اوصاف الشیعہ(صِفاتُ الشّیعَة)

اوصاف الشیعہ(صِفاتُ الشّیعَة)

زیرنظر کتاب دنیاۓ شیعیت کے عظیم الشان محدث حضرت محمد بن علی بن حسین بن بابویہ قمّی کی تالیف لطیف ہے جسے اردو زبان میں جناب امیر تو حیدی کے نسخہ پر انحصار کرتے ہوئے جناب فیاض حسین جعفری نے بنحو احسن ترجمہ کیا ہے کیونکہ جناب تو حیدی نے اس رسالہ کا مختلف متنوں سے تقابل کر کے بڑی محنت سے اسے مرتب کیا ہے۔ اس رسالہ میں حضرت شیخ صدوق رحمۃ اللہ علیہ نے شیعان علی علیہ السلام کے اوصاف کے متعلق ہادیان دین سے مروی صحیح اور مستند احادیث نقل کی ہیں۔

دور حاضر میں جہاں چاروں طرف سے تشیع کے خلاف محاذ کھلے ہوۓ ہیں اور شیعان حیدر کرّار کو مختلف حیلوں بہانوں سے احساس کمتری میں مبتلا کرنے کی سازشیں کی جارہی ہیں ان حالات میں ضرورت تھی کہ شیعان حیدر کرار کو ان کا مقام و منصب بتایا جاۓ تا کہ وہ مخالفین کی تبلیغات سے احساس کمتری کا شکار نہ ہوں ۔

اس کتاب میں ائمۂ معصومین(ع) کے نقطۂ نظر سے شیعوں اور شیعوں کی صفات، خوبیوں اور تقاضوں کا بیان ملتا ہے۔ اس کتاب میں اہل تشیع کی طرف سے شیعوں کے اخلاقی اور نظریاتی خصائص کا ایک مجموعہ موجود جس کا اہل بیت علیہم السلام شیعوں سے تقاضہ رکھتے ہیں جن سے شیعہ ائمہ علیہم السلام کی توقعات جھلکتی ہیں۔ اس سلسلے میں مصنف نے پہلے شیعہ صفات اور خصوصیات کو بیان کیا ہے جیسے: تقویٰ اور پرہیزگاری، ائمہ کرام کے احکامات پر عمل، جھوٹ اور فریب سے اجتناب، دائم الذکر رہنا، بدعنوان اور خدا کے دشمنوں اور اہل بیت کے دشمنوں سے دور رہنا، نیک لوگوں کے ساتھ وابستگی وغیرہ  پھر فاضل مؤلف نے شیعوں کے فضائل اور امتیازات  کی طرف اشارہ کیا اور خدا، ائمہ اور رسول خدا صلی اللہ علیہ وآلہ وسلم  کے ساتھ ان کی خصوصی حیثیت کی تصویر کشی کی ہے اور روائی  نقطۂ نظر سے قیامت کے دن ان کے مقام و منزلت کا تذکرہ کیا ہے۔