تعليم و تدريس ميں کہانيوں کي اہميت

ايک دفعہ کا ذکر ہے“……”‌ايک --- ہوا کرتا تھا“- يہ ايسے جملے ہيں جن کو سنتے ہي ہمارے ذہنوں ميں فوراً بچپن ميں سُني ہوئي کہانيوں کي آواز گونجنے لگتي ہے اور تصور ميں کہاني سنانے والوں کي تصوير محوِ رقص ہوتي ہے- يقينا يہ کہانيوں کي وہ تاثيرہے جو ہمارے ذہنوں پر نقش ہو کر زندگي کے حصے بن جاتي ہيں- قصہ گوئي يا کہاني سنانا ايک ايسا فن ہے جس ميں الفا1 تصوير اور آواز کے ذريعے ايک حقيقي يا افسانوي واقعہ کي نقشہ کشي يا عکاسي کي جاتي ہے- کچھ کہانياں صرف تفريحي مقاصد کے ليے ہوتے ہيں جبکہ اکثر کہانياں سبق آموز ہوتي ہيں اور اخلاقي قدريں بيان کرتي ہيں- تاريخي اور علمي اہميت فن تحرير کے وجود ميں آنے سے قبل اقوام يا افراد قصہ گوئي کے ذريعے اپني روايات اور ورثے کو اپنے آنے والي نسلوں تک پہنچاتے تھے- کہانيوں نے نہ صرف تاريخ کو محفوظ کرنے کا کام سر انجام ديا بلکہ ايک نسل سے دوسري نسل ميں زندگي کے تجروبات منتقل کرنے اور تہذيبوں کو زندہ رکھنے ميں بھي اہم کردار ادا کيا-رسمي نظام تعليم کے وجود ميں آنے سے قبل کہانياں ہي اخلاقي اور معاشرتي اقدار کي تعليم کا ذريعہ ہوا کرتي تھيں- لہٰذا اگر کہاني سنانے کے رواج کو ابتدائي ذريعہ تعليم اور طريقہ تدريس کہا جائے تو بےجا نہ ہوگا- يہي وجہ ہے کہ کہانيوں کا راوج نہ صرف ماضي ميں مقبول تھا بلکہ آج بھي تقريباً تمام معاشروں ميں بھي موجود ہے اور انھيں اہميت دي جا رہي ہے- مذاہب عالم اور تہذيبوں کے مطالعے سے يہ بات عياں ہو جاتي ہے کہ مختلف مذاہب اور تہذيبوں نے اپنے اخلاقي اقدار اور اصولوں کا بيان اور تشہير کے لئے کہانيوں کا راستہ اختيار کيا- اور يہي کہانياں اور اساطير ان کے عقائد اور اخلاقي قدروں کي ترجماني کرتے ہيں- اور ان تہذيبوں اور مذاہب سے تعلق رکھنے والوں کي کوشش ہوتي ہے کہ ان کہانيوں کے ورثے کو محفوظ رکھيں اور اس روايت کو اپنے آنے والي نسلوں ميں منتقل کرے- مسلمانوں نے جہاں دوسرے شعبہ ہائے زندگي ميں اہم تخليقات کيں وہاں کہانيوں اور حکايات کا ايک بيش بہا ادب بھي تخليق کيا جو نہ صرف مسلمانوں ميں بلکہ دوسري قوموں ميں يکساں طور پر آج بھي مقبول ہيں- جن ميں مولانا رومي اور شيخ سعدي کي حکايات، اخوان صفا کي کہانياں، کليلہ و دمنہ اور دوسرے قصے شامل ہيں- اور سالہا سال يہ کہانياں اور حکا يتيں مسلمانوں کي رسمي اور غير رسمي تعليم کا حصہ رہے ہيں-کہانيوں کي افاديت اور تاثير کو مدنظر رکھتے ہوئے آج بھي ماہرين تعليم کہاني سنانے کو ايک اہم طريقہ تدريس قرار ديتے ہے- بلکہ ابتدائي تعليم کے نصاب کو کہانيوں کے بغير نامکمل سمجھا جاتا ہے- ابتدائي تعليم اور کہانياں ہماري ذاتي تجربات اور ماہرين کي تحقيق سے يہ بات واضح ہوجاتي ہے کہ ابتدائي عمر ميں سني ہوئي کہنانيوں کا ہماري شخصيت پر گہري اثرات مرتب ہوتے ہيں- کہانيوں کي مدد سے بچوں کے اندر مخفي صلاحيتوں اور مہارتوں کو اجا گر کيا جا سکتا ہے- کہانياں کے ذريعے تعليم صرف سکول تک محدود نہيں ہوتا بلکہ اس کا شروعات گھر ميں بہت ابتدائي عمر سے ہوتا ہے- آج کل بچے چونکہ بہت جلد مختلف ناموں سے سکول جاتے ہيں مثلا کندڑ گارڈن(kinder Garden) ، مونٹسوري ، يا اي سي ڈي وغيرہ- ان ابتدائي نظام تعليم ميں کہانيوں کو خاصي اہميت دي جاتي ہے اور نصاب کا اہم حصہ قرار ديا جاتا ہے- کہانياں کيوں اہم ہيں ؟ *- کہانياں دلچسپ ہوتي ہيں اس ليے بچے شوق سے سنتے اور پڑھتے ہيں - *- کہانياں بچوں کے تخيلات کو وسعت دينے ميں مددگار ہوتي ہيں- جس سے ان کي تخليقي صلاحيت بڑھ جاتي ہے- *- ان سے زبان فہمي ميں بہتري آتي ہے- *- ان سے بچوں کے ذوق جماليات (aesthetic sense)ميں اضافہ ہوتا ہے- کہانيوں کے ذريعے مشکل اور مجرد تصورات(abstract concepts) کو سمجھانے ميں مدد ملتي ہے- کہانيوں کو کيسے پڑھايا جائے؟ کہانيوں کو پڑھانے اور پيش کر نے کے ليے مختلف طريقے ہو سکتے ہيں- ان ميں سے چند مختصراً يہاں بياں کيے جاتے ہيں- (1)کہاني سنانا: يہ ايک روايتي طريقہ ہے کہ ٹيچر کہاني خود پڑھ کر سناتا يا سناتي ہے اور بچے سنتے ہيں-اس طريق تدريس ميں بچے صرف سنتے ہے-اس طريقہ ميں ٹيچرکو زبان، تلفظ اور حرکات و سکنات کا زيادہ خيال رکھنے کي ضرورت ہے- ورنہ بچے اس ايک طرفہ عمل ميں دلچسپي کم لينگے- (2) بچوں سے پڑھوانا:اس طريقہ ميں ٹيچر کہاني سنانے سے پہلے بچوں کو تياري کيليے وقت ديتاہے اور بعد ميں بچوں سے کلاس کے سامنے زور سے پڑھنے کے ليے کہتا ہے- (3 )کہاني پر غور: ايک طريقہ يہ بھي ہوسکتا ہے کہ ٹيچر کہاني کو ريکارڈ کرکے کلاس ميں بچوں کو ٹيپ ريکارڈر کے ذريعے سنا دے-سنانے سے پہلے بچوں کو کہاني سے متعلق سولات پہلے دينا چاہئے-تاکہ بچے توجہ کے ساتھ سنے- (4) کہاني کو ڈرامے کي صورت ميں پيش کرنا: ايک اور طريقہ جو آج کل بہت مقبول ہے وہ يہ ہے کي کہاني کو ڈرامے کي صورت ميں پيش کيا جاتا ہے-جس ميں بچے جسماني لحاظ سے شرکت کرتے ہے- اس طريقہ ميں ٹيچر اور طلبہ دونوں کو زيادہ محنت اور تياري کي ضرورت ہوتي ہے- (5) تصويري کہاني: طلبہ کو کوئي تصوير دکھا کر ان سے کہاني تيار کرنے کے ليے کہا جائے-بچے اپنے تخيل استعمال کر کے کہاني تيار کرتے ہے- يا اس کے بر عکس سنائي گئي کہاني کو تصويري صورت ميں پيش کرنے کو بھي کہا جاسکتاہے- (6)فلمي کہاني: آج کل بہت سي کہانيوں کو فلمايا گيا ہے - اگر ٹي وي يا ملٹي ميڈيا کي سہولت موجود ہوں تو بچوں کو ديکھايا جاسکتا ہے- اور بعد ميں بچوں کے ساتھ اس کہاني پر گفتگو کي جاسکتي ہے- کہاني پڑھاتے وقت کن باتوں کا خيال رکھا جائے؟ *- کہاني پڑھانے سے قبل مقصد(objective) کا تعين ضروري ہے، يعني کہاني صرف تفريح کے لئے نہ ہو بلکہ اس ميں طلبہ کے علم (knowledge)، ہنر (skill) اور رويہ (attitude) ميں بہتري لانا مقصود ہو- *- کہاني کا انتخاب بچوں کي عمر اور ذہني سطح کے مطابق ہو- *- کہاني پڑھاتے وقت کہاني کا مرکزي خيال اور اخلاقي نکات واضح ہو اور بار بار طلبہ کي توجہ انکي طرف مبذول کيا جائے- *- کہاني کو ڈرامائي انداز ميں پيش کرنے سے قبل بچوں کو تياري کے ليے مناسب وقت ديا جائے اور ٹيچر کو چاہئے کہ وہ تياري کے دوران بچوں کي مدد کرے- *- کہاني پڑھاتے وقت تمام بچوں کو سرگرميوں ميں حصہ لےنے کي حوصلہ افزائي کي جائے اور خاص طور پر خاموش اور شرميلے بچوں کو زيادہ سے زيادہ موقع ديا جائے تاکہ ان ميں خود اعتمادي آجائے- الغرض کہاني يا قصہ گوئي جہاں تاريخي طور پر ايک اہم ذريعہ تعليم رہا ہے وہاں جديد تحقيق نے بھي اس کو ايک موثر طريقہ تدريس قرار ديا ہے- خاص طور پر پرائمري سطح پر کہانيوں کو نصاب کا ايک اہم حصہ سمجھا جاتا ہے- اخلاقي اور سماجي تعليم ميں کہانيوں کي اہميت اور زيادہ ہوجاتي ہے کيونکہ اس ميں بچوں کي اخلاقي تربيت اور کردار سازي ايک اہم مقصد ہوتا ہے اور کہانيوں کو اس مقصد کے حصول ميں ممد و معاون تصور کيا جاتا ہے- ليکن اس ضمن ميں ضروري ہے کہ کہاني کے موثر تدريس کے لئے ٹيچرز يا والدين کے پاس مناسب علم،تجربہ اور مہارت موجود ہو- منبع:tebyan.net