پیش نظر کتاب عمرے کے حوالے سے ایک اچھی اور عمدہ کتاب ہے اس کتاب میں تفصیل کے ساتھ عمرے کی تمام تر جزئیات کا تذکرہ ملتا ہے جو افراد عمرے کے لیے عازم ہیں ان کے لیے یہ کتاب یقیناً ایک بہت ہی مفید کتاب ہے جس میں اس سفر کے تمام احکام و حالات کا تذکرہ کردیا گیا ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

عمرہ مفردہ

پیش نظر کتابچہ عُمْرَہْ بجا لانے والوں کے لیے ایک بہت ہی مفید اور جامع کتابچہ ہے اس کا مطالعہ ہر اس فرد پر واجب ہے جو عمرے کی نیت رکھتا ہو اور خانۂ کعبہ کے لیے عازم ہو۔
برادرانِ ایمانی کی ایک بڑی تعداد عازم سفر ہوتی ہے مگر مسائل شرعیہ اور مقاماتِ مقدسہ کے حالات نیز انتظامی امور سے ناواقفیت کی وجہ سے نہ صرف انہیں پریشانیوں کا سامنا ہوتا ہے بلکہ بعض اوقات سنگین شرعی غلطیوں کا ارتکاب بھی دیکھنے میں آتا ہے جو بہرحال قابل افسوس ہے اس مسئلے کا حل تلاش کرنا ہم سب کی اخلاقی اور شرعی ذمہ داری ہے  اس لیے اس کتاب کا مطالعہ کیجیئے اور بہتر ڈنگ سے اور صحیح طریقے سے عمرہ بجا لایئے۔

عمرہ گائیڈ

حج دین اسلام کا ایک اہم رکن ہے جو زندگی میں صرف ایک مرتبہ واجب ہوتا ہے اور وہ بھی اس شرط کے ساتھ کہ انسان میں مصارف حج برداشت کرنے کی استطاعت ہو، قرآن مجید اور روایات میں حج کے لیے کافی تاکید کی گئی ہے جو کوگ استطاعت کے باوجود حج نہیں کرتے یا اس سلسلے میں تاخیر سے کام لیتے ہیں ان کے لیے قیامت میں دردناک عذاب ہے اور دوجہان کی رسوائی ہے۔
پیش نظر کتاب کو عمرہ اور حج کے ارکان کی ترتیب کے پیش نظر مرتب کیا گیا ہے، واجبات کے ساتھ مستحبات اور دعاؤں کا ذکر کیا گیا ہے تاکہ محترم حاجی حضرات کو مطالب کی تلاش میں ورق گردانی نہ کرنی پڑے۔
یہ کتاب اس سے پہلے صرف آیۃ اللہ العظمیٰ الحاج آقائے سید ابوالقاسم الموسوی الخوئی طاب ثراہ کے فتوؤں پر مشتمل تھی اب اس میں حضرت آیۃ اللہ العظمیٰ الحاج آقائے سید علی الحسینی السیستانی مدظلہ العالی کے فتوؤں کو بھی شامل کرکے شائع کیا گیا۔

الحج

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔
کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ  اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

Translated Fields

Rate

Votes

استفتائات کے جوابات

استفتاءات

پیش نظر کتاب آیت اللہ شیخ جعفر سبحانی تبریزی کی ایک معرکۃ الآراء کتاب۔ اس کتاب میں وہابیوں کے ذریعہ دوسرے اسلامی فرقوں سے اختلافات کا تذکرہ کیا گیا ہے اور کتاب و سنت کی روشنی میں سلامی نظریات  کی وضاحت کے ساتھ ہی وہابیوں کے غلط عقائد کی جانچ پڑتال کی گئی ہے۔
اس موضوع پر یہ ایک بہت ہی عمدہ اور پڑھے جانے کے لائق کتاب ہے اسے اپنے مطالعے کا حصہ ضرور قرار دیں۔

آئین وہابیت

احکام وہابیت

وہابیت کی تاریخ پر ایک اچھی کتاب

تاریخ وہابیت

یہ کتاب رئیس المحدثین شیخ صدوق علیہ الرحمہ کے رسالۂ شریفۂ اعتقادیہ کی شرح ہے، صحیح عقائد کو بعض دین فروش لوگ غلط انداز میں عوام کے سامنے پیش کرکے انہیں شیعہ اعلام اور مدارس دینیہ سے بد ظن کرنے کی سعی نافرجام کررہے ہیں، ولایت و وصایت ائمۂ اطہار کا اعتقاد و اقرار اعمال شرعیہ کی صحت اور قبولیت کی شرط ہے یعنی اس کے بغیر کوئی عمل صالح شرف قبولیت حاصل نہیں کرسکتا لیکن یہ اقرار ولایت اعمال صالحہ کی بجاآوری سے گلوخلاصی اور چھٹّی دلانے کے لیے نہیں ہے جیسا کہ بعض عوام الناس کے ذہنوں میں بعض غیر ذمہ دار اہل منبر روضہ خوانوں نے راسخ کردیا ہے جیسا کہ احادیث سے ثابت ہے کہ عمل صالح کی بجا آوری اور حرام سے اجتناب کیے بغیر ولایت اہل بیت(ع) حاصل ہوہی نہیں سکتی۔
امام محمد باقر علیہ السلام فرماتے ہیں:يَا جَابِرُ أَ يَكْتَفِي مَنِ اِنْتَحَلَ اَلتَّشَيُّعَ أَنْ يَقُولَ بِحُبِّنَا أَهْلَ اَلْبَيْتِ فَوَ اَللَّهِ مَا شِيعَتُنَا إِلاَّ مَنِ اِتَّقَى اَللَّهَ وَ أَطَاعَهُ وَ مَا كَانُوا يُعْرَفُونَ يَا جَابِرُ إِلاَّ بِالتَّوَاضُعِ وَ اَلتَّخَشُّعِ وَ اَلْأَمَانَةِ وَ كَثْرَةِ ذِكْرِ اَللَّهِ وَ اَلصَّوْمِ وَ اَلصَّلاَةِ وَ اَلْبِرِّ بِالْوَالِدَيْنِ وَ اَلتَّعَاهُدِ لِلْجِيرَانِ مِنَ اَلْفُقَرَاءِ وَ أَهْلِ اَلْمَسْكَنَةِ وَ اَلْغَارِمِينَ وَ اَلْأَيْتَامِ وَ صِدْقِ اَلْحَدِيثِ وَ تِلاَوَةِ اَلْقُرْآنِ وَ كَفِّ اَلْأَلْسُنِ عَنِ اَلنَّاسِ إِلاَّ مِنْ خَيْرٍ وَ كَانُوا أُمَنَاءَ عَشَائِرِهِمْ فِي اَلْأَشْيَاءِ قَالَ جَابِرٌ فَقُلْتُ يَا اِبْنَ رَسُولِ اَللَّهِ مَا نَعْرِفُ اَلْيَوْمَ أَحَداً بِهَذِهِ اَلصِّفَةِ فَقَالَ يَا جَابِرُ لاَ تَذْهَبَنَّ بِكَ اَلْمَذَاهِبُ حَسْبُ اَلرَّجُلِ أَنْ يَقُولَ أُحِبُّ عَلِيّاً وَ أَتَوَلاَّهُ ثُمَّ لاَ يَكُونَ مَعَ ذَلِكَ فَعَّالاً فَلَوْ قَالَ إِنِّي أُحِبُّ رَسُولَ اَللَّهِ فَرَسُولُ اَللَّهِ صَلَّى اَللَّهُ عَلَيْهِ وَ آلِهِ خَيْرٌ مِنْ عَلِيٍّ عَلَيْهِ اَلسَّلاَمُ ثُمَّ لاَ يَتَّبِعُ سِيرَتَهُ وَ لاَ يَعْمَلُ بِسُنَّتِهِ مَا نَفَعَهُ حُبُّهُ إِيَّاهُ شَيْئاً فَاتَّقُوا اَللَّهَ وَ اِعْمَلُوا لِمَا عِنْدَ اَللَّهِ لَيْسَ بَيْنَ اَللَّهِ وَ بَيْنَ أَحَدٍ قَرَابَةٌ أَحَبُّ اَلْعِبَادِ إِلَى اَللَّهِ عَزَّ وَ جَلَّ وَ أَكْرَمُهُمْ عَلَيْهِ أَتْقَاهُمْ وَ أَعْمَلُهُمْ بِطَاعَتِهِ يَا جَابِرُ وَ اَللَّهِ مَا يُتَقَرَّبُ إِلَى اَللَّهِ تَبَارَكَ وَ تَعَالَى إِلاَّ بِالطَّاعَةِ وَ مَا مَعَنَا بَرَاءَةٌ مِنَ اَلنَّارِ وَ لاَ عَلَى اَللَّهِ لِأَحَدٍ مِنْ حُجَّةٍ مَنْ كَانَ لِلَّهِ مُطِيعاً فَهُوَ لَنَا وَلِيٌّ وَ مَنْ كَانَ لِلَّهِ عَاصِياً فَهُوَ لَنَا عَدُوٌّ وَ مَا تُنَالُ وَلاَيَتُنَا إِلاَّ بِالْعَمَلِ وَ اَلْوَرَعِ.
امام باقر علیہ السلام نے جابر سے فرمایا: اے جابر! صرف یہ کہنا کہ ہم اہل بیت سے محبت رکھتے ہیں شیعیت کے لئے کافی نہیں ہے خدا کی قسم ہمارا شیعہ نہیں ہوسکتا مگر جب کہ اللہ سے ڈرے، اس کی اطاعت کرے اور اے جابر! یہ نہیں ہوسکتا بغیر تواضع اور خضوع وخشوع، ادائے امانت، کثرت ذکر خدا، روزہ نماز، والدین سے نیکی، حسن سلوک، ہمسایہ فقیروں اور مسکینوں، مقروضوں اور یتیموں سے، اور قول میں صداقت سے قرآن کی تلاوت سے، اور لوگوں کے بارے میں نیکی کے سوا کچھ نہ کہنے سے اور اپنے قبائل کی اشیاء میں امین ہونے سے۔جابر نے کہا یابن رسول اللہ اس زمانے میں ایسا آدمی تو کوئی نظرنہیں آتا۔فرمایا: اے جابر! مذاہبِ باطلہ تم کو مذہب سے ہٹا نہ دیں، کیا یہ کافی ہے ایک شخص کے لیے کہنا کہ میں علیؑ کو دوست رکھتا ہوں اوراس کے سوا وہ کرنے والا کچھ نہ ہو، ایسے ہی اگر وہ کہے کہ میں رسول اللہ کو دوست رکھتا ہوں۔ رسول(ص) علیؑ سے بہتر ہیں اس کے بعد وہ رسول(ص) کی سیرت کی پیروی نہ کرے اوران کی سنت پر اس کا عمل نہ ہو تو حضرت کی محبت اسے کچھ فائدہ نہ دے گی، اللہ سے ڈرو اور صحیح عمل کرو جو پیش خدا مقبول ہو، کسی شخص اور خدا کے درمیان قرابت نہیں ہے، خدا کے نزدیک سب سے زیادہ محبوب و مُکرّم وہ ہے جو سب سے زیادہ پرہیزگار ہے اور اس کی اطاعت عملاً زياره کرنے والا ہے۔اے جابر! کوئی کوئی خدا کا مقرب نہیں بن سکتا مگر اطاعت سے اس کے بغیر ہمارے ساتھ ہونا برأت نہیں اور نہ خدا پر کوئی حجت ہے، جو اللہ کا مطیع ہے وہ ہمارا دوست ہے جو اللہ کا گنہگار ہے وہ ہمارادشمن ہے، ہماری ولایت کی کوئی نہیں پاسکتا مگر عمل اور پرہیزگاری سے۔[الکافي،جلد۲،صفحه۷۴،كتاب الإيمان و الكفر، بَابُ اَلطَّاعَةِ وَ اَلتَّقْوَى]
لیکن ان تمام تاکیدات و تہدیدات اور ترغیبات کے باوجود اکثر لوگ نہ افراط سے باز آئے اور نہ تفریط سے رکے اور اعتدال کا دامن ہاتھوں سے چھوڑ بیٹھے، چنانچہ بعض کمبخت نہ صرف مسلّمہ فضائل کا انکار بلکہ ان ذوات ِ قدسیہ کی امامت و خلافت کا بھی انکار کرکے ابدی ہلاکت کا شکار ہوگئے اور بعض احمق غلط اندازِ محبت اختیار کرکے غلو و تفویض کے اتھاہ سمندر میں غرق ہوگئے اور ائمۂ اہل بیت علیہم السلام کے بارے میں محض اپنے ذاتی خیالات و قیاسات اور غلط تاویلات سے وہ عجیب و غریب من گھڑت نظریات قائم کیے کہ جن کا نہ آیات قرآنیہ میں کہیں وجود ہے اور نہ صحیح احادیث نبویّہ اور ارشادات ائمّہ میں کوئی نام و نشان ہے اور نہ ہی جنکا کلام علماء اعلام سے کوئی ثبوت ملتا ہے اور نہ عقل سلیم ان کی تائید و تصدیق کرتی ہے۔
اس کتاب میں ایسے ہی بعض نظریاتِ فاسدہ پر مکمل نقد و تبصرہ موجود ہے، ضرور مطالعہ فرمائیں اور شیخ صدوقؒ کی کتاب الاعتقاد کی ایک جامع شرح کی روشنی میں اپنے عقائد کا جائزہ لیتے ہوئے صحیح عقائد کو اپنائیں اور غلو و تقصیر سے اپنا دامن بچا کر رکھیں۔
کتاب کے بعض مندرجات:
انبیاء و آئمہ علیہم السلام کی علیٰحدہ نوع ہونے کا بیان،انبیاء و آئمہ علیہم السلام کے نور یا بشر ہونے کا بیان، تفویض کے معانی و اقسام اور تفویض کے ممنوع ہونے کا بطلان، انبیاء و آئمہ علیہم السلام سے استمداد کے جواز و عدم جواز کا بیان، حقیقت معجزہ اور اس کے فعل خدا یا فعل نبی و امام ہونے کا بیان، سرکار محمد و آل محمد علیہم السلام کے ہر وقت ہر جگہ حاضر و ناظر ہونے یا نہ ہونے کا بیان، انبیاء و آئمہ علیہم السلام کے عالم الغیب ہونے یا نہ ہونے کا بیان، پیغمبر اسلام(ص) کے ہمراہ معراج پر حضرت امیر علیہ السلام کے تشریف لیجانے یا نہ لیجانے کا بیان، بعض علماء اعلام کثرهم اللہ فی الاسلام سے اتہام وہابیت کے ازالے کا بیان، موجودہ دور کے اکثر مدعیان تشیع کے مفوّضہ اور شیخی العقیدہ ہونے کا بیان۔

اصول الشریعہ فی عقائد الشیعہ

پیش نظر کتابچہ زیارت اربعین پر مشتمل ہے اس خصوصیت کے ساتھ کہ زیارت کے عربی جملوں کی بہترین انداز سے چینش کی گئی ہے تاکہ پڑھنے والے کو عربی عبارت پڑھنے میں دشواری پیش نہ آئے ساتھ ہی عربی عبارت کا اردو ترجمہ بھی پیش کیا گیا ہے۔
زیارت اربعین، روز اربعین امام حسینؑ کی مخصوص زیارت ہے، امام حسن عسکریؑ کی ایک حدیث میں زیارت اربعین کو مؤمن کی پانچ نشانیوں میں سے ایک قرار دیا گیا ہے اسی لئے شیعہ اس پر خاص توجہ دیتے ہیں۔
اربعین حسینی 20 صفر کو منایا جاتا ہے۔ شیخ طوسی کتاب تہذیب الاحکام اور مصباح المتہجد میں امام حسن عسکری علیہ السلام سے روایت کرتے ہیں کہ آپ(ع) نے فرمایا: مؤمن کی پانچ نشانیاں ہیں: (1) روزانہ 51 رکعت نماز (یعنی 17 رکعت واجب اور 34 رکعت نوافل) بجا لانا؛ (2) زیارت اربعین؛ (3) انگشتری داہنے ہاتھ میں پہننا؛ (4) سجدے میں پیشانی خاک پر رکھنا؛ (5) نماز میں بسم اللہ اونچی آواز سے پڑھنا۔
اس زیارت کے پہلے حصے میں امام حسینؑ پر درود و سلام بھیجنے کے ساتھ آپ کی عظیم شہادت اور مصیبتوں کی طرف اشارہ کیا گیا ہے۔ اس کے بعد اگلے حصے میں بعض شیعہ عقائد جیسے ائمہ معصومینؑ کی ولایت کی گواہی دی جاتی ہے اور اس بات کا اقرار کرتے ہیں کہ نبوت کی میراث امام حسینؑ کے پاس ہے اور آپؑ لوگوں پر خدا کی حجت ہیں۔اس زیارت نامہ میں امام حسینؑ کی شہادت کا فلسفہ بندگان خدا کو جہالت اور گمراہی سے نجات دلانا قرار دیا گیا ہے۔ اس کے بعد امام حسینؑ کے قاتلوں کی خصوصیات بیان کرتے ہوئے ان پر لعن کی گئی ہے۔ اس سے اگلے مرحلے میں امام حسینؑ کی بعض خصوصیات بیان کرتے ہوئے اس بات کی تاکید کی گئی ہے کہ آپ شرک سے پاک ہیں اور آپ نے خدا کی راہ میں جہاد کیا ہے اور آپ کی ذریت زمین پر خدا کی حجت ہیں۔ زائر اس زیارت میں اپنے آپ کو ائمہ معصومینؑ کے احکامات کا تابع اور ان کی حمایت اور مدد نیز ان کے دشمنوں سے بیزاری کا اعلان کرتے ہیں۔
یہ وہ زیارت ہے جو امام حسین (ع)  کے چہلم کے دن یعنی بیس صفر کو پڑھی جاتی ہے،  شیخ(رح) نے تہذیب میں اور مصباح میں امام حسن عسکری (ع)  سے روایت کی ہے کہ آپ نے فرمایا مومن کی پانچ علامات ہیں:
﴿۱﴾ ہر شب و روز میں اکاون رکعت نماز پڑھنا کہ اس سے مراد سترہ رکعت فریضہ اور چونتیس رکعت نافلہ ہے-
﴿۲﴾ زیارت اربعین کا پڑھنا-
﴿۳﴾ دائیں ہاتھ میں انگوٹھی پہننا-
﴿۴﴾ سجدہ کرتے وقت اپنی پیشانی خاک پر رکھنا -
﴿۵﴾ نمازمیں بسم اللہ الرحمن الرحیم بلند آواز سے پڑھنا:
پہلی زیارت بیس صفر کو امام حسین (ع)  کی زیارت کے دو طریقے ہیں پہلا طریقہ وہ ہے جسے شیخ نے تہذیب اور مصباح میں صفوان جمال ﴿ساربان﴾ سے روایت کیا ہے کہ اس نے کہا مجھ کو میرے آقا امام جعفرصادق (ع)  نے زیارت اربعین کے بارے میں ہدایت فرمائی کہ جب سورج بلند ہو جائے تو حضرت کی زیارت کرو اور کہو:
السَّلامُ عَلَی وَلِی اللهِ وَ حَبِیبِهِ السَّلامُ عَلَی خَلِیلِ اللهِ وَ نَجِیبِهِ السَّلامُ عَلَی صَفِی اللهِ وَ ابْنِ صَفِیهِ السَّلامُ عَلَی الْحُسَینِ الْمَظْلُومِ الشَّهِیدِ السَّلامُ عَلَی أَسِیرِ الْكرُبَاتِ وَ قَتِیلِ الْعَبَرَاتِ اللهُمَّ إِنِّی أَشْهَدُ أَنَّهُ وَلِیك وَ ابْنُ وَلِیك وَ صَفِیك وَ ابْنُ صَفِیك الْفَائِزُ بِكرَامَتِك أَكرَمْتَهُ بِالشَّهَادَةِ وَ حَبَوْتَهُ بِالسَّعَادَةِ وَ اجْتَبَیتَهُ بِطِیبِ الْوِلادَةِ وَ جَعَلْتَهُ سَیدا مِنَ السَّادَةِ وَ قَائِدا مِنَ الْقَادَةِ وَ ذَائِدا مِنَ الذَّادَةِ وَ أَعْطَیتَهُ مَوَارِیثَ الْأَنْبِیاءِ وَ جَعَلْتَهُ حُجَّةً عَلَی خَلْقِك مِنَ الْأَوْصِیاءِ فَأَعْذَرَ فِی الدُّعَاءِ وَ مَنَحَ النُّصْحَ وَ بَذَلَ مُهْجَتَهُ فِیك لِیسْتَنْقِذَ عِبَادَك مِنَ الْجَهَالَةِ وَ حَیرَةِ الضَّلالَةِ وَ قَدْ تَوَازَرَ عَلَیهِ مَنْ غَرَّتْهُ الدُّنْیا وَ بَاعَ حَظَّهُ بِالْأَرْذَلِ الْأَدْنَی وَ شَرَی آخِرَتَهُ بِالثَّمَنِ الْأَوْكسِ وَ تَغَطْرَسَ وَ تَرَدَّی فِی هَوَاهُ وَ أَسْخَطَك وَ أَسْخَطَ نَبِیك، وَ أَطَاعَ مِنْ عِبَادِك أَهْلَ الشِّقَاقِ وَ النِّفَاقِ وَ حَمَلَةَ الْأَوْزَارِ الْمُسْتَوْجِبِینَ النَّارَ [لِلنَّارِ] فَجَاهَدَهُمْ فِیك صَابِرا مُحْتَسِبا حَتَّی سُفِك فِی طَاعَتِك دَمُهُ وَ اسْتُبِیحَ حَرِیمُهُ اللهُمَّ فَالْعَنْهُمْ لَعْنا وَبِیلا وَ عَذِّبْهُمْ عَذَابا أَلِیما السَّلامُ عَلَیك یا ابْنَ رَسُولِ اللهِ السَّلامُ عَلَیك یا ابْنَ سَیدِ الْأَوْصِیاءِ أَشْهَدُ أَنَّك أَمِینُ اللهِ وَ ابْنُ أَمِینِهِ عِشْتَ سَعِیدا وَ مَضَیتَ حَمِیدا وَ مُتَّ فَقِیدا مَظْلُوما شَهِیدا وَ أَشْهَدُ أَنَّ اللهَ مُنْجِزٌ مَا وَعَدَك وَ مُهْلِك مَنْ خَذَلَك وَ مُعَذِّبٌ مَنْ قَتَلَك وَ أَشْهَدُ أَنَّك وَفَیتَ بِعَهْدِ اللهِ وَ جَاهَدْتَ فِی سَبِیلِهِ حَتَّی أَتَاك الْیقِینُ فَلَعَنَ اللهُ مَنْ قَتَلَك وَ لَعَنَ اللهُ مَنْ ظَلَمَك وَ لَعَنَ اللهُ أُمَّةً سَمِعَتْ بِذَلِك فَرَضِیتْ بِهِ، اللهُمَّ إِنِّی أُشْهِدُك أَنِّی وَلِی لِمَنْ وَالاهُ وَ عَدُوٌّ لِمَنْ عَادَاهُ بِأَبِی أَنْتَ وَ أُمِّی یا ابْنَ رَسُولِ اللهِ أَشْهَدُ أَنَّك كنْتَ نُورا فِی الْأَصْلابِ الشَّامِخَةِ وَ الْأَرْحَامِ الْمُطَهَّرَةِ [الطَّاهِرَةِ] لَمْ تُنَجِّسْك الْجَاهِلِیةُ بِأَنْجَاسِهَا وَ لَمْ تُلْبِسْك الْمُدْلَهِمَّاتُ مِنْ ثِیابِهَا وَ أَشْهَدُ أَنَّك مِنْ دَعَائِمِ الدِّینِ وَ أَرْكانِ الْمُسْلِمِینَ وَ مَعْقِلِ الْمُؤْمِنِینَ وَ أَشْهَدُ أَنَّك الْإِمَامُ الْبَرُّ التَّقِی الرَّضِی الزَّكی الْهَادِی الْمَهْدِی وَ أَشْهَدُ أَنَّ الْأَئِمَّةَ مِنْ وُلْدِك كلِمَةُ التَّقْوَی وَ أَعْلامُ الْهُدَی وَ الْعُرْوَةُ الْوُثْقَی وَ الْحُجَّةُ عَلَی أَهْلِ الدُّنْیا وَ أَشْهَدُ أَنِّی بِكمْ مُؤْمِنٌ وَ بِإِیابِكمْ مُوقِنٌ بِشَرَائِعِ دِینِی وَ خَوَاتِیمِ عَمَلِی وَ قَلْبِی لِقَلْبِكمْ سِلْمٌ وَ أَمْرِی لِأَمْرِكمْ مُتَّبِعٌ وَ نُصْرَتِی لَكمْ مُعَدَّةٌ حَتَّی یأْذَنَ اللهُ لَكمْ فَمَعَكمْ مَعَكمْ لا مَعَ عَدُوِّكمْ صَلَوَاتُ اللهِ عَلَیكمْ وَ عَلَی أَرْوَاحِكمْ وَ أَجْسَادِكمْ [أَجْسَامِكمْ] وَ شَاهِدِكمْ وَ غَائِبِكمْ وَ ظَاهِرِكمْ وَ بَاطِنِكمْ آمِینَ رَبَّ الْعَالَمِینَ.
اللہ کے ولی اور اسکے حبیب پر سلام
اللہ کے خلیل اور اس کے نجیب بندے پر سلام
اللہ کے خالص بندے اور اس کے خالص بندے کے فرزند پر سلام
شہید و مظلوم حسین پر سلام
سلام اس آقا و مولا پر جو اسیرِمصائب ہوا
سلام اس آقا پر جس کی مظلومیت بے ساختہ آنکھوں سے اشک جاری کردیتی ہے
اے میرے اللہ میں گواہی دیتا ہوں
کہ وہ تیرے ولی اور تیرے ولی کے فرزند ہیں
اور تیرے منتخب بندے اور تیرے منتخب بندے کے فرزند ہیں
کہ جو تیری عظمت و کرامت کی بنا پر کامیاب ہو گئے
تو نے انہیں شہادت کے ذریعہ عظمت و بلندی عطا فرمادی
اور ابدی سعادت کے ذریعہ ممتاز بنا دیا
اور بہترین حسب و نسب کی بنا پر انہیں منتخب فرمایا
اور انہیں عظیم سرداروں میں سے ایک سردار بنایا
اور اسی طرح انہیں رہبرِ الٰہی منتخب فرمایا ہے
اور حق کا دفاع کرنے والوں میں سے قرار دیا ہے
اور انبیاء کی میراث انہیں عطا فرمائی ہے
اور انہیں اپنے اوصیاء میں سے اپنی مخلوقات پر حجت قرار دیا ہے
جسکے نتیجے میں انہوں نے بھی
لوگوں کو ہدایت کی طرف دعوت دینے میں کوتاہی نہ کی
اور بے دریغ خیر خواہی چاہی
اور اپنی جان کو تیری راہ میں فدا کر ڈالا
تاکہ تیرے بندوں کو جہالت سے رہائی دلوائیں
اور گمراہی میں بھٹکتے رہنے سے نجات دیں
جبکہ بالمقابل لوگ، ان پر ظلم کے لئے آمادہ نظر آئے
وہی لوگ کہ جنہیں اس فانی دنیا نے اپنے فریب کے جال میں جکڑ رکھا تھا
اور اپنی نیک بختی کو اس پست و ذلیل و ناچیز دنیا کے عوض بیچ ڈالا
اور اپنی آخرت کو بہت ہی کم قیمت پر اپنے ہاتھوں سے نکل جانے دیا
انہوں نے تکبر سے کام لیا اور خود کو ہوا و ہوس کے کنویں میں ڈھکیل ڈالا
اور تجھے اور تیرے پیغمبرؐ کو غضبناک کیا
اور تیرے بندوں میں سے ایسے کی پیروی کی جو اہل
شقاوت و نفاق تھے
جو گناہ کے سنگین بار کو اپنے کاندھوں پر اٹھائے ہوئے تھے
جسکے سبب وہ جہنم کے مستحق بن چکے تھے
لیکن امام عالی مقامؑ نے صبر و توکل کے ساتھ تیری راہ میں جہاد کیا
یہاں تک کہ انکا خون تیری اطاعت کے جرم میں بہا دیا گیا
اور خدا کے ان دشمنوں نے ان کے مقدس حریم پر تجاوز کو جائز قرار دے دیا
خدایا! ان پر شدید لعنت فرما اور اپنی رحمت سے انہیں
تا ابد محروم رکھ
اور اپنے دردناک عذاب کا ان ظالموں کو مزہ چکھا
اے فرزندِ رسول اللہ، آپ پر سلام
اے دلبندِ سید الاوصیاءؑ، آپ پر سلام
میں گواہی دیتا ہوں کہ آپ امینِ خدا اور فرزندِ امینِ خدا ہیں
آپ نے ہمیشہ ایسی حالت میں زندگی گزاری کہ خدا آپ سے راضی تھا
اور قابل تعریف زندگی بسر کرکے اس دنیا سے رخصت ہوئے
اور حالت غربت و مظلومیت میں شہید ہوئے
اور میں گواہی دیتا ہوں کہ خدا آپ سے کئے گئے وعدے کو وفا کرے گا
اور جس نے بھی آپ سے بدنیتی کی اسے ہلاک کر ڈالے گا
اور آپ کے قاتلوں کو شدید عذاب دے گا
اور میں گواہی دیتا ہوں کہ آپ نے بخوبی عہدِ خدا کا پاس و خیال رکھا
اور اسکے راستے میں جہاد کرنے سے نہیں کترائے
یہاں تک کہ یقینِ کامل کی حالت میں منزل شہادت پر فائز ہوگئے
خدا کی لعنت ہو آپ کے قاتلوں پر
اور خدا کی لعنت ہو ان لوگوں پر جنھوں نے آپ کے حق میں ظلم کیا
اور خدا کی لعنت ہو ان لوگوں پر جنھوں نے اس خبرِ ظلم کو سنا
اور اس سے راضی رہے
خدایا! میں تجھے اپنا گواہ قرار دیتا ہوں
کہ میں حسینؑ کے چاہنے والوں کو چاہتا ہوں
اور انکے دشمنوں کا دشمن ہوں
اے فرزند رسول اللہ! میرے ماں باپ آپ پر قربان
میں گواہی دیتا ہوں کہ آپ نور کی صورت تھے
والا مرتبت اجداد کے صلبوں میں
اور پاکیزہ ترین ماؤں کے رحم میں
دورانِ جاہلیت اپنی تمام تر کثافتوں کے باوجود آپ
کے اصل و نسب کو آلودہ نہ کر پایا
اور اس کا سیاہ لبادہ آپ کے گِرد و نَواح کو چھو بھی نہیں پایا
اور میں گواہی دیتا ہوں کہ آپ دین کا ستون ہیں
اور مسلمانوں کی محکم تکیہ گاہ ہیں
اور مؤمنین کی پناہ گاہ ہیں
اور میں گواہی دیتا ہوں کہ آپ وہی امام ہیں جو نیک اور متقی ہیں
پسندیدۂ خدا اور پاکیزہ ہیں
ہدایت کرنے والے اور خود بھی ہدایت یافتہ ہیں
اور میں گواہی دیتا ہوں کہ آپ کی نسل سے معصوم آئمہؑ
روح و حقیقت تقویٰ ہیں
اور ہدایت کی نشانیاں ہیں
اورخدا سے وابستہ کرنے والی محکم رسیاں ہیں
اور اہل دنیا پر خدا کی حجت ہیں
اپنے وجود کی گہرائیوں کے ساتھ گواہی دیتا ہوں
کہ: آپ کی امامت و ولایت پر ایمان رکھتا ہوں
اور آپ کی واپسی کا یقین رکھتا ہوں
اور اپنے دین کے قوانین اور اپنے کاموں کے نتائج پر ویسے ہی یقین رکھاتا ہوں جیسا کہ آپ نے بیان فرمایا ہے
اور میرا دل آپ کے پاکیزہ قلب کے سامنے سراپا تسلیم ہے
اور میرے تمام امور آپ کے تابعِ فرمان ہیں
اور آپ کی مدد کے لئے ہر آن آمادہ ہوں
یہاں تک کہ اللہ آپ کے ظہور کی اجازت مرحمت فرما دے
میں ہر وقت، ہمیشہ آپ کے ساتھ ہوں؛ آپ کے دشمنوں کے ساتھ نہیں
خدا کا بے انتہاء درود ہو آپ پر
اور آپ کی پاکیزہ روحوں اور آپ کے پاک جسموں پر
اور آپ کے حاضر و غائب پر
اور آپ کے ظاہر و باطن پر
اے تمام جہانوں کے پالنے والے! میری دعا کو شرف قبولیت عطا فرما۔
اسکے بعد دو رکعت نماز بجا لائیں اور راز و نیاز اور دعا میں مشغول رہیں۔

زیارت اربعین (عربی متن کی بہترین چینش،اردو ترجمہ)

اعمال و زیارت روزِ عرفہ، روزِ غدیر

اس قابل قدر کتاب میں ابتدائی طور پر مدینہ منورہ کے "73" امتیازات کا تذکرہ ہے اس کے بعد تاریخ مدینہ کے عنوان سے مدینہ کے اسماء، اس شہر کا جغرافیہ، اس سرزمین پر بہنے والے چشموں، یہاں کے موسم، یہاں کے اراضی اور یہاں کے مکانات کا تذکرہ ہے پھر مدینہ منورہ کے فضائل پرگفتگو ہے۔
اس ضمن میں، مدینہ میں آباد یہودی قبائل کے تذکرہ کے ساتھ یہ بھی واضح کیا گیا ہے کہ کس طرح خداوند عالم نے ان کے شر سے اہل ایمان کو محفوظ رکھا۔اس کے بعد حضور اکرم(ص) کی ہجرت پرنہایت تفصیل سے روشنی ڈالی گئی۔پر مختلف خلافتوں کے تذکرہ کے بعد مدینہ منورہ کے علمی و ثقافتی حالات قلمبند کئے گئے ہیں اور تاریخی ادوار کو طئے کرتے ہوئے ایک مستقل باب "آج کامدینه منورہ" کے نام سے قائم کیا گیا ہے جس میں مدینہ منورہ کی تعمیر وترقی و تزئین، وہاں کی شاہراہوں، قرآن کریم پرنٹنگ کمپلیکس اور مدینہ یونیورسٹی پر نظر ڈالی گئی ہے۔
جس کے بعد ایک مستقل باب "مسجد نبوی"‘ کا قائم کر کے، اس مسجد کے فضائل، اس مسجد میں درس و تدلیس کی فضاء پر حضور اکرم(ص) سے لے کر آج تک اس مسجد میں ہونے والی توسیعات پرتفصیل کے ساتھ روشنی ڈالی گئی ہے۔اور موجودہ توسیع کی تفصیل بیان کرتے ہوئے دروازوں کی تعداد، متحرک گنبد اور گنبدوں کی تحریک کا نظام، خدمات عامہ، خدمات خاصہ، حجرۂ شریفہ کے نوادر، محراب نبوی، محراب تہجد، محراب فاطمہ، اصحاب صُفّہ کی مخصوص جگہ، نیز ریاض الجنۃ اور منبر شریف کا تذکرہ کرتے ہوئے منبر کی تاریخی حیثیت بھی واضح کی گئی ہے۔ ستون حنانه، ستون ابولبابہ، ستون سریر، ستون حرس، ستون وفود اور دیگر ستونوں کے بارے میں تاریخی معلومات پیش کی گئی ہیں۔ نیز باب جبریلؑ، باب النساء، باب الرحمت، باب السلام کے ذکر کے ساتھ مسجد نبوی کے میناروں اور مؤذنوں کے چبوترے کی تاریخی بھی بیان کی گئی ہے۔
اس کے بعد ایک اہم باب "آسودگان خاک مدینہ" کا قائم کیا گیا ہے جس کے تحت سرکار دو عالم خاتم الانبیاء حضرت محمد مصطفیﷺ، خاتون جنت جناب فاطمہ زہرا سلام الله علیہا، سردار جوانان جناں حضرت امام حسن مجتبی علیه السلام حضرت علی بن الحسین امام زین العابدین علیہ السلام، حضرت امام محمد باقر علیہ السلام اور حضرت امام جعفر صادق علیہ السلام کے تذ کرہ کے علاوہ: حضرت عبداللہؓ ( والد پیغمبراکرمﷺ)، حضرت حمزهؓ (عم پیمبر) ابراہیمؑ (فرزند پیغمبراکرمﷺ) جناب عقیلؓ، جناب عبد اللہ بن جعفرؓ، جناب اسماعیلؓ فرزند امام جعفر صادق علیہ السلام۔ نیز جناب فاطمہ بنت اسد علیہا السلام (مادر امیرالمومنین علی بن ابی طالبؑ ) جناب ام البنین (مادر حضرت عباس علمدار سلام اللہ علیہا) جناب ام سلمہؓ، جناب زینب بنت جحشؓ، جناب ماریہ قبطیہؓ اور دیگر ازواج پیغمبرﷺ کے ساتھ ساتھ جناب ام الفضل، جناب ام ایمن، جناب ام ہانی، جناب ام سلمیٰ اور عہد پیغمبرﷺ کی دوسری مشہورشخصیتوں کا ذکر بھی کیا گیا ہے۔
ایک باب "زیارت قبر اطہر" کا بھی قائم کیا گیا ہے، جس کے تحت زیارت کی شرعی حیثیت پر نہایت شرح و بسط سے گفتگو کی گئی ہے اور جھوٹے من گھڑت فتوؤں کیتردید کی گئی ہے۔
ایک عنوان "حیات پیغمبرﷺ"سے متعلق بھی قائم کیا گیا ہے اور اس سلسلہ میں مختلف شواہد پیش کرتے ہوئے حضور اکر م ﷺ کے روضے کے سامنے کھڑے ہونے کا طریقہ سمجھایا گیا ہے۔
"خصائص مدینہ" کے عنوان کے تحت، اس شہر کی ۲۴ خصوصیات کا ذکر بھی کیا گیا ہے۔ اور اس مقدس شہر میں واقع مساجد کا ایک اجمالی خاکہ بھی پیش کردیا گیا۔
غرض پیش نظر کتاب مطالعے سے تعلق رکھتی ہے اسے ضرور پڑھیں۔

عرفان مدینہ

مفاتیح الجنان جس کے معنی جنت کی کنجیوں کے ہیں، شیعوں کے یہاں سب سے زیادہ معروف اور مشہور دعاؤں کی کتاب ہے جسے شیخ عباس قمی نے تالیف کیا ہے۔ یہ کتاب پیغمبر اکرمؐ، ائمہ معصومینؑ اور بعض جلیل القدر شیعہ علماء سے منقول مختلف دعاؤں، مناجاتوں، زیارتوں، سال کے مختلف مہینوں اور ایام کے مخصوص اعمال و عبادات پر مشتمل ہونے کے ساتھ ساتھ مختلف دینی آداب و رسوم کا مجموعہ ہے۔ مؤلف نے اس کتاب کے اکثر مضامین کو سابقہ کتب منجملہ: اقبال الاعمال، زاد المعاد اور مصباح کفعمی سے اقتباس کیا ہے۔
مفاتیح الجنان پہلی مرتبہ سنہ 1344 ہجری کو مشہد مقدس میں شایع ہوئی اور مختصر عرصے میں ہمہ گیر ہوئی۔ یہ کتاب پوری دنیا کے شیعیان اہل بیت ؑ کے گھروں، مساجد و مقدس مقامات پر قرآن کے ساتھ ساتھ پائی جاتی ہے اور خاص دینی، مذہبی مواقع اور مناسبتوں میں مستحب اعمال کے لئے اس کی طرف رجوع کیا جاتا ہے۔ فارسی میں مفاتیح الجنان کا مشہور ترین ترجمہ مہدی الہی قمشہ ای کا ترجمہ ہے جبکہ اردو سمیت دنیا کی تقریبا تمام زندہ زبانوں میں اس کتاب کا ترجمہ موجود ہے۔ محدث قمی نے اپنی کتاب باقیات الصالحات کو بھی مفاتیح کی طرز پر تحریر اور اس کے ساتھ ضمیمہ کیا ہے جو مختلف اشاعتوں میں مفاتیح کے حاشیے کے طور پر درج ہے۔
مفاتیح نوین اور منہاج الحیاۃ مفاتیح الجنان کے مضامین کی مستند سازی اور مفاتیح الحیات، مفاتیح الجنان کی تکمیل کی خاطر لکھی گئی ہے۔ اس کتاب کے مختلف خلاصے مختلف ناموں سے منظر عام پر آ چکے ہیں۔

مفاتیح الجنان

مفاتیح الجنان جس کے معنی جنت کی کنجیوں کے ہیں، شیعوں کے یہاں سب سے زیادہ معروف اور مشہور دعاؤں کی کتاب ہے جسے شیخ عباس قمی نے تالیف کیا ہے۔ یہ کتاب پیغمبر اکرمؐ، ائمہ معصومینؑ اور بعض جلیل القدر شیعہ علماء سے منقول مختلف دعاؤں، مناجاتوں، زیارتوں، سال کے مختلف مہینوں اور ایام کے مخصوص اعمال و عبادات پر مشتمل ہونے کے ساتھ ساتھ مختلف دینی آداب و رسوم کا مجموعہ ہے۔ مؤلف نے اس کتاب کے اکثر مضامین کو سابقہ کتب منجملہ: اقبال الاعمال، زاد المعاد اور مصباح کفعمی سے اقتباس کیا ہے۔
مفاتیح الجنان پہلی مرتبہ سنہ 1344 ہجری کو مشہد مقدس میں شایع ہوئی اور مختصر عرصے میں ہمہ گیر ہوئی۔ یہ کتاب پوری دنیا کے شیعیان اہل بیتؑ کے گھروں، مساجد و مقدس مقامات پر قرآن کے ساتھ ساتھ پائی جاتی ہے اور خاص دینی، مذہبی مواقع اور مناسبتوں میں مستحب اعمال کے لئے اس کی طرف رجوع کیا جاتا ہے۔ فارسی میں مفاتیح الجنان کا مشہور ترین ترجمہ مہدی الہی قمشہ ای کا ترجمہ ہے جبکہ اردو سمیت دنیا کی تقریبا تمام زندہ زبانوں میں اس کتاب کا ترجمہ موجود ہے۔ محدث قمی نے اپنی کتاب باقیات الصالحات کو بھی مفاتیح کی طرز پر تحریر اور اس کے ساتھ ضمیمہ کیا ہے جو مختلف اشاعتوں میں مفاتیح کے حاشیے کے طور پر درج ہے۔
مفاتیح نوین اور منہاج الحیاۃ مفاتیح الجنان کے مضامین کی مستند سازی اور مفاتیح الحیات، مفاتیح الجنان کی تکمیل کی خاطر لکھی گئی ہے۔ اس کتاب کے مختلف خلاصے مختلف ناموں سے منظر عام پر آ چکے ہیں۔
سبب تالیف
شیخ عباس قمی خود اس حوالے سے فرماتے ہیں کہ اس کتاب کو میں نے مِفتاح الجنان کی اصلاح کی خاطر لکھا جو اس زمانے میں دعاؤں کی رائج ترین کتاب تھی لیکن اس میں بغیر سند کے دعائیں مذکور تھیں۔ بعض مؤمنین نے مجھ سے تقاضا کیا کہ مفتاح الجنان کی سند پر مشتمل دعاوں کو جدا کر کے دیگر معتبر دعاوں کے ساتھ تحریر کروں۔
لیکن اسکے باوجود شیخ عباس قمی نے مفاتیح میں بھی دعاوں کو ان کے اسناد کے ساتھ ذکر نہیں کیا ہے بلکہ صرف انکے مآخذ کے ذکر کرنے پر اکتفاء کیا۔نیز مفاتیح الجنان میں بھی بعض ایسی دعائیں نقل کی ہیں جو ائمہ معصومین(ع) سے نقل نہیں ہوئیں بلکہ بعض علماء کی زبان سے نقل ہوئی ہیں جیسے دعائے عدیلہ۔
فاتیح الجنان کے آغاز پر قرآن کریم کی چند سورتیں درج ہیں جس کے بعد یہ کتاب مختلف حصوں پر مشتمل ہے:
پہلا حصہ: دعائیں
یہ حصہ نمازوں کے بعد پڑھی جانے والی دعاؤں (تعقیبات) اور ہفتے کے شب و روز کے اعمال پر مشتمل ہے۔ اس حصے میں موجود مشہور نمازوں میں منجملہ: نماز رسول اکرم ؐ، نماز امیرالمؤمنین ؑ، نماز حضرت فاطمہ (س) اور نماز جعفر طیار قابل ذکر ہیں۔ اس کے علاوہ اس حصے میں ہفتے کے مختلف ایام میں معصومین ؑ کی زیارت، بعض دعائیں اور مناجاتیں جیسے: امام سجاد ؑ سے منقول مناجات خمسۃ عشر، مسجد کوفہ میں علی ؑ کی مناجات، دعائے سمات، دعائے کمیل، دعائے جوشن صغیر، دعائے جوشن کبیر اور دعائے مکارم الاخلاق وغیرہ ذکر ہوئی ہیں۔
دوسرا حصہ: سال کے اعمال
اس حصے میں ہجری قمری سال کی مختلف مناسبتوں کے مستحب اعمال بیان کئے گئے ہیں۔ اس حصے کا آغاز ماہ رجب کے اعمال کے بیان سے ہوا ہے اور آخر میں جمادی الثانی تک کے اعمال کو مفصل طور پر بیان کیا گیا ہے اور اس حصے کا خاتمہ نوروز اور رومی مہینوں کے اعمال کے بیان پر ہوا ہے۔
ماہ شعبان کے اعمال میں مناجات شعبانیہ، ماہ رمضان کے اعمال میں دعائے ابوحمزہ ثمالی، دعائے افتتاح، دعائے سحرِ معروف اور لیلۃ القدر کے اعمال اور ماہ ذوالحجہ کے اعمال کے ضمن میں مام حسینؑ کی دعائے عرفہ اس حصے میں مندرج مشہورترین اعمال اور دعائیں ہیں جو مفاتیح کی معروف ترین دعاؤں میں شمار ہوتی ہیں۔
تیسرا حصہ: زیارات
اس حصے کے آغاز میں سفر اور زیارت کے آداب نیز مراقد مقدسہ و مشاہد مشرفہ میں داخل ہونے کیلئے اذن دخول کو ذکر کیا گیا ہے۔
اس حصے کی پہلی زیارت رسول خداؐ کی زیارت ہے جس کے بعد حضرت فاطمہ(س) کی زیارت اور بعد ازاں ائمۂ بقیع کی زیارت درج ہے۔
ائمہ معصومینؑ کی زیارتوں کے علاوہ اس حصے میں امام زادگان، نیز بعض بزرگان دین اور شیعہ علمائے کرام کے زیارت نامے بھی شامل ہیں۔ حضرت حمزہ، مسلم بن عقیل، فاطمہ بنت اسد(س)، شہدائے احد، سلمان فارسی وغیرہ کے زیارتنامے، اور مسجد کوفہ اور مسجد صعصعہ سمیت بعض معروف و مشہور مساجد کے اعمال بھی اسی باب میں مندرج ہیں۔
اس باب کا طویل ترین حصہ زیارت امام حسین سے مختص کیا گیا ہے۔ امام حسینؑ کے مشہور ترین زیارت نامے اسی حصے میں مندرج ہیں جیسے: زیارت عاشورا، زیارت اربعین اور زیارت وارث۔
شیخ عباس قمی، نے دعائے ندبہ، دعائے عہد، اور زیارت جامعۂ کبیرہ کو زیارت امام زمانہ(عج) کے حصے میں قرار دیا ہے۔
امام زمانہ(عج) کے مختلف زیارتناموں کے بعد زیارت انبیاء، زیارت حضرت معصومہ(س) اور زیارت عبدالعظیم حسنی درج ہیں۔
مفاتیح کے اس حصے کا آخری موضوع جو مفاتیح کی ابتدائی نسخے کے مطابق مفاتیح کے آخری مطالب میں شمار ہوتے ہیں، زیارت قبور مؤمنین اور اس سے متعلقہ دعاؤں سے مربوط ہے۔
مفاتیح الجنان کے ملحقات
مؤلف نے دوسری اشاعت میں ملحقات مفاتیح الجنان کے عنوان سے ایک اور باب کا اضافہ کیا ہے جس میں مؤلف نے آٹھ مطالب کا اضافہ کیا ہے جن کی تفصیل یہ ہیں:
دعا و وداع رمضان المبارک
عید فطر کے خطبے
زیارت جامعۂ ائمۃ المؤمنین
زیارت کے بعد پڑھی جانے والی دعا
زیارت وداع ائمہ ؑ
رقعۂ حاجت
غیبت امام زمانہ(عج) کی دعا
نیابتی زیارت کے آداب
مؤلف نے اس کتاب میں مزید کسی چیز کے اضافے کی خوف سے ایسا کرنے والوں کو خدا و رسول اور ائمہ اطہار کی لعنت کا مستحق قرار دیا ہے۔ لیکن ان کے نہ چاہتے ہوئے اور ان کی اجازت کے بغیر مفاتیح کے ناشروں نے اس کتاب میں ملحقات دوم کے عنوان سی بعض اور مطالب کا اضافہ کئے ہیں۔ ان ناشروں نے اپنے اس کام کی علت یوں بیان کرتے ہیں کہ چونکہ مؤلف نے مفاتیح الجنان میں بعض دعاؤوں کو طولانی ہونے کی وجہ سے صرف ان کا نام یا کچھ حصہ ذکر کیا ہے۔ ہم نے ان دعاؤوں کے بقیہ حصوں کو بھی نشر کیا تاکہ اس کتاب کے ہوتے ہوئے لوگوں کو کسی اور کتاب کی ضرورت پیش نہ آئے۔ اس سلسلے میں چونکہ مفاتیح میں امام زادوں کیلئے کوئی زیارت نامہ نقل نہیں ہوا تھا اسلئے ہم نے یہاں پر ایک زیارت نامہ ان کیلئے بھی ذکر کئے ہیں۔ انہی ملحقات میں نماز امام حسین ؑ اور نماز امام محمد تقی ؑ کے بعد کی دعا اور حدیث کساء بھی ہیں۔
کتاب باقیات الصالحات
یہ مؤلف کی مستقل کتاب ہے جسے انہوں نے مفاتیح کے حاشیے میں منتشر کیا ہے۔ خود مؤلف کے بقول مفاتیح کے اس حصے کی تحریر بروز جمعہ 19 محرم سن 1345 ہجری کو ختم ہوئی۔ یہ کتاب مفاتیح کے حاشیے کے عنوان سے چھ ابواب اور ایک ملحقہ پر مشتمل ہے۔
اس حصے کے مندرجات:
پہلا باب: روزانہ کے اعمال کا خلاصہ، جس میں دن اور رات کے مختلف اوقات کے اعمال اور دعائیں نیز نماز شب کی کیفیت و آداب مندرج ہے۔
دوسرا باب: اس باب میں نماز ہدیہ معصومین ؑ، لیلۃ الدفن کی نماز، حاجات کی نمازیں، استغاثہ کی نمازیں، ایام ہفتہ کی نمازیں اور بعض دیگر مستحب نمازیں مندرج ہیں۔ مؤلف نے استخارہ کی اقسام بھی اسی باب میں بیان کی ہیں۔
تیسرا باب: یہ باب مختلف بیماریوں، مشکلات اور پریشانیوں سے نجات کے لئے مخصوص دعاؤں اور تعویذات پر مشتمل ہے۔
چوتھا باب: یہ باب کتاب شریف الکافی کی منتخب دعاؤں پر مشتمل ہے اور اس باب کی بیشتر دعائیں مختلف مشکلات اور دشواریوں کے خاتمے اور دنیوی حوائج کی برآوردگی کیلئے مؤثر ہیں۔
پانچواں باب: یہ باب بعض مختصر احراز اور دعاؤں پر مشتمل ہے جنہيں مہج الدعوات و مجتنی سے منتخب کیا گیا ہے۔ اس باب میں بلاؤں سے دور رہنے کی دعائیں (احراز) نیز چند مناجاتیں اور وسعت رزق کی دعائیں شامل ہیں۔
چھٹا باب: بعض سورتوں اور آیات کریمہ کے خواص، چند دعاؤں اور متفرقہ موضوعات پر مشتمل ہے۔ اس باب میں قرآن کی بعض سورتوں اور آیات کے خواص بیان کئے گئے ہیں جو روزمرہ مشکلات و مسائل کے حل اور حاجات کے برآوردہ ہونے کے لئے مؤثر ہیں۔ مطلوبہ افراد کو خواب میں دیکھنے کا عمل، مطالعہ کے آداب، دعائے عقیقہ اور قرآن کریم سے استخارہ کی مختلف قسموں کو اسی باب میں بیان کیا گیا ہے۔
خاتمہ: اس باب میں احکام میت کو اجمالی طور پر بیان کیا گیا ہے۔

کامل الزیارات، شیعہ عالم و محدث ابن قولویہ قمی (متوفی 367 ھ) کی تالیف ہے۔ اس کتاب میں زیارت کی فضیلت، پیغمبر اکرم (ص)، اہل بیت اور امام زادوں و مؤمنوں کی زیارت کی کیفیت سے متعلق احادیث بیان کی گئی ہیں۔ كامل الزيارات شیعہ منابع میں اہم ترین، معتبر ترین روایات اور دعاؤں کے مجموعے کی حیثیت سے جانی جاتی ہے۔ اسے الزیارات، جامع الزیارات اور کامل الزیارة کے نام سے بھی یاد کیا جاتا ہے۔
نجاشی نے اس کتاب کو «‌الزیارات‌» اور شیخ طوسی نے اسے جامع الزیارات‌ کے نام سے یاد کیا ہے۔  لیکن اس کتاب کا مشہور ترین نام کامل الزیارات ہے اگرچہ اسے «‌کتاب المزار‌» بھی کہتے ہیں۔
جعفر بن محمد ابن قولویہ (367 ھ) کے نام سے معروف شیعوں کے برجستہ ترین راویوں میں سے ہیں۔ وہ محمد بن یعقوب کلینی اور شیخ مفید کے شاگردوں میں شمار ہوتے ہیں۔ ابن قولویہ ان صاحب فتوا فقہا میں ہیں جن کی رائے کو اہل حدیث اور مکتب متکلمین کے درمیان معتدل رائے کا حامل سمجھا جاتا ہے۔ ابن قولويہ کامل الزیارات سمیت دیگر بہت سی کتب کے مؤلف ہیں۔
ابن قولویہ اس کتاب کے لکھنے کا سبب ان الفاظ میں بیان کرتے ہیں:
میں نے اس کتاب کو خدا، پيغمبر اکرم (ص)، امام علی (ع)، حضرت فاطمہ (س) اور ائمہ معصومین (ع) کے تقرب اور ان برگواروں کی زیارت کو مومنین کے درمیان نشر کرنے کیلئے لکھا ہے۔ نیز کوشش کی ہے کہ معارف اہل بیت (ع) کی تشہیر اور ان شخصیات کی زیارت نقل کرنے کا ثواب تمام اہل ایمان کو ہدیہ کروں۔»
كامل الزيارات شيعہ روایات اور دعاؤں کا اہم ترین مجموعہ ہے کہ جو ہزاروں سال سے شیعہ علما و فقہا کی توجہ کا مرکز رہا ہے۔ اہم شیعہ روايات کی کتابوں میں اس سے روایات نقل کی گئی ہیں۔
علامہ مجلسی کہتے ہیں: «كتاب كامل الزيارات شیعہ فقہا کے درمیان مشہور اور اصول معتبر میں سے جانی جاتی ہے۔
اس کتاب کی خصوصیات میں سے یہ ہے کہ ابن قولویہ نے اس کتاب کے تمام راویوں کی توثیق کی ہے اور ان کے اپنے دعوی کے مطابق اس کتاب کی احادیث کو معتبر ترین منابع اور صحیح‌ ترین اسناد کے ساتھ نقل کیا ہے۔ یہان تک کہ ایک بھی حدیث نادر اور ضعیف ذکر نہیں کی ہے۔ ان کی اس بات سے ان راویوں کی توثیق میں کافی مدد ملتی ہے جن کے نام علم رجال میں ذکر نہیں ہوئے ہیں اور صرف کامل الزیارات میں آئے ہیں۔
حدیثی کتاب ہونے خاص طور پر اصحاب ائمہ کی معتبر اور منبع ہونے کے لحاظ سے بعد میں آنے والے مؤلفین اور محدثین کی نسبت یہ کتاب اس طرح سے پہلے درجے کے منابع کی حیثیت رکھتی ہے کہ شیخ طوسی نے بھی اپنی کتاب التہذیب میں اس سے روایات نقل کی ہیں۔ یہ کتاب دعاؤں کی کتب اور ماضی قریب میں لکھی جانے والی کتاب جیسے مفاتیح الجنان کیلئے ایک اہم ترین مرجع کی حیثیت رکھتی ہے۔
ابن قولویہ اس کتاب میں زیارت کے ثواب، فضیلت، اعتبار، مشروعیت اور کیفیت سے مسئلۂ زیارت کے مختلف پہلؤوں کو زیر بحث لائے ہیں۔ مؤلف نے مخالفین کی طرف سے زیارت پر ہونے والے اعتراضات اور شبہات کے جواب دیئے ہیں۔ کتاب پیامبر اکرمؐ، ائمہ یہان تک کہ مؤمنین کی زیارت سے متعلق معتبر احادیث پر مشمل ہے۔
کتاب کا ایک قابل توجہ حصہ سيدالشہدا (ع)، ان کی زیارت کے ثواب اور كيفيت سے مخصوص ہے۔ مؤلف نے شہادت امام حسين(ع)، فرشتوں کا اس سے آگاہ ہونا، موجودات کی ان پر عزاداری کرنے جیسے موضوعات پر بھی گفتگو کی ہے۔ اس لحاظ سے كتاب كامل الزيارات اس امام کی زندگی سے آشنائی کا قدیمی ترین منبع کی حیثیت بھی رکھتی ہے۔
كتاب كامل الزيارات 843 احادیث پر مشتمل ہے جو 108 ابواب میں درج ذیل عناوین کے تحت ذکر ہوئی ہیں:
زیارت حضرت رسول اکرم (ص) کا ثواب،زیارت امیر المؤمنین (ع) کے آداب اور ثواب،زیارت امام حسن (ع) آداب اور ثواب،امام حسین (ع) اور ان کے حرم میں نماز کی زیارت کی کیفیت،امام کاظم (ع) اور امام محمد تقی (ع) کی زیارت کا طریقہ،باقی ائمہ اطہار (ع) کی زیارت کا طریقہ،زیارت مؤمنین،امام زادوں کی زیارت۔

کامل الزیارات (مکمل)

تاریخ بشریت میں عقائد خصوصا آغاز فریش اور قیامت کا مسئلہ انبیاء کی الٰہی دعوت کی بنیاد ر ہا ہے۔ ان الٰہی  و آسمانی انسانوں کے کلام کا آغاز اور ان کے پیغام کا انجام انسانیت کو خدا تعالی کی طرف دعوت دینا، لوگوں کی عالم آخرت کی طرف بازگشت اور قیامت کی طرف توجہ دلانا تھا۔
تاریخ کے طولانی سفر میں، زمانوں کے گذرنے میں، اور شہروں کے پھیلاؤ میں جب بھی کبھی انسانی سماج نے اس اہم اور بنیادی اصول سے انحراف کیا یا اس کو کم اہمیت دی تو فتنے، بلائیں  اور مشکلات اس کے دامن گیر ہوگئیں۔ 
ہمیں اس تلخ حقیقت پر باور کرنا چاہیئے کہ پیغمبران الٰہی کے سعادت بخش پیام اور مقدس راہ سے دشمنی اور مخالفت ہمیشہ سے رہی ہے جبکہ نور و نار میں، تقویٰ اور فسق و فجور میں، ایمان و کفر میں جنگ و ستیز بھی مسلسل رہی ہے، اس سلسلے میں دین کے خلاف براہ راست جنگ گزشتہ صدیوں اور قرون وسطیٰ میں خدائی دعویٰ سے لے کر خدا کے انکار تک جاری رہی ہے جبکہ عصر ضحاضر میں دین کی حقیقت پر بے جا اور ناروا تاویلات و توجیہات کے انبار لگادیئے گئے اسکا نتیجہ یہ نکلا کہ ادیان الٰہی کے ساتھ ساتھ انسانی مکاتب فکر یا دساتیر کو بھی مثلاً بت پرستی یا ہندوازم وغیرہ کو بھی حق اور صراط مستقیم سمجھا جانے لگا۔
آج دنیا میں منظّم و منسجم استعماری ادارے اور تنظیمیں جن کے پاس ارتباطات اور نشر و اشاعت کے انتہائی جدید وسائل موجود ہیں نہایت افسوس کی بات یہ ہے کہ یہ ادارے معاشروں کے اعتقادات اور اقدار خصوصاً نوجوان نسل کی فکری بنیادوں پر شب خون مارتے ہوئے یلغار کررہے ہیں۔
اس میں کوئی شک کی گنجائش نہیں رہ جاتی کہ چارۂ کار یہ ہے کہ اس وقت موجود امکانات و وسائل سے استفادہ کرتے ہوئے الٰہی اقدار ومعارف کی ترویج و تشہیر کی ذمہ داری پوری کی جائے۔ اس عظیم ذمہ داری کا بار سنگین، دلسوز ربّانی علماء اورعلمی وتحقیقی مراکز پر ہے۔ البتہ خوش قسمتی سے ان اداروں کی ہر روز کی نشوونما، ترقی اور ان کی پُرثمر کاوشوں کے نتائج  کے ہم شاہد ہیں۔
کتاب«اصول عقائد» جیسی اہم کتاب پر ایک نظر بتاتی ہے کہ اسکی تالیف و تدوین اسی مقصد کی تکمیل کے لئے ہوئی ہے، یہ کتاب بنیادی دینی ابحاث کے لئے مفید اور نوجوان نسل کے بعض سوالات اور ضروریات کو پورا کرتی ہے۔
 اگرچہ یہ کتاب تعریف و تو صیف کی محتاج نہیں ہے تاہم کہا جا سکتا ہےکہ اس کتاب کی سب سے اہم خوبی یہ ہے کہ اس کے مؤلف حضرت آیت الله مکارم شیرازی ہیں جو مرجع تقلید ہیں اور یہ کہ گزشتہ کئی برسوں سے اعتقادی اور کلامی موضوعات پر تحقیق، تعلیم اور تدریس کے امور انجام دے رہے ہیں۔ اس کتاب کے گہرے مطالب اسکی ساده و رواں اور ادبی تعبیرات کے رکاوٹ نہیں بنتے بلکہ قارئین کے لئے زیا دہ جاذبیت وکشش کا باعث ہیں۔
پروردگار کی وحدانیت پر موجود «برہان نظم» کو بیان کرتے ہوئے جدید علمی مطالب کے ساتھ قرآنی آیات کو مرتبط کیا گیا ہے جو پڑھنے والے کی معلومات میں اضافے کا باعث ہے۔
کتاب کے بعض مندرجات:
خدا کی تلاش، کائنات سے واقفیت کا شوق، ہماری روز مرّہ زندگی میں خدا کے وجود کی نشانیاں، ہمارے جسم کی مملکت کا مرکز، ایک چھوٹے سے پرندے میں عجائبات کی دنیا، حشرات اور پھولوں کی باہمی دوستی، خدا کی معرفت کے اطمینان بخش راستے، عدل کیا ہے، مساوات اور عدالت ے درمیان فرق، مسئلۂ جبر و اختیار، امر بین الامرین(یا وسطی مکتب) کیا ہے؟، ہمیں رہبران الٰہی کی احتیاج، اجتماعی قانون گزاری کے لیے انبیاء کے وجود کی ضرورت، امامت کیا ہے، امام کے وجود کا فلسفہ، آسمانی ادیان کی حٖفاظت، امام کے لیے ضروری شرائط و خصوصیات، امام کا انتخاب کس کی ذمہ داری، کیا امت کو پیغمبر(ص) کا جانشین مقرر کرنے کا حق حاصل ہے؟، کیا پیغمبر(ص) نے اپنا جانشین مقرر نہیں فرمایا؟، اجماع و شوریٰ، قرآن و امامت،ایک اہم سوال؛ موت اختتام ہے یا آغاز، معاد کے بغیر زندگی بے معنیٰ ہے، انسانی تربیت میں عقیدۂ معاد کا اہم کردار، فطرت کی تجلیوں میں معاد، قیامت عدل کے ترازو میں، موت کے بعد کی زندگی کا اس جہان میں مشاہدہ۔ جسمانی اور روحانی معاد، جنت و جہنم اور اعمال کا مجسم ہونا۔
کتاب سے اقتباس:
مورخین اس بات کا اعتراف کرتے ہیں کہ سرزمین حجاز اُس زمانہ میں پسماندہ ترین خطہ تصور کیا جاتا تھا اور عصر جاہلیت کے لوگوں کو نیم وحشی یا وحشی اقوام کے لقب سے یاد کیا جاتا تھا۔
عقیدہ کے اعتبار سے وہ لوگ بت پرستی میں غرق تھے اور تمام معاشرے پر پتھر یا لکڑی کے بنائے ہوئے بتوں کا منحوس سایہ پھیلا ہوا تھا مشہور ہے کہ ’’کھجور‘‘ کے بت بنا کر اسکے سامنے دوزانو بیٹھ جاتے انکو سجدہ کرتے اور قحط سالی کے موقعہ پر نہیں کھا جاتے تھے!
لڑکیوں سے نفرت کی شدت کا یہ عالم تھا کہ انہیں زندہ درگور کردیتے تھے جبکہ فرشتوں کو ’’خدا کی پٹیاں‘‘ تصور کرتے تھے۔ اور خدا کو تو ایک عام انسان کے رتبہ پر لے آتے تھے
’’توحید پرستی اور وحدانیت‘‘ پر سخت حیران ہوتے تھے اور جب حضرت پیغمبر اکرم صلی اللہ علیہ وآلہ وسلم  نے ان کو دعوت توحید دی تو وہ نہایت تعجب سے کہنے لگے:کیا اس نے بہت سے معبودوں کی جگہ صرف ایک معجبو بنالیا؟ یہ تو یقیناً بڑی عجیب چیز ہے۔(سورۂ ص، آیت:۵)
جو شخص بھی انکی خرافات، جھوٹے افسانوں اور ان کے نظریات کے خلاف بات کرتا اسے ’’دیوانہ‘‘ کہہ کر پکارنے لگتے۔
قبائلی نظام اپنی پوری شدت کیساتھ معاشرے پر چھایا ہوا تھا اور قبائلی اختلافات اس قدر شدید تھے کہ ہمیشہ جنگ کی آگ روشن رہتی تھی اور زمین کو ایک دوسرے کے خون سے نگین رکھتے تھے قتل و خازتگری ان کا روز کا معمول تھا اور اس پر فخر کرتے تھے۔

اصول عقائد

خداوندِ عالم نے دنیا میں جب انسانوں کو آباد کیا تو شروع سے ہی ان کو سیدھی راہ چلانے کا انتظام بھی فراہم کیا، اس طرح کے برابر ان کی ہدایت اور ارشاد کے لیے انبیاء اور مرسلین کو بھیجتا، شریعت مقرر کرتا، اپنے احکام و اوامر و نواہی سے پیغمبر کو مطلع کرتا اور وحی و الہام کے ذریعہ سے ضروری امور کی تعلیم فرماتا رہا جب انبیاء مرسلین دنیا سے اٹھ جاتے تو ان کے اوصیاء وخلفاء کو مقرر کر کے اس شریعت کی حفاظت کا انتظام بھی کرتا رہا، تاکہ اس عالم میں امن قائم رہے۔ ہر شخص صفات حسنہ سے متصف ہو ۔ مکارم الاخلاق کی پابندی کرے، تہذیب و شائستگی کے زیور سے آراستہ ہو وہ خود بھی آرام سے رہے اور دوسروں کو بھی عافیت سے رہنے دے اور دنیا کو مزرعة الآخره اور دوسری دنیا کی زراعت گاہ سمجھ کر اپنے اور دوسروں کی بہترین زندگی کی کوشش کرے۔ مگر افسوں حضرت سید الاولین والاخرین خاتم الانبیاء والمسلمین رحمۃ للعالمین پیغمبر آخرالزمان حضرت محمد مصطفیٰﷺکی رحلت کے بعد مسلمانوں میں شدید اختلافات پیدا ہو گئے اور آج تک ہوتے جاتے ہیں۔ ان میں متعدد فرقے ہو گئے اور عقائد واعمال سب میں ایک نے دوسرے سے علیحدگی اختیار کی۔ خدا کی جسمانیت و مکانیت کے متعلق اختلاف، اس کی جہت کے متعلق اختلاف اس کی صفات کے متعلق اختلاف اس کے اصول کے متعلق اختلاف اس کی قدرت سے متعلق اختلافات اس کے حلول کے متعلق اختلاقات اس کے اتحاد کے متعلق اختلافات اس کے کلام کے متعلق اختلاف اس کی مشیت کے متعلق اختلاف اس کے صدق کے متعلق اختلاف اس کے قدیم ہونے کے متعلق اختلاف اس کے باقی رہنے کے متعلق اختلاف بداء کے متعلق اختلاف اس کے جبروتفویض کے متعلق اختلاف خیر وشر سے متعلق اختلاف قضا و قدر سے تعلق اختلاف، تولّا وتراء کے متعلق اختلاف تقیہ کے متعلق اختلاف اسی طرح نبوت انبیاء و مرسلین کے متعلق بے حد و بے حساب اختلاف، حقیقت نبوت میں اختلاف عصمت انبیاء میں اختلاف اوصاف انبیاء میں اختلاف اور خاص کر رسول خداﷺ کے متعلق اور زیادہ اختلافات؛ مثلاً حضرتﷺ کے آباء و اجداد کافر تھے یا مون آنخضرتﷺ قبل نبوت مؤمن تھے یا کافر معصوم تھے یا نہیں سہو ونسیان میں مبتلا تھے یا نہیں بعد نبوت بتوں کی تعریف کی یا نہیں اپنی ازواج کے امور میں حضرت جامۂ انسانیت سے علیٰحدہ ہو جاتے تھے یا نہیں وعدہ وفا کرتے تھے یا نہیں امّتِ اسلام کے خیر خواہ تھے یا بد خواہ، ہزیان بکتے تھے یا نہیں؟
اسی طرح حضرتﷺ کے برخلافت کے متعلق اختلافات کہ خلیفہ مقرر کرنا خدا کا کام ہے یا اس کا اعلان کرنا رسول کا فرض ہے یا مسلمانوں ہی کو خدا نے اختیار دیا ہے کہ جس کو چاہیں خلیفہ بنائیں؟ خلافت رسول کی جانشینی ہے یا صرف مسلمانوں کی سرداری، خلیفہ کے اوصاف کیا ہوں؟ خلیفۂ رسول عالم ہو یا جاہل عادل ہو یا ظالم معصوم ہو یا گنہگار امت کا خیر خواہ ہو یا بدخواه پارساہو با بدکردار دنیا پرست ہو یا دین کا چاہنے والا سفاکی و خونریزی پسند کرے یا امن و آشتی، نفس پرست ہو یا نفس کش، بادشاہت کرنا چاہیے یا دین کی خدمت، سلطنت بڑھائے یا مذہب کی طرف لوگوں کو بلائے، تلوار کے زور سے اسلام کی اشاعت کرے یا ادلّہ و براہین کی قوت سے لوگوں کے دل اس طرف مائل کرے اپنے آپ کو رسول خداﷺ کا قائم مقام سمجھے یا سلاطین عالم کا ہمسر، اپنی زندگی کی غرض دوسروں پر تسلط اور سطوت و جبروت قرار دے یا خلق عظیم کی پیروی، مذہب کو ضروری سمجھے یا کھیل تماشے کو، آخرت پر یقین رکھے یا اسے ڈھکوسلا جانے، مختصر یہ کہ وہ اسلام کا نمانده و یا جبابره کا نمونہ، رسول خداﷺ کا جانشین دکھائی دے یا سرکش ظالموں کی فوٹو کاپی ہو، اسکا وجود ہر زمانہ کے لیے ضروری ہے یا نہیں، اس کے بغیر دنیا کا قیام ناممکن ہے یا محال وغیرہ وغیرہ ہزاروں اختلافات ؟!؟
اسی طرح معاد کے تعلق بکثرت اختلافات، یہ سب اعتقادات سے متعلق نزاعوں کی طرف اشارہ تھا، عبادات اور اعمال کے متعلق تو اور زیادہ اختلافات ہیں، کہ عبادت کی غرض کیا ہے، نیت کیا ہو، لباس کیا ہو جگہ کیسی ہو طہارت کیسی ہو نجاست میں کون کون سی چیزیں سمجھی جائیں، نجس اشیاء کو کس طرح طاہر کیا جائے۔ استنجاء پانی سے کیا جائے یا ڈھیلے سے کھڑے ہو کر پیشاب کیا جائے یا بیٹھ کر اس کے کیا شرائط و آداب ہوں، وضو کس طرح کیا جائے پاؤں پر کیا جائے یا اسے دھویا جائے، پھر استبراء، طہارتِ حوض،مسحِ سر، تیمم کے متعلق اختلاف، ان سب اختلافات کے بعد نفسِ نماز کے متعلق اختلافات کہ اذان کس طرح کہی جائے، اس میں کون سی فصل رہے اور کون سی نہیں " اشهد ان علی ولی الله و وصی رسول الله و خليفته بلا فصل" کہا جائے یا نہیں "حي على خير العمل “ کا ذکر کیا جائے یا نہیں "الصلوة خیر من النوم" کہنا بدعت ہے یا نہیں ۔ پھر وقت نماز کے متعلق اختلافات کہ کسی نماز کو کس وقت ادا کرنا چاہیے۔ دونمازوں کا اکھٹے ادا کرنا جائز ہے یا نہیں، نماز میں ہر سورہ کے قبل بسم الله کہنا چاہیے یا نہیں ہاتھ باندھ کر نماز پڑھنی چاہیے یا کھول کر تکبیر کہتے وقت ہاتھوں کو بلند کرنا چاہیئے یا نہیں دوسری رکعت میں قنوت پڑھنے کی تاکید ہے یا نہیں سجدہ گاہ پر سجدہ کرنا ضروری ہے یا نہیں سجدہ کس طرح کرنا چاہیئے پہلے ہاتھ اس کے بعد گھٹتے رکھیں یا اس کے الٹا کریں، نماز میں کتنی سورتوں کا پڑھنا افضل ہے نماز ختم کرنے پر تکبیر کہنی چاہے یا نہیں، نماز کے بعد تعقیبات کیا ہوں۔ نماز تراویح بدعت ہے یا نہیں اور اس کے پڑھنے سے خدا اور رسولﷺ خوش ہوں گے یا ناراض۔ جناب سیدہ سلام اللہ علیہا کی تسبیح پڑھنی چاہیے یا نہیں ہر نماز کے بعد سجدۂ شکر ادا کرنا بہتر ہے یا نہیں نماز وتر ایک رکعت ہے یا دو، میت پر دفن کرتے وقت تلقین پڑھنی چاہیے یا نہیں۔ نماز عیدین کے اختلاقات اور روزے کے متعلق اختلافات کہ کسی وقت سے شروع کیا جائے کس وقت نیت کی جانے کس وقت افطار کیا جائے، کن کاموں سے روزہ باطل ہو جاتا ہے، کون سی باتیں روزے میں مکروہ ہیں، سفر میں روزہ رکھنے کا حکم ہے یا نہیں، عاشورہ کے دن روزہ رکھنا کیسا ہے۔ ۲۹ کا چاند ہو جائے مگر لوگوں کو خبر نہ ہو تو اس کا کیا حکم ہے ۳۰ رمضان دن کوخیر ہو کہ کل چاند ہوگیا تھا تو کیا حکم ہے۔ چاند ہونے کا علم کس طرح ہوتو شریعت میں قابل عمل ہوگا، اور کس صورت میں؟ پھر  زکوٰۃ، خمسو جہاد کے اختلافات، قربانی کے متعلق اختلافات پھر نکاح کے اختلاقات، محرماتِ ابدیہ  کی تفصیل، متعہ کی تحقیق پھر طلاق کے اختلافات، رضاعت کے اختلافات، میراث کے اختلافات، سود کے اختلافات، حدود کے اختلافات شراب کی قسموں میں اختلافات کہ کون سی حرام ہیں کون سی نہیں، غرض سینکڑوں اختلافات ہیں۔
چونکہ خدا اور رسولﷺ نے حکم دیا ہے کہ جن سے جس قدر ممکن ہو دوسروں کو سمجھانے اچھی باتیں بتانے سیدھی راہ دکھانے اور خدا اور رسولﷺ تک پہنچنے کا راستہ واضح کرنے کا فرض ادا کرتا رہے۔ اس وجہ سے فاضل مصنف  نے بھی اپنا فرض سمجھا کہ خدائے رحیم و کریم کی تائید پر بھروسہ اور اس کی اعانت و حمایت کے سوال کی کوشش کرے کہ حضرات اہل سنت اور فرقہ شیعہ کے کل ہی اختلافات ایک جگہ جمع ہوجائیں تو پھر قرآن مجید کی آیات اور ان کی تفسیر اور حدیث و تاريخ کی تصدیق سے تحقیق کی جائے کہ کسی کا مسلک حکم خدا اور رسولﷺ کے مطابق ہے کسی کا اس کے خلاف ہے۔
چونکہ خدا نے حکم دیا ہے کہ:ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ؛اپنے پروردگار کے مذہب کی طرف لوگوں کو مناسب عنوان اور دلچسپ بحث و پند کے ذریعہ سے بلا‘‘ (سوره ۱۶: النحل آیت ۱۲۵)
اس سبب سے ہر داعی الیٰ الحق  کے لیے ضروری ہے کہ اپنے کلام کا ایسا عنوان اختیار کرے جس کی طرف لوگ متوجہ ہوں اس کو دل لگا کر سنیں یا پڑھیں، اور اس پر غور و فکر کرنے کا موقع پائیں تا کہ اس گفتگو کا اصلی مقصود حاصل ہو سکے۔ اس وجہ سے یہ کتاب بھی دلچسپ گفتگو اور خوشگوار مباحثے کی صورت میں لکھی گئی ہے تا کہ ان تحقیقات کو ہر شخص خوشی سے دیکھے اور نظر انصاف سے مذہبِ حق اختیار کرے کیونکہ دنیا چند روزہ ہے۔ یہاں کی بڑی سے بڑی سلطنت زبردست حکومت اعلیٰ درجہ کی نعمت انتہا درجہ کی راحت و عافیت سب فانی ہے اور ہر شخص کو مرنے کے بعد بروز قیامت اپنے مذہب کے مطابق جزاء یا سزا پانی ہے۔لہٰذا اس کتاب کو صد در صد اپنے مطالعے کا حصہ ضرور بالضرور قرار دیں۔

پھر وہ شیعہ ہوگیا

پیش نظر کتاب رحمت حق بہانہ می جوید کے بمصداق ہے، توفیق الہی کسی کے باپ کی میراث نہیں ہے خدا کس پر اور کب اپنی توفیق  شامل کردے کچھ کہا نہیں جاسکتا اور یہ بالکل صحیح ہے کہ" الذین جاهدوا فینا لنهدینهم سبلنا " خلوص وتحقیق کی شرط ہونے کے ساتھ غیر متعصب ہونا بھی ضروری ہے ورنہ آدمی منزل مقصود تک نہیں پہونچ سکتا ۔
بہت پرانی بات نہیں ہے ۔ اللہ کی دنیا میں ہر جگہ کچھ نہ کچھ حق پسند ہوتے ہیں آپ نے سنا ہوگا کچھ مدت پہلے علامہ شیخ محمد مرعی الحلبی شیعہ ہوچکے تھے اور پھر انھوں نے اپنے بھائی شیخ احمد اطاکی کو بھی شیعہ  کیا وادی کشمیر میں جناب مولانا خادم حسین صاحب نے تشیع اختیار کیا اور بڑی لگن سے خدمت کی۔ ماضی قریب میں جناب سعید الرحمان صاحب مستبصر ہو کراسی راہ میں شہید ہوچکے ہیں اسی طرح برصغیر ہند وپاک کے مشہور عالم جناب سید شاہد زعیم فاطمی طاب ثراہ تھے اور ان کے علاوہ دیگر بہت سے افراد ہیں جنکا تذکرہ باعث طول ہوگا۔
علامہ سید احمد التیجانی بھی انھیں خوش قسمت لوگوں میں ہیں جنھوں نے ذاتی تحقیق سے مذہب حق اختیار کیا ہے، یوں تو مستبصر ہونے کے بعد سبھوں نے کتابیں لکھی ہیں اور ان کا اردو میں ترجمہ بھی ہوچکا ہے ۔مثلا "میں کیوں شیعہ ہوا ؟" تلاش منزل ""تذکره اهلبیت " وغیرہ مگر علامہ تیجانی کی کتاب حسن بیان ،لطافت استدلال عدمِ تعصب، تحقیق وتفتیش کا بہترین  مجموعہ ہے۔
پیش نظر یہ کتاب محمد تیجانی سماوی کی ایک بہت ہی اثر انگیز کتاب ہے جو مذاہب کی اصل حقیقت سے پردہ اٹھاتے ہوئے اصلی مذہب و مسلک کی پہچان کرواتی ہے جو ان کے سنی سے شیعہ میں تبدیلی کی داستان پر مشتمل ہے، اسے اپنے مطالعے کا حصہ ضرور قرار دیں۔
یہ کتاب تیونس سے تعلق رکھنے والے مذہبی سکالر ڈاکٹر تیجانی سماوی نے لکھی ہے۔ کتاب میں مصنف نے مذہب حق کی طرف اپنے سفر کی روداد کو تفصیل کے ساتھ بیان کیا ہے۔
ڈاکٹر تیجانی نے اس کتاب میں مختلف موضوعات پر ہونے والے مناظروں کو قلمبند کرکے تشنگان حق و حقیقت کی پیاس بجھانے کے لئے اہم حقائق بیان کئے ہیں۔

پھر میں ہدایت پاگیا

پھر میں ہدایت پاگیا(ثمَّ اہتدیتُ)

دینی مسائل، اعمال اور ادعیۂ ماثورہ پر مشتمل بہت سی مفید کتابیں اردو زبان میں لکھی گئیں اور ایک حد تک متداول و مقبول بھی رہیں لیکن جو پائیدار مقبولیت اور برقرار شہرت "تحفۃ العوام" نے حاصل کی وہ اپنی مثال آپ ہی ہے۔
خدا جانے کہ کتاب مذکور ابتداً حاجی حسن علی اعلیٰ اللہ  مقامہ نے کس خلوص کامل اور کس جذبۂ اخلاص اور کس سچی لگن سے کیسی مبارک اور نیک ساعت میں لکھی تھی کہ دنیائے شیعیت نے اس کو ہاتھوں ہاتھ لیا، نہ کوئی گھر اس سے خالی رہا نہ کوئی شخص اس سے ناواقف رہا، قرآن کریم کے ساتھ اس کتاب کا بھی ہر گھر میں موجود ہونا ضروری سمجھا جاتا رہا اور قرآن کریم کے ساتھ ساتھ اس کتاب کا بھی بچوں اور بچیوں کو پڑھانا معمول رہا، جیسی یہ کتاب مقبول عام ہوئی کوئی کتاب ایسی مقبول نہیں ہوئی۔
اس قبولیتِ بے مثال کا سبب ایک مؤلفِ مرحوم کا خلوص اور دوسری طرف اس کتاب کی ہمہ گیر افادیت ہے، حاجتمندوں کی جو زیادہ سے زیادہ ضرورتیں اس ایک کتاب سے پوری ہوجاتی ہیں وہ اس کتاب کے سوا کسی اور کتاب سے پوری نہیں ہوتیں بلکہ مختلف اور متعدد کتابیں درکار ہوتی ہیں۔
"جدید تحفۃ العوام مقبول" جو اس وقت آپ کے پیش نظر ہے وسعتِ مضامین کے اعتبار سے ایک بیش بہا دینی ذخیرہ اور شرعی خزینہ ہے جو عوام ہی کے لیے نہیں بلکہ خواص کے لیے بھی از بس مفید اور کار آمد ہے اس لیے اسے اپنے مطالعے کا حصہ ضرور قرار دیں۔

تحفۃ العوام

انسان کے اندر اللہ نے ایک حس تجسس کی رکھی ہے انسانی فطرتی طور پر کیوں؟ کیسے ؟ اور اس جیسے ہر سوال کا جواب تلاش کرنے کے درپئے ہوتا ہے اسی چیز کو مدنظر رکھتے ہوئے محقق و مجتہد عالیقدر جناب آیت اللہ جعفر سبحانی صاحب نے شیعیوں کے بنیادی عقائد کو سوال جواب کی صورت مین انتہائی رواں، سادہ، آسان، سلیس اور واضح انداز میں بیان کیاہے ۔ اس کتاب میں جن سوالات کے جوابات دئے گئے ہیں وہ درحقیقت کچھ حاجیوں کی طرف سے پوچھے گئے سوالات کے جوابات ہیں۔

حج

حج

Posts