Sifa njema zote ni za Mwenyezi Mungu, Bwana wa viumbe vyote. Na swala na salamu zimshukie Hashimu, Mtume Wake muadhamu (s.a.w.w.), na aali zake kiramu, na wote wenye kufuata nyayo zao. Baina ya tarehe 4 Rabiiul Awwal, 1423 / 17 Mei, 2002 na 7 Jamaadath Thaani, 1423 / 16 Agosti, 2002 nilitoa mfululizo wa makala kumi na tatu juu ya maulidi ya Mtume Muhammad (s.a.w.w.). Katika makala hayo, kwa kujibu hujja zinazotolewa na wale wanaopinga maulidi, nilijaribu kuonyesha kuwa maulidi si bid'a (uzushi) wala si haramu. Ninamshukuru Mwenyezi Mungu (s.w.t.) kwa makala hayo kupokewa vizuri na wote walioyasoma. Na kwa kuitika maombi yao ya makala hayo kuchapishwa kitabu, nina furaha kubwa kuweza kuwatolea kitabu hicho kama walivyotaka. Makala hayo na kitabu hiki kisingetoka kama si kwa msaada wa ndugu kadhaa wa kadhaa waliojitolea kunisaidia. Kwa upande wangu, sina la kuwalipa isipokuwa kuwaombea Mwenyezi Mungu awajazi kila lenye kheri na wao; amin.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

Maulidi si bida si haramu

Kitabu hiki ni mkusanyiko wa baadhi ya mafunzo yake S.A.W. ambayo yanatupa msingi wa yote hayo

hadithi_za_mtume(s.a.w.w)

Kitabu kilichoko mikononi mwako ni Tarjuma ya Qur'an tukufu  Sura_at_Talaaq kilichoandikwa na Al-Marhum Sheikh Abdilahi Nassir (Mwenyezi Mungu amrehemu)

Tafsiri ya Sura at Talaaq

Kitabu kilicho mikononi mwako ni Tarjuma ya Qur'an tukufu ya Juzuu ya Amma kilichoandikwa na Al-Marhum Sheikh Abdilahi Nassir (Mwenyezi Mungu amrehemu)

Tafsiri ya Juzuu ya Amma

Jina

Sura hii imepata jina lake la Al-Ahzaab (makundi) kutoka aya ya 20 ya sura hii. Ilipoteremshwa Kama tunavyojua, Qur’ani Tukufu ina jumla ya sura 114. Sura hizo zimegawanywa mafungu mawili makubwa kwa kutegemea muda ambapo aya zake ziliteremshwa. Zile zilizoteremshwa wakati Bwana Mtume (s.a.w.w.) alipokuwa bado yuko Makka (hajahamia Madina) huitwa Makkiyya (za Makka), na zile zilizoteremshwa baada ya kuhamia Madina
huitwa Madaniyya (za Madina).

Kwa kuwa inazungumzia matukio matatu muhimu katika historia ya Kiislamu, ambayo yote yalitokea baada ya Bwana Mtume (s.a.w.w.) kuhamia Madina, sura hii huitwa Madaniyya. Matukio hayo ni yale ya Vita vya Handaki (au Makundi) vilivyokuwa katika Shawwaal (Mfungo Mosi) ya mwaka wa 5H; mashambulizi ya Banii Quraydhwa yaliyofanywa katika Dhil Qa’dah (Mfungo Pili) ya huohuo mwaka wa 5H; na ndoa ya Bwana Mtume (s.a.w.w.)
kumuowa Bi. Zaynab bt. Jahsh ambayo vilevile ilikuwa katika hiyo Dhil Qa’dah ya mwaka wa 5H.

Yanayozungumzwa humu Ukizitaamali khalfia za sehemu kubwa ya aya zake, utaona kwamba sura hii haikushughulika na muktadha mmoja au maudhui mamoja, bali imeshughulika na maudhui mengi mbalimbali. Mwanzo kabisa (aya ya 1-3) Bwana Mtume (s.a.w.w.) na, kwa kupitia kwake yeye, Waislamu wote wanaamrishwa na kuonywa kwamba wasiwafuate makafiri na wanafiki katika ukafiri na unafiki wao, bali wafuate yale ya Mwenyezi Mungu peke yake na wamtegemee Yeye; wasitegemee nguvu zozote nyengine.

Aya tatu hizo zimetangulizwa ili ziwe ni mwongozo wa kuamulia migongano iliyotokea baina ya Uislamu na ya Ukafiri yanayoelezwa katika aya zinazofuatia. Ili kuyafafanua hayo, aya mbili zinazofuatia (ya 4-5) zinatunabihisha mtu mmoja hawezi kuwa na nyoyo mbili katika kifua kimoja hata aweze kufuata mambo mawili yanayopingana.
Haiwezekani kuyaamini yanayoamrishwa na Uislamu, na wakati huohuo ukayaamini yanayolekezwa na Ukafiri. Ukifanya hivyo, hutakuwa Mwislamu tena, bali utakuwa mnafiki moja kwa moja - sifa ambayo ni mbaya zaidi kuliko ile ya kuwa kafiri!

Kwa msingi huo basi, ndipo Waislamu walipowekewa ile sharia ya kubatilisha dhihaar (tiz. Kidokezo Na. 4 humu) na ile ya kutowafanya watoto wao wa kupanga kuwa sawa na watoto wao khaalisa.

Sura_al_Ahzaab_Tafsiri_na_Maelezo

Kitabu kilichoko mikononi mwako ni kitabu kilichoandikwa kwa lugha ya Kiswahili na Sheikh Abdilahi Nassir kwa jina la “Malumbano Baina ya Sunni na Shia”, Kitabu hiki, “Malumbano Baina ya Sunni na Shia “ ni matokea ya khutba zake nyingi zenye kuelimisha, nyingi zikuwa kwenye kanda za kaseti na CD, mihadhara, darasa zake na tafakari ya muda mrefu.

Malumbano sio ugomvi (wanavyoweza kutafsiri watu wengine) bali ni kuulizana maswali na kujibizana kwa njia ya kistaarabu, hoja, elimu na akili. Na hivi ndivyo alivyofanya Sheikh wetu huyu kwa kuandika kitabu hiki kwa mtindo wa maswali na majibu, ili kumfanya msomaji aelewe upande ule una maswali gani na upande huu una majibu gani kuhusu maswali hayo. Na kama alivyoeleza Sheikh katika utangulizi wake kwamba njia hii huenda ikamsaidia Shia anapokabiliwa na maswali kama haya, bali pia itamsaidia Sunni kuelewa sababu za Mashia kuamini wanayoamini.
Na sisi tuko pamoja na Sheikh katika hili.

Malumbano baina ya Sunni na Shia

KIISLAMU. SHEREHE ZA MAULIDI NI ZENYE KUPEWA KIPAU MBELE SANA NA WATU WA MUAMBAO WA AFRIKA YA MASHARIKI, SABABU KUU ILIYO WAFANYA WAO KUWA NA SHAUKU YA MAULIDI KILA IFIKAPO MFUNGUO SITA, NI KULE KUWA WAO, NI WAISLAMU WENYE MAPENZI NA MTUME WAO.
KATIKA ZAMA ZA MIAKA KAMA ISHIRINI AU KUMI NA TANO ILIYOPITA, KULIANZA KUINGIA VURUGU LA BAADHI YA WAISLAMU WENYE SIASA KALI, LILILOWATANGAZIA WENGINE UHARAMU WA MAULIDI, HAIDHURU KATIKA USEMI WAO HUO, HUWA WANATOA DALILI MBALI MBALI, LAKINI WAKATI MWENGINE DALILI ZAO HUWA HAZIKUBALIKI KIMANTIKI.
KITABU HIKI KILICHOKO MIKONONI MWENU NI KITABU KILICHO KUSANYA JUMLA YA MAKALA MABALI MBALI ZILIZITAYARISHWA NA SHEIKH ABDILLAHI NAASIR, KWA AJILI YA KUJIBU HOJA MBALI MBALI ZA WAPINGAJI WA MAULIDI. NA MIMI KWA UPANDE WANGU NIMEAMUA KUUWEKA UTANGULIZI HUU, ILI TU NIWEZE KUTOA MTAZAMO WA SUALA HILI LILIVYO INGAWAJE NI KWA UFUPI KABISA. NINATARAJI WAISLAMU WENZETU WATAFAIDIKA NA MAELEZO HAYA, NA WATALITUMIA JICHO LA KUTAFAKARI KATIKA KUYAANGAZA YALIOMO NDANI YA MAKALA HIZI. NINAMUOMBA MOLA MTUKUFU ATUNUSURU NA SHARI ZA UJINGA WETU, NA ATUPE UFUNUO WA ELIMU ITOKAYO MBINGUNI. KWANI YEYE TU NDIYE MJUZI NA KIONGOZI WA WACHA MUNGU.
AAMIN YAA RABBAL AALAMIIN.

Translated Fields

Rate

Votes

Jawabu kwa wapinga Maulidi

Sheikh Abdillahi Nassir

Marehemu Sheikh Abdillahi Nassir alizaliwa Mombasa tarehe 1 Juni 1932. Alijiunga na madrasa kwa ajili ya mafunzo ya awali ya Dini ya Uislamu akiwa na umri wa miaka 4 mnamo mwaka 1936 na kuendelea hadi mwaka 1946. Kadhalika alisoma shule ya msingi ya Arab Boys Primary School mwaka 1941 hadi mwaka 1949 kabla ya kwenda Zanzibar kujiunga na Chuo cha Ualimu cha Bet El Ras Teacher Training College mwaka 1950 hadi mwaka 1951.

Aliporudi Mombasa alifundisha shule ya msingi ya Arab Boys Primary School hadi mwaka 1954 alipolazimika kuacha kazi kwa sababu ya kuumwa, Alipopata nafuu alijiunga na chuo cha Mombasa Institute of Muslim Education akiwa karani wa hesabu na mwalimu wa muda wa dini katika chuo hicho na hayo ni mwaka 1955 hadi mwaka 1957.

Ikumbukwe kuwa marehemu Sheikh Abdillahi Nassir alijitumbukiza katika siasa za kudai uhuru wa Kenya kati ya mwaka 1957 na mwaka 1963 ambapo alichaguliwa katika Baraza la Kenya la Kutunga Sheria ambapo alihudumu kati ya mwaka 1961 hadi mwaka 1963 na alihudhuria mkutano wa kihistoria kuhusu Katiba ya Kenya uliofanyika Lancaster House, jijini London, nchini Uingereza mwaka 1963.

Mwaka 1964 hadi mwaka 1965 marehemu Sheikh Abdillahi Nassir alihudumu akiwa msimamizi wa lugha ya Kiarabu na Kiswahili katika shirika la utangazaji la BBC katika ofisi zake za Nairobi, Kenya.

Baadaye mwaka 1965 hadi mwaka 1973, Sheikh Abdillahi Nassir alijiunga na kuhudumu katika shirika la Oxford University Press, akiwa mhariri wa Kiswahili katika ofisi yake ya Nairobi, Kenya.

Mwaka 1973 marehemu Sheikh Abdillahi Nassir aliachana na shirika la Oxford Universitry Press na kuasisi kampuni yake ya uchapishaji – Shungwaya Publishers Limited.

Mwaka 1974 Shirika la Oxford University Press lilimuajiri marehemu Sheikh Abdillahi Nassir kuwa meneja mkuu wa ofisi yake ya Nairobi ambapo alihudumu kati ya mwaka 1974 hadi mwaka 1977.

La kuzingatia ni kuwa marehemu Sheikh Abdillahi Nassir aliyeshiriki harakati za siasa za kudai uhuru wa Kenya, mara tu baada ya uhuru wa Kenya aliachana na mambo ya siasa kwa sababu ya kutoridhishwa na mwenendo wa siasa za Kenya wakati huo.

Historia inashuhudia kuwa marehemu Sheikh Abdillahi Nassir baada ya yote hayo yaliyoelezwa alijikita katika shughuli za dini akisomesha, akiandika makala mbalimbali na kutoa mihadhara katika maeneo mbalimbali ikiwemo kuwa mwakilishi wa Afrika Mashariki wa Shirika la kidini lenye makao makuu yake nchini Saudi Arabia – World Assembly of Muslim Youths.

Katika upande wa lugha ya Kiswahili, marehemu Sheikh Abdillahi Nassir atakumbukwa kuwa mwandishi wa ‘A Concise Dictionary of English – Swahili Idioms’ pamoja na kuandika vitabu mbalimbali kama vile:
Tafsiri ya Juzuu ya 'Amma.
Tafsiri ya Sura At-Talaq.
Shia na Qur'ani: Majibu na Maelezo.
Shia na Sahaba: Majibu na Maelezo.
Shia na Hadith: Majibu na Maelezo.
Maulidi: Si Bida, Si Haramu.
Ukweli wa Hadith ya Karatasi.
Mut'a Ndoa ya Halali.
Shia na Taqiya: Majibu na Maelezo.
Malumbano Baina ya Sunni na Shia.
Sura Al-Ahzab: Tafsiri na Maelekezo.
Yazid Hakuwa Amirul-Mu'minin.
Hadith Al-Thaqalayn: Hadith Sahihi.
Ahlul Bayt: Ni Nani, Si Nani.
&nbsp;

Abdillahi Nassir

Born:

Death:

Abdillahi Nassir

Author Books