گوشۂ امیر المؤمنین: اس سیکشن میں آپ کے لیے امیرالمؤمنینؑ کی حیات طیبہ سے متعلق کتابیں خصوصی طور پر مرتب کی گئی ہیں تاکہ آپ کو کوئی خاص کتاب تلاش کرنے میں پریشانی کا سامنا نہ کرنا پڑے اور آسانی سے متعلقہ کتاب آپکی دسترس میں رہے۔

Common title

View

  علی قرآنی آیات کی روشنی میں ۲

حضرت علی علیہ السلام تیرہ رجب (599 – 661) کو شہر مکہ میں خانہ کعبہ میں پیدا ہوۓ ۔ آپ کے والد کا نام ابوطالب اور والدہ کا نام فاطمہ بنت اسد ہے۔

حضرت علی علیہ السلام پیغمبر اسلام صلی اللہ علیہ و آلہ و سلم کے چچا زاد بھائی ہیں اور انہوں نے اسی سایہ نبوت میں پرورش پائی ۔ پیغمبر کی زیر نگرانی آپ کی تربیت ہوئی ۔حضرت علی علیہ السلام پہلے مرد تھے جنہوں نے اسلام کا اظہار کیا بلکہ یوں کہیں تو بے جا نہ ہو گا کہ علی علیہ السلام دین اسلام پر پیدا ہوئے۔یہ کہنا بڑا ظلم ہے کہ علی بچوں میں سب سے پہلے اسلام لے کر آئے۔

جگر گوشہ بتول ،خاتون جنت سیدہ فاطمہ سلام اللہ اور مولائے متقیان زندگی گھریلو زندگی کا ایک بے مثال نمونہ تھی کہ مرد اور عورت آپس میں کس طرح ایک دوسرے کے شریک ُ حیات ثابت ہوسکتے ہیں ،کس طرح تقسیم عمل ہونا چاہیے اور کیوں کر دونوں کی زندگی ایک دوسے کے لیے مددگار ہوسکتی ہے ,

باب العلم کی زندگی ہر رخ سے ایک آفتاب درخشندہ ہے۔علم، حلم، عبادت، خطابت، شجاعت، ریاضت، تلاوت ہر ایک وصف گویا منفرد تھا۔ انہوں نے مسلمانوں کو یہ درس دیا کہ زندگی دراصل اطلاعت پروردگار اور اطاعت رسول کانام ہے۔ انہوں نے کام کرنے کو انسان کی معراج بنایا۔

علی علیہ السلام صبح کو مشکیزہ لے کر جاتے تھے اوریہودیوں کے باغ میں پانی دیتے تھے او جو کچھ مزدوری ملتی تھی اسےگھر پر لاتے اور کچھ رقم سے بازار سے جو خرید کر خاتون جنت کو دیتے تھے اورسیدہ چکی پیستی , کھانا پکاتی اورگھر میں صفائی کرتیں, حسنین کی پرورش اورفرصت کے اوقات میں چرخہ چلاتیں خود اپنے اور اپنے گھر والوں کو لباس کے لیے اور کبھی مزدوری کے طور پر سوت کاتتی تھیں اور اس طرح گھر میں رہ کر زندگی کی مہم میں اپنے شوہر کاہاتھ بٹاتی تھیں۔

بہت سے مفسرین اور مفکرین نے اہلیبیت اطہار کے حوالے سے اکثر یہ تاثر دینے کی کوشش کی ہے کہ انکے لیئے کھانا اور کپڑے جنت سے آ جاتے تھے اور گویا روئے زمین پر یہ مثالی ہستیاں مافوق الفطرت طور پر زندگی گزارتی تھیں۔حالانکہ سچ تو یہ ہے کہ خانوادہ رسالت کے ہر فرد کو اگرچہ خالق کائنات نے بیش بہا معجزات عنایت لیئے تھے لیکن انہوں نے اپنی زندگی عام انسان کی طرح محنت مزدوری اور کام کاج کر کے گزاری اور دوسروں کے لیے کام میں عظمت کی مثال چھوڑی۔

مدینہ میں پیغمبر صلی اللہ علیہ و آلہ و سلم کو مخالف گروہ نے آرام سے بیٹھنے نہ دیا.پہلے ابو جہل اور غزوہ بدر کے بعد ابوسفیان کی قیادت میں مشرکینِ مکہ نے جنگی تیاریاں کیں یہی نہیں بلکہ اسلحہ اور فوج جمع کر کے خود رسول کے خلاف مدینہ پر چڑھائی کردی ,

اس موقع پر رسول صلی اللہ علیہ و آلہ و سلم کا اخلاقی فرض تھا کہ وہ مدینہ والوں کے گھروں کی حفاظت کرتے جنھوں نے کہ آپ کوانتہائی ناگوار حالات میں پنا ہ دی تھی اور آپ کی نصرت وامداد کاوعدہ کیا تھا , گو آپ کے ساتھ تعدادبہت کم تھی لیکن صرف تین سو تیرہ آدمی تھے , ہتھیار بھی نہ تھے مگر آپ نے یہ طے کرلیا کہ آپ باہر نکل کر دشمن سے مقابلہ کریں گے چنانچہ پہلی لڑائی اسلام کی ہوئی جو غزوہ بدر کے نام سے مشہور ہے .

اس لڑائی میں زیادہ رسول اللہ نے اپنے عزیزوں کو خطرے میں ڈالا چنانچہ آپ کے چچا زاد بھائی عبیدہ ابن حارث ابن عبدالمطلب اس جنگ میں شہید ہوئے . علی ابن ابی طالب علیہ السلام کا جنگ کا یہ پہلا تجربہ تھا . 25 برس کی عمر تھی مگر جنگ کی فتح کا سہرا حضرت علی کے سر رہا .جتنے مشرکین قتل ہوئے تھے ان میں سے آدھے مجاہدین کے ہاتھوں قتل ہوئے تھے اس کے بعد غزوہ احد، غزوہ خندق، غزوہ خیبر اور غزوہ حنین یہ وہ بڑی لڑائیاں ہیں جن میں حضرت علی نے رسول صلی اللہ علیہ و آلہ و سلم کے ساتھ رہ کر اپنی بے نظیر بہادری کے جوہر دکھلائے .

تقریباًان تمام لڑائیوں میں حضرت علی علیہ السلام کو علمداری کا عہدہ بھی حاصل رہا . اس کے علاوہ بہت سی لڑائیاں ایسی تھیں جن میں رسول صلی اللہ علیہ و آلہ و سلم نے حضرت علی کو تنہا بھیجا اورانھوںنے اکیلے ان تمام لڑائیوں میں بڑی بہادری اور ثابت قدمی دکھائی اور انتہائی استقلال، تحمّل اور شرافت ُ نفس سے کام لیاجس کا اقرار خود ان کے دشمن بھی کرتے تھے۔

غزوہ خندق میں دشمن کے سب سے بڑے سورما عمروبن عبدود کو جب آپ نے مغلوب کر لیااور اس کاسر کاٹنے کے لیے اس کے سینے پر بیٹھے تو اس نے آپ کے چہرے پر لعاب دہن پھینک دیا . آپ کو غصہ آگیااور آپ اس کے سینے پر سے اتر ائے . صرف اس خیال سے کہ اگر غصّے میں اس کو قتل کی تو یہ عمل محض خدا کی راہ میں نہ ہوگا بلکہ خواہش نفس کے مطابق ہوگا۔

کچھ دیر کے بعد آپ نے اس کو قتل کیا , اس زمانے میں دشمن کو ذلیل کرنے کے لیے اس کی لاش برہنہ کردیتے تھے مگر حضرت علی علیہ السلام نے اس کی زرہ نہیں اُتاری اگرچہ وہ بہت قیمتی تھی . چناچہ اس کی بہن جب اپنے بھائی کی لاش پر آئی تو اس نے کہا کہ کسی اور نے میرے بھائی کوقتل کیا ہوتا تو میں عمر بھر روتی مگر مجھ یہ دیکھ کر صبر آگیا کہ اس کا قاتل علی سا شریف انسان ہے جس نے اپنے دشمن کی لاش کی توہین گوارا نہیں کی۔

آپ نے کبھی دشمن کی عورتوں یا بچّوں پر ہاتھ نہیں اٹھا یا اور کبھی مالِ غنیمت کی طرف رخ نہیں کیا۔

رسول اللہ کی طرف سے عہد ناموں کا لکھنا، خطوط تحریر کرنا آپ کے ذمے تھا اور لکھے ہوئے اجزائے قرآن کے امانتدار بھی آپ تھے- اس کے علاوہ یمن کی جانب تبلیغ اسلام کے ليے پیغمبر صلی اللہ علیہ و آلہ و سلم نے آپ کو روانہ کیا جس میں آپ کی کامیاب تبلیغ کا اثر یہ تھا کہ سارا یمن مسلمان ہو گیا۔

جب سورہ براَت نازل ہوئی تو اس کی تبلیغ کے ليے بحکم خدا آپ ہی مقرر ہوئے اور آپ نے جا کر مشرکین کو سورئہ براَت کی آیتیں سنائیں-

حضرت علی علیہ السلام کی امتیازی صفات اور خدمات کی بنا پر رسول ان کی بہت عزت کرتے تھے او اپنے قول اور فعل سے ان کی خوبیوں کو ظاہر کرتے رہتے تھے.

کبھی یہ کہتے تھے کہ ‘‘علی مجھ سے ہیں اور میں علی سے ہوں‘‘ .کبھی یہ کہا کہ ‘‘میں علم کاشہر ہوں اور علی اس کا دروازہ ہے ‘‘ کبھی یہ کہا ‘‘تم سب میں بہترین فیصلہ کرنے والا علی ہے‘‘ کبھی یہ کہا‘‘علی کومجھ سے وہ نسبت ہے جو ہارون کو موسیٰ علیہ السّلام سے تھی‘‘کبھی یہ کہا‘‘علی مجھ سے وہ تعلق رکھتے ہیں جو روح کو جسم سے یا سر کو بدن سے ہوتا ہے‘‘۔

کبھی یہ کہ‘‘وہ خدا اور رسول کے سب سے زیادہ محبوب ہیں ‘‘۔

یہاں تک کہ مباہلہ کے واقعہ میں حضرت علی نفسِ رسول قرار پائے اور اللہ کے نبی انہیں مولائے کائنات اور اپنا وصی کہا. عملی اعزاز یہ تھا کہ مسجد میں سب کے دروازے بند ہوئے تو علی کا دروازہ کھلا رکھا گیا . جب مہاجرین وانصار میں بھائی چارہ کیا گیا تو علی علیہ السّلام کو پیغمبر نے اپنا دنیا وآخرت میں بھائی قرار دیااور سب سے آخر میں غدیر خم کے میدان میں ہزاروں مسلمانوں کے مجمع میں حضرت علی کو اپنے ہاتھوں پر بلند کر کے یہ اعلان فرما دیا کہ جس طرح کاسرپرست اورحاکم ہوں اسی طرح علی سب کے سرپرست اور حاکم ہیں۔ جس کا میں مولا ہوں اسکا علی مولا ہے۔

اتنا بڑا اعزاز ہے کہ تمام مسلمانوں نے حضرت علی کو مبارک باد دی اور سب نے سمجھ لیا کہ پیغمبر نے حضرت علی کی ولی عہدی اور جانشینی کااعلان کردیا ہے.

جس نے زندگی بھر پیغمبر کا ساتھ دیا وہ بعد رسول آپ کی لاش کو کس طرح چھوڑتا, چنانچہ رسول کی تجہیز وتکفین اور غسل وکفن کاتمام کام حضرت علی علیہ السلام ہی کے ہاتھوں ہوا اورقبر میں آپ ہی نے رسول کو اتارا , رسول کے دفن سے فرصت ہونے کے بعد یہ معلوم ہوا کہ اتنی دیر میں پیغمبر کی جانشینی کاانتظام ہوگیا ہے . اگر کوئی دوسرا انسان ہوتاتو جنگ آزمائی پر تیار ہوجاتا مگر حضرت علی کو اسلامی مفاد اتنا عزیز تھا کہ آپ نے اپنے حقوق کے اعلان کے باوجود اپنی طرف سے مسلمانوں میں خانہ جنگی پیدا نہیں ہونے دی , نہ صرف یہ کہ آپ نے معرکہ آرائی نہیں چاہی بلکہ جس وقت ضرورت پڑی , اس وقت اسلامی مفاد کی خاطر آپ نے امداد دینے سے دریغ بھی نہیں کیا , مشکل مسائل کے فیصلہ اور ضروری مشورہ ليے جانے پر اپنی مفید رائے کااظہار کیاا س سے کبھی پہلو نہیں بچایا .

خلیفہ وقت حضرت عمر کا یہ قول اس بات کا شاہد ہے کہ ‘‘اگر علی نہ ہوتے تو میں ہلاک ہو جاتا‘‘۔

علی علیہ السلام اسلام کی روحانی اور علمی خدمت میں مصروف رہے . قرآن کو ترتیب ُ نزول کے مطابق ناسخ ومنسوخ اور محکم اور متشابہ کی تشریح کے ساتھ مرتب کیا . مسلمانوں کے علمی طبقے میں تصنیف وتالیف کااور علمی تحقیق کاذوق پیدا کیااور خود بھی تفسیر اور کلام اور فقہ واحکام کے بارے میں ایک مفید علمی ذخیرہ فراہم کیا . بہت سے ایسے شاگرد تیار کئے جو مسلمانوں کی آئندہ علمی زندگی کیلئے معمار کاکام انجام دے سکیں , زبان عربی کی حفاظت کیلئے علم نحوکی داغ بیل ڈالی اور فن صرف اور معانی بیان کے اصول کو بھی بیان کیا اس طرح یہ سبق دیا کہ اگر ہوائے زمانہ مخالف بھی ہوا اور اقتدار نہ بھی تسلیم کیا جائے تو انسان کو گوشہ نشینی اور کسمپرسی میں بھی اپنے فرائض کو فراموش نہ کرنا چاہیے . ذاتی اعزاز اور منصب کی خاطر مفادملّی کو نقصان نہ پہنچایا جائے ۔

پچیس برس تک رسول کے بعد حضرت علی نے خانہ نشینی میں بسر کی اور جب 35ھ میں مسلمانوں نے خلافت ُ اسلامی کامنصب حضرت علی کے سامنے پیش کیا توآپ نے پہلے انکار کیا , لیکن جب مسلمانوں کااصرار بہت بڑھ گیا تو آپ نے اس شرط سے منظو رکیا کہ میں بالکل قران اور سنت ُ پیغمبر کے مطابق حکومت کروں گا اور کسی رورعایت سے کام نہ لوں گا .

مسلمانوں نے اس شرط کو منظور کیا اور آپ نے خلافت کی ذمہ داری قبول کی- مگر زمانہ آپ کی خالص مذہبی سلطنت کو برداشت نہ کرسکا , آپ کے خلاف بنی امیہ اور بہت سے وہ لوگ کھڑے ہوگئے جنھیں آپ کی مذہبی حکومت میں اپنے اقتدار کے زائل ہونے کا خطرہ تھا , آپ نے ان سب سے مقابلہ کرنااپنا فرض سمجھا اور جمل اور صفین اور نہروان کی خون ریز لڑائیاں ہوئیں . جن میں حضرت علی بن ابی طالب علیہ السّلام نے اسی شجاعت اور بہادری سے جنگ کی جو بدر واحد و خندق وخیبر میں کسی وقت دیکھی جاچکی تھی اور زمانہ کو یاد تھی .

ان لڑائی جھگڑوں کی وجہ سے آپ کو موقع نہ مل سکا کہ آپ جیسا دل چاہتا تھا اس طرح اصلاح فرمائیں . پھر بھی آپ نے اس مختصر مدّت میں اسلام کی سادہ زندگی , مساوات اور نیک کمائی کے لیے محنت ومزدوری کی تعلیم کے نقش تازہ کردئے آپ شہنشاہ ُ اسلام ہونے کے باوجود محنت مزدوری کرتے، پیوند لگے ہوئے کپڑے پہنتے،غریبوں کے ساتھ زمین پر بیٹھ کر کھاناکھالیتے ، جو روپیہ بیت المال میں آتا تھا اسے تمام مستحقین پر برابر سے تقسیم کرتے تھے ۔یہاں تک کہ آپ کے سگے بھائی عقیل نے یہ چاہا کہ کچھ انہیں دوسرے مسلمانوں سے زیادہ مل جائے مگر آپ نے انکار کردیا اور کہا کہ اگر میرا ذاتی مال ہوتا تو خیر یہ بھی ہوسکتا تھا مگر یہ تمام مسلمانوں کا مال ہے . مجھے حق نہیں ہے کہ میں اس میں سے کسی اپنے عزیز کو دوسروں سے زیادہ دوں ,

انتہا ہے کہ اگر کبھی بیت المال میں شب کے وقت حساب وکتاب میں مصروف ہوئے اور کوئی ملاقات کے لیے اکر غیر متعلق باتیں کرنے لگا تو آپ نے چراغ بجھادیا کہ بیت المال کے چراغ کو میرے ذاتی کام میں صرف نہ ہونا چاہیے . آپ کی کوشش یہ رہتی تھی کہ جو کچھ بیت المال میں آئے وہ جلد حق داروں تک پہنچ جائے . آپ اسلامی خزانے میںمال کاجمع رکھنا پسند نہیں فرماتے تھے .

حضرت علی علیہ السلام کو 19 رمضان 40ھ کو صبح کے وقت مسجد میں عین حالتِ نماز میں ایک زہر میں بجھی ہوئی تلوار سے زخمی کیا گیا۔ جب آپ کے قاتل ابن ملجم کو گرفتار کرکے آپ کے سامنے لائے اور آپ نے دیکھا کہ اس کا چہرہ زرد ہے اور آنکھوں سے آنسو جاری ہیں تو آپ کو اس پر بھی رحم آ گیا اور اپنے دونوں فرزندوں امام حسن علیہ السلام و امام حسین علیہ السلام کو ہدایت فرمائی کہ یہ تمھارا قیدی ہے اس کے ساتھ کوئی سختی نہ کرنا جو کچھ خود کھانا وہ اسے کھلانا۔ اگر میں اچھا ہو گیا تو مجھے اختیار ہے میں چاہوں گا تو سزا دوں گا اور چاہوں گا تو معاف کردوں گا اور اگر میں دنیا میں نہ رہا اور تم نے اس سے انتقام لینا چاہا تو اسے ایک ہی ضرب لگانا، کیونکہ اس نے مجھے ایک ہی ضرب لگائی ہے اور ہر گز اس کے ہاتھ پاؤں وغیرہ قطع نہ کیے جائیں، اس لیے کہ یہ تعلیم اسلام کے خلاف ہے

دو روز تک حضرت علی علیہ السلام بستر بیماری پر انتہائی کرب اور تکلیف کے ساتھ رہےآخر کار زہر کا اثر جسم میں پھیل گیا اور 21 رمضان کو نمازِ صبح کے وقت آپ کی شہادت ہوئی۔ حسن علیہ السلام و حسین علیہ السلام نے تجہیزو تکفین کی اور پشتِ کوفہ پر نجف کی سرزمین میں دفن کیے گئے

مکمل نام. علی ابن ابی طالب

ترتیب. امام اول

جانشین .حسن علیہ السلام

تاریخ ولادت. جمعہ، 13 رجب، 22 قبل ہجری

جائے ولادت. خانۂ کعبہ، مکہ مکرمہ

لقب. ابو تراب

کنیت. ابو الحسن

والد. ابو طالب ابن عبد المطلب

والدہ .فاطمہ بنت اسد

تاریخ وفات. 21 رمضان، 40 ہجری

جائے وفات. نجف، عراق

وجۂ. وفات شہادت

بہ کعبہ ولادت بہ مسجد شہادت

حضرت علی شعرائے اہلِ سنت کی نظر میں

انیس رمضان کی صبح قیامت کی گھڑی
 ماہ رمضان المبارک کو نماز فجر میں سجدہ معبود میں امیرالمومنین حضرت علی (ع) کی پیشانی جس وقت خون میں غلطاں ہوئی اور پیغمبر اسلام (ص)کے وضی و جانشین ، یتیموں اور بےکسوں کے حامی کا سر مبارک شمشیر ظلم سےشگافتہ ہوا تو مشکلکشا ، شیر خدا ، شاہ لافتی کے شاگرد جبرائیل امین نے تڑپ کر آواز دی "  ان تَہَدّمَت و اَللہ اَرکان الہُدیٰ" خدا کی قسم ارکان ہدایت منہدم ہوگئے،
سن40 ھ ق حضرت علی علیہ السلام مسجد کوفہ میں عبد االرحمن بن ملجم کےقاتلانہ حملہ سے شدید زخمی ہوۓ ۔
حضرت علی علیہ السلام انیسویں رمضان کے شب اپنی بیٹی ام کلثوم کے ہاں مہمان تھے  .
روایت میں آیا ہے کہ آپ اس رات بیدار تھے اور کئی بار کمرے سے باہر آ کر آسمان کی طرف دیکھ  کر فرماتے تھے :خدا کی قسم ، میں جھوٹ نہیں کہتا اور نہ ہی مجھے جھوٹ کہا گيا ہے ۔ یہی وہ رات ہے جس میں مجھے شھادت کا وعدہ دیا گيا ہے ۔ حضرت علی (ع)  نماز صبح کیلۓ مسجد کوفہ کی طرف روانہ ہوئے مسجد میں داخل ہوئے اور سوۓ ہوے افراد کو نماز کیلۓ بیدار کیا، عبد الرحمن بن ملجم مرادی کوبھی بیدار کیا جو پیٹ کے بل سویا ہوا تھا اور اسے نماز پڑھنے کوکہا ۔
جب حضرت محراب میں پہنچے اور نماز فجر کا آغاز کیا تو پہلے سجدے سے ابھی سر اٹھا ہی رہے تھے کہ عبد الرحمن بن ملجم مرادی نے زہر آلودہ تلوار سے آپ کے سر پر وار کیا اور آنحضرت کا سر زخمی ہوگیا .
حضرت علی علیہ السلام محراب میں گر پڑے اسی حالت میں فرمایا : بسم اللہ و بااللہ و علی ملّۃ رسول اللہ ، فزت و ربّ الکعبہ ؛ خدای کعبہ کی قسم ، میں کامیاب ہو گيا ۔
بعض نمازگذار ا بن ملجم کو پکڑنے کیلئےباہر کی طرف دوڑ پڑے اور بعض حضرت علی (ع) کی طرف بڑھے اور کچھ سر و صورت پیٹنے اور ماتم کرنے لگے ۔
حضرت علی (ع) کے سر مبارک سے خون جاری تھا آپ نے فرمایا: ھذا وعدنا اللہ و رسولہ ؛یہ وہی وعدہ ہے جو خدا اور اسکے رسول (ص)نے میرے ساتھ کیا تھا ۔
حضرت علی (ع) نے اپنےفرزند امام حسن مجتبی (ع) سے نماز جماعت کو جاری رکھنے کو کہا اور خود بیٹھ کر نماز ادا کی ۔اس کے بعد حضرت کو مسجد سے گھر لایا گیا اصحاب آپ کے ہمراہ تھے آپ نے گھر پہنچنے کے بعد امام حسن مجتبی سے فرمایا: اصحاب سے کہہ دیجئے چلے جائيں کیوں کہ مجھ سے زینب و ام کلثوم ملنے کے لئے آرہی ہیں۔ 20 رمضان کو حضرت علی(ع) نے بڑے درد و غم میں بسر کیا طبیب نے کہا زہر کا اثر پورے بدن میں پہنچ گیا ہے اب علاج ممکن نہیں ہے اور کائنات کے امیر21 رمضان کواپنے معبود حقیقی سے جا ملے ۔
روایت میں وارد ہوا ہے کہ جب عبدالرحمن بن ملجم نے حضرت علی (ع) کےسرمبارک پر شمشیر ماری تو زمین لرز گئی ، مسجد کوفہ کے دروازے لرز گئے غیب سےہاتف نے پکارا " قد قتل وصی مصطفی (ص) " محمد مصطفی کے جانشین کو قتل کردیا گیا ہے جبرئيل امین  نے آواز دی: تھدمت و اللہ اركان الھدي، و انطمست اعلام التّقي، و انفصمت العروۃ الوثقي، قُتل ابن عمّ المصطفي، قُتل الوصيّ المجتبي، قُتل عليّ المرتضي، قَتَلہ اشقي الْاشقياء؛ خدا کی قسم ارکان ھدایت منہدم ہوگئے علم نبوت کے درخشاں ستارے کو خاموش کیا گيا اور تقوی و پرہیزگاری کی علامت کو مٹایا گيا اور عروۃ الوثقی کو کاٹا گيا کیونکہ رسول خدا(ص) کے ابن عم کو شھید کیا گيا۔ سید الاوصیاء ، علی مرتضی کو شھید کیا گيا، انہیں شقی ترین شقی ابن ملجم  نے شھید کیا۔اس طرح خدا کے ولی اور پیغمبر اسلام حضرت محمد مصطفے (ص) کے جانشین، کو روی زمین پر سب سے شقی انسان نے قتل کرڈالا، اور امام حسن(ع) و امام حسین(ع) اور حضرت زینب (س)و حضرت ام کلثوم (س)کے سر سے ان کے باپ کا سایہ ختم کردیا اور سیدا شباب اہل الجنۃ کو یتیم بنادیا۔
http://ahlulbaytportal.ir/

شہادت حضرت علی علیہ السلام 

علی قرآنی آیات روشنی میں

فزت و رب الکعبۃ

حضرتِ عائشہ،حضرت ابوبکر بن ابی قحافہ کی بیٹی اور پیغمبر اکرم صلی اللہ علیہ وآلہ وسلم کی زوجہ تھیں۔ معتبر تواریخ سے پتہ چلتا ہے کہ حضرتِ عائشہ کا رویہ حضرت علی علیہ السلام،جنابِ فاطمہ سلام اللہ علیہا اور اُن کے دو فرزندانِ ارجمندکے ساتھ اچھا نہ تھا اوراس کااظہار جنگ ِجمل میں مکمل طور پر ہوا۔ وہ کھل کر حضرت علی علیہ السلام کے مقابل آگئیں جبکہ پیغمبر اکرمنے واضح طور پر پیروی اور اطاعت ِعلی علیہ السلام کا حکم دیا تھا۔
لیکن اہم نکتہ یہ ہے کہ فضائل و کمالاتِ علی علیہ السلام اور اہلِ بیت ِ اطہار  اس قدر زیادہ ہیں کہ کوئی بھی ان کو چھپا نہیں سکتا۔ اس کی مثال ایسے ہے جیسے چمکتے آفتاب کی روشنی کو کوئی بھی چیز ڈھانپ نہیں سکتی۔ حضرتِ عائشہ بھی باوجودیکہ اُن کی سوچ علی علیہ السلام کے بارے میں مختلف تھی، حضرتِ علی  کے فضائل کی معترف ہوئے بغیر نہ رہ سکیں۔آئیے اب اُن کے کلام کی طرف متوجہ ہوتے ہیں۔
(الف)۔ عَنْ ھِشٰامِ بْنِ عُرْوَةٍ،عَنْ اَبِیْہِ،عَنْ عٰائِشَۃَ قٰالَتْ:قٰالَ رَسُوْلُ اللّٰہِ صَلَّی اللّٰہُ عَلَیْہِ وَآلِہ وَسَلَّمْ ذِکْرُ عَلِیٍّ عِبٰادَةٌ۔
”ہشام بن عروہ اپنے والد سے اور وہ حضرتِ عائشہ سے روایت کرتے ہیں کہ حضرتِ عائشہ نے کہا کہ پیغمبر اکرم صلی اللہ علیہ وآلہ وسلم نے ارشاد فرمایا کہ علی کا ذکر کرنا عبادت ہے“۔
حوالہ جات
1۔       ابن مغازلی، مناقب میں، حدیث243،صفحہ206۔
2۔       ابن عساکر،تاریخ دمشق،بابِ حالِ امام علی ،ج2ص408حدیث914شرح محمودی
3۔       ابن کثیر، کتاب البدایہ والنہایہ میں،جلد7،صفحہ358۔
4۔       متقی ہندی،کنزالعمال میں،جلد11،صفحہ601۔
5۔       سیوطی،تاریخ الخلفاء میں،صفحہ172۔
6۔       شیخ سلیمان قندوزی حنفی، ینابیع المودة،بابِ مناقب السبعون،ص281،حدیث46 اور312۔
۔۔۔۔۔۔
(ب)۔   عَنْ عٰائِشَۃَ،اَنَّ رَسُوْلَ اللّٰہِ صَلَّی اللّٰہُ عَلَیْہِ وَآلِہ وَسَلَّمْ خَرَجَ وَعَلَیْہِ مَرْطٌ مُرَجَّلٌ مِنْ شَعْرٍأَسْوَدٍ،فَجٰاءَ الْحَسَنُ فَأَدْخَلَہُ،ثُمَّ جٰاءَ الْحُسَیْنُ فَاَدْخَلَہُ،ثُمَّ فٰاطِمَۃٌ،ثُمَّ عَلِیُّ،ثُمَّ قٰالَ:اِنَّمٰایُرِیْدُاللّٰہُ لِیُذْھِبَ عَنْکُمُ الرِّجْسَ أَھْلَ الْبَیْتِ۔۔۔۔۔۔
”حضرتِ عائشہ روایت کرتی ہیں کہ رسول اللہ صلی اللہ علیہ وآلہ وسلم باہر آئے۔ انہوں نے چادر اوڑھی ہوئی تھی جو سیاہ ریشوں سے بنی ہوئی تھی۔ اتنے میں حضرتِ حسن علیہ السلام آئے، آپ نے انہیں چادر کے اندر کرلیا۔پھر امام حسین علیہ السلام آئے، آپ نے انہیں بھی چادر کے اندر کرلیا۔ اس کے بعد فاطمہ سلام اللہ علیہا اور علی علیہ السلام تشریف لائے، وہ بھی چادر کے اندر آگئے(جب یہ ہستیاں چادر کے اندر آگئیں) تو پیغمبر اکرم صلی اللہ علیہ وآلہ وسلم نے قرآن کی یہ آیت تلاوت فرمائی:
بِسْمِ اللّٰہِ الرَّحْمٰنِ الرَّحِیْم
اِنَّمٰا یُرِیْدُ اللّٰہُ لِیُذْھِبَ عَنْکُمُ الرِّجْسَ اَھْلَ الْبَیْتِ وَ یُطَھِّرَکُمْ تَطْھِیْرا۔
”اے اہلِ بیت ! سوائے اس کے نہیں ہے کہ اللہ تعالیٰ یہ چاہتا ہے کہ تم کو ہر قسم کے رجس سے دوررکھے اور تم کو ایسا پاک رکھے جیسا کہ پاک رکھنے کا حق ہے“۔
حوالہ
زمخشری،تفسیر کشاف،ج1،ص369،ذیل آیت61،سورئہ آلِ عمران’فَمَنْ حَاجَّکَ‘۔
۔۔۔۔۔۔
(ج)۔   عَنْ عٰائِشَۃَ۔۔۔۔قٰالَتْ:رَحِمَ اللّٰہُ عَلِیّاً لَقَدْکٰانَ عَلَی الْحَقِّ۔۔
”حضرتِ عائشہ کہتی ہیں کہ اللہ تعالیٰ علی  پر رحمت نازل فرمائے، بیشک وہ حق پر تھے“۔
حوالہ  ابن کثیر، کتاب البدایہ والنہایہ میں،جلد7،صفحہ305،حدیث14۔
۔۔۔۔۔۔
(د)۔    عَنْ جَمیعِ بْنِ عُمَیْرٍقٰالَ دَخَلْتُ عَلیٰ عٰائِشَۃَ،فَقُلْتُ لَھٰا:مَنْ کٰانَ اَحَبُّ النّٰاسِ اِلیٰ رَسُوْلِ اللّٰہِ صَلَّی اللّٰہُ عَلَیْہِ وَآلِہ وَسَلَّمْ قٰالَتْ:أَمّٰامِنَ الرِّجٰالِ فَعَلِیٌّ،وَأَمّٰامِنَ النِّسٰاءِ فَفٰاطِمَۃُ۔
”جمیع بن عمیر سے روایت ہے ،وہ کہتے ہیں کہ میں حضرت عائشہ تک پہنچا اور میں نے اُن سے پوچھا کہ پیغمبرصلی اللہ علیہ وآلہ وسلم کے نزدیک محبوب ترین شخص کون ہے؟حضرت عائشہ نے کہا کہ مردوں میں حضرت علی علیہ السلام اور عورتوں میں جنابِ سیدہ فاطمہ سلام اللہ علیہا ہیں“۔
حوالہ جات
1۔       حاکم، المستدرک میں،جلد3،صفحہ154،157۔
2۔       شیخ سلیمان قندوزی حنفی، کتاب ینابیع المودة، باب55،صفحہ202،241۔
3۔       ابن عساکر، تاریخ دمشق ، باب شرح حالِ امام علی ،جلد2،صفحہ167،شرح محمودی۔
4۔       ابن کثیر، کتاب البدایہ والنہایہ میں،جلد7،صفحہ355اور دوسرے۔
۔۔۔۔۔۔
(ھ)۔   عَنْ شُرَیْحِ بْنِ ھٰانِی،عَنْ اَبِیہِ،عَنْ عٰائِشَۃَ قٰالَتْ:مٰاخَلَقَ اللّٰہُ خَلْقاً کٰانَ اَحَبُّ اِلیٰ رَسُوْلِ اللّٰہِ مِنْ عَلِیٍّ۔
”شریح بن ہانی اپنے باپ سے روایت کرتے ہیں کہ حضرت عائشہ نے کہا کہ اللہ نے کسی کو خلق ہی نہیں کیا جو رسول اللہ کو علی  سے زیادہ محبوب ہو“۔
حوالہ
ابن کثیر،تاریخ دمشق ،بابِ حالِ امام علی ،ج2،ص162،حدیث648،شرح محمودی
۔۔۔۔۔۔
(و)۔   عَنْ عَطٰاءٍ قٰالَ:سَأَلْتُ عٰائِشَۃَ عَنْ عَلِیٍّ عَلَیْہِ السَّلام فَقٰالَتْ:ذٰاکَ خَیْرُالْبَشَرِلاٰ یَشُکُّ فِیْہِ اِلّٰاکٰافِرٌ۔
”عطاء سے روایت ہے ،وہ کہتے ہیں کہ میں نے حضرت عائشہ سے علی علیہ السلام کے بارے میں سوال کیا تو حضرت عائشہ نے کہا کہ علی علیہ السلام سب انسانوں سے بہتر ہیں اور اس میں سوائے کافر کے کوئی شک نہیں کرسکتا“۔
حوالہ
1۔       ابن عساکر،تاریخ دمشق ،بابِ حالِ امیرالموٴمنین ،جلد2،صفحہ448،حدیث972۔
2۔       شیخ سلیمان قندوزی حنفی، کتاب ینابیع المودة،باب مودة الثالثہ،صفحہ293۔
۔۔۔۔۔۔
(ز)۔ ۔۔۔۔۔حَدَّثْنٰا جَعْفَرُبْنُ بَرْقٰان قٰالَ:بَلَغَنِی اَنَّ عٰائِشَۃَ کٰانَتْ تَقُولُ:زَیِّنُوْامَجٰالِسَکُمْ بِذِکْرِعَلِیِّ بْنِ اَبِیْ طٰالِب۔
”جعفر بن برقان سے روایت ہے کہ مجھ تک یہ حدیث ِ رسول حضرت عائشہ کے ذریعے سے پہنچی ،وہ کہتی ہیں کہ پیغمبر اکرم نے فرمایا کہ اپنی مجلسوں کو ذکر ِعلی سے زینت دو“۔
۔۔۔۔۔۔
(ح)۔عٰائِشَۃُ رَفَعَتْہُ:اِنَّ اللّٰہَ قَدْعَھِدَ اِلیٰ مَنْ خَرَجَ عَلیٰ عَلِیٍّ فَھُوَ کٰافِرٌفِی النّٰارِ،قِیْلَ:لِمَ خَرَجْتِ عَلَیْہِ؟قٰالَتْ:أَنَا نَسِیْتُ ھٰذَاالْحَدِیْثَ یَومَ الْجَمَلِ حَتّٰی ذَکَرْتُہُ بِالْبَصْرَةِ وَأَ  نَااَسْتَغْفِرُاللّٰہَ۔
”حضرت عائشہ سے حدیث ِمرفوع(پیغمبر اکرم)روایت ہے کہ بے شک یہ اللہ تعالیٰ کا وعدہ ہے کہ جو کوئی بھی علی علیہ السلام سے جنگ کرے گا، وہ کافر ہے اور جہنم میں جائے گا۔ اُن سے پوچھا گیا تو پھر آپ نے کیوں علی علیہ السلام سے جنگ کی؟ کہنے لگیں کہ جنگ ِجمل کے روز میں یہ حدیث بھول گئی تھی جب مجھے یہ حدیث یاد آئی تو میں نے اللہ سے توبہ کرلی“۔
حوالہ
شیخ سلیمان قندوزی حنفی، کتاب ینابیع المودة، باب مودة الثالثہ،صفحہ294۔
(ط)۔    عَنْ عَطَاءِ بْنِ اَبِی رَبَاحٍ، عَنْ عٰائِشَۃَ، قٰالَتْ: عَلِیُّ بْنُ اَبِیْ طٰالِبٍ اَعْلَمُکُمْ بِالسُّنَّةِ۔
”عطا ابن ابی رباح روایت کرتے ہیں کہ حضرت عائشہ نے کہا کہ سنّتِ پیغمبر میں عالم ترین شخص علی ابن ابی طالب علیہ السلام ہیں“۔
حوالہ جات
1۔       سیوطی، تاریخ الخلفاء میں،صفحہ171۔
2۔       شیخ سلیمان قندوزی حنفی، کتاب ینابیع المودة،باب3،صفحہ343۔
3۔       ابن عبدالبر،کتاب استیعاب ، شرح حالِ علی ،جلد3،صفحہ1104،حدیث1855۔
4۔       ابن عساکر،تاریخ دمشق ،باب حالِ امام علی ،ج3حدیث1079ص48شرح محمودی
5۔       بلاذری،کتاب انساب الاشراف میں۔ ،بابِ شرح حالِ علی ،جلد2،حدیث86،صفحہ
124،اشاعت اوّل، بیروت اور دوسرے۔
(ی)۔   عَنْ عَطٰاءٍ عَنْ عٰائِشَۃَ قٰالَتْ:عَلِیٌّ اَعْلَمُ اَصْحٰابِ مُحَمَّدٍ صَلَّی اللّٰہُ عَلَیْہِ وَآلِہ وَسَلَّمْ۔
”عطاء حضرت عائشہ سے روایت کرتے ہیں کہ حضرتِ عائشہ نے کہا کہ اصحابِ پیغمبر میں سب سے بڑے عالم حضرت علی علیہ السلام تھے“۔
حوالہ
بوستانِ معرفت، صفحہ658،نقل از کتاب شواہد التنزیل(مصنف حسکانی)جزو اوّل،صفحہ35،حدیث40۔
(ک)۔   عَنْ عٰائِشَۃَ،قٰالَتْ:قٰالَ رَسُوْلُ اللّٰہِ صَلَّی اللّٰہُ عَلَیْہِ وَآلِہ وَسَلَّمْ،وَھُوَفِی بَیْتِھٰالَمّٰاحَضَرَہُ الْمَوْتُ:اُدْعُوا لِیْ حَبِیْبِی (قٰالَتْ) فَدَعَوْتُ لَہُ اَبَابَکرَ فَنَظَرَاِلَیْہِ ثُمَّ وَضَعَ رَأسَہُ ثُمَّ قٰالَ:اُدْعُوْا لِیْ حَبِیْبِی۔فَدَعُوْا لَہُ عُمَرَ،فَلَمّٰانَظَرَاِلَیْہِ وَضَعَ رَأسَہُ،ثُمَّ قٰالَ:اُدْعُوْا لِی حَبِیْبِی، فَقُلْتُ:وَیْلَکُمْ اُدْعُوالَہُ عَلِیُّ بْنُ اَبِیْ طٰالِبٍ،فَوَاللّٰہِ مٰا یُرِیْدُ غَیْرُہُ(فَدَعُوْاعَلِیّاً فَأَتٰاہُ)فَلَمّٰا أَتٰاہُ أَفْرَدَالثُّوبَ الَّذِی کٰانَ عَلَیْہِ ثُمَّ أَدْخَلَہُ فِیْہِ فَلَمْ یَزَلْ یَحْتَضِنَہُ حَتّٰی قُبِضَ وَیَدُہُ عَلَیْہِ۔
”حضرت عائشہ سے روایت ہے کہ جب رحلت ِپیغمبر کا وقت قریب تھا تو آپ نے فرمایا کہ میرے حبیب کو میرے نزدیک بلاؤ۔ پس ہم نے حضرت ابوبکر کو بلایا۔ پیغمبر اکرمنے ایک نگاہ کی اور اپنا سرجھکا دیا۔پھر فرمایا کہ میرے حبیب کو میرے نزدیک بلاؤ۔ پس ہم نے حضرت عمر کو بلالیا۔ پیغمبر اسلام نے ایک نگاہ کی اور پھر اپنا سرجھکا دیا۔ پھر فرمایا کہ میرے حبیب کو میرے نزدیک بلاؤ۔ میں نے کہا حیف ہے، علی ابن ابی طالب علیہ السلام کو ان کیلئے بلاؤ۔خدا کی قسم! آپ نے علی علیہ السلام کے سوا کسی کو نہیں چاہا ہے۔ پس علی علیہ السلام کو بلایا گیا۔ جس وقت وہ آئے تو پیغمبر نے وہ چادرجو خود اوڑھی ہوئی تھی، اُس میں علی علیہ السلام کو داخل کیا اور پھر اُن سے جدا نہ ہوئے،یہاں تک کہ رحلت فرمائی اور اس حالت میں کہ پیغمبر صلی اللہ علیہ وآلہ وسلم کا ہاتھ علی علیہ السلام کے بدن پر تھا“۔
حوالہ جات
1۔       ابن کثیر، کتاب البدایہ والنہایہ میں،جلد7،صفحہ360(روایت عبداللہ بن عمر سے)۔
2۔       ابن عساکر، تاریخ دمشق ،بابِ شرح حالِ امام علی علیہ السلام ،ج3،ص14،حدیث
1027،شرح محمودی۔
3۔       حاکم، المستدرک میں،جلد3،صفحہ138،139۔
4 ۔      ذھبی، کتاب میزان الاعتدال میں،جلد2،صفحہ482،شمارہ4530۔
5۔       سیوطی،اللئالی المصنوعہ میں،جلد 1،صفحہ193،اشاعت ِ اوّل۔
6۔       مناقب ِ خوارزمی، جلد1،صفحہ38،باب4۔
(ل)۔    عَنْ عٰائِشَۃَ قٰالَتْ:رَأَیْتُ النَّبِیَّ صَلَّی اللّٰہُ عَلَیْہِ وَآلِہ وَسَلَّمْ اِلْتَزَمَ عَلِیّاً وَقَبَّلَہُ وَ(ھُوَ)یَقُوْلُ:بِأَبِی الْوَحِیْدَ الشَّھِیْدَ،بِأَبِی الْوَحِیْدَ الشَّھِیْدَ۔
”حضرت عائشہ روایت کرتی ہیں کہ میں نے دیکھا کہ پیغمبر اکرم صلی اللہ علیہ وآلہ وسلم حضرت علی علیہ السلام کے ہمراہ تھے۔ اُن کو اپنے ساتھ چمٹایا ہوا تھا اور اُن کا منہ چوم رہے تھے اور یہ بھی کہہ رہے تھے کہ اے شہید ِتنہا!میرے والد تم پر فدا۔ اے شہید ِتنہا! میرے والد تم پر فدا“۔
حوالہ جات
1۔       ہیثمی، کتاب مجمع الزوائد میں، جلد9،صفحہ138۔
2۔       ابن عساکر،تاریخ دمشق،بابِ حال علی ،ج3،ص285،حدیث1376،شرح محمودی
3۔       شیخ سلیمان قندوزی حنفی، کتاب ینابیع المودة،باب59،صفحہ339۔
4۔       متقی ہندی،کنزالعمال میں،جلد11،صفحہ617(اشاعت ِ بیروت، پنجم)۔
۔۔۔۔۔
منبع:islaminurdu.com

فضائلِ علی علیہ السلام اُم المومنین حضرتِ عائشہ کی نظر میں

فضائلِ علی علیہ السلام غیر مسلم مفکرین کی نظر میں

فضائلِ علی علیہ السلام علمائے اہلِ سنت کی نظر میں

فضائلِ علی علیہ السلام قرآن کی نظرمیں

فضائلِ علی علیہ السلام مخالفین کی نظر میں

اگر کوئی تاریخ اسلام پر صرف ایک سرسری سی نگاہ ڈالے تو اسے علی علیہ السلام اور قرآن مجید کے درمیان گہرے ربط کا اندازہ ہوسکتا ہے۔ قرآن کی جمع آوری سے لیکر اسکی تفسیر وتاویل تک اور اعراب گذرای سے لیکر آج کی رائج قراٴت تک، ہر جگہ علی علیہ السلام کا نام ما ہ کامل کی مانند روشن و منور نظر آتا ہے۔
قرآن کی جمع آوری:
یہ بات مسلمات میں سے ہے کہ قرآن کی جمع آوری سب سے پہلے حضرت علی علیہ السلام کے ہاتھوں ہوئی۔
ابن ابی الحدیدمعتزلی نے شرح نہج البلاغہ میں یوں تحریر کیا ہے کہ ,, سب لوگ اس بات پر متفق ہیں کہ امام علی علیہ السلام (نبی اکرم صلی اللہ علیہ وآلہ وسلم کے زمانے میں) قرآن حفظ کیا کرتے تھے (جبکہ کوئی دوسرا یہ کام نہیں کرتا تھا) اور امام علی علیہ السلام سب سے پہلے وہ شخص ہیں جس نے قرآن کی جمع آوری کی‘ ‘ ۱
ابوالعلا و الموفق، خطیب خوارزمی نے علی بن رباح سے نقل کیا ہے کہ,, پیامبر گرامی صلی اللہ علیہ وآلہ وسلم نے علی علیہ السلام کو قران کی تالیف کا حکم دیا اور علی علیہ السلام نے بھی قرآن کو لکھا اور اس کی تالیف کی ۲#یہاں تک کہ یہ بھی کہا گیا ہے کہ حضرت علی علیہ السلام کے ہاتھوں قرآن کی تالیف ،اسلام میںسب سے پہلی تالیف ہے۔ ۲#خود مولائے کائنات فرماتے ہیںکہ,, رسول اکرم صلی اللہ علیہ وآلہ وسلم پر کوئی آیت نازل نہیں ہوئی مگر یہ کہ اس کو آپ نے مجھے سکھایا اور لکھوایا اور میں نے اسے اپنے ہاتھوں سے لکھا اور آپ نے اس کی تاویل و تفسیر و ناسخ و منسوخ مجھے بتایا “ ۳
مصحف علی علیہ السلام کے خصوصیات:
الف) یہ مصحف آیات کی تاریخ نزول کے اعتبار سے لکھا گیا تھا۔
ب) اس میں آیات منسوخہ کو آیا ت ناسخہ سے پہلے رکھا گیا تھا۔
ج) بعض آیات کی تاویل و تفصیلات اس میں بیان کی گئی ہیں۔
د) بعض آیات کی وہ تفسیر اس میں موجود تھیں جو خداوندعالم کی طرف سے ناز ل ہوئی تھیں۔
ہ) آیات محکم و متشابہ کو اچھی طرح واضح کیا گیا تھا۔
و) موجودہ قرآن سے ایک بھی حرف کم نہیں تھا اور ایک حرف بھی زیادہ نہیں تھا۔
ز) تفسیر میں حق و باطل کے پیروان کے نام اس میں ذکر ہوئے تھے۔
ح)یہ مصحف پیامبر اکرم صلی اللہ علیہ وآلہ وسلم کے املاء اور حضرت علی علیہ السلام کے ہاتھ سے لکھا گیا تھا۔
ط)تفسیر میں ان مہاجرین و انصار کی نصیحتیں اورعیوب اس میں بیان کئے گئے تھے جن کا کردار اسلام پر منطبق نہیں تھا۔
مصحف علی علیہ السلام میں مذکورہ موارد علاوہ کسی اور چیز میں موجودہ قرآن سے فرق نہیں تھا۔
مصحف علی علیہ السلام کہاں ہے؟
بعض روایا ت میں اس بات کی تصریح ہوئی ہے کہ مصحف علی علیہ السلام حضرت امام منتظر علیہ السلام کے پاس موجود ہے اور امام علیہ السلام ظہور کے وقت اس قرآن کو ظاہر کریں گے۔ ۵# ہوسکتا ہے یہ وہی مصحف ہو جس کے بارے میں روایات بیان کرتی ہیں کہ امام منتظر علیہ السلام کے مصحف کی ترتیب موجودہ قرآن کی ترتیب سے الگ ہے اور امام علیہ السلام لوگوں کواس کی تعلیم دیںگے۔
قرآن میں علی علیہ السلام کانام تھا یا نہیں؟
بعض ورایات سے یہ سمجھا جا سکتا ہے کہ حضرت علی علیہ السلام کا نام قرآن میں آیا ہے ۔ اور ان روایات کو صحیح ماننے سے یہ لازم نہیں آتا کہ موجودہ قرآن تحریف شدہ ہے ۔ اس لئے کہ اس سے مراد وہ اضافات ہیں جو تفسیر مزجی کی صورت بعض آیات کے ساتھ بنی اکرم صلی اللہ علیہ وآلہ وسلم یا ائمہ طاہرین علیہم السلام کی طرف سے بیان ہوئے ہیں۔ یا اس سے مراد,, تنزیل غیر قرآنی“ (حدیث قدسی ) ہے۔ یعنی خدائے متعال کا وہ کلام جوجبرئیل امین علیہ السلام لے کر آئے لیکن جز و قرآن نہیں ہے۔ چونکہ ,, تنزیل “ کبھی خود قرآن ہے کبھی تفسیر قرآن ہے اور کبھی حدیث قدسی۔ قرآن کے اندر نام علی علیہ السلام نہ آنے کے بارے میں مندرجہ ذیل امور پیش کیے جاسکتے ہیں۔
۱۔ امام صادق علیہ السلام سے منقول ایک روایت میں اس بات پر دلیل دی گئی ہے کہ حضرت علیہ علیہ السلام کا نام قرآن میںکیوں نہیں آیا؟ آپ نے اس موقع پر فرمایا تھا کہ,, ان (مخالفین) سے کہو کہ نماز کا حکم قرآن میں موجود ہے لیکن نماز کی رکعتوں کی تعداد قرآن بیان نہیںکی گئی ہے۔ پیغمبر صلی اللہ علیہ وآلہ وسلم ہیں جو نماز کی رکعتوں کی تعداد بتاتے ہیں اور آیت صلاہ کی تفسیر کرتے ہیں․․․“ ۶#اس روایت سے پتہ چلتا ہے کہ امام علی علیہ السلام کے نام کا قرآن میں ذکر نہ ہونا مسلمات میں سے تھا۔
۲۔۔ امام باقر علیہ السلام نے محمد بن مسلم سے فرمایا : ,, اے محمد! اگر تم سنو کہ خدا نے قرآ ن میں اس امت کے کسی فرد کی نیکی کے ساتھ یاد کیا ہے تو مقصود ہم ہیں۔ اور اگر دیکھو کہ کسی گروہ کو برائی کے ساتھ یاد کیا ہے تو اس سے ہمارے دشمن مراد ہیں“ ۷ اس روایت سے معلوم ہوتا ہے کہ ائمہ علیہم السلام اور ان کے دشمنوں کے صفات قرآن میں آئے ہیں نہ کہ ان کے نام ۔
۳۔۔ محمد بن بن فضیل ابوالحسن الماضی سے نقل کرتے ہیںکہ میں نے پوچھا کہ ,, انا لما سمعنا الہدیٰ آمنا بہ“ کس معنی میں ہے تو امام علیہ السلام نے فرمایا : الہدیٰ یعنی ولایت ,,آمنا بمولٰینا فمن آمن بولایة مولاہ فلا یخاف بخسا ولا رہقا “ میں نے پوچھا کہ کیا یہ قراٴت نص قرآن اور تنزیل ہے؟ آپ نے فرما یا نہیں، بلکہ تاویل ہے ۸#
علم نحو کی ایجاد اور قرآن کی اعراب گذاری:
علم نحو ایسا علم ہے جس کے بغیر قرآن کوسمجھنا بہت مشکل ہوتا ہے۔ قرآن اور حدیث کو سمجھنے کے لئے خود عرب زبان کو بھی علم نحو کی تعلیم دی جاتی ہے۔اس علم کے ایجادکے بارے میں تمام لوگ اس بات پر متفق ہیں کہ اما علی علیہ السلام نے علم نحو کی تاسیس کی اور پھر ابو الاسود دویلی کو اس کی تعلیم دی۔ ۹# ابوالاسود دویلی کہتے ہیں کہ ایک مرتبہ میں امام علیہ السلام کی خدمت میں حاضر ہوا تو دیکھا کہ آپ کسی گہری سوچ میں غرق ہیں میں نے اس کا سبب پوچھا آپ نے کہا کہ تمھارے شہر کے (غیر عرب) لوگ قرآن کو غلط پڑھتے ہیں اس لئے میں عربی زبان کے اصول کو غیر عرب کے لئے لکھنے کے بارے میں سوچ رہا ہوں۔ میں نے کہا اگر آپ ایسا کریں تو یقینا عربی زبان ہم میںمحفوظ ہو جائے گی ۔پھر کچھ دنوں بعد میں دوبارہ مولا علیہ السلام کی خدمت میں حاضر ہوا تو آپ نے میری طرف ایک صحیفہ بڑھایا جس میں تحریر تھا:
,, بسم اللہ الرحمٰن الرحیم الکلام کلہ اسم و فعل و حرف فالاسم ما انباٴ عن المسمیٰ والفعل ما انباٴ عن حرکة المسمی والحرف ماانباٴ عن معنی لیس باسم ولا فعل “ آپ نے مجھ سے کہا کہ تم اس کام کو آگے بڑھاؤ او رجان لو کہ ,, الاسماء ثلاثة ظاہر و مضمر وشی, لیس بظاہر ولا مضمر وانما یتفاضل العلماء فی معرفة ما لیس بمضمر ولا ظاہر “ اس کے بعد میں نے ذکر نہیں کیا تھا آپ نے پوچھا کہ تم نے ,,لکن“ کو کیوں نہیں ذکرکیا میں نے کہا کہ اسے میں نے نواصب میں سے نہیں سمجھا آپ نے فرمایا کہ یہ نواصب میں سے ہے اس لئے اسے بھی ان میں بڑھالو۔
اس کے بعد ایک دن جب ابوالاسود دویلی نے ایک شخص کو اس طرح قرآن پڑھتے دیکھا ,, ان اللہ بری من المشرکین و رسولہ“ (رسولہ لام کو زیر کےساتھ) تو انھوں نے قرآن کے حروف پر اعراب لگائے اس طرح سے کہ زبر کی جگہ حرف کے اوپر ایک نقطہ زیر کی جگہ حرف کے نیچے ایک نقطہ اور پیش کی جگہ حر ف کے سامنے ایک نقطہلگایا تا کہ قرآن پڑھنے میں آسانی ہو ۱۰
قرآن کی رائج قرائتیں:
یوں تو پہلے قرآن کی بہت سی قرائتیں تھیں لیکن اس وقت مشہور قرائتیں صرف ساتھ ہیں۔ ان ساتوں میںسب سے زیادہ مشہور رائج اور دقیق ،قراٴت عاصم ہے، اس قراٴت کو تمام مسلمین نے صحیح ترین اور معتبر ترین قراٴت مانا ہے۔اس صحیح ترین اور معتبر ترین قراٴت کا سلسلہ مولا علی علیہ السلام تک پہنچتا ہے۔ اس لئے کہ عاصم نے یہ قراٴت ابوعبد الرحمٰن سے سیکھی اور ابوعبدالرحمٰن نے اس کے لئے امیر المومنین علیہ السلام کے سامنے زانو ادب تہہ کئے۔ اس طرح قرآن کی قراٴت کے بارے میں بھی مولا علی علیہ السلام نے اپنا فرض نبھایا تھا۔ اور یہی نہیں بلکہ ان مشہور سات قرائتوں میں سے چار قرائتیں شیعہ قراء کی طرف منسوب ہیں اور بقیہ تین قرائتیں بھی شیعہ قراء کی کہی جاتی ہیں یعنی آج کی مشہور سات قرائتوں میں سے صرف ایک قرائت غیر شیعہ کی طرف منسوب ہے۔مذکورہ امور کی وضاحت کے بعد رسول اکرم صلی اللہ علیہ وآلہ وسلم کے اس قول کی سچائی کا پتہ چلتا ہے جس میں آپ نے فرمایا ہے کہ ,, علی مع القرآن والقرآن مع علی“ یعنی علی علیہ السلام قرآن کے ساتھ ہیں اور قرآن علی علیہ السلام کے ساتھ ہے۔
حوالہ جات:
۱۔۔ج/ ۱ص/ ۲۷
۲۔۔ مناقبات الاابیطالب علیہ السلام ج/۲ص/۴۱
۳۔۔ اعیان الشیعہ ج/۱ص/۸۹ و معالم العلماء ص/ ۲
۴۔۔ سلیم بن قیس ص/۹۹، بصائر الدرجات ص/ ۱۹۸ و کمال الدین ج/ ۱ ص/۲۸۴ احتجاج ص/ ۲۲۳ ابرہا ن فی تفسیر القرآن ج/۱ ص/۱۶،التمہید فی علوم القرآن ج/ ۱ ص/۲۲۹
۵۔۔ الکافی ج/ ۲/ ص/۴۶۲، بصائر الدرجات ص/ ۱۹۳احتجاج ج/۱ص/۲۲۸،بحار ج/۸۹ص/۴۲،۴۳ المحجة البیضاء ج/۲ ص/۲۶۳ ،مصباح الفقیہ (کتاب الصلوٰة ) ص/ ۲۷۵
۶۔۔ الکافی ج/۱ص/۲۲۶ ،۲۶۷،الوافی ج/۲ص / ۶۳
۷۔۔الوافی ج/۵ص/۲۷۲،تفسیر البرہان ج/۱ص/۲۱،۲۲-تفسیر عیاشی ج/۱ ص/ ۱۳،تفسیر صافی ج/۱ص/۱۴،۱۵
۸۔۔ البرہان بحرانی ج/ ۱ ص/ ۳۹۲ نقل از کلینی
۹۔۔ بقات ترجمہ ابی الاسود ص/ ۱۳ الفہرست للتذیم طبعہ جدید ص/ ۴۵
۱۰۔۔ تاریخ ابن عساکر ترجمہ ابی الاسود الدویلی
۱۱۔۔التمہید برہانی ج/ ۲ ص/۲۴۰
منبع:islaminurdu.com

قرآن مجیداور حضرت علی علیہ السلام کی خدمات

کعبہ میں ولادت اور مسجد میں شھادت
حضرت علی علیہ السلام تیرہ رجب (599 – 661) کو شہر مکہ میں خانہ کعبہ میں پیدا ہوۓ ۔ آپ کے والد کا نام ابوطالب اور والدہ کا نام فاطمہ بنت اسد ہے۔
حضرت علی علیہ السلام پیغمبر اسلام صلی اللہ علیہ و آلہ و سلم کے چچا زاد بھائی ہیں اور انہوں نے اسی سایہ نبوت میں پرورش پائی ۔ پیغمبر کی زیر نگرانی آپ کی تربیت ہوئی ۔حضرت علی علیہ السلام پہلے مرد تھے جنہوں نے اسلام کا اظہار کیا بلکہ یوں کہیں تو بے جا نہ ہو گا کہ علی علیہ السلام دین اسلام پر پیدا ہوئے۔یہ کہنا بڑا ظلم ہے کہ علی بچوں میں سب سے پہلے اسلام لے کر آئے۔
جگر گوشہ بتول ،خاتون جنت سیدہ فاطمہ سلام اللہ اور مولائے متقیان زندگی گھریلو زندگی کا ایک بے مثال نمونہ تھی کہ مرد اور عورت آپس میں کس طرح ایک دوسرے کے شریک ُ حیات ثابت ہوسکتے ہیں ،کس طرح تقسیم عمل ہونا چاہیے اور کیوں کر دونوں کی زندگی ایک دوسے کے لیے مددگار ہوسکتی ہے ,
باب العلم کی زندگی ہر رخ سے ایک آفتاب درخشندہ ہے۔علم، حلم، عبادت، خطابت، شجاعت، ریاضت، تلاوت ہر ایک وصف گویا منفرد تھا۔ انہوں نے مسلمانوں کو یہ درس دیا کہ زندگی دراصل اطلاعت پروردگار اور اطاعت رسول کانام ہے۔ انہوں نے کام کرنے کو انسان کی معراج بنایا۔
علی علیہ السلام صبح کو مشکیزہ لے کر جاتے تھے اوریہودیوں کے باغ میں پانی دیتے تھے او جو کچھ مزدوری ملتی تھی اسےگھر پر لاتے اور کچھ رقم سے بازار سے جو خرید کر خاتون جنت کو دیتے تھے اورسیدہ چکی پیستی , کھانا پکاتی اورگھر میں صفائی کرتیں, حسنین کی پرورش اورفرصت کے اوقات میں چرخہ چلاتیں خود اپنے اور اپنے گھر والوں کو لباس کے لیے اور کبھی مزدوری کے طور پر سوت کاتتی تھیں اور اس طرح گھر میں رہ کر زندگی کی مہم میں اپنے شوہر کاہاتھ بٹاتی تھیں۔
بہت سے مفسرین اور مفکرین نے اہلیبیت اطہار کے حوالے سے اکثر یہ تاثر دینے کی کوشش کی ہے کہ انکے لیئے کھانا اور کپڑے جنت سے آ جاتے تھے اور گویا روئے زمین پر یہ مثالی ہستیاں مافوق الفطرت طور پر زندگی گزارتی تھیں۔حالانکہ سچ تو یہ ہے کہ خانوادہ رسالت کے ہر فرد کو اگرچہ خالق کائنات نے بیش بہا معجزات عنایت لیئے تھے لیکن انہوں نے اپنی زندگی عام انسان کی طرح محنت مزدوری اور کام کاج کر کے گزاری اور دوسروں کے لیے کام میں عظمت کی مثال چھوڑی۔
مدینہ میں پیغمبر صلی اللہ علیہ و آلہ و سلم کو مخالف گروہ نے آرام سے بیٹھنے نہ دیا.پہلے ابو جہل اور غزوہ بدر کے بعد ابوسفیان کی قیادت میں مشرکینِ مکہ نے جنگی تیاریاں کیں یہی نہیں بلکہ اسلحہ اور فوج جمع کر کے خود رسول کے خلاف مدینہ پر چڑھائی کردی ,
اس موقع پر رسول صلی اللہ علیہ و آلہ و سلم کا اخلاقی فرض تھا کہ وہ مدینہ والوں کے گھروں کی حفاظت کرتے جنھوں نے کہ آپ کوانتہائی ناگوار حالات میں پنا ہ دی تھی اور آپ کی نصرت وامداد کاوعدہ کیا تھا , گو آپ کے ساتھ تعدادبہت کم تھی لیکن صرف تین سو تیرہ آدمی تھے , ہتھیار بھی نہ تھے مگر آپ نے یہ طے کرلیا کہ آپ باہر نکل کر دشمن سے مقابلہ کریں گے چنانچہ پہلی لڑائی اسلام کی ہوئی جو غزوہ بدر کے نام سے مشہور ہے .
اس لڑائی میں زیادہ رسول اللہ نے اپنے عزیزوں کو خطرے میں ڈالا چنانچہ آپ کے چچا زاد بھائی عبیدہ ابن حارث ابن عبدالمطلب اس جنگ میں شہید ہوئے . علی ابن ابی طالب علیہ السلام کا جنگ کا یہ پہلا تجربہ تھا . 25 برس کی عمر تھی مگر جنگ کی فتح کا سہرا حضرت علی کے سر رہا .جتنے مشرکین قتل ہوئے تھے ان میں سے آدھے مجاہدین کے ہاتھوں قتل ہوئے تھے اس کے بعد غزوہ احد، غزوہ خندق، غزوہ خیبر اور غزوہ حنین یہ وہ بڑی لڑائیاں ہیں جن میں حضرت علی نے رسول صلی اللہ علیہ و آلہ و سلم کے ساتھ رہ کر اپنی بے نظیر بہادری کے جوہر دکھلائے .
تقریباًان تمام لڑائیوں میں حضرت علی علیہ السلام کو علمداری کا عہدہ بھی حاصل رہا . اس کے علاوہ بہت سی لڑائیاں ایسی تھیں جن میں رسول صلی اللہ علیہ و آلہ و سلم نے حضرت علی کو تنہا بھیجا اورانھوںنے اکیلے ان تمام لڑائیوں میں بڑی بہادری اور ثابت قدمی دکھائی اور انتہائی استقلال، تحمّل اور شرافت ُ نفس سے کام لیاجس کا اقرار خود ان کے دشمن بھی کرتے تھے۔
غزوہ خندق میں دشمن کے سب سے بڑے سورما عمروبن عبدود کو جب آپ نے مغلوب کر لیااور اس کاسر کاٹنے کے لیے اس کے سینے پر بیٹھے تو اس نے آپ کے چہرے پر لعاب دہن پھینک دیا . آپ کو غصہ آگیااور آپ اس کے سینے پر سے اتر ائے . صرف اس خیال سے کہ اگر غصّے میں اس کو قتل کی تو یہ عمل محض خدا کی راہ میں نہ ہوگا بلکہ خواہش نفس کے مطابق ہوگا۔
کچھ دیر کے بعد آپ نے اس کو قتل کیا , اس زمانے میں دشمن کو ذلیل کرنے کے لیے اس کی لاش برہنہ کردیتے تھے مگر حضرت علی علیہ السلام نے اس کی زرہ نہیں اُتاری اگرچہ وہ بہت قیمتی تھی . چناچہ اس کی بہن جب اپنے بھائی کی لاش پر آئی تو اس نے کہا کہ کسی اور نے میرے بھائی کوقتل کیا ہوتا تو میں عمر بھر روتی مگر مجھ یہ دیکھ کر صبر آگیا کہ اس کا قاتل علی سا شریف انسان ہے جس نے اپنے دشمن کی لاش کی توہین گوارا نہیں کی۔
آپ نے کبھی دشمن کی عورتوں یا بچّوں پر ہاتھ نہیں اٹھا یا اور کبھی مالِ غنیمت کی طرف رخ نہیں کیا۔
رسول اللہ کی طرف سے عہد ناموں کا لکھنا، خطوط تحریر کرنا آپ کے ذمے تھا اور لکھے ہوئے اجزائے قرآن کے امانتدار بھی آپ تھے- اس کے علاوہ یمن کی جانب تبلیغ اسلام کے ليے پیغمبر صلی اللہ علیہ و آلہ و سلم نے آپ کو روانہ کیا جس میں آپ کی کامیاب تبلیغ کا اثر یہ تھا کہ سارا یمن مسلمان ہو گیا۔
جب سورہ براَت نازل ہوئی تو اس کی تبلیغ کے ليے بحکم خدا آپ ہی مقرر ہوئے اور آپ نے جا کر مشرکین کو سورئہ براَت کی آیتیں سنائیں-
حضرت علی علیہ السلام کی امتیازی صفات اور خدمات کی بنا پر رسول ان کی بہت عزت کرتے تھے او اپنے قول اور فعل سے ان کی خوبیوں کو ظاہر کرتے رہتے تھے.
کبھی یہ کہتے تھے کہ ‘‘علی مجھ سے ہیں اور میں علی سے ہوں‘‘ .کبھی یہ کہا کہ ‘‘میں علم کاشہر ہوں اور علی اس کا دروازہ ہے ‘‘ کبھی یہ کہا ‘‘تم سب میں بہترین فیصلہ کرنے والا علی ہے‘‘ کبھی یہ کہا‘‘علی کومجھ سے وہ نسبت ہے جو ہارون کو موسیٰ علیہ السّلام سے تھی‘‘کبھی یہ کہا‘‘علی مجھ سے وہ تعلق رکھتے ہیں جو روح کو جسم سے یا سر کو بدن سے ہوتا ہے‘‘۔
کبھی یہ کہ‘‘وہ خدا اور رسول کے سب سے زیادہ محبوب ہیں ‘‘۔
یہاں تک کہ مباہلہ کے واقعہ میں حضرت علی نفسِ رسول قرار پائے اور اللہ کے نبی انہیں مولائے کائنات اور اپنا وصی کہا. عملی اعزاز یہ تھا کہ مسجد میں سب کے دروازے بند ہوئے تو علی کا دروازہ کھلا رکھا گیا . جب مہاجرین وانصار میں بھائی چارہ کیا گیا تو علی علیہ السّلام کو پیغمبر نے اپنا دنیا وآخرت میں بھائی قرار دیااور سب سے آخر میں غدیر خم کے میدان میں ہزاروں مسلمانوں کے مجمع میں حضرت علی کو اپنے ہاتھوں پر بلند کر کے یہ اعلان فرما دیا کہ جس طرح کاسرپرست اورحاکم ہوں اسی طرح علی سب کے سرپرست اور حاکم ہیں۔ جس کا میں مولا ہوں اسکا علی مولا ہے۔
اتنا بڑا اعزاز ہے کہ تمام مسلمانوں نے حضرت علی کو مبارک باد دی اور سب نے سمجھ لیا کہ پیغمبر نے حضرت علی کی ولی عہدی اور جانشینی کااعلان کردیا ہے.
جس نے زندگی بھر پیغمبر کا ساتھ دیا وہ بعد رسول آپ کی لاش کو کس طرح چھوڑتا, چنانچہ رسول کی تجہیز وتکفین اور غسل وکفن کاتمام کام حضرت علی علیہ السلام ہی کے ہاتھوں ہوا اورقبر میں آپ ہی نے رسول کو اتارا , رسول کے دفن سے فرصت ہونے کے بعد یہ معلوم ہوا کہ اتنی دیر میں پیغمبر کی جانشینی کاانتظام ہوگیا ہے . اگر کوئی دوسرا انسان ہوتاتو جنگ آزمائی پر تیار ہوجاتا مگر حضرت علی کو اسلامی مفاد اتنا عزیز تھا کہ آپ نے اپنے حقوق کے اعلان کے باوجود اپنی طرف سے مسلمانوں میں خانہ جنگی پیدا نہیں ہونے دی , نہ صرف یہ کہ آپ نے معرکہ آرائی نہیں چاہی بلکہ جس وقت ضرورت پڑی , اس وقت اسلامی مفاد کی خاطر آپ نے امداد دینے سے دریغ بھی نہیں کیا , مشکل مسائل کے فیصلہ اور ضروری مشورہ ليے جانے پر اپنی مفید رائے کااظہار کیاا س سے کبھی پہلو نہیں بچایا .
خلیفہ وقت حضرت عمر کا یہ قول اس بات کا شاہد ہے کہ ‘‘اگر علی نہ ہوتے تو میں ہلاک ہو جاتا‘‘۔
علی علیہ السلام اسلام کی روحانی اور علمی خدمت میں مصروف رہے . قرآن کو ترتیب ُ نزول کے مطابق ناسخ ومنسوخ اور محکم اور متشابہ کی تشریح کے ساتھ مرتب کیا . مسلمانوں کے علمی طبقے میں تصنیف وتالیف کااور علمی تحقیق کاذوق پیدا کیااور خود بھی تفسیر اور کلام اور فقہ واحکام کے بارے میں ایک مفید علمی ذخیرہ فراہم کیا . بہت سے ایسے شاگرد تیار کئے جو مسلمانوں کی آئندہ علمی زندگی کیلئے معمار کاکام انجام دے سکیں , زبان عربی کی حفاظت کیلئے علم نحوکی داغ بیل ڈالی اور فن صرف اور معانی بیان کے اصول کو بھی بیان کیا اس طرح یہ سبق دیا کہ اگر ہوائے زمانہ مخالف بھی ہوا اور اقتدار نہ بھی تسلیم کیا جائے تو انسان کو گوشہ نشینی اور کسمپرسی میں بھی اپنے فرائض کو فراموش نہ کرنا چاہیے . ذاتی اعزاز اور منصب کی خاطر مفادملّی کو نقصان نہ پہنچایا جائے ۔
پچیس برس تک رسول کے بعد حضرت علی نے خانہ نشینی میں بسر کی اور جب 35ھ میں مسلمانوں نے خلافت ُ اسلامی کامنصب حضرت علی کے سامنے پیش کیا توآپ نے پہلے انکار کیا , لیکن جب مسلمانوں کااصرار بہت بڑھ گیا تو آپ نے اس شرط سے منظو رکیا کہ میں بالکل قران اور سنت ُ پیغمبر کے مطابق حکومت کروں گا اور کسی رورعایت سے کام نہ لوں گا .
مسلمانوں نے اس شرط کو منظور کیا اور آپ نے خلافت کی ذمہ داری قبول کی- مگر زمانہ آپ کی خالص مذہبی سلطنت کو برداشت نہ کرسکا , آپ کے خلاف بنی امیہ اور بہت سے وہ لوگ کھڑے ہوگئے جنھیں آپ کی مذہبی حکومت میں اپنے اقتدار کے زائل ہونے کا خطرہ تھا , آپ نے ان سب سے مقابلہ کرنااپنا فرض سمجھا اور جمل اور صفین اور نہروان کی خون ریز لڑائیاں ہوئیں . جن میں حضرت علی بن ابی طالب علیہ السّلام نے اسی شجاعت اور بہادری سے جنگ کی جو بدر واحد و خندق وخیبر میں کسی وقت دیکھی جاچکی تھی اور زمانہ کو یاد تھی .
ان لڑائی جھگڑوں کی وجہ سے آپ کو موقع نہ مل سکا کہ آپ جیسا دل چاہتا تھا اس طرح اصلاح فرمائیں . پھر بھی آپ نے اس مختصر مدّت میں اسلام کی سادہ زندگی , مساوات اور نیک کمائی کے لیے محنت ومزدوری کی تعلیم کے نقش تازہ کردئے آپ شہنشاہ ُ اسلام ہونے کے باوجود محنت مزدوری کرتے، پیوند لگے ہوئے کپڑے پہنتے،غریبوں کے ساتھ زمین پر بیٹھ کر کھاناکھالیتے ، جو روپیہ بیت المال میں آتا تھا اسے تمام مستحقین پر برابر سے تقسیم کرتے تھے ۔یہاں تک کہ آپ کے سگے بھائی عقیل نے یہ چاہا کہ کچھ انہیں دوسرے مسلمانوں سے زیادہ مل جائے مگر آپ نے انکار کردیا اور کہا کہ اگر میرا ذاتی مال ہوتا تو خیر یہ بھی ہوسکتا تھا مگر یہ تمام مسلمانوں کا مال ہے . مجھے حق نہیں ہے کہ میں اس میں سے کسی اپنے عزیز کو دوسروں سے زیادہ دوں ,
انتہا ہے کہ اگر کبھی بیت المال میں شب کے وقت حساب وکتاب میں مصروف ہوئے اور کوئی ملاقات کے لیے اکر غیر متعلق باتیں کرنے لگا تو آپ نے چراغ بجھادیا کہ بیت المال کے چراغ کو میرے ذاتی کام میں صرف نہ ہونا چاہیے . آپ کی کوشش یہ رہتی تھی کہ جو کچھ بیت المال میں آئے وہ جلد حق داروں تک پہنچ جائے . آپ اسلامی خزانے میںمال کاجمع رکھنا پسند نہیں فرماتے تھے .
حضرت علی علیہ السلام کو 19 رمضان 40ھ کو صبح کے وقت مسجد میں عین حالتِ نماز میں ایک زہر میں بجھی ہوئی تلوار سے زخمی کیا گیا۔ جب آپ کے قاتل ابن ملجم کو گرفتار کرکے آپ کے سامنے لائے اور آپ نے دیکھا کہ اس کا چہرہ زرد ہے اور آنکھوں سے آنسو جاری ہیں تو آپ کو اس پر بھی رحم آ گیا اور اپنے دونوں فرزندوں امام حسن علیہ السلام و امام حسین علیہ السلام کو ہدایت فرمائی کہ یہ تمھارا قیدی ہے اس کے ساتھ کوئی سختی نہ کرنا جو کچھ خود کھانا وہ اسے کھلانا۔ اگر میں اچھا ہو گیا تو مجھے اختیار ہے میں چاہوں گا تو سزا دوں گا اور چاہوں گا تو معاف کردوں گا اور اگر میں دنیا میں نہ رہا اور تم نے اس سے انتقام لینا چاہا تو اسے ایک ہی ضرب لگانا، کیونکہ اس نے مجھے ایک ہی ضرب لگائی ہے اور ہر گز اس کے ہاتھ پاؤں وغیرہ قطع نہ کیے جائیں، اس لیے کہ یہ تعلیم اسلام کے خلاف ہے
دو روز تک حضرت علی علیہ السلام بستر بیماری پر انتہائی کرب اور تکلیف کے ساتھ رہےآخر کار زہر کا اثر جسم میں پھیل گیا اور 21 رمضان کو نمازِ صبح کے وقت آپ کی شہادت ہوئی۔ حسن علیہ السلام و حسین علیہ السلام نے تجہیزو تکفین کی اور پشتِ کوفہ پر نجف کی سرزمین میں دفن کیے گئے
مکمل نام. علی ابن ابی طالب
ترتیب. امام اول
جانشین .حسن علیہ السلام
تاریخ ولادت. جمعہ، 13 رجب، 22 قبل ہجری
جائے ولادت. خانۂ کعبہ، مکہ مکرمہ
لقب. ابو تراب
کنیت. ابو الحسن
والد. ابو طالب ابن عبد المطلب
والدہ .فاطمہ بنت اسد
تاریخ وفات. 21 رمضان، 40 ہجری
جائے وفات. نجف، عراق
وجۂ. وفات شہادت
http://ahlulbaytportal.ir

کعبہ میں ولادت اور مسجد میں شھادت

Author

File

Persian Title

Qr Code

Source

is suggested

معلم عدالت امیر المؤمنین امام علی ابن ابی طالبـ

آج ميں امیر المومنین(ع)کے چندکلمات کاذکرکرناچاہتاہوں کہ جو انہوں نے اپنے وصیت نامہ ميں تحریرفرمائے ہيں۔ انہوں نے یہ وصیت نامہ اپنے فرزندوں اوررشتہ داروں کیلئے تحریرفرمایالیکن خودنہج البلاغہ ميں اس وصیت نامہ کے مطابق اس کے مخاطب وہ تمام لوگ ہيں کہ جن تک یہ وصيت نامہ پہنچے گایعني ہم بھي اس وصیت نامہ کے مخاطبين ميں شامل ہيں۔ یہ وہي معروف وصیت نامہ ہے کہ جسمیں چندجملوں کے بعدفرماتے ہيں ’’ميں تم دونوں، اپنے خاندان والوں اورہراس شخص کوکہ جس تک میرایہ پیغام پہنچے گا،تقوي اختیارکرنے،اپنے کاموں کو منظم کرنے اورآپس ميں ایک دوسرے کي اصلاح کي وصیت کرتاہوں ۔
اس وصيت ميں تقریباًبیس مطالب ذکرہوئے ہيں اور يہ بات بہت واضح ہے کہ اگرکوئي انسان اور وہ بھي اپني زندگي کے آخري لمحات میں وصیت تحریر کرے گاتو انہي مطالب کاذکر کرے گا جو اس کي نگاہ ميں زيادہ اہم ہيں۔ امیرلمومنین (ع)نے اس وصیت کوابن ملجم (ملعون)کي تلوارسے زخمي ہونے کے بعدارشادفرمایااوربیس اہم مطالب ذکر فرمائے جیسے دنیا پرستي کي مذمت،قرآن،حج وجہاد کي عظمت اور یتیم اور پڑوسي کے حقوق وغیرہ۔ بندہ ناچيزنے ان مطالب ميں سے دوکاانتخاب کیاہے اورچاہتاہوں کہ انھيں یہاں بیان کروں۔ ایک’’نظم امرکم ‘‘ (اپنے کاموں کو منظم کرنا)اوردوسرا نکتہ ’’صلاح ذات بینکم ‘‘ ہے،آپس ميں اصلاح کرنے سے امیرالمومنین (ع)کي مراداور خصوصاً اپنے اہم وصیت نامے ميں اس کاتذکرہ کرنا صرف اس وجہ سے نہيں ہے کہ ظاہري اتحاد ہوجائے یا دو گروہ آپس ميں حلیف ورفيق بن جائيں یاان کاکسي موضوع پرمتحدہوکرآپس ميں قرارداد کاطے کرليناوغيرہ و غیرہ،نہيں! بلکہ ان امور سے امام (ع) کي مرادبہت بلندہے،اس طرح کہ ایک دوسر ے سے صاف دلي سے ملاقات کريں،ایک دوسرے کیلئے ذہنیت بالکل پاک ہوجائے،کسي کے حقوق سے تجاوزاوراذیت وآزار پہنچانے کاخیال بھي دلوں ميں نہ آئے اور افراد آپس ميں ایک دوسرے کیلئے اپنے فکر و خيال ميں بھي برا تصوّرنہ لائيں۔
اس عبارت یعني ’’ صلاح ذات بینکم‘‘ کے فرمانے کے بعدامیرالمومنین (ع)نے گواہ کے طورپرپیغمبر اکرم (ص) کا قول نقل کیا وانّي سمعتُ جدّ کما صلي اللہ علیہ وآلہ و سلم یقول’’ صلاح ذات البین افضل من عامۃ الصلاۃ والصیام‘‘کہ ميں نے تم دونوں کے جدسے سناکہ انہوں نے فرمایا کہ’’ آپس ميں دلوں کاقریب کرناہرنماز اور روزے سے افضل ہے‘‘ یعني لوگوں کو قریب کرنا اور انکے فکر وخيال کو ایک دوسرے کیلئے اچھابنانا (مستحب) نمازاور روزے سے افضل ہے يعني اگر کوئي مستحبي نماز پڑھتا اور روزہ رکھتا ہے یادلوں کو نزدیک کرنے والا کوئي بھي عمل انجام دیتا ہے تو يہ دوسرا کام پہلے کام پر فضليت رکھتا ہے ۔ یہ ہے وہ چیز کہ جسکي ہميں آج سب سے زیادہ ضرورت ہے ۔
نظم کیا ہے ؟
حضرت علي (ع) کي وصیت ميں انکاذکرہوناانکي اہمیت پردلالت کیلئے کافي ہے۔ انسان کیلئے نظم و ضبط کي اہمیت اس وقت اور بڑھ جائے گي کہ جب وہ اپني عملي زندگي ميں اس کے صحیح معني اور مفہوم سے استفادہ کرے۔ نظم یعني ہرچیز کااس کے صحیح مقام پر موجود ہونا۔یہ وسيع و عريض کائنات،يہ پہناورزمین اورہمارے سر پر موجود يہ نيلگوں آسمان،ان سب پرنظم وضبط کاايک قانون حاکم ہے اور اس نظم وضبط کوکائنات ميں رونماہو نے والے تمام امور اورحقائق ميں محسوس کیاجاسکتاہے۔انسان بھي اسي کائنات کاایک جز ہے اوراس ميں بھي نظم وضبط کا بخوبي مشاہدہ کیاجاسکتاہے بلکہ ہرانسان کي زندگي ایک طبیعي قانون کے تحت پروان چڑھ رہي ہے۔
خون کي گردش،دل کي دھڑکن،پھیپڑوں کي حرکت اور ان جیسے کئي اموراورحرکات کہ جو بدن انساني ميں انجام پارہي ہیں،ایک خاص نظم کے تابع ہيں اوراسي طرح اگرانسان کے تمام افعال منظم ہوں تو اس کے اردگردپھیلي ہوئي کائنات سے اسکے روابط ہم آہنگ اورمنظم ہوجائیں گے۔ انسان کا اپنے تمام افعال ميں منظم ہونا اسے اس بات کاموقع فراہم کرتاہے کہ وہ ہرچیزسے صحيح طورپراستفادہ کرے لیکن اگرانساني جسم ميں بے نظمي پیداہوجائے یا کوئي بیماري اسکانظم بگاڑدے(جبکہ بے نظمي بذات خود ایک بیماري ہے)توايساانسان کئي چیزوں سے محروم ہو جاتا ہے۔بالکل یہي حال انسان کے کاموں کاہے،زندگي شخصي ہویااجتماعي(اگرنظم نہ ہوتواسے ہميشہ محرومیت کاسامناکرنا پڑے گا)نظم اہمیت رکھتاہے،البتہ نظم وضبط کامیدان بہت وسیع ہے ۔ اس نظم ميں انسان کي شخصي زندگي سے لے کراس کے کام کرنے کي جگہ اوراس کي نجي زندگي ميں اس کے کمرہ تک کہ آیااسکاذاتي کمرہ منظم ہے یا نامنظم ، اسي طرح اس کے شخصي امور جہاں یہ کام کرتا اورتعلیم حاصل کرتا ہے،ان چیزوں کے علاوہ اس کے اجتماعي اورسماجي ماحول ومعاشرے کانظم وضبط اوراجتماعي نظام کي بنیادیں تک اس قا نون نظم ميں شامل ہيں یعني’’ خاص منظم ڈھانچہ ‘‘ کہ جو فلسفي نظریے کاتابع ہے ۔ یہ تما م امور حضرت علي (ع) کي وصیت کي اس عبارت ’’نظم امر کم‘‘ ميں موجود ہيں۔
امیر المومنین (ع)نے نظم وضبط کے ذکرسے پہلے تقويٰ کي طرف اشارہ فرمایاہے۔وصیت کے ابتدائي حصہ ميں بھي تقويٰ کاذکر موجودہے کہ’’ميں تم دونوں کو تقويٰ الہي کي وصیت کرتا ہوں کہ کبھي دنیا کہ پیچھے نہ جانا۔۔۔‘‘لیکن دو جملوں کے بعد دوبارہ فرماتے ہيں ’’ميں تم دونوں بیٹوں اور اپني تمام اولاد کو تقويٰ الٰہي اور اپنے امور کو منظم کرنے کي وصيت کرتا ہوں‘‘۔ شاید یہاں دوبارہ ذکر کرنے کا مقصد یہ ہے کہ وہ نظم وضبط جو انسان کي شخصي و نجي یا اجتماعي زندگي ميں مطلوب ہے، اسے تقويٰ الٰہي کے زير سايہ قرار دینا چاہئے اور ہمیشہ اسے تقويٰ کے ساتھ ہم آہنگ اورقدم باقدم ہوناچاہئے ۔بس يہ ایک ایسي وصیت ہے کہ جسمیں ہماري زندگي کے تمام مراحل شامل ہيں، شخصي زندگي ہو یااہل خانہ کے ساتھ ميل ملاپ علم کا میدان ہو یا کسب معاش کي دنيا، اسي طرح وہ تمام امور جوہم معاشرے ميں انجام دے رہے ہيں،نظم وضبط اورصحیح منصوبہ بندي کاخیال کرتے ہوئے ہمیں تمام میدانوں ميں قدم رکھناچاہیے خصوصاًاجتماعي اورمعاشرتي خدمت انجام دینے والا انسان چاہے کسي بھي عہدے پر ہو،اسے معاشرے ميں اجتماعي نظم وضبط کاخیال رکھناچاہیے ۔
نظم کے فوائد
قوانین کي رعایت،بھائي چارگي،مرُوّت،ثروت اندوزي سے اجتناب،دوسروں کے حقوق پرڈاکہ نہ ڈالنااورانکااحترام ،وقت کي اہمیت کاخیال رکھنا،چاہےاپناہویادوسروں کا،ٹریفک کے قوانین کي پابندي،مالي،تجارتي اوران جیسے دوسرے مسائل ميں قوانین کي پیروي ،سب کے سب نظم وضبط ميں شامل ہيں اور اسي طرح منظم ہونے کے مصادیق ميں سے ایک اہم مصداق،معاشرے ميں انجام پانے والے ہمارے کام ،افکار،عقائداور نعروں ميں ہم آہنگي کاتعلق نظم و ضبط سے ہي ہے۔ سب سے خطرناک بے نظمي یہ ہے کہ کسي معاشرہ کي فکري اوراعتقادي بنیادیں اوروہ چیزیں کہ جن پر ايک معاشرہ ایمان اورعقیدہ رکھتاہے،کچھ اور ہوں جبکہ معاشرے ميں انجام دئیے جانے والے کاموں کا ان افکار،عقائد اور ایمان سے کوئي تعلق نہ ہو، یہ ایک طرح کے دوغلے پن اورنفاق کووجود ميں لانے کاباعث بنتا ہے جو بذات خود بہت خطرناک بات ہے۔
اسلام کا نعرہ لگانا اور باربار اس کي تکرار کرنا جبکہ عمل ميں اسلامي قوانین کا خیال نہ رکھنا ،انساني حقوق کو اپنے منشورکابنیادي اوراساسي رکن قراردیناجبکہ عمل ميں حقوق بشرکي دھجياں اڑانا(خصوصاً انساني حقوق کے دفاع کے نام پرانکي پائمالي آج کے دورميں ايک بین الاقوامي بلابن چکي ہے)،آزادي کے نعرے لگاناجبکہ عملاً دوسروں کي آزادي کوملحوظ خاطر نہ رکھنا،قانون اورقانون کے مطيع و فرمانبردار ہونے جیسے مقدس ناموں سے اپني شان بڑھانا اورعملاً خودکو قانون سے مافوق شمارکرنا،یہ سب بڑي برائی انہيں اور واضح و آشکار مصداق ہيں بے نظمي کے۔ وہ عہدیدارحضرات کہ جو اصول و قوانین وضع کرنایا ان کانفاذ چاہتے ہيں انھیں چاہیے کہ وہ سب سے زیادہ ان قوانين کے پابند ہوں اورعوام کو بھي ان قوانین اوراجتماعي نظم و ضبط کا خیال رکھنا چاہیے۔
منبع:jafariapress.com

مولائے کائنات (ع) کي آرزو 

اربابِ بصیرت پر مخفی نہیں ہے کہ قدیم الایام سے جو مسئلہ ہمارے اور دوسری اسلامی برادری کے درمیان اختلافات کی آماجگاہ اور محور نزاع بنا ہوا ہے وہ ہے مسئلۂ امامت، اسلام کے اندر کسی قاعدۂ دینی پر اس طرح تلوار نہیں کھینچی گئی جس طرح ہر زمانے میں امامت پر کھینچی گئی ہے۔
اگرچہ اس موضوع پر متعدد مفید کتابیں موجود ہیں اور بفضلہ اردو زبان کا دامن اس سے مالامال ہے مگر بااین همه ایک ایسی کتاب کی کمی تھی جو صغیر الحجم ہونے کے ساتھ ہی جامع بھی ہو اور اس مسئلہ کے تمام پہلوؤں پر حاوی ہو اور اس میں ہر قسم کے قاری بالخصوص نئی پَود کی ذہنی سطح کو بھی پیش نظر رکھا گیا ہو، اور یہ کتاب اس کمی کو مکمل طریقے سے پورا کرتی ہے اور بالخصوص مندرجہ ذیل اہم سوالات کا جواب پیش کرتی ہے:
۱. کیا نبی کے بعد کسی خلیفہ و امام کی ضرورت بھی ہے یا نہیں؟
۲. بصورت ضرورت آیا امام کا نصب و تقرّر خالق کے ذمہ ہے یا مخلوق کے؟
۳. دونوں صورتوں میں آیا اس تقرّر کا وجوب عقلی ہے یا سمعی؟
۴. تقرّر کے وجوب کی صورت میں کیا مسئلۂ امامت اصول دین میں داخل ہے یا فروع دین میں شامل ہے؟
۵. امام کے لیے کون سے شرائط لازم ہیں اور اس کے لیے کن صفات کا حامل ہونا ضروری ہے؟
۶. معصوم، اعلم اور اشجع غرض کہ ہر لحاظ سے افضل ہونا ضروری ہے یا نہیں؟
یہ اور اس طرح کے مزید عمیق سوالات کے جوابات یہ کتاب فراہم کرتی ہے، ضرور مطالعہ فرمائیں۔

Editor

Interpreter

Number of volumes

Publish location

Publication year

Publish number

Publisher

Sect

Scholar

ISBN

Translated

اثبات الامامت

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

انسان اعظم

تہذیب المتین فی تاریخ امیرالمومنین علیہ السلام دو جلدوں پر مشتمل کتاب ہے جس کی پہلی جلد آپ کے سامنے ہے جس کے مؤلف سید مظہر حسن سہارنپوری ۱۳۵۰ق ہیں، یہ کتاب تاریخ حضرت امام علی علیہ السلام سے مربوط ہے۔
طبع اول میں کتاب کی زبان قدیم اردو تھی لیکن اس موجودہ کتاب کی زبان کو مروجّہ تلفظ کے لحاظ سے کردیا گیا ہے۔

تہذیب المتین فی تاریخ امیر المومنین ج۱

حضرت امیرالمومنین علی علیہ السلام جوکہ پیغمبراسلام کے زیرسایہ پروان چڑھے اورآپ کے حقیقی جانشین بھی ہیں،ایک ممتازاوربے مثال شخصیت کے مالک ہیں جس کا اعتراف تمام مسلمان و غیرمسلمان دانشمندوں نے اس اندازسے کیاہے کہ آپ کی ذات والاصفات کے فضائل ومناقب کاذکرکرناایک ناممکن امرہے۔
پیغبراسلام کابھی ارشادگرامی ہے کہ اے علی اگردریاروشنائی بن جائے،سارے درخت قلم بن جائیں سارے انسان مل کرلکھیں اورگروہ جن ھساب کریں توبھی تمہا۔رے فضائل وکمال کو شمارنہین کرسکتے۔پھر بھی  اگردریاکے سارے پانی کوجمع نہیں کرستے تم کم ازکم پیاس توبجھالینی چاہئے،اس ہدف کو مدنظررکھ کر کتاب ہذا''خصائص امیرالمومنین علی ابن ابیطالب علیہم السلام '' انہیں کاوشوں کاثمرہ ہے جسے حافظ امام ابوعبدالرحمن احمدابن شعیب نسائی نے تیسری صدی ہجری میں تالیف اورجناب سیدشاہدحسین رضوی ہندی نے اس کا ترجمہ کیا  ہے۔ اس کتاب کا ایک اور اردو ترجمہ صائم چشتی نے بھی کیا ہے۔
خَصائصُ أمیرالمؤمنین علی بن أبی طالب (ع)، ابو عبد الرحمن احمد بن شعیب نسائی (متوفی 303 ھ) کی تالیف ہے جو اہل سنت کے بزرگ عالم، محدث اور کتاب السنن کے مؤلف ہیں۔ یہ کتاب امیرالمؤمنین علی (ع) کے مناقب اور فضائل کے بارے میں لکھی گئی ہے۔ نسائی نے اس کتاب میں حضرت علیؑ  کے اسلام لانے، رسول اللہ کے نزدیک ان کی منزلت و مقام، ان سے قرابت اور ان کی ازواج اور اولاد کے بارے میں گفتگو کی ہے۔
نسائی اہل سنت کے ان موثق چھ افراد میں سے ہیں جنہوں نے کتاب السنن کے نام سے کتابیں لکھی ہیں۔
یہ کتاب اہل سنت کے بزرگ عالم دین کی تالیف ہونے کی وجہ سے ایک مخصوص مقام و منزلت کی حامل ہے۔ ان کی ایک اور کتاب مسند علی بن ابی طالب بھی ہے۔
نسائی عمر کے آخری حصے میں دمشق گئے۔ اس سفر میں انھوں نے وہاں کے لوگوں میں انحراف کا مشاہدہ کیا تو انھوں نے اس کتاب کے ذریعے وہاں کے لوگوں کی ہدایت کا ارادہ کیا۔ جب ان سے معاویہ بن ابو سفیان کی فضیلت کے بارے میں سوال کیا گیا تو انھوں نے جواب میں کہا: میں رسول اللہ کی اس حدیث: خدا اس کے پیٹ کو کبھی سیر نہ کرے، کے علاوہ کچھ نہیں جانتا۔ لوگوں نے یہ سن کر جامع مسجد میں بہت زیادہ زد و کوب کیا اور انھیں مکہ جانے کو کہا۔ وہ اس مار پیٹ کی وجہ سے مریض ہو گئے اور انھیں اسی بیماری کی حالت میں مکہ لے جایا گیا جہاں اسی مار پیٹ کی وجہ سے وہ مکہ میں جانبحق ہوگئے۔
نسائی نے اس کتاب میں امام علی کے خصائص میں سے پہلے مسلم کے عنوان سے مجموعی طور پر 188 روایات ذکر کی ہیں۔ پھر اسکے بعد دسیوں احادیث دیگر خصوصیات جیسے حدیث ثقلین، طیر، رایت، منزلت، کساء، غدیر، سد ابواب ذکر کی ہیں۔

خصائص امیرالمؤمنینؑ-امتیازات علوی

Rate

Votes

سلونی قبل ان تفقدونی ج۲

اس کتاب میں امیر المومنین علی ابن ابی طالب ؑ کی سیرت اور تاریخ پر روشنی ڈالی گئی ہے۔

سیرت امیر المومنینؑ ج۱؍۲

زیر نظر کتاب "سیرت معصومین علیہم السلام" ثقۃ المحدثین علامہ شیخ عباس قمیؒ کی عظیم تصنیف "منتہی الآمال" کا اردو ترجمہ ہے، کتاب دو جلدوں پر مشتمل ہے جس میں چہاردہ معصومین علیہم السلام کے حالات زندگی اور ان کے کمالات و فضائل کا تفصیلی ذکر موجود ہے جبکہ دوسری جلد میں خلفاء اور بادشاہانِ بنو امیہ اور بنی عباس کا بھی ذکر کیا گیا ہے، یہ کتاب قارئین کرام کے لیے عموماً جبکہ خطیب حضرات کے لیے خصوصاً بے بہا علمی خزانہ ہے۔
مُنْتَہى ألآمال فی تَواريخِ ألنَّبی وَ ألْآل چودہویں صدی ہجری کے شیعہ عالم شیخ عباس قمی کی چودہ معصومین علیہم السلام کی زندگی کے بارے میں فارسی زبان میں لکھی جانے والی کتاب ہے۔ مؤلف نے اس کتاب میں کثیر مآخذ سے استفادہ کرتے ہوئے چہادہ معصومین علیہم السلام کی حالات زندگی کو تفصیل سے بیان کیا ہے۔
منتہی الآمال کے چودہ باب ہیں اور ہر باب میں کئی ابواب ہیں جن میں انفرادی معلومات، فضائل، ہر امام سے مربوط واقعات اور حادثات، اولاد اور گھر والے، نیز راوی اور اصحاب کے بارے میں بیان کیا گیا ہے۔ منتہی الآمال شیعہ مشہور کتابوں میں سے ایک ہے۔ اور یہ کتاب عربی اور اردو میں بھی ترجمہ ہو چکی ہے۔
عباس بن محمد رضا بن ابو القاسم عصر حاضر کے مشہور علماء اور محدثین میں شمار ہوتے ہیں۔ آپ قم میں پیدا ہوئے اور ابتدائی تعلیم وہیں سے حاصل کی اور 1316ھ کو نجف چلے گئے اور میرزا حسین نوری کے درس میں شرکت کی۔۱۳۲۰ہجری کو استاد کی وفات کے بعد قم واپس لوٹے اور وہاں سے مشہد چلے گئے اور کچھ عرصہ مشہد میں مقیم رہے اور پھر وہاں سے نجف چلے گئے اور وہیں پر وفات پائی۔
کتاب میں  ہر معصوم کے بارے میں مندرجہ ذیل موضوعات کو بیان کیا گیا ہے: ولادت، نام، لقب، کنیت، ہر معصوم کی بعض اخلاقی فضیلتیں اور خصوصیات، معجزے اور ہر امام کی امامت کی دلیل، ائمہ کے حکمت آمیز کلمات، معصومین کی شہادت اور ان کا مدفن۔
مؤلف نے کتاب کے مقدمے میں منتہی الآمال لکھنے کی وجوہات کو وہ احادیث قرار دیا ہے جو ائمہؑ اور اولیاء الہی کی احادیث کا احیاء اور ان کے مصائب پر رونے کو سب سے بڑی عبادت قرار دیتی ہیں۔ آپ اس کتاب میں پیغمبر اکرمﷺ اور ائمہ معصومینؑ کی ولادت اور مصائب بیان کرتے ہیں۔ اس کے علاوہ بعض اخلاقی مناقب اور فضائل بھی بیان کیا ہے، تاکہ احادیث کے احیاء کرنے کا ثواب مل سکے اور ان کی مصیبت پر گریہ کر کے مقربین کے درجے تک پہنچا جاسکے۔
منتہی الآمال چودہ باب پر مشتمل ہے اور ہر معصومؑ کی زندگی کے بارے میں ایک باب ہے۔ اور ہر باب میں مختلف فصل ہیں جن میں حالات زندگی، مناقب اور فضائل، ہر امام سے مربوط واقعات، اولاد اور گھر والے، راوی اور اصحاب کے بارے میں بیان ہوا ہے۔ اور کتاب کا بیشتر حصہ پیغمبر اکرمؐ، امیر المؤمنینؑ کی زندگی کے بارے میں اور خاص کرامام حسینؑ کی حالات زندگی اور مقتل سے مختص ہوا ہے۔
محدث قمی نے کتاب میں بیان شدہ مطالب کے مصادر اور مآخذ کو بیان کیا ہے اور آخری ایڈیشن میں باقر بیدہندی نے مآخذ کی جلد اور صفحہ نمبر کو حوالہ جات میں ذکر کیا ہے۔ آپ نے مختلف واقعات کے بارے میں مختلف روایات ذکر کرنے کی کوشش کی ہے۔ اس کتاب کے مآخذ میں سے ایک شیخ مفید کی کتابیں خاص کر الارشاد، شیخ صدوق کی کتابیں جیسے عیون الاخبار اور امالی، شیخ طوسی کی کتابیں اور کتاب کافی، اعلام الوری، اثبات الوصیة، ابن طاووس کی کتابیں، الخرائج و الجرائح، مناقب ابن شہر آشوب، تذکرة الخواص، تاریخی کتابیں جیسے تاریخ طبری، تاریخ یعقوبی اور مروج الذہب، جبکہ اشخاص اور جگہوں کی تاریخ کے بارے میں لکھی جانے والی تاریخی کتابیں جیسے تاریخ قم، تاریخ بغداد، دمشق اور رجال نجاشی قابل ذکر ہیں۔
مؤلف نے عبارت کے درمیان «مؤلف کہتا ہے» کی عبارت کے ساتھ روایات اور واقعات کے بارے میں توضیح دے کر کتاب کی منزلت میں اور اضافہ کیا ہے۔ اگرچہ کتاب مؤلف کے دور کے ادبیات کے ساتھ فارسی زبان میں لکھی گئی ہے جبکہ معصومینؑ کے مختلف اقوال، دعا اور اشعار عربی میں نقل ہوئے ہیں جنکا ترجمہ ہوچکا ہے۔
محدث قمی نے منتہی الآمال کی تکمیل میں کتاب تتمۃ المنتہی فی وقایع ایام الخلفاء کو لکھا جس میں پیغمبر اکرمﷺ کے بعد کے تینوں خلفاء کی زندگی کے بارے میں لکھا ہے۔ اور اس کتاب کے مقدمے میں لکھا ہے کہ: « چونکہ اس آرزؤں کے اسیر کیلیے توفیق الہی حاصل ہوئی تو چاہا بنی حسن کے بارے میں مختصر کچھ لکھے اور ان کے مقاتل کی تشریح کرنا چاہا، اور کچھ لکھا تو دیکھا کہ کتاب کی موجودہ صورت سے کہیں اور جارہا ہوں تو سوچا اسے تتمۃ اور تکملۃ منتہی الآمال کے نام سے ذکر کروں»۔
سید ہاشم میلانی نے اس کتاب کا عربی میں ترجمہ کیا ہے۔ پاکستان کے شیعہ عالم دین سید صفدر حسین نجفی نے اس کتاب کا اردو میں ترجمہ کیا ہے اور احسن المقال کے نام سے مصباح القرآن لاہور نے اسے چھاپا ہے جو ابھی آپ کے سامنے ہے۔

سیرت معصومینؑ-احسن المقال ترجمہ منتهی الآمال ج۱

پیش نظر کتاب میں علی مرتضیٰ علیہ السلام کے معجزات اور مشکل کشائی کے 250 سے زائد واقعات قلمبند کیے گئے ہیں، دلچسپی رکھنے والے اہل مطالعہ اسے ضرور پڑھیں۔

شیر خدا کے معجزات

پیش نظر کتاب میں صدیق اکبر اور فاروق اعظم کے القابات کے سلسلے میں علمی بحث کی گئی ہے اور واضح کیا گیا ہے کہ یہ القاب امیرالمؤمنین علی ابن ابی طالب کے ہیں جنہیں خود رسول اکرمﷺ نے عطا فرمایا ہے اور امام علی علیہ السلام کے علاوہ کسی کو حق نہیں پہنچتا کہ وہ ان القابات کو اپنے لیے تصور کرے، یہ ایک بہت دلچسپ کتاب ہے لازمی پڑھیں۔

صدیق اکبر اور فاروق اعظم

Translated Fields

ضرب حیدری

کتاب ہذا میں تحقیقی معیار کو مدنظررکھ کروسیع تبویب کی گئی ہے۔ کتب تاریخ ورایت کی چھان پھٹک کے بعدحقائق نکال کر اس کتاب میں بیان کئے گئے ہیں۔ کتب شیعہ کے ساتھ ساتھ اہل سنت کتابوں سے بھی استفادہ کیا گیا ہے اور حوالے دئے گئے ہِیں۔

علیؑ اشجع الناس

پیش نظر کتاب میں ڈاکٹر علی شریعتی نے مولائے کائنات علی ابن ابی طالب علیہما السلام کی زندگی کے اس پہلوکو اجاگر کرنے کی کوشش کی ہے جس کی طرف عموماً توجہ نہیں کی جاتی۔اس مقالے میں ڈاکٹر علی شریعتی نے دو امور پر زور دیا ہے ا۔ اہمیتِ معرفت، ۲۔ عدم معرفت کی بدولت علی علیہ السلام کی اس بسيط کائنات میں تنہائی۔
ڈاکٹر علی شریعتی اس حقیقت کو آشکار کرتے ہیں کہ کروڑوں لوگوں کے دل علی علیہ السلام کی محبت میں شبانہ روز تڑپتے ہیں اور محبت امیرؑ میں لکھی گئی کتابیں، اشعار، قصائد کو اگر یکجا کیا جائے تو ایک عظیم کتابخانہ معرض وجود میں آجائے گا مگر علیؑ کی شخصیت کیسی تھی اور ان کی جامع اور اکمل ذات کو ذہن میں متصور کرنے والی شائد ایک کتاب بھی نہ مل سکے اس کربناک صورتحال کی ذمہ دار قوم و ملت نہیں بلکہ قوم کے فضلاء و دانشور ہیں جو فرماتے ہیں کہ بات صحیح ہے مگر خلافِ مصلحت ہے۔
مولائے کائنات کی محبت از حد ضروری مگر ان کی محبت سے بھی زیادہ اہم اور گرانقدر ان کی ذات کی معرفت ہے جو کہ ایک انسان مطلق و کامل کی معرفت ہے جو چلچلاتی دھوپ میں مشغول مزدوری ہے، گہری فکر میں غوطہ زن فلسفی، خالق کائنات کی تخلیق میں محو پرواز عارف کامل، محراب مسجد میں سر بسجود بے مثال عابد، لذائذ دنیا سے مستغنی زاہد، میدان حرب کا فقید المثال جنگجو، یتامیٰ  و ارامل کیلئے تاریک و سرد راتوں میں سامان مہیا کرنے والا مردگار، قوم و ملت کی ہدایت میں مصروف کامل رہنما، اخلاق و فضائل انسانیت کا چشمۂ پرفیض، بے مثال شوہر، افضل ترین باپ اور سیدالبطحاء کا مجموعۂ اوصاف فرزند، نفس رحمة للعالمین، ایسے جامع اضدار اوصاف کا مالک انسان کامل دنیا دار معاشرے میں ناشناختہ رہے۔ جس ذات کے نقش قدم پر چل کر معاشرہ کامیاب، سماج آزاد، ترقی یافتہ اور پرسکون تہذیب معرض وجود میں آسکتی تھی اہل دنیا اس کی شناخت و معرفت سے بے بہرہ رہے۔
انسان خواہشات و حیوانیت سے جس رفتار سے دور ہوتا جاتا ہے اتنا ہی تنہا ہوتا جاتا ہے اور صرف اور صرف انسان رہ جاتا ہے اور مولائے کائنات انسان مطلق ہیں۔ان کی خاموشی کیوں ہے؟ ان کا غم کیا ہے؟ ان کی تنہائی اور ان کا غم یہ ہے کہ ہم انہیں پہچان نہ سکے۔
ڈاکٹر علی شریعتی اس رسالے کے ذریعے محبان امیرعلیہ السلام کے اندر کے انسان کو کمال کے راسوں پر گامزن دیکھنا چاہتے ہیں اور یہ ایک ہی صورت میں ممکن ہے کہ ہم مولائے کائنات کی معرفت حاصل کرنے کے بعد ان کے نقش قدم پر چلنے کی کوشش کریں کیونکہ دنیوی آسودگی اور اخروی نجات کا یہی واحد راستہ ہے۔
پیش نظر کتابچے کو ضرور اپنے مطالعے کا حصہ قرار دیں۔

علیؑ اور تنہائی

اسلام دین اکمل ہے اس نے دنیا کا جو مذہبی تصور پیش کیا ہےاس کے ماتحت اس نے اپنا تمام مذہبی، اخلاقی و معاشرتی نظام بنایا ہے عقل و فطرت کو مذہبی عقائد کا آئینہ مقرر کیا ہے عبادت کی بنیاد خود نوع انسانی کے مفاد پر رکھی ہے اور اعتدال کو ایسا دائرہ بنایا جس میں افراط و تفریط کے گزر کے لیے کوئی راستہ ہی نہیں۔ اسلام نے انسان کی تمام صلاحیتوں میں تناسب و یکسانیت اور مختلف قابلیتوں میں ایک رشتۂ اتحاد پیدا کرنا چاہا ہے، اس دین حقّہ نے دنیا کا جو تصور پیش کیا وہ اس قدر فطری اور معقول ہے کہ اس کی فضا میں مذہب اور سیاست خدا نظر نہیں آتے بلکہ یہ خیال بے بنیاد ہے کہ اسلام میں مذہب و سیاست دو علیٰحدہ علیٰحدہ چیزیں ہیں، اس کتاب رسالے میں اس فلسفے پر روشنی ڈالی گئی ہے کہ نظمِ ملک اور مذہب کا کیا رشتہ ہے۔
پیش نظر کتاب وضاحت پیش کرتی ہے کہ اسلام دین و دنیا کا جامع ہے بلکہ دنیا بھی دین کا ایک شعبہ ہے اور دنیوی فرائض کی ادائیگی کے بغیر دین نامکمل رہ جاتا ہے، ان کی ادائیگی تعمیل حکمِ دین ہے اس طریقے پر اسلام میں دین و دنیا کی کوئی تفریق نہیں، چنانچہ دنیوی فلاح و سعادت اور قوم و ملت کی مادی ترقی کے جو احکامات و تعلیمات ہیں انکی وہی اہمیت ہے جو خالص دینی احکام کی ہے۔ مسلمانوں کے زوال کا ایک سبب یہ بھی ہے کہ انھوں نے دین و دنیا میں تفریق کردی اور دین کو صرف تسبیح و مصلّے تک محدود کرلیا اور زندگی کے دیگر شعبہ جات کو خارج از دین سمجھ لیا حالانکہ جس طرح عبادات فرض ہیں اسی طرح قوم و ملت کی شوکت و عظمت کے لیے ہر قسم کی جد و جہد اور دنیوی تدابیر بھی فرض ہیں چنانچہ جہاد افضل العبادات ہے ، اسی دنیا کا سب سے بڑا شعبہ "سیاست" ہے، اس رسالے کے توسط سے آپ دیکھیں گے کہ پروردۂ آغوش رسالت حضرت امیرالمؤمنین علی ابن ابی طالب علیہ السلام نے دنیا کا کیا تصور پیش کیا ہے اور انکی سیاست کیا تھی۔
وارث علمِ رسولﷺ جناب علی علیہ السلام وہ پہلے انسان کامل ہیں جنھوں نے دنیا کے متعلق اپنے ارشادات کا ایک بہت بڑا سرمایہ چھوڑا ہے، آپ نے دنیا کا نقشہ جس انداز سے دکھایا ہے اسی سے علوم و فنون، عبادات و معاملات کے لیے ایک عمدہ لائحۂ عمل ملتا ہے۔ آپ کے خطبات و خطوط، اشعار و وصایا اور دیگر ارشادات دنیا کے متعلق ان کے اپنے نظریئے کی تشریح سے بھرے پڑے ہیں۔
آئیے اس کتاب کا مطالعہ کرتے ہیں اور امیرالمؤمنینؑ کی سیاست کے خط و خال کا جائزہ لیتے ہیں۔

علیؑ اور سیاست

اس کتاب میں امیرالمومنین حضرت علیؑ کے حالات زندگی پر روشنی ڈالی گئی ہے۔یہ کتاب تاریخی ہونے کے ساتھ ساتھ علمی و فکری نکات پر مشتمل ہے۔

علی ایک دیو مالائی سچ

زیر نظر مجموعہ میں وہ آیات قرآنیہ پیش کی گئی ہیں جو از روئے تنزیل و تاؤیل یا مصداق صرف اور صرف حضرت علی کی شان میں نازل ہوئی ہیں جنہیں بالواسطہ یا بلا واسطہ کتب اہل سنت سے نقل کیا گیا، یہ کتاب اپنے موضوع کے لحاظ سے ایک عمدہ کتاب ہے اسے اپنے مطالعے کا حصہ ضرور قرار دیں۔

علی فی القرآن(قرآن میں علی)

غدیر خم اور خطبہ غدیر

پیش نظر کتاب شیخ صدوق کے والد ماجد شيخ منتجب ‌الدين على بن عبيدالله بن بابويه رازى کی کتاب "الأربعون حديثاً عن أربعين شيخاً من أربعين صحابياً في فضائل الإمام أميرالمؤمنين عليه‌السلام" کا اردو ترجمہ ہے جسمیں فضيلت اميرالمؤمنين میں چالیس حدیثیں چالیس صحابہ سے نقل کی گئی ہیں اور کتاب کے آخر میں فضیلت امیرالمؤمنین میں 14 واقعات کا بھی تذکرہ ہے۔
جن صحابہ میں سے اس کتاب میں حدیث بیان کی گئی ہے انمیں سے کچھ کے نام یہ ہیں:ابو بکر بن ابی قحافہ (پہلی حدیث )، عمر بن الخطاب (دوسری حدیث)، عثمان بن عفّان(تیسری حدیث)، سعد بن ابی وقاص (پانچویں حدیث)، عبد الله بن مسعود (ساتویں حدیث)، سلمان فارسی (بارھویں حدیث)، ابو هریره (اٹھارویں حدیث)۔
اس کتاب کی پہلی حدیث فضيلت على، فاطمه، حسن و حسین عليهم‌السلام کے بارے میں ہے جسمیں پیغمبرﷺ نے ان سے جنگ کو آپﷺ سے جنگ اور ان سے صلح کو آپﷺ سے صلح جانا ہے اور ان کے چاہنے والوں کو طیب المولد اور ان کے دشمنوں کو نجس الولادۃ قرار دیا ہے۔
پیش نظر کتاب کی آخری روایت ام سلمہ سے ابی ثابت غلام ابوذر کے توسط سے منقول ہے جسمیں علیؑ اور قرآن کے آپس میں جدا نہ ہونے کی روایت مذکور ہے۔
موجودہ کتاب میں ذکر کئے گئے واقعات میں سے اکثر کا تعلق مولاعلیؑ کے معجزات اور ان کی کرامات سے ہے جنمیں سے اکثر کرامات کا تعلق آپؑ کی رحلت کے بعد سے ہے۔
اس کتاب کو اپنے مطالعے کا حصہ ضرور قرار دیں۔

فضائل حضرت علیؑ اور دلچسپ حکایات(الأربعون حديثاً عن أربعين شيخاً من أربعين صحابياً في فضائل الإمام أميرالمؤمنين عليه‌السلام)

پیش نظر کتاب میں امیرالمؤمنینؑ کے فضائل و مناقب کو ذکر کیا گیا ہے، کتاب کے مؤلف  علی رضا صابری یزدی ہیں جسکا ترجمہ آپ کے پیش نظر ہے۔جیسا کہ کتاب کے نام سے ہی واضح ہے کہ کتاب کا موضوع اور عنوان مناقبِ و فضائل امیرالمؤمنینؑ ہے اس خصوصیت کے ساتھ کہ اس ضمن میں ایک ہزار احادیث کے ضمن میں فضائل و مناقب امیرالمؤمنینؑ بیان ہوئے ہیں۔
قابل ذکر ہے کہ پیش نظر کتاب میں موجود یہ ہزار احادیث پانچ حصوں اور اٹھارہ فصول اور 201 عناوین پر مشتمل ہونے کے ساتھ شیعہ اور اہل سنت کی کتب سے لیے گئے 206 مآخذ و منابع سے مرتب ہوئی ہے۔

مولا علیؑ کی شان میں ایک ہزار احادیث

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

ارجح المطالب یعنی سیرت امیر المومنین

محمد باقر عبد الکریم بہبہانی کی تصنیف کردہ «الدمعة الساكبة في والحوال النبی و العترة الطاهرة»، عربی میں لکھی گئی چودہ معصومین(ع) کی سوانح حیات اور تفصیلات  پر ایک کتاب ہے۔
مصنف نے کتاب کے آغاز میں کہا ہے کہ میں نے اس کا نام «الدمعة الساكبة و المصيبة الراتبة و المناقب الثاقبة و المثالب العائبة» رکھا ہے، لیکن موجودہ شائع شدہ کتاب میں یہ نام  تبدیل کردیا گیا ہے۔
یہ امر قابل ذکر ہے کہ واعظ تبریزی خیابانی نے«وقائع الأيام في تتمة محرم الحرام»،اس کتاب کے مصنف کی تعریف کی ہے اور«دار الإسلام في من فاز بسلام الإمام(ع)» میں شیخ محمود عراقی کا حوالہ دیتے ہوئے کہا ہے کہ ’’انہیں عربی عبارات میں کچھ خاص مہارت حاصل نہیں تھی کیونکہ انہیں عربی کی کچھ خاص سمجھ بوجھ نہ تھی پھر بھی، توفیق ربانی ان کے اس قدر شامل حال ہوئی کہ  انہوں نے چودہ معصومین(ع) کے حالات میں ایک عظیم عربی کتاب [الدمعة الساكبة] لکھ ڈالی، جو ایک لاکھ سے زیادہ ابیات پر مشتمل تھی اور یہ کتاب اہل نظر اور معتبر علماء کے درمیان مقبول و معتبر قرار پائی کچھ یوں یہ کتاب مشہور ہوئی کہ انکی زندگی میں ہی انکی کتاب سے علماء و افاضل کے لیے نسخہ برداری ہوئی۔
کتاب مصنف کے مقدمے سے شروع ہوتی ہے جبکہ کتاب کے مطالب و مندرجات توصیفی ہیں اور نقل قول پر مبنی ہیں، کتاب کے بعض مندرجات مقتل ابومخنف اور منتخب طریحی سے ماخوذ ہیں کہ جنکے معتبر ہونے میں نقد و نظر موجود ہے۔
مصنف کے دیگر ذرائع میں مندرجہ ذیل کتابیں شامل ہیں: «مقتل الحسين(ع)»، «بصائر الدرجات» شیخ ثنا بن محمد بن حسن بن صفار؛ «التنزيل و التحريف» احمد بن محمد بن صبار؛ «المحاسن و الآداب» احمد بن محمد بن خالد برقی؛ «قرب الإسناد» محمد بن عبدالله بن جعفر بن حسین بن جامع بن مالک قمی؛ «الرد علی فرق الشيعة ما خلا الإمامية» ابومحمدحسن بن موسی نوبختی؛ «الكافي» کلینی؛ «الغيبة» نعمانی؛ «إثبات الوصية» اور«مروج الذهب» مسعودی؛ «البدع المحدثة» علی بن احمد ابی‌قاسم کوفی؛ «هدایة في تاريخ النبي و الأئمة معجزاتهم(ع)» حسین بن حمدان حضینی جنبلائی اور...۔
مقدمے میں، کتاب میں استعمال ہوئے منابع اور ابواب کی فہرست کا تعارف پیش کرتے ہوئے، پیغمبر اکرم(ص) اور ائمہ(ع) کے لئے سوگ اور حزن و بکا کے ثواب کا تذکرہ کیا گیا ہے۔
 اردو ترجمے کی اس پہلی جلد میں پیغمبر اسلام صلی اللہ علیہ وآلہ وسلم، حضرت علیؑ، جناب فاطمہ سلام اللہ علیہا اور امام حسنؑ کا تذکرہ تفصیل کے ساتھ موجود ہے، گویا یہ ان تمام مطالب کا نچوڑ ہے جو آپ مختلف کتابوں میں تلاش کرتے ہیں اور بعض اوقات آپکو وہ نہیں ملتا لیکن اس کتاب کو پڑھنے کے بعد تاریخ و سیرت کا ایک مکمل دورہ ہوجائے گا۔

اَلدَّمْعَةُ السّاکِبَة فی أحْوالِ النَّبیّ و العِتْرَة الطّاهِرَة(اردو ترجمہ الدمعۃ الساکبہ) ج۱

الرياض النضرة في مناقب العشرة، تألیف احمد بن عبدالله محب‌الدین طبری (متوفی، 694ق) کتاب کے مؤلف شافعی المذہب اور سنی عالم ہیں یہ کتاب بلاد اسلامیہ میں کئی بار چھپ چکی ہے اور نہایت مشہور اور مقبول کتاب ہے۔
پیش نظر کتاب اسی کتاب الرياض النضرة في مناقب العشرة کے باب چہارم کا اردو ترجمہ ہے جو کہ حضرت علی علیہ السلام کے حالات پر مشتمل ہے جس کے اردو ترجمے کا نام "علی ولی اللہ" رکھا گیا ہے۔
اس لاجواب کتاب میں آپ امیرالمؤمنین علی بن ابی طالب علیہما السلام کے بارے میں رسولﷺ کی احادیث پڑھ کر خود اندازہ لگائیں کہ کیا آنحضرتﷺ کے کسی صحابی میں ایسی خصوصیات موجود ہیں جو صرف حضرت علیؑ کی ذات میں بیک وقت موجود ہیں اگر ایسی خصوصیات کسی فرد میں موجود نہیں ہیں تو پھر ان کا علیؑ سے مقابلہ کیوں کیا جاتا ہے، برا ہو تعصب کا جو انسان کو صحیح و سقیم کی تمیز کرنے سے اندھا کردیتا ہے۔

گوشۂ امیرالمؤمنینؑ

گوشۂ امیرالمؤمنینؑ

Posts