Kitabu ulichonacho mikononi mwako ni kitabu asili yake ni cha lugha ya Kiarabu kwa jina la, al-Imam Mahdi wa Basha'ira 'l-Amal, kilichoandikwa na Sheikh Hasan Musa al-Saffar. Na sisi tumekiita, Imam Mahdi na Bishara ya Matumaini. Imam Mahdi (a.s.) ni Imam wa kumi na mbili na wa mwisho kati ya Maimamu watokanao na Ahlul Bayt (a.s.) na ambao hufuatwa na wafuasi wa madhehebu ya Shia Ithna Asharia. Imam Mahdi (a.s.) yuko hai na katika Ughaibu (kutoonekana) na atadhihiri tena Allah atakapopenda na wakati huo ulimwengu utakuwa umejaa dhulma na yeye ataujaza kwa haki na uadilifu.Huyu ndiye Imam wa zama hizi na ni muhimu kila Mwislamu kumtambua, kwani Mtukufu Mtume (s.a.w.w.) amenukuliwa akisema kwamba mtu asiyemtambua Imam wake wa zama na akafa katika hali hiyo atakuwa amekufa kifo cha kijahilia (yaani cha kikafiri).Mwandishi wa kitabu hiki anatumia kalamu yake kuelezea kwa ufupi wasifu wa Imam Mahdi (Mwenyezi Mungu aharakishe kudhihiri kwake) na umuhimu wake katika zama hizi. Tumekiona kitabu hiki ni chenye manufaa sana, hususan wakati huu ambapo watawala mabeberu na madhalimu wamezidisha mbio zao za kuwakandamiza wanyonge na kuyakandamiza na kuyaonea mataifa madogo ulimwenguni kwa kuanzisha vita baina yao na kuporarasilimail zao.Kutoka na ukweli huu, taasisi yetu ya Al-Itrah imeamua kukichapisha kitabu hiki kwa lugha ya Kiswahili kwa madhumini yake yaleyale ya kuwahudumia Waislamu, hususan wazungumzaji wa Kiswahili.Tunamshukuru ndugu yetu Abdul-Karim Juma Nkusui kwa kazi kubwa aliyoifanya ya kukitarjumi kitabu hiki kwa Kiswahili kutoka lugha ya asili ya Kiarabu. Aidha tunawashukuru wale wote walioshiriki kwa namna moja au nyingine hadi kufanikisha kuchapishwa kwake. Allah awalipe wote malipo mema hapa duniani na kesho Akhera – Amin.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

Translated Fields

Custom Canonical

is suggested

Rate

Indexing

SEO Title

View

Votes

IMAM MAHDI NA BISHARA YA MATUMAINI

Jina la “Imam Mahdi (aj) Tumaini la Mataifa” linarejelea kitabu kilichoandikwa na “Hasan Musa al-Saffar” kinachozungumzia suala la Umahdi na nafasi ya Imam Mahdi (aj) katika kuokoa ubinadamu kutokana na dhulma. .
Maudhui ya Kitabu:
Kitabu cha “Imam Mahdi (aj) Tumaini la Mataifa” kinachunguza dhana ya kungojea ujio na wajibu wa wale wanaosubiri katika zama za ghaiba. Katika kitabu hiki, akinukuu aya za Quran na riwaya, mwandishi anaeleza nafasi ya Imam Mahdi (aj) kuwa ni mwokozi wa ubinadamu na mwisho wa dhulma duniani. Kitabu hiki pia kinachunguza vipimo mbalimbali vya Umahd na nafasi yake katika maisha ya mtu binafsi na ya kijamii ya wanadamu.
Umuhimu wa Kitabu:
Kitabu hiki kina umuhimu mahususi kwa sababu kinazungumzia somo muhimu la Umahd na kinatoa mtazamo mpana na wa vitendo juu ya imani hii. Kukisoma kitabu hiki kunaweza kusaidia hadhira kuelewa ipasavyo dhana ya kusubiri marejeo na wajibu wa wale wanaosubiri katika zama za ghaib, na kuchukua hatua za kufikia malengo ya juu ya Mahdi.

IMAM MAHDI (A) NI TUMAINI LA MATAIFA

Silabasi hii ya Tawhid imetengenezwa na taasisi ya Association of Imam Mahdi (a.s.) kwa ajili ya darasa zake za dini. Tumefanya juhudi kubwa kuhakikisha kwamba silabasi hii inaafikiana na Qur’an Tukufu, hadithi za Ahlul Bayt (a.s) na vitabu vya wanachuoni wenye kuheshimika wa Shia. Wakati ambapo tumejaribu kwa kadiri ya uwezo wetu kuifanya silabasi hii kuwa sahihi kwa kadiri inavyowezekana, tutashukuru kama wasomaji wetu watajitokeza mbele na ushauri wenye manufaa kwa ajili ya kuboresha silabasi hii na pia kuonesha mapungufu yetu. Mwishoni, tunamuomba Allah, (swt), aharakishe kujitokeza tena kwa Hadhrat Imam Mahdi (a.t.f.s). Ajaalie atujumuisha nasi miongoni mwa masahaba waaminifu wa Imam (a.t.f.s). Atujaalie sisi ufanisi wa kutayarisha uwanja kwa ajili ya kujitokeza kwake tena mapema kwa Imam (a.t.f.s).

Mahdwiyat

Safina ya msafara wa mwisho wa mwanadamu inakaribia mwisho wake katika dimbwi la hatari ya imani potofu ya kuamini dunia hii tu bila ya kujali Aakhera. Uroho huu umeongezeka katika udanganyifu wetu wa kisayansi kiasi kwamba mwanadamu anataka kuiendesha sayari ya Venus, Mwezi na Jua. Uroho huu umemfanya kiasi cha kuweza kusahau matatizo ya dunia yetu hii.
Mashabiki wa utamaduni wameudhalilisha ubinadamu kufikia tabaka la chini kabisa la aibu kiasi kwambahata kilio cha Baba Adam a.s. pia kitakuwa kimelowana kwa jasho la udhalilisho.
Kidhahiri, dunia hii imejaa mwangaza lakini kiza cha ujahiliya kinaenea mbali na kwa mapana. Kizazi cha Shetani kimekwisha tayarisha mipango kamambe ya kulipiza kisasi chake cha kudharauliwa na kizazi cha Mtume Adam a.s. Hali mbaya na machafuko ya matendo ya aina yote ya madhambi ndivyo vilivyosababisha kufungwa milango ya mwanadamu ya kuwa huru. Kivuli cha kiza kikubwa cha misiba ndiyo mambo yanayotia uchungu wa moyo juu ya ubinadamu. “Lakini, mwale wa nuru moja tu wa matumaini katika janga hili la kutokuwa na matumaini ni ile nuru ya nafsi yako (Imam MahdiError: Reference source not found a.s. ) ambayo ipo inang'ara mbali na paziaisiyoonekana. Tunakuomba Ewe Imam Mahdi a.s. ! Udhihiri haraka iwezekanavyo na kwamba ufupishehayo masaa ya subira yetu kwa ajili yako ingawaje kamwe hatuwezi kupoteza subira zetu kwa ajili yako.”“Tuombee, udhihirishe yale yaliyo batini na uifanye nuru yako ing'arishe ulimwengu mzima. Dhihirishamaneno ya Allah swt kuwa "Allah swt ataikamilisha nuru yake hata kama makafiri watachukia". Udhahiri wako ndio dalili ya kuja kwa Siku ya Qayama lakini kutokuwapo kwako pia ni yenye maumivukama Siku ya Mwisho. Wanaadamu tunaoathirika tunakuhitaji mno na mimi ninayo imani kamili ya kuja kwako na mwelekeo mwema katika kudhihiri na njia moja ya kukukaribisha, kwa kunyenyekea ninakitoa kitabu hiki "Qayamat-i-Sughra" mbele yako na natumaini kuwa utanikubalia mimi kama mtumwa wakona hakika hii itakuwa ndiyo uokovu wangu”.

Dalili za Qiyama na Ubashiri wa Kudhihiri Imam Mahdi (a)

Kitabu kilicho mikononi mwako ni Mkusanyiko wa Makala mbalimbali  zinazogusia na kuhusisha mada tofauti tofauti nazo ni kama ifuatavyo:-

Abu hurairah

Atakapo kuja

Dini ya kweli ya mwenyezi mungu

Hadithi ya shuka

Hadithi za mtume

Maisha ya imam hadi

Maisha ya imam hasan-al-askari

Masomo ya kiislam 3

Masomo ya kiislamu 2

Masomo ya kiislamu 4

Masomo ya kislamu 1

Muhammad Mtume wa Allah

Nguzo ya uchamungu

Safari ya bibi ma'asumah

Shujaa Baada Ya Karbala Imamu Ali Zainul-Abidini (a.s.)

Uchunguzi wa imam  mahdi

Ukweli katika Minyororo Imamu Ali Naqi (a.s)

Ukweli katika Minyororo Imamu Ali Naqi (a.s)

&nbsp;

Mkusanyiko wa makala

Kitabu ulichonacho mikononi mwako kimeandikwa kwa lugha ya Kiswahili kwa jina la “Imam Mahdi (a.s) Kiongozi wa Zama” kilichoandikwa na Sheikh Mulabah Saleh Lulat.Kitabu hiki kwa ujumla huelezea uwepo wa Imam Mahdi (a.s) ambaye ni Imam wa Zama hizi kama ilivyotabiriwa na mtukufu Mtume (s.a.w.w) mwenyewe. Imam Mahdi (a.s) yuko hai lakini macho yetu hayamuoni kwa vile Allah (swt) amemuweka katika Ghaibat kubra a (ghaibu kubwa), kutokana na urefu wa ghaibu hii watu wengi wamefikia hitimisho kwamba Imam huyu hayupo au alikwisha tokea zamani na kuondoka, kwa hiyo hakuna tena cha Imam Mahdi. Haya ni mawazo ya watu wavivu wa kufikiri na waliokata tamaa. Wakati Mtukufu Mtume (s.a.w.w) alipokuwa anatoa bishara hii ya kuja kwa Imam Mahdi (a.s) kutoka katika kizazi chake alisema kuhusu urefu wa ghaibat yake na akanuliwa akisema kwamba “Ghaibat yake itakuwa ndefu sana kiasi kwamba imani ya kuwepo kwake itabaki kwa watu wachache sana - hawajai hata katika kitengele cha mkono.” Kwa hiyo sio ajabu kwa sasa kuona watu walio wengi kutokuwa na imani ya kuwepo kwake - kwani hilo lilikwisha tajwa na Mtukufu Mtume (s.a.w.w) kabla.Hadithi sahihi za Mtukufu Mtume (s.a.w.w) kuhusiana na suala hili utazikuta ndani ya kitabu hiki, zilizosimuliwa na wanachuoni wote wa Kiislamu - Shia na Sunni.

Imam Mahdi(as)

Kitabu hiki kinatoa ufafanuzi wa hadithi maarufu ya Mtume Mtukufu Muhammad (s.a.w.w.) ambaye amesema, “Yeyote atakayekufa pasi kumtambua Imamu wake atakufa mauti ya mpagani.”
Kila Mwislamu mwenye kuamini kauli ya Bwana Mtume (s.a.w.w.) hana budi kufanya kila juhudi ya kumtambua Imamu wake wa wakati huu maana dunia hii haiwezi kubaki hata sekunde moja bila ya Hujjah ya Mwenyezi Mungu (s.w.t.) kuwapo.Ama kwa hakika, kuwa na imani katika Imamu ni mzizi mmojawapo wa bDini, maana kazi ya kuiongoza na kuihifadhi dini ni wajibu wa Imamu baada ya kuondoka duniani Bwana Mtume (s.a.w.w.).

Imam wa Zama, Hazrat Mahdi (a.s.)

Hiki kijitabu kina baadhi ya Utabiri unaohusu Ghaybah (kutoonekana) ya Imam al-Mahdi (a.s.). Kinaonyesha kuwa imani hii ilikuwepomiongoni mwa Mashia na hata baadhi ya Masunni tangu zama za Amir al-Muminin, ‘Ali (a.s.). Mashairi kuhusu imani hii yalitungwa na kusomwa mbele ya Imam as-Sadiq (a.s.). Pia huonyesha kwenye baadhi ya maendeleo ya kihistoria ambayo yanathibitisha tena kuwepo tabiri hizo na atharizake. Wapokeaji hadithi wakubwa watatu wasio Mashia waliandika vitabu kuhusu Ghaybahya Imam Mahdi muda mrefu kabla ya kuzaliwa kwake katika mwaka wa 255 A.H. Walithibitisha bila shaka(yoyote) ukweli wa Ghaybat na kudhihiri tena kwa Sahibu ’l-‘Asr — Bwana wa Zama (hizi). Allah aharakishe kutokeza kwake

UTABIRI UNAOHUSU GHAYBAH YA  IMAM MAHDI (A.T.F.S)

Tunamshukuru Allah (s.w.t.) na kwa Baraka za Mtukufu Mtume (s.a.w.w.) na Watukufu Ahlul~Bait (a.s.) kwa kutujaalia kuweza kufanikisha juhudi zetu hizi katika kuchapisha kitabu hiki “Imam Al-Mehdi (a.t.f.).” Kitabu kilichopo mikononi mwako ni tafsiri ya moja ya ma’andishi vya Hujjatul Islam wal Muslimeen Sayyid Muhammad Rizvi, na kimetafsiriwa kwa lugha ya Kiswahili na Dr. Muhammad Said Kanju, kutoka asili yake ya lugha ya Kiingereza. Bilal Muslim Mission inatoa shukurani zake za dhati kwa wale wote ambao wameshiriki kwa njia moja au nyingine katika kukamilisha kitabu hiki na hivi sasa kipo mikononi mwa wasomaji wetu. Tunamuomba Allah (s.w.t.)awalipe malipo mema hapa Duniani na baadaye huko, Akhera.

Muhammad ibn Hassan Askari (a.s.), anayejulikana kama Imam Mahdi (a.s.), Imam wa Zama, na Hujjat ibn al-Hasan (b. 255 AH), ni Imamu wa kumi na mbili na wa mwisho wa Mashia Kumi na Wawili. Mashia wanaamini kwamba yeye ndiye Mahdi aliyeahidiwa ambaye atatokea tena baada ya kipindi kirefu cha ghaiba. Uimamu wake ulianza baada ya kifo cha kishahidi cha baba yake, Imam Hassan Askari (a.s.) mwaka wa 260 Hijiria. Kwa mujibu wa vyanzo vya Shia, wakati wa uimamu wa Imam Hassan Askari (a.s.), serikali ya Abbas ilitaka kumpata mtoto wake wa kiume kama Mahdi na mrithi wa baba yake; kwa hiyo, kuzaliwa kwa Imam al-Zaman (a.s.) kulifichwa, na hakuna mtu aliyemuona isipokuwa masahaba wachache maalum wa Imamu wa kumi na moja wa Kishia. Kwa sababu hii, baada ya kuuawa shahidi Imam Askari (a.s.), baadhi ya Mashia walitilia shaka na kuibuka madhehebu katika jamii ya Shia, na kundi la Mashia likamfuata Ja'far al-Kadhab, ami yake Imam al-Zaman (a.s.). Katika mazingira haya, bishara za Imam wa Zama, ambazo kwa ujumla zilielekezwa kwa Mashia na ziliwasilishwa kwa watu na wawakilishi maalum, zilipelekea kuanzishwa tena Ushia; kwa kadiri kwamba katika karne ya nne ya kalenda ya mwandamo, miongoni mwa madhehebu yaliyokuwa yamegawanyika kutoka kwa Ushia baada ya kuuawa shahidi Imam wa Kumi na Moja, ni Ushia Kumi na Wawili pekee waliobaki. Baada ya kifo cha kishahidi cha baba yake, Imam wa Zama (a.s.) alitumia muda wa ghaiba ndogo, ambapo alikuwa akiwasiliana na Mashia kupitia wawakilishi maalum wanne. Kuanzia mwaka 329 Hijria, mawasiliano ya watu naye kupitia kwa wawakilishi maalum pia yaliisha na kipindi cha ghaiba kubwa kilianza. Wanachuoni wa Kishia wametoa maelezo kuhusu sababu na maelezo ya maisha marefu ya Imam wa Wakati, na katika hadithi za maasumu, ghaiba yake imefananishwa na jua nyuma ya wingu.

Kwa mujibu wa imani ya Shia, Imam Mahdi (a.s.) yu hai na atadhihirika katika siku zijazo na, pamoja na masahaba wake, watasimamisha serikali ya ulimwengu na kuijaza dunia iliyojaa dhuluma na dhulma, uadilifu na uadilifu. Katika riwaya za Kiislamu, kuna msisitizo mkubwa wa kungojea ufufuo, na Shia wanazielewa riwaya hizi kuwa maana yake ni kusubiri kudhihiri kwa Imam al-Zaman (a.s.).Kwa kuzingatia riwaya, wafasiri wa Shia wamezingatia baadhi ya aya za Quran kuwa zinamrejelea Imam al-Zaman (a.s.). Hadith nyingi pia zimesimuliwa kuhusu Imam al-Zaman, maisha yake, ghaiba, na utawala wake. Inasemekana kuwa zaidi ya vitabu 2000 vimeandikwa kuhusu Imam al-Zaman katika lugha mbalimbali na masuala mbalimbali.Masunni wanamchukulia mtu anayeitwa Mahdi kuwa ndiye mwokozi wa zama za mwisho na wanamchukulia kuwa ni kizazi cha Mtume (SAW); hata hivyo, baadhi yao wanaamini kwamba atazaliwa wakati ujao. Wakati huo huo, baadhi ya wanachuoni wa Kisunni, kama vile Ibn al-Jawzi na Ibn Talha al-Shafi'iy, wanaamini, kama Mashia, kwamba Mahdi Aliyeahidiwa ni mtoto wa Imam Hassan al-Askari (a.s.), ambaye alizaliwa mwaka 255 Hijiria.

Imam Mahdi (AS)

Imam Muhammad al-Mahdi (a), Imamu wa Kumi na Mbili katika Uislamu wa Shia Kumi na Mbili, anachukuliwa na Waislamu wa Shia kuwa yu hai na yuko katika ghaiba, kumaanisha kuwa amefichwa machoni pa watu lakini bado anawaongoza wanadamu. Anaaminika kuwa ni Mahdi aliyetabiriwa, ambaye atarudi mwisho wa wakati ili kuleta amani na haki duniani.Kitabu hiki ni cha mwisho katika mfalulizo wetu huu wa maisha ya Watakatifu  Kumi na Wanne wa jamii ya Mtukufu Mtume (s.a.w.), nacho kinahusu maisha ya Imamu wa Kumii na Mbili. Watu ambao ni  vigumu  sana  kuwaelewa  tuzionapo  habari  zao  na  hata tunapoonana  nao  jicho  kwa  jicho,  hakika  itakuwa  vigumu  zaidi kuwaelewa wanapokuwa hatuwaoni. Kitabu  hiki  hakikukusudiwa  kwa  wale  wasioyaamini  yale yasiyoonekana  bali  kwa  wale  wanaomwamini  Mwenyezi  Mungu Asiyeonekana.

ANAYENGOJEWA IMAMU MUHAMMAD AL-MAHDI (a)

Kitabu kilichoko mikononi mwako ni tarjuma ya kitabu cha Kiingereza kiitwacho, The Journey to the Lightkilichoandikwa na Sayyid Abbas Noor Eddine. Sisi tumekiita, Safari ya Kuifuatia Nuru.

Kitabu hiki kinazungumzia maisha ya Imam Mahdi (a.s.) na Ughaibu wake, jinsi ulivyotokea na anavyoishi sasa katika maisha hayo ya kutoonekana. Waislamu wamehitalifiana juu ya Ughaibu wake na jinsi anavyoendelea kuishi akiwa katika Ughaibu. Mwandishi wa kitabu hiki amejaribu kuelezea kwa lugha nyepesi juu ya hitalafu hizo, na hatimaye kwa kuonesha jinsi alivyozaliwa mpaka kuingia kwenye Ughaibu, jinsi anavyoishi Ughaibuni huko na jinsi wafuasi wake (ambao ni Waislamu) wanavyonufaika naye pamoja na kwamba yuko Ughaibuni. Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huo, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili. Tunamshukuru ndugu yetu, Selemani Salum Matumula kwa kukubali kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.

Umahdi-Imam Mahdi (a.s.)

Umahdi-Imam Mahdi (a.s.)