پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

is suggested

Rate

View

Votes

ذاکری کی دوسری کتاب حصہ اول

پردہ کے سوال نے اس وقت سے بہت اہمیت اختیار کرلی جب سے مغربی تمدن کے اثرات مشرقی ممالک پر پڑنے لگے اور جتنے یہ اثرات بڑھتے گئے اتنا ہی اس سوال کی اہمیت میں اضافہ ہوتا گیا اور ان تمام مسائل میں جو تمدن قدیم اور تمدن جدید کے درمیان معرض بحث میں آئے اس سوال کو بڑی اہمیت حاصل ہے اس لیے کہ دوسرے سوالات محدود طبقہ اور محدود حالات سے متعلق تھے لیکن یہ ایک ایسی چیز ہے جس کا ثر نصف بلکہ نصف سے زیادہ نوع انسانی کے حالات اور طرز زندگی پر پڑتا ہے۔
پھر جب سے ممالکِ اسلامیہ میں پردہ کے خلاف انقلاب برپا ہوا جس میں مصر کا نمبر پہلا اور ٹرکی کا دوسرا اور ایران کا تیسرا ہے، اس سے دوسرے ممالک مثلاً عراق و شام اور حجاز بھی متأثر ہوئے اور اُس کے اثرات دوسرے ممالک بالخصوص ہندوستان کے مسلمانوں پر پڑنا لازمی تھے۔
سرکار سید العلماء کے افادات میں سے یہ مجموعہ "پردے" کے موضوع پر بڑی اہمیت کا حامل مجموعہ ہے جس میں اس موضوع پر سیر حاصل گفتگو کی گئی ہے۔

اثبات پردہ

موجودہ رسالہ سید العلماء کے نفیس قلم سے نکلے مقالات کا مجموعہ ہے جس میں "اسلام اور وحدت ادیان" "معیار فلاح و نجات" "اسلام عہد حاضر میں" "قانونِ شریعتِ اسلامی میں ترمیم کے بارے میں ہمارا نظریہ" "خدا اور مذہب" جیسے مقالات شامل ہیں۔

زندہ سوالات (مجموعۂ مقالات)

زیر نظر رسالہ سرکار سید العلماء کی ایک تقریر کا خلاصہ ہے جو اکتوبر ۵۴عیسوی میں آپ نے ممتاز محل لکھنؤ میں ارشاد فرمائی تھی۔
واقعۂ کربلا پروردگارِ عالم کے سلسلۂ ہدایت کی اہم کڑی ہے۔ امام حسین علیہ السلام تبلیغ اسلام کے لیے تمام انبیاء علیہم السلام کے وارث ہیں جبھی تو عزاداری کے لیے روزِ جزا نہایت گراں قدر اجر و جزا کے وعدے کیے گئے ہیں اور وعدہ ان کی زبانی جو دنیا کے صادق ترین ہادی تھے۔ عزادارئ امام حسینؑ ایسا عملِ خیر ہے جو نگاہِ خدا و رسول صلی اللہ علیہ وآلہ اور آئمہ علیہم السلام میں نہایت درجہ پسندیدہ اور مقبول ہے اور باعثِ بخشش اس لیے کہ تمام اسلام اس میں سمٹ کر سمو جاتا ہے۔ یہی وہ ذکر ہے جس پر تمام اقوامِ عالم متفق ہیں اور عزائے حسین علیہ السلام ہی ملل مختلفہ میں نقطۂ اتحاد ہے۔ مگر قرآن پر اعتراض کی طرح بعض حضرات کو عزاداری پر بھی اعتراض ہے۔
زیر نظر رسالہ میں ایک اعتراض کا جواب دیا گیا ہے اور قرآن مجید کے معیار گریۂ سنت و سیرت رسول پاکؐ سے تاریخی شواہد کی روشنی میں یہ ثابت کیا ہے کہ شہداء راہِ خدا کا ماتم مزاجِ اسلام کے عین مطابق ہے اور ماتم کی مخالفت رسول پاکؐ کے اسوہ و احکام سے بغاوت ہے۔
اہل عزاء کو چاہیئے کہ اس رسالۂ نافعہ کی کثرت سے اشاعت کریں تاکہ ماتم کرنے والے اپنے اجر جزیل سے واقف ہوں اور مخالفت کرنے والے ذرا سمجھ کر بغاوت احکامِ رسول صلی اللہ علیہ وآلہ وسلم کریں اور نتیجے کے لیے تیار رہیں۔

زندۂ جاوید کا ماتم

اس کتاب میں متوسط درجہ کے واعظین کے لحاظ سے عشرۂ محرّم کی تاریخوں کے موافق ایسے مسوّدے درج ہیں جو نہ زیادہ طولانی ہیں نہ زیادہ مختصر۔ تمہیدی مضامین اور ربط مصائب لاجواب ہیں۔
اس کتاب میں دس مسوّدے عشرۂ محرّم کی تاریخوں کے لحاظ سے اُن ذاکرین کے لیے لکھے گئے ہیں جو تھوڑا طولانی بیان کے عادی ہیں اور اوسط درجہ کی علمی استعداد بھی رکھتے ہیں "ذاکری کی پہلی کتاب" کے موّدوں سے ان موّدوں کا معیار ایک حد تک بلند رکھا گیا ہے۔

ذاکری کی دوسری کتاب، ج ۱

اصول دین میں توحید کو پہلا درجہ حاصل ہے جب تک توحید کی حقیقی معرفت نہ ہوگی ایمان کامل نہیں ہوسکتا۔ سرکار سید العلماء نے اس کتابچہ میں صفات سلبیہ اور صفات ثبوتیہ کی اختصار کے باوجود نہایت واضح الفاظ میں توضیح فرمائی ہے اور یہ ثابت فرمایا ہے کہ توحید کے متعلق اسلام کے حقیقی رہنماؤں کی تعلیمات کو پیش نظر رکھا جائے گا تو خدا کی سچی معرفت حاصل ہوگی۔

ذات و صفات

رسول خدا(ص) کی فریقین سے مروی اس روایت کے مطابق کہ جو شخص اس دنیا میں اپنے زمانے کے امام کو پہچانے بغیر مر جائے اس کی موت جاھلیت کی موت ہے، اگر چہ امام زمانہ(ع) کی تفصیلی معرفت تو میسر نہیں ہے لیکن اجمالی معرفت کو بیان کیا گیا ہے۔ ہر زمانے میں امامِ معصوم کی ضرورت، عقلی ونقلی دلائل کے ذریعہ بحث ِ امامت میں ثابت ہو چکی ھے۔۔امام زمانہ(عج) کے وجود کو کئی دلایل کے ذریعہ ثابت کیا جا سکتا ہے ان میں سے کچھ عقلی میں اور کچھی قران وحدیث سے۔شیعہ سنی احادیث کی معتبر کتابوں میں رسول اللہ صلی اللہ علیہ وآلہ نے فرمایا :"میرے بارہ جانشین اور خلیفہ ہوں گے اور وہ سب کے سب قریش اور بنی ہاشم میں سے ہوں گے اور جب تک ان بارہ میں سے ایک اس دنیا میں موجود ہوں ، تو یہ دین اسلام اور مسلمان عزیز اور سرافراز رہیں گے" ۔بعض اہل سنت اور تمام شیعہ معتبر کتابوں میں ان بارہ افراد کانام ، کنیت اور شکل و شمایل کے ساتھ تعارف ہوا ہے۔ اجمالی طور پر خلاصہ یہ ھے کہ نبوت ورسالت کا دروازہ پیغمبر خاتم(ص) کے بعدھمیشہ ھمیشہ کے لئے بند ہو چکا ھے۔ لیکن قرآن کو سمجھنے کے لئے، جو آ نحضرت(ص) پر نازل ہوا ھے اور ھمیشہ کے لئے انسان کی تعلیم وتربیت کا دستور العمل ھے، معلم ومربی کی ضرورت ھے۔ وہ قرآن، جس کے قوانین مدنی البطع انسان کے حقوق کے ضامن تو ھیں لیکن ایک مفسراور ان قوانین کو عملی جامہ پھنانے والے کے محتاج ہیں۔
سید العلماء کے رشحات قلم کا ایک اور شاہکار امام زمانہ علیہ السلام کے وجود مبارک پر دلائل و براہین کی شکل و صورت میں آپ کے سامنے ہے۔

وجود حجت

آپ کی ولادت۲۶؍ رجب ۱۳۲۳ھ  مطابق 1905ء ھندوستان کے سر زمین علم ادب شہرلکھنؤ میں ہوئی، آپ والد ممتاز العلماء ابو الحسن عرف منن صاحب کہ جوشمس العلماء سید ابراہیم بن جنت مآب سید تقی بن سید العلماء سید حسین علیین مکان ابن غفران مآب دلدار علی کے فرزند تھے۔
جب آپ کی  ۳ یا ۴ سال کے تھے تو آپ کے والد محترم ۱۳۲۷ھ میں تکمیل علوم دینیہ کے لئے مع متعلقین نجف اشرف عراق تشریف لے گئے تھے۔
اور جب آپ کی عمر ۹ برس کی تھی تب  ۱۳۲۳ھ  میں آپ کے والد محترم  ہندوستان واپس آئے. اور اسی درمیان آپ صرف ونحو کی ابتدائی کتابیں ختم کر دی تھی. لکھنؤ واپس آ کر آپ کے والد محترم  نے آپ کی تعلیم اپنے ذمے رکھی. والد کی علالت کے زمانہ میں آپ کے برادر معظم مولانا سید محمد عرف میرن صاحب آپ کو علم دین سے مزیّن کیا۔
اس کے بعد آپ  مدرسہ ناظمیہ اور مدرسہ سلطان المدارس میں جناب نجم الملۃ ، جناب باقر العلوم  صاحب سے تعلیم حاصل کی اور آپ نے مدرسہ ناظمیہ کے "فاضل" اور سلطان المدارس کے "سند الافاضل" کا ایک ہی ساتھ امتحان دیا. پھر دوسرے سال دونوں درجوں کے ضمیموں کا اور تیسرے سال "ممتاز الافاضل" اور "صدر الافاضل" کاایک ساتھ ہی امتحان دیا.
طالب علمی میں ہی سر فراز لکھنؤ،الواعظ لکھنؤ اور شیعہ لاہور میں آپ کے علمی مضامین شائع ہونے لگے تھے. ۳ یا ۴ کتابیں بھی عربی اور اردو میں اسی زمانے میں شائع ہوئیں. تدریس کا سلسلہ بھی جاری تھا. کچھ عرصے تک بحثیت مدرس ناظمیہ میں بھی معقولات کی تدریس کی اس دور کے شاگردوں میں مولانا محمد بشیر صاحب فاتح ٹیکسلا. علامہ سید مجتبی حسن صاحب کاموں پوری اور جناب حیات اللہ انصاری شامل تھے.
عربی ادب میں آپ کی مہارت اور فی البدیہ قصائد ومراثی لکھنے کے اسی دور میں بہت سے مظاہرے ہوئے اور عربی شعر وادب میں آپ کے اقتدار کو شام، مصر اور عراق کے علماء نے قبول کیا. اسی مہارت کو قبول کرتے ہوئے علامہ امینی نے آپ کے قصائد کے مجموعے میں سے حضرت ابو طالب کی شان میں آپ کے قصیدے کو (الغدیر) میں شامل کیا اور آقای بزرگ تہرانی طاب ثراہ نے شیخ طوسی کے حالات کو آپ ہی کے لکھے ہوئے مرثیے پر ختم کیا ہے .
اسی طرح آپ کی مزید علمی صلاحیتوں کا مشاہدہ عراق میں حصول علم کے ان ایام کی تالیفات سے کیا جا سکتا ہے جہاں آپ نے سب سے پہلے "وہابیت" کے خلاف ایک کتاب تصنیف کی جو بعد میں " کشف النقاب عن عقائد ابن عبدالوهاب "کے نام سے شائع ہوئی. عراق وایران کے مشہور اہل علم نے اس کتاب کو ایک شاہکار قرار دیا. دوسری کتاب " اقالۃ العاثر فی اقامۃ الشعائر" حضرت امام حسین ؑ کی عزاداری کے جواز میں اور تیسری کتاب " السیف الماضی علی عقائد الاباضی  کےنام سے چار سو صفحات پر مشتمل کتاب خوارج کے رد میں لکھی.
آپ نے اپنی زندگی میں دو مرتبہ عراق تشریف لے گئے۔ پہلی مرتبہ اپنے والد محترم کے ساتھ گئے اور دوسری مرتبہ ۱۳۴۵ھ مطابق ۱۹۲۷ء میں تکمیل علوم دینیہ کے لئے نجف اشرف عراق تشریف لے گئے. آپ نے وہاں صرف پانچ سال کا عرصہ گزارا. اور ان پانچ برسوں میں آپ نے اصول و فقہ اسلامی میں وہ ملکہ حاصل کیا کہ اس دور میں آپ کی علمی صلاحیتوں کو دیکھتے ہوئے اس زمانے کے ۳/ مجتہد یعنی "آیۃ اللہ اصفہانی"، "آیۃ اللہ نائینی" اور "آیۃ اللہ سید ضیاء الدین عراقی" نے آپ کو واضح الفاظ میں اجتہاد کے اجازے دے کر آپ کی علمی صلاحیتوں کا اعتراف کیا. علم کلام اور دفاع مذہب میں آپ کی مہارت کا لوہا "سید محسن امین عاملی"، "شیخ جواد بلاغی"، "محمد حسین کاشف الغطاء"' اور " سید عبد الحسین شرف الدین موسوی" نے مان لیا۔
آپ کو درج ذیل شخصیات نے اجازۂ اجتہاد سے نوازا:
آیۃ اللہ اصفہانی،آیۃ اللہ نائینی،آیۃ اللہ سید ضیاء الدین عراقی،آیت اللہ شیخ عبد الکر یم یزدی حائریؒ (مؤسس حوزہ علمیہ قم)،آیت اللہ محمد حسین اصفہانیؒ،آیت اللہ ابراہیم معروف بہ میراز آقائے شیرازیؒ،آیت شیخ ہادی کاشف الغطاءؒ،آیت اللہ میرزا علی یزدانیؒ،آیت اللہ شیخ محمدحسین تہرانیؒ،آیت اللہ شیخ کاظم شیرازیؒ،آیت اللہ میرزا ابو الحسن مشکینیؒ،آیت اللہ سید سبط حسن مجتہدؒ۔
عراق سے واپسی کے کچھ عرصہ بعد ۱۹۳۲ء میں آپ لکھنؤ یونیورسٹی کے شعبۂ عربی سے وابستہ ہوگئے اور "ستائیس برس" تک طلباء کو فیض پہنچاتے رہے۔ پھر ۱۹۵۹ء میں علی گڑھ یونیورسٹی نے آپ کو شیعہ دینیات کے شعبے میں بحیثیت ریڈر مدعو کیا اور آپ علی گڑھ منتقل ہوگئے. پھرآپ شیعہ دینیات کے پروفیسر بنائے گئے. ریٹائرمنٹ کے بعد آپ نے علی گڑھ ہی میں سکونت اختیار کرلی.
آپ میں خطابت کا ایک خاص رنگ تھا جو عبارت آرائی وسستی نکتہ آفرینی کے بجائے علم اور تحقیق پر مبنی تھا. اور ایک گھنٹہ کی مجلس میں حقائق کے کتنے دروازے وا ہوجاتے تھے ان کی تقریر اور تحریر میں بہت کم فرق ہوتا تھا. اورآپ کی تقریروں میں دوسری خاص بات یہ تھی کہ ہرمذہب وملت کا ماننے والا اسے اطمینان قلب کے ساتھ سن سکتا تھا. اور فیض یاب ہو سکتاتھا. آپ کے کسی بھی  جملہ سے کسی کی دل آزاری کا خطر ہ نہیں تھا۔
 ۱۹۷۷ء میں لکھنؤ کے کچھ شرپسندوں نے آپ کے لکھنؤ کے مکان میں آگ لگادی. جس میں ہزاروں قیمتی کتابیں جل کر راکھ ہوگئیں. اس میں آپ کے عربی تصانیف کے غیر مطبوعہ مسودات بھی تلف ہوگئے جن کا انھیں آخر عمر تک صدمہ رہا.
بالآخرآپ یکم شوال روزعید الفطر ۱۴۰۸ھ/۱۸مئی ۱۹۸۸ء کو لکھنؤ میں رحلت فرمائی۔ اور آپ وہیں سپر د خاک کئے گئے۔

سید علی ‌نقی نقوی (نَقّن)

Born:

Death:

سید علی ‌نقی نقوی (نَقّن)

Author Books