الجواهر السنیه فی الاحادیث القدسیه عربی میں شیخ حر عاملی کی لکھی ہوئی کتاب جس میں احادیث قدسی کو جمع کیا گیا ہے۔ مصنف کے مطابق یہ کتاب ایسی  پہلی کتاب ہے جس میں احادیث قدسیہ کو اس وسعت کے ساتھ جمع کیا گیا ہے جس میں احکام الٰہی کے اہم ترین ماخذ شامل ہیں۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

کواکب مضیہ ترجمہ جواہر السنیہ فی احادیث القدسیہ

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

خلاصۃ الاحکام فی فقہ الاسلام

اسلامی نماز اور اس کے احکام

یہ کتاب رئیس المحدثین شیخ صدوق علیہ الرحمہ کے رسالۂ شریفۂ اعتقادیہ کی شرح ہے، صحیح عقائد کو بعض دین فروش لوگ غلط انداز میں عوام کے سامنے پیش کرکے انہیں شیعہ اعلام اور مدارس دینیہ سے بد ظن کرنے کی سعی نافرجام کررہے ہیں، ولایت و وصایت ائمۂ اطہار کا اعتقاد و اقرار اعمال شرعیہ کی صحت اور قبولیت کی شرط ہے یعنی اس کے بغیر کوئی عمل صالح شرف قبولیت حاصل نہیں کرسکتا لیکن یہ اقرار ولایت اعمال صالحہ کی بجاآوری سے گلوخلاصی اور چھٹّی دلانے کے لیے نہیں ہے جیسا کہ بعض عوام الناس کے ذہنوں میں بعض غیر ذمہ دار اہل منبر روضہ خوانوں نے راسخ کردیا ہے جیسا کہ احادیث سے ثابت ہے کہ عمل صالح کی بجا آوری اور حرام سے اجتناب کیے بغیر ولایت اہل بیت(ع) حاصل ہوہی نہیں سکتی۔
امام محمد باقر علیہ السلام فرماتے ہیں:يَا جَابِرُ أَ يَكْتَفِي مَنِ اِنْتَحَلَ اَلتَّشَيُّعَ أَنْ يَقُولَ بِحُبِّنَا أَهْلَ اَلْبَيْتِ فَوَ اَللَّهِ مَا شِيعَتُنَا إِلاَّ مَنِ اِتَّقَى اَللَّهَ وَ أَطَاعَهُ وَ مَا كَانُوا يُعْرَفُونَ يَا جَابِرُ إِلاَّ بِالتَّوَاضُعِ وَ اَلتَّخَشُّعِ وَ اَلْأَمَانَةِ وَ كَثْرَةِ ذِكْرِ اَللَّهِ وَ اَلصَّوْمِ وَ اَلصَّلاَةِ وَ اَلْبِرِّ بِالْوَالِدَيْنِ وَ اَلتَّعَاهُدِ لِلْجِيرَانِ مِنَ اَلْفُقَرَاءِ وَ أَهْلِ اَلْمَسْكَنَةِ وَ اَلْغَارِمِينَ وَ اَلْأَيْتَامِ وَ صِدْقِ اَلْحَدِيثِ وَ تِلاَوَةِ اَلْقُرْآنِ وَ كَفِّ اَلْأَلْسُنِ عَنِ اَلنَّاسِ إِلاَّ مِنْ خَيْرٍ وَ كَانُوا أُمَنَاءَ عَشَائِرِهِمْ فِي اَلْأَشْيَاءِ قَالَ جَابِرٌ فَقُلْتُ يَا اِبْنَ رَسُولِ اَللَّهِ مَا نَعْرِفُ اَلْيَوْمَ أَحَداً بِهَذِهِ اَلصِّفَةِ فَقَالَ يَا جَابِرُ لاَ تَذْهَبَنَّ بِكَ اَلْمَذَاهِبُ حَسْبُ اَلرَّجُلِ أَنْ يَقُولَ أُحِبُّ عَلِيّاً وَ أَتَوَلاَّهُ ثُمَّ لاَ يَكُونَ مَعَ ذَلِكَ فَعَّالاً فَلَوْ قَالَ إِنِّي أُحِبُّ رَسُولَ اَللَّهِ فَرَسُولُ اَللَّهِ صَلَّى اَللَّهُ عَلَيْهِ وَ آلِهِ خَيْرٌ مِنْ عَلِيٍّ عَلَيْهِ اَلسَّلاَمُ ثُمَّ لاَ يَتَّبِعُ سِيرَتَهُ وَ لاَ يَعْمَلُ بِسُنَّتِهِ مَا نَفَعَهُ حُبُّهُ إِيَّاهُ شَيْئاً فَاتَّقُوا اَللَّهَ وَ اِعْمَلُوا لِمَا عِنْدَ اَللَّهِ لَيْسَ بَيْنَ اَللَّهِ وَ بَيْنَ أَحَدٍ قَرَابَةٌ أَحَبُّ اَلْعِبَادِ إِلَى اَللَّهِ عَزَّ وَ جَلَّ وَ أَكْرَمُهُمْ عَلَيْهِ أَتْقَاهُمْ وَ أَعْمَلُهُمْ بِطَاعَتِهِ يَا جَابِرُ وَ اَللَّهِ مَا يُتَقَرَّبُ إِلَى اَللَّهِ تَبَارَكَ وَ تَعَالَى إِلاَّ بِالطَّاعَةِ وَ مَا مَعَنَا بَرَاءَةٌ مِنَ اَلنَّارِ وَ لاَ عَلَى اَللَّهِ لِأَحَدٍ مِنْ حُجَّةٍ مَنْ كَانَ لِلَّهِ مُطِيعاً فَهُوَ لَنَا وَلِيٌّ وَ مَنْ كَانَ لِلَّهِ عَاصِياً فَهُوَ لَنَا عَدُوٌّ وَ مَا تُنَالُ وَلاَيَتُنَا إِلاَّ بِالْعَمَلِ وَ اَلْوَرَعِ.
امام باقر علیہ السلام نے جابر سے فرمایا: اے جابر! صرف یہ کہنا کہ ہم اہل بیت سے محبت رکھتے ہیں شیعیت کے لئے کافی نہیں ہے خدا کی قسم ہمارا شیعہ نہیں ہوسکتا مگر جب کہ اللہ سے ڈرے، اس کی اطاعت کرے اور اے جابر! یہ نہیں ہوسکتا بغیر تواضع اور خضوع وخشوع، ادائے امانت، کثرت ذکر خدا، روزہ نماز، والدین سے نیکی، حسن سلوک، ہمسایہ فقیروں اور مسکینوں، مقروضوں اور یتیموں سے، اور قول میں صداقت سے قرآن کی تلاوت سے، اور لوگوں کے بارے میں نیکی کے سوا کچھ نہ کہنے سے اور اپنے قبائل کی اشیاء میں امین ہونے سے۔جابر نے کہا یابن رسول اللہ اس زمانے میں ایسا آدمی تو کوئی نظرنہیں آتا۔فرمایا: اے جابر! مذاہبِ باطلہ تم کو مذہب سے ہٹا نہ دیں، کیا یہ کافی ہے ایک شخص کے لیے کہنا کہ میں علیؑ کو دوست رکھتا ہوں اوراس کے سوا وہ کرنے والا کچھ نہ ہو، ایسے ہی اگر وہ کہے کہ میں رسول اللہ کو دوست رکھتا ہوں۔ رسول(ص) علیؑ سے بہتر ہیں اس کے بعد وہ رسول(ص) کی سیرت کی پیروی نہ کرے اوران کی سنت پر اس کا عمل نہ ہو تو حضرت کی محبت اسے کچھ فائدہ نہ دے گی، اللہ سے ڈرو اور صحیح عمل کرو جو پیش خدا مقبول ہو، کسی شخص اور خدا کے درمیان قرابت نہیں ہے، خدا کے نزدیک سب سے زیادہ محبوب و مُکرّم وہ ہے جو سب سے زیادہ پرہیزگار ہے اور اس کی اطاعت عملاً زياره کرنے والا ہے۔اے جابر! کوئی کوئی خدا کا مقرب نہیں بن سکتا مگر اطاعت سے اس کے بغیر ہمارے ساتھ ہونا برأت نہیں اور نہ خدا پر کوئی حجت ہے، جو اللہ کا مطیع ہے وہ ہمارا دوست ہے جو اللہ کا گنہگار ہے وہ ہمارادشمن ہے، ہماری ولایت کی کوئی نہیں پاسکتا مگر عمل اور پرہیزگاری سے۔[الکافي،جلد۲،صفحه۷۴،كتاب الإيمان و الكفر، بَابُ اَلطَّاعَةِ وَ اَلتَّقْوَى]
لیکن ان تمام تاکیدات و تہدیدات اور ترغیبات کے باوجود اکثر لوگ نہ افراط سے باز آئے اور نہ تفریط سے رکے اور اعتدال کا دامن ہاتھوں سے چھوڑ بیٹھے، چنانچہ بعض کمبخت نہ صرف مسلّمہ فضائل کا انکار بلکہ ان ذوات ِ قدسیہ کی امامت و خلافت کا بھی انکار کرکے ابدی ہلاکت کا شکار ہوگئے اور بعض احمق غلط اندازِ محبت اختیار کرکے غلو و تفویض کے اتھاہ سمندر میں غرق ہوگئے اور ائمۂ اہل بیت علیہم السلام کے بارے میں محض اپنے ذاتی خیالات و قیاسات اور غلط تاویلات سے وہ عجیب و غریب من گھڑت نظریات قائم کیے کہ جن کا نہ آیات قرآنیہ میں کہیں وجود ہے اور نہ صحیح احادیث نبویّہ اور ارشادات ائمّہ میں کوئی نام و نشان ہے اور نہ ہی جنکا کلام علماء اعلام سے کوئی ثبوت ملتا ہے اور نہ عقل سلیم ان کی تائید و تصدیق کرتی ہے۔
اس کتاب میں ایسے ہی بعض نظریاتِ فاسدہ پر مکمل نقد و تبصرہ موجود ہے، ضرور مطالعہ فرمائیں اور شیخ صدوقؒ کی کتاب الاعتقاد کی ایک جامع شرح کی روشنی میں اپنے عقائد کا جائزہ لیتے ہوئے صحیح عقائد کو اپنائیں اور غلو و تقصیر سے اپنا دامن بچا کر رکھیں۔
کتاب کے بعض مندرجات:
انبیاء و آئمہ علیہم السلام کی علیٰحدہ نوع ہونے کا بیان،انبیاء و آئمہ علیہم السلام کے نور یا بشر ہونے کا بیان، تفویض کے معانی و اقسام اور تفویض کے ممنوع ہونے کا بطلان، انبیاء و آئمہ علیہم السلام سے استمداد کے جواز و عدم جواز کا بیان، حقیقت معجزہ اور اس کے فعل خدا یا فعل نبی و امام ہونے کا بیان، سرکار محمد و آل محمد علیہم السلام کے ہر وقت ہر جگہ حاضر و ناظر ہونے یا نہ ہونے کا بیان، انبیاء و آئمہ علیہم السلام کے عالم الغیب ہونے یا نہ ہونے کا بیان، پیغمبر اسلام(ص) کے ہمراہ معراج پر حضرت امیر علیہ السلام کے تشریف لیجانے یا نہ لیجانے کا بیان، بعض علماء اعلام کثرهم اللہ فی الاسلام سے اتہام وہابیت کے ازالے کا بیان، موجودہ دور کے اکثر مدعیان تشیع کے مفوّضہ اور شیخی العقیدہ ہونے کا بیان۔

اصول الشریعہ فی عقائد الشیعہ

روز مرہ کا مشاہدہ یہ ہے کہ اکثر نام نہاد مسلمان و اہل ایمان اپنی اختراعی اورغیر شرعی رسوم و عادات کی قیود میں اس طرح جکڑے ہوئے ہیں کہ وہ اس طرح واجبات و فرائض کو بھی باقاعدگی سے ادا نہیں کرتے جس دھوم دھام سے رسوم کو اداکرتے ہیں۔ اور اگر کبھی کوئی رسم ترک ہوجائے تو اس طرح اس رسم کے رہ جانے کا غم مناتے ہیں کہ خدا و رسول(ص) کی ناراضی مول لے لیتے ہیں،رسم و رواج کے ترک کرنے سے معاشرو میں انکی جو ہیٹی ہوتی ہے اسے گوارا نہیں کرتے محض اس غلط جذبہ کے تخت کہ برادری میں ساکھ رہ جائے اور ناک نہ کٹ جائے۔ ان گنت مصیبتیں جھیلتے ہیں، بعض لوگ تو اس قدر آگے نکل گئے ہیں کہ جو شخص ان بدعات و رسومات ادئیگی و بجاآوری میں ان کا ساتھ نہ دے یا ان کو روکے ٹوکے الٹا اس پر فتوے لگاتے ہیں اورا سے خارج از ایمان بلکه خارج از اسلام ٹھہراتے ہیں۔ اورجہاں تک نام نہاد خواص و پیرصاحبان و مولوی صاحبان کی اکزیت کا تعلق ہے تو اگر بہ نظر غائر حالات و واقعات کا جائزہ لیا جائے تو ان کی کیفیتِ زارعوام کی حالت زار سے بھی بدتر نظر آتی ہے یہ لوگ اپنے اپنے ذاتی مفادات کی آہنی زنجیروں میں کچھ  اس طرح جکڑے ہوئے ہیں کہ وہ کھیی رائے عامہ کی مخالفت کر کے اور عوام کو ناراض کرکے اپنے مفادات کے تحفظ، جھوٹے وقار کی بقاء اور عامتہ الناس میں سستی شہرت و مقبولیت حاصل کرنے کی خاطر عوام کی ہاں میں ہاں ملانے اور قرآن وحدیث کو توڑ موڑ کر عوامی جذبات و خیالات اور ان کی مروجہ رسوم و عادات کی تائید مزید کرنے میں اپنی ہردلعزیزی اور کامیابی کا راز مضمرجانتے ہیں۔ ورنہ ظاہر ہے کہ اگر یہ خواص بالخصوص وارثانِ منبر ومحراب اپنی شرعی ذمہ داریوں کو سمجھتے اور ان سے عہدہ برآ ہونے کے لیے آواز حق بلند کرتے اور قرآنی حقائق اور شرعی دقائق کو بغیر خوفِ لومة لائم  برملا بیان کرتے تو ناگفتہ بہ حالات رونما نہ ہوتے بلکہ ہمارا اسلامی معاشرہ جنت الفردرس کا نمونہ پیش کرتا اور اعتقادی وعملی کج روی کا نام ونشان مٹ جاتا۔ حقیقت یہ ہے کہ اسلام اور مسلمانوں کو جس قدر نقصان و زیاں علماء سوء اور علماء دنیا یعنی درباری و سرکاری با الفاظ دیگر پیٹ کے پجاری ملاؤں نے پہنچایا ہے اتنا کسی دشمن نے بھی انہیں پہنچایا۔
اس فرض منصبی کے احساس اور اسکی ادائیگی کے بھرپور جذبے سے سرشار ہوکر مؤلف موصوف نے اس خاردار وادی میں قدم رکھنے کا فیصلہ کیا ہے۔ یہ دیکھتے ہوئے کہ سینکڑوں غلط اوربری رسمیں جو نہ صرف یہ کہ ہمارے اسلام وایمان کے خلاف ہیں بلکہ تہذیب و شائستگی اور انسانی مَجد و شرافت کے بھی خلاف ہیں... یہ رسمیت نہ صرف یہ کہ ہمارے معاشرہ کی رگ و ریشے میں سرایت کر گئی ہیں بلکہ ان میں سے اکثر و بیشتر رسوم کو اس طرح اسلام میں داخل کردیا گیا ہے کہ جس سے اس کا اصلی و مقدس چہرہ مسخ ہوکر رہ گیا ہے، اور آج اسلام و مسلمان اغیار کی نظروں میں ذلیل خوار ہورہے ہیں۔ اسلئے ضرورت اور سخت ضرورت اس بات کی ہے کہ قرآن وسنت کی کدال لے کر موجودہ گلستان اسلام کی «گوڈی» کی جائے اور اس طرح جہاں اللہ کے قرآن اور چہاردہ معصومین علیہم السلام کے کلام کی روشنی میں حقیقی واصلي اسلام و ایمان کے خد و خال کو نمایاں کیا جائے وہاں اسلام کے مقدس گلستان میں جو خود رَو پودے اُگ آئے ہیں اور اسکے گل و سُنبل و ریحان کی نشو و نما میں ہارج ومانع ہورہے ہیں اور جن کو بعض نادان اصل گلستان کا جزء و حصہ سمجھ رہے ہیں ان کو بیخ وبُن سے اکھیڑ کر دور پھیک دیا جائے۔ تاکہ اس طرح جہاں اسلام اپنی اصلی شکل و صورت میں جلوہ گر ہو کر اس ظلمت کدہ دنیا کو اپنے جلوۂ نور سے رشکِ طور بنادے وہاں مسلمان بھی اغیار کے طعن تشنیع کی یلغار سے بچ جائیں اور اسلام کے پیش کرده صراط مستقیم پر گامزن ہوکر جہاں دنیا میں اپنا کھویا ہوا وقار و اقتدار دوباره حاصل کرسکیں وہاں آخرت میں بھی کامیاب و کامران ہوسکیں۔
دراصل اس تمام تگ و تاز کا حقیقی مقصد یہ ہے کہ اس کتاب کے قارئین کرام کے سامنے تصویر کے دونوں رخ آجائیں کہ  اصلی اسلام کیا ہے اور رسمی اسلام کیا؟
اسی مقصد کے تحت اس کتاب کے ہر باب میں اللہ کے قرآن، معصومين علیہم السلام کے فرمان اور علماء اعلام کے کلام کی روشنی میں پہلے اصل اسلام کا نقشہ کھینچا گیا ہے اور اس کے بعد رسمی اسلام کا تذکرہ ہوا ہے اور پھر اسی کی تحقیقی وتفصلی رد کی گئی ہے۔
اس کتاب کے بعض مندرجات:
عید نوروز اور اس کے بعض رسوم و قیود،غیر خدا کے نام کی منت ماننا،مساجد و امام بارگاہوں کے نقش و نگار کرنا، اجرت پر قرآن پڑھنا، شب برأت کا حلوہ اور چراغاں، عورتوں کا ناخن بڑھانا اور ناخن پالش لگانا، غیر اسلامی طریقے پر سلام کرنا اور جواب دینا، رجب کے کونڈے، کھانے یا پھل فروٹ سامنے رکھ کر اس پر ختم دنا، بیوہ کا عقد ثانی نہ کرنا، قل خوانی تیجہ دسواں چالیسواں چھ ماہی برسی، سالگرہ مانانا، پانی چھڑکنے اور چھٹی کی رسم، چھلّہ اور دست بند، بچے کے سرہانے تلوار یا چھری رکھنا، تعزیہ سے متعلق غلط رسوم کی نشاندہی، جلوس مہندی اور سیج، جعلی مزارات، فیس طئے کرکے مجلس پڑھنا،......۔

اصلاح الرسوم الظاھرہ-اصلی اسلام اور رسمی اسلام

حضرت شیخ صدوقؒ کا رسالہ اعتقادیہ ہر قسم کی تعریف و توصیف سے اجل و ارفع ہے اور جس وقت سے یہ لکھا گیا ہے برابر ہر دور میں علماء اعلام و فضلائے عظام کے لیے مورد استفادہ و استفاضہ اور ان کی توجہ کا مرکز رہا ہے، بڑے بڑے علماء اعلام نے اس کی شرحیں لکھی ہیں اور مختلف زبانوں میں اس کے ترجمے کئے ہیں، اس کے مندرجات کی صحت و جامعیت اور وثاقت کے لیے یہی امر کافی ہے کہ شیخ الطائفہ شیخ طوسی علیہ الرحمہ نے اپنی کتاب میں اس کو ''کتاب دین الامامیہ" سے تعبیر فرمایا ہے۔
اس رسالۂ شریفہ کا موجودہ بامحاورہ ترجمہ جناب سید منظور حسین بخاری نے اور اس کی شرح جناب محمد حسین نجفی نے فرمائی ہے۔
اس رسالے کے متعدد شروح و حواشی میں سے ایک شرح یہی احسن الفوائد بھی ہے، اس شرح کی جامعیت و افادیت کا اندازہ تو حضرات اہل علم مطالعہ کے وقت ہی لگائیں گے البتہ اس شرح کے ذریعہ شیعہ علم کلام میں ایک معتد بہ اضافہ ہے اور بالخصوص اردو زبان میں اس فن میں جو خلاء موجود تھا وہ کافی حد تک پُر ہوجائے گا، اس کتاب میں عصرِ حاضر کے تقاضوں کو پیش نظر رکھ کر ان کو پورا کرنے کی پوری پوری کوشش کی گئی ہے جیسا کہ اس کا طرز استدلال اور طریقۂ بیان اس پر شاہد ہے، ہر ہر موضوع پر سیر حاصل بحث کی گئی ہے اور عقلی و نقلی دلائل قاطعہ و براہین ساطعہ قائم کئے گئے ہیں، اختلافی مسائل و عقائد میں علماء متقدمین و متاخرین کے تحقیات و نظریات کا لبّ لباب پیش کیا گیا ہے اور تمام موضوعات پر ملاحدہ و منکرین کے جملہ شکوک و شبہات کو عقلی و نقلی علوم قدیمہ و جدیدہ کی روشنی میں زائل کیا گیا ہے، اور سبھی موضوعات پر شیعہ اصول و عقائد کی برتری ثابت کی گئی ہے۔
خلاصہ یہ کہ یہ کتاب بفضلہٖ تعالیٰ مسائل اصولیہ و کلامیہ میں قرآن کریم احادیث معصومینؑ اور علمائے متقدمین و متاخرین کی تحقیقات کا نچوڑ ہے اس کتاب کے مبرہن و مدلل ہونے کا یہ عالم ہے کہ کوئی بات بھی معتبر حوالہ و سند کے بغیر معرض تحریر میں نہیں آئی، الغرض نہ اس نے کسی طالب حق و حقیقت کے لیے کوئی عذر چھوڑا ہے اور نہ کسی مخالف و معاند کے لیے کسی شک و شبہ کی گنجائش باقی رکھی گئی ہے، ان حقائق کی روشنی میں بلاخوف  و تردید یہ کہا جاسکتا ہے کہ ایسی جامع و مکمّل کتاب اس سے قبل اگر کسی بھی زبان میں نہیں تو کم از کم اردو زبان میں تو نہیں لکھی گئی۔

احسن الفوائد-شرح رسالہ اعتقادیہ

رسالۂ لیلیہ، مجدّد ملتِ جعفریہ آیة اللہ المجلسی رحمة اللہ علیہ کی تصنیف ہے جو عقائد صحیحۂ اثناء عشریہ پر مشتمل ہے جسکا ترجمہ مولانا محمد حسین صاحب نے فرمایا ہےاور اس پر مفید حواشی بھی تحریر کیے ہیں، ہر مؤمن کو چاہیئے کہ وہ اس سے استفادہ کرے اور اسے اپنے عقائد کی بنیاد قرار دے کیونکہ یہی مذہب شیعہ کے صحیح عقائد ہیں جو اقوال و آثار ائمہ سے مستنبط ہیں۔
تمام فرق اسلامیہ میں سے شیعہ ہی ایک ایسا فرقہ ہے جس کے جملہ عقائد و اعمال کتاب وسنت سے ماخوذ ہیں، شیعوں کے علاوہ اگر کوئی اور اس بات کا دعوی کرتا ہے تو وہ صرف دعوی ہی دعوی ہے اس کے لیے کوئی عقلی یا نقلی دلیل فراہم نہیں کی جا سکے گی۔ یہ شیعہ ہی ہیں جن کے لیے رسول اللہ صلیٰ اللہ علیہ وآلہ وسلم نے فرمایا ہے کہ: یاعلی انت و شیعتك هم الفائزون يوم القيامة. ”اے علی ! تو اور تیرے شیعہ ہی قیامت کے دن کامیاب و کامگار ہوں گے‘‘۔
غالباً اسی وجہ سے جناب شاہ عبدالعزیز محدث دہلوی جیسے شیعوں کے دشمن کو بھی یہ اعتراف کرنا پڑا کہ ’’شیعہ اولیٰ ما هستیم‘‘ یعنی حقیقت میں، شیعہ ہم اہل سنت ہی ہیں لیکن جب روافض اور زیدیہ نے اپنے آپ کو شیعہ کہلوانا شروع کردیا تو ہم نے(اتہام سے بچنے کیلئے) اہل سنت کہلوانا مناسب سمجھا۔ ہمارے قارئین یہیں سے یہ فیصلہ کرسکتے ہیں کہ کوفے کے جن افراد نے اپنے آپ کو شیعہ ظاہر کر کے حضرت امام حسین علیہ السلام کو خطوط لکھے تھے وہ دراصل کون تھے؟ کیونکہ بقول محدث دہلوی ’’شیعہ اولیٰ ما هستیم‘‘۔
شیعوں کے علاوہ جو دیگر فرقے ہیں ان میں توحید سے لیکر قیامت تک اورنماز سے لیکر جہاد تک بعض عجیب وغریب خلاف عقل و نقل باتیں ملیں گی مثلاً دیوبندی حضرات یہ سمجھتے ہیں کہ ان کے علاوہ باقی سب مشرک ہیں لیکن وہ خود امکان کذبِ باری تعالی کے قائل ہیں چنانچہ مولانا محمد اسماعیل[شہید] دہلوی کے رسالے ’’یکروزی ص ۲۵اپرصاف موجود ہے کہ خدا کا جھوٹ بولنا ممکن ہے‘‘۔
مولانا رشید احمد صاحب گنگوہی نے اپنے فتاوی میں جو ’’فتاویٰ رشیدیہ‘‘ کے نام سے مشہور ہے صفحہ۴۵طبع دہلی پرصاف لکھتے ہیں کہ: ’’امکان کذب باین معنی کہ جو کچھ حق تعالىٰ نے حکم فرمایا ہے، اس کے خلاف پروہ قادر ہے مثلاً فرعون سے وعدهٔ ادخال نار کا کیا ہے مگر ادخال جنتِ فرعون پر بھی قادر ہے‘‘۔ حالانکہ ارشاد ربّانی ہے:إِنَّ اللَّهَ لَا يُخْلِفُ الْمِيعَادَ۔[آل عمران:۹۔ الرعد: ۳۱۔ الزمر: ۲۰]۔
زیر نظر کتاب لیلیہ حضرت علامہ حافظ محمد باقر المجلسی رحمۃ اللہ علیہ کی تألیف ہے،مجلسی؛ علامہ ان معنوں میں نہیں ہیں جن میں یہ لفظ آج کل ہر کس وناکس کے لیے استعمال ہورہا ہے بلکہ بقول مرحوم مرزا تنکابنی: ’’علامہ مصطلح است دریں کہ جامع علم منقول و معقول باشد‘‘۔
علامہ مجلسی سینکڑوں کتابوں کے مؤلف ومصنف ہیں۔ حدیث کی مشہور کتاب "بحار الانوار" کے آپ ہی جامع ہیں۔ علامہ نے اپنی اس کتاب میں ہر قسم کی صحیح، ضعيف، حسن۔۔ وغیرہ احادیث کو درج کردیا ہے، اس لیے اس فن کا ماہر ہی براہ راست اس سے استفادہ کرسکتا ہے:ؔ نہ ہر کہ سر بتراشد قلندری داند۔
معلوم ہوتا ہے کہ علامہ مجلسی کے زمانے میں بھی شیعوں پر طرح طرح سے الزام تراشی کی جاتی تھی جس طرح آج کل، اس کتاب کے مطالعہ سے معلوم ہوتا ہے کہ علامہ کے زمانے میں صوفی حضرات اسلامی عقائد سے ہٹتے جارہے تھے اور انھوں نے بعض من گھڑت اوراد و وظائف کو اصل دین سمجھا لیا تھا کچھ اسی طرح جیسا کہ آج کل ہمارے زمانے میں بعض نام نہاد صوفیا کررہے ہیں، مزارات پر بعض ایسے افعال شنیعہ ہورہے ہیں جن کا شریعت سے دور کا بھی واسطہ نہیں ہے۔ مزارات کہ جنہیں دیکھ کرآخرت یاد آنی چاہیئے تھی یہ عجیب اتفاق ہے کہ وہاں جاکرآخرت بھول جاتی ہے۔
 سرکار علامہ مجلسی نے در حقیقت کوزے میں دریا بند کردیا ہے۔ حضرت علامہ کی شخصیت محتاج تعارف نہیں ہے۔ یہ وہی سرکار علامہ مجلسی علیہ الرحمہ ہیں جن کے مذہبی و ملّی خدمات جلیلہ کے پیش نظر شاہ عبد العزيز دہلوی نے ’’تحفہ اثنا عشریہ‘‘ میں ان کے متعلق لکھا ہے کہ "اگر بنامند دین شیعه را بدین مجلسی ہر آئینہ درمحل خواهد بود‘‘ (اگر مذہب شیعہ کو مجلسی کا مذہب کہا جائے تو بے جا نہیں ہوگا۔)۔

اعتقادات امامیه فی ترجمة الرّسالة اللّیلیّه علامہ مجلسی

ہمارے پاس اس ناشر کی جانب سے طبع کی گئی کچھ کتابیں موجود ہیں جنہیں آپ نیچے ملاحظہ فرما سکتے لیکن فی الحال ہمارے پاس اس ناشر کے بارے میں معلومات فراہم نہیں ہیں۔ اگر آپ کے پاس اس ناشر کے بارے میں معلومات ہیں تو براہ کرم اسے ہمارے ساتھ شیئر کریں تاکہ ہم اس کے بارے میں مزید تفصیلات یہاں درج کر سکیں۔ آپ کی توجہ کا شکریہ۔

مکتبة السبطین سرگودھا

مکتبة السبطین سرگودھا

Publisher Books

Contact info

Location