Kitabu kilichoko mikononi mwako ni tarjuma ya kitabu cha Kiingereza kiitwacho, Abu Huraira, kilichoandikwa na Sayyid Abdulhusain Sharafuddin al-Musawi.
Kitabu hiki kinazungumzia maisha na wasifu wa sahaba machachari wa Mtukufu Mtume SAW na jinsi alivyoitumia nafasi hii pamoja na fursa alizozipata. Mwandishi wa kitabu hiki amefanya utafiti wa kina juu ya maisha ya sahaba huyu kwa sababu moja kubwa aliyoisema, ambayo ni umaarufu wake katika wingi wa hadithi alizosimulia kutoka kwa Mtukufu Mtume SAW mbali ya kweli kwamba aliishi naye kwa muda mfupi sana ukilinganisha na masahaba wengine. Hii ndio sababu kubwa iliyomfanya mwandishi huyu afanye utafiti juu ya sahaba huyu ili kujua undani wake. Ni muhimu kumjua mtu kama huyu kwani aliyosimulia kutoka kwa Mtukufu Mtume SAWni mengi sana yakiwemo ya ukweli na kusingizia, na ya kuongoza na kupotosha. Tumekiona kitabu hiki ni chenye manufaa sana , hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu.

Kutokana na ukweli huo, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.Tunamshukuru ndugu yetu, Ramadhan S. K. Shemahimbo kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwa
kitabu hiki. Ni matumaini yetu kwamba kitabu hiki kitakuwa ni changamoto kubwa kwa wasomaji wetu.

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

ABU HURAIRA

Kitabu kilichoko mikononi mwako ni tarjuma ya kitabu cha Kiarabu kiitwacho, Ahlu ‘l-Bayti Fi Tafasiri Ahli ‘s-Sunnah kilichoandikwa na Sheikh Nazri Hasan. Sisi tumekiita, Ahlul Bayt Ndani ya Tafsiri za Kisunni. Hii ni sehemu ya tatu inayochambua tafsiri za wanavyuoni wakubwa wa Kisunni – Ibn Kathir, Suyuti, Burusawi, Alusi na Qasimi.
Ahlul Bayt, yaani Watu wa Nyumba ya Mtume Muhammad SAW ni viongozi ambao Mtume alituusia tuwafuate. Katika hotuba yake ndefu na maarufu aliyoitoa pale Ghadir Khumm katika msafara wake wa kurejea kutoka Hija yake ya mwisho, Mtukufu Mtume SAW alisema haya mbele ya masahaba na mahujaji zaidi ya laki moja: “...Nakuachieni vitu viwili vizito: Qur’ani na Ahlul Bayt wangu. Viwili hivyo havitaachana mpaka vinifikie katika [hodhi ya] Kawthar. Nawausia juu ya Ahlul Bayt wangu!, Angalieni jinsi mtakavyojihusisha nao. Kama mkishikamana na viwili hivi hamtapotea kamwe...” (kwa maelezo zaidi soma kitabu cha al-Ghadir) Lakini bahati mbaya sana sio Waislamu wote wanaowafuata Ahlul Bayt AS pamoja na kwamba wanavyuoni wa madhehebu zote wameandika habari zao katika vitabu vyao na kuonesha kwamba hawa ni viongozi wa Umma huu wa Kiislamu. Mwandishi wa kitabu hiki anajaribu kuthibitisha hilo kwa kutoa rejea mbalimbali kutoka vitabu maarufu vya wanavyuoni wa Kisunni.

Ni muhimu kukubaliana na kuziheshimu tofauti za kila mmoja na kutambua msimamo na mtazamo wa kila mmoja. Matatizo huja pale mtu anapolazimisha tabia, imani na mila zake zitawale wengine au kuzifisha itikadi na misimamo ya wengine. Ni muhimu kufikiria kila aina ya maoni katika kujaribu kuamua ukweli. Uislamu kimsingi uko dhidi ya kufuata kibubusa. Wafuasi wa madhehebu nyingine wanaweza kuchambua uthibiti wa kitabu hiki ili kujenga maoni yao wenyewe kuhusu mtazamo mzuri wa mtu mwenyewe. Ni muhimu mtu kuelewa hoja za wale ambao hakubaliani nao. Inaweza ikasemwa kwamba wale ambao hawaelewi kabisa mtazamo wa maoni tofauti, hawaelewi kwa ukamilifu mtazamo wa kwao wenyewe.
Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huo, Taasisi yetu ya Al-Itrah Foundation imeamua kuchapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.
Tunamshukuru ndugu yetu, Hemedi Lubumba (Abu Batul) kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa
kwake. Ni matumaini yetu kwamba kitabu hiki kitakuwa ni changamoto kubwa kwa wasomaji wetu.

AHLUBAYT NDANI YA TAFSIRI ZA KISUNNI SEHEMU YAKWANZA

AHLUL BAYT NDANI YA TAFSIR ZA KISUNNI SEHEMU YA TATU

Kitabu hiki kilichoko mikononi mwako hivi sasa ni juhudi ya miaka mingi sana ya watu waliojitolea kuona
kazi hii imefanikiwa bila ya kumsahau Marhum Abu Muhammad wa London.
Kama lilivyo jina la Tafsiri ndivyo ilivyo Tafsiri yenyewe ambayo mwanachuoni huyu mahiri kabisa
aliyeifafanua ni mtu aliyebobea katika fani zote ambazo mfasiri (Mfafanuzi) anatakiwa awe nazo.
Sheikh Muhammad Jawad Mughniyya ameonesha cheche zake katika vitabu vingi alivyoviandika katika
maudhui mbalimbali na hivyo kujipatia wasomaji wengi sana.
Msomi huyu, mwenye fikra huru na anayetetea kile anachokiamini, ni mtu mwenye mawazo mapana na
kuyaangalia mambo kwa undani sana, kipaumbele chake ni katika maslahi ya umma huu na amejaribu
sana kwenda na wakati.
Sifa kubwa pekee ya mwanachuoni huyu ni kuwa yeye hakujihusisha sana na kung'ang'ania madhehebu
fulani tu, labda hii yatokana na wadhifa wake wa ukadhi aliokuwa nao katika nchi ya Lebanon ambayo
ina madhehebu mengi, ambapo sula la madhehebu ni nyeti nchini humo, hata hivyo yeye aliweza
kuamua matatizo ya watu kwenye ofisi yake kulingana na madhehebu yao pale walipomwendea. Hiyo
ilimsaidia sana hata kuweza kutoa kitabu kitwacho Al-Fiqh a'laa madhaahabil-khamsah (Fikhi ya
madhehebu matano) yaani ya Hanafi, Maaliki, Shafi, Hambali na Shia (ambacho twataraji kitatoka kwa
lugha ya kiswahili hivi karibuni Inshaallah).
Jambo lililotupa msukumo wa kukifasiri kitabu hiki kwa lugha ya Kiswahili ni zile faida nyingi
atakazozipata msomaji na kujua mambo mengi na ya ajabu yaliyo mapya kwake ambayo si rahisi
kuyapata kwa wafasiri wengine.
Msomaji atapata faida katika fani za Sayansi, Siasa, Historia, Mashairi, visa vizuri, na Saikolojia
miongoni mwa mengine; ndiyo maana msomaji atashangaa kidogo anapoisoma Tafsiri hii atakapoona
mwandishi amewataja na kuwanukuu watu kama kina Mfalme Edward, wanasayansi kama kina Enstein,
wasanii kama Charlie Champlin (Mchekeshaji maarufu), na wengineo, hali inayoifanya tafsiri hii kuwa ni
ya kipekee kabisa.
Mtindo alioutumia mwandishi ni sahali uliokusudiwa watu wa tabaka mbalimbali, wanavyuoni na watu wa
kawaida. Nia yetu ni kukigawanya kitabu hiki bure lakini tumelazimika kukiuza kwa bei nafuu ili
kurudisha gharama za uchapishaji. Mwisho: Shukrani kubwa iwaendee bila ya kuwataja watu waliojitolea
usiku na mchana, jopo la wafasiri, wahariri, wachapaji, waliotupa moyo na kutoa maoni yao na
walioisimamia ili kuhakikisha kwamba kitabu kimemfikia msomaji.

Al-Kashif-Juzuu Kumi Na Tatu

Al-Kashif-Juzuu ya Ishirini na Nne

Al-Kashif-Juzuu Ya Ishirini Na Tatu

Al-Kashif-Juzuu Ya Ishirini Na Tisa

Kitabu kilichoko mikononi mwako kinaitwa, Asili ya Madhehebu katika Uislamu, kilichoandikwa na Ndugu Isa Rwechungura kwa lugha ya Kiswahili. Maudhui kubwa katika kitabu hiki ni kuhusu madhehebu za Kiislamu.
Suala la madhehebu limekuwa na bado halieleweki vizuri miongoni mwa Waislamu kiasi kwamba wakati mwingine hufikia kupigana na kuuana kutokana na kuzozana juu ya suala hili.
Suala la madhehebu lilianza kuzungumzwa na Mtukufu Mtume SAW mwenyewe katika hadithi zake tukufu: “Mayahudi walikuwa madhehebu sabini na tatu baada ya Nabii Musa AS, na Wakristo madhehebu sabini na
mbili baada ya Nabii Isa AS, na Umma wangu huu utakuwa na madhehebu sabini na moja baada yangu, na (madhehebu) zote (zitaingia) Motoni isipokuwa moja.” Kutokana na kauli hii ya Mtume SAW ni kwamba suala
la madhehebu haliwezi kuepukika, lazima madhehebu zitakuwepo bali changamoto moja tu iliyoko katika kauli hii ni kwamba madhehebu zote hizo zitaingia Motoni isipokuwa moja. Suala hapa sasa ni kufanya utafiti ili kujua ni madhehebu ipi hiyo itakayokuwa salama, na sio kugombana kwa jambo ambalo lilikwishatabiriwa na Bwana Mtume mwenyewe  na hiki ndicho alichofanya mwandishi wa kitabu hiki.

Wafuasi wa madhehebu nyingine wanaweza kuchambua uthibiti wa kitabu hiki ili kujenga maoni yao wenyewe kuhusu mtazamo mzuri wa mtu mwenyewe. Ni muhimu mtu kuelewa hoja za wale ambao hakubaliani nao.
Inaweza ikasemwa kwamba wale ambao hawaelewi kabisa mtazamo wa maoni tofauti, hawaelewi kwa ukamilifu mtazamo wa kwao wenyewe.

Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Shukurani zimuendee mwandishi wa kitabu hiki, tunamwomba Allah Mwenye uhai wa milele, amjaalie umri mrefu, amruzuku ilmu na fahamu ili aweze kufanya tafiti nyingine zaidi, Insha-Allah.
Tunawashukuru wale wote walioshiriki kwa njia moja au nyingine hadi kufanikisha kuchapishwa kwa kitabu hiki.
Ni matumaini yetu kwamba kitabu hiki kitakuwa ni changamoto kubwa kwa wasomaji wetu.

Asili ya Madhehebu katika Uislamu

Kitabu kilichoko mikononi mwako ni tarjuma ya kitabu cha Kiarabu kiitwacho, ‘Ilmu Aimmah Bi ‘l-Ghayb, kilichoandikwa na Sayyid Abdul Rahim al-Musawi. Sisi tumekiita, Elimu ya Ghaibu ya Maimamu.
Ghaibu (ghayb) maana yake - yasioonekana. Sharti moja la imani katika Uislamu ni kuamini yasiyoonekana ambayo kwa kweli ni mengi sana, lakini kwa kutaja machache ni kama vile, malaika, majini, Pepo, moto wa Jahannam, roho, n.k. Hivi vyote havionekani katika macho yetu lakini vipo na lazima tuamini hivyo. Qur’ani Tukufu inasema: “Hicho ni Kitabu kisicho na shaka ndani yake, ni mwongozo kwa wamchao (Mungu), ambao huyaamini yasiyoonekana...” (2: 2-3).

Mwandishi wa kitabu hiki ameelezea kwa kina maana halisi ya ghaibu kwa kutumia vyanzo vitukufu - Qur’ani Tukufu, Sunna na hoja za kielimu. Tumekiona kitabu hiki ni chenye manufaa sana, hususan wakati huu wa
maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huo, taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.

Tunamshukuru ndugu yetu, Sheikh Harun Pingili kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.
Ni matumaini yetu kwamba kitabu hiki kitakuwa ni chenye manufaa sana kwa wasomaji wetu na Waislamu wote kwa ujumla.

ELIMU YA GHAIBU YA MAIMAMU

Kitabu kilichoko mikononi mwako ni tarjuma ya kitabu cha Kiarabu kiitwacho Tarikh wa Sirati ‘l-Qadati ‘l- Hudaah. Sisi tumekiita,Historia na Sira za Viongozi Waongofu. Kitabu hiki ni matokea ya kazi ya kielimu iliyofanywa na wanavyuoni wa Kiislamu waliomo kwenye Jopo la Waandishi wa Vtabu vya Kiada katika Taasisi ya Kimataifa ya Hawza na Madrasa.
Kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huu, Taasisi yetu ya Al-Itrah Foundation imeamua kuchapisha kitabu hiki kwa lugha ya
Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili, ili kuongeza ujuzi wao katika masuala ya dini na ya kijamii.
Tunamshukuru ndugu yetu, Hemedi Lubumba Selemani kwa kukubali kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.

Historia na Sira za Viongozi Waongofu Sehemu ya Kwanza

Kitabu ulichonacho mikononi mwako ni kitabu asili yake ni cha lugha ya Kiarabu kwa jina la, al-Imam Mahdi wa Basha'ira 'l-Amal, kilichoandikwa na Sheikh Hasan Musa al-Saffar. Na sisi tumekiita, Imam Mahdi na Bishara ya Matumaini. Imam Mahdi (a.s.) ni Imam wa kumi na mbili na wa mwisho kati ya Maimamu watokanao na Ahlul Bayt (a.s.) na ambao hufuatwa na wafuasi wa madhehebu ya Shia Ithna Asharia. Imam Mahdi (a.s.) yuko hai na katika Ughaibu (kutoonekana) na atadhihiri tena Allah atakapopenda na wakati huo ulimwengu utakuwa umejaa dhulma na yeye ataujaza kwa haki na uadilifu.
Huyu ndiye Imam wa zama hizi na ni muhimu kila Mwislamu kumtambua, kwani Mtukufu Mtume (s.a.w.w.) amenukuliwa akisema kwamba mtu asiyemtambua Imam wake wa zama na akafa katika hali hiyo atakuwa amekufa kifo cha kijahilia (yaani cha kikafiri).
Mwandishi wa kitabu hiki anatumia kalamu yake kuelezea kwa ufupi wasifu wa Imam Mahdi (Mwenyezi Mungu aharakishe kudhihiri kwake) na umuhimu wake katika zama hizi. Tumekiona kitabu hiki ni chenye manufaa sana, hususan wakati huu ambapo watawala mabeberu na madhalimu wamezidisha mbio zao za kuwakandamiza wanyonge na kuyakandamiza na kuyaonea mataifa madogo ulimwenguni kwa kuanzisha vita baina yao na kupora
rasilimail zao.

Kutoka na ukweli huu, taasisi yetu ya Al-Itrah imeamua kukichapisha kitabu hiki kwa lugha ya Kiswahili kwa madhumini yake yaleyale ya kuwahudumia Waislamu, hususan wazungumzaji wa Kiswahili.
Tunamshukuru ndugu yetu Abdul-Karim Juma Nkusui kwa kazi kubwa aliyoifanya ya kukitarjumi kitabu hiki kwa Kiswahili kutoka lugha ya asili ya Kiarabu. Aidha tunawashukuru wale wote walioshiriki kwa namna moja au nyingine hadi kufanikisha kuchapishwa kwake. Allah awalipe wote malipo mema hapa duniani na kesho Akhera – Amin.

IMAM MAHDI NA BISHARA YA MATUMAINI

Kitabu kilichoko mikononi mwako ni tarjuma ya kitabu cha Kiingereza kiitwacho, The Brother of the Prophet. Sisi tumekiita, Imam Ali (as) Ndugu wa Mtume Muhammad (saw). Kitabu hiki kilitungwa na aliyekuwa muballighi
mashuhuri wa dini ya Kiislamu ya Ushia nchini Marekani, Marehemu Sheikh Muhammad Jawad Chirri.
Kitabu hiki ni wasifu wa mtu mkubwa ambaye alikuwa mwanamume wa kwanza kuamini Utume wa Muhammad (saw) na wa kwanza kusali nyuma yake. Imam Ali (as) hakuwa kiongozi wa Waislamu tu bali wa wanadamu wote.
Maisha na mwenendo wa Imam Ali (as) umewavutia watu wote, marafiki na maadui, hali ambayo imemfanya kuwa kiongozi wa umma.
Mtukufu Mtume (saw) alimtangaza mwanzoni kabisa mwa Ujumbe wake katika kile kikao mashuhuri kabisa cha “karamu ya jamaa”, aliposema: “Huyu ni ndugu yangu, wasii wangu, waziri wangu, khalifa wangu na mrithi wangu. Basi msikilizeni na mumtii.” Hili lilikuwa tangazo la mwanzo kabisa alilolitoa Mtukufu Mtume (saw) kwa ajili ya Imam Ali (as) na aliendelea kuwakumbusha Waislamu kuhusu uongozi wa Imam Ali baada yake katika matukio mengi yaliyofuata baadaye, kama vile katika tukio la Ghadir Khum pale aliposema: “Man kuntu mauwahu fahadha Aliyyun mawlahu – Yule ambaye mimi kwake ni kiongozi basi na huyu Ali ni kiogozi wake.” Na mwisho ni tukio la “Karatasi” pale Mtukufu Mtume (saw) alipokuwa ni mgonjwa na maradhi yamemzidi akaomba aletewe karatasi,
kalamu na wino, mashuhuri kama “hadithi ya karatasi.”

Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo hayana nafasi tena katika akili za watu. Kutokana na ukweli huo, Taasisi yetu ya Al-Itrah Foundation imeamua kukichapisha kitabu hiki kwa lugha ya Kiswahili kwa madhumuni yake yaleyale ya kuwahudumia Waislamu, hususan wazungumzaji wa Kiswahili.
Tunamshukuru ndugu yetu, Maalim Dhikir U. Kiondo (ambaye sasa ni marehemu - Allah amrehemu) kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.
Ni matumaini yetu kwamba kitabu hiki kitakuwa ni mwanga kwa wasomaji wetu na kuzidisha upeo wao wa elimu ya dini na ya kijamii.

IMAM ALI (A.S.) NDUGU YAKE MTUME MUHAMMAD (S.A.W.)

Kitabu kilichoko mikononi mwako ni tarjuma ya kitabu cha Kiarabu kiitwacho, Qira’atu ‘l-’Aza’im Fi ‘s-Swalah. Sisi tumekiita, Kusoma Sura zenye Sijda za Wajibu katika Sala. Kitabu hiki kimeshughulikia suala la usomaji wa sura ambazo ndani yake kuna aya za “sijda wajibu.” Kuna tofauti kati ya Shia na Sunni juu ya suala hili, na halikadhalika
kuna tofauti ndani ya madhehebu za Sunni zenyewe.

Wanazouni wa Kiislamu kama kawaida ya wanadamu, wamehitilafiana katika hukumu ndogondogo katika matendo ya ibada, lakini kama ilivyo, tofauti ndogo kati ya wanazuoni kwa wafuasi inakuwa ni mlima wa tofauti na kusababisha zogo lisilo na maana. Mambo ambayo wanazuoni wetu wamehitilafiana si katika asili au misingi ya dini, na isitoshe ni mambo machache sana ukilinganisha na yale tunayokubaliana nayo.
Tumekiona kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote, ambapo uwongo, ngano za kale na upotoshaji wa historia ni mambo ambayo] hayana nafasi tena katika akili za watu.

Tunamshukuru ndugu yetu, Hemedi Lubumba Selemani (Lipumba) kwa kukubali jukumu hili la kukiftarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.

KUSOMA SURA ZENYE SIJDA ZA WAJIBU KATIKA SALA

Kitabu kilichoko mikononi mwako ni tarjuma ya kitabu cha Kiarabu kwa jina la, Mafhumu ‘l-La’na wa ‘s-Sabb fi ‘l-Qur’ani l-Karim. Sisi tumekiita, Maana ya Laana na Kutukana katika Qur’ani Tukufu, kilichoandikwa na Sheikh Abdul Karim al-Bahbahani. Kitabu hiki, Maana ya Laana na Kutukana katika Qur’ani Tukufu, ni matokeo ya kazi ya kielimu iliyofanywa na mwanachuoni huyu wa Kiislamu.

Kitabu hiki ni majibu kwa wale wanaowashutumu Mashia kwamba wanawatukana masahaba, shutuma ambazo zimekuwa zikitolewa kwa karne nyingi sana licha ya wenyewe Mashia kukana shutuma hizi kwa nguvu sana. Kwa bahati mbaya, shutuma hizi zilikuwa zikijibiwa kwa lugha za kigeni, hususan Kiarabu na Kiingereza, na kuwaacha wasomaji wa Kiswahili wasijue chochote kuhusu suala hili. Basi kitabu hiki ni moja ya vitabu vinavyotoa majibu ya shutuma hizo kwa lugha ya Kiarabu, ambacho tumekitarjumi kwa lugha ya Kiswahili.

Kitabu hiki ni chenye manufaa sana, hususan wakati huu wa maendeleo makubwa ya elimu katika nyanja zote. Kutokana na ukweli huu, Taasisi yetu ya Al-Itrah Foundation imeamua kukichapisha kitabu hiki kwa lugha
ya Kiswahili, kwa madhumuni yake yaleyale ya kuwahudumia Waislamu, hususan wazungumzaji wa Kiswahili, ili kuongeza ujuzi wao katika masuala ya kidini na ya kijamii.
Tunamshukuru ndugu yetu, Hemedi Lubumba Selemani kwa kukubali jukumu hili la kukitarjumi kitabu hiki. Vilevile tunawashukuru wale wote walioshiriki kwa njia moja au nyingine hadi kufanikisha kuchapishwa kwake.

Maana ya Laana na Kutukana katika Qur'ani Tukufu

Kitabu kilichomo mikononi mwako ni kitabu kwa jina la Maombolezo ya Ashura kilichokusanywa na Sheikh wetu mtukufu Musabah Shaban Mapinda.

MAOMBOLEZO YA ASHURA

Kitabu hiki kimeandikwa kikiwa ni matokeo ya mazungumzo niliyoyafanya na viongozi wa Kikristo na walei1. Majadiliano yalikuwa ya upole, furaha, kirafiki na yenye maoni ya kujenga, bila ya chembe ya kukusudia kuumiza (kukashifu) hisia za kidini za Mkristo yoyote. Nayo ni mazungumzo ya kuuchangamsha na kuupa changamoto Ukristo. Hayo ni mazungumzo ya lazima kwa wale wanaotafuta ukweli na kwa wale wanaojifunza mlinganisho wa dini.

C: Mkristo
M or m: Mwislamu(SAW): Rehema na amani ziwe juu yake
(AS): Mungu Amrehemu au Amani iwe juu yake, Amani iwe juu yao
(Hizo herufi ni vifupisho vya tungo (sentesi) zinazosemwa na Waislamu
wote baada ya kutajwa jina la mtume yoyote. Herufi hizo zitatumika katika kitabu hiki).

1 Wakristo wa kawaida.

Mazungumzo ya Mwislamu na Mkristo

Kitabu hiki ni mkusanyiko wa mihadhara ya Sheikh Hassan Musa al-Saffar aliyokuwa akiitoa nyakati mbalimbali na sehemu mbalimbali kwa ajili ya kuzungumzia mada mbalimbali kuhusiana na Uislamu, Waislamu na ubinadamu kwa ujumla. Kama tunavyosema wakati wote kwamba Uislamu ni dini na mfumo kamili wa maisha; haukuacha lolote linalomhusu mwanadamu kimwili au kiroho na kuweka sheria ya kuyaendesha maisha hayo (kiroho na kimwili). Katika kitabu hiki Sheikh anazungumzia suala la haki na wajibu wa raia katika taifa kwa mtazamo wa Kiislamu. Sisi kama wachapishaji tunakiwasilisha kitabu hiki kama kilivyo kwa wasomaji wetu na kuwashauri wasome yaliyomo ndani yake, wayafanyie kazi na kuyazingatia na kufaidika na hazina iliyomo humo. Hii ni moja kati ya kazi kubwa zilizofanywa na Taasisi ya Al-Itrah katika kuwahudumia kielimu wasomaji wake wazungumzaji wa Kiswahili. Na kwa maana hiyohiyo, imeamua kukichapisha kitabu hiki chenye manufaa makubwa kwa lugha ya Kiswahili kwa lengo lake lilelile la kuwahudumia Waislamu hususan wanaozungumza Kiswahili.

Nchi na Uraia haki na Wajibu kwa Taifa

Sıfa zote njema zınamstahıkıa Allah, ambaye ameumba ubınadamu kutokana na jinsia mbili za kiume na kike na akazifungua nyoyo zetu kuelekea kwenye upendo wa utukufu wa Mwenyezi Mungu. Rehma na amani ziwe juu ya Kiongozi wetu Mtukufu Muhammad Mustafa (s.a.w), ambae aliziandaa nyoyo zetu kwa ajili ya upendo wa kumpenda Mwenyezi Mungu Mtukufu na akaishi maisha ya ukamilifu wa hali ya juu na kuwa mfano pekee bora wa kuigwa wa maisha ya kifamilia. Ni hakika kuwa kuna upendo katika uumbaji wa kila kiumbe.

NYUMBA YENYE AMANI

Kitabu ulicho nacho mikononi mwako ni tarjuma ya kitabu cha Kiarabu kwa jina la al-Qur’an Yatahaddaa kilichoandikwa na Marehemu Ayatullah Sayyid Muhammad Husaini Shirazi. Sisi tumekiita Qur’ani Yatoa Changamoto.

 Kila Mtume au Nabii alikuja na muujiza wake na alipoondoka muujiza wake huo ulikoma kuwepo pia. Kwa mfano, Nabii Ibrahim (a.s.) muujiza wake mkubwa ilikuwa kwamba alipotupwa kwenye tanuri ya moto kwa nia ya kumteketeza, moto ule ukawa baridi juu yake. Fimbo ya Nabii Musa (a.s.) ilikuwa ikitenda miujiza mingi - iliweza kugeuka kuwa joka kubwa la kutisha, ilipasua bahari na kutoa njia kwa Wana wa Israil kuweza kuvuka bahari kwa salama bila ya kutumia chombo, n.k. Nabii Isa (a.s.) alikuwa akiponya vipofu, wakoma na hata kufufua wafu kwa idhini ya Allah (Mwenye kuhuisha, Aliye Hai). Lakini Mitume hao walipoondoka na miujiza yao pia ikatoweka pamoja nao. Mtume Muhammad (s.a.w.) ambaye ni mwisho wa Mitume, naye kaja na miujiza mingi, lakini ulio mkubwa kabisa ni Qur’ani Tukufu ambayo ni muujiza ambao umebakia baada ya kuondoka kwake.

Qur’ani ni muujiza kwa sababu inakwenda na wakati na inakubalika katika kila karne na kizazi. Kwa mfano, wanasayansi wa leo wanagundua mambo ambayo yalikuwa yameshaelezwa na Qur’am Tukufu zaidi ya karne 14 zilizopita, na hapana shaka, wataendelea kila karne kugundua mambo ambayo tayari maelezo yake yamo katika Qur’ani. Hii ndio maana tunaposema kwamba Qur’ani ni muujiza uliohai na utabakia kuwa hai mpaka mwisho wa duma. Qur’ani yenyewe inatoa changamoto kwa usahihi wake kwa wale wote wanaoitilia shaka, wakiwemo majini na wanadamu, kwamba watoe mfano wa hii Qur’ani. Hii ni karne ya 15 tangu Qur’ani Tukufu iteremshwe kutoka mbinguni, na hakutokea jini wala binadamu yeyote aliyeweza kutoa mfano wake.

Qur’ani Yatoa Changamoto

Kitabu ulichonacho mikononi mwako kimetarjumiwa kutoka kitabu cha Kiarabu kwa jina la, al-Imamu ‘l-Mahdi ‘Alaysi ‘s-salaam Amalu ‘sh-Shu’uub, kilichoandikwa na Sheikh Hasan Musa as-Saffar. Sisi tumekiita, Imam Mahdi (a.s.) ni Tumaini la Mataifa. Mojawapo kati ya kanuni za imani (itikadi) ambazo Qur’ani Tukufu hudai na kuthibitisha ni kanuni ya imani katika Imam Mahdi (a.s.) na sifa zake. Qur’ani Tukufu inasema: “...Hatukupuuza Kitabuni kitu chochote...” (6:38). Katika aya nyingine, Kitabu cha Allah kinasema: “...na tumekuteremshia Kitabu hiki kubainisha kila kitu...” (16:89). Ili kuelezea msimamo wa Qur’ani kuhusiana na imani ya Umahdia (mahdawiyyah), hadithi nyingi zimesherehesha aya hizi kupitia minyororo ya wasimulizi wa Shia na halikadhalika wa Sunni. Hadithi hizi husema kwa uwazi kwamba aya hizi huelezea kuhusu Imam Mahdi (a.s.). Kitabu ambacho kimekusanya kwa ubora aya za Qur’ani ambazo huzungumzia kuhusu Imam Mahdi (a.s.) katika mwanga wa hadithi na riwaya za Kisunni kinaitwa, al-Mahdi Fi ‘l-Qur’an kilichoandikwa na mwanachuoni mwenye kuheshimiwa, Sayyid Sadiq Shirazi katika mwaka wa 1978. Qur’ani ina vipengele mbalimbali vya kudhihiri tena, Ughaibu na pia sifa za Mtukufu Mahdi (a.s). Vyote hivi vikiwa vinakubaliwa na wote, wanavyuoni wa Kishia na halikadhalika wanavyuoni wa Kisunni ambao ni wenye mamlaka zaidi na wa kuaminika. Aya za Qur’ani kuhusu kujitokeza tena na mapinduzi ya Imam Mahdi (a.s.) - imani ya kawaida kwa Ahli Sunna pia - hutaja sifa nne na malengo ya utawala wa ulimwengu wa Imam Mahdi (a.s.):

&nbsp;
• Kusimamisha utawala ya ulimwengu mzima. • Madaraka kamili kwa dini ya Uislamu. • Mazingira ya usalama kamili na amani. • Uangamizaji wa ushirikina (shirk).
 Imam Mahdi ambaye katika utamaduni wa Kiswahili hujulikana pia kwa jina la “Muhudi” atajidhihirisha tena kutoka Ughaibu na kusimama wakati wa kipindi cha mwisho na utaujaza ulimwengu kwa uadilifu na usawa kama ambavyo utakuwa umejaa dhulma na ukandamizaji. (Kifayatu ‘l-Athar, uk. 12). Atasafisha uso wa ardhi kutokana na aina zote za dhulma na udikteta na kuitakasa kutokana na aina zote za maovu. Hii ni moja kati ya kazi kubwa zinazofanywa na Taasisi ya Al- Itrah katika kuwahudumia kielimu wasomaji wake wazungumzaji wa Kiswahili. Na kwa maana hiyohiyo, imeona ikichapishe kitabu hiki chenye hazina kubwa kwa lugha ya Kiswahili kwa lengo lake lilelile la kuwahudumia Waislamu, hususan wanaozungumza Kiswahili. Hivyo, ni matumaini yetu kwamba wasomaji wetu watanufaika vya kutosha kutokana na kitabu hiki, kwani tumekiona ni chenye manufaa sana hususan wakati huu wa maendeleo makubwa ya elimu katika nyanja zote ambapo uwongo, ngano za kale na upotoshaji wa historia ni vitu ambavyo havina nafasi tena katika akili za watu. Tunamshukuru mwandishi wa kitabu hiki, Sheikh Hasan Musa as-Saffar kwa kazi kubwa aliyoifanya kwa ajili ya Umma huu wa Waislamu, Allah ‘Azza wa Jallah amlipe kila kheri na amuingize Peponi kwa salama na amani insha’Allah. Halikadhalika tunamshukuru Ustadh Abdul-Karim Juma Nkusui kwa kukitarjumi kwa Kiswahili kitabu hiki, insha’Allah na yeye Allah Mwenye kujazi amlipe kila kheri hapa duniani na Akhera pia, bila kuwasahau na wale wote waliochangia kwa namna mmoja au nyingine mpaka kufanikisha kuchapishwa kwa kitabu hiki. Allah awalipe wote malipo mema hapa duniani na kesho Akhera pia.

IMAM MAHDI (A) NI TUMAINI LA MATAIFA

Wasifu huu mfupi wa Imam Musa bin Jafar (a.s.) umeandikwa hususan kama sehemu ya Masomo kwa Njia ya Posta kwa ajili ya wanafunzi waliosajiliwa katika masomo haya yanayotolewa na Bilal Musilim Mission of Tanzania. Madhumuni ya jumla ya kuandika kijitabu hiki ilikuwa ni kwa ajili ya kutoa maelezo mafupi juu ya vipengele muhimu vya picha ya maisha na historia ya Imam wetu wa saba kwa ajili ya wasomaji wetu vijana ambao kwa mara ya kwanza wameingizwa kwenye mafunzo rasmi ya mtu huyu mashuhuri katika historia ya Uislamu. Kwa hiyo, kwa namna yoyote ile kazi hii isije ikachukuliwa kama kazi kubwa au kamili. Kusema kweli, kazi hii ilitayarishwa chini ya mazingira ambayo kwamba kupitiwa kwake upya kuwe lazima baada ya toleo hili la kwanza. Hata hivyo, hili litatekelezwa, kwa nia njema, katika muda ujao.

Akida

Akida