Muhammad Mtume wa Allah

Muhammad Mtume wa Allah

Kijitabu ulicho nacho mikononi mwako ni tarjuma ya Kiswahili kutoka Kiingereza. Maandishi ya asili ya Kiingereza yaliandikwa na mwanachuoni mashuhuri wa Kiislamu Sayyid Muhammad Rizvi.
Ni maelezo mafupi ya wasifu wa Mtukufu Mtume wa Mungu mwenye nguvu sana, Muhammad (s.a.w.), ambaye kuhusu yeye Qur’an Tukufu inasema: “Bila shaka amekufikieni Mtume kutoka miongoni mwenu, yanamhuzunisha
yanayokutabisheni, anakuhangaikieni, kwa waumini ni mpole, mwenye kurehemu.” (9:128) “Nasi hatukukutuma ila uwe rehema kwa walimwengu.” (21:107) Wakati ambapo jukumu la kuelezea haiba hii kubwa mno ingechukua
mijalada mingi, tuna imani kwamba msomaji asiye na upendeleo kwa hakika atanufaika kutokana na toleo hili nyenyekevu.
Tarjuma yake ya Kiswahili inafanywa ipatikane kwa ajili ya faida ya ndugu zetu wazungumzaji wa Kiswahili katika Afrika ya Mashariki na pengine popote. Tunawashukuru wale wote ambao kwa njia moja au nyingine wamechangia
katika utoaji wa tarjuma hii ya Kiswahili ambayo inawasilishwa hapa.