<header class="HeaderContentArticle c0c7990 dr tr bold"></header><article class="TextContentArticle dr tr c85 lh2-5 mt10">آپ کی نصیحتیں

امام نے ابراہیم بن ابی محمود کو یوں وصیت فرمائی:''مجھے میرے والد بزرگوار نے انھوں نے اپنے آباء و اجداد سے اور انھوں نے رسول اسلام ۖ سے نقل کیا ہے :جس نے کسی کہنے والے کی بات کان لگا کر سنی اس نے اس کی عبادت کی ،اگراس کہنے والے کی گفتگوخدا ئی ہے تو اُ س نے خدا کی عبادت کی اور اگراس کی گفتگو شیطانی ہے تو اس نے ابلیس کی عبادت کی یہاں تک کہ آپ نے فرمایا :اے ابو محمود کے فرزند : میںنے جو کچھ تم کو بتایا ہے اس کو یاد رکھو کیونکہ میں نے اپنی اس گفتگو میں دنیا و آخرت کی بھلا ئی بیان کر دی ہے''۔(١)

اس وصیت میں بیان کیا گیا ہے کہ اہل بیت کی اتباع اُن کے طریقہ ٔ کار کی اقتدا اور ان کی سیرت سے ہدایت حاصل کرنا واجب ہے ،بیشک اس میں نجات ہے اور ہلاکت سے محفوظ رہنا ہے اور اللہ کی راہ میں بڑی کا میابی ہے ۔

٢۔مالدار اور فقیر کے درمیان مساوات

امام رضا علیہ السلام نے اپنے اصحاب کو سلام کے ذریعہ مالدار اور فقیر کے درمیان مساوات کر نے کی سفارش فرما ئی ہے :''جوشخص مسلمان فقیرسے ملاقات کرتے وقت اس کو دولت مند کو سلام کر نے کے علاوہ کسی اورطریقہ سے سلام کر ے تو خداوند عالم اس سے غضبناک ہونے کی صورت میں ملاقات کرے گا'' ۔(٢)

٣۔مومن کے چہرے کا ہشاش بشاش ہونا

امام رضا نے اپنے اصحاب کو وصیت فرما ئی کہ مو من کا چہرہ ہشاش بشاش ہونا چا ہئے اس کے بالمقابل اس کا چہرہ غیظ و غضب والا نہیں ہو نا چاہئے امام فرماتے ہیں :

''جس نے اپنے مومن بھا ئی کو خوش کیا اللہ اس کے لئے نیکیاں لکھتا ہے اور جس کے لئے اللہ نیکیاں لکھ دے اس پر عذاب نہیں کرے گا''۔ (3)

یہ وہ بلند اخلاق ہیں جن کی ائمہ اپنے اصحاب کو سفارش کیا کرتے تھے تاکہ وہ لوگوں کیلئے اسوئہ حسنہ قرار پا ئیں ۔

٤۔عام وصیت

امام نے اپنے اصحاب اور باقی تمام لوگوں کو یہ بیش قیمت وصیت فرما ئی :''لوگو ! اپنے اوپر خدا کی نعمتوں کے سلسلہ میں خدا سے ڈرو ،خدا کی مخالفت کے ذریعہ خدا کی نعمتوں کو خود سے دور نہ کرو ،یاد رکھو کہ خدا و رسول پر ایمان اور آل رسول میں سے اولیائے الٰہی کے حقوق کے اعتراف کے بعد کسی ایسی چیز کے ذریعہ تم شکر الٰہی بجا نہیں لاسکتے جو اس بات سے زیادہ پسندیدہ ہو کہ تم اپنے مومن بھائیوں کی اُس دنیا کے سلسلہ میں مدد کروجو اُن کے پروردگار کی جنت کی جانب تمہارے لئے گذر گاہ ہے جو ایسا کرے گا وہ خاصانِ خدا میں سے ہوگا ''۔(4)

اس وصیت میں تقوائے الٰہی ،بھا ئیوں کی مدد اور اُ ن کے ساتھ نیکی کرنے کی سفارش کی گئی ہے ۔

<strong>کلمات قصار</strong>

امام رضا کے حکمت آمیز کلمات قصارچمکتے ہوئے ستاروں کی طرح حکمتوں سے پُر ہیں :

١۔امام نے فرمایا ہے :''اگر کو ئی ظالم و جابر بادشاہ کے پاس جائے اور وہ بادشاہ ان کو اذیت و تکلیف دے تو اس کو اس کو ئی اجر نہیں ملے گا اور نہ ہی اِس پر صبر کرنے سے اس کو رزق دیا جا ئے گا ''۔(5)

٢۔امام رضا کا فرمان ہے :''لوگوں سے محبت کرنا نصف عقل ہے ''۔(6)

٣۔امام رضا فرماتے ہیں :''لوگوں پر ایک ایسا زمانہ آئے گا جس میں عافیت کے دس جزء ہوں گے جس میں نو حصے لوگوں سے الگ رہنے میں ہوں گے اور ایک حصہ خا مو شی میں ہو گا ''۔(7)

٤۔امام رضا فرماتے ہیں :''بخیل کے لئے چین و سکون نہیں ہے اور نہ ہی حسود کے لئے لذت ہے ،ملو ل رنجیدہ شخص کے لئے وفا نہیں ہے اور جھوٹے کے لئے مروَّت نہیں ہے ''۔(8)

٥۔امام رضا فرماتے ہیں :''جس نے مو من کو خوش کیا خدا قیامت کے دن اُس کو خو شحال کرے گا''۔(9)

٦۔امام رضا فرماتے ہیں :''مو من، مومن کاسگا بھا ئی ہے ،ملعون ہے ملعون ہے جس نے اپنے بھائی پر الزام لگایاملعون ہے ، ملعون ہے جس نے اپنے بھا ئی کو دھوکہ دیا ، ملعون ہے ،ملعون ہے جس نے اپنے بھا ئی کو نصیحت نہیں کی ،ملعون ہے ملعون ہے جس نے اپنے بھائی کے اسرارسے پردہ اٹھایا ،ملعون ہے ملعون ہے جس نے اپنے بھا ئی کی غیبت کی ہے ''۔(10)

..............

١۔وسائل الشیعہ، جلد ١٨صفحہ ٩٢۔

٢۔وسائل الشیعہ ،جلد ٨ صفحہ ٤٤٢۔

3۔وسائل الشیعہ ،جلد ٨ صفحہ٤٨٣۔

4۔در تنظیم ،صفحہ ٢١٥۔

5۔تاریخ یعقوبی ،جلد ٣صفحہ ١٨١۔

6۔بحارالانوار ،جلد ٧٨ صفحہ ٣٣٥۔

7۔تحف العقول ،صفحہ ٤٤٦۔

8۔تحف العقول ،صفحہ ٤٤٦۔

9۔وسائل الشیعہ ،جلد ١٢ صفحہ ٥٨٧۔

10۔وسائل الشیعہ ،جلد ٨ صفحہ ٥٦٣۔

&nbsp;

&nbsp;
<div></div>
<a href="http://www.fazael.com/" target="_blank">
منبع : http://www.fazael.com</a></article>

Common title

View

امام رضا علیہ السلام کی چند نصحتیں اور فرامین

<header class="HeaderContentArticle c0c7990 dr tr bold">امام رضا (ع) کي شخصيت سياسي</header><article class="TextContentArticle dr tr c85 lh2-5 mt10">حضرت امام رضا (ع) کا مامون رشيد کي ولي عہدي قبول کرنا امور مملکت ميں ائمہ کي شراکت کا ايک منفرد واقعہ ہے- امام (ع) کے اس فيصلہ کے محرکات سمجھنے کے لئے جب ہم ائمہ حقہ کے 350 سالہ تاريخ کا مطالعہ کرتے ہيں تو ايک بدلتا ہوا نقشہ نظر آتا ہے جس ميں ہر امام نے اپنے دور کي حالات کے تقاضوں کے تحت ايک خاص حکمت عملي اختيار کيا- مثلاً علي (ع) نے 34 سال خاموشي کے بعد اپنے زمانہ ميں معاشرہ کي اصلاح، مخالفين سے جنگ اور مشکل فيصلوں کو امت کي اخلاقي، علمي اور اجتماعي رہنمائي کے لئے ضروري سمجھا (نہج البلاغہ) امام حسن (ع) نے معاويہ کے ساتھ صلح کو ناگزير جانا، اس کے برعکس حسين (ع) ابن علي (ع) نے شرائط صلح کي خلاف ورزي پر ايک نئے عنوان سے ہجرت اور جہاد کے ذريعہ حق اور باطل کے درميان خط کھينچا، ليکن بعدِ کربلا امام سجاد (ع) نے ہدايت کے پيغام کو دعاؤں کے پيرا ہن ميں ملبوس کرديا جبکہ امام صادقين (ع) نے اموي اور عباسي خلافتوں کے درميان انتقال اقتدار کي کشمکش کے وقفہ کو علوم و معارف اسلامي اور فقہ محمدي کي ترويج و اشاعت کے لئے بھر پور استعمال کيا، امام موسيٰ کاظم (ع) اور امام رضا (ع) کے بعد ائمہ نے بغداد اور سامرہ کے قيد خانوں کي گوشہ نشيني سے پيغام حق پہونچا يا جبکہ امام رضا (ع) نے ولي عہدي قبول کر کے ايک منفرد اقدام کيا- اگر حالات کے تناظر ميں ائمہ کے عمل ميں واضح فرق نظر آتا ہے تو يہ نہ تو ان کي صلاحيت يا فہم ميں فرق کي نشاندہي ہے اور نہ فکر کا اختلاف ہے کيونکہ اہل بصيرت جانتے ہيں کہ يہ تمام ہستياں اپنے مقصد و ہدف ميں متحد تھے، ہر ايک کا مقصد صرف خدا کي ذات، اس کے دين کي ترويج اور کتاب اور سنت کے ذريعہ بندوں کي ہدايت و رہنمائي کے سلسلہ کي حفاظت کرنا تھا جس کے لئے سيد الشھداء (ع) نے عظيم قرباني دي تھي-

اس ضمن ميں ڈاکٹر علي شريعتي اپني کتاب ''تشيع'' ميں لکھتے ہيں کہ امام صادق (ع) کے بعد تقريباً 50 سال کے عرصہ ميں استعماري قوتوں کے پروپيگنڈہ کے تحت عوام واقعہ کربلا کي اہميت سے بے بہرہ ہورہے تھے اور تشيع کي تحريک اور اہلبيت کے علمي اور فکري جہادوں کي ياد محو ہو رہي تھي، اس لئے امام رضا (ع) کے لئے ضروري تھاکہ ايسي حکمت عملي اختيار کريں کہ ائمہ کي گذشتہ 5 نسلوں کے تاريخي فاصلوں کو قريب لاسکے-

امام صادق (ع) کے بعد مدينہ کي مرکزي حيثيت اور افاديت ختم ہوچکي تھي اور يہ ايک زيارت گاہ کي حد تک باقي رہ گيا تھا جبکہ امام رضا (ع) اپنا پيغام سارے عالم اسلام کو سنانا چاہتے تھے- جس کے لئے امام (ع) کو ايک مرکزي مقام کي ضرورت تھي- (سيدمحمد موسيٰ رضوي) اس صورت حال کو جب ہم امام (ع) کے نکتہ نظر سے ديکھتے ہيں تو امام (ع) جانتے تھے کہ ولي عہدي کي پيشکش ميں مامون قطعي مخلص نہيں تھا بلکہ وہ امام کو اپنے اور بني عباس کے مخالفين بغداد کے علويوں اور خراسان کي تحريکوں کے مقابل بطور بند باندھنا چاہتا تھا- ليکن امام (ع) نے اپني سياسي بصيرت سے يہ فيصلہ کيا کہ اس موقع کو جو دشمن نے اپني احتياج کے تحت فراہم کيا ہے خود اس کے خلاف استعمال کريں اور شيعيت کي تحريک کو زندہ کريں يہ بھي امکان تھا کہ اگر وہ مامون کي پيشکش قبول نہ کرتے تو وہ يا تو قيد کرديئے جاتے يا قتل کر ديئے جاتے جو اس زمانہ کا معمول تھا- امام رضا (ع) مامون کے خلاف کسي فوج کشي کي تياري نہيں کر رہے تھے بلکہ جس علمي مبارزہ کے ذريعہ وہ پيغام حق پہونچانا چاہتے تھے اس کےلئے ايک موافق ماحول کي ضرورت تھي- امام رضا (ع) بھي خود اپنے علم امامت سے جانتے تھے کہ وہ اس نوعيت کي خلافت کے لئے ناموزوں ہونگے، جو مامون پيش کر رہا تھا اور ان کے لئے دائرہ امامت سے بالکل باہر آجانا مناسب نہيں ہوگا اس لئے امام (ع) نے مامون رشيد کي خلافت کي پيشکش کي سختي سے مخالفت کي- اس ضمن ميں امام (ع) اور مامون رشيد کے درميان طويل گفتگو ہوئي بالآخر مامون کے شديد اصرار پر آپ (ع) نے فرمايا کہ'' خدا نے انسان کو اپنے آپ کو ہلاکت ميں ڈالنے سے منع کيا ہے- ''( اشارہ قتل کا امکان ہے) لہٰذا امام (ع) نے مشروط ولي عہدي قبول کي کہ وہ حکومتي کاروبار سے عليحدہ رہيں گے- لفظي يا عملي امرو نہي کو انجام نہيں ديں گے- ( احکامات صادر کرنا) اور صرف دور سے رہنمائي کے فرائض انجام ديں گے- (جليل عرفان)

اس منزل پر مکتب اہلبيت اور ان کے مزاج سے واقف افراد يہ سمجھنا چاہيں گے- کہ حکومتي عہدہ قبول کرنا ائمہ گزشتہ کا شيوہ نہيں رہا تھا تو امام (ع) نے ايسا کيوں کيا؟

ذيشان حيدر جوادي نے نقوش عصمت ميں ولي عہدي کے موضوع کا مامون اور امام رضا (ع) کے نکتہ نظر سے تجزيہ کيا ہے- ان کے خيال ميں مامون کے نزديک ولي عہدي کي پيشکش کا مقصد امام کو زير نظر رکھنا، ان کا عوام سے رابطہ منقطع يا دشوار بنانا ، ان کي نظام حکومت ميں شموليت کے ذريعہ اپني خلافت کي عظمت ميں اضافہ کرنا اور اس کے لئے ايک شرعي تائيد حاصل کرنا تھا، اور سب سے اہم علويوں کي انقلابي تحريکوں کو دبانا تھا-

اس کے بر خلاف امام علي رضا (ع) نے ولي عہدي کو اس وقت کے سياسي اور معاشرتي رجحانات کے پيش نظر احکام اور تبليغات اسلامي کي ترويج و اشاعت کا موثر ذريعہ قرار ديا اور'' مکرہ' مکر الله"  کے قرآني اصول کو پيش نظر رکھتے ہوئے اسے قبول کرنے کا فيصلہ کيا- مدينہ سے مرو کے سفر کے دوران اور عہد ولي عہدي ميں حکومتي پروٹوکول کي موجودگي ميں معجزات اور کرامات کا اظہار، مناظروں ميں شرکت، نماز عيد، بارش کي دعاؤں ، زينب گذابيہ اور ديگر واقعات امام (ع) کي اس حکمت عملي کا حصہ تھے-

اس لحاظ سے ہم اس نتيجہ پر پہونچے کہ گو ولي عہدي قبول کرنا تاريخ ائمہ کے دھارے ميں ايک منفرد واقعہ ہے جو ناواقفين ميں شکوک پيدا کرسکتا ہے ليکن درحقيقت يہ امام (ع) کي سياسي بصيرت کي عکاسي کرتا ہے کہ ايک مشکل مرحلہ کو کس طرح ايک اعليٰ وارفع مقصد کے حصول کا ذريعہ بنايا جاسکتا ہے- دوران ولي عہدي کے واقعات امام کے مناظروں اور علمي فيوض سے اس حقيقت کي تصديق ہوتي ہے- امام رضا (ع) نے اپنے فيصلے سے يہ بات ثابت کرديا کہ خداوند عالم کي صحيح خلافت اور نمائندگي کے حقدار صرف ائمہ ہيں اور زمين پر خدا کي حجت اور اس کے نمائندہ ہيں اور يہ عہدہ نا قابل انتقال ہے-

<a href="http://www.tebyan.net/index.aspx?pid=174287" target="_blank">
منبع : http://www.tebyan.net/</a></article>

امام رضا (ع) کي شخصيت سياسي

<header class="HeaderContentArticle c0c7990 dr tr bold"></header><article class="TextContentArticle dr tr c85 lh2-5 mt10">شیعہ ائمہ کی شخصیت کے مطالعہ کے سلسلہ میں ان کی معنوی، علمی اور سیاسی زندگانی کا جائزہ ضروری ہے۔ معنوی یا روحانی زندگی سے مراد وہ خصوصیات ہیں جو خدا کی خاص عنایات کے طور پر ان کے اور خدا کے درمیان ایک رشتہ استوار کرتی ہیں یہ ان کے عبادات ، تقویٰ اور اخلاق کی عکاسی کرتا ہے ۔ امام کی معنوی خصوصیات کے ضمن میں خود امام رضا (ع) فرماتے ہیں کہ:

یہ ضروری ہے کہ امام (ع) تمام افراد سے دانا ترین، پرہیز گار، بردباری اور دلیری، بخشش اور پارسائی میں سب سے افضل ہو۔ ان صفات کی موجودگی اس لئے بھی ضروری ہے کہ پیغمبر کے بعد وہ احکام رسالت کا اجرا کنندہ ہے اور دین کے مبہم نکات اور دقیق مسائل جو عام انسانوں کی نظر سے اوجھل رہتے ہیں ان کی وضاحت امام کی ذمہ داری ہے۔ ( صادق عارف)

<strong>شخصیت معنوی:</strong>

امام (ع) کی شخصیت معنوی کے ضمن میں نجم الحسن کراروی لکھتے ہیں کہ امام (ع) گفتگو میں بیحد نرم مزاج تھے۔ جب بات کرنے والا اپنی بات ختم کرلیتا تب اپنی طرف سے کلام کا آغاز فرماتے۔ کسی کے کلام کو قطع نہیں کرتے۔ راتوں کو کم سوتے۔ اکثر روزہ رکھتے تھے مزدور کی مزدوری پہلے طے فرماتے پھر اس سے کام لیتے ۔ مشہور شاعر ابو نواس نے ایک سوال کے جواب میں کہا کہ جس کے آباء واجداد کے آستانہ کا جبرئیل خدمتگار تھا اس کی مدح محال تھی۔ عبداﷲ بن مطرف بن ہامان سے مامون رشید نے امام رضا (ع) کی بابت دریافت کیا تو اس نے برجستہ کہا کہ اس کے بارے میں کیا کہوں جس کی طینت رسالت میں پیوستہ اور اس کی سرشت میں وحی ہے۔ ( جواد معینی /احمد ترابی) امام رضا (ع) اپنی ذاتی اور اجتماعی زندگی میں خلق پیغمبر کی ایسی تصویر تھے کہ بے اختیار رسول اکرم (ص) کا خلق یاد آجاتا تھا۔

امام (ع) کی شخصیت کے اخلاقی اور روحانی اوصاف کے ضمن میں حسب ذیل حوالوں کا ذکرضروری ہے۔

١۔ امام کے اخلاق کے پر توان کے بے شمار اقوال اور احادیث میں عیاں ہے۔ مولانا روشن علی نجفی نے"" گفتار  دلنشین چہار دہ معصوم علیہ السلام"" کے اردو ترجمہ میں چہاردہ معصومین (ع) میں سے ہر ایک کے حوالہ سے ٤٠اقوال اور احادیث نقل کیا ہے۔ امام رضا (ع) کی احادیث میں ایمان ،قران ، توحید ، مومن کی خصوصیات اور فلسفہ نماز کا ذکر ہے۔

٢۔ امام (ع) نے ذاتِ تعالیٰ کے اوصاف کی نسبت سے حروف تہجی کے ہر حرف کے پنہاں معنی پر بصیرت ، افروز تبصرہ فرمایا ہے ۔ (سید غلام نقی)

٣۔ امام کے روحانی لتصرفات اور معجزات سے متعلق معلومات میں مرزا محمد علی خراسانی نے انگریزی میں زائرین

مشہد کے حوالہ سے امام (ع) کے ٣٤ معجزات تحریر کئے ہیں۔ عباس حیدر سید نے اپنی تالیف ""الحمد لللّٰہ"" میں

<strong>امام رضا (ع) کے ١٠ معجزات شامل کئے ہیں ۔</strong>

ائمہ علیہ السلام کی شخصیتوں کو سمجھنے کے لئے تاریخی بخل کے کوہ گراں کی رکاوٹوں کو تحقیق اور تجسس سے عبور کرنا ضروری ہے اس جستجو میں ہمیں فضل اﷲ بن روز بہان اصفہانی نظر آتے ہیں جو اپنی بعض تالیفات کی وجہ سے فریقین میں متنازع شخصیت ہیں ، لیکن چہاردہ معصومین (ع) پر صلوات کے موضوع پر اپنی کتاب ""وسیلۃ الخادم الی المخدوم"" میں آپ نے امام رضا (ع) کو احسان اور مودت کا پیکر، توحید کی نشانیوں کو رفعت عطا کرنے والا اور کمال علم و معرفت کے القاب سے یاد کیا ہے۔

<a href="http://www.tebyan.net/index.aspx?pid=167649" target="_blank">
منبع : http://www.tebyan.net</a></article>

Rate

Votes

امام رضا (ع) کی شخصیت معنوی

<header class="HeaderContentArticle c0c7990 dr tr bold"></header><article class="TextContentArticle dr tr c85 lh2-5 mt10">امام رضا علیہ السلام کی ولی عہدی کا مسئلہ راز رہے یا نہ رہے لیکن ملت جعفریہ کے نزدیک اس مسئلے کی حقیقت روز روشن کی طرح واضح ہے۔ ہمارے اس موقف کی صداقت کے لیے شیعہ مورخین کی روایات ہی کافی ہیں جیسا کہ جناب شیخ مفید (رح) نے اپنی کتاب ارشاد، جناب شیخ صدوق نے اپنی کتاب عیون اخبار الرضا میں نقل کیا ہے۔خاص طور پر عیون میں امام رضا علیہ السلام ہی کی ولی عہدی کے بارے میں متعدد روایات نقل کی گئی ہیں۔ قبل اس کے ہم شیعہ کتب سے کچھ مطالب بیان کریں۔ اہل سنت کے ابوالفرج اصفہانی کی کتاب مقاتل الطالبین سے دلچسپ تاریخی نکات نقل کرتے ہیں، ابوالفرج اپنے عہد کا بہت بڑا مورخ ہے۔ یہ اموی خاندان سے تعلق رکھتا ہے۔ یہ ایک حقیقت ہے یہ آل بابویہ کے زمانے میں زندگی بسر کرتا رہا۔ چونکہ یہ اصفہان کا رہنے والا ہے اس لیے اس کو اصفہانی کہا جاتا ہے۔ ابوالفرج سنی المذہب ہے ۔شیعوں سے اس کا کسی قسم کا تعلق نہیں ہے۔ اور نہ ہی اس کو شیعوں سے کسی قسم کی ہمدردی تھی ۔پھر یہ شخص کچھ اتنا زیادہ نیک بھی نہ تھا کہ کہیں کہ اس نے تقویٰ اور پرہیزگاری کو سامنے رکھتے ہوئے حقائق کو بیان کیا ہے ۔مشہور کتاب الآغانی کا مصنف بھی یہی ابوالفرج اصفہانی ہی ہے ۔الآغانی اغنیہ کی جمع ہے اور اس کا معنی ہے آوازیں…

اس کتاب میں موسیقی کے بارے میں مکمل تعارف، کوائف اور تاریخ تحقیقی انداز میں پیش کی گئی ہے۔ اٹھارہ جلد وں پر مشتمل یہ کتاب موسیقی کا انسائیکلوپیڈیا ہے۔

کہا جاتا ہے کہ ابوالفرج کا ایک ہم عصر عالم صاحب بن عباد سفر پر کہیں بھی جاتا تھا۔ ابوالفرج کی چند کتابیں اس کے ہمراہ ہوتی تھیں ۔وہ کہا کرتا تھا کہ ابوالفرج کی کتابوں کے ہوتے ہوئے اب مجھے دوسری کتابوں کی ضرورت نہ رہی۔ الاغانی اس قدر جامع اور تحقیقی کتاب ہے کہ اس کو پڑھ کر کسی دوسری کتاب کی احتیاج نہیں رہتی۔ یہ موضوع کے اعتبار سے منفرد کتاب ہے۔ اس میں موسیقی اور موسیقی کاروں کے بارے میں پوری وضاحت کے ساتھ گفتگو کی گئی ہے۔ علامہ مجلسی (رح) ، الحاج شیخ عباس قمی(رح) نے بھی الاغانی کو ابوالفرج کی تصنیف قرار دیا ہے ۔ہم نے کہا ہے کہ ابوالفرج کی ایک کتاب مقاتل الطالبین ہے (جو کہ کافی مشہور ہے) اس میں انہوں نے اولاد ابی طالب کے مقتولوں کی تاریخ بیان کی ہے۔ اس میں اولاد ابی طالب کی انقلابی تحریکوں اور ان کی المناک شہادتوں کے بارے میں تفصیل کے ساتھ مختلف تاریخی پہلوؤں پر روشنی ڈالی گئی ہے۔ شہادت کے اس باب میں علوی سادات کی اکثریت ہے ۔ البتہ کچھ غیر علوی بھی شہید ہوئے ہیں۔

اس نے کتاب کے دس صفحے امام رضا علیہ السلام کی ولی عہدی کے ساتھ خاص کیے ہیں۔ اس کتاب کا جب ہم مطالعہ کرتے ہیں۔ تو دیکھتے ہیں کہ اس کے مطالب اور شیعہ قلمکاروں کی تحریریں اس موضوع کی بابت تقریباً ایک جیسی ہیں۔

آپ ارشاد کامطالعہ کرلیں اور مقاتل الطالبین کو پڑھ لیں ان دونوں کتابوں میں آپ کو کچھ زیادہ فرق محسوس نہیں ہو گا۔ اس لیے ہم شیعہ سنی حوالوں سے اس مسئلہ پر بحث کریں گے لیکن اس سے قبل ہم آتے ہیں مامون کی طرف وہ کونسا عامل تھا کہ جس کی وجہ سے وہ امام رضا علیہ السلام کو ولی عہدی بنانے پر تیار ہوا؟ اگر تو اس نے یہ سوچا کہ ہو سکتا ہے کہ وہ مر جائے یا قتل ہو جائے تو جانے سے پہلے خلافت امام رضا علیہ السلام کے سپر د کر جائے۔ ہم اس کو اس لیے نہیں مانیں گے کہ اگر اس کی امام علیہ السلام کے بارے میں اچھی نیت ہوتی تو وہ ان کو زہر دے کر شہید نہ کرتا۔ شیعوں کے نزدیک اس قول کی کوئی اہمیت نہیں ہے کہ مامون امام کے بارے میں اچھی نیت رکھتا تھا، بعض مورخین نے مامون کو شیعہ کے طور پر تسلیم کیا ہے کہ وہ آل علی علیہ السلام کا بیحد احترام کرتا تھا لیکن سوال یہ ہے کہ اگر وہ واقعی ہی مخلص ، مومن تھا تو اپنی خلافت سے دست بردار ہو کر اس نے مسند خلافت امام علیہ السلام کے سپرد کیوں نہ کر دی؟ اگر وہ سادات کا محب تھا تو امام علیہ السلام کو زہر کیوں دی؟

<a href="http://www.tebyan.net/index.aspx?pid=139082" target="_blank">
منبع : http://www.tebyan.net</a></article>

امام رضا (ع) کی ولی عہدی اور تاریخی حقائق

حضرت امام رضا(ع) کی زندگی کے اہم واقعات

ماہ صفرالمظفر کا آخري دن پيغمبر اسلام صلي اللہ عليہ و آلہ و سلم کے خاندان کی ایک اور عظیم الشان ہستی فرزند رسول حضرت امام علی رضا علیہ السلام کی شہادت کا دن ہے ۔ یہی وجہ ہے کہ آج دنیا میں جہاں جہاں بھی اہل بیت علیہم السلام کے دوست پائے جاتے ہیں غمگین و سوگوار ہیں ۔ آج کے دن خاص طور پر ایران کے مقدس شہر مشہد امام رضا علیہ السلام میں حضرت کے حرم اطہر کی پوری فضا سیاہ پوش اور لاکھوں کی تعداد میں اہلبیت علیہ السلام کے عاشقین حرم اطہر کی ملکوتی فضاؤں میں دعا و مناجات کے لطیف و دلنشین زمزموں کے ساتھ قرآن حکیم کی تلاوت ، زیارت اور نوحہ و عزاداری میں مشغول ہیں ۔ زائرین امام رضا ، خلوص و پاکیزگی سے معمور قلوب کے ساتھ اس مکان مقدس میں جمع ہوئے ہیں اور دنیا و آخرت کی سعادت و کامرانی کے متمنی ہیں ۔ دنیا کے مختلف ملکوں سے آنے والے ‌زائرین اپنے امام و رہنما کے یوم شہادت پر فرزند رسول کے روضۂ مبارک پر جمع ہوکر اپنے خدائے مہربان سے عہدو پیمان کرتے ہیں کہ اپنی زندگیاں ویسے ہی گزاریں گے جو خدا و رسول اور اہلبیت علیہم السلام کو پسند ہے ، جس راہ کی انہوں نے تعلیم دی ہے اور جس راہ پر انہوں نے اپنی زندگی بسر کی ہے ۔ تا کہ دنیا و آخرت میں رستگار ہوسکیں ۔
امام رضا علیہ السّلام کا دور عباسیوں کے حکومت و اقتدار اور ترقی و فروغ کا دور ہے اس دور کو " سنہرا دور" کہاگیاہے اور اسلامی حکومت کا دائره ایشیا سے گزر کر یورپ اور افریقہ تک پہنچ چکا تھا ہارون کہاکرتا تھا کہ " میری حکومت کے دائره میں سورج غروب نہیں کرتا " اور بادل سے خطاب کرتے ہوئے کہتا تھا " تو جہاں بھی برسے گا وہاں میراہی ملک اور میری ہی قوت و اقتدار کا مرکز ملے گا ۔ " امام رضا علیہ السلام کے ساتھ مامون اور اس کے درباری علماء کی علمی سیاسی اور مذہبی نشستیں اور مناظرے جو اس زمانے کی تاریخی کتابوں میں نقل ہوئے ہیں اس زمانے میں علمی و فلسفی فروغ کے گواہ ہیں ۔ یونانی کتابوں کے کثرت کے ساتھ عربی اور فارسی زبانوں میں ترجمے ہوئے ۔ آٹھویں امام علی رضا علیہ السلام کو " عالم آل محمّد " کے عنوان سے پہچانا جاتاہے کیونکہ آپ نے ولایت اور نبوت و امامت کی مانند اسلام و تشیع کی بنیادی بحثیں ، درباری علماء کے درمیان علی الاعلان چھیڑیں اور بیان کی ہیں اور لوگوں کے شکوک و شبہات برطرف کئے ہیں ۔
امام رضا علیہ السّلام علم و معرفت کا ایک جوش مارتا ہوا سمندر تھے جس سے تشنگان حقیقت سیراب ہوتے اور جہل و نادانی کے مرگ بار وجود سے نجات حاصل کرتے تھے فکری و اعتقادی مباحث میں امام رضا علیہ السلام نے بڑا قیمتی کردار ادا کیاہے یہ زمانہ علمی و ثقافتی سرگرمیوں کے لحاظ سے ایک آزاد فضا کا حامی تھا اور لوگ اپنے عقائد و نظریات بیان کرنے میں بالکل بے باک تھے لہذا اس وقت اسلامی حقائق و معارف سے آشنا مسلمان دانشوروں کی ‍ ذمہ داریاں بہت بڑھی ہوئی تھیں رسول اسلام صلی اللہ علیہ و آلہ و سلم کے وارث ، اہلبیت علیہ السلام کی نمایان ترین فرد اور ملت اسلامیہ کے پیشوا کی حیثیت سے امام رضا علیہ السلام نے اس وقت قرآنی معارف کے تحفظ میں نمایاں کردار ادا کیا چنانچہ آپ کے مشہور صحابی " ابا صلت " جن کا مشہد مقدس میں ہی مزار ہے ، کہتے ہیں کہ میں نے امام رضا علیہ السلام کی زبانی سناہے وہ فرماتے تھے : " میں مسجد مدینہ میں بیٹھ جاتاتھا علمائے مدینہ جن کی تعداد اس وقت بہت زیادہ تھی ، جب کسی مسئلے کے بیان سے عاجز ہوتے ، سب کے سب میری طرف اشارہ کرتے تھے ، سوال کرنے والا میرے سامنے مسئلہ بیان کرتا اور میں اس کا جواب پیش کردیتاتھا ۔ امام رضا علیہ السلام اسلامی علوم کی تعلیم کے ساتھ علماء کی تشویق اور حوصلہ افزائی بھی کرتے تھے ، کہتے تھے " جو شخص ہمارے امر کو زندہ کرتاہے خداوند سبحان کی رحمت اس کے شامل حال ہے " ہمارے امر کو زندہ کرنے کا مطلب یہ ہے کی ہم اہلبیت پیغمبر کے علوم کی تعلیم دے اور لوگوں میں پھیلائے ۔ اگر لوگ ہمارے علوم سیکھیں گے اور ہماری پیروی کریں گے تو علم عمل کے ساتھ ہوگا کیونکہ ہم خاندان نبوت کا علم وہ علم ہے جو عمل کے ساتھ ساتھ ہے ۔ ایک دن مامون کے دربار میں تمام امراء ، علماء اور مختلف ملکوں کے نمائندے و غیرہ موجود تھے اس نے امام رضا علیہ السلام کو بھی دربار میں آنے کی دعوت دی اور اپنی تقریر میں اہلبیت پیغمبر علیہ السلام کی عظمت و حقانیت کا اعتراف کرتے ہوئے کہا " یہ لوگ خلافت کے ‌زیادہ مستحق ہیں اور پھر امام رضا علیہ السلام کی طرف رخ کرکے کہا : میں چاہتا ہوں کہ خلافت سے دست بردار ہوجاؤں اور آپ کو خلافت سونپ کر آپ کی بیعت کرلوں " ۔ امام رضا علیہ السلام نے ، جو عباسی حکمرانوں کے فریب اور ہتھکنڈوں سے اچھی طرح واقف تھے جواب میں فرمایا :
" اگر یہ خلافت تیرا حق ہے اور خدا نے تیرے لئے قرار دی ہے تو جائز نہیں ہے کہ وہ لباس جو خدا نے تجھے پہنایاہے اتارکر کسی اور کے حوالے کردے اور اگر خلافت تیرا حق نہیں ہے تو جائز نہیں ہے کہ جو چیز تیری نہیں ہے میرے حوالے کرے "
امام رضا علیہ السلام اپنی تمام تر حق بیانی اور جرات اظہار کے باوجود عطوفت و محبت اور تواضع و انکساری کا پیکر تھے ، مامون کے مجبور کرنے پر آپ نے " ولیعہدی" قبول کرنے کے باوجود تاکید کے ساتھ یہ بات واضح کردی کہ میں تیرے کسی عمل کا ذمہ دار نہیں ہوں اور تیرے کسی امر میں کبھی مداخلت نہیں کروں گا ۔ گویا مامون کو اس بات کا موقع ہی نہیں دیا کہ وہ اپنے عمل و کردار کے لئے امام رضا علیہ السلام کی تائید اور پشتپناہی حاصل کر سکے ۔ البتہ امام رضا علیہ السلام کی دربار میں موجودگی کے سبب دربار اور اس سے وابستہ دشمنان اہل بیت علیہ السلام کی سازشوں سے کسی حد تک مسلمانوں کو امن و امان حاصل ہوگیا ۔ لیکن مامون درباری فضا کا یہ "بوجہل پن " زیادہ دن برداشت نہ کرسکا اور بالآخر ایک بڑی سازش کے تحت زہر میں بجھا انگور کھلاکر عباسی حکمران مامون نے امام رضا علیہ السلام کے وجود سے خود کو آزاد کرلیا ۔
منبع:jafariah.com

السلام عليک يا علي بن موسي الرضا 

تجلیات سیرت اہل بیت (علیہم السلام) ایک دینی اور تاریخی کتاب ہے۔ اس کا موضوع ائمہ معصومین (علیہم السلام) کی سیاسی زندگی ہے۔ کتاب میں ان کی جدوجہد اور حکمتِ عملی کے اہم پہلو بیان کیے گئے ہیں۔
<h3>کتاب کے بارے میں</h3>
ائمہ اہل بیت (علیہم السلام) نے مختلف ادوار میں دینی تعلیمات کی حفاظت کی۔ انہوں نے معاشرے کی اصلاح کے لیے بھی کردار ادا کیا۔ ہر امام کو اپنے دور کے سیاسی اور سماجی حالات کا سامنا رہا۔

اس کتاب میں ائمہ معصومین (علیہم السلام) کی سیاسی سیرت کا جائزہ لیا گیا ہے۔ اس کے ذریعے قارئین ان کے دور کے حالات کو سمجھ سکتے ہیں۔ <a href="https://islamic-sources.com/ur">کتاب تاریخِ اسلام کے اہم پہلوؤں پر غور کرنے کا موقع دیتی ہے۔</a>
<h3>اس کتاب میں ہم کیا سیکھتے ہیں</h3>
اس کتاب سے ائمہ اہل بیت (علیہم السلام) کی سیاسی زندگی کے بارے میں معلومات ملتی ہیں۔ قارئین ان کی جدوجہد اور حکمتِ عملی سے واقف ہوتے ہیں۔ وہ مختلف ادوار کے سیاسی حالات کو بھی سمجھ سکتے ہیں۔

کتاب حق و انصاف کی اہمیت کو سمجھنے میں مدد دیتی ہے۔ اس سے دینی اصولوں کی حفاظت اور صبر کے بارے میں بھی رہنمائی ملتی ہے۔
<h3>اس کتاب کے مصنف کے بارے میں</h3>
کتاب کے مصنف کا نام اور حالاتِ زندگی دستیاب نہیں ہیں۔ اس لیے ان کے بارے میں غیر مصدقہ معلومات شامل نہیں کی گئی ہیں۔ مصنف کا نام یا کتاب کا ابتدائی صفحہ فراہم کریں۔ <a href="https://islamic-sources.com/ur/categories/books">اس سے یہ حصہ درست معلومات کے ساتھ مکمل کیا جا سکتا ہے۔</a>
<h3>یہ کتاب کن افراد کے لیے مناسب ہے</h3>
یہ کتاب تاریخِ اسلام میں دلچسپی رکھنے والوں کے لیے مفید ہے۔ سیرت اہل بیت (علیہم السلام) پڑھنے والے افراد بھی اس سے فائدہ اٹھا سکتے ہیں۔ دینی مدارس کے طلبہ اور محققین کے لیے بھی یہ موضوع اہم ہے۔ عام قارئین بھی اس کتاب کے ذریعے ائمہ معصومین (علیہم السلام) کی سیاسی زندگی سے واقف ہو سکتے ہیں۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Custom Canonical

is suggested

Indexing

SEO Title

تجلیات سیرت اہل بیت ع ( آئمہ معصومین کی سیاسی زندگی کے نورانی پہلو )

سوانح حیات حضرت امام رضا علیہ السلام حضرت امام علی بن موسیٰ الرضا علیہ السلام کی زندگی، سیرت اور شخصیت سے متعلق کتاب ہے۔ یہ کتاب گروہ محققین مؤسسہ البلاغ کی علمی کاوش ہے۔ مؤسسہ البلاغ سے امام رضا علیہ السلام کے بارے میں ایک کتاب «الامام الرضا» بھی شائع ہوئی، جس کا فارسی ترجمہ بھی موجود ہے۔

کتاب کا بنیادی موضوع امام رضا علیہ السلام کی حیات اور آپ کی علمی و اخلاقی شخصیت کا تعارف ہے۔
<h3>کتاب کے بارے میں</h3>
اس کتاب میں <a href="https://islamic-sources.com/ur">حضرت امام رضا علیہ السلام کی زندگی کے اہم مراحل بیان کیے گئے ہیں۔ آپ کی ولادت، امامت اور زندگی کے مختلف حالات کا تعارف ملتا ہے۔</a>

امام رضا علیہ السلام اپنے زمانے کے ممتاز عالم اور پیشوائے اہل بیت علیہم السلام تھے۔ آپ کی زندگی میں علمی گفتگو اور مناظرات کو بھی اہم مقام حاصل ہے۔

کتاب امام رضا علیہ السلام کی سیرت کو سمجھنے کے لیے ایک مختصر اور مفید مطالعہ فراہم کرتی ہے۔
<h3>اس کتاب میں ہم کیا سیکھتے ہیں</h3>
اس کتاب سے ہمیں حضرت امام رضا علیہ السلام کی زندگی اور سیرت کے اہم پہلو معلوم ہوتے ہیں۔ آپ کے علمی مقام اور اخلاقی اوصاف کو سمجھنے میں مدد ملتی ہے۔

ہم امام رضا علیہ السلام کے دور کے تاریخی حالات سے بھی واقف ہوتے ہیں۔ آپ کی امامت کے دوران پیش آنے والے اہم واقعات کا مطالعہ کرتے ہیں۔

کتاب سے ہمیں اہل بیت علیہم السلام کی تعلیمات اور سیرت سے رہنمائی حاصل کرنے کا موقع ملتا ہے۔
<h3>اس کتاب کے مصنف کے بارے میں</h3>
گروہ محققین مؤسسہ البلاغ نے یہ کتاب مرتب کی ہے۔ <a href="https://maablib.org/tag/tarjuma-shuda-kutab-t/?e-page-1bb79af=3">مؤسسہ البلاغ نے اسلامی تاریخ، سیرت اور اہل بیت علیہم السلام</a> سے متعلق متعدد علمی و تحقیقی کتابیں شائع کی ہیں۔

امام رضا علیہ السلام کے بارے میں مؤسسہ البلاغ کی ایک معروف تصنیف «الامام الرضا» بھی درج ہے۔ اس کتاب کی اشاعت 1408ھ/1988ء میں ہوئی اور بعد میں اس کا فارسی ترجمہ بھی شائع ہوا۔
<h3>یہ کتاب کن افراد کے لیے مناسب ہے</h3>
یہ کتاب حضرت امام رضا علیہ السلام کی زندگی اور سیرت میں دلچسپی رکھنے والے افراد کے لیے مناسب ہے۔

طلبہ، نوجوان اور اسلامی تاریخ کا مطالعہ کرنے والے افراد اس سے فائدہ اٹھا سکتے ہیں۔ اہل بیت علیہم السلام کی سیرت سے واقفیت حاصل کرنے کے خواہش مند قارئین کے لیے بھی یہ کتاب مفید ہے۔

خصوصاً وہ افراد جو امام رضا علیہ السلام کی شخصیت، علمی مقام اور دورِ امامت کو مختصر انداز میں سمجھنا چاہتے ہیں، اس کتاب سے استفادہ کر سکتے ہیں۔

Translated Fields

سوانح حیات حضرت امام رضا علیہ السلام

«حضرت امام علی رضا (علیہ السلام)» امام رضا (علیہ السلام) کی شخصیت اور کردار کے بارے میں ایک مختصر کتاب ہے۔ اس میں آپ (علیہ السلام) کی زندگی کے اہم پہلو بیان کیے گئے ہیں۔

کتاب کا مقصد امام رضا (علیہ السلام) کی سیرت اور اخلاق کو آسان انداز میں پیش کرنا ہے۔ قاری آپ (علیہ السلام) کی شخصیت کے مختلف پہلوؤں سے واقف ہوتا ہے۔
<h3>کتاب کے بارے میں</h3>
کتاب میں امام رضا (علیہ السلام) کی زندگی اور کردار کا <a href="https://islamic-sources.com/ur">مختصر جائزہ پیش کیا گیا ہے۔ آپ (علیہ السلام) کی اخلاقی اور علمی شخصیت</a> بھی موضوعِ بحث ہے۔

امام رضا (علیہ السلام) کی سیرت میں علم، عبادت، اخلاق اور لوگوں کے ساتھ حسنِ سلوک نمایاں ہیں۔ کتاب ان پہلوؤں کو مختصر انداز میں بیان کرتی ہے۔

آپ (علیہ السلام) کے دور کے بعض تاریخی حالات بھی امام کی شخصیت کو سمجھنے میں مدد دیتے ہیں۔ کتاب اسی تاریخی پس منظر میں آپ (علیہ السلام) کی سیرت پر روشنی ڈالتی ہے۔
<h3>اس کتاب میں ہم کیا سیکھتے ہیں</h3>
اس کتاب سے ہمیں امام رضا (علیہ السلام) کی زندگی کے اہم واقعات معلوم ہوتے ہیں۔ آپ (علیہ السلام) کے اخلاق اور کردار کو سمجھنے میں مدد ملتی ہے۔

ہم امام رضا (علیہ السلام) کی علمی شخصیت سے بھی واقف ہوتے ہیں۔ آپ (علیہ السلام) کی عبادت اور دینی تعلیمات سے رہنمائی حاصل کر سکتے ہیں۔

کتاب ہمیں اہل بیت (علیہم السلام) کی سیرت پر غور کرنے کی دعوت دیتی ہے۔ اس سے اچھے اخلاق اور دینی کردار کی اہمیت واضح ہوتی ہے۔
<h3>اس کتاب کے مصنف کے بارے میں</h3>
حجۃ الاسلام محمد محمدی اشتهاردی معروف شیعہ عالم اور مصنف تھے۔ <a href="https://maablib.org/tag/tarjuma-shuda-kutab-t/?e-page-1bb79af=2">انہوں نے اسلامی تاریخ، سیرت اور دینی معارف</a> پر متعدد کتابیں تحریر کیں۔

ان کی تحریروں میں ائمہ اہل بیت (علیہم السلام) کی زندگی پر خاص توجہ ملتی ہے۔ ان کی کتاب حضرت معصومہ (سلام اللہ علیہا) فاطمہ دوم بھی معروف تصانیف میں شامل ہے۔

ان کا انداز عام قارئین کے لیے آسان اور قابلِ فہم تھا۔ اسی وجہ سے ان کی کتابیں دینی مطالعے کے لیے مفید سمجھی جاتی ہیں۔
<h3>یہ کتاب کن افراد کے لیے مناسب ہے</h3>
یہ کتاب امام رضا (علیہ السلام) کی سیرت میں دلچسپی رکھنے والے افراد کے لیے مناسب ہے۔

طلبہ اور دینی علوم کے قارئین اس کتاب سے فائدہ اٹھا سکتے ہیں۔ امام رضا (علیہ السلام) کی زندگی پر مختصر مطالعہ کرنے والوں کے لیے بھی یہ کتاب مفید ہے۔

عام قارئین اس کتاب کے ذریعے امام رضا (علیہ السلام) کی شخصیت اور کردار سے واقف ہو سکتے ہیں۔ اہل بیت (علیہم السلام) کی سیرت سے رہنمائی لینے والوں کے لیے بھی یہ کتاب قابلِ مطالعہ ہے۔

حضرت امام علی رضا ع (شخصیت اور کردار کا مختصر جائزہ )

«اکسیر التواریخ و سیر الآئمہ» کتاب «کشف الغمہ فی معرفۃ الائمہ» کا فارسی ترجمہ ہے۔ اصل کتاب کے مصنف علی بن عیسیٰ اربلی ہیں۔ اس فارسی ترجمے کے مترجم میرزا محمد ہیں۔ مآب لائبریری کے مطابق یہ کتاب فارسی زبان میں ہے اور ۱۷۷ صفحات پر مشتمل ہے۔ اس کا سنِ اشاعت ۱۳۰۸ ہجری، مطابق ۱۸۹۱ء درج ہے۔
<h3>کتاب کے بارے میں</h3>
اصل کتاب <a href="https://islamic-sources.com/ur">«کشف الغمہ فی معرفۃ الائمہ» اہل بیت (علیہم السلام) کی سیرت اور حالات سے متعلق معروف کتاب ہے۔ «اکسیر التواریخ و سیر الآئمہ»</a> اسی اثر کا فارسی ترجمہ ہے۔

کتاب میں ائمہ اہل بیت (علیہم السلام) کی زندگی، فضائل، سیرت اور تاریخی حالات سے متعلق مطالب پیش کیے گئے ہیں۔ مآب لائبریری نے بھی اس اثر کو سیرت معصومین (علیہم السلام) اور سیرت ائمہ اثنا عشر کے موضوعات میں شامل کیا ہے۔

یہ قدیم فارسی ترجمہ برصغیر میں موجود دینی اور تاریخی ذخیرے کی اہمیت کو بھی ظاہر کرتا ہے۔ اس کا مطالعہ ائمہ اہل بیت (علیہم السلام) کی سیرت کے قدیم تراجم سے واقفیت فراہم کرتا ہے۔
<h3>اس کتاب میں ہم کیا سیکھتے ہیں</h3>
اس کتاب کے ذریعے ہمیں ائمہ اہل بیت (علیہم السلام) کی سیرت اور زندگی کے مختلف پہلوؤں سے آگاہی حاصل ہوتی ہے۔

قاری ائمہ اثنا عشر (علیہم السلام) کے حالات، فضائل اور تاریخی واقعات کا مطالعہ کر سکتا ہے۔ کتاب اہل بیت (علیہم السلام) کی تعلیمات اور کردار کو سمجھنے میں بھی مدد دیتی ہے۔

قدیم فارسی زبان میں موجود یہ ترجمہ اس بات کا بھی نمونہ ہے کہ اہل بیت (علیہم السلام) کی سیرت کو فارسی زبان کے قارئین تک کیسے پہنچایا گیا۔
<h3>اس کتاب کے مصنف کے بارے میں</h3>
علی بن عیسیٰ اربلی اصل کتاب <a href="https://maablib.org/tag/tarjuma-shuda-kutab-t/">«کشف الغمہ فی معرفۃ الائمہ» کے مصنف ہیں۔ ان کی یہ تصنیف ائمہ اہل بیت (علیہم السلام)</a> کی سیرت اور فضائل کے موضوع پر معروف آثار میں شمار ہوتی ہے۔

موجودہ کتاب میں اسی اصل اثر کا فارسی ترجمہ پیش کیا گیا ہے۔ مآب لائبریری کے مطابق میرزا محمد اس ترجمے کے مترجم ہیں۔

اس فارسی ترجمے کا اندراج ۱۳۰۸ ہجری، مطابق ۱۸۹۱ء کے سال کے ساتھ کیا گیا ہے۔
<h3>یہ کتاب کن افراد کے لیے مناسب ہے</h3>
یہ کتاب ائمہ اہل بیت (علیہم السلام)، سیرت معصومین (علیہم السلام) اور تاریخ اسلام سے دلچسپی رکھنے والے افراد کے لیے مناسب ہے۔

طلبہ، طلاب اور محققین اس کتاب سے ائمہ اثنا عشر (علیہم السلام) کی سیرت کے مطالعے میں استفادہ کر سکتے ہیں۔

قدیم فارسی کتب اور برصغیر کے دینی و علمی ذخیرے پر تحقیق کرنے والے افراد کے لیے بھی یہ کتاب خاص اہمیت رکھتی ہے۔

اکسیر التواریخ و سیر الآئمہ ترجمہ کشف الغمہ فی معرفتہ الآئمہ

<p style="direction: rtl; text-align: justify;">یہ کتاب "گفتار دلنشین(چہاردہ معصوم علیہم السلام)" مشتمل بر اقوال معصومین سلام اللہ علیہم اجمعین ہے۔ سازمان تبلیغات اسلامی نے چودہ معصومینؑ کے اقوال کو جمع کرکے فارسی اور ترکی زبان میں اس کا ترجمہ شائع کرایا ہے، اس کتاب میں ہر ایک معصومؑ کی چالیس چالیس حدیثوں کو اکٹھا کیا گیا ہے اس طرح مجموعی طور سے ۵۶۰ حدیثوں کا ترجمہ کیا گیا ہے اور اب یہ اردو ترجمے کے ساتھ آپ کے سامنے ہے۔</p>

گفتار دلنشین(چہاردہ معصوم علیہم السلام)

<p style="direction: rtl;">اس تصنیف میں مصنف نے زیارت، زیارت کی اہمیت و افادیت، گزرے وقت میں ائمہ علیہم السلام  کے مزارات مقدسہ کے احوال، احادیث میں زیارت، منکرین زیارت جیسے مشمولات پر بحث کی ہے۔ یہ اصل ماخذ پر مبنی ایک تجزیاتی مضمون ہے۔ موجودہ کتاب کا نتیجہ یہ ہے کہ زیارت مردہ کی عبادت نہیں بلکہ زندوں سے ملاقات ہے اور زیارت زندہ اور باخبر لوگوں کی نیک روحوں سے روحانی تعلق کا سبب بنتی ہے۔</p>
<p style="direction: rtl;">یہ کتاب بھی آستان مقدس امام رضا علیہ السلام سے ترجمہ ہوئی کتاب ہے اور اس کے ترجمے کی بھی حالت آستان مقدس امام رضا علیہ السلام سے ترجمہ ہوئی دیگر کتابوں کی طرح ہی ہے جو کہ عبارت کی نامفہومی سے مملو اور گنگ ہے البتہ مترجم کے علاوہ اس میں مصحح اور نظر ثانی کرنے والے کی بڑی کوتاہی نظر آتی ہے۔</p>

ذوق دیدار زیارت اور اس کا مفہوم

<p style="direction: rtl;">یہ کتاب امام رضا علیہ السلام کے ان سینکڑوں کرامات کے انتخاب پر مشتمل ہے جن کا اظہار پروفیسروں، ماہرین، مبلغین، آستان رضوی کے خادموں اور معتبر شخصیات نے کیا ہے۔</p>
<p style="direction: rtl;">یہ کتاب بھی آستان مقدس امام رضا علیہ السلام سے ترجمہ ہوئی کتاب ہے اور اس کے ترجمے کی بھی حالت آستان مقدس امام رضا علیہ السلام سے ترجمہ ہوئی دیگر کتابوں کی طرح ہی ہے جو کہ عبارت کی نامفہومی سے مملو اور گنگ ہے البتہ مترجم کے علاوہ اس میں مصحح اور نظر ثانی کرنے والے کی بڑی کوتاہی نظر آتی ہے۔</p>

حضرت امام علی رضا علیہ السلام

Books

Articles