Common title

View

هغه ظلمونه چې د حراموالی دلایل په قران او سنت کې

بسم الله الرحمن الرحیم 
زمااسلامي وروڼوپه اوله برخه کښي ماوتاسوته ددې خبري ذکرکړيووچي داختردمبارکوورځوپه متعلق دمسلمانانولومړۍ وظيفه داده چي دالله جل جلاله دخليل حضرت ابراهيم علیه السلام حالات په خپلو ذهنوکښي مستحضرکړي په دې ډول چي کومي سختي ابتلاوي چي پرده مبارک باندي له الهي لوري څخه راغلي دي نوهغه هرمسلمان په ذهن کښي ورلحاظ کړي، اودارنګه دابراهيم عليه السلام په دغوالهي ابتلاګانوکښي په اعلی درجه سره ثابت قدمي او کاميابي اوبري په خپل ذهن کښي مستحضروګرځوي، اوله دې سره سره هرمسلمان بايدددې درک وکړي چي کله چي ابراهیم عليه السلام په دغوالهي ابتلاګانو کښي کاميابه سو اوپه لوړثبات اوعظيم شجاعت سره يې دغه الهي ابتلاګاني وګاللې نوبيا الله جل جلاله ددې په بدل کښي وده مبارک ته کوم اوچت اوعالي مقامات اودرجات ورکړل ،اوسربېره پردې باندي دده دمبارک اودده دمقدس ځوۍ ذبیح الله اسماعيل عليه السلام اودده دمبارکي بي بي حضرت هاجررضي الله تعالي عنها تابعداري اودخداۍ پاک وحکم ته تسليمېدل هم هرمسلمان بايد ملحوظ کړي ، او بياچه الله جل جلاله کوم احسانونه ددوۍ دبېد اغه تابعدارۍ په وجه له دوۍ دواړوسره وکړل په هغه کښي هم تدبراوتفکربايدوکړي اوله دغوټولوکارنامو څخه په لاندي ډول نتېجې ترلاسه کړي اول دا چي دنيا دابتلااودازمايښت ځاۍ دئ اوالله پاک همېشه پرخپلومخلصوبندګانوباندی قسم قسم سختي ابتلاوي اوازمايښتونه راولي لکه چي الله فرمايلي دي (خَلَق الْمَوْتَ وَالحَيَاة َلِيبلوکم اَيُّکُم اَحسنُ عملاً) يعني پیداکړۍ دئ الله جل جلاله ژوندستاسي اومرګ ستاسي ددې دپاره چي و ازمايي تاسي چي کوم يوله تاسي نيک دئ په حيث دعمل. يوبزرګ فرمايلي دي: خوش است ګرمحک تجربه آيدبميان ـــ تاسياه روي شودهرکه درو غش باشد اومولانايې روم صاحب فرمايلي: وربترساندتراآګاه شوي ــــ ورنه ترساندتراګمراه شوي دوهم : مسلمانان د حضرت ابراهيم عليه السلام له حالاتوڅخه دوهمه دا نتېجه بايددرک کړي چي که هرڅونه مسلمانان بې وسه،بې کسه،بې بسه اوکمزوری وي بياهم دحق په لارکښي دباطل اودطاغوت له مقابلې څخه بایداعراض ونکړي بلکي په مېړانه بايدپه داسی حال کښي چي پرالله پاک باندی توکل کونکي وي دباطل په مقابله کښي په ډيرټينګ عزم سره ودرېږي اوپردې خبره باندي پوخ یقين ولري چي کاميابي اوبري به اخيراواخيرزموږپه برخه وي. حضرت ابراهيم عليه السلام چي دنمروديانوپه مقابل کښي ودرېدئ په دغه وخت کښي له ده څخه ماسوا دزمکي پرمخ باندي بل څوک دحق والااودحق حمايت کونکی وجودنه درلودئ،هو يوه بي بي ساره رضي الله تعالي عنهااویولوط علیه السلام دده تابعداران وو وبس،حتی دده موراوپلار هم دده مقابل طرف نيولئ ؤ اوپلاريې وده ته په ډاګه وويل چي ،اې ابراهيمه که له دغوخبرولاس وانخلې نوخامخابه زه تاسنګسارکړم ـ لکه چي تفصيل به يې په دريمه برخه کښي انشاءالله درته راسي ـ دريم : دالله پاک ددغوستروبندګانوله واقعاتوڅخه مسلمانان بايددريمه دانتېجه ترلاسه کړي چي مسلمان ته په کارده چي دالله جل جلاله وامراو وحکم ته داسي تسليم وي چي دخداۍ تعالی په لارکښي نه دخپل ځان پروا کوي اونه دناموس اولاداونه دمال پروا کوی او مقصداومطلب دده داوي چي دالله پاک داحکاموتابعداره سي اوالله پاک ورڅخه راضي سي اوددنيااودآخرت سعادت یې په برخه سي اوباطل نيست اونابودسي ، نورنوکه دالله پاک دده سرپه کاروي ترسرتيږيږي اوکه يې دده مال اواولاداوخاندان په کاروي ترهغه تېرېږي ـ څلورم : مسلمانان بايد دحضرت اسماعيل اوابراهيم اودحضرت هاجرې رضي الله تعالی عنها له حالاتو څخه څلرمه دانتېجه ترلاسه کړي چي که موږ هم دغه ډول مخلصانه معامله له الله جل جلاله سره وکړونويقينًابه زمو ږ هم هغسي سعادت اوسرلوړي په برخه سي چي په دنيااوپه آخرت کښي به نېکنامه سرفرازه اپه مرادرسېدلې سو. والسلام ومن الله التوفيق

Author

نېکمرغه لوئ اختر: (۲) برخه

 الله أکبر الله أکبر الله أکبر کبيرًا وسبحانَ اللهِ والحمدلِلهِ حمدًا طيبًا مبارکًا عظيمًاومنیرا، والصلوة والسلام علی سيدنا محمـــــــدٍ هادِيًا و بــــشيرًا و نـــــذِيرًا ، وعلی آلــــه وأصحابه وبارَکَ وسَلّمَ تسليمًا کثيرًا . امابعد : فاعوذ بالله منَ الشيطانِ الرجيم بسم اللهِ الرحمنِ الرحيم : {وَقَالَ إِنِّي ذَاهِبٌ إِلَى رَبِّي سَيَهْدِينِي، رَبِّ هَبْ لِي مِنْ الصَّالِحِينَ، فَبَشَّرْنَاهُ بِغُلامٍ حَلِيمٍ، فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يا أبتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنْ الصَّابِرِينَ، فَلَمَّا أَسْلَمَا وَتَلَّهُ لِلْجَبِينِ، وَنَادَيْنَاهُ أَنْ يَا إِبْرَاهِيمُ، قَدْ صَدَّقْتَ الرُّؤْيَا إِنَّا كَذَلِكَ نَجْزِي الْمُحْسِنِينَ، إِنَّ هَذَا لَهُوَ الْبَلاءُ الْمُبِينُ، وَفَدَيْنَاهُ بِذِبْحٍ عَظِيمٍ، وَتَرَكْنَا عَلَيْهِ فِي الآخِرِينَ، سَلامٌ عَلَى إِبْرَاهِيمَ، كَذَلِكَ نَجْزِي الْمُحْسِنِينَ، إِنَّهُ مِنْ عِبَادِنَا الْمُؤْمِنِينَ، وَبَشَّرْنَاهُ بِإِسْحَاقَ نَبِيّاً مِنْ الصَّالِحِين، وَبَارَكْنَا عَلَيْهِ وَعَلَى إِسْحَاقَ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ }. و ايضا قال الله تعالی : « فصلِّ لِرَبِّکَ وَانحَر اِن شانِئَکَ هُوَ الأبتَر » ځما ګرانو او محترمو اسلامي وروڼو ! غواړم چي د لوۍ اختر د مبارکو ورځو د رارسيدو په مناسبت و تاسي محترمو ته د « عید الأضحی » او دارنګه په دغو مبارکو ورځو کښي د اضحيو او د قربانيو او د لوۍ اختر د لمانځه او دارنګه ددغو مبارکو ورځو د نورو مناسباتو پر حقايقو او اسرارو باندي څه تفصيلات او بيانونه وليکم . او دارنګه د دغو بياناتو په سرليک کښي د مقدمې په ډول دا خبره درته روښانه کړم چي اختر د چا دپاره دئ ، د اختر مقدسي او له فيوضاتو څخه ډکي ورځي د چا دپاره دي ؟ قدرمنو وروڼو ! د لوۍ اختر مبارکي ورځي ددې دپاره دي چي مسلمانان په دغو مبارکو ورځو کښي لاندي وظيفې انجام کړي : ( ۱ ) : په دغو مبارکو ورځو کښي مسلمانان باید د حضرت ابراهيم او حضرت اسماعيل ( عليهماالسلام) او دارنګه دده د مبارکي مور بي بي هـــاجـــرې (رضي الله عنها ) پر تاريخي حالاتو باندي نظر واچوي او پندونه ، درسونه او عبرتونه ورڅخه حاصل کړي ؛ ځکه د دغو درو مبارکو اشخاصو په واقعاتو او حالاتو کښي د نارينه ؤ او د ښځو دپاره او دارنګه د سپين ږيرو او ځوانانو دپاره داسي ستر تدريسات او تعليمات و عالم بشريت ته ورکړه سويدي چي که يو څوک له همدغو تعليماتو څخه ګټه واخلي او په تعمق د نظر ، او د عبرت په تفکر سره معلوماتونه ورڅخه تر لاسه کړي ، نو په دنيا او آخرت کښي به د فوز او فلاح خاوند سي ، او محمود او د ستايني وړ ، طيب او پاکيزه عيش او ژوند بې په دواړو دارينو کښي په نصيب سي . ( ۲ ) : په دغو مبارکو ورځو کښي مسلمانان بايد پر خپلو تيرو حالاتو باندي نظر واچوي او د خپلو تقصيراتو تشخيص او استحضار بايد وکړي ، او په نتيجه کښي ددې بايد و الله (جل جلاله ) ته د نصوح او د اخلاص توبې وکاږي ، او داسي بايد د الله (جل جلاله) د رضا د حاصلولو دپاره د الله پاک او د هغه د رسول (عليه السلام) د فرمانبردارۍ په لاره کښي و هر قسم قربانۍ او فداکارۍ ته تيار سي ، لکه څنګه چي له حضرت ابراهيم او اسماعيل (علیهماالسلام) څخه او دارنګه له حضرت بي بي هاجرې (رض) څخه و الله پاک ته د تسليم او د انقياد درس ودوۍ ته پاته سوئ دئ . ( ۳ ) : د لوۍ اختر په اوله مقدسه ورځ کښي مسلمانان بايد د لوۍ اختر لمونځ په ډيره عاجزي ، تواضع او تذلل سره او په کامل خشوع او خضوع سره او په رجآء او خوف او په لوۍ اخلاص سره په عيدګاه کښي تر څو چي ممکن وي په ډيره غټه اجـــــتمـــــــاع سره ادا کړي . ( ۴ ) : مسلمانان نه يواځي دا چي د لوۍ اختر په ړومبۍ ورځ د عيدګاه لمونځ بايد وکړي ، بلکي له دې سره سره بايد هغه حکمتونه ، رموزات او اسرار وفهموي او د هغوۍ په مقتضی عمل وکړي کوم چي د عيدګاه په لمانځه کښي او دارنګه د عيدګاه په خطبه کښي او داراز و عيدګاه ته د مسلمانانو په راغونډيدلو کښي ، او له دې سره سره دعيدګاه و لمانځه ته په تلو او راتلو کښي ، او د تکبيرو په ويلو کښي پراته دي . ( ۵ ) : په دغو مبارکو ورځو کښي غنيان مسلمانان بايد د قرباني کولو مقدس عمل ترسره کړي ، او کوم مسلمانان چي فقيران او مسکينان وي هغه بايد په خپلو زړو کښي په ډير لوۍ اخلاص سره دا خاطرې ا و ارادې راوګرځوي چي که موږ د قرباني کولو وَس او قدرت درلودائ نو اې الله پاکه ! موږ به هم ستا د رضا دپاره دغه مقدس عمل تر سره کړئ وائ . ( ۶ ) : مسلمانان بايد د اضحيې او د قربانۍ له حکمتو او اسرارو څخه خپل ځانونه باخبره کړي او د هغوۍ د تقاضاؤ امتثال وکړي . ( ۷ ) : غنيان مسلمانان بايد په دغو ورځو کښي پر خپلو همسايه ګانو باندي رحم او شفقت وکړي او د خپلو قربانيو له غوښو څخه پر دوۍباندي يوه برخه تقسيم کړي ، او له دې سره سره نور زيات تفضل او احسان بايد له همسايه ګانو سره او له خپلوانو او مسکينانو سره وکړي . ( ۸ ) : فقيران او مسکينان که د قربانۍ طاقت نلري نو هغوۍ بايد په دغو ورځو کښي پر نورو عباداتو باندي ( لکه تلاوت ، ذکر ، تسبيح ، تهليل ، تحميد او تکبير ، نفلي لمونځونه ) زور ولګوي . بالآخره محترمو وروڼو دغه مقدسي ورځي د سرود، ډول وهلو ، سګ بازيو ، کوتر بازيو او دارنګه د داسي نورو فاسدو اعمالو د ترسره کولو ورځي نه دي ، او نه د اختر ورځي د داسي خلګو دپاره دي کوم چي دغه قسم ناروا عملونه تر سره کوي ؛ ځکه چي داورځي و انسان ته دادرس ورکوي چي له الله څخه بغاوت مکوه او والله ته تسليم سه ، او دغه کارونه د الله پاک له احکامو څخه غټ غټ بغاوتونه دي . او د هغو خلګو پر حال باندي ډير افسوس دئ او د دوۍ و بې حيايي او بې شرمۍ ته ډير تعجب دئ چي په دغو مقدسو ورځو کښي هم دغه ډول د تمرد او د طغيان له کارو څخه لاسونه نه اخلي.

نیکمرغه لوی اختر (۱ ) برخه

بسم الله الرحمن الرحیم
محترمو اسلامی وروڼو صدقة الفطر یا په  پښتو تعبیر سرسایه د مختلفو حکمتو له  وجی د اسلام په پاک دین کی  مشروع سویې ده چی یوه برخه د هغو په دې شرحه ده، ۱،مسلمان انسان باید لکه څرنګه  چی د مال زکوة باسی او ورباندی فرض دۍ دا رنګه باید د خپل ځان او د هغه چی د ده ځان  په حکم کښی وی لکه کوچنئ نابالغ اولاد زکوة هم وباسی نو روزه د بدنی عبادت  له جملې څخه زکوة دۍ او سرسایه د مالی عبادت له جملې څخه ، ۲،څرنګه چی روزه او تر رمضان پوری د زوند د رازیدل او بیا د رمضان میاست په عبادت کی تېره ول  د الله پاک عظیم نعمتونه دی او شکر غواړی نو د اختر لمونځ  یې هغه شکر دۍ چی له بدنی او اجتماعی عبادت سره تعلق لری او سرسایه یې هغه شکر دۍ چی له مالی عبادت سره تعلق لری ، ۳،څرنګه چی د اختر په ورځ بنده ګان د الله پاک د عطایاؤ او جائزو طمع او امید کوی نو وس مالداره خلک په سرسایه سره امر کړې سویدی چی هغه ناداره خلک چی ودوی ته طمع کوی خوشحاله کړی  تر څو چی دوی بیا د الله پاک له لوری خوشحاله کړه سی، ۴،څرنګه چی د اختر په ورځو کی الله پاک پربندګانو باندی    بېحسابه بخششونه کوی نو پر غنیانو خلکو هم سرسایه واجبه سویې ده چی متخلقین بِا خلاق  الله وګرزی، ۵، او،۶،په یوه مبارک  حدیث کی رسول  علیه الصلوة والسلام فرمایلی دی چی سرسایه د روزه دار پاکوونکې ده له چټی او عبثو خبرو او کارو څخه کوم چی په روزه کی یی کړی وی او دارنګه روزه دار له هغو فحشو خبرو څخه هم پاکوی کومی چی په رمضان کی ورڅخه سویې وی او دارنګه سرسایه د مسکینانو خور که ده یعنی یو حکمت د سرسایې د واجب والی دا ده چی  پر مسکینانو رحم او مهربانی وکړه سی، حدیث دا دۍ،
عن ابن عباس رضي الله تعالی عنهما قال فرض رسول الله صلی الله تعالی علیه وسلم  صدقة الفطرطهرة للصائم من اللغووالرفث وطعمةللمساکين فمن اداها قبل الصلاة فهي زکاة مقبولة، ومن اداها  بعدالصلاة فهي صدقة من الصدقة ـ  رواه ابواداودوابن ماجه والحاکم وقال صحيح علی شرط البخاري ـ  دارنګه په یوه بل حدیث کی راغلی دی چی روزه تر هغه پوری د اسمان او د زمکی په منځ کی راځړېږی او د قبول و مقام ته نه پورته کېږی  چی روزه دار سرسایه ونه باسی، حدیث  دادی، عن جريررضي الله تعالی عنه قال رسول الله صلی الله تعالی علیه وسلم  صوم شهر رمضان معلق بين السماء والارض  ولايرفع الابزکاة الفطر ـ رواه ابوحفص ابن شاهين في فضائل رمضان ،والسلام ومن الله التوفیق


صدقة الفطر او له روزې سره د دې تړون

دښځو اوچت مقام دقرآنکريم په رڼا کې

د«قبض العلم والعلماء»عظیم مصېبت اوخطر: علامه محمدمعين الدين ابوالفضل کان الله ودامت برکاته.
نحمده ونصلي علي رسوله الکريم،امابعدفاعوذبالله من الشیطان الرجیم،بسم الله الرحمن الرحيم ـ
...إِنَّمَا يَخْشَى اللَّهَ مِنْ عِبَادِهِ الْعُلَمَاءُ إِنَّ اللَّهَ عَزِيزٌ غَفُورٌ  (28) فاطرـ
وايضاقال الله تعالي:«ومايعقلهاالاالعالمون(۴۳)العنکبوت.
وايضاقال الله تعالي:«هل يستوي الذين يعلمون والذين لا يعلمون(۹)الزمر.
وقال النبي(صلي الله تعالي عليه وسلم)«من يردالله به خيرايفقه في الدين»[البخاري/کتاب العلم]
وايضاقال النبي(صلي الله تعالي عليه وسلم)«ياايهاالناس تعلموافانماالعلم بالتعلم،والفقه بالتفقه،ومن يردالله به خيرايفقه في الدين.[طبراني ابن ابي عاصم،فتح الباري /۱۶ /۱،والتغليق التعليق/۲/۷۸
ګرانواومحترمومسلمانانووروڼو!
تاسي ته معلومه ده چي امت مسلمه له هرلوري څخه دغمونواومصېبتونواوقسم قسم مشکلاتوهدف او نښان ګرځېدلئ دئ،اوداسلام پيغمبر(صلي الله تعالي عليه وسلم)له پخواڅخه لاوخپل امت ته داسي پېشګويګاني کړيدي چي زماامت به سوکه په سوکه له قسم قسم مشکلاتواوتکليفونوسره مخامخ کيږي.
دامت مسلمه دپاره چي کومي غټي خطرناکی حادثې منتظري دي اويااوس بالفعله ورسره لاس اوګريوان دي نودهغوله جملې څخه  يوه بې مثاله خطرناکه حادثه حادثه دقبض دعلم اودعلماووده .
دامت مسلمه حيات اوبقاپرعلم اوپرحقوعلماووباندي موقوفه ده ،حق علماءدامت مسلمه دپاره دروح حيثيت لري،حق علماء دامت مسلمه حقيقی اوواقعي اميران اوحاکمان دي.
معتمدوفتاوولکه،شامي،کامليه،وغيره اوداسلامي امت مسلموعلماووداخبره په صراحت سره کړېده چي په دې قول دخدائ  پاک کښي چي:«اطيعووالله واطيعوالرسول واولي الامرمنکم»مرادله اولي الامرڅخه باعمله علماءدي.
دعلماءحق امراوحکم پرهرفرددامت مسلمه که نروي اوکه ښځه لازم دئ   داعالمان دي چي خلګ ئې په روااونارواخبرکړي اوخبره وي ئې،داعلماءحق دي  چي وموراوپلارته داولاداوواولادته دموراوپلاروښځي ته دمېړه اوومېړه ته دښځي اووهمسایه ته دهمسایه  ،وقریب ته دقریب ومسلمان ته دمسلمان دحقوقوپه باب تعلیم کوي داعالمان دي چي ومسلمانانوته ددوي دوستان اودوښمنان ورپېژني، داعالمان دي چي دمسلمانوددین اوایمان اوددوی ددنیااوآخرت  دسعادت غم خوړونکي دي،هوداحقاني عالمان دي  چي خلګ د ښو اخلاقو، نیکو افعالو، او ښایسته اقوالو و لوري ته رابولي، دا هم عالمان دي چي د دین د دښمنانو دسيسې شنډه وي او تل  ئې په مقابل کي درېږي او مرګونه زخمونه، جیلونه، دربدرۍاوجلاوطنۍ په خپلو ځانواوکورنیوباندي مني خودمسلمانانوآبرو،ننګ،ناموس،دین اوملک اوجائدادله دښمنانوڅخه ساتي علماووته خلګ په دنیا اوپه آخرت کي محتاج دي علماءوخلګوته دحضرت محمدصلی الله علیه وسلم پرځای باندي ناست دي،علماء داسلامي امت دهدایت اواصلاح ذمه واران دي ،علماووته بي علمه خلګ دمړیوپه مثال دي دعلماوواحترام اوتابعداري دخدای اودرسول احترام اوتابعداري ده دعلماووتوهین ددوئ دعلم په وجه  کفراوارتداددۍ،دعلماووپه وجه خلګ روااونارواخوراومورحق اوباطل پېژني ،دعلماووپه وجه خلګ دتقوي عفت اودخدای پرستۍ  اودیندارۍ کارونه کوي ،نومحترمومسلمانانودخپلي داسي عظیمي سرمائې بایدپه هرلحاظ خیال وساتۍ.
داسي معلومېږي چي دمسلمانانودغه سرمایه ورځ په ورځ زیان منه کېږي په طول کي تقریبا دتیروشپږومیاستوزیات شمېرافغاني اوپاکستاني جیدعلماءدحدیثوشیوخ اوروحاني مشائخ یوپه بل پسې یاددښمن له لوري شهیدان اویا په خدايي مرګ سره مړه سول چي دځینومبارک نومونه دادي :
مولاناعبدالعلي صاحب،مولاناوزیرمحمدصاحب،محترم المقام دغبرګي اخندزاده صاحب مولاناعبدالغني صاحب مولاناعبدالستارصاحب،مولانامتوکل شا اغاصاحب دسنجاوۍ اغاصاب  ،الحاج سعدالدین اخونذاده صاحب،مولاناغلام حیدرصاحب  مولاناعتیق الله صاحب ،مولانااعظم ګل صاحب ،استادالکل شیخ الطریقت مفتي فریدصاحب، وغیرهم رحمهم الله په داسي حال کي چي دیوه خلاهم نده ډکه سويې په دې ځاي کي زمادیوه نظم دغه دوه بیته به مناسب وي چي ذکرئې کم :
زمانه به تاته ډېراطمنان درکي][چي راوړم درته مثال دابوالفضل
ؤس که ړوندئې له ماوروسته به بیناسې[]چي بېشکه نه ووسیال دابوالفضل ـ
محترمووروڼودقیامت له مهمونښانوڅخه یوه نښانه داده چي په قبض کېدودعلم به له خلګوڅخه شروع وکړه سي،داسلام پیغمبرصلی الله علیه وسلم فرمایلي دي چي بیشکه ځیني له نښانوڅخه دقیامت دادي چي دشریعت علم به له خلګوڅخه پورته کړسي اوجهل اوناپوهي به په خلګوکي ثابته اوټینګه سي اوشراب خوري به عامه سي اوزناکاري به ښکاره اوپراخه سي
«ان من اشراط الساعة ان يرفع العلم ویثبت الجهل،ويشرب الخمر،ویظهرالزنا»اخرجه البخاری عن انس رضی الله عنه فی المواضع المتعددة من البخاری منهاکتاب العلم وکذالمسلم والترمذي وابن ماجه
دعلم قبضېدل له خلګوڅخه بېل بېل صورتونه لري چي یواهم صورت ئې دادۍ چي حق باعمله کامل علماءبه یوپه بل پسې مړه کېږي اوبدل اوعوض بې نه پیداکېږي ترداسي حده پوري چي حق اوکامل علماءبه ختم سي اوخلګ به جاهل انسانان دخپلو دیني مشرانوپه حیث وټاکي ناقص العلمه بې عمله اشخاص به دعلماووپه صفت مقررکي له دوئ څخه به دین زده کوي اوپردوئ باندي به کتابونه وایې نوبه ددې نتېجې داراخېزي چي دغه ناقص العلمه خلګ به بې علمه وخلګوته ديني فتواوي ورکوي اوپه دروغوبه وطالبانوته کتابونه وايې نودوئ به هم ګمرهان وي اوخلګ به هم ګمرهان کوي لکه چي 
 له عبدالله بن عمروبن العاص رضی الله عنه څخه روایت دۍ چي ماله رسول الله صلی الله علیه وسلم څخه واورېدل چي ویل ئې ( ان الله لايقبض العلم انتزاعاينتزعه من العباد،ولکن يقبض العلم بقبض العلماءحتي اذالم يُبق عالما،اتخذالناس رؤساًجهالافسئلوفافتوابغيرعلم فضلواواضلواـاخرجه البخاري والنسائي والترمذي وابن ماجه
وروي احمدفي مسنده من حديث ابي ذرالغفاري(رضي الله تعالي عنه قال:قال رسول الله (صلي الله تعالي عليه وسلم):«انکم في زمان علمائه کثيروخطبائه قليل من ترک عشرمايعلم غوي،وسيأتي علي الناس زمان يقل علمائه ويکثرخطبائه من تمسک فيه بعشرمايعلم نجا».
مطلب زمادادئ چي ددیني عالمانوداسي یوپه بلپسې له دنیاڅخه رحمت مسلمانان بایدله الهي لوري څخه دیوه عظیم مصیبت اوخطرزنګ اومسکال وبولي اوپه پریشانه سي اوتوبې وکاږي اوالله ته ددغه نعمت دبقاسوالونه وکړي اودعلماووپرتابعدرۍ باندي ټینګ ودریږي اوخپل اولادونه ددیني علم وحاصلولوته وسپاري اوطالبان بایددتحقیقي اوصحیح علم په حاصلولوکي محنت وکړي.
  حضرت محمدصلي الله تعالي عليه وسلم فرمايلي دي چي:دنبوت ودرجې ترټولوخلګوورنږدې خلګ عالمان اومجاهدين دی.
په يوه بل مبارک حديث کښي راغلی دی چي ديوه پوره قبېلې اوقوم مرګ ډېراسانه دئ له مرګ څخه ديوه عالم
په يوه بل مبارک حديث کښي راغلي دي چي دقيامت په ورځ به دعلماوودقلم رنګونه اودشهيدانوويني سره وتللي سي بيابه دعلماوودقلم رنګ دشهيدانوپروينوباندي په وزن کښي دروندسي –
په یوه بل مبارک حدیث کښي راغلي دي چي:عالم په مزکه کښي دالله جل جلاله امين دئ.
دارنګه په يوه بل حديث کښي راغلي دي چي دقيامت په ورځ به نورخلګ وجنت ته ځي اوعلماءبه الله پاک راوګرځوي اوورته وبه وايي چی تاسي زماپه نزدزمادملائکه ووپه ډول ياست،تاسي بايددنوروخلګوشفاعت وکړئ اوزه به ستاسي شفاعتونه قبول کړم.
اوقاضي ثناءالله پاني پتي رحمه الله تعالی په تفسيرمظهري کښي يومبارک حديث راوړئ دئ چي په هغه کښي راغلي دي چي دقيامت په ورځ به الله پاک ويوه عالم ته ووايي چي ستاشاګردان که داسمان دستوروپه اندازه وي لاهم وتاته اجازه ده چي شفاعت يې وکړې.
دغه مذکوره حديثونه ټول په احياءالعلوم کښي اودارنګه عراقي په تخريج داحاديثوداحياءالعلوم کښي ذ کرکړيدي.
والسلام ومن الله التوفيق.   


د«قبض العلم والعلماء»عظیم مصېبت اوخطر

د ښځو اوچت مقام د نبوي احاديثو په رڼا کې

بسم الله الرحمن الرحيم
قدرمنو اسلامی وروڼو د اسلام پاک اوبې عیبه دین مسلمانان د هر قسم فساد پېشه بداخلاقه او ناروا انسانانو له اختلاط، تشبه، دوستی، اعانت او هر قسم فاسدو اړیکو څخه په ډېر شدت او ټینګارسره را منع کړیدی او په حب فی الله او بغض فی الله سره ئې مامور ګرځولی دی او دغه دواړه سترکارونه ئې د کامل ایمان له اجزا وو څخه بللی دی لکه چی په یوه حدیث کښی چی په مشکوة وغیره کښي ئې روایت سویدۍ داسی راغلی دی (من احب لله و ابغض لله و اعطی لله و منع لله فقد استکمل الایمان) یعنی هرڅوک چی دوستي او محبت کوی  له پاره دخدای او بغض کو ي د پاره دخدای اوورکړه کوی د پاره خدای  او منع دور کړی کوی د پاره د خدای نو په تحقیق سره کامل کړ دغه سړی ایمان خپل ـ
دحب لله ،بغض لله ،ورکړه لله ،منع لله  مطلب ،:
محترمو مسلمانانو که مسلمانانو پدغه يوه حديث عمل کړَیْ وای نو هيڅ کله بې دغه د لعنت طوقونه وغاړو ته نه وای ورلوېدلي کوم چي اوس ور لوېدلي دي ، دحب لله مقصد دادۍ چي مسلمان چي له هر چا او له هر شي سره مينه او محبت کوي او خوښه وي يې نو دا به د الله جل جلاله د رضا د پاره وي نوڅرنګه چي الله جل جلاله د نيکوکارو او د نيکو بندګانو په محبت او خوښولو راضي کيږي نه د بدو کارو او نه دبدو انسانانو په محبت او په تعلق سره نوکوم مسلمان چي حب لله کوي نودَیْ مجبور دۍ چي له هغو شيانو له هغو کارو له هغو خلکو سره به محبت کوي کوم چي د الله پاک خوښ دي نه له هغو سره چي الله ته مبغوض دي ، او د بغض لله مطلب دا دۍ چي مسلمان چي له هر شي، له هر شخص سره بغض کوي نو مقصود بې د الله جل جلاله رضا وي نو څرنګه چي الله جل جلاله   له بدو شيانو بدو کارو بدو انسانانو سره د بغض کولو په وجه راضي کيږي نه د نيکو شيانو او نيکو انسانانو په بغض سره نو کوم مسلمان چي بغض لله کوي نو حتما بې دغه بغض له بدو شيانو او بدو انسانانو سره وي او ورکړه لله او منع لله هم په همدغه ډول باید وفهموۍ، الله د نېکو کارو لکه لمونځ زکات، جهاد وغیره او دارنګه د نېکو اخلاقو او نېکو انسانانو په محبت راضی کېږی نو مسلمان باید له نېکو کارو سره او له نېکو خلګو سره لکه حق علماء دینداره مسلمانان مجاهدین  وغیره محبت  کوی او دارنګه الله له بدو اوناروا انسانانو سره په بغض کولو راضی کېږی نو مسلمان باید له هر ناروا کار او ناروا انسان سره بغض کوونکی وی او له هر قسم تعلق او اختلاط څخه ئې ځان ګوری، له ناوړه انسانانو سره چی مسلمانو له ډیره وخته پر یوه کاسه باندی خورک شروع کړیدۍ نو د هغه حاصل اوس د هر بخته مسلمان په جېب کښی پراته دی ،لکه مولانا رومی رحمه الله تعالي  چی فرمايلي دي :
،،صحبت صالح ترا صالح کند ،، صحبت طالح ترا طالح کند،،
او یا لکه شيخ سعدي رحمه الله تعالي چی  فرمايلي دي:
پسرنوح بابدان بنشست ،      خاندان نبوتش ګمشد ،
سګ اصحاب کهف روزي چند ،    پئ نيکان ګرفت مردم شد ،
تمت ومن الله التوفیق

د حب لله او بغض لله شرعی اهمیت

نارينه باندې لازم دی چې خپلې ښځې او لورګانو ته دديني او اخلاقي مسئوليتونو په ورزده کولو کې خپل ټول کوششونه وکړي ترڅو دناپوهئ تياري له منځه لاړي شي او دپوهې رڼا ئې پر کورنی باندې ( مسلط شی ) اوپه کورنی کې دتفاهم اومحبت او حق شناسی فضا منځته راشي .
الله تعالی فرمائی : (( يا ايها الذين امنوا قوا انفسکم واهليکم نارا وقودها الناس والحجارة ))
(سورة التحريم ايت ٦ )
ترجمه : ای مومنانو تاسې بچ کړئ خپل ځانونه او خپلې ښځې او اولاد د دوزخ دهغه اور څخه چې دهغه خاشاک خلک او تيږي دي .
يعنې خپلو ښځو اواولادو ته صحيح تعليم او تربيه ورکړی داسې تعليم چې ددوزخ داور څخه ددوي دنجات سبب وګرځي چې هغه دقرآن اودسنت علم دی چې دغه دواړو دټولو علومو مرجع او منبع دی .
الله تعالی په بل ايت کې داسې فرمائلی : (( وانذر عشيرتک الاقربين ))
(سورة الشعرا ايت ٢١٤ )
ترجمه : ای پيغمبره خپل نزدې خپلوان د الله دعذاب څخه وويروه.
او په بل ايت کريمه ئي داسې فرمائلی : (( وامراهلک بالصلاة واصطبرعليها ))
(سورة طه ايت ١٣٢ )
ترجمه : خپلې کورنی ته په مانځه باندې امر وکړه ( ای پيغمبره ) او دلمونځ په اداء کولو باندې صبر وکړه .
ددغوټولو ايتونو څخه دا معلومه شوه چې ښځه پرخپل خاوند حق لري چې هغه ته دينی او اخلاقي او فرهنګي ښوونه وکړي او دخاوند دغه کار نکول به دالله تعالی نافرماني ګڼل كيږى او دګناه سبب به وي .
جليل القدر صحابی ابوسعيد خدری رضی الله عنه روايت کوی چه (( قال النساء للنبی صلی الله عليه وسلم غلبنا عليک الرجال فاجعل لنا يوما من نفسک فوعدهن يوما لقيهن فيه فوعظهن وامرهن))
(بخاری جلد ١ صفحه ٢٠کتاب العلم )
ترجمه : نارينه زمونږ په نسبت له تا څخه زيات وخت نيولی دی نو دځان له طرفه يو ورځ مونږ ته وټاکی (دتعليم دپاره) نو رسول الله صلی الله عليه وسلم د هغوی سره يو ورځ وټاکله او ورته ورغی او هغوی ته يې نصيحت وکړلو او په ښو کارو باندې يې ورته امر وکړلو .
همدارنگی جليل القدر صحابيه ام عطيه رضی الله عنه فرمائى(( امرنا رسول الله صلی الله عليه وسلم ان نخرجهن فی الفطر والاضحی العواتق والحيض وذوات الخدور فاماالحيض فيعتزلن الصلاة ويشهدن الخير دعوة المسلمين ))
(رواه البخاري صفحه ١٣٣ جلد ١ ومسلم صفحه ٢٩١ جلد ١ )
ترجمه : رسول الله صلی الله عليه وسلم مونږ ته امر کړيدی چې پيغلې او حائضه او دستر او پردې والا ښځې دوړوکی او لوې اختر دلمانځه لپاره دکورونو څخه وباسو خو حائضه ښځې به لمونځ نه کوي البته د خير او دعوت او تبليغ په مجلس کې به ګدون کوی .
او جليل القدر صحابي عبدالله ابن عباس رضي الله عنهما روايت کوي : (( خرجت مع النبي صلی الله عليه وسلم يوم فطر او اضحی فصلی ثم خطب ثم اتی النساء فوعظهن وذکرهن وامرهن بالصدقة ))
(رواه البخاري صفحه ١٣٣ جلد ١ )
ترجمه : زه درسول الله صلی الله عليه وسلم سره د وړوکې يا لوې اختر په ورځ ووتم نو هغه داختر لمونځ وکړلو او بيا ئې خطبه وويلې او بيا دښځو صفونو ته ورغی نو هغوې ته يې وعظ او نصيحت وکړلو.
او هغوې ته ئې دصدقې امر وکړلو . او جليل القدر محدث عبدالملک بن جريج دجليل القدر تابعي عطاء رحمهما الله نه روايت کوي هغه فرمائي چي جليل القدر صحابي جابر بن عبدالله رضي الله عنه داسې فرمائلی : (( قام النبي صلی الله عليه وسلم يوم الفطر فصلی فبدابالصلاة ثم خطب فلما فرغ نزل فاتی النساء فذکرهن قلت ( القائل بن جريج ) لعطاء اتری حقا علی الامام ذ لک يذکرهن قال انه لحق عليهم ومالهم لا يفعلون ))
( رواه البخاري صفحه ١٣٣ جلد ١)
ترجمه : نبی عليه السلام دوړوکی اختر په ورځ اول ئې داختر لمونځ اداء کړلوبيائی خطبه وويلي او چې کله دخطبې نه فارغ شو نو دمنبر نه کوز شو او دښځو صفونو ته ورغی او هغوی ته ئې نصيحت وکړلو . ابن جريج فرمائی چې ما دعطاء څخه پوښتنه وکړلو چې ايا ستا په نزد په امام او مشر باندې لازم دی چې ښځو ته وعظ او نصيحت وکړی نو هغه په جواب کې وويلې چې هو پر امام دا کار لازم دی او څه وجه ده چې اوس خلکو دا کار پریښی دی؟ او په يو بل حديث کې راغلی چې رسول الله صلی الله عليه وسلم جليل القدر صحابيه شفاء رضي الله عنها ته وفرمائيل : (( الاتعلمين هذه
( حفصه ) رقية النملة کما علمتيها الکتابة ))
(ابوداود صفحه ٥٤٢ مشكوة صفحه ٢٩١ )
ترجمه : ای شفا ولې ته حفصی ته دتخرګونو ددانو دم نه ښائی لکه څرنګه چې هغې ته دې ليک ښودلی دی ؟
ددغه حديث څخه معلوم شو چې دليک زده کړه لکه چې نارينه وته ضرور دی همدارنګې زنانه و ته هم ضرور دي او لکه چې نارينه دعلم زده کړه کوي او دکتابونو دتاليف او تصنيف له لارې خپل علم خپروي نو ښځې هم بايد علم حاصل کړي او دتاليف او دتصنيف له لارې خپل علم خپور کړي ترڅو خلک ددوي دعلم څخه استفاده وکړي او دغه کتابونه ددوي لپاره صدقه جاريه وګرځي .
امام خطابي رحمه الله دشفاء رضي الله عنها دحديث په باره کې داسې فرمائی : (( فيه دليل علی ان تعلم النساء الکتابة غير مکروه ))
(مرقات شرح مشكوة صفحه ٣٢٦ جلد ٨ حاشية ابوداود صفحه ٥٤٢)
ترجمه : دغه حديث ددې لپاره دليل دی چې ښځو ته دليک زده کړه مکروه نه دی .
خو بعضې خلک وائی چې ښځو ته روا نه دی چې ليک زده کړي او دليل کې يې دغه حديث ذکر کوي چې (( لا تعلموهن الکتابة ))
(مرقاة صفحه ٣٢٧ جلد ٨ تذکرة الموضوعات صفحه ١٢٩ )
ترجمه : ښځو ته ليک مه ورزده کوئ .
خو دغه خبره غلطه ده او دمنعې دغه حديث ثابت نه دی ځکه چې ددغه حديث په سند کې يو دروغجن او بل په دروغو متهم راويان دي او داسې حديث مردود وي .
(تذکرة الموضوعات صفحه ١٢٩ )
همدارنګې رسول الله صلی الله عليه وسلم فرمائلی : (( ايما رجل کانت له جارية فادبها فاحسن تاديبها وعلمها فاحسن تعليمها ثم اعتها فتزوجها فله اجران ))
( بخاري ج ١ صفحه ٢٠ وصفحه ٣٦٤ باب تعليم الرجل امته و اهله )
ترجمه : هر يو سړی چې وينځه ولري او هغې ته ښائسته ا دب او ښائسته تعليم ورکړي او بيا ئې ازاده کړي او ځان ته ئې په نکاح کړي نو دغه سړی ته دوه اجرونه دي . نو چې کله ديوې وينځي په تعليم او تربيه کې دومره ثواب دی نو ديوې اصیلی مسلمانې ښځې په تعليم او تربيه کې به ددې نه زيات ثواب او اجر وي .
او ام المومنين عائشة رضي الله عنها فرمائی (( نعم النساء نساء الانصار لم يمنعهن الحياء ان يتفقهن فی الدين ))
(بخاري صفحه ٢٤ جلد ١)
ترجمه : دانصارو ښځې نيکې او بهترې ښځې دي ځکه چې هغوې ددين په پوهه کې شرم او حياء نه کوي .
او جليل القدر تابعي عروة بن الزبير رضي الله عنه فرمائی : (( ما رايت احدا اعلم بفقه ولا طب ولا شعرمن عائشة ))
(اسلامنا للسيد سابق صفحه ٢١٦ )
ترجمه : ما داسې هيڅ يو کس نه دی ليدل چې دعائشة رضي الله عنها څخه په فقه او طب او شعر کې ډير پوه وي . يعنې عائشة رضي الله عنها په علم فقه او طب او شعر کې هغه اوچتې مرتبې ته رسيدلې وه چې دهغې په زمانه کې څوک ورسره برابرنه وه . د دغه روايت څخه دا معلومه شوه چې ښځې کولای شي په علم کې اوچتو مرتبو ته ورسيږي او معلومه شوه چې ښځې کولای شي چې دطب دعلم زده کړه وکړي . او دا هم معلومه شوه چې ښځه کولای شي داسې اشعار وليکي او خپور ئې کړی چې ديانت او خوش اخلاقي او عفت ته دعوت کوي .
او جليل القدر صحابي ابوموسی رضي الله عنه فرمائی (( ما اشکل علينا اصحاب رسول الله ؛صلی الله عليه وسلم حديث قط فسالنا عائشة الا وجدنا عندها منه علما))
( ترمذي صفحه ٢٢٧ جلد ٢ مشكوة ٢صفحه ٥٧٤ )
ترجمه : چې کله هم درسول الله صلی الله عليه وسلم په صحابوو باندې دکومې خبرې پوهيدل مشکله شوه نو مونږ به دعائشة رضي الله عنها څخه دهغې په باره کې پوښتنه وکړله نو دهغې سره به دمسالې په باره کې خامخا علم او پوهه وه او مساله به ئې حل او روښانه کړه .
نو ددغه حديث څخه معلومه شوه چې دښځو څخه دنارينه و په زده کړه کې څه عيب نشته چې کله دشريعت دحدودو رعايت پکې وشي .
او امام ابن شهاب زهری رحمه الله فرمائی : (( لو جمع علم الناس کلهم وامهات المومنين لکانت عائشة اوسعهم علما ))
(مستدرک الحاکم صفحه ١١ جلد ٤ )
ترجمه : که دټولو خلکو علم او درسول الله صلی الله عليه وسلم دنورو بيبيانو علم يو ځاې کړی شي بيا هم دعائشة رضي الله عنها علم ددې ټولو څخه زيات دی .
او امام ذهبی رحمه الله فرمائی : (( وما علمت من النساء من اتهمت ولا من ترکوها ))
( ميزان الاعتدال صفحه ٢ جلد١ )
ترجمه : دحديث په ښځو راويانو کې ماته داسې ښځه معلومه نده چې دحديث په روايت کې په دروغو متهمه شوی وي او يا دحديث علماوو دهغې حديث پريښي وی .
ددې څخه معلومه شوه چې پخوا بۀ دمسلمانانو ښځې دحديث په زده کړه او روايت کې څومره کوشش او احتياط کاوه خو اوس ډیرې مسلمانې ښځې قران هم نشی لوستلی .
او رسول الله صلی الله عليه وسلم بۀ چې کله صحابه کرامو ته وعظ او نصيحت کولو نو بيا به ئې هغوې ته وويلې : (( الا فليبلغ الشاهد الغائب ))
(بخاري صفحه ٢١ جلد ١ )
ترجمه : خبردار حاضر خلک دې ځما خبرې غير حاضرو خلکو ته ورسوي .
په دغه حديث کې ديته اشاره ده چې نارينه دې ځما خبرې زنانو ته ورسوي ځکه چې زنانه به زياتره په خپلو کورنو کې په خدمت مشغولې وې .
او جليل القدر صحابی عرباض بن سارية رضي الله عنه روايت کوي چې رسول الله صلی الله عليه وسلم وفرمایل چې : (( ان الرجل اذا سقی امراته من الماء اجر قال فاتيتها فسقيتها وحدثتها بما سمعت من رسول الله صلی الله عليه وسلم))
(رواه احمد الفتح الربانی صفحه ٢٣٣ جلد ١٦ )
ترجمه : چې کله سړی خپلې ښځې ته دڅښاک اوبه ورکړي نو هغه ته ثواب ورکول كيږي . عرباض فرمائی چې ددغه حديث داوريدو څخه وروسته زه دخپلې ښځې څنګ ته لاړم او هغې ته مې دڅښاک اوبه ورکړې او درسول الله صلی الله عليه وسلم حديث مې ورته وويلې ددغه حديث څخه معلومه شوه چې صحابه کرامو به کله ددين او ثواب کومه خبره درسول الله صلی الله عليه وسلم څخه واوريدل نو هغه بۀ ئې خپلو ښځو ته هم سمدستی ورښودل نو معلومه شوه چې صحابه کرامو به دښځو په تعليم او تربیې باندې زيات اهتمام کاوه.
او په يو روايت کې داسې راغلی دی : ((طلب العلم فريضة علی کل مسلم ))
( مشكوة صفحه ٣٤ تذکرة الموضوعات صفحه ١٧ )
ترجمه : طلب دعلم پرمسلمان نارينه او مسلمانه ښځه باندې فرض دی.
ددغو ټولو احاديثو څخه دا معلومه شوه چې داسلام مقدس دين دښځو په تعليم باندې زيات اهتمام کړی دی خو دښځو په تعليم کې دا شرط دی چې دهغوې عفت او عزت ته کوم خطر متوجه نه وي او که دتعليم په لار کې دهغوې عفت او شرف ته کوم خطر متوجه وي بيا ئې تعليم ضرور نه دی .

د ښځو د تعليم حق

علامه محمدمعين الدين ابوالفضل،  افغاني کان الله له ودامت برکاته،

بسم الله الرحمن الرحيم

محترمو ورڼو ،د«محمد صلي الله تعالي عليه وسلم   وپېژنۍ» په دغه دريمه برخه کښی هم ځموږ اوستاسی دګران پيغمبردهغومبارکو اونېکو صفتو يوه بله برخه درته ذکر کوم    ،کوم چي په تورات کښي راغلي دي ـ

په (الانوارالمحمديه من المواهب اللدنيه) کښي دابن اسحاق په حواله  په ،۳۷۵، صفحه کښی  راغلي دي  چی په تورات کښي دحضرت محمد صلی الله عليه وسلم يو شمېر مبارک صفتونه په دې ډول راغلي وو

«وأهب له کل خلق کريم ،ثم اجعل السکينة لباسه ،والبرشعاره ،والتقوی ضميره ،والحکمة معقوله، والصدق والوفاء طبيعته ،والعفو والمعروف خلقه، والعدل سيرته ،والحق شريعته ،والهدی ا مامه ،والاسلام ملته ،واحمد اسمه ،اهدي به بعدالضلالة ،وأعلم به بعدالجهالة ،وأرفع به بعدالخمالة ،وأسمي به بعد النکرة، واکثربه بعدالقلة،وأغني به بعدالعيلة،واجمع به بعد الفرقة ،وأُ ؤَلف به بين قلوب مختلفة ،واهواء متشتتة، وامم متفرقة ،واجعل امته خیرامة اخرجت  للناس ـ

دذکرسويوجملومطلب اوخلاصه ، ،

یعني په تورات کښي الله جل جلاله   داسلام دپیغمبر په شان کښي داسي فرمايلي دي چي محمد(صلي الله تعالي علیه وسلم) به داسي رسول  وي چي هرعزتمنداوشریف خوۍ به زه ود ه ته وروبخښم بیابه زه وګرځوم سنګینی اواطمینان لباس اوجامه  دده او نیکي کول به شعاردده وګرځوم اوتقوی اوپرهیزګاري به  ضمیراوزړه دده وګرځوم اوحکمت اودعلم اوعرفان لاري به وده ته ټولي زه وروښیم اورښتیاګوئي اووفاداري به طبیعت دده وګرځوم اوعفوه اونېک کارونه به دمحمد(صلي الله تعالي علیه وسلم)خوۍ اوخصلت  وګرځوم،اوعدل اوانصاف به دده طریقه اولاره کړم اوهدایت به امام اومقتدادده کړم،اواسلام به ملت دده وګرځوم ،اونوم د ده به احمدکړم،اوهدایت به وکړم په ده سره وخلګوته وروسته له  دې څخه چي ټول خلګ به  په ضلالت اوګمراهي کښي واقع سوي وي  ،اوعالمان اوپوهان به کړم دده په سبب ډېرخلګ وروسته له دې څخه چي ټول خلګ به په جهالت اوناپوهي سره مبتلاسوي وي،اوپورته به کړم دده په سبب ډېرخلګ وروسته له دې چي بېقدره سوي به وي،اوډېربه کړم په ده سره صالحان اونېکان خلګ وروسته له  دې چي ډېربه کم  سوي وي،اوغنیان به کړمه په ده سره خلګ وروسته له مسکنته،اوسره راټول به  کړم،متحداومتفِق به کړم په سبب دده خلګ وروسته له دې چي سره جلاجلااوډلي ډلي به سوي وي ،اوالفت مینه  اومحبت به پیداکړم دده په طفیل په منځ کښي دمختلفو زړونواودبېلوبېلو خواهشاتواودمتفرقوډلو،اووبه  ګرځوم امت دده بهترترټولوامتونوـ

محترموورونو داسلام  سترپیغمبر صلی الله علیه وسلم لاودنیاته تشریف نه ووراوړۍ چي یهودانواواهل کتابوله پېړیو پېړیوڅخه په دغه ډول صفاتو سره دَيْ مبارک پېژندۍ همداسبب دۍ چي الله پاک په قرآن کریم کښي فرمایلی  دي

(یعرفونه کمایعرفونَ ابنائهم)

یعني دغه یهودان حضرت محمد صلی الله عليه وسلم داسي پېژني لکه څرنګه چي دوۍ خپل ځامن پېژني ـ
<p style="text-align: left">والسلام ومن الله التوفيق</p>

Articles

Articles