پیش نظر کتاب رحمت حق بہانہ می جوید کے بمصداق ہے، توفیق الہی کسی کے باپ کی میراث نہیں ہے خدا کس پر اور کب اپنی توفیق  شامل کردے کچھ کہا نہیں جاسکتا اور یہ بالکل صحیح ہے کہ" الذین جاهدوا فینا لنهدینهم سبلنا " خلوص وتحقیق کی شرط ہونے کے ساتھ غیر متعصب ہونا بھی ضروری ہے ورنہ آدمی منزل مقصود تک نہیں پہونچ سکتا ۔
بہت پرانی بات نہیں ہے ۔ اللہ کی دنیا میں ہر جگہ کچھ نہ کچھ حق پسند ہوتے ہیں آپ نے سنا ہوگا کچھ مدت پہلے علامہ شیخ محمد مرعی الحلبی شیعہ ہوچکے تھے اور پھر انھوں نے اپنے بھائی شیخ احمد اطاکی کو بھی شیعہ  کیا وادی کشمیر میں جناب مولانا خادم حسین صاحب نے تشیع اختیار کیا اور بڑی لگن سے خدمت کی۔ ماضی قریب میں جناب سعید الرحمان صاحب مستبصر ہو کراسی راہ میں شہید ہوچکے ہیں اسی طرح برصغیر ہند وپاک کے مشہور عالم جناب سید شاہد زعیم فاطمی طاب ثراہ تھے اور ان کے علاوہ دیگر بہت سے افراد ہیں جنکا تذکرہ باعث طول ہوگا۔
علامہ سید احمد التیجانی بھی انھیں خوش قسمت لوگوں میں ہیں جنھوں نے ذاتی تحقیق سے مذہب حق اختیار کیا ہے، یوں تو مستبصر ہونے کے بعد سبھوں نے کتابیں لکھی ہیں اور ان کا اردو میں ترجمہ بھی ہوچکا ہے ۔مثلا "میں کیوں شیعہ ہوا ؟" تلاش منزل ""تذکره اهلبیت " وغیرہ مگر علامہ تیجانی کی کتاب حسن بیان ،لطافت استدلال عدمِ تعصب، تحقیق وتفتیش کا بہترین  مجموعہ ہے۔
پیش نظر یہ کتاب محمد تیجانی سماوی کی ایک بہت ہی اثر انگیز کتاب ہے جو مذاہب کی اصل حقیقت سے پردہ اٹھاتے ہوئے اصلی مذہب و مسلک کی پہچان کرواتی ہے جو ان کے سنی سے شیعہ میں تبدیلی کی داستان پر مشتمل ہے، اسے اپنے مطالعے کا حصہ ضرور قرار دیں۔
یہ کتاب تیونس سے تعلق رکھنے والے مذہبی سکالر ڈاکٹر تیجانی سماوی نے لکھی ہے۔ کتاب میں مصنف نے مذہب حق کی طرف اپنے سفر کی روداد کو تفصیل کے ساتھ بیان کیا ہے۔
ڈاکٹر تیجانی نے اس کتاب میں مختلف موضوعات پر ہونے والے مناظروں کو قلمبند کرکے تشنگان حق و حقیقت کی پیاس بجھانے کے لئے اہم حقائق بیان کئے ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

پھر میں ہدایت پاگیا(ثمَّ اہتدیتُ)

ڈاکٹر محمد تیجانی سماوی دور حاضر میں دنیائے تشیع کی ایک جانی پہچانی شحصیت کا نام ہے۔ دینی اور دنیوی دونوں علوم سے آراستہ اس شخصیت نے خود سے راہ حق و حقیقت کی جستجو کی خاردار وادی میں قدم رکھا اور منزل حق تک پہنچ کر دم لیا۔ آج یہ عظیم شیعہ مبلغ اور بے مثل صاحب قلم اپنی بے دریغ کاوش اور بے مثال جہاد لسان و قلم کے ذریعہ پوری دنیا کو مکتب اہل بیت(ع) کی حقانیت سے روشناس کرانے میں ہمہ تن سرگرم عمل ہے۔
تیونس نام کے ایک اسلامی افریقی ملک کے باشندہ ڈاکٹر تیجانی نے اب تک دنیا کے بہت سے ملکوں کا دورہ کیا اور ہزاروں بھٹکےہوئے افراد کو صراط مستقیم کی ہدایت کی ہے۔ ان کی کئی کتابیں ” پھر میں ہدایت پاگیا “، ” میں بھی سچوں کے ساتھ ہوجاؤں “، ” شیعہ ہی اہل سنت ہیں“، دنیا کی بہت سی اہم زبانوں میں عربی سے ترجمہ ہوکر شائع ہوچکی ہیں بلکہ ایک ایک کتاب کے دس دس اور بیس بیس ایڈیشن شائع ہوچکے ہیں۔
قارئین کرام، اس وقت جو کتاب آپ کے ہاتھوں میں ہے اس کا اصل نام” کل الحلول عند آل الرسول“ ہے،  یہ کتاب اپنے اسلوب کے اعتبار سے بقیہ کتابوں سے جدا ہے۔ مصنف نے اس کتاب میں اغیار کے معائب پر روشنی ڈالتے ہوئے اپنے مسلک میں پیش آنے والی بعض چیزوں پر بھی اس طرح قلم چلایا ہے جیسے جراح کسی پھوڑے کا آپریشن کرتا ہے اور اس کا علاج کرتا ہےسطحی نقطہ نظر سے ان کی بعض تحریریں سخت ہیں اور مترجم ان میں اپنی رائے محفوظ رکھتا ہے۔ لیکن اس میں وہ مفید مطالب بھی ہیں جن کا گہری نظر سے مطالعہ پوری ملت اسلامیہ کو راہ صواب سے ہمکنار کرسکتا ہے ۔ حقائق کتنے ہی تلخ ہوں ہمیں ان کا اعتراف کرنا ہی چاہئے ۔ بہر حال مجموعی طور سے یہ کتاب مصنف کی جرات و ہمت کی پوری عکاسی کرتی ہے۔
خداوند عالم ہم کو راہ حق کی معرفت اور اس پر مضبوطی سے گامزن رہنے کی توفیق عطا فرمائے، اس کتاب کا مطالعہ از حد ضروری و لازمی ہے۔

اہل بیتؑ حَلّال مشکلات(کل الحلول عند آل الرسول)

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

Rate

Votes

مجھے راستہ مل گیا

پھر میں ہدایت پاگیا

پیش نظر کتابچہ غیر جانب دار ہوکر صحابہ کے موضوع پر صحیح نظریہ پیش کرتا ہے جس میں بیان کیا گیا ہے کہ صحابہ کو شیعہ وہی حیثیت دیتے ہیں جو قرآن و حدث اور عقل دیتی ہے وہ سب کو کافر نہیں کہتے ہیں جیسا کہ غالی کہتے ہیں اور نہ تمام صحابہ کو عادل تسلیم کرتے ہیں جیسا کہ اہل سنت والجماعت کا مسلک ہے، جس نے بھی صحابہ کے متعلق سنجیدگی سے شیعہ نظریئے کا مطالعہ کرلیا وہ سمجھ جائے گا یہی معتدل راستہ ہے کیونکہ شیعہ اس سلسلے میں نہ تو غالیوں کی طرح تفریط کا شکار ہیں کیونکہ وہ تمام صحابہ کو کافر کہتے ہیں اور نہ ہی سنیوں کی طرح افراط کا شکار ہیں جوکہ تمام صحابہ کو معتبر و مؤثق کہتے ہیں۔
اہل سنت ہر اس مسلمان کو عادل کہتے ہیں جس نے نبیﷺ کو دیکھا یا ان سے کچھ سنا ہے، اگرچہ صرف صحبت شیعوں کے نزدیک بہت بڑی فضیلت ہے لیکن صحبت بغیر کسی قید و شرط کے معصوم عن الخطاء نہیں بناتی، اس اعتبار سے صحابہ بھی ایسے ہی ہیں جیسے دیگر افراد، ان میں عادل بھی ہیں، سربرآوردہ بھی ہیں اور علماء بھی ہیں چنانچہ ان ہی میں باغی بھی ہیں، جرائم پیشہ بھی ہیں، منافق بھی ہیں، اور جاہل بھی اس بنیاد پر شیعہ عادلوں کو تسلیم کرتے ہیں اور دنیا و آخرت میں ان سے محبت کرتے ہیں۔
اس حسّاس موضوع کو کماحقہ سمجھنے کے لیے اس کتابچے کے مطالعے کی دعوت دی جاتی ہے۔

صحابہ کے متعلق ایک تحقیقی جائزہ

حکم اذاں

یہ کتاب ڈاکٹر محمد تیجانی سماوی کی تحقیق اور مطالعے کا عرق ہے۔یاد رہے کہ ڈاکٹر محمد تیجانی سماوی پہلے اہلسنت ولاجماعت سے تعلق رکھتے تھے بعد ازاں انہوں نے اپنی تحقیق کی بنا پر اپنا فرقہ تبدیل کرلیا اور سنّی سے شیعہ ہوگئے۔شیعہ ہونے کے بعد انہوں نے کئی معرکۃ الآرا کتابیں لکھیں جن میں سے ایک ـ شیعہ ہی اہل سنت ہیں ـ نامی کتاب بھی ہے۔
تحقیق کے دلدادہ افراد کے لئے ان کی کتابیں بنیادی ماخذ کی حیثیت رکھتی ہیں۔غیر متعصب افراد کے لئے ان کی کتابوں کا مطالعہ چراغِ ہدایت کا کام دیتا ہے۔

شیعہ ہی اہل سنت ہیں

آپ کا نام  سید محمد تیجانی سماوی سنہ 1936 ء تیونس کے جنوبی شہر قفصہ کے ایک مذہبی گھرانے میں پیدا ہوئے۔آپ کے قول کے مطابق ان کے خاندان کا تعلق بنیادی طور پر عراقی شہر سماوہ سے تھا۔ اس خاندان نے بنی عباس کے دور میں شمالی افریقہ ہجرت کی تھی۔
تیجانی نے ابتدائی تعلیم 2 یا 3 سال تک جامعۂ زیتونہ کے میں حاصل کی؛ تیونس کو خود مختاری ملی تو جامعۂ زیتونہ بند ہوئی اور وہ ایک فرانکو عربک اسکول میں داخل ہوئے جہاں انھوں نے ثانوی تعلیم مکمل کی اور یوسبای میں ماقبل جامعہ تعلیمی مرکز (Pre Academic Institute) کے استاد کے طور پر کام شروع کیا اور عرصہ 17 ؍سال تک اس مرکز میں تدریس کے بعد تیونس کے ادارہ تعلیم سے علیحدہ ہوئے۔
سید محمد تیجانی مزید تعلیم کے لئے فرانس گئے اور آٹھ سال تک جامعہ سوربن اور پیرس کے اعلی تعلیمی ادارے میں ادیان ـ بالخصوص تین توحیدی ادیان کا تقابلی جائزہ لینے میں مصروف رہے اور پیشہ ورانہ مطالعات و تحقیقات میں جامعہ سوربن سے فارغ التحصیل ہوئے۔ بعد ازاں انھوں نے اسی جامعہ سے فلسفہ و انسانیات میں، اور اس کے بعد "اسلامی تاریخ و مذاہب" کے پیشہ ورانہ شعبے میں تیسرے درجے کے ڈاکٹریٹ کی سند حاصل کی اور بعد ازاں "اسلامی فکر نہج البلاغہ اور کلام امام علی(ع) کی روشنی میں" کے عنوان سے تحقیقی رسالہ لکھ کر بین الاقوامی ڈاکٹریٹ کی سند حاصل کی۔ انھوں نے نہج البلاغہ کی ادبی منزلت کی بنا پر اس کا فرانسیسی زبان میں ترجمہ بھی کیا۔ انھوں نے ڈاکٹریٹ کا درجہ حاصل کرنے کے بعد ایک سال تک "جامعہ سوربن" اور تین سال تک پیرس کے "بالزام" تعلیمی ادارے میں تدریس کے فرائض سرانجام دیئے۔
تیجانی نے بچپن میں نصف قرآن مجید حفظ کر لیا تھا لہذا وہ ماہ مبارک رمضان میں نماز تراویح پڑھایا کرتے تھے۔ ان کے بقول ان کا نام تیجانی سلسلہ طریقت تیجانیہ سے لیا گیا ہے جو تیونس، مراکش، الجزایر، لیبیا، سوڈان، مصر و ... رائج ہے۔ ان کا عقیدہ یہ ہے کہ تمام مشایخ اور اولیاء نے اپنا علم ایک دوسرے سے کسب کیا ہے جبکہ شیخ احمد تیجانی نے اپنا علم بطور مستقیم پیغمبر اکرم (ص) سے حاصل کیا ہے۔
شیعہ مذہب  کا انتخاب:
تیجانی مالکی مذہب تھے۔ انہوں نے سنہ 1964 عیسوی میں شہر مکہ میں مسلم عربوں کے سلسلے میں منعقدہ ایک کانفرس میں شرکت کی اور یہی کانفرس وہابیت کی طرف ان کے رجحان کا نقطۂ آغاز ثابت ہوئی۔ اس کے بعد وہ وہابیت کے عقاید کی تبلیغ میں لگ گئے۔
بیروت کے سفر میں ان کی ملاقات بغداد یونیورسٹی کے منعم نامی ایک استاد سے ہوئی اور انہوں نے ان سے گفتگو میں شیعوں پر کفر و شرک کی تہمتیں لگائیں۔ جبکہ منعم نے انہیں شیعوں سے آشنائی حاصل کرنے کئے عراق آنے کی دعوت دی۔ تیجانی نے ان کی دعوت کو قبول کر لیا اور انہوں نے سفر عراق کے دوران حرم امام علی (ع)، حرم کاظمین (ع) اور عبد القادر جیلانی کے مزار کی زیارت اور شیعہ علماء سے ملاقات کی۔شیعہ مراجع تقلید آیت اللہ خوئی اور آیت اللہ سید محمد باقر صدر سے ملاقات سبب بنی کہ شیعوں کے بارے میں ان کے بعض عقاید کی اصلاح ہو جائے۔
سید محمد تیجانی نے شیعہ علماء، خاص طور پر شہید سید محمد باقر صدر سے متاثر ہونے کا تذکرہ کیا ہے اور اپنی کتاب ثم اھتدیت میں ان سے ہوئی ملاقاتوں، ان سے کئے گئے سوالات اور ان کے جوابات کا ذکر کیا ہے۔
ان ملاقاتوں کے بعد انہوں نے حقیقت تک پہچنے کے سلسلہ میں اپنی تحقیقات کا آغاز کیا۔ وہ اس بارے میں کہتے ہیں: میں نے خود سے عہد کیا کہ میں فقط ان صحیح احادیث و روایات کو دلیل بناوں کا جو شیعہ و سنی دونوں کے نزدیک صحیح اور معتبر ہوں گی اور جس حدیث کو صرف ایک فرقہ نے معتبر مانا ہوگا اسے چھوڑ دوں گا۔انہوں نے شیعہ عقاید کا مطالعہ شروع کر دیا۔ مہم ترین کتابیں جن سے وہ سلسلہ میں متاثر ہوئے وہ سید شرف الدین موسوی عاملی کی کتب المراجعات و النص و الاجتہاد تھیں۔
تالیفات:
تیجانی نے شیعہ مذہب قبول کرنے کے بعد مذہب تشیع کی حقانیت کے اثبات اور اہل سنت کے نظریات کے رد میں کئی کتابیں تالیف کی ہیں جن میں سے بعض یہ ہیں:
  لأكون مع الصادقين،    فاسألوا أهل الذكر،    الشيعة هم أهل السنة،    كل الحلول عند آل الرسول (ص) ،  اعرف الحق،  فسيروا في الأرض فانظروا،    اتقواالله ، ثم اهتديت،  (انہوں نے اپنی کتاب ثم اهتديت میں اپنے شیعہ ہونے کی داستان تحریر کی ہے۔ اس میں انہوں نے اپنی سوانح حیات ذکر کرنے کے ضمن میں اپنے عراق کے سفر اور شیعہ علماء سے ملاقات و گفتگو کا تذکرہ کیا ہے۔ اس کتاب میں انہوں نے اہل سنت کتابوں میں منقول احادیث سے استناد کرتے ہوئے شیعہ عقاید کا دفاع کیا ہے۔ یہ کتاب چودہ زبانوں میں ترجمہ اور ایران میں متعدد مرتبہ شائع ہو چکی ہے۔ اس کے دو اردو ترجمے پھر میں ہدایت پا گیا مترجم روشن علی نجفی اور مجھے راستہ مل گیا مترجم سید ذیشان حیدر جوادی شائع ہو چکے ہیں۔ اس کے علاوہ دوسری کتب کے ترجمے بھی منظر عام پر آ چکے ہیں۔ ذیل میں ان کا ذکر کیا جا رہا ہے۔
اردو تراجم:
اہل ذکر، پھر میں ہدایت پا گیا ،اہل بیت حلاّل مشکلات ،    شیعہ ہی اہل سنت ہے،     حکم اذان۔
منفی تشہیری مہم:
ڈاکٹر تیجانی نے ایک انٹرویو میں کہا کہ ان کے شیعہ ہونے کے بعد سے انہیں وہابیوں اور سعودیوں کی طرف سے شدید منفی رد عمل کا شکار ہونا پڑا۔ تیجانی کے بقول شروع میں تو انہوں نے تیجانی نام کے کسی انسان کا ہی، جو سنی سے شیعہ ہوا ہو، انکار کر دیا۔ پھر انہوں نے دعوی کیا کہ کتاب ثم اھتدیت اسرائیلیوں کا کام ہے۔ ان میں سے بعض نے یہ بھی کہا کہ وہ نہ شیعہ ہے نہ سنی بلکہ وہ مرتد ہو چکا ہے۔

سید محمد تیجانی سماوی

Born:

Death:

سید محمد تیجانی سماوی

Author Books