفرت کا موجب بنتی ہے۔
اہل بیتؑ کی شناخت اور اعمال کی قبولیت کا ولایت پر موقوف ہونا۔
قیامت کے دن پیغمبر اکرمؐ سے سب سے زیادہ قریب شخص۔
عثمان و بنی امیہ کی داستان، بیت المال میں ان کو دوسروں پر ترجیح دینا اور عمار پر تشدد۔
صبح و شام کی بعض دعائیں پیغمبر اکرمؐ کا شیعوں کیلئے استغفار۔
بلند آرزؤوں اور نفس پرستی سے متعلق امام علیؑ کے موعظے۔
محاسبہ نفس سے متعلق امام سجادؑ کا موعظہ۔
ظالموں سے نہ ڈرنے اور اہل بیت سے متعلق زید بن علی کا قول۔
محمد بن حنفیہ کے نصایح۔
مستجاب فریضے کے بعد کی دعا۔
امام علیؑ کا اپنے شیعوں کو تقیہ کا حکم دینا۔
پیغمبر اکرمؐ کا آخری خطبہ‌۔
تمام مخلوقات کو ولایت اہل بیت کی طرف دعوت۔
امام علیؑ کا دشمن جاہلیت کی موت مرے گا۔
مؤمنین کی حاجت روائی۔
جب خدا اپنے کسی بندے پر نیکی کرنا چاہتا ہے تو اسے دین سے آشنا کر دیتا ہے۔
زہد کے بارے میں امام علیؑ کا کلام۔
غیبت کرنے کا کفارہ۔
اہل بیتؑ کی مصیبت میں گریہ کرنے کی فضیلت اور ...
کتاب أمالی، شیخ مفید کی معتبر کتابوں میں سے ہے۔ علامہ مجلسی اس کتاب کے بارے میں لکھتے ہیں: ہمیں اس کتاب کے بہت قدیمی نسخے ملے جن کے صحیح ہونے پر کافی شواہد موجود ہیں۔

امالی الشیخ المفید

آپ کا  نام محمد بن محمد بن نُعمان ہے   پہلے آ پ ابن المعلم، عکبری، بغدادی جیسے ا لقاب  سے جانے جاتے تھے  پھر ایک مناظرہ میں جب آپ نے  مد مقابل کے  تمام استدلالات کو باطل کرنے میں کامیابی حاصل کی تو وہ اس کے بعد سے  آپ کو مفید کہہ کر خطاب کیا جانے لگا  ۔ اور آج آپ دنیائے علم و دانش میں شیخ مفید کے نام سے جانتے ہیں ۔
آپ کی ولادت ۱۱؍ ذی القعدہ ۳۳۶؍ہجری یا ۳۳۸؍ہجری  میں بغداد کے پاس عکبری نامی مقام میں  ہوئی۔اور یہی وجہ تھی کہ آپ کو عکبری ، بغدادی کے نام سے لوگ جانتے تھے ۔
آپ  نے قرآن اور ابتدائی علوم کی تعلیم اپنے والد سے حاصل کی پھر  اس کے بعد آپ اپنے والد ماجد  کے ہمراہ بغداد گئے جہاں آپ نے بڑے بڑے برجستہ اہل تشیع  و اہل سنت محدثین، متکلمین اور فقہاء سے  علم حاصل  کیا۔جن میں سے شیخ صدوق،  ابن جنید اسکافی ،ابن قولویہ، ابو غالب زراری ،  ابوبکر محمّد بن عمر جعابی  جیسی  شخصیتیں  آپ کے مشہور ترین شیعہ اساتذہ میں سے ہیں۔
شیخ طوسی نے اپنی کتاب الفہرست میں شیخ مفید کو تیز فہم، حاضر جواب، علم کلام و فقہ میں پیش گام ذکر کیا ہے۔ ابن ندیم نے انہیں رئیس متکلمین کے عنوان سے یاد کیا ہے۔ علم کلام میں انہیں دوسروں پر فوقیت دی ہے اور انہیں بے نظیر ذکر کیا ہے۔
آپ  نے بہت سے طلّاب کو علوم اہلبیت ؑ سے  مزیّن  کیا ہے  جن میں  سے بعض بڑے شیعہ عالم ہوئے۔ ان میں سے بعض  سر فہرست ہیں:سید مرتضی،سید رضی ،شیخ طوسی ،نجاشی ،سلَّار دیلمی ، ابو الفتح کراجکی ، ابو یعلی محمّد بن حسن جعفری۔
آپ کے زمانہ میں مختلف اسلامی مذاہب کے بزرگ علماء کے درمیان بغداد میں علمی مباحثہ   ہوا کرتا تھا ۔ جن  میں بہت سے مناظرہ  عباسی خلفاء کی موجودگی میں ہوتا تھا ۔ آپ   شیخ مفید ان جلسوں   میں حاضر ہوتے تھے اور شیعہ مذہب پر ہونے والے اعتراضات کا جواب دیا کرتے تھے۔اور آپ جناب کے گھر میں بھی ایسی بحثوں اور گفتگو کے لئے جلسے منعقد ہوا کرتے تھے جن میں مختلف اسلامی مذاہب کے علماء جیسے معتزلی، زیدی، اسماعیلی شرکت کیا کرتے تھے۔اور آپ ان جلسوں میں شیعہ عقائد پر کئے جانے والے اعتراضات کے جواب دیا کرتے تھے اور اس میں دیگر مذاہب کے علماء کو لاجواب کر دیتے تھے  اوراسی   وجہ سے  آ پ کو مفید کے لقب سے خطاب کیا جانے لگا  ۔
 آپ کی کتابوں اور رسائل کی تعداد ۱۷۵ ؍ہے۔ اور  ان کتابوں کی مختلف علمی موضوعات کے اعتبار سے تقسیم بندی کی جا سکتی ہےمثلا ً علم فقہ، علم کلام ،علم اصول ،تاریخ، سیرت معصومین ؑ،حدیث... )
عناوین کے لحاظ سے درجہ بندی کی جائے تو ان میں سے ۶۰؍ فیصد کتابیں علم کلام کے موضوع سے متعلق ہیں۔اور ان میں سے ۳۵؍ کتابیں امامت، ۱۰؍ کتابیں حضرت امام مہدی عجل اللہ فرجہ، ۴۱؍ کتابیں فقہ، ۱۲؍ کتابیں علوم قرآن، ۵؍ کتابیں اصول فقہ، ۴؍ کتابیں تاریخ اور ۳؍کتابیں حدیث کے موضوع پر لکھی ہیں جبکہ ۴۰؍ کتابوں کے عنوان کا علم نہیں ہے۔
اور آپ کی معروف ترین کتابیں  یہ ہیں :  علم فقہ میں ''المقنعہ''، علم کلام میں ''اوائل المقالات ''اور سیرت آئمہ معصومین علیہم السلام  کے سلسلہ میں کتاب ''الارشاد'' قابل ذکر ہیں۔
آپ  نے فقہ شیعہ میں سابق عہد سے متفاوت روش پیش کی، آپ سے پہلے  دو فقہی روش کا رواج تھا:
پہلی روش روایات پر افراطی صورت پر عمل پر مبتنی تھی، جس میں روایت کی سند و متن پر کوئی خاص توجہ نہیں دی جاتی تھی۔
دوسری روش میں روایات کے اوپر کوئی خاص توجہ نہیں دی جاتی تھی اور حد سے زیادہ عقلی قواعد پر تاکید کی جاتی تھی چاہے وہ قیاس کی مانند نصوص دینی کے ساتھ تعارض ہی کیوں نہ رکھتی ہوں۔آپ نے درمیانی راہ کا انتخاب کیا اور ایک جدید روش کی بنیاد رکھی کہ جس میں ابتدائی طور پر عقل کی مدد سے استنباط و استخراج احکام کے لئے اصول و قواعد تدوین ہوتے تھے، اس کے بعد ان اصولوں کے ذریعہ متون دینی سے احکام استنباط کئے جاتے تھے۔اسی سبب سے آپ کو علم اصول فقہ کا مدون کرنے والا سمجھا جاتا ہے۔
آپ کے بعد آپ کے شاگرد سید مرتضی نے اپنی کتاب الذریعہ الی اصول الشریعہ اور شیخ طوسی نے کتاب العدہ فی الاصول کے ذریعہ اس راہ کو جاری رکھا۔
نقل ہوا ہے کہ آپ  کثرت سے صدقہ دیتے تھے، متواضع تھے، کثرت سے  روزہ رکھتے  اور بیشتر اوقات نماز میں مشغول رہتے تھے،موٹا لباس پہنتے تھے یہاں تک کہ انہیں شیخ مشایخ الصوفیہ کہا جانے لگا۔آپ کے داماد ابو یعلی جعفری کے مطابق آپ شب میں کم سوتے تھے اور بیشتر اوقات مطالعہ، نماز، تلاوت قرآن اور تدریس میں بسر کرتے تھے۔
آپ بروز جمعہ ۲؍ یا ۳؍ رمضان المبارک سن ۴۱۳؍ہجری  میں ۷۵؍ یا ۷۷؍سال کی عمر گزار کر اس  دار  فانی سے رخصت ہوئے۔ لوگ اعتقادی اور مذہبی تفریق کے بغیر ان کے جنازے میں شریک ہوئے اور گریہ کیا۔مؤرخین نے ان کے جنازے میں شریک ہونے والے شیعوں کی تعداد ۸۰۰۰۰؍بیان کی ہے دوسرے مذاہب کے لوگ ان کے علاوہ تھے۔ میدان "اشنان" میں ان کی نماز جنازہ سید مرتضی نے پڑھائی اور انہیں ان کے گھر کے صحن میں دفن کیا گیا۔ دو سال کے بعد ان کے جسد کو حرم کاظمین کی پائنتی کی جانب قریش کی قبروں کی طرف ابو القاسم جعفر بن محمد بن قولویہ کی سمت دفنایا گیا۔

محمد بن محمد بن نُعمان(شیخ مفید)

Born:

Death:

محمد بن محمد بن نُعمان(شیخ مفید)

Author Books