Kitabu ulichonacho mikononi mwako ni kitabu asili yake ni cha lugha ya Kiarabu kwa jina la, al-Imam Mahdi wa Basha'ira 'l-Amal, kilichoandikwa na Sheikh Hasan Musa al-Saffar. Na sisi tumekiita, Imam Mahdi na Bishara ya Matumaini. Imam Mahdi (a.s.) ni Imam wa kumi na mbili na wa mwisho kati ya Maimamu watokanao na Ahlul Bayt (a.s.) na ambao hufuatwa na wafuasi wa madhehebu ya Shia Ithna Asharia. Imam Mahdi (a.s.) yuko hai na katika Ughaibu (kutoonekana) na atadhihiri tena Allah atakapopenda na wakati huo ulimwengu utakuwa umejaa dhulma na yeye ataujaza kwa haki na uadilifu.
Huyu ndiye Imam wa zama hizi na ni muhimu kila Mwislamu kumtambua, kwani Mtukufu Mtume (s.a.w.w.) amenukuliwa akisema kwamba mtu asiyemtambua Imam wake wa zama na akafa katika hali hiyo atakuwa amekufa kifo cha kijahilia (yaani cha kikafiri).
Mwandishi wa kitabu hiki anatumia kalamu yake kuelezea kwa ufupi wasifu wa Imam Mahdi (Mwenyezi Mungu aharakishe kudhihiri kwake) na umuhimu wake katika zama hizi. Tumekiona kitabu hiki ni chenye manufaa sana, hususan wakati huu ambapo watawala mabeberu na madhalimu wamezidisha mbio zao za kuwakandamiza wanyonge na kuyakandamiza na kuyaonea mataifa madogo ulimwenguni kwa kuanzisha vita baina yao na kupora
rasilimail zao.

Kutoka na ukweli huu, taasisi yetu ya Al-Itrah imeamua kukichapisha kitabu hiki kwa lugha ya Kiswahili kwa madhumini yake yaleyale ya kuwahudumia Waislamu, hususan wazungumzaji wa Kiswahili.
Tunamshukuru ndugu yetu Abdul-Karim Juma Nkusui kwa kazi kubwa aliyoifanya ya kukitarjumi kitabu hiki kwa Kiswahili kutoka lugha ya asili ya Kiarabu. Aidha tunawashukuru wale wote walioshiriki kwa namna moja au nyingine hadi kufanikisha kuchapishwa kwake. Allah awalipe wote malipo mema hapa duniani na kesho Akhera – Amin.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

IMAM MAHDI NA BISHARA YA MATUMAINI

Kitabu hiki ni mkusanyiko wa mihadhara ya Sheikh Hassan Musa al-Saffar aliyokuwa akiitoa nyakati mbalimbali na sehemu mbalimbali kwa ajili ya kuzungumzia mada mbalimbali kuhusiana na Uislamu, Waislamu na ubinadamu kwa ujumla. Kama tunavyosema wakati wote kwamba Uislamu ni dini na mfumo kamili wa maisha; haukuacha lolote linalomhusu mwanadamu kimwili au kiroho na kuweka sheria ya kuyaendesha maisha hayo (kiroho na kimwili). Katika kitabu hiki Sheikh anazungumzia suala la haki na wajibu wa raia katika taifa kwa mtazamo wa Kiislamu. Sisi kama wachapishaji tunakiwasilisha kitabu hiki kama kilivyo kwa wasomaji wetu na kuwashauri wasome yaliyomo ndani yake, wayafanyie kazi na kuyazingatia na kufaidika na hazina iliyomo humo. Hii ni moja kati ya kazi kubwa zilizofanywa na Taasisi ya Al-Itrah katika kuwahudumia kielimu wasomaji wake wazungumzaji wa Kiswahili. Na kwa maana hiyohiyo, imeamua kukichapisha kitabu hiki chenye manufaa makubwa kwa lugha ya Kiswahili kwa lengo lake lilelile la kuwahudumia Waislamu hususan wanaozungumza Kiswahili.

Nchi na Uraia haki na Wajibu kwa Taifa

Kitabu ulichonacho mikononi mwako kimetarjumiwa kutoka kitabu cha Kiarabu kwa jina la, al-Imamu ‘l-Mahdi ‘Alaysi ‘s-salaam Amalu ‘sh-Shu’uub, kilichoandikwa na Sheikh Hasan Musa as-Saffar. Sisi tumekiita, Imam Mahdi (a.s.) ni Tumaini la Mataifa. Mojawapo kati ya kanuni za imani (itikadi) ambazo Qur’ani Tukufu hudai na kuthibitisha ni kanuni ya imani katika Imam Mahdi (a.s.) na sifa zake. Qur’ani Tukufu inasema: “...Hatukupuuza Kitabuni kitu chochote...” (6:38). Katika aya nyingine, Kitabu cha Allah kinasema: “...na tumekuteremshia Kitabu hiki kubainisha kila kitu...” (16:89). Ili kuelezea msimamo wa Qur’ani kuhusiana na imani ya Umahdia (mahdawiyyah), hadithi nyingi zimesherehesha aya hizi kupitia minyororo ya wasimulizi wa Shia na halikadhalika wa Sunni. Hadithi hizi husema kwa uwazi kwamba aya hizi huelezea kuhusu Imam Mahdi (a.s.). Kitabu ambacho kimekusanya kwa ubora aya za Qur’ani ambazo huzungumzia kuhusu Imam Mahdi (a.s.) katika mwanga wa hadithi na riwaya za Kisunni kinaitwa, al-Mahdi Fi ‘l-Qur’an kilichoandikwa na mwanachuoni mwenye kuheshimiwa, Sayyid Sadiq Shirazi katika mwaka wa 1978. Qur’ani ina vipengele mbalimbali vya kudhihiri tena, Ughaibu na pia sifa za Mtukufu Mahdi (a.s). Vyote hivi vikiwa vinakubaliwa na wote, wanavyuoni wa Kishia na halikadhalika wanavyuoni wa Kisunni ambao ni wenye mamlaka zaidi na wa kuaminika. Aya za Qur’ani kuhusu kujitokeza tena na mapinduzi ya Imam Mahdi (a.s.) - imani ya kawaida kwa Ahli Sunna pia - hutaja sifa nne na malengo ya utawala wa ulimwengu wa Imam Mahdi (a.s.):

&nbsp;
• Kusimamisha utawala ya ulimwengu mzima. • Madaraka kamili kwa dini ya Uislamu. • Mazingira ya usalama kamili na amani. • Uangamizaji wa ushirikina (shirk).
 Imam Mahdi ambaye katika utamaduni wa Kiswahili hujulikana pia kwa jina la “Muhudi” atajidhihirisha tena kutoka Ughaibu na kusimama wakati wa kipindi cha mwisho na utaujaza ulimwengu kwa uadilifu na usawa kama ambavyo utakuwa umejaa dhulma na ukandamizaji. (Kifayatu ‘l-Athar, uk. 12). Atasafisha uso wa ardhi kutokana na aina zote za dhulma na udikteta na kuitakasa kutokana na aina zote za maovu. Hii ni moja kati ya kazi kubwa zinazofanywa na Taasisi ya Al- Itrah katika kuwahudumia kielimu wasomaji wake wazungumzaji wa Kiswahili. Na kwa maana hiyohiyo, imeona ikichapishe kitabu hiki chenye hazina kubwa kwa lugha ya Kiswahili kwa lengo lake lilelile la kuwahudumia Waislamu, hususan wanaozungumza Kiswahili. Hivyo, ni matumaini yetu kwamba wasomaji wetu watanufaika vya kutosha kutokana na kitabu hiki, kwani tumekiona ni chenye manufaa sana hususan wakati huu wa maendeleo makubwa ya elimu katika nyanja zote ambapo uwongo, ngano za kale na upotoshaji wa historia ni vitu ambavyo havina nafasi tena katika akili za watu. Tunamshukuru mwandishi wa kitabu hiki, Sheikh Hasan Musa as-Saffar kwa kazi kubwa aliyoifanya kwa ajili ya Umma huu wa Waislamu, Allah ‘Azza wa Jallah amlipe kila kheri na amuingize Peponi kwa salama na amani insha’Allah. Halikadhalika tunamshukuru Ustadh Abdul-Karim Juma Nkusui kwa kukitarjumi kwa Kiswahili kitabu hiki, insha’Allah na yeye Allah Mwenye kujazi amlipe kila kheri hapa duniani na Akhera pia, bila kuwasahau na wale wote waliochangia kwa namna mmoja au nyingine mpaka kufanikisha kuchapishwa kwa kitabu hiki. Allah awalipe wote malipo mema hapa duniani na kesho Akhera pia.

IMAM MAHDI (A) NI TUMAINI LA MATAIFA

K itabu kilichoko mikononi mwako ni tarjuma ya kitabu cha Kiarabu kiitwacho, Kayfa Nuqhiru ‘l-Khawf kilichoandikwa na Sheikh Hasan as-Saffar. Sisi tumekiita, Vipi Tutaishinda Hofu? Uislamu ni dini na mfumo kamili wa maisha; ni dini kwa maana ya kuihudumia roho ili kufikia kiwango cha juu cha uchamungu (takwa) kitu ambacho ndio lengo kubwa la muumini. Ili kufikia lengo hili, muumini huyu huongozwa na Qur’ani Tukufu ambacho ni Kitabu kisicho na shaka na ni mwongozo kwa wanadamu wote. Allah anasema: “Hicho ni Kitabu kisicho na shaka ndani yake na ni mwonngozo kwa wamchao (Mungu).” (2:2) na:” Ni mwezi wa Ramadhani ambao imeteremshwa katika (mwezi) huo Qur’ani, kuwa mwongozo kwa watu na upambanuzi...” (2:185) Ni mfumo wa maisha kwa maana huhudumia maisha ya mtu hapa duniani, kwa ajili hiyo haikuacha kitu katika kumuongoza mwanadamu katika maisha yake ili aweze kuishi maisha mazuri na yenye kumpendeza Allah . Kitabu hiki kinaelezea hofu. Wote tunajua kuna hofu nyingi ambazo huwafika watu na kuwafanya wasiishi kwa amani. Na hofu ziko aina nyingi, nyingine ni za kisaikolojia tu ambazo huwa na athari mbaya kwa mtu, hofu nyingine ni za kuogopa tu baadhi ya vitu au wanyama wakali, na nyingine ni hofu ya kumuogopa Allah

Mwandishi wa kitabu hiki amefanya juhudi kubwa ya kuelezea hofu hizi na jinsi ya kujinasua nazo au kuleta ufumbuzi wake kwa kurejea katika Qur’ani Tukufu na Sunna. Hakika msomaji atafarijika sana na yaliyomo katika kitabu hiki. Kutokana na ukweli huo, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili. Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote. Tunamshukuru ndugu yetu, Ustadh Abdul Karim Juma Nkusui kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.

Vipi TuTaishinda hofu?

Kitabu ulichonacho mikononi mwako ni tarjuma ya kitabu cha Kiarabu kiitwacho, ash-Shabaab wa Tatallu’aat al- Mustaqbal, kilichoandikwa na Sheikh Hassan Musa al-Saffar. Sisi tumekiita, Vijana na Matarajio ya Baadaye. Uislamu ni dini na ni mfumo kamili wa maisha. Kwa maana hiyo Uislamu mbali na kuwaendeleza waumini wake kiroho, huangalia pia na maendeleo ya waumini wake kimaisha katika nyanja mbalimbali ikiwa ni pamoja na ustawi wa jamii kwa ujumla. Uislamu pia huingia katika kila wakati na kufanya matakwa ya wakati husika kuafikiana na Uislamu bila kuathiri misingi yake. Hiki ndicho alichofanya mwandishi Sheikh wetu huyu anaangalia changamoto zinazowakabili vijana wa zama hii katika nyanja zote, kiroho na kimaisha na kushauri njia za kukabiliana nazo kwa mtazamo wa Kiislamu. Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni vitu ambavyo havina nafasi tena katika akili za watu.

 Kutoka na ukweli huu, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumini yake yaleyale ya kuwahudumia Waislamu, hususan wazungumzaji wa Kiswahili. Tunamshukuru ndugu yetu Abdul-Karim Juma Nkusui kwa kazi kubwa aliyoifanya ya kukitarjumi kitabu hiki kwa Kiswahili kutoka lugha ya asili ya Kiarabu. Vilevile tunawashukuru wale wote walioshiriki kwa namna moja au nyingine hadi kufanikisha kuchapishwa kwake. Allah awalipe wote malipo mema hapa duniani na kesho Akhera – Amin.

VIJANA NA MATARAJIO YA BAADAYE

K itabu ulichonacho mikononi mwako asili yake ni cha lugha ya Kiarabu kwa jina la, al-Infitah bayna ‘l-Masalih wa ‘l-Hawajis kilichoandikwa na Sheikh Hasan Musa al-Saffar. Sisi tumekiita, Uwazi baina ya Maslahi na Vikwazo. Kitabu hiki kimetokana na semina zilizofanyika huko Awamiyah, Mkoa wa Qatif, Saudi Arabia.Lengo la semina hizo ni kuongeza maarifa na ujuzi wa waumini na pia kueneza moyo wa upendo licha ya kuwepo tofauti katika mitazamo ya kimadhehebu. Sisi wachapishaji tunakiwasilisha kitabu hiki kama kilivyo kwa wasomaji wetu na kuwashauri wasome yaliyomo humo, wayafanyie kazi na kuyazingatia na kufaidika na hazina iliyoko ndani yake. Hivyo, ni matumaini yetu kwamba wasomaji wetu watanufai ka vya kutosha kutokana na kitabu hiki, kwani tumekiona ni chenye manufaa sana, hususan wakati huu wa maendeleo makubwa ya elimu katika nyanja zote ambapo uwongo, ngano za kale na upotoshaji wa historia, matusi, kashifa na kugombanishwa wenyewe kwa wenyewe ni vitu ambavyo havina nafasi tena katika akili za watu.

 Hii ni moja kati ya kazi kubwa zilizofanywa na Taasisi ya Al-It- rah katika kuwahudumia kielimu wasomaji wake wazungumzaji wa Kiswahili. Na kwa maana hiyohiyo, imeamua kukichapisha kitabu hiki chenye manufaa makubwa kwa lugha ya Kiswahili kwa lengo lake lilelile la kuwahudumia Waislamu, hususan wanaozungumza Kiswahili. Tunamshukuru mwandishi wa kitabu hiki, Sheikh Hasan Musa al-Saffar kwa kazi kubwa aliyofanya kwa ajili ya Umma huu wa Waislamu, Allah ‘Azza wa Jallah, amlipe kila la kheri na amuingize Peponi kwa salama na amani insha’Allah. Halikadhalika tunam shukuru Ndugu yetu Abdul Karim Juma Nkusui kwa kukitarjumi kwa Kiswahili kitabu hiki, insha’Allah na yeye Allah Tabaraka wa Ta’ala, amlipe kila kheri hapa duniani na Akhera; pia bila kuwasa- hau wale wote waliochangia kwa namna mmoja au nyingine mpaka kufanikisha kuchapishwa kwake. Allah awalipe wote malipo mema hapa duniani na huko Akhera.

UWAZI BAINA YA MASLAHI NA VIKWAZO

Kitabu ulichonacho mikononi mwako ni tarjuma ya Kiswahili ya kitabu cha Kiarabu kiitwacho, Thiqafatu ‘n-Nahdhi ‘l-Ijtima’iyyi, kilichoandikwa na Sheikh Hasan Musa as-Saffar. Sisi tumekiita, Utamaduni wa Mwamko wa Kijamii. Utamaduni (thiqafah) maana: ni kukua na kukomaa kwa fikra na mwili wa mwanadamu kutokana na mafunzo na uzoefu wa kufanya kazi. Maana nyingine: ni hali ya maendeleo ya maarifa, elimu ya watu, ustaarabu, fani zote (za kielimu), imani, mila, desturi na asasi za kijamii zitambulishazo jamii. Kwa ujumla, hii ndio maana ya utamaduni kama ilivyofasiliwa katika Kamusi ya TUKI. Uislamu ni mila na utamaduni ulioletwa na Mitume waliotumwa na Mwenyezi Mungu ili kuwafundisha wanadamu mila na utamaduni huu. Kama maana ya neno utamaduni inavyoonesha hapo juu, Uislamu umeletwa ili kuuboresha na kuukamilisha utamaduni huo. Mitume wote waliotumwa na Mwenyezi Mungu (takriban 124,000) kuanzia Mtume Adam mpaka Mtukufu Mtume Muhammad, kazi yao ilikuwa kufundisha utamaduni huu wa Kiislamu katika nyanja zote za maisha ya mwanadamu - kimwili na kiroho. Ndio maana tunasema: “Uislamu ni mfumo kamili wa maisha.” Mwandishi wa kitabu hiki anaelezea kwa uzuri kabisa kuhusu utamaduni huu kwa kutaja vipengele muhimu kwa kurejea katika Qur’ani Tukufu, Sunnah, historia ya Kiislamu na matukio yake, n.k.

Tumekiona kitabu hiki ni chenye manufaa sana hususan wakati huu wa maendeleo makubwa ya kielimu ambapo uwongo, ngano za kale na upotoshaji wa historia ni vitu ambavyo havina nafasi tena katika akili za watu. Kutokana na ukweli huu, taasisi yetu ya Al-Itrah imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu hususan wazungumzaji wa Kiswahili.

 Tunamshukuru ndugu yetuAlhaji Abdul-Karim Juma Nkusuikwa kazi kubwa aliyoifanya ya kukitarjumi kitabu hiki kwa Kiswahili kutoka lugha ya asili ya Kiarabu. Aidha, tunawashukuru wale wote walioshiriki kwa namna moja au nyingine hadi kufanikisha kuchapishwa kwake. Allah awalipe wote malipo mema hapa duniani na kesho Akhera  Amin.

UTAMADUNI WA MWAMKO WA KIJAMII

Sheikh Hasan Musa as-Saffar

Hassan al-Saffar, Sheikh wa Kishia wa Saudi, alizaliwa mwaka 1958 AD huko Qatif, mashariki mwa Saudi Arabia. Sheikh na mwanafikra mashuhuri wa Saudia, alijifunza Kurani kutoka miongoni mwa shule za kibinafsi katika eneo la mashariki mwa Saudi Arabia. Alisoma shule ya msingi katika shule ya "Zain Al-Abedin" huko Qatif, na kuhamishiwa shule ya kati ya Al-Ameen. Alisafiri hadi mji wa Najaf wa Kishia wa Iraq ili kujiandikisha katika Hawza mwaka wa 1971 CE, na pia alisafiri hadi mji wa Qom wa Iran mwaka 1973 CE, na alijiunga na Shule ya Shia ya Mtume Mkuu huko Kuwait mwaka wa 1974 CE na akachukua masomo kutoka kwa kadhaa. masheikh, wakiwemo: Muhammad al-Husayni al-Shirazi, na Muhammad Taqi al-Modrasi, Na Mirza Hassan Haeri na wengineo.

&nbsp;

Sheikh pia ni Mhadhiri mashuhuri na Muwandishi mahiri na ameandika vitabu vingi katika nyanja mbalimbali ambavyo baadhi yake vimetarujumiwa kwenda kwenye Lugha mbalimbali Duniani ikiwemo Lugha ya Kiswahili Vitabu kama vile:
<ul>
 	<li>Imam Mahd (a.s) ni Tumaini la kimataifa</li>
 	<li>Vijana na Matarajio ya Baadae</li>
 	<li>Uwazi baina ya Masilahi na Vikwazo</li>
 	<li>Utamaduni na Muamko wa Vujana</li>
 	<li>Vip tutaishinda Khofu</li>
 	<li>Uongozi wa Kidini MaeleKezo na UteKelezaji wa KijaMii</li>
 	<li>Ugaidi wa Kifikra katika Medani ya kidini</li>
 	<li>Msuguano wa Kimadhebu</li>
</ul>
Na vinginevyo vingi ambavyo vinapatikana katika sehemu mbalimbali ikiwemo mitandao ya kijamii

Sheikh Hasan Musa as-Saffar

Born:

Sheikh Hasan Musa as-Saffar

Author Books