آیت اللہ العظمی سید حسین طباطبائي بروجردی (بارہ سو بانوے سے تیرہ سو اسی ھجری قمری ) چودھویں صدی ہجری کے بزرگ علماء میں شمار ہوتے ہیں آپ بروجرد کے ایک عالم و فاضل گھرانے میں پیدا ہوے آپ کے والد حاج سید علی بروجرد کے بزرگ علماء میں شمار ہوتے تھے آپ کے بزرگوں میں بہت سی ہستیاں دینی قیادت اور مرجعیت کے مقام پر فائزتھیں ان میں علامۃ سید مھدی بحرالعلوم طباطبائي ،علامہ سید علی طباطبائي صاحب ریاض المسائل اور ان کے بیٹے سید محمد مجاھد اورسید محمد کاظم طباطبائي یزدی صاحب عروۃ الوثقی اور سید محسن طباطبائي حکیم ہیں ۔
بروجردی طباطبائي خاندان کی معروف علمی خاندانوں سے رشتہ داری ہے ان خاندانوں میں علامہ محمد باقر مجلسی علیہ الرحمۃ اور علامہ وحید بھبھانی اور سید احمد قزوینی جد سادات قزوینی حلہ وغیرہ ہیں ۔
آيت اللہ بروجردی مجلسی اول مولی محمد تقی کو جد کہا کرتے تھے اور مجلسی دوم محمد باقر کو خالو کہتے تھے ۔
آیت اللہ بروجردی نے علم و تقوی کے ماحول میں تربیت پائي اور سات سال کی عمرمیں مکتب میں قرآن ،عربی ادب اور منطق کا درس حاصل کرنا شروع کیا ،اٹھارہ سال کی عمرمیں یعنی تیرہ سو دس ہجری قمری میں اس زمانے کے مشہور علمی مرکزاصفھان گۓ اور بزرگ اساتذہ سے کسب فیض کیا اصفھان میں آپ نے دس سال تک تعلیم حاصل کی اور عظیم علمی مدارج پر فائزہوئے اصفھان میں تین اساتذہ نے آپ کو اجازہ اجتھاد دیا آپ نے علم حاصل کرنے کے ساتھ ساتھ فقہ و اصول کی تدریس بھی شروع کی آپ کے درس میں علماء و فضلاء کی ایک تعداد شرکت کیا کرتی تھی ۔
آیت اللہ بروجردی تیرہ سو بیس ھجری قمری میں نجف اشرف گۓ اور بزرگ علماء جیسے محمد کاظم خراسانی ،شیخ الشریعہ اصفھانی اور سید محمد کاظم یزدی کے سامنے زانوے ادب تہ کیا اور بہت کم مدت میں اپنی علمی صلاحیتوں کی بناپر نجف اشرف میں مشہور ہوگۓ اور طلاب و اساتذہ کی توجہ کا مرکزبن گۓ ۔
آیت اللہ بروجردی کو تیرہ سواٹھائيس قمری میں والد کے اصرارکی بناپر وطن واپس لوٹنا پڑا ،واپسی کے بعد آپ چھتیس سال تک اپنے وطن میں قیام پذیر رہے اس دوران آپ نے بے پناہ علمی و سماجی خدمات انجام دیں ۔
آیت اللہ برجردی نے اپنے وطن میں ایک حوزہ علمیہ کی بنیاد رکھی جس نے دین و ملت کی گرانقدر خدمات انجام دی ہیں بروجرد میں آپ نے سید محمد کاظم یزدی کی کتاب عروۃ الوثقی پر مختلف علماء کے حاشیے لگاے اور شاگردوں کے اصرارپر اسے طبع کروایا اس گرانقدر کتاب کے طبع ہونے کے بعد علمی حلقوں میں اس کی کافی پذیرائي ہوئي ۔
آیت اللہ بروجردی کا ایک اہم کارنامہ گمراہ فرقے بھائيت کا مقابلہ کرکے خطہ میں اس کی بیخ کنی کرنا ہے ۔
آیت اللہ بروجردی علمی وتحقیقی کاموں کے علاوہ عالم اسلام کے مسائل اور مسلمانوں کے سماجی امور سے کبھی غافل نہيں ہوۓ آپ جوان طلباء کومفید کتابوں کی تالیف و ترجمہ کی ترغیب دلایا کرتے تھے اسی طرح غیر اسلامی ملکوں میں تبلیغ کی غرض سے غیر ملکی زبانوں کوسیکھنے پر بھی زور دیا کرتے تھے آپ بہت سے ملکوں میں اپنے نمائندے بھی بھیجا کرتے تھے ۔
آیت اللہ بروجردی نے شیخ محمد تقی قمی کو مصر بھیجا جوکہ اھل سنت کا مرکزسمجھاجاتاہے ۔
مصر میں دارالتقریب کی بنیادرکھی تاکہ مذھب امامیہ سے دیگر ملکوں کے طلباء کو آشنا کرایا جاسکے اسی اقدام کا نتیجہ ہے کہ اس وقت کے شیخ الازھر شیخ محمود شلتوت نے ایک فتوی جاری کرکے شیعہ مذھب کی پیروی کو صحیح قراردیا،اس کے بعد مصر میں شیعہ علماءکی کتابیں طبع ہونا شروع ہوئيں اور اھل سنت کے بعض معروف علماء و دانشوروں نے شیعہ مسلمانوں کے تعلق سے معتدل رویہ اپنانا شروع کیا ۔
مرحوم آیت اللہ بروجردی کاکبھی نہ فراموش ہونے والاکام علماء ماسلف کی کتابوں اور آثار کا احیاء ہے ۔
آیت اللہ بروجردی نے وسائل الشیعہ جیسی عظیم کتاب کے نقائص دور کرنے کے لۓ ایک جامع منصوبہ پیش کیا اور آپ کے شاگردوں نے آپ کی رہنمائي میں "جامع احادیث الشیعہ "کے نام سے بے نظیر کتاب لکھنا شروع کی جس کی پہلی جلد ان کی حیات میں ہی طبع ہوئي جبکہ کئي جلدیں ان کی وفات کے بعد شايع ہوئيں اور بعض جلدیں تیار ہورہی ہیں ۔
آيت اللہ بروجردی کے علمی کارناموں میں ایک اہم کام راویوں کے حالات کی تحقیق ان کے طبقات کی شناخت اور ہرراوی کی تعدادروایات معین کرنا ہے آپ نے برسوں تک اس کام پر محنت کی ان ہی زحمتوں کے نتیجے میں علم رجال کی نہایت مفید کتاب سامنے آئي ہے جو اھل علم کے لۓ بے حد مفید ہے ۔
فقہ و اصول میں آيت اللہ بروجردی کی کتابوں کی فہرست مندرجہ ذیل ہے ۔
عروۃ الوثقی پر حاشیہ
شیخ طوسی کی کتاب الخلاف پر حاشیہ
کفایۃ الاصول کی شرح ،یہ کتاب شیخ بھاالدين بروجردی نے آيت اللہ بروجردی کے درس اصول سے مرتب کی ہے ۔
تقریرات بحث درس خمس ،سید عباس ابوترابی نے یہ کتاب مرتب کی ہے ۔
تقریرات بحث صلاۃ الجمعہ و صلاۃ المسافر
الفقہ الاستدلالی
مجمع الرسائل پر حاشیہ
توضیح المسائل ۔
آيت اللہ بروجردی نے اپنی بابرکت زندگي میں بہت مسجدیں اور امام بارگاہ اور کتب خانے تعمیر کرواے تھے جن میں سے بعض کےنام یہ ہیں ۔
حرم حضرت معصومہ قم سلام اللہ علیھا سے متصل مسجد اعظم
کتب خانہ مسجد اعظم
نجف اشرف میں ایک مدرسہ جو حرم امیرالمومنین سے قریب ہے
سامرا میں ایک حمام اور ایک مدرسہ
جرمنی کے شہر ھامبورگ میں مسجد امام علی علیہ السلام
آیت اللہ بروجردی نے ایران اور دیگر ملکوں ميں بہت سے مدرسوں اور مسجدوں اور اسپتالوں کی مرمت کروائي ۔
اس عالم ربانی اور فقیہ صمدانی کا انتقال دس فروردین تیرہ سو چالیس ھجری شمسی مطابق بارہ شوال تیرہ سو اسی ھجری قمری کو ہوا اور آپ کی روح مبارک اپنے اجداد طاہرین سے جاملی
(خدا رحمت کند اين عاشقان پاک طينت را.)
منبع:http://farhatabbas.blogfa.com/

Common title

View

 	آیت اللہ العظمی بروجردی 

  علی قرآنی آیات کی روشنی میں ۲

اعجاز قرآن
قرآن مجید کا خاصہ یہ ہے کہ وہ کسی ایک جہت سے معجزہ نہیں ہے بلکہ تاقیامت ذہن انسانی میں اعجاز کی جتنی صورتیں متصور ہوسکتی ہیں قرآن ان سب کاحامل ہے ہم ان میں سے بعض کو مختصر طور پر ذکر کررہے ہیں :
الف: اعجاز علمی
قرآن مجید کے معجزہ ہونے کا ایک واضح پہلو یہ ہے کہ وہ ہرقسم کے علوم و فنون اورتاقیامت انسانی تقاضوںاورضرورتوںکو اپنے دامن میں سمیٹے ہوئے ہے یہ سچ ہے کہ قرآن کتاب ہدایت ہے اس میں قیامت تک کے لئے بشری ضرورتوں کو بیان کیا گیا ہے اور اس کے اندر ہر طرح کے علمی مسائل کا حل اس بات کاواضح ثبوت ہیں کہ اس کا نازل کرنے والا عالم الغیب ہے ،اس کی ذات تمام علوم کا سرچشمہ ہے ،قرآن کا ارشاد ہے :
قُل اَنزَلَہُ الَّذِی یَعلَمُ السِّرَّ فِی السَّموٰ ٰاتِ وَالاَرضِ۔
اے رسول!آپ کہہ دیجئے کہ اس قرآن کو اس قدیم وازلی وابدی ہستی نے نازل کیا ہے جو زمین و آسمان کے راز و اسرار کو جانتاہے ۔ (۱)
قرآن مجید کے علمی اعجاز کے سلسلے میں ایک آیت میں اس طرح ارشاد ہوتا ہے:
وَنَزّلنَا عَلَیکَ الکِتٰبَ تِبیَاناً لِکُلِّ شَیئٍ ۔ (سورہ¿ نحل، آیت ۹۸)
ہم نے آپ پر ایسی کتاب نازل کی جو تمام چیزوں کی بیان کرنے والی ہے۔
عبد اللہ ابن مسعود سے ایک حدیث منقول ہے جس میں ارشاد ہوتا ہے :
من اراد العلم الاولین والآخرین فلیتدبّر القرآن۔
جو بھی گذشتہ اور آئندہ کے علوم کو حاصل کرناچاہتاہے اسے چاہئے کہ وہ اس کتاب میں غور فکر کرے ۔
مذکورہ آیات و حدیث سے اس بات کا علم ہوجاتا ہے کہ قرآن تمام علوم و معارف کا سرچشمہ ہے اور علمی اعتبار سے ایسا معجزہ ہے کہ آج تک افراد بشر کے لئے اس کی نظیر لانا ممکن نہ ہوسکا ۔
ب: اعجاز عدم اختلاف
اعجاز قرآن کا ایک واضح پہلو اس کے الفاظ و معانی میں ہر لحاظ سے یکجہتی ہے اور اختلاف سے خالی ہے جو اسے دوسری آسمانی و غیر آسمانی کتابوں سے ممتاز بناتی ہے خدا وندعالم نے قرآن مجید کے مطالب میں ہماہنگی اور عدم اختلاف کی اس آیت کوواضح دلیل بنایا ہے :
ا¿َفَلا یَتَدَبَّرُونَ القُرآنَ وَلَو کَانَ مِن عِندِغَیرِ اللّٰہِ لَوَجَدُو فِیہِ اختِلافاًکَثِیراً.... (سورہ¿ نسائ، آیت:۸۲)
کیا وہ لوگ قرآن مجید میںغور فکر نہیں کرتے ا گر یہ غیر خدا کی طرف سے ہوتا تو اس میں بے پناہ اوربہت زیادہ اختلاف ہوتا ۔
سوال یہ ہے کہ غیر خدا کے کسی کلام میں اختلاف کیوں ہوتا ہے اور خداوندعالم کا کلام اس سے مبراوبلندوبالاکیوں ہے ؟
اصل میں اس کی وجہ یہ ہے کہ غیر خدا کا کلام حالات و کیفیات کا تابع ہے ،اس پر انسانی مزاج وخواہشات اور اس کے ماحول کا اثر ہوتا ہے جس کی وجہ سے اس کے کلام میں اختلافات کا پایا جانا ناگزیر ہے لیکن خداوندعالم کا کلام حالات،مزاج اور کیفیات سے ماوراءہوتا ہے کیوں کہ وہ ان کا خالق ہے لہذا اسمیں اختلاف کا کوئی امکان ہی نہیں،اسی وجہ سے قرآن مجید عدم اختلاف کے اعتبار سے بھی معجزہ ہے ۔
ج: اعجازاخبارغیبی
قرآن مجید کا ایک امتیاز یہ بھی ہے کہ جہاں اس نے گذشتہ اقوام کے حالات بیان کئے ہیں وہیں آئندہ ہونے والے واقعات کی بھی اطلاع دی ہے جو دنیا کی کسی بھی کتاب میں نہیں پائی جاتی خدا وندعالم اس سلسلے میں فرماتاہے :
تِلکَ مِن ا¿َنبَائِ الغَیبِ نُوحِیھا اِلَیکَ مَا کُنتَ تَعلَمُھا اَنتَ وَلَا قُومُکَ مِن قَبلِ ھَذَا .... (سورہ¿ ھود،آیت، ۹۴)
پیغمبر یہ غیب کی خبریں ہیں جن کی ہم آپ کی طرف وحی کررہے ہیں جن کا علم نہ آپ کو تھا اور نہ آپ سے پہلے والی کسی قوم کو۔
قرآن ناطق حضرت علیؑ نے بھی اعجاز قرآن کے اس پہلو کو واضح انداز میں اس طرح بیان فرمایا :
فی القرآن نبا¿ ما قبلکم وخبر ما بعدکم وحکم ما بینکم ۔
قرآن مجید میں تم سے پہلے کی خبریں ہیں ،تمہارے بعد کے واقعات اور تمہارے حلال وحرام کے تمام احکام موجودہیں ۔ (۱)
قرآن مجید میں آئندہ واقعات کی جوخبریں موجود ہیں ان کی تعداد بہت زیادہ ہے اختصار کی غرض سے ہم ان میں سے چند خبروں کو ذیل میں ذکر کررہے ہیں :
ایرانیوں پر رومیوں کی کامیابی کی خبر سورہ ¿روم کی آیت نمبر ۱۔۳میں بیان ہوئی ہے۔
جنگ بدر میں مسلمانوں کی کامیابی کی خبر کو خداوندعالم اس طرح بیان فرماتا ہے:
اَم یَقُولُونَ نَحنُ جَمِیعµ مُنتَصَرµ،سَیُھزَمُ الجَمعُ وَیُوَلُّونَ الدُّبُرَ۔(سورہ¿ قمر۴۴، ۵۴)
ان کا کہنا ہے کہ ہمارے پاس بڑی جماعت ہے جو ایک دوسرے کی مدد کرنے والی ہے عنقریب یہ جماعت شکست کھاجائے گی اور وہ سب پشت دکھا کر بھاگ جائیںگے۔
خلاصہ
قرآن مجید ہر جہت سے معجزہ ہے چاہے علمی اعتبار سے دیکھا جائے یعنی علوم وفنون کو اپنے دامن میں لیئےہوئے ہے، چاہے عدم اختلاف کے اعتبار سے دیکھا جائے یعنی اس کے الفاظ و معانی میں ہر اعتبار سے یکجہتی پائی جاتی ہے، چاہے اخبار غیبی کے اعتبار سے دیکھا جائے یعنی اس نے آئندہ ہونے والے واقعات کی بھی خبر دی ہے۔
منبع: http://rizvia.net

 اعجاز قرآن

 امام زمانہ

 بی بی معصومہ قم سلام اللہ علیہ

حضرت فاطمہ زہرا(سلام اللہ علیہا) کی ولادت مکہ مکرمہ میں ہوئی۔ آپ حضرت محمد صلی اللہ علیہ و آلہ و سلم اور حضرت خدیجہ بنت خویلد کی بیٹی تھیں۔ معتبر روایات کے مطابق آپ 20 جمادی الثانی بعثت کے پانچویں سال بروز جمعہ صبح صادق کے وقت پیدا ہوئیں(1) طبری نے بھی بعثت کا پانچواں سال لکھا ہے(2)
ایک روایت کے مطابق حضرت محمد صلی اللہ علیہ و آلہ و سلم اکثر حضرت فاطمہ (سلام اللہ علیہا)کو سونگھ کر فرماتے تھے کہ اس خاتونِ جنت سے بہشت کی خوشبو آتی ہے کیونکہ یہ اس میوۂ جنت سے پیدا ہوئی ہے جو جبرائیل نے مجھے شبِ معراج کھلایا تھا۔
حضرت فاطمہ (سلام اللہ علیہا) کے مشہور القاب میں زھرا اور سیدۃ النساء العالمین (دنیا و جہاں کی عورتوں کی سردار) اور بتول ہیں۔ مشہور کنیت ام الائمہ، ام السبطین اور ام الحسنین ہیں۔ آپ کا مشہور ترین لقب سیدۃ النساء العالمین ایک مشہور حدیث کی وجہ سے پڑا جس میں حضرت محمد صلی اللہ علیہ و آلہ و سلم نے ان کو بتایا کہ وہ دنیا اور آخرت میں عورتوں کی سیدہ ( سردار) ہیں(3) اس کے علاوہ خاتونِ جنت، الطاہرہ، الزکیہ، المرضیہ، السیدہ، العذراء وغیرہ بھی آپ کےالقاب میں ملتے ہیں۔
ام المومنین حضرت عائشہ سے روایت ہے کہ رسول اللہ صلی اللہ علیہ و آلہ و سلم نے اپنی رحلت سے قبل حضرت فاطمہ (سلام اللہ علیہا)کواپنے نزدیک بلا کر ان کے کان میں کچھ کہا جس پر وہ رونے لگیں۔اس کے بعد حضور (صلی اللہ علیہ وآلہ وسلم) نے پھر سرگوشی کی تو آپ مسکرانے لگیں۔ حضرت عائشہ فرماتی ہیں کہ میں نے سبب پوچھا تو انہوں نے بتایا کہ پہلے میرے بابا نے اپنی موت کی خبر دی تو میں رونے لگی۔ اس کے بعد انہوں نے بتایا کہ سب سے پہلے میں ان سے جاملوں گی تو میں مسکرانے لگی۔(4)
ایک اور روایت میں یحیٰ بن جعدہ سے مروی ہے کہ حضور صلی اللہ علیہ و آلہ و سلم نے حضرت فاطمہ سے کہا کہ سال میں صرف ایک مرتبہ قرآن مجھے دکھایا جاتا تھا۔ مگر اس دفعہ دو مرتبہ دکھایا گیا۔ مجھے بتایا گیا ہے کہ میری موت قریب ہے۔ میرے اہل میں سے تم مجھے سب سے پہلے آ کر ملو گی(5)
یہ سن کر آپ غمگین ہوئیں تو رسول اللہ نے فرمایا کہ کیا تم اس پر خوش نہیں ہو کہ تم زنان اہلِ جنت کی سردار ہو؟ یہ سن کر آپ مسکرانے لگیں(6)
آپ کے والد رسول اللہ صلی اللہ علیہ و آلہ و سلم کی وفات ایک عظیم سانحہ تھا۔ اس نے حضرت فاطمہ کی زندگی تبدیل کر دی۔ آپ شب و روز گریہ کیا کرتی تھی۔ خلیفہ وقت نے حضرت زہرا (سلام اللہ علیہا) کو رسول اللہ صلی اللہ علیہ و آلہ و سلم کی میراث سے بھی محروم کردیا۔ مسئلہ فدک و خلافت بھی پیش آیا۔ اہلِ مدینہ ان کے رونے سے تنگ آئے تو حضرت علی(علیہ السلام) نے ان کے لیے مدینہ سے کچھ فاصلے پر بندوبست کیا تاکہ وہ وہاں گریہ و زاری کیا کریں۔ اس جگہ کا نام بیت الحزن مشہور ہو گیا۔ اپنے والد کی وفات کے بعد آپ نے مرثیہ کہا جس کا ایک شعر کا ترجمہ یہ ہے کہ 'اے بابا جان آپ کے بعد مجھ پر ایسی مصیبتیں پڑیں کہ اگر وہ دنوں پر پڑتیں تو وہ تاریک راتوں میں تبدیل ہو جاتے'(7)
حضرت فاطمہ کے بارے میں بعض احادیث :
حضرت حذیفہ بیان کرتے ہیں کہ رسول اللہ صلی اللہ علیہ و آلہ و سلم نے فرمایا کہ ایک فرشتہ جو اس رات سے پہلے کبھی زمین پر نہ اترا تھا اس نے اپنے پروردگار سے اجازت مانگی کہ مجھے سلام کرنے حاضر ہو اور یہ خوشخبری دے کہ فاطمہ اہلِ جنت کی تمام عورتوں کی سردار ہے اور حسن و حسین جنت کے تمام جوانوں کے سردار ہیں۔(8)
ایک روایت میں ہے کہ رسول اللہ صلی اللہ علیہ و آلہ و سلم نے فرمایا: فاطمہ میری جان کا حصہ ہے پس جس نے اسے ناراض کیا اس نے مجھے ناراض کیا۔(9)
عبداللہ بن زبیر بیان کرتے ہیں کہ رسول اللہ صلی اللہ علیہ و آلہ و سلم نے فرمایا: بے شک فاطمہ میری جان کا حصہ ہے۔ اسے تکلیف دینے والی چیز مجھے تکلیف دیتی ہے اور اسے مشقت میں ڈالنے والا مجھے مشقت میں ڈالتا ہے۔(10)
حضرت ابو حنظلہ سے روایت ہے کہ رسول اللہ صلی اللہ علیہ و آلہ و سلم نے فرمایا: بے شک فاطمہ میری جان کا حصہ ہے۔ جس نے اسے ستایا اس نے مجھے ستایا۔(11)
حضور صلی اللہ علیہ و آلہ و سلم کے آزاد کردہ غلام حضرت ثوبان نے فرمایا کہ حضور صلی اللہ علیہ و آلہ و سلم جب سفر کا ارادہ کرتے تو اپنے اہل و عیال میں سے سب کے بعد جس سے گفتگو فرما کر سفر پر روانہ ہوتے وہ حضرت فاطمہ ہوتیں اور سفر سے واپسی پر سب سے پہلے جس کے پاس تشریف لاتے وہ بھی حضرت فاطمہ ہوتیں۔(12)
ایک اور مشہور حدیث (جو حدیث کساء کے نام سے معروف ہے) کے مطابق حضور صلی اللہ علیہ و آلہ و سلم نے ایک یمنی چادر کے نیچے حضرت فاطمہ، حضرت علی و حسن و حسین کو اکٹھا کیا اور فرمایا کہ بے شک اللہ چاہتا ہے کہ اے میرے اہل بیت تجھ سے رجس کو دور رکھے اور ایسے پاک رکھے جیسا پاک رکھنے کا حق ہے
فدک ایک باغ تھا جو جنگ خیبر کے وقت حضور صلی اللہ علیہ و آلہ و سلم کو ہبہ کیا گیا اور اس کے لیے مسلمانوں نے جنگ نہیں کی۔(13)
صحیح مسلم میں حضرت ابوسعدی الخدری اور حضرت عبداللہ ابن عباس سے روایت ہے کہ حضور صلی اللہ علیہ و آلہ و سلم نے اپنی زندگی ہی میں فدک حضرت فاطمہ کو اس وقت ہبہ کر دیا جب سورہ حشر کی آیت 7 نازل ہوئی۔دیگر تفاسیر میں سورہ حشر کی آیت 7 کی ذیل میں لکھا ہے کہ اس آیت کے نزول کے بعد حضور صلی اللہ علیہ و آلہ و سلم نے فدک حضرت فاطمہ الزھرا کو ہبہ کر دیا۔ شاہ عبدالعزیز نے فتاویٰ عزیزیہ میں اس بات کا اقرار کرتے ہوئے لکھا ہے کہ حضرت فاطمہ الزھرا کو فدک سے محروم کرنا درست نہیں ہے۔(14)
صحیح البخاری میں حضرت عائشہ سے روایت ہے کہ حضور صلی اللہ علیہ و آلہ و سلم کی وفات کے بعد فدک کی ملکیت پر حضرت فاطمہ الزھراء اور حضرت ابوبکر میں اختلافات پیدا ہوئے۔ حضرت فاطمہ نے فدک پر اپنا حقِ ملکیت سمجھا جبکہ حضرت ابوبکر نے فیصلہ دیا کہ چونکہ انبیاء کی وراثت نہیں ہوتی اس لیے فدک حکومت کی ملکیت میں جائے گا۔ اس پر حضرت فاطمہ حضرت ابوبکر سے ناراض ہو گئیں اور اپنی وفات تک ان سے کلام نہیں کیا اور وصیت فرمائی کہ ابو بکر اور عمر کو ان کے جنازے میں شرکت کی اجازت نہ دی جائے اور اسی وجہ سے بی بی دو عالم کو رات میں دفن کیا گیا اور ان کی قبر مبارک کو مخفی رکھا گیا جو آج تک مخفی ہے۔
اس سلسلے میں اہل سنت اور اہل تشیع میں اختلاف ہے۔ اہل سنت کے مطابق حضرت ابوبکر نے یہ فیصلہ ایک حدیث کی بنیاد پر دیا جس کے مطابق حضور صلی اللہ علیہ و آلہ و سلم نے فرمایا کہ انبیاء کے وارث نہیں ہوتے اور جو کچھ وہ چھوڑتے ہیں وہ صدقہ ہوتا ہے۔ جبکہ اہل تشیع کے مطابق یہ حدیث حضرت ابوبکر کے علاوہ کسی نے روایت نہیں کی اور یہ فیصلہ درست نہیں تھا کیونکہ قرآن کی کچھ آیات میں انبیاء کی وراثت کا ذکر ہے۔ امام بخاری اور ابن ابی قیتبہ کے مطابق حضرت فاطمہ نے تا زندگی حضرت ابوبکر و حضرت عمر سے کلام نہ کیا۔ جبکہ ابن ابی قیتبہ کے مطابق صلح کی کوششوں کے دوران حضرت فاطمہ نے ان دونوں سے مخاطب ہو کر کہا کہ میں تازندگی نماز کے بعد تم دونوں پر بددعا کرتی رہوں گی۔ (15)
شہادت:
تواریخ میں ہے کہ حضور صلی اللہ علیہ و آلہ و سلم کی وفات کے بعد کچھ اصحاب نے بشمول حضرت علی کے ابو بکر کی بیعت نہیں کی۔ حضرت علی گوشہ نشین ہو گئے اس پر حضرت عمر آگ اور لکڑیاں لے آئے اور کہا کہ گھر سے نکلو ورنہ ہم آگ لگا دیں گے۔ حضرت فاطمہ نے کہا کہ اس گھر میں حضور صلی اللہ علیہ و آلہ و سلم کے نواسے حسنین (ع)موجود ہیں۔ انہوں نے کہا کہ ہونے دیں۔(16)
حضرت علی کے باہر نہ آنے پر گھر کو آگ لگا دی گئی۔ حضرت فاطمہ دوڑ کر دروازہ کے قریب آئیں اور کہا کہ ابھی تو میرے باپ کا کفن میلا نہ ہوا۔ یہ تم کیا کر رہے ہو۔ اس پر ان پر دروازہ گرا دیا اسی ضرب سے حضرت فاطمہ شہید ہوئیں۔(17)
کچھ روایات کے مطابق ان کے بطن میں محسن شہید ہوئے۔ حضرت عمر کی قیادت میں حملہ آور جب حضرت فاطمہ زہرا (س) کےگھر میں گھسے تو حضرت فاطمہ نے کہا کہ خدا کی قسم گھرسے نکل جاؤ ورنہ میں سر کے بال کھول دوں گی اور خدا کی بارگاہ میں سخت فریاد کروں گی۔(18)
اس مکمل واقعہ کی روایت بشمول آگ لگانا اور دروازہ گرانے کے ابن قیتبہ، ابوالفداء، ابن عبدربہ وغیرہ نے بھی کی ہے۔(19)
علامہ شبلی نعمانی نے ان واقعات کی صحت کی تصدیق کرتے ہوئےلکھا ہے کہ روایت کے مطابق اس واقعہ سے انکار کی کوئی وجہ نہیں اور حضرت عمر کی تندی اور تیز مزاجی سے یہ حرکت کچھ بعید نہیں۔( 20)
تین جمادی الثانی سنہ 11ھ کو حضرت فاطمہ زہرا کی شہادت واقع ہوئی اور صحیحین کے مطابق حضرت فاطمہ کی وصیت کے مطابق انہیں رات کے وقت دفنایا گیا۔(21)
جنازے میں حضرت علی، حضرت حسن و حسین،حضرت عقیل ابن ابی طالب، حضرت سلمان فارسی، حضرت ابوذر غفاری، حضرت مقداد ابن اسود، حضرت عمار ابن یاسر اور حضرت بریدہ شریک تھے۔ دیگر روایات میں حضرت حذیفہ یمانی، حضرت عباس، حضرت فضل کا ذکر ہے۔ صحیح بخاری میں درج ہے کہ حضرت فاطمہ نے وصیت کی تھی کہ حضرت ابوبکر و حضرت عمر ان کے جنازے میں شریک نہ ہوں۔ بعض روایات میں ہے کہ حضرت فاطمہ نے فرمایا کہ ان میں سے کوئی جنازے میں نہ آئے جن سے میں ناراض ہوں۔
اکثر اور مشہور روایات کے مطابق آپ کوجنت البقیع میں دفن کیا گیا۔ چالیس دیگر قبریں بھی بنائی گئیں تاکہ اصل قبر کا پتہ نہ چل سکے۔جبکہ کچھ روایات کے مطابق گھر میں دفن ہوئیں۔ اور جب عمر ابن عبدالعزیز نے مسجد نبوی کی توسیع کی تو وہ گھر مسجد میں شامل ہو گیا۔ (22)
منابع:
۱: مودۃ القربیِ از سید علی ابن شہاب ہمدانی صفحہ ۶۳
۲: دلائل الامامت از محمد بن جریر الطبری
۳: صحیح البخاری
۴: صحیح بخاری، صحیح مسلم، مسند احمد بن حنبل
۵: تاریخ طبری
۶: تاریخ بلاذری، کشف الغمہ جلد ۲
۷: نور الابصار، مدارج النبوہ جلد ۲
۸: ترمذی، مسند احمد بن حنبل، المعجم الکبیر طبرانی، المسترک حاکم ، صحیح بخآری
۹: صحیح بخاری، صحیح مسلم، الاصابہ فی تمییز الصحابہ
۱۰: ترمذی، مسند احمد بن حنبل حاکم المستدرک ، فتع الباری
۱۱: مسند احمد بن حنبل،السنن الکبری:
۱۲: سنن ابی داؤد، مسند احمد بن حنبل
۱۳: سیرب رسول (ص) از ابن اسحاق
۱۴: فتاویٰ عزیزیہ
۱۵: صحیح بخاری، الامامت و السیاست
۱۶: تاریخ طبری، مروج الذہب
۱۷: مدارج النبوہ
۱۸: تاریخ یعقوبی
۱۹: تاریخ ابو الفدا
۲۰: الفاروق شبلی نعمانی
۲۱: صحیح مسلم ، صحیح بخآری
۲۲: مناقب شہر آشوب، صحیح بخآری جلد ۲، طبقات ابن سعددلائل الامامہ جریر طبری، مدارج النبوہ
منبع :taghribnews.com

 بیشک فاطمہ میری جان کا حصہ ہے،

 تجارت کے اصول و ضوابط 

دربارِ یزید میں زینب ہجومِ عام سے کرنے لگی خطاب
باطل کا کھل رہا ہے بھرم، شام آگئی

بسم اللہ الرحمن الرحیم ۔سب تعریفیں اس خدا کے لئے ہیں جو کائنات کا پروردگار ہے۔ اور خدا کی رحمتیں نازل ہوں پیغمبر اکرم صلی اللہ علیہ و آلہ وسلم پراور ان کی پاکیزہ عترت و اہل بےت پر۔اما بعد ! بالاخر برا ہے انجام ان لوگوں کا جنہوں نے اپنے دامن حیات کو برائیوں کی سیاہی سے داغدار کر کے اپنے خدا کی آیات کی تکذیب کی اور آیات پروردگار کا مذاق اڑایا۔اے یزید!کیا تو سمجھتا ہے کہ تو نے ہم پر زمین کے گوشے اور آسمان کے کنارے تنگ کر دئیے ہیں اور کیا آلِ رسول (ص) کو رسیوں اور زنجیروں میں جکڑ کر دربدر پھرانے سے تو خدا کی بارگاہ میں سرفراز اور رسوا ہوئے ہیں۔ کیا تےرے خیال میں ہم مظلوم ہو کر ذلیل ہو گئے اور تو ظالم بن کر سر بلند ہوا ہے۔ کیا تو سمجھتا ہے کہ ہم پر ظلم کر کے خدا کی بارگاہ میں تجھے شان و مقام حاصل ہو گیا ہے۔ آج تو اپنی ظاہری فتح کی خوشی میں سرمست ہے اور ناک بھوں چڑھاتا ہوا مسرت و شاد مانی سے سرشار ہو کر اپنے غالب ہونے پر اترا رہا ہے۔ اور زمامداری کے ہمارے مسلمہ حقوق کو غصب کر کے خوشی و سرور کا جشن منانے میں مشغول ہے۔
اپنی غلط سوچ پر مغرور نہ ہو اور ذرا دم لے ۔
کیا تو نے خدا کا یہ فرمان بھلا دیا ہے کہ حق کا انکار کرنے والے یہ خیال نہ کریں کہ ہم نے جو انہیں مہلت دی ہے وہ ان کے لئے بہتر ہے۔ بلکہ ہم نے اس لئے ڈھیل دے رکھی ہے کہ جی بھر کر اپنے گناہوں میں اضافہ کر لیں۔اور ان کے لئے خوفناک عذاب معین و مقرر کیا جا چکا ہے۔
اے طلقاء کے بیٹے (آزاد کردہ غلاموں کی اولاد) کیا یہ تیرا انصاف ہے کہ تو نے اپنی مستورات اور لونڈیوں کو چادر اور چار دیواری کا تحفظ فراہم کر کے پردے میں رکھا ہوا ہے۔ جبکہ رسول زادیوں کو سر برہنہ در بدر پھرا رہا ہے۔تو نے مخدرات عصمت کی چادریں لوٹ لیںاور ان کی بے حرمتی کا مرتکب ہوا۔ تےرے حکم پر اشقیاء نے رسول زادیوں کو بے نقاب کر کے شہر بہ شہر پھرایا۔ تےرے حکم پر دشمنان خدا اہل بیت رسول (ص) کی پاکدامن مستورات کو ننگے سر لوگوں کے ہجوم میں لے آئے۔اورلوگ رسول زادیوں کے کھلے سر دیکھ کر ان کا مذاق اڑا رہے ہیں۔اور دور و نزدیک کے رہنے والے سب لوگ ان کی طرف نظریں اٹھا اٹھا کر دیکھ رہے ہیں۔اور ہر شریف و کمینے کی نگاہیں ان پاک بی بیوں کے ننگے سروں پر جمی ہیں۔
آج رسول زادیوں کے ساتھ ہمدردی کرنے والا کوئی نہیں ہے۔
آج ان قیدی مستورات کے ساتھ ان کے مرد موجود نہیں ہیں جو اِن کی سرپرستی کریں۔
آج آلِ محمد کا معین و مددگار کوئی نہیں ہے۔
اس شخص سے بھلائی کی توقع ہی کیا ہو سکتی ہے جو اس خاندان کا چشم و چراغ ہو جس کی بزرگ خاتون(یزید کی دادی)نے پاکیزہ لوگوں کے جگر چبا کر تھوک دیا۔(١)
اور اس شخص سے انصاف کی کیا امید ہو سکتی ہے جس کا گوشت پوست شہیدوں کے خون سے بنا ہو۔
وہ شخص کس طرح ہم اہل بیت پر مظالم ڈھانے میں کمی کر
سکتا ہے جو بغض و عداوت اور کینے سے بھرے ہوئے دل کے ساتھ ہمیں دیکھتا ہے۔
اے یزید ! کیا تجھے شرم نہیں آتی کہ تو اتنے بڑے جرم کا ارتکاب
....................................................
١ یزید کی دادی ہند کو تاریخ میں آکلۃ الاکباد کے نام سے یاد کیا جاتا ہے۔ جس کے معنی ہیں جگر چبا کر کھانے والی۔ کیونکہ جنگ احد میں جب حضرت حمزہؓ شہید ہو گئے تو یہ ظالم عورت ہاتھ میں خنجر لے کر حضرت حمزہؓ کی لاش پر آئی اور ان کا سینہ چاک کر کے ان کا جگر نکالا اور چبانے کے لئے منہ میں رکھا مگر وہ پتھر کی طرح سخت ہو گیا اور وہ اسے نہ چبا سکی۔ لیکن اس کے بعد ہند جگر خوار کے نام سے مشہور ہو گئی۔
کرنے اور اتنے بڑے گناہ کو انجام دینے کے باوجود فخر و مباہات کرتا ہوا یہ کہہ رہا ہے کہ مےرے اسلاف اگر موجود ہوتے تو ان کے دل باغ باغ ہو جاتے اور مجھے دعائیں دیتے ہوئے کہتے کہ اے یزید تےرے ہاتھ شل نہ ہوں۔
اے یزید ! کیا تجھے حیا نہیں آتی کہ تو جوانانِ جنت کے سردار حسین ابن علی (ع) کے دندان مبارک پر چھڑی مار کر ان کی بے ادبی کر رہا ہے۔
اے یزید تو کیوں نہ خوش ہو اور فخر و مباہات کے قصیدے پڑھے کیونکہ تو نے اپنے ظلم و استبداد کے ذریعے ہمارے دلوں کے زخموں کو گہرا کر دیا ہے۔اور شجرہ طیبہ کی جڑیں کاٹنے کے گھناؤنے جرم کا مرتکب ہوا ہے۔
تو نے اولاد رسول (ص) کے خون میں اپنے ہاتھ رنگین کئے ہیں۔
تو نے عبدالمطلب کے خاندان کے ان نوجوانوں کو تہہ تیغ کیا ہے۔ جن کی عظمت و کردار کے درخشندہ ستارے زمین کے گوشے گوشے کو منور کیے ہوئے ہیں۔
آج تو آلِ رسول (ص) کو قتل کر کے اپنے بد نہاد اسلاف کو پکار کر انہیں اپنی فتح کے گیت سنانے میں منہمک ہے۔
تو عنقریب اپنے ان کافر بزرگوں کے ساتھ مل جائے گا۔ اور اُس واقت اپنی گفتار و کردار پر پشیمان ہو کر یہ آرزو کرے گا کہ کاش میرے ہاتھ شل ہو جاتے اور مےری زبان بولنے سے عاجز ہوتی۔اور میں نے جو کچھ کیا اور کہا اس سے میں باز رہتا۔
اس کے بعد حضرت زینب نے آسمان کی طرف منہ کر بارگاہِ الٰہی میں عرض کی !
اے ہمارے کردگارِ حق تو ہمارا حق ان ظالموں سے ہمیں دلا دے اور تو ہمارے حق کا بدلہ ان سے لے۔
اے پردگار تو ہی ان ستمگروں سے ہمارا انتقام لے۔
اور اے خدا تو ہی ان پر اپنا غضب نازل فرما جس نے ہمارے عزیزوں کو خون میں نہلایا اور ہمارے مددگاروں کو تہہ تیغ کر دیا۔
اے یزید ! تو نے جو ظلم کیا ہے اپنے ساتھ کیا ہے۔تو نے کسی کی نہیں بلکہ اپنی ہی کھال چاک کی ہے۔اور تو نے کسی کا نہیں بلکہ اپنا ہی گوشت کاٹا ہے۔ تو رسولِ خدا ؐ کے سامنے ایک مجرم کی صورت لایا جائے گا اور تجھ سے تےرے اس گھناؤنے جرم کی باز پرس ہو گی کہ تو نے اولادِ رسولؐ کا خونِ ناحق کیوں بہایا اور رسول زادیوں کو دربدر کیوں پھرایا۔نیز رسول (ص) کے جگر پاروں کے ساتھ ظلم کیوں روا رکھا۔
اے یزید ! یاد رکھ کہ خدا آلِ رسول (ص) کاتجھ سے انتقام لے کر ان مظلوموں کا حق انہیں دلائے گا۔اور انہیں امن و سکون کی نعمت سے مالامال کر دے گا۔خدا کا فرمان ہے کہ تم گمان نہ کرو کہ جو لوگ راہِ خدا میں مارے گئے وہ مر مٹ چکے ہیں۔ بلکہ وہ ہمیشہ کی زندگی پا گئے اور بارگاہِ الٰہی میں سے روزی پا رہے ہیں۔
اے یزید ! یاد رکھ کہ تو نے جو ظلم آلِ محمد پر ڈھائے ہیں اس پر رسول خدا ؐ عدالتِ الٰہی میں تےرے خلاف شکاےت کریں گے۔ اور جبرائیلِ امین آلِ رسول کی گواہی دیں گے۔پھر خدا اپنے عدل و انصاف کے ذریعے تجھے سخت عذاب میں مبتلا کر دے گا۔ اور یہی بات تےرے برے انجام کے لئے کافی ہے۔
عنقریب وہ لوگ بھی اپنے انجام کو پہنچ جائیں گے جنہوں نے تےرے لئے ظلم و استبداد کی بنیادیں مضبوط کیں اور تےری آمرانہ سلطنت کی بساط بچھا کر تجھے اہل اسلام پر مسلط کر دیا۔ ان لوگوں کو بہت جلد معلوم ہو جائے گا کہ ستمگروں کا انجام برا ہوتا ہے اور کس کے ساتھی ناتوانی کا شکار ہیں۔
اے یزید ! یہ گردش ایام اور حوادث روزگار کا اثر ہے کہ مجھے تجھ جیسے بدنہاد سے ہمکلام ہونا پڑا ہے اور میں تجھ جیسے ظالم و ستمگر سے گفتگو کر رہی ہوں۔ لیکن یاد رکھ میری نظر میں توُ ایک نہایت پست اور گھٹیا شخص ہے جس کلام کرنا بھی شریفوں توہین ہے۔ میری اس جرأت سخن پر توُ مجھے اپنے ستم کا نشانہ ہی کیوں نہ بنا دے لیکن میں اسے ایک عظیم امتحان اور آزمائش سمجھتے ہوئے صبر و استقلال اختیار کروں گی اور تےری بد کلامی و بد سلوکی میرے عزم و استقلال پر اثر انداز نہیں ہو سکتی۔
اے یزید ! آج ہماری آنکھیں اشکبار ہیں اور سینوں میں آتش غم کے شعلے بھڑک رہے ہیں۔افسوس تو اس بات پر ہے کہ شیطان کے ہمنواؤں اور بدنام لوگوں نے رحمان کے سپاہیوں اور پاکباز لوگوں کو تہہ تیغ کرڈالا ہے۔ اور ابھی تک اس شیطانی ٹولے کے ہاتھوں سے ہمارے پاک خون کے قطرے ٹپک رہے ہیں۔ ان کے ناپاک دہن ہمارا گوشت چبانے میں مصروف ہیں اور صحرا کے بھیڑئےے ان پاکباز شہیدوں کے مظلوم لاشوں کے ارد گرد گھوم رہے ہیں اور جنگل کے نجس درندے ان پاکیزہ جسموں کی بے حرمتی کر رہے ہیں۔
اے یزید ! اگر آج تو ہماری مظلومیت پر خوش ہو رہا ہے اور اسے اپنے دل کی تسکین کا باعث سمجھ رہاہے تو یاد رکھ کہ جب قیامت کے دن اپنی بد کرداری کی سزا پائے گا تو اس کا برداشت کرنا تےرے بس سے باہر ہوگا۔ خدا عادل ہے اور وہ اپنے بندوں پر ظلم نہیں کرتا۔ ہم اپنی مظلومیت اپنے خدا کے سامنے پیش کرتے ہیں۔ اور ہر حال میں اسی کی عنایات اور عدل و انصاف پر ہمارا بھروسہ ہے۔
اے یزید ! تو جتنا چاہے مکر و فریب کر لے اور بھر پور کوشش کر کے دیکھ لے مگر تمہیں معلوم ہونا چاہئےے کہ تو نہ تو ہماری یاد لوگوں کے دلوں سے مٹا سکتا ہے اور نہ ہی وحی الٰہی کے پاکیزہ آثار محو کر سکتا ہے۔
تو یہ خیال اپنے دل سے نکال دے کہ ظاہر سازی کے ذریعے ہماری شان و منزلت کو پا لے گا۔
تو نے جس گھناؤنے جرم کا ارتکاب کیا ہے اس کا بد نما داغ اپنے دامن سے نہیں دھو سکتا۔ تےرا نظریہ نہایت کمزور اور گھٹیا ہے۔
تےری حیات اقتدار میں گنتی کے چند دن باقی ہیں۔تےرے سب ساتھی تےرا ساتھ چھوڑ جائیں گے۔تےرے پاس اس دن کے لئے حےرت و پریشانی کے سوا کچھ بھی نہیں جب منادی ندا کرے گا کہ ظالم و ستمگر لوگوں کے لئے خدا کی لعنت ہے ۔
ہم خدائے قدوس کی بارگاہ میں سپاس گزار ہیں کہ ہمارے خاندان کے پہلے فرد (حضرت محمد مصطفی صلی اللہ علیہ و آلہ وسلم) کو سعادت و مغفرت سے بہرہ مند فرمایا اور ہمارے آخر (امام حسین علیہ السلام) کو شہادت و رحمت کی نعمتوں سے نوازا۔ہم بارگاہِ ایزدی میں دعا کرتے ہیں کہ ہمارے شہیدوں کے ثواب و اجر میں اضافہ و تکمیل فرمائے اور ہم باقی سب افراد کو اپنی عنایتوں سے نوازے ، بے شک خدا ہی رحم و رحمت کرنے والا اور حقیقی معنوں میں مہربان ہے۔ خدا کی عنایتوں کے سوا ہمیں کچھ مطلوب نہیں اور ہمیں صرف اور صرف اسی کی ذات پر بھروسہ ہے اس لئے کہ اس سے بہتر کوئی سہارا نہیں ہے۔
خطبہ کے اثرات : سیدہ زینبِ کبریٰ کا حقیقت آمیز مگر آتشیں خطبہ سن کر یزید کانپنے لگا اور اپنے جرائم کے تمام راز فاش ہونے اور اپنے برے انجام کا سن کر اس کے حواس باختہ ہو گئے اسے کچھ نہیں سوجھتا تھا کہ کیا کرے اور کیا کہے جس سے اس کی بد اعمالیوں اور گھناؤنے کردار پر پردہ پڑ سکے۔ اپنے انجام کا تصور کر کے کہنے لگا !
میری دنیا بھی آخرت بھی گئی ایسی رسوائیاں نصیب ہوئیں
بے اثر ہے ہر ایک فریاد موت کی گھڑیاں اب قریب ہوئیں
نمونہ ئ سخن : جنابِ زینب نے اپنے اس خطبے میں حقائق کے اظہار کیا
جو انقلاب آفریں انداز اختیار کیا ہے اس کی نظیر کہیں عالم میں نہیں ملتی اور حق و حقیقت کی ترجمانی کر تے ہوئے فطرت کی رعنائیوں کو آزادی و حریت سے ہم آہنگ کرکے جرأت بیان کا جو مقدس نمونہ پیش کیا ہے وہ ہر صاحب فکر و دانش کے لئے قابلِ تقلید ہے۔
جنابِ زینب نے اپنے مقدس بیان کی روشنی میں دنیائے انسانیت کو حقائق کے اظہار کا فطری طریقہ فطری حقوق کے تحفظ کا سلیقہ اور حقیقت و عقیدت کے امتزاج کا ڈھنگ سکھایا ہے۔
اعلائے کلمہئ حق : سیدہ زینب نے بتلایا کہ ظالم و ستمگر کے سامنے کلمہ حق کس طرح کہا جاتا ہے۔ اور زبان و بیان کی قوت کو شمشیر و سناں سے زیادہ تیز اثر دے کر کس طرح لوگوں کے دلوں میں اترا جاتا ہے۔
علی (ع) کی بیٹی نے اپنے خطبے کے بل بوتے پر مظلوم انسانوں کا استحصال کرنے والوں کے خلاف قیام کرنے کے آداب سکھائے۔
قصرِ یزیدیت کی تاراجی : جنابِ زینب عالیہ نے جس پاکیزہ انداز میں بنی امیہ کی نخوت کا کاخِ مرمر اپنے بیان کی قوت سے ریزہ ریزہ کیا اس کے سامنے یزید کا سر ندامت و شرمندگی سے جھک گیا اور اسے رسولؐ زادی کا استدلال اس طرح رسوا کر گیا کہ وہ سوچنے لگا کہ کاش ! زمین کا منہ کھل جائے اور وہ اس میں چھپ کر اپنی رہی سہی عزت بچا سکے مگر اب وقت گزر چکا تھا۔ افسوس و ندامت کی گھڑیاں بیت چکی تھیں اور اموی خاندان کی طاغوتیت اور فرعونیت کا بت پاش پاش ہو چکا تھا اور ان کی سطوت و آمریت کے چراغ گل ہو چکے تھے۔ اور اب یزید کے ایوانِ اقتدار پر مایوسی ، پریشانی ، اضطراب اور ندامت کے سائے محیط تھے۔
انقلاب آفرین خطبہِ : زینبِ(سلام اللہ علیہا) کبریٰ کے تاریخی خطبے کی انقلاب آفرین تاثیر رہتی دنیا تک بنی ہاشم کی شجاعت کا پرچم سربلند رکھے گی۔ اور فطرت کی رعنائیوں اور زیبائیوں کے مشتاق علی (ع) کی بیٹی کے عصمت شعار خطاب کی روشنی میں شعور نظر ، شعارِ حقیقت ، احساس عظمت و قوت ارادہ ، حسن اخلاق اور کسب کمال کی نعمتوں سے بہرہ ور ہوتے رہیں گے۔
خطباتِ سیدہ اور واقعاتِ کربلا : حضرت سیدہ زینب کے حقیقت شعار خطبے سے ہر دور میں ظالم و ستمگر حکمرانوں کے ایوانِ اقتدار لرزتے رہیں گے اور مالی طاقت کے بل بوتے پر انسانیت کا خون کرنے والے طاغوت ، علی (ع) کی بیٹی کے اس تاریخی خطاب کی انقلاب آفرینی سے نہ نچ سکیں گے۔ اور جب بھی کربلا کے خونیں واقعے کا تذکرہ ہو گا تو جنابِ زینب کے خطبوں کی یاد تازہ ہو جائے گی۔
ایمان کی منزل کفِ پا چوم رہی ہے
ملت کی جبیں نقشِ وفا چوم رہی ہے
اے بنت علی (ع) عارفہ لہجہ قرآن
خطبوں کو ترے وحی خدا چوم رہی ہے
منبع:http://www.alhassanain.org

 حضرت زینب(سلام اللہ علیہا) کا دربارِ یزید میں خطبہ 

 خلافت راشدہ وراثت انبیاء

یہ تو سبھي جانتے ہيں کہ روزہ خرابي معدہ کے مريضوں کےلئے يا بھاري جسم والوں کے لئے بہت مفيد ہے طب يوناني کے علاوہ مغرب کے بلند پايہ ڈاکٹر بھي روزہ کي طبي اہميت کو تسليم کرتے ہيں – غذا کے ہضم ہونے ميں بدن کي جو قوت صرف ہوتي ہے روزہ رکھنے کي صورت ميں يہي قوت بدن سے فاسد اور ردي مادوں کو خارج کرتي ہے جس سے جسم پاک وصاف ہو جاتا ہے پرانے امراض مثلاً دائمي نزلہ ، ذيابيطيس ،ہائي بلڈ پريشر اور معدہ کي خرابي ميں روزہ بہت ہي مفيد اثرات مرتب کرتا ہے اس سے بدن کي قوت مدافعت کو اس قدر طاقت ملتي ہے (قوت مدافعت جسم انساني کو امراض وآلام سے محفوظ رکھتي ہے )کہ سال بھر تک بدن صحت مند رہتا ہے اس کے علاوہ ايسے لوگ جو غير شادي شدہ ہيں روزہ رکھنے سے ان کے اندر ايک ڈسپيلن صبر اور ضبط نفس پيدا ہو جاتا ہے - کيا کھائيں کيا نہ کھائيں ؟

روزہ رکھنے سے نہ صرف روحاني ، پاکيزگي اور تزکيہ نفس ہوتا ہے بلکہ انسان مختلف امراض سے بھي نجات حاصل کرتا ہے روزہ ميں جسم انساني توانائي سے بھر جاتا ہے مگر يہ تمام فوائد صرف اسي صورت ميں حاصل ہو سکتے ہيں جب ہم غذا کے بارے ميں افراط و تفريط کا شکار نہ ہوں اور کھانے پينے ميں اعتدال کي راہ اختيار کريں آج بھي اکثر لوگو ں کو يہ غلط فہمي ہے کہ روزہ رکھنے سے کمزوري آتي ہے يہ سراسر غلط ہے کيونکہ رمضان ميں پروٹين اور کابوہائيڈريٹ اجزاء سے پر غذا عام دنوں کے مقابلے ميں زيادہ استعمال کي جاتي ہے پھر تمام روز سحري ميں بھي غذا استعمال کي جاتي ہے اس طرح روزہ رکھنے سے کسي بھي قسم کي کمزوري لاحق نہيں ہوتي بلکہ اس کا سب سے بڑا فائدہ تو يہ ہوتا ہے کہ اس صورت ميں جسم سے فاسد مواد خارج ہو جاتے ہيں -

روزہ دار کمزوري کے خيال سے خوب کھاتے ہيں افطاري کے وقت پکوڑے ، سموسے ، مٹھائي ، کھجور اور پھل وغيرہ شوق سے کھاتے ہيں پھر کھانے ميں گھي سے پر مختلف اقسام کے کھانے بڑے مزے سے کھائے جاتے ہيں سحري ميں پر اٹھے انڈے ، گوشت وغيرہ سے کام و دہن کي تواضع کي جاتي ہے جس سے کھٹے ڈکار آتے ہيں طبيعت ميں بوجھل پن ہوتا ہے اور معدہ خراب ہو جاتا ہے اس لئے رمضان المبارک ميں ہلکي غذا استعمال کرنا سب سے عمدہ خيال کيا جاتا ہے خاص طور سے ايسي غذا جس ميں گھي وغيرہ کي مقدار برائے نام ہو- افطار کے وقت کھجور اور کوئي نمکين چيز استعمال کريں نمک پارے يا نمک استعمال کريں کيونکہ انسان تمام دن فاقہ سے ہوتا ہے اس لئے جسم ميں نمک کي کمي ہو جاتي ہے اور جسم نمکين چيز کا طالب ہوتا ہے تاکہ اس کي کمي کو پورا کر سکے – کھجور سے روزہ افطار کرنا سنت ہے کيونکہ يہ دن بھر کي کمزوري کو دور کرديتي ہے ايک چھٹانک کھجور ميں 160 غذائي حرارے قوت ہوتي ہے ايک چھٹانک انگور ميں 26 اور ايک چھٹانک انار ميں 32 حرارے غذائي قوت ہوتي ہے افطار کے وقت چائے اور دودھ بھي استعمال کر سکتے ہيں – آلو ، بينگن ، ماش کي ڈال چنے وغيرہ کھانے سے پرہيز کريں – پلاو  يا کھچڑي کھائيں رات کا کھانا کھانے کے بعد تراويح پڑھيں تاکہ کھانا ہضم ہو جائے صبح سحري ميں ہلکا پھلکا کھانا کھائيں خاص طور پر سبزي اور بکري کے گوشت کا شوربہ اور پيالي بھر چائے نہايت مفيد ہے -

 روزہ کے بے شمار فوائد

 سورة الأحزاب ترجمہ محمد خان جونا گڈھی 

سَبِّحِ اسْمَ رَبِّكَ الأَعْلَى
اپنے رب کے نام کی تسبیح کریں جو سب سے بلند ہے
الَّذِي خَلَقَ فَسَوَّى
جس نے (کائنات کی ہر چیز کو) پیدا کیا پھر اسے (جملہ تقاضوں کی تکمیل کے ساتھ) درست توازن دیا
وَالَّذِي قَدَّرَ فَهَدَى
اور جس نے (ہر ہر چیز کے لئے) قانون مقرر کیا پھر (اسے اپنے اپنے نظام کے مطابق رہنے اور چلنے کا) راستہ بتایا
وَالَّذِي أَخْرَجَ الْمَرْعَى
اور جس نے (زمین سے) چارہ نکالا
فَجَعَلَهُ غُثَاء أَحْوَى
پھر اسے سیاہی مائل خشک کردیا
سَنُقْرِؤُكَ فَلاَ تَنسَى
(اے حبیبِ مکرّم!) ہم آپ کو خود (ایسا) پڑھائیں گے کہ آپ (کبھی) نہیں بھولیں گے
إِلاَّ مَا شَاء اللَّهُ إِنَّهُ يَعْلَمُ الْجَهْرَ وَمَا يَخْفَى
مگر جو اﷲ چاہے، بیشک وہ جہر اور خفی (یعنی ظاہر و پوشیدہ اور بلند و آہستہ) سب باتوں کو جانتا ہے
وَنُيَسِّرُكَ لِلْيُسْرَى
اور ہم آپ کو اس آسان (شریعت پر عمل پیرا ہونے) کے لئے (بھی) سہولت فراہم فرمائیں گے
فَذَكِّرْ إِن نَّفَعَتِ الذِّكْرَى
پس آپ نصیحت فرماتے رہیے بشرطیکہ نصیحت (سننے والوں کو) فائدہ دے
سَيَذَّكَّرُ مَن يَخْشَى
البتہ وہی نصیحت قبول کرے گا جو اﷲ سے ڈرتا ہوگا
وَيَتَجَنَّبُهَا الأَشْقَى
اور بدبخت اس (نصیحت) سے پہلو تہی کرے گا
الَّذِي يَصْلَى النَّارَ الْكُبْرَى
جو (قیامت کے دن) سب سے بڑی آگ میں داخل ہوگا
ثُمَّ لاَ يَمُوتُ فِيهَا وَلاَ يَحْيَى
پھر وہ اس میں نہ مرے گا اور نہ جیئے گا
قَدْ أَفْلَحَ مَن تَزَكَّى
بیشک وہی بامراد ہوا جو (نفس کی آفتوں اور گناہ کی آلودگیوں سے) پاک ہوگیا
وَذَكَرَ اسْمَ رَبِّهِ فَصَلَّى
اور وہ اپنے رب کے نام کا ذکر کرتا رہا اور (کثرت و پابندی سے) نماز پڑھتا رہا
بَلْ تُؤْثِرُونَ الْحَيَاةَ الدُّنْيَا
بلکہ تم (اﷲ کی طرف رجوع کرنے کی بجائے) دنیاوی زندگی (کی لذتوں) کو اختیار کرتے ہو
وَالآخِرَةُ خَيْرٌ وَأَبْقَى
حالانکہ آخرت (کی لذت و راحت) بہتر اور ہمیشہ باقی رہنے والی ہے
إِنَّ هَذَا لَفِي الصُّحُفِ الأُولَى
بیشک یہ (تعلیم) اگلے صحیفوں میں (بھی مذکور) ہے
صُحُفِ إِبْرَاهِيمَ وَمُوسَى
(جو) ابراہیم اور موسٰی (علیہما السلام) کے صحائف ہیں

 سورة الأعلى ترجمہ طاہر القادری 

 سورة الأنعام ترجمہ احمد رضا خان

 سورة الأنعام ترجمہ احمد علی لاہوری 

 سورة البقرة  ترجمہ احمد رضا خان 

أَلْهَاكُمُ التَّكَاثُر
تمہیں کثرتِ مال کی ہوس اور فخر نے (آخرت سے) غافل کر دیا
حَتَّى زُرْتُمُ الْمَقَابِر
یہاں تک کہ تم قبروں میں جا پہنچے
كَلاَّ سَوْفَ تَعْلَمُون
ہرگز نہیں! (مال و دولت تمہارے کام نہیں آئیں گے) تم عنقریب (اس حقیقت کو) جان لو گے
ثُمَّ كَلاَّ سَوْفَ تَعْلَمُون
پھر (آگاہ کیا جاتا ہے:) ہرگز نہیں! عنقریب تمہیں (اپنا انجام) معلوم ہو جائے گا
كَلاَّ لَوْ تَعْلَمُونَ عِلْمَ الْيَقِين
ہاں ہاں! کاش تم (مال و زَر کی ہوس اور اپنی غفلت کے انجام کو) یقینی علم کے ساتھ جانتے (تو دنیا میں کھو کر آخرت کو اس طرح نہ بھولتے)
لَتَرَوُنَّ الْجَحِيم
تم (اپنی حرص کے نتیجے میں) دوزخ کو ضرور دیکھ کر رہو گے
ثُمَّ لَتَرَوُنَّهَا عَيْنَ الْيَقِين
پھر تم اسے ضرور یقین کی آنکھ سے دیکھ لو گے
ثُمَّ لَتُسْأَلُنَّ يَوْمَئِذٍ عَنِ النَّعِيم
پھر اس دن تم سے (اﷲ کی) نعمتوں کے بارے میں ضرور پوچھا جائے گا (کہ تم نے انہیں کہاں کہاں اور کیسے کیسے خرچ کیا تھا)

 سورة التكاثر ترجمہ طاہر القادری 

إِذَا الشَّمْسُ كُوِّرَت
جب سورج لپیٹ کر بے نور کر دیا جائے گا
وَإِذَا النُّجُومُ انكَدَرَت
اور جب ستارے (اپنی کہکشاؤں سے) گر پڑیں گے
وَإِذَا الْجِبَالُ سُيِّرَت
اور جب پہاڑ (غبار بنا کر فضا میں) چلا دیئے جائیں گے
وَإِذَا الْعِشَارُ عُطِّلَت
اور جب حاملہ اونٹنیاں بے کار چھوٹی پھریں گی (کوئی ان کا خبر گیر نہ ہوگا)
وَإِذَا الْوُحُوشُ حُشِرَت
اور جب وحشی جانور (خوف کے مارے) جمع کر دیئے جائیں گے
وَإِذَا الْبِحَارُ سُجِّرَت
جب سمندر اور دریا (سب) ابھار دیئے جائیں گے
وَإِذَا النُّفُوسُ زُوِّجَت
اور جب روحیں (بدنوں سے) ملا دی جائیں گی
وَإِذَا الْمَوْؤُودَةُ سُئِلَت
اور جب زندہ دفن کی ہوئی لڑکی سے پوچھا جائے گا
بِأَيِّ ذَنبٍ قُتِلَت
کہ وہ کس گناہ کے باعث قتل کی گئی تھی
وَإِذَا الصُّحُفُ نُشِرَت
اور جب اَعمال نامے کھول دیئے جائیں گے
وَإِذَا السَّمَاء كُشِطَت
اور جب سماوی طبقات کو پھاڑ کر اپنی جگہوں سے ہٹا دیا جائے گا
وَإِذَا الْجَحِيمُ سُعِّرَت
اور جب دوزخ (کی آگ) بھڑکائی جائے گی
وَإِذَا الْجَنَّةُ أُزْلِفَت
اور جب جنت قریب کر دی جائے گی
عَلِمَتْ نَفْسٌ مَّا أَحْضَرَت
ہر شخص جان لے گا جو کچھ اس نے حاضر کیا ہے
فَلاَ أُقْسِمُ بِالْخُنَّس
تو میں قَسم کھاتا ہوں ان (آسمانی کرّوں) کی جو (ظاہر ہونے کے بعد) پیچھے ہٹ جاتے ہیں
الْجَوَارِ الْكُنَّس
جو بلا روک ٹوک چلتے رہتے ہیں (پھر ظاہر ہو کر) چھپ جاتے ہیں
وَاللَّيْلِ إِذَا عَسْعَس
اور رات کی قَسم جب اس کی تاریکی جانے لگے
وَالصُّبْحِ إِذَا تَنَفَّس
اور صبح کی قَسم جب اس کی روشنی آنے لگے
إِنَّهُ لَقَوْلُ رَسُولٍ كَرِيم
بیشک یہ (قرآن) بڑی عزت و بزرگی والے رسول کا (پڑھا ہوا) کلام ہے
ذِي قُوَّةٍ عِندَ ذِي الْعَرْشِ مَكِين
جو (دعوتِ حق، تبلیغِ رسالت اور روحانی استعداد میں) قوت و ہمت والے ہیں (اور) مالکِ عرش کے حضور بڑی قدر و منزلت (اور جاہ و عظمت) والے ہیں
مُطَاعٍ ثَمَّ أَمِين
(تمام جہانوں کے لئے) واجب الاطاعت ہیں (کیونکہ ان کی اطاعت ہی اللہ کی اطاعت ہے)، امانت دار ہیں (وحی اور زمین و آسمان کے سب اُلوہی رازوں کے حامل ہیں)
وَمَا صَاحِبُكُم بِمَجْنُون
اور (اے لوگو!) یہ تمہیں اپنی صحبت سے نوازنے والے (محمد صلی اللہ علیہ وآلہ وسلم) دیوانے نہیں ہیں (جو فرماتے ہیں وہ حق ہوتا ہے)
وَلَقَدْ رَآهُ بِالأُفُقِ الْمُبِين
اور بیشک انہوں نے اس (مالکِ عرش کے حُسنِ مطلق) کو (لامکاں کے) روشن کنارے پر دیکھا ہے٭
وَمَا هُوَ عَلَى الْغَيْبِ بِضَنِين
اور وہ (یعنی نبئ اکرم صلی اللہ علیہ وآلہ وسلم) غیب (کے بتانے) پر بالکل بخیل نہیں ہیں (مالکِ عرش نے ان کے لئے کوئی کمی نہیں چھوڑی)
وَمَا هُوَ بِقَوْلِ شَيْطَانٍ رَجِيم
اور وہ (قرآن) ہرگز کسی شیطان مردود کا کلام نہیں ہے
فَأَيْنَ تَذْهَبُون
پھر (اے بدبختو!) تم (اتنے بڑے خزانے کو چھوڑ کر) کدھر چلے جا رہے ہو
إِنْ هُوَ إِلاَّ ذِكْرٌ لِّلْعَالَمِين
یہ (قرآن) تو تمام جہانوں کے لئے (صحیفہء) نصیحت ہے
لِمَن شَاء مِنكُمْ أَن يَسْتَقِيم
تم میں سے ہر اس شخص کے لئے (اس چشمہ سے ہدایت میسر آسکتی ہے) جو سیدھی راہ چلنا چاہے
وَمَا تَشَاؤُونَ إِلاَّ أَن يَشَاء اللَّهُ رَبُّ الْعَالَمِين
اور تم وہی کچھ چاہ سکتے ہو جو اللہ چاہے جو تمام جہانوں کا رب ہے

 سورة التكوير ترجمہ طاہر القادری 

 سورة التوبة ترجمہ احمد رضا خان

 سورة التوبة ترجمہ احمد علی لاہوری 

اسلامی ادب میں لفظ "تعلیم" اور "تربیت" عموماً ایک ساتھ استعمال ہوتے ہیں اور علماء و اساتذۂ کرام بھی تعلیم سے زیادہ تربیت کی اہمیت کے قائل ہیں۔
قرآن کریم اور پیغمبراکرمﷺواہل بیت علیہم السلام کی روایات میں تربت اور تزکیۂ نفس کے مسئلہ پر بہت زور دیا گیا ہے اور اس سلسلے میں یہاں تک وارد ہوا ہے کہ "تربیت" کے بغیر "علم" "سراج منیر" کے بجائے "حجاب" بن جاتا ہے اور ترقی و تکامل کی راہ میں مانع قرار پاتا ہے۔
اسی لیے "اسلامی آداب" اور "تربت و تزکۂ نفس" کو نظام تعلیم میں بنیادی رکن کی حیثیت حاصل ہے اور انہیں نظر انداز کردینے کی وجہ سے معاشرے میں بھیانک نتائج سامنے آتے ہیں۔
ان سارے حالات کو مدّ نظر رکھتے ہوئے اپنے نوجوان طبقے کو تعلیمی معیار کے لحاظ سے ایسے اسباق کی ضرورت ہے جو انہیں صحیح و سالم راستے پر لے کر جانے میں معاون ثابت وہ اور یہ کتاب اپنے مندرجات کے ہمراہ اس تکلیف کو پوری طرح سے ادا کرنے میں کامیاب ہے۔
آپ کے سامنے اس وقت جو کتاب ہے یہ "سازمان مدارس و حوزات علمیہ" کے نصابِ تعلیم کا حصہ ہے جسے اس ادارہ کے شعبۂ نصاب تعلیم نے حوزات علمیہ کے ابتدائی درجات کے لیے تدوین کیا ہے۔

Author

Editor

Interpreter

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

Votes

آداب اسلامی ج۱

اسلامی ادب میں لفظ "تعلیم" اور "تربیت" عموماً ایک ساتھ استعمال ہوتے ہیں اور علماء و اساتذۂ کرام بھی تعلیم سے زیادہ تربیت کی اہمیت کے قائل ہیں۔

قرآن کریم اور پیغمبراکرمﷺواہل بیت علیہم السلام کی روایات میں تربت اور تزکیۂ نفس کے مسئلہ پر بہت زور دیا گیا ہے اور اس سلسلے میں یہاں تک وارد ہوا ہے کہ "تربیت" کے بغیر "علم" "سراج منیر" کے بجائے "حجاب" بن جاتا ہے اور ترقی و تکامل کی راہ میں مانع قرار پاتا ہے۔

اسی لیے "اسلامی آداب" اور "تربت و تزکۂ نفس" کو نظام تعلیم میں بنیادی رکن کی حیثیت حاصل ہے اور انہیں نظر انداز کردینے کی وجہ سے معاشرے میں بھیانک نتائج سامنے آتے ہیں۔

ان سارے حالات کو مدّ نظر رکھتے ہوئے اپنے نوجوان طبقے کو تعلیمی معیار کے لحاظ سے ایسے اسباق کی ضرورت ہے جو انہیں صحیح و سالم راستے پر لے کر جانے میں معاون ثابت وہ اور یہ کتاب اپنے مندرجات کے ہمراہ اس تکلیف کو پوری طرح سے ادا کرنے میں کامیاب ہے۔

آپ کے سامنے اس وقت جو کتاب ہے یہ "سازمان مدارس و حوزات علمیہ" کے نصابِ تعلیم کا حصہ ہے جسے اس ادارہ کے شعبۂ نصاب تعلیم نے حوزات علمیہ کے ابتدائی درجات کے لیے تدوین کیا ہے۔

آداب اسلامی ج۲

پیغمبر اکرمﷺ اور ائمۂ معصومینؑ کے ارشادات کے مطابق جہاں قرآن کریم کی تلاوت کے بارے میں تاکید کی گئی ہے ساتھ ہی "آدابِ تلاوتِ قرآن" کی پابندی کرنے کا حکم بھی دیا گیا ہے۔
ان آداب کا خیال رکھنا جہاں قاری کے حصے میں زیادہ ثواب کا باعث ہے وہاں اسے قرآن کے انتہائی مقصد یعنی قرآن کریم کے معانی کو سمجھنے کے بعد اس پر عمل کرنے کے قریب بھی کرتا ہے۔
یہ آداب حضور اکرم اور ائمہ معصومینؑ کے ارشادات میں بڑی وسعت کے ساتھ بیان ہوئے ہیں، یہ کتاب جو آپ کے پیش نظر ہے اس میں زیادہ سے زیادہ "آدابِ تلاوتِ قرآن" عام عام قارئین قرآن کے لیے بیان کیے گئے ہیں جو خصوصاً نوجوانوں کے لیے سادہ اور سلیس زبان میں ہے، ان آداب کے بیان میں ایک خاص ترتیب کا خیال رکھا گیا ہے، اس کے مصنف آقائے ابوالفضل علامی میانجی ہیں جس کا اردو ترجمہ جناب سید ذوالفقار علی زیدی نے نہایت سلیس انداز میں کیا ہے۔
اس کتاب کو ایک اور چیز جو خاص بناتی ہے اسکے حصۂ دوم میں قرآنی سورتوں کے خواص کا ذکر ہے جسمیں تمام قرآنی سورتوں کے خواص بیان کیے گئے ہیں یعنی آداب تلاوت قرآن کے ساتھ ہی قرآن مجید کے سوروں کے جو خواص ہیں اس کا بھی علم قاری کو حاصل ہوتا ہے ضروری مطالعہ فرمائیں۔

آداب تلاوت قرآن

زیر نظر کتاب: ’’ابوطالب مظلوم تاریخ‘‘ ایک گرانبہا کتاب ’’الغدیر‘‘ کی جلد سات اور آٹھ  کے ان حصوں کا ترجمہ ہے جو امیرالمومنین امام علی علیہ السلام کے والد بزرگوار حضرت ابوطالب علیہ السلام  کے حالات زندگی مشتمل ہیں اور اور بلاشبہ ’’الغدیر‘‘ کے فاضل مؤلف نے دیگر موضوعات کی طرح اس موضوع میں بھی تحقیق و تالیف کا حق ادا کر دیا ہے۔
اردوزبان میں ابوطالب بن عبدالمطلب کی شخصیت پر بہت ہی کم لکھا گیا ہے اور جو کچھ لکھا گیا ہے، اس میں بھی اختلاف نظر پایا جاتا ہے۔ اس ضمن میں سب سے اہم امر تو یہ دیکھنا ہے کہ حضرت ابوطالب جیسے بزرگوار نے اپنی زندگی میں کونسے کام کس طرح انجام دیئے، تاریخ کی شہادتوں کے مطابق کہ جن میں سے کچھ اس کتاب میں شامل ہیں، حضرت ابوطالب علیہ السلام  نے اپنی عمر کا بیشتر حصہ اسلام کی صحیح تعلیم اور پیغمبر اسلام صلی اللہ علیہ وآلہ کے دفاع میں گزارا، اس سلسلے میں انہوں نے اپنے قبیلے یعنی قریش کا غصہ مول لیا، طعنے برداشت کیے اور شعب ابوطالب کی سختیاں اور تکلیفیں اٹھائیں، حقیقت یہ ہے کہ اسلام کی وہ نئی اور انقلابی تحریک جو رسول اکرم صلی اللہ علیہ وآلہ وسلم کی رہنمائی میں چل رہی تھی؛ شعب ابوطالب کا واقعہ اس کے خلاف قریش کی جانب سے بیک وقت سیاسی، اقتصادی اور معاشرتی دباؤ کی حیثیت رکھتا تھا۔ ان مشکل حالات میں حضرت ابوطالب علیہ السلام نے مختلف مواقع پر نظم و نثر میں رسول اکرم صلی اللہ علیہ وآلہ کی حمایت کا اعلان کیا اوراپنے بیٹوں (علىؑ وجعفرؑ) کو آنحضرت کے ہمراہ رہنے کی ترغیب دی۔ المختصر انہوں نے اپنی زندگی کا تمام سرمایه اسلام اور پیغمبراسلام صلی اللہ علیہ وآلہ پر اس لیے نچھاور کردیا کہ وہ اسلام کی حقانیت سے آگاہ ہو چکے تھے۔ انہوں نے اپنی زندگی کے آخری لمحات میں بھی اپنے فرزندوں اور اہل خاندان کو رسول اکرم صلی اللہ علیہ وآلہ کی حفاظت اور حمایت کرنے کی وصیت کی۔ پھر انکی وفات پر (جو امّ المومنین خدیه کی وفات سے تقریباً متصل تھی) رسول اکرم صلی اللہ علیہ وآلہ کو اتنا دکھ ہوا کہ انھوں نے اس سال کوعام الحزن (غم کا سال) قرار دیدیا تھا۔
ان تمام روشن تر امور کے باوجود حضرت ابوطالب کو مشرک کہا جاتا ہے! اس تمت کی تائید تاریخ کی ایک حیرت انگیز سازش سے ہوتی ہے! پھراس تہمت کو ثابت کرنے کے لیے بطور دلائل آیات قرآن اور احادیث رسول صلی اللہ علیہ وآلہ بھی پیش کی جاتی ہیں!
اگر ہم تاریخی تجزیہ پیش کرنا چاہیں تو یہ کہہ سکتے ہیں کہ تہمت لگانیوالوں اور روایتیں گڑھنے والوں کی نگاہ میں حضرت ابوطالب علیہ السلام  کی حیثیت ایک غیر معمولی انسان کی نہیں کہ ان کا کفر و ایمان یا شرکت و توحید قابل توجہ ہو، بلکہ انہیں کافر کہا جاتا ہے تو اس لیے کہ وہ علی مرتضیٰؑ کے والد بزرگوار ہیں۔ کیونکہ یہ ایک قدرتی امر ہے کہ اگر باپ پر ضرب لگائی جائے تو اس کی تکلیف بیٹے کو بھی ہوتی ہے۔ پس اس تمام تہمت اورافترار کا مقصد اس کے علاوہ کچھ نہیں کہ حضرت ابوطالب علیہ السلام  کے ایمان کو مشکوک قرار دے کر یا ایک اور قدم آگے بڑھا کر اور انھیں کافر قرار دیکر علی مرتضیٰؑ کو اس حملے کا ہدف بنا لیاجائے!
جو کچھ اوپر کہا گیا ہے اس کی صحت اس وقت واضح ہو جاتی ہے جب ہم دیکھتے ہیں کہ یہی تاریخ، یہی مؤرخین اور یہی روایتیں لانے والے کہ جو حضرت ابوطالب علیہ السلام کے بارے میں یہ فیصلہ دیتے ہیں وہ ان لوگوں کے باپوں کے بارے میں خاموش ہیں جو امام علی علیہ کی زندگی میں ہمیشہ ان کے مقابل آتے رہے ہیں۔ حقیقت اور حق طلب انسانوں کی شهات کے مطابق وہ امام علی علیہ السلام  کے وجود کے سورج کی تابناک شعاعوں کے سامنے ہمیشہ موم کی طرح پگھلتے رہے ہیں۔
علامہ امینی کی خاص خوبی اوران کا بڑا کمال یہی ہے کہ انھوں نے مکمل غیر جانبداری سے کام لیتے ہوئے تاریخی واقعات کی تحلیل کا عظیم الشان کام انجام دیا اور شرکِ ابو طالب علیہ السلام جیسی تمام تہمتوں کا حقیقت پسندانہ جواب دیا ہے۔
بہرحال ایک کتاب کو اپنا تعارف خود کرانا چاہیے لہٰذا ہم اس گفتگو کو مختصر کرتے ہوئے اپنے اس بیان کے اختتام پر محض چند نکات کا تذکرہ کرتے ہیں:
۱. اس امر کی کوشش کی گئی ہے کہ کتاب کا ترجمہ آسان اور اردوخواں حضرات کے لیے قابل فہم ہو۔
۲. بعض ایسے اشعار حذف کر دیے گئے ہیں جن کا متن اور اصلی بحث سے تعلق نہ تھا۔ جو محققین اور شائقین وہ تمام اشعار پڑھنا چاہتے ہوں انہیں چاہیئے کہ اس کتاب کے اصل عربی متن سے رجوع کریں۔

ابو طالب مظلوم تاریخ

ابوہریرہ نے پیغمبرصلی اللہ علیہ وآلہ کی حدیثیں بیان کیں اور حدیثوں کے ڈھیر کے ڈھیر لگادیئے، اور ان سے صحاح ستّہ اور تمام سنن و مسانید اہل سنت نے روایتیں کیں! بے حد و بے حساب!!
اس بہتات کو دیکھتے ہوئے ضروری ہوا کہ ان احادیث کے مصدر و مرکز خود ابوہریرہ کی ذات و صفات پر روشنی ڈالی جائے کیونکہ ان کی حدیثیں ہماری دینی و شعوری زندگی سے بہت گہرا تعلق رکھتی ہیں، اگر ہم ایسا نہ کریں اور ان سے چشم پوشی کریں تو یہ دین و عقل سے غفلت اور کورانہ تقلید کے مرادف ہوگی۔
ابوہریرہ کی حدیثوں کی یہ بہتات اصول دین و فروع دین دونوں ہی کو چھائے ہوئے ہے اسی وجہ سے مذاہب اربعہ والے یعنی مالکی و حنفی و شافعی  حنبلی اور انکے متکلمین اشاعرہ وغیرہ بیشتر احکام الٰہی و شرایع دینی میں ابوہریرہ  کی حدیثوں کے محتاج اور ان کے سامنے نظر و فکر کے ہتھیار ڈالے نظر آتے ہیں، اس لیے ہم پر فرض ہوا کہ ہم ابوہریرہ کا جائزہ لیں اور انکی حدیثوں کی کمیت و کیفیت سے بحث کریں تاکہ انکی روایت کردہ حدیثوں سے جو احکام الٰہی مستنبط ہوتے ہیں انکی حقیقت اجاگر ہوجائے۔
اگر آپ ابوہریرہ کی شخصیت کی صحیح معنوں پہچان چاہتے ہیں تو پھر یہ کتاب آپ کے لیے ہے ضرور مطالعہ فرمائیں۔

ابوہریرہ

دنیا کے لوگ تین قسموں میں بٹے ہوئے ہیں، پہلی قسم اہل دین اور خدا پرست کی ہے دوسری قسم بے دینوں اور تیسری قسم ان دونوں کے درمیان حیران و پریشان رہنے والوں کی ہے۔ جہاں تک اہل دین کا ذکر ہے تو اب دین پر یقین نہ رکھنے والوں کوبھی اس بات کا باور ہو چکا ہے کہ انسان کو دین پر اعتقاد ہی راحت و سکون پہنچا سکتا ہے۔ یہ بات بھی ثابت ہو چکی ہے کہ مختلف ادیان میں اسلام بہترین اور پسندیدہ راستہ ہے کیونکہ علم و منطق اور برہان کا راستہ ہے۔
اسلام میں اوائل اور عہد مرسل اعظم صلی اللہ علیہ وآلہ وسلم سے ہی چند نظریے سامنے آئے، اگر چہ اس سے قبل بھی نمائندۂ الٰہی کی مخالفت ہوئی تھی جس کو قرآن نے نقل کیا ہے۔ رسول اسلام صلی اللہ علیہ وآلہ وسلم  کے زمانہ سے کچھ زیادہ ہی اختلافات نے سر اٹھایا خاص طور سے گردہ منافقین جس میں، ابوجہل، حرب، ابو سفیان، اسی طرح خاندان امیہ اور بنی عباس کے عہد اقتدار میں بغض و کینہ، عداوت و بغاوت کو بڑھاوا ملا۔ رسول اللہ صلی اللہ علیہ وآلہ اور ان کی اولاد پر طرح طرح کے مظالم ڈھائے گئے، باقی بچے ہوئے کفار و مشرکین کو اسلام کی مسلسل بڑھتی، پنپتی قدرت کا اندازہ ہوتا گیا اسی وجہ سے وہ منافقین کے ساتھ ہوتے گئے۔ انہی تین گروہوں؛ منافقین، کفار، مشرکین، جو لبادۂ اسلام میں آگئے تھے نے ولایت خدا، رسالت رسول اللہ صلی اللہ علیہ وآلیہ وسلم اور اطاعت ائمہ ہدیٰ کے مفاہیم اور اعتبار کو ہی بدلنے کی ٹھان لی اور اپنی ناکام کوشش میں مصروف رہے، جس کے نتیجہ میں مخالفت عداوت اور دہشت کا بازار گرم رہا۔ عوام الناس پر حکومت وسلطنت کے لیے منافقت نے کیا کچھ نہیں کیا، خاص طور سے اس مشرکانہ اور ظالمانہ تحر یک کو کامیاب بنانے کیلئے تین ذرائع ابلاغ سے فائدہ اٹھایا: (۱) میڈیا اور غلط تبلیغ  کے ذریعہ عقئد میں شک و شبہات ایجاد کیا گیا، جیسے خدا کے متعلق جبر کا قائل ہوجانا، جس کے نتیجہ میں فرقۂ مجبرہ ظاہر ہوا (۲) مختلف قبائل کا وجود، چونکہ اس وقت لوگ قبائلی زندگی گزار رہے تھے اور قبیلہ کا جداگانہ سردار ہوتا تھا جن کے ذریعہ سے سارے قبیلے اور قریہ کو اپنا حامی بنایا گیا اور انھیں وافر عطیات اور انعامات دیگر ان کا استحصال کیا (۳) بیت المال کا غلط اور بے جا استعمال کیا گیا۔
اہل حق کے لیے تمام راہوں کو مسدود کردیا گیا تاکہ حق اور خدا پرست افراد دین کا دفاع نہ کرسکیں یا ہرطرح سے انکی اپنی رائے کی طاقت کو کمزور بنایا گیا پھر بھی اہل حق، اہل علم و منطق قرآنی اصول کے مطابق ان کا دفاع کرتے رہے لیکن اہل باطل ہمیشہ انھیں جھٹلاتے رہے لہذا خداوند متعال نے احقاق حق اور ابطال باطل کی خاطر ہر زمانہ میں ضرورت کے مطابق اپنے نبیوں کو معجزہ دیا ساتھ ہی انبیاء و آئمہ و اولیاء کو معجزات و کرامات سے نوازنے  کے علاوہ ان کے نمائندوں، ولیوں، دانشوروں کو مناظروں، مباحثوں، تبلیغات و خدمات کے ذریعہ سے اپنا وظیفہ انجام دینے کی توفیق عنایت فرمائی۔
رسول اللہ(ص) کی رحلت کے بعد امام علیؑ اور زھراؑ کو انکے حقِّ مسلّم سے محروم رکھا گیا، امام علیؑ اور بنت رسول سلام اللہ علیہا اور دسیوں صحابۂ کرام کے اثبات حق اور مطالبۂ حق پر ظلم کیا گیا اور اسی طرح کے دیگر اہل حق و انصاف اور پیغمبروں کی حقانت پر کیے گئے استدلال، اثبات، احتجاج اور براہین پر مشتمل مطالب کو علامہ طبریؒ نے اپنی اس گراں قدر کتاب میں قلمبند فرمادیا ہے۔
منجملہ نامور عالم علامہ شیخ طبرسی نے گراں بہا خدمت انجام دی کہ گزشتہ مناظروں کی جمع آوری کے بعد اس کو کتابی شکل دی اور اس کا نام احتجاج رکھ دیا۔ اس کتاب میں علامہ طبرسی نے کفار ومشرکین اور منافقین کے اعتراضات کا مدلل متقن اور مستند جواب نقل فرمایا ہے۔
احتجاج نامی اس کتاب میں انھیں دلائل و براہین کو مرقوم کیا گیا ہے جو ہر زمانے میں مخالفون کا مدلل، متقن اور مسکت جواب بن گیا تھا۔
افادیت کے پیش نظر اردو قارئین کے لیے حجة الاسلام مولانا اشفاق حسین صاحب نے اس کتاب کا ترجمہ کیا ہے۔
الإحْتِجاجُ عَلی أہْلِ اللّجاج نامی کتاب چھٹی صدی ہجری کے مشہور شیعہ عالم ابو نصر احمد بن علی بن ابی طالب طبرسی کی عربی زبان کی کلام کے موضوع پر لکھی گئی تالیف ہے۔ یہ کتاب اختصار کے ساتھ الاحتجاج یا احتجاج طبرسی کے نام سے جانی جاتی ہے۔ اس کتاب میں رسول اللہ و آئمہ طاہرین کے مناظرے اور استدلالات کی جمع آوری کی گئی ہے۔ اسی طرح ان کے بعض پیروکاروں کے مخالفین مذہب سے مناظرے مذکور ہیں۔ بعض شیعہ علما اس کتاب کو غلطی سے فضل بن حسن طبرسی صاحب تفسیر مجمع البیان کی طرف منسوب کرتے ہیں۔ اس کتاب کے متعدد ترجمے اور شرحیں موجود ہیں۔
اس کتاب کی تالیف کا سبب یہ بنا کہ امامیہ کے ایک طائفہ نے مخالفین کے سامنے استدلال و بحث کرنے سے ہاتھ اٹھا لیا ہے اور وہ کہتے ہیں کہ یہ کام ہمارے لئے روا نہیں ہے کیونکہ رسول اور آئمہ نے کبھی کسی سے جدال نہیں کیا نیز وہ شیعوں کو بھی اس بات کی اجازت نہیں دیتے ہیں۔ اس بنا پر میں نے ارادہ کیا کہ اصول اور فروع دین میں بزرگان دین کے مختلف موضوعات پر مخالفین سے کئے گئے مناظروں کی جمع آوری کروں۔ طبرسی مزید کہا: حق کے اظہار اور باطل کے رد کیلئے قوی اور توانا اشخاص کی نسبت مجادلے سے منع کا حکم نہیں آیا ہے بلکہ عقائد میں ضعیف افراد کی نسبت مجادلے سے منع کیا گیا ہے ۔
کتاب کا مقدمہ ان ابحاث پر مشتمل ہے: جدل و مناظره سے ممنوعیت اور اسکی توبیخ کی روایات، سبب تالیف کتاب۔
پیغمبر اکرم (ص) اور دیگر ائمہ معصومین کے اصول اور فروع دین کے بارے میں ماثور (مروی) استدلالات اور احتجاجات.
غدیر خم کے واقعے کا ذکر، فدک کا ماجرا اور حضرت علی (ع)، فاطمہ زہرا(س)، دیگر صحابہ اور اہل بیت کے استدلالات.
حضرت علی کے اہل شام، معاویہ، خوارج اور اپنی بیعت کے توڑنے والوں کے متعلق احتجاجات۔
کتاب کے آخری حصے میں حضرت صاحب الزمان (عج) کی غیبت صغری کے زمانے میں نواب اربعہ سے مکاتبات اور احتجاجات نیز زمان غیبت کبری کی توقیعات مذکور ہیں۔
اس جلد کے اجمالی مندرجات:
احتجاج سے متعلق آیات، اہل علم و دانش کے فضائل، احتجاج رسول اکرم(ص)، کیا رسول خدا(ص) نے احتجاج و مناظرہ کیا ہے؟  رسول اکرم(ص) کا دہریوں، یہودیوں اور نصاریٰ سے احتجاج، رسول اکرم(ص) کا مناظر و احتجاج بت پرستوں سے، رسول اکرم(ص) کا مناظرہ کہ خدا کسی چیز میں حلول نہیں کرتا۔

احتجاج طبرسی ج۱-۲

دنیا کے لوگ تین قسموں میں بٹے ہوئے ہیں، پہلی قسم اہل دین اور خدا پرست کی ہے دوسری قسم بے دینوں اور تیسری قسم ان دونوں کے درمیان حیران و پریشان رہنے والوں کی ہے۔ جہاں تک اہل دین کا ذکر ہے تو اب دین پر یقین نہ رکھنے والوں کوبھی اس بات کا باور ہو چکا ہے کہ انسان کو دین پر اعتقاد ہی راحت و سکون پہنچا سکتا ہے۔ یہ بات بھی ثابت ہو چکی ہے کہ مختلف ادیان میں اسلام بہترین اور پسندیدہ راستہ ہے کیونکہ علم و منطق اور برہان کا راستہ ہے۔
اسلام میں اوائل اور عہد مرسل اعظم صلی اللہ علیہ وآلہ وسلم سے ہی چند نظریے سامنے آئے، اگر چہ اس سے قبل بھی نمائندۂ الٰہی کی مخالفت ہوئی تھی جس کو قرآن نے نقل کیا ہے۔ رسول اسلام صلی اللہ علیہ وآلہ وسلم  کے زمانہ سے کچھ زیادہ ہی اختلافات نے سر اٹھایا خاص طور سے گردہ منافقین جس میں، ابوجہل، حرب، ابو سفیان، اسی طرح خاندان امیہ اور بنی عباس کے عہد اقتدار میں بغض و کینہ، عداوت و بغاوت کو بڑھاوا ملا۔ رسول اللہ صلی اللہ علیہ وآلہ اور ان کی اولاد پر طرح طرح کے مظالم ڈھائے گئے، باقی بچے ہوئے کفار و مشرکین کو اسلام کی مسلسل بڑھتی، پنپتی قدرت کا اندازہ ہوتا گیا اسی وجہ سے وہ منافقین کے ساتھ ہوتے گئے۔ انہی تین گروہوں؛ منافقین، کفار، مشرکین، جو لبادۂ اسلام میں آگئے تھے نے ولایت خدا، رسالت رسول اللہ صلی اللہ علیہ وآلیہ وسلم اور اطاعت ائمہ ہدیٰ کے مفاہیم اور اعتبار کو ہی بدلنے کی ٹھان لی اور اپنی ناکام کوشش میں مصروف رہے، جس کے نتیجہ میں مخالفت عداوت اور دہشت کا بازار گرم رہا۔ عوام الناس پر حکومت وسلطنت کے لیے منافقت نے کیا کچھ نہیں کیا، خاص طور سے اس مشرکانہ اور ظالمانہ تحر یک کو کامیاب بنانے کیلئے تین ذرائع ابلاغ سے فائدہ اٹھایا: (۱) میڈیا اور غلط تبلیغ  کے ذریعہ عقئد میں شک و شبہات ایجاد کیا گیا، جیسے خدا کے متعلق جبر کا قائل ہوجانا، جس کے نتیجہ میں فرقۂ مجبرہ ظاہر ہوا (۲) مختلف قبائل کا وجود، چونکہ اس وقت لوگ قبائلی زندگی گزار رہے تھے اور قبیلہ کا جداگانہ سردار ہوتا تھا جن کے ذریعہ سے سارے قبیلے اور قریہ کو اپنا حامی بنایا گیا اور انھیں وافر عطیات اور انعامات دیگر ان کا استحصال کیا (۳) بیت المال کا غلط اور بے جا استعمال کیا گیا۔
اہل حق کے لیے تمام راہوں کو مسدود کردیا گیا تاکہ حق اور خدا پرست افراد دین کا دفاع نہ کرسکیں یا ہرطرح سے انکی اپنی رائے کی طاقت کو کمزور بنایا گیا پھر بھی اہل حق، اہل علم و منطق قرآنی اصول کے مطابق ان کا دفاع کرتے رہے لیکن اہل باطل ہمیشہ انھیں جھٹلاتے رہے لہذا خداوند متعال نے احقاق حق اور ابطال باطل کی خاطر ہر زمانہ میں ضرورت کے مطابق اپنے نبیوں کو معجزہ دیا ساتھ ہی انبیاء و آئمہ و اولیاء کو معجزات و کرامات سے نوازنے  کے علاوہ ان کے نمائندوں، ولیوں، دانشوروں کو مناظروں، مباحثوں، تبلیغات و خدمات کے ذریعہ سے اپنا وظیفہ انجام دینے کی توفیق عنایت فرمائی۔
رسول اللہ(ص) کی رحلت کے بعد امام علیؑ اور زھراؑ کو انکے حقِّ مسلّم سے محروم رکھا گیا، امام علیؑ اور بنت رسول سلام اللہ علیہا اور دسیوں صحابۂ کرام کے اثبات حق اور مطالبۂ حق پر ظلم کیا گیا اور اسی طرح کے دیگر اہل حق و انصاف اور پیغمبروں کی حقانت پر کیے گئے استدلال، اثبات، احتجاج اور براہین پر مشتمل مطالب کو علامہ طبریؒ نے اپنی اس گراں قدر کتاب میں قلمبند فرمادیا ہے۔
منجملہ نامور عالم علامہ شیخ طبرسی نے گراں بہا خدمت انجام دی کہ گزشتہ مناظروں کی جمع آوری کے بعد اس کو کتابی شکل دی اور اس کا نام احتجاج رکھ دیا۔ اس کتاب میں علامہ طبرسی نے کفار ومشرکین اور منافقین کے اعتراضات کا مدلل متقن اور مستند جواب نقل فرمایا ہے۔
احتجاج نامی اس کتاب میں انھیں دلائل و براہین کو مرقوم کیا گیا ہے جو ہر زمانے میں مخالفون کا مدلل، متقن اور مسکت جواب بن گیا تھا۔
افادیت کے پیش نظر اردو قارئین کے لیے حجة الاسلام مولانا اشفاق حسین صاحب نے اس کتاب کا ترجمہ کیا ہے۔
الإحْتِجاجُ عَلی أہْلِ اللّجاج نامی کتاب چھٹی صدی ہجری کے مشہور شیعہ عالم ابو نصر احمد بن علی بن ابی طالب طبرسی کی عربی زبان کی کلام کے موضوع پر لکھی گئی تالیف ہے۔ یہ کتاب اختصار کے ساتھ الاحتجاج یا احتجاج طبرسی کے نام سے جانی جاتی ہے۔ اس کتاب میں رسول اللہ و آئمہ طاہرین کے مناظرے اور استدلالات کی جمع آوری کی گئی ہے۔ اسی طرح ان کے بعض پیروکاروں کے مخالفین مذہب سے مناظرے مذکور ہیں۔ بعض شیعہ علما اس کتاب کو غلطی سے فضل بن حسن طبرسی صاحب تفسیر مجمع البیان کی طرف منسوب کرتے ہیں۔ اس کتاب کے متعدد ترجمے اور شرحیں موجود ہیں۔
اس کتاب کی تالیف کا سبب یہ بنا کہ امامیہ کے ایک طائفہ نے مخالفین کے سامنے استدلال و بحث کرنے سے ہاتھ اٹھا لیا ہے اور وہ کہتے ہیں کہ یہ کام ہمارے لئے روا نہیں ہے کیونکہ رسول اور آئمہ نے کبھی کسی سے جدال نہیں کیا نیز وہ شیعوں کو بھی اس بات کی اجازت نہیں دیتے ہیں۔ اس بنا پر میں نے ارادہ کیا کہ اصول اور فروع دین میں بزرگان دین کے مختلف موضوعات پر مخالفین سے کئے گئے مناظروں کی جمع آوری کروں۔ طبرسی مزید کہا: حق کے اظہار اور باطل کے رد کیلئے قوی اور توانا اشخاص کی نسبت مجادلے سے منع کا حکم نہیں آیا ہے بلکہ عقائد میں ضعیف افراد کی نسبت مجادلے سے منع کیا گیا ہے ۔
کتاب کا مقدمہ ان ابحاث پر مشتمل ہے: جدل و مناظره سے ممنوعیت اور اسکی توبیخ کی روایات، سبب تالیف کتاب۔
پیغمبر اکرم (ص) اور دیگر ائمہ معصومین کے اصول اور فروع دین کے بارے میں ماثور (مروی) استدلالات اور احتجاجات.
غدیر خم کے واقعے کا ذکر، فدک کا ماجرا اور حضرت علی (ع)، فاطمہ زہرا(س)، دیگر صحابہ اور اہل بیت کے استدلالات.
حضرت علی کے اہل شام، معاویہ، خوارج اور اپنی بیعت کے توڑنے والوں کے متعلق احتجاجات۔
کتاب کے آخری حصے میں حضرت صاحب الزمان (عج) کی غیبت صغری کے زمانے میں نواب اربعہ سے مکاتبات اور احتجاجات نیز زمان غیبت کبری کی توقیعات مذکور ہیں۔
اس جلد کے اجمالی مندرجات:
امام حسن علیہ السلام کا احتجاج، امام حسن علی کے فخرومباہات کا واقعہ،امام حسین علیہ السلام کا احتجاج، کربلا میں اہل کوفہ سے امام حسین علیہ السلام کا احتجاج، اہل کوفہ کے سامنے حضرت زینب بن علی ابن ابی طالب (ع) کا خطبہ، اہل کوفہ سے امام زین العابدین علیہ السلام کا احتجاج، امام زین العابدینعلیہ السلام کا احتجاج، احتجاج امام جعفر صادق علیہ السلام، حضرت امام موسی کاظم علیہ السلام کا احتجاج، دوسرے اہل مذاہب سے امام رضا علیہ السلام  کا احتجاج، امام رضا علیہ السلام کا احتجاج......

احتجاج طبرسی ج۳-۴

ابومنصور جمال‌الدین، حسن بن یوسف بن مطہر حلّی (۶۴۸-۷۲۶ ہجری) علامہ حلّی کے لقب سے مشہور ہیں۔ اور آپ آٹھویں صدی ہجری کے شیعہ علما میں سے ہیں۔ آپ کے علمی آثار اور مناظرات کی وجہ سے سلطان محمد خدا بندہ شیعہ ہوئے اور ایران میں شیعہ مذہب پھیل گیا۔ علامہ حلی نے بہت سارے علوم؛ جیسے فقہ، اصول، عقاید، فلسفہ، منطق، دعا وغیرہ میں کتابیں تالیف کیا ہے جن میں تبصرۃ المتعلمین فی احکام الدین، کشف المراد، نہج الحق و کشف الصدق، باب حادی عشر، خلاصۃ الاقوال فی معرفۃ الرجال، الجوہر النضید شامل ہیں۔ آپ وہ پہلی ہستی ہیں جنہیں علم اور فضیلت کے باعث آیت اللہ کا لقب دیا گیا۔
الباب الحادي عَشَر، منہاج الصّالح فی مختصر المصباح کا گیارہواں باب اور حوزہ علمیہ میں پڑھائی جانے والی کلامی کتابوں میں سے ایک ہے جسے علامہ حلی نے شیعہ اصول عقائد کے اثبات میں لکھا ہے۔
علامہ حلی نے وزیر محمد بن محمد قوہدی کی خواہش پر کتاب منہاج الصالح فی مختصر المصباح لکھا جس میں شیخ طوسی (متوفی ۴۶۰ھ) کی دعاوں اور عبادات پر مشتمل کتاب مصباح المُتَہجِّد کا خلاصہ کیا ہے۔ آپ نے اس خلاصے کو دس باب میں ذکر کیا ہے اور اس کے بعد چونکہ دعا اور عبادت کی شناخت معبود اور پکارے جانے والے کی شناخت پر موقوف ہے اور عبادت کا صحیح ہونا عقیدہ اور ایمان کی درستگی پر موقوف ہے اس لئے ایک اور باب گیارہویں باب (الباب الحادی عشر) کے نام سے اصول دین کی شناخت کے بارے میں اضافہ کیا۔
علامہ حلّی نے اس گیارہویں باب میں وہ اصول دین جن پر مسلمانوں کا اجماع ہے کو یوں بیان کیا ہے:
خدا کی معرفت، صفات ثبوتیہ اور سلبیہ اور وہ چیزیں جو خدا کے بارے میں صحیح ہیں اور جو چیزیں خدا کے بارے میں ممتنع ہیں اور نبوت، امامت اور معاد۔ آپ نے اس باب کو سات فصلوں میں تقسیم کیا ہے:
پہلی فصل واجب الوجود کے اثبات میں ہے؛
دوسری فصل صفات ثبوتیہ کے بارے میں ہے اور صفات ثبوتیہ، قدرت اور اختیار، علم، حیات، ارادہ اور کراہت، ادراک، قدیم اور ازلی، باقی اورابدی ہونا، تکلم، صدق؛
تیسری فصل صفات سلبیہ کے بارے میں ہے اور صفات سلبیہ؛ مرکب نہ ہونا، جسم، عرض اور جوہر نہیں ہونا اور لذت اور درد نہیں ہونا، کسی چیز سے نہیں ملنا، حادثات کا منبع نہ ہونا، ظاہری آنکھوں سے نہیں دیکھا جانا، شریک نہ ہونا اور حالات و معانی سے دور ہونا؛
چوتھی فصل عدل کے بارے میں ہے اور انسان کےلیے اختیار اور اللہ کے لیے قبیح کو محال ہونا اور ان پر لطف ثابت کرتے ہیں؛
پانچویں فصل نبوت کے بارے میں ہے جس میں «نبی» کے لفظ کی تعریف کرنے کے بعد پیغمبر اسلام کی نبوت انکی عصمت کے وجود اور لوگوں میں سے افضل ہونا اور اجداد کی پستیوں اور ماؤوں کی ناپاکی اور اخلاقی برائیوں اور جسمی عیوب سے پاک ہونے کو ثابت کرتے ہیں؛
چھٹی فصل امامت (پیغمبر کے نائب کے عنوان سے ایک شخص کو دینی اور دنیوی امور میں عام ریاست ہونا) کے بارے میں ہے اور اسے عقلی طور پر واجب سمجھتے ہیں اور کہتا ہے کہ امام کو معصوم اور اللہ کی طرف سے منصوص ہونا چاہیے اور لوگوں میں سب سے افضل ہونا چاہیے۔ پھر عقلی اور نقلی طریقوں سے پیغمبر کے بعد علی بن ابی طالب کی بلافصل امامت کے بارے میں بیان کرتا ہے؛
ساتویں فصل قیامت کے بارے میں ہے اور اسے عقلی طریقے سے ثابت کرتا ہے پھر اس بارے میں بعض آیتوں کو ذکر کر کے ان کی تشریح کرتا ہے؛ اس فصل میں ثواب اور عقاب، توبہ، امر بالمعروف اور نہی از منکر کو بیان کیا ہے۔
باب حادی عشر کی منفرد خصوصیت یعنی اختصار اور جامعیت کی وجہ سے قدیم الایام سے ہی علم کلام اور شیعہ اعتقادات کے شیدائیوں کی توجہ کا مرکز رہی ہے۔ اور ہمیشہ باقی دس ابواب سے الگ اس کی تدوین اور اشاعت ہوئی ہے۔ شیعہ علما نے اس پر بہت سارے شروحات اور تعلیقے لکھے ہیں اور حوزہ علمیہ میں اس کو نصابی کتاب کے عنوان سے پڑھایا گیا ہے۔ آقا بزرگ طہرانی نے الذریعَۃ میں بیس سے زیادہ شروحات کا ذکر کیا ہے۔ ان شروحات میں سے سب سے زیادہ مشہور فاضل مقداد (متوفی ۸۲۶ھ) کی لکھی ہوئی شرح بنام النافع یوم الحشر فی شرح باب حادی عشر اور اہل علم کی مورد نظر رہی ہے اور دینی مدارس میں پڑھائی گئی ہے اور کئی بار زیور طبع سے آراستہ ہوئی ہے۔
صحیح عقائد تک دست رسی انسان کی اہم ضروریات میں سے ہے، عقائد پر مختلف علماء کرام نے کتابیں لکھی ہیں جن میں ایک علامہ حلی علیہ الرحمة کی کتاب باب حادی عشرہے جس کی شرح علامہ فاضل مقدادؒ نے فرمائی، نہایت عمدہ ہونے کی وجہ سے عوام وخواص میں مقبول قرارپائی،اس قسم کی اہمیت کی حامل کتاب کی ہمارے معاشرے میں بھی ضرورت تھی اسی ضرورت کے پیش نظرعلامہ سید محمد قاسم زیدی صاحب نے اس کتاب کا احسن العقائدکے نام سے اردو میں ترجمہ کیا جوقارئین کے استفادے کے لئے پیش خدمت ہے۔

احسن العقائد(باب حادی عشر)

صدرِ اسلام میں اصحابِ پیغمبرﷺ کے ساتھ صحابیاتِ پیغمبرﷺ کی ایک طویل فہرست اور ان کے حالاتِ زندگی تاریخ کا ایک حصہ ہیں جو آج کی خواتین کو دینداری، دین فہمی اور دینی خدمات کی فراہمی کے سلسلے میں دعوت عمل دیتی ہے۔
یہ ترجمہ رسالۂ احکام النساء تصنیف جناب شیخ مفید رحمۃ اللہ علیہ ہے جو احکام اور مسائلِ شریعت پر مشتمل ہے اس کتاب میں طہارت سے کتاب دیات تک مؤمنات و مکلفات کے مسائل کا تذکرہ موجود ہےجسے عربی سے اردو زبان میں سید محمد صاحب نے ترجمہ کیا ہے اور نئے قالب اور جدید دور کی زبان میں باب العلم والتحقیق کے محققین نے ڈھالا ہے۔
أحكام النساء، تألیف شيخ مفيد، ابوعبدالله محمد بن محمد بن نعمان (336 - 413 هجرى)، جو چوتھی صدی ہجری میں شیعہ فقہا اور راویوں کے درمیان ایک ممتاز شخصیت میں سے ہے۔
شیخ مفید نے یہ کتاب بزرگ خاتون اور سید جلیل القدر، سید مرتضیٰ کی والدہ اور سید رضی کی والدہ، فاطمہ، حسین بن احمد بن حسن ناصر كبير کی بیٹی کی درخواست پر لکھی ہے۔
انہوں نے شیخ مفیدؒ سے خواتین کے مسائل کے بارے میں ایک مختصر اور جامع کتاب لکھنے کو کہا، جسے شیخ مفیدؒ نے قبول کیا اور یہ کتاب لکھی۔
یہ کتاب خواتین کے احکام کے بارے میں ہے اور ان سے متعلق شرعی مسائل کو اس میں بیان کیا گیا ہے،شیخ مفیدؒ نے اس کتاب میں عقائد کو بھی اختصار کے ساتھ پیش کیا ہے، پھر انہوں نے فقہی مسائل کو،کتابِ  طہارت سے لیکر  کتاب دیت تک یعنی ، فقہ کے تمام ابواب جو خواتین سے متعلق ہیں کو ذکر کیا ہے۔
آپ کے سامنے جو کتاب ہے اسے دارالعلم کے محققین نے جدید پیرائے میں اور دور حاضر کے فقہاء کے فتاوا کے مطابق پیش کرنے اسے اور بہتر بنا دیا ہے۔

احکام النساء

یہ کتاب رئیس المحدثین شیخ صدوق علیہ الرحمہ کے رسالۂ شریفۂ اعتقادیہ کی شرح ہے، صحیح عقائد کو بعض دین فروش لوگ غلط انداز میں عوام کے سامنے پیش کرکے انہیں شیعہ اعلام اور مدارس دینیہ سے بد ظن کرنے کی سعی نافرجام کررہے ہیں، ولایت و وصایت ائمۂ اطہار کا اعتقاد و اقرار اعمال شرعیہ کی صحت اور قبولیت کی شرط ہے یعنی اس کے بغیر کوئی عمل صالح شرف قبولیت حاصل نہیں کرسکتا لیکن یہ اقرار ولایت اعمال صالحہ کی بجاآوری سے گلوخلاصی اور چھٹّی دلانے کے لیے نہیں ہے جیسا کہ بعض عوام الناس کے ذہنوں میں بعض غیر ذمہ دار اہل منبر روضہ خوانوں نے راسخ کردیا ہے جیسا کہ احادیث سے ثابت ہے کہ عمل صالح کی بجا آوری اور حرام سے اجتناب کیے بغیر ولایت اہل بیت(ع) حاصل ہوہی نہیں سکتی۔
امام محمد باقر علیہ السلام فرماتے ہیں:يَا جَابِرُ أَ يَكْتَفِي مَنِ اِنْتَحَلَ اَلتَّشَيُّعَ أَنْ يَقُولَ بِحُبِّنَا أَهْلَ اَلْبَيْتِ فَوَ اَللَّهِ مَا شِيعَتُنَا إِلاَّ مَنِ اِتَّقَى اَللَّهَ وَ أَطَاعَهُ وَ مَا كَانُوا يُعْرَفُونَ يَا جَابِرُ إِلاَّ بِالتَّوَاضُعِ وَ اَلتَّخَشُّعِ وَ اَلْأَمَانَةِ وَ كَثْرَةِ ذِكْرِ اَللَّهِ وَ اَلصَّوْمِ وَ اَلصَّلاَةِ وَ اَلْبِرِّ بِالْوَالِدَيْنِ وَ اَلتَّعَاهُدِ لِلْجِيرَانِ مِنَ اَلْفُقَرَاءِ وَ أَهْلِ اَلْمَسْكَنَةِ وَ اَلْغَارِمِينَ وَ اَلْأَيْتَامِ وَ صِدْقِ اَلْحَدِيثِ وَ تِلاَوَةِ اَلْقُرْآنِ وَ كَفِّ اَلْأَلْسُنِ عَنِ اَلنَّاسِ إِلاَّ مِنْ خَيْرٍ وَ كَانُوا أُمَنَاءَ عَشَائِرِهِمْ فِي اَلْأَشْيَاءِ قَالَ جَابِرٌ فَقُلْتُ يَا اِبْنَ رَسُولِ اَللَّهِ مَا نَعْرِفُ اَلْيَوْمَ أَحَداً بِهَذِهِ اَلصِّفَةِ فَقَالَ يَا جَابِرُ لاَ تَذْهَبَنَّ بِكَ اَلْمَذَاهِبُ حَسْبُ اَلرَّجُلِ أَنْ يَقُولَ أُحِبُّ عَلِيّاً وَ أَتَوَلاَّهُ ثُمَّ لاَ يَكُونَ مَعَ ذَلِكَ فَعَّالاً فَلَوْ قَالَ إِنِّي أُحِبُّ رَسُولَ اَللَّهِ فَرَسُولُ اَللَّهِ صَلَّى اَللَّهُ عَلَيْهِ وَ آلِهِ خَيْرٌ مِنْ عَلِيٍّ عَلَيْهِ اَلسَّلاَمُ ثُمَّ لاَ يَتَّبِعُ سِيرَتَهُ وَ لاَ يَعْمَلُ بِسُنَّتِهِ مَا نَفَعَهُ حُبُّهُ إِيَّاهُ شَيْئاً فَاتَّقُوا اَللَّهَ وَ اِعْمَلُوا لِمَا عِنْدَ اَللَّهِ لَيْسَ بَيْنَ اَللَّهِ وَ بَيْنَ أَحَدٍ قَرَابَةٌ أَحَبُّ اَلْعِبَادِ إِلَى اَللَّهِ عَزَّ وَ جَلَّ وَ أَكْرَمُهُمْ عَلَيْهِ أَتْقَاهُمْ وَ أَعْمَلُهُمْ بِطَاعَتِهِ يَا جَابِرُ وَ اَللَّهِ مَا يُتَقَرَّبُ إِلَى اَللَّهِ تَبَارَكَ وَ تَعَالَى إِلاَّ بِالطَّاعَةِ وَ مَا مَعَنَا بَرَاءَةٌ مِنَ اَلنَّارِ وَ لاَ عَلَى اَللَّهِ لِأَحَدٍ مِنْ حُجَّةٍ مَنْ كَانَ لِلَّهِ مُطِيعاً فَهُوَ لَنَا وَلِيٌّ وَ مَنْ كَانَ لِلَّهِ عَاصِياً فَهُوَ لَنَا عَدُوٌّ وَ مَا تُنَالُ وَلاَيَتُنَا إِلاَّ بِالْعَمَلِ وَ اَلْوَرَعِ.
امام باقر علیہ السلام نے جابر سے فرمایا: اے جابر! صرف یہ کہنا کہ ہم اہل بیت سے محبت رکھتے ہیں شیعیت کے لئے کافی نہیں ہے خدا کی قسم ہمارا شیعہ نہیں ہوسکتا مگر جب کہ اللہ سے ڈرے، اس کی اطاعت کرے اور اے جابر! یہ نہیں ہوسکتا بغیر تواضع اور خضوع وخشوع، ادائے امانت، کثرت ذکر خدا، روزہ نماز، والدین سے نیکی، حسن سلوک، ہمسایہ فقیروں اور مسکینوں، مقروضوں اور یتیموں سے، اور قول میں صداقت سے قرآن کی تلاوت سے، اور لوگوں کے بارے میں نیکی کے سوا کچھ نہ کہنے سے اور اپنے قبائل کی اشیاء میں امین ہونے سے۔جابر نے کہا یابن رسول اللہ اس زمانے میں ایسا آدمی تو کوئی نظرنہیں آتا۔فرمایا: اے جابر! مذاہبِ باطلہ تم کو مذہب سے ہٹا نہ دیں، کیا یہ کافی ہے ایک شخص کے لیے کہنا کہ میں علیؑ کو دوست رکھتا ہوں اوراس کے سوا وہ کرنے والا کچھ نہ ہو، ایسے ہی اگر وہ کہے کہ میں رسول اللہ کو دوست رکھتا ہوں۔ رسول(ص) علیؑ سے بہتر ہیں اس کے بعد وہ رسول(ص) کی سیرت کی پیروی نہ کرے اوران کی سنت پر اس کا عمل نہ ہو تو حضرت کی محبت اسے کچھ فائدہ نہ دے گی، اللہ سے ڈرو اور صحیح عمل کرو جو پیش خدا مقبول ہو، کسی شخص اور خدا کے درمیان قرابت نہیں ہے، خدا کے نزدیک سب سے زیادہ محبوب و مُکرّم وہ ہے جو سب سے زیادہ پرہیزگار ہے اور اس کی اطاعت عملاً زياره کرنے والا ہے۔اے جابر! کوئی کوئی خدا کا مقرب نہیں بن سکتا مگر اطاعت سے اس کے بغیر ہمارے ساتھ ہونا برأت نہیں اور نہ خدا پر کوئی حجت ہے، جو اللہ کا مطیع ہے وہ ہمارا دوست ہے جو اللہ کا گنہگار ہے وہ ہمارادشمن ہے، ہماری ولایت کی کوئی نہیں پاسکتا مگر عمل اور پرہیزگاری سے۔[الکافي،جلد۲،صفحه۷۴،كتاب الإيمان و الكفر، بَابُ اَلطَّاعَةِ وَ اَلتَّقْوَى]
لیکن ان تمام تاکیدات و تہدیدات اور ترغیبات کے باوجود اکثر لوگ نہ افراط سے باز آئے اور نہ تفریط سے رکے اور اعتدال کا دامن ہاتھوں سے چھوڑ بیٹھے، چنانچہ بعض کمبخت نہ صرف مسلّمہ فضائل کا انکار بلکہ ان ذوات ِ قدسیہ کی امامت و خلافت کا بھی انکار کرکے ابدی ہلاکت کا شکار ہوگئے اور بعض احمق غلط اندازِ محبت اختیار کرکے غلو و تفویض کے اتھاہ سمندر میں غرق ہوگئے اور ائمۂ اہل بیت علیہم السلام کے بارے میں محض اپنے ذاتی خیالات و قیاسات اور غلط تاویلات سے وہ عجیب و غریب من گھڑت نظریات قائم کیے کہ جن کا نہ آیات قرآنیہ میں کہیں وجود ہے اور نہ صحیح احادیث نبویّہ اور ارشادات ائمّہ میں کوئی نام و نشان ہے اور نہ ہی جنکا کلام علماء اعلام سے کوئی ثبوت ملتا ہے اور نہ عقل سلیم ان کی تائید و تصدیق کرتی ہے۔
اس کتاب میں ایسے ہی بعض نظریاتِ فاسدہ پر مکمل نقد و تبصرہ موجود ہے، ضرور مطالعہ فرمائیں اور شیخ صدوقؒ کی کتاب الاعتقاد کی ایک جامع شرح کی روشنی میں اپنے عقائد کا جائزہ لیتے ہوئے صحیح عقائد کو اپنائیں اور غلو و تقصیر سے اپنا دامن بچا کر رکھیں۔
کتاب کے بعض مندرجات:
انبیاء و آئمہ علیہم السلام کی علیٰحدہ نوع ہونے کا بیان،انبیاء و آئمہ علیہم السلام کے نور یا بشر ہونے کا بیان، تفویض کے معانی و اقسام اور تفویض کے ممنوع ہونے کا بطلان، انبیاء و آئمہ علیہم السلام سے استمداد کے جواز و عدم جواز کا بیان، حقیقت معجزہ اور اس کے فعل خدا یا فعل نبی و امام ہونے کا بیان، سرکار محمد و آل محمد علیہم السلام کے ہر وقت ہر جگہ حاضر و ناظر ہونے یا نہ ہونے کا بیان، انبیاء و آئمہ علیہم السلام کے عالم الغیب ہونے یا نہ ہونے کا بیان، پیغمبر اسلام(ص) کے ہمراہ معراج پر حضرت امیر علیہ السلام کے تشریف لیجانے یا نہ لیجانے کا بیان، بعض علماء اعلام کثرهم اللہ فی الاسلام سے اتہام وہابیت کے ازالے کا بیان، موجودہ دور کے اکثر مدعیان تشیع کے مفوّضہ اور شیخی العقیدہ ہونے کا بیان۔

اصول الشریعہ فی عقائد الشیعہ

دشمنان اسلام مسلمان جوانوں کی اپنے مذہب سے ناواقفیت کی بنا پر بے بنیاد اور سستی باتیں نئے اندازے سے جوانوں تک پہنچارہے ہیں اور ان کے پاک اور خالی ذہن کو طرح طرح سے اسلام  سے منحرف کررہے ہیں۔ 
دشمنان اسلام کی انہی کاوشوں کو دیکھتے ہوئے اس کتاب کے توسط سے اعتقادی مسائل اس انداز سے مسلم جوانوں تک پہونچائے گئے ہیں کہ وہ اسلام کے بنیادی مسائل سے واقف ہوجائیں اس کتاب کے مطالب سب سے پہلے مراسلاتی طور پر ان تک پہنچائے گئے اس لیے اس کے مطالب مختصر جزوات کی صورت میں پہلے آمادہ کیے گئے جن میں اختصار کے ساتھ ساتھ بھرپور اور مکمل دلیلیں، جاذبیت، کشش اور سلاست پائی جاتی تھی غرض یہ کتاب نہایت عمدہ ہونے کے ساتھ عقائد کا ایک جامع دورہ ہے جس کے مطالب بہت عرق ریزی اور محنت سے مرتب و منظم کیے گئے ہیں۔
تیس اسباق پر مشتمل اعتقادات کی یہ سیریز ہے جس میں چودہ اسباق توحید اور عدل سے متعلق ہیں، نواسباق نبوت اور پیغمبراسلام صلی اللہ علیہ وآلہ وسلم سے متعلق ہیں، پندرہ اسباق امامت، جانشینی پیغمبر اورحضرت ولی عصر عجل اللہ تعالیٰ فرجہ الشریف سے متعلق ہیں اور آخر کے دو اسباق قیامت اور برزخ وغیرہ سے متعلق ہیں۔
کتاب کے بعض مندرجات:
تلاش دین حق، غیر مرئی چیزوں پر غور، نظم کائنات، تخلیق کائنات، بے نیاز خدا، علم ازلی و ابدی، عبادت صرف خدا کی، توحید یا شرک، خدائے عادل، نشیب و فراز زندگی، ضرورت انبیاء، عصمت انبیاء، نوز رسالت، اسلامی تعلیمات، آخری پیغام اور پیغمبر، خلافت و امامت، معنوی ہدایت، شورایٰ، بارہویں امام عجل اللہ تعالیٰ فرجہ الشریف، ابدی قیام گاہ، موت کے بعد۔
کتاب سے اقتباس:
دانشوروں کا کہنا ہے کہ دنیا دنیائے حرکت اور کمال ہے۔ ترقی اور کمال کا سختیوں اور دشواریوں سے ایک خاص ربط ہے اور دونوں کا چولی دامن کا ساتھ ہے، کیونکہ یہ مشکلات اورسختیاں ہیں جو روحِ انسان کو قوی اور پختہ بناتی ہیں یہی سختیاں ہیں جوبڑے بڑے سورماؤں اور عظیم مفکرّوں کو وجود میں لاتی ہیں جب تک انسان مشکلات اور مصائب کی بھٹی میں تپایا نہیں جاتا اس وقت تک اس کی روح کندن نہیں بنتی اور اس کے جوہر سامنے نہیں آپاتے۔ یہی سختیاں اس کے کمال کے ظہور کا سبب قرار پاتی ہیں اور اسے ارتقائی مدارج تک پہنچاتی ہیں۔
تاریخ بشریت میں عظیم شخصیتیں وہی  ہیں جنھوں نے زندگی کے نشیب و فراز دیکھے ہیں اور مشکلات کو مسکرا کر برداشت کیا ہے۔ دشوایاں اور مشکلات انسان کے پوشیدہ کمالات اور صلاحیتوں کو اجاگر کرنے کا بہترین ذریعہ اور وسیلہ ہیں جس کی بنا پر انسان مادی، معنوی، علمی، صنعتی۔۔۔ تمام منزلوں کو بآسانی طئے کرسکتا ہے۔

اصول دین(ادارہ در راہ حق)

زیر نظر کتاب عقائد کے موضوع پر ایک بہترین کتاب ہے جو مختصر ہونے کے ساتھ عقائد کا مکمل دورہ ہے جس کے مطالب عہد حاضر کے تقاضوں اور موجودہ زبان کے پیرائے میں بیان کیے گئے ہیں، اسکی زبان آسان جبکہ گنجلک اور پیچیدہ فلسفی مطالب سے پاک و صاف ہیں زیر نظر کتاب کا اسلوب نگارش نہایت سادہ، با مثال اور حالات حاضرہ کی علمی پیش رفت کے مطابق ہے۔
کتاب کے بعض مندرجات:
تصور کائنات، فطرت کی راہ سے خدا جوئی اور خدا یابی، یکتا پرستی اور یکتا شناسی، شرک کے ریشے اور ڈورے،  خدا کے اسماء و صات کی معرفت، عدل الٰہی، جبر و اختیار، پیغمبروں کے آنے جئ ضرورت، پیغمبروں کے معجزات، یغمبروں کی عصمت، قرآن دائمی معجزہ، پیغمبر اسلام صلی اللہ علیہ وآلہ وسلم کی اخلاقی و اجتماعی خصوصیات، امامت اور حقیقت پسندانہ موقف، امامت کے متعلق قرآن کا نظریہ، خداوندِ عالم مسلمانوں کے ولی امر کا تعارف کراتا ہے، حدیث غدیر امت کو سرکاری طور پر امامت کا ابلاغ، امام کی رہبری کے ابعاد، باطنی رہبری اور معنوی ہدایت، مثالی معاشرہ اور عالمی حکومت، اسلامی حکومت اور ولایت فقیہ، گزشتہ ادیان میں قیامت کا مفہوم، معاد ضروری ہے، انسان کا الٰہی جنبہ، عالم برزخ، قیامت کبریٰ، معاد جسمانی، دنیا و آخرت کا فرق، تجسّمَ اعمال، عمل کی قدر و قیمت، قیامت کا حال، منزلِ جاوداں کی طرف۔

اصول دین(خدا، رسول، امام اور معاد شناسی)

تاریخ بشریت میں عقائد خصوصا آغاز فریش اور قیامت کا مسئلہ انبیاء کی الٰہی دعوت کی بنیاد ر ہا ہے۔ ان الٰہی  و آسمانی انسانوں کے کلام کا آغاز اور ان کے پیغام کا انجام انسانیت کو خدا تعالی کی طرف دعوت دینا، لوگوں کی عالم آخرت کی طرف بازگشت اور قیامت کی طرف توجہ دلانا تھا۔
تاریخ کے طولانی سفر میں، زمانوں کے گذرنے میں، اور شہروں کے پھیلاؤ میں جب بھی کبھی انسانی سماج نے اس اہم اور بنیادی اصول سے انحراف کیا یا اس کو کم اہمیت دی تو فتنے، بلائیں  اور مشکلات اس کے دامن گیر ہوگئیں۔ 
ہمیں اس تلخ حقیقت پر باور کرنا چاہیئے کہ پیغمبران الٰہی کے سعادت بخش پیام اور مقدس راہ سے دشمنی اور مخالفت ہمیشہ سے رہی ہے جبکہ نور و نار میں، تقویٰ اور فسق و فجور میں، ایمان و کفر میں جنگ و ستیز بھی مسلسل رہی ہے، اس سلسلے میں دین کے خلاف براہ راست جنگ گزشتہ صدیوں اور قرون وسطیٰ میں خدائی دعویٰ سے لے کر خدا کے انکار تک جاری رہی ہے جبکہ عصر ضحاضر میں دین کی حقیقت پر بے جا اور ناروا تاویلات و توجیہات کے انبار لگادیئے گئے اسکا نتیجہ یہ نکلا کہ ادیان الٰہی کے ساتھ ساتھ انسانی مکاتب فکر یا دساتیر کو بھی مثلاً بت پرستی یا ہندوازم وغیرہ کو بھی حق اور صراط مستقیم سمجھا جانے لگا۔
آج دنیا میں منظّم و منسجم استعماری ادارے اور تنظیمیں جن کے پاس ارتباطات اور نشر و اشاعت کے انتہائی جدید وسائل موجود ہیں نہایت افسوس کی بات یہ ہے کہ یہ ادارے معاشروں کے اعتقادات اور اقدار خصوصاً نوجوان نسل کی فکری بنیادوں پر شب خون مارتے ہوئے یلغار کررہے ہیں۔
اس میں کوئی شک کی گنجائش نہیں رہ جاتی کہ چارۂ کار یہ ہے کہ اس وقت موجود امکانات و وسائل سے استفادہ کرتے ہوئے الٰہی اقدار ومعارف کی ترویج و تشہیر کی ذمہ داری پوری کی جائے۔ اس عظیم ذمہ داری کا بار سنگین، دلسوز ربّانی علماء اورعلمی وتحقیقی مراکز پر ہے۔ البتہ خوش قسمتی سے ان اداروں کی ہر روز کی نشوونما، ترقی اور ان کی پُرثمر کاوشوں کے نتائج  کے ہم شاہد ہیں۔
کتاب«اصول عقائد» جیسی اہم کتاب پر ایک نظر بتاتی ہے کہ اسکی تالیف و تدوین اسی مقصد کی تکمیل کے لئے ہوئی ہے، یہ کتاب بنیادی دینی ابحاث کے لئے مفید اور نوجوان نسل کے بعض سوالات اور ضروریات کو پورا کرتی ہے۔
 اگرچہ یہ کتاب تعریف و تو صیف کی محتاج نہیں ہے تاہم کہا جا سکتا ہےکہ اس کتاب کی سب سے اہم خوبی یہ ہے کہ اس کے مؤلف حضرت آیت الله مکارم شیرازی ہیں جو مرجع تقلید ہیں اور یہ کہ گزشتہ کئی برسوں سے اعتقادی اور کلامی موضوعات پر تحقیق، تعلیم اور تدریس کے امور انجام دے رہے ہیں۔ اس کتاب کے گہرے مطالب اسکی ساده و رواں اور ادبی تعبیرات کے رکاوٹ نہیں بنتے بلکہ قارئین کے لئے زیا دہ جاذبیت وکشش کا باعث ہیں۔
پروردگار کی وحدانیت پر موجود «برہان نظم» کو بیان کرتے ہوئے جدید علمی مطالب کے ساتھ قرآنی آیات کو مرتبط کیا گیا ہے جو پڑھنے والے کی معلومات میں اضافے کا باعث ہے۔
کتاب کے بعض مندرجات:
خدا کی تلاش، کائنات سے واقفیت کا شوق، ہماری روز مرّہ زندگی میں خدا کے وجود کی نشانیاں، ہمارے جسم کی مملکت کا مرکز، ایک چھوٹے سے پرندے میں عجائبات کی دنیا، حشرات اور پھولوں کی باہمی دوستی، خدا کی معرفت کے اطمینان بخش راستے، عدل کیا ہے، مساوات اور عدالت ے درمیان فرق، مسئلۂ جبر و اختیار، امر بین الامرین(یا وسطی مکتب) کیا ہے؟، ہمیں رہبران الٰہی کی احتیاج، اجتماعی قانون گزاری کے لیے انبیاء کے وجود کی ضرورت، امامت کیا ہے، امام کے وجود کا فلسفہ، آسمانی ادیان کی حٖفاظت، امام کے لیے ضروری شرائط و خصوصیات، امام کا انتخاب کس کی ذمہ داری، کیا امت کو پیغمبر(ص) کا جانشین مقرر کرنے کا حق حاصل ہے؟، کیا پیغمبر(ص) نے اپنا جانشین مقرر نہیں فرمایا؟، اجماع و شوریٰ، قرآن و امامت،ایک اہم سوال؛ موت اختتام ہے یا آغاز، معاد کے بغیر زندگی بے معنیٰ ہے، انسانی تربیت میں عقیدۂ معاد کا اہم کردار، فطرت کی تجلیوں میں معاد، قیامت عدل کے ترازو میں، موت کے بعد کی زندگی کا اس جہان میں مشاہدہ۔ جسمانی اور روحانی معاد، جنت و جہنم اور اعمال کا مجسم ہونا۔
کتاب سے اقتباس:
مورخین اس بات کا اعتراف کرتے ہیں کہ سرزمین حجاز اُس زمانہ میں پسماندہ ترین خطہ تصور کیا جاتا تھا اور عصر جاہلیت کے لوگوں کو نیم وحشی یا وحشی اقوام کے لقب سے یاد کیا جاتا تھا۔
عقیدہ کے اعتبار سے وہ لوگ بت پرستی میں غرق تھے اور تمام معاشرے پر پتھر یا لکڑی کے بنائے ہوئے بتوں کا منحوس سایہ پھیلا ہوا تھا مشہور ہے کہ ’’کھجور‘‘ کے بت بنا کر اسکے سامنے دوزانو بیٹھ جاتے انکو سجدہ کرتے اور قحط سالی کے موقعہ پر نہیں کھا جاتے تھے!
لڑکیوں سے نفرت کی شدت کا یہ عالم تھا کہ انہیں زندہ درگور کردیتے تھے جبکہ فرشتوں کو ’’خدا کی پٹیاں‘‘ تصور کرتے تھے۔ اور خدا کو تو ایک عام انسان کے رتبہ پر لے آتے تھے
’’توحید پرستی اور وحدانیت‘‘ پر سخت حیران ہوتے تھے اور جب حضرت پیغمبر اکرم صلی اللہ علیہ وآلہ وسلم  نے ان کو دعوت توحید دی تو وہ نہایت تعجب سے کہنے لگے:کیا اس نے بہت سے معبودوں کی جگہ صرف ایک معجبو بنالیا؟ یہ تو یقیناً بڑی عجیب چیز ہے۔(سورۂ ص، آیت:۵)
جو شخص بھی انکی خرافات، جھوٹے افسانوں اور ان کے نظریات کے خلاف بات کرتا اسے ’’دیوانہ‘‘ کہہ کر پکارنے لگتے۔
قبائلی نظام اپنی پوری شدت کیساتھ معاشرے پر چھایا ہوا تھا اور قبائلی اختلافات اس قدر شدید تھے کہ ہمیشہ جنگ کی آگ روشن رہتی تھی اور زمین کو ایک دوسرے کے خون سے نگین رکھتے تھے قتل و خازتگری ان کا روز کا معمول تھا اور اس پر فخر کرتے تھے۔

اصول عقائد

اصول عقائد دین اسلا م کی اساس اور بنیاد ہے، ہرمسلمان کے عقیدہ کودلیل و برہان پر مبنی ہو نا چاہئے۔ اسی لئے اسلام کی عظیم دانشمند ہستیوں نے صدیوں پہلے سے ہی عقیدتی مسائل کی تبیین و تشریح کی ہے اور آج بھی ان کے قیمتی آثار و خدمات ہمارے درمیان موجود ہیں ۔
انسان دنیا کے کسی گوشہ وکنار کارہنے والاہو کسی طبقہ سے اس کا تعلق ہو، ایک چیز جوبلا تفریق ہر انسان میں پائی جاتی ہے وہ ہے فطرت اور فطری تقاضے، جس کا پہلا قدم، ضرورت مذہب ہے۔ اس کو کئی ناموں سے یاد کیا جاتاہے، مذہب در حقیقت انسانی کامیاب زندگی کے لا ئحہ عمل کا نام ہے۔
اب سوال یہ ہے کہ یہ دین، یا دھرم یا مذہب، خدا ساختہ ہے یا خود ساختہ، مسئلہ کی وضاحت الفاظ سے واضح ہے، آج کی ترقی یافتہ دنیا میں، نظریہ وعقیدہ کی جنگ ہے اب جنگ اسلحوں کی کم، نظریات وعقائد کی زیادہ ہے ،اس جنگ میں ہر شخص اپنے حریف پر اپنے عقائد کی تبیین نہیں تحمیل چاہتاہے ، لیکن عدل وانصاف کاتقاضایہ ہے کہ اگر آپ کے نظریات صحیح اورمعقول ہیں تو اس کو دلیل وبرہان کے ذریعہ پیش کریں نہ کہ سر تھوپیں...اور یہ حقیقت ہے کہ حق کا جادو ہمیشہ سر چڑھ کر بولتاہے کہا جا تاہے کہ ’’انسان کے عمل میں اس کاعقیدہ دخیل ہو تاہے‘‘۔اگر انسان کا عقیدہ اس کے جذبات اور احساسات وذہنی اپج کی بنا پر ہے تو اس کے اعمال کا رنگ ڈھنگ دوسرا ہوگا، لیکن اگر اس کے عقائد آسمانی تائیدات کے تحت ہوںگے تواس کے اعمال ورفتار وکردار میں الٰہی رنگ جلوہ نما ہوگا، اس دورمیں تو ہر شخص یہ کہہ کر اپنا قد اونچا کرنا چاہتاہے کہ '' صاحب !ہم تو کتاب ،حدیث اور مجتہد کچھ نہیں جانتے ہمارا عقیدہ یہ کہتا ہے!! '' ،''ایسا ہے جناب، میں روایت وتاریخ کی بات نہیں جانتا ،میری نظر میں اور میرے عقیدہ کے حساب سے تو یوں ہے!! ''۔

<div id="pg10" class="page " style="text-align: justify;">
<div class="pageContent">
ظاہر سی بات ہے جہاں الٰہی نظام میں، میں، ہم، کا دخل ہوجائے گا وہاں للہیت کتنی باقی رہے گی اس کا فیصلہ تو صاحبان عقل ہی کر سکتے ہیں، ضروری ہے کہ دین میں ''میں اور ہم'' نہ آئے اور خالص رہے، تو خالص دین کہا ں تلا ش کریں؟۔
خالص دین، انبیاء ومرسلین واوصیاء الٰہی سے لیں، خدا نے اپنے دین اسلام کو صاحبان کتاب وشریعت رسولوں کے ذریعہ ہم تک پہنچایا ہے اماموں نے اس کو بچایا ،اور اس کی مکمل تشریح وتفسیر کی ہے، اور زمانۂ غیبت میں، علماء کرام نہایت ہی جانفشانی سے اس کو نسلاًبعد نسل ٍ منتقل کرتے رہے ہیں، خدا ان کی ارواح طیبہ پر نزول رحمت فرمائے آمین۔
یہ کتاب جو آپ کے ہاتھوں میں ہے اس کو حجةالاسلام والمسلمین جناب اصغر قائمی استاد حو زۂ علمیہ قم نے مرتب فرمایا ہے، عقائد کے عنوان سے سر دست متعدد علماء کی کتابیں موجود و مقبول ہیں لیکن جو بات اس کتاب کو دیگرکتب سے ممتاز کر دیتی ہے وہ اس کی سلاست وعام فہم دلیل اورطرز بیان ہے، جس کو ہر طبقہ اور ہر فکر کا انسان پڑھ اورسمجھ سکتا ہے۔

</div>
</div>
<div id="pg11" class="page " style="text-align: justify;">
<div class="pageContent">
اس کتاب میں نہ ہی پیچیدہ فلسفی اصطلاحیں استعمال کی گئیں ہیں اور نہ ہی بے جاغرب اور غرب زدہ افراد کے نظریات کا کھوکھلاسہارا لے کر خود کو بہت ہی روشن فکر ثابت کرنے کی کوشش کی گئی ہے۔
عقیدۂ معاد، برزخ، حقیقتِ روح، جیسے پیچیدہ مسائل کو نہایت ہی خوش اسلوبی سے دلیلوں کے ساتھ پیش کیا ہے۔ نیز اختلافی عقائد کو بہت برملا بیان کیاہے اس کی افادیت کا علم تو اس کے مطالعہ کے بعد ہی ہوگا ۔

</div>
</div>
یہ کتاب جو چالیس اسباق پر مشتمل ہے حسب ذیل خصوصیات کے ساتھ ہے:
١۔چونکہ اس کتاب کی تدوین کے لئے دسیوں جدید و قدیم عقائدی کتب کا مطالعہ کیا گیا ہے اور ان سے خاطر خواہ استفادہ کیا گیا ہے نیزاس بات کی سعی پیہم کی گئی ہے کہ ہر کتاب کی خصوصیت کا خیال کرتے ہوئے اس کے پیچیدہ مسائل اور مشکل عبا رتوں سے پر ہیز کیا جائے ۔
٢۔باوجود یکہ اس کتاب کے اسباق نہا یت سادہ و سلیس اور عام فہم زبان میں عام لو گو ں کے لئے مرتب کئے ہیں ، اس میں عقلی و نقلی دلا ئل کا بھر پور سہا را لیا گیا ہے نیز وہ نوجوان و جو ان جو عقیدتی مسائل کو تقلید سے ہٹ کر تحقیق کی رو سے ماننا اور سمجھنا چاہتے ہیں ان کے لئے نہا یت تسلی بخش اسلو ب کو اپنایا گیا ہے اور ثقل و سنگینی سے قطعی پر ہیز کیا گیا ہے ۔
٣۔یہ کتاب جوان طلاب کے درمیان کئی برسوں کے تجربہ کے بعد وجو د میں آئی ہے لہٰذا ایّام تبلیغ میں مبلغین کے لئے کلا س داری نیز دیگر امور میں نفع بخش ثابت ہو گی ۔
٤۔اس کتاب میں اس بات کی کو شش کی گئی ہے کہ عقیدتی پنجگا نہ اصولوں سے متعلق جو سوال پیدا ہوتے ہیں ان کا مدلّل جواب دیا جا سکے ۔
٥۔ آخرمیں یہ با ت قابل ذکر ہے کہ اس کتاب میں متعدد کتب سے استفادہ کیا گیا ہے جن کا تذکرہ حسب ضرورت کیا گیا ہے ،بعض مواقع پر ان کتابوں کی عین عبارت کو بھی نقل کیا گیا۔
کتاب کے بعض مندرجات:
اعتقادی مبا حث کی اہمیت،علم عقائد،دینی عقیدے کے آثار،دین او رمعاشرتی عدالت کی حفاظت، بیشمار مسلمان دین کے والا مقام تک کیو ں نہیں پہونچ سکے؟،توحید فطری،فطرت یا معنوی خو اہشات،وجو د انسان میں خدا کی نشانیاں،انسان کا جسم،جسم انسان ایک پر اسرار عمارت،دماغ کی حیرت انگیز خلقت،عصمت انبیاء،فلسفہ عصمت،انبیاء اور ائمہ کی عصمت اکتسابی ہے یا خدا دادی،معصومین کا فلسفہ امتیاز،اثبات شفاعت،فلسفۂ شفاعت،شفاعت کے بعض شرائط۔
کتاب سے قتباس:
دلیل لطف : شیعہ معتقد ہیں کہ بندو ں پرخداکا لطف اور اس کی بے پناہ محبت اور حکمت کا تقاضا ہے کہ پیغمبر اکرم کے بعد بھی لوگ بغیر رہبر کے نہ رہیں یعنی جو دلیلیں پیغمبر اکرمصلى‌الله‌عليه‌وآله‌وسلم کے مبعوث ہونے کے لزوم پر دلا لت کر تی ہیں وہی دلیلیںاس بات کی متقاضی ہیں کہ امام کا ہو نابھی ضروری ہے تاکہ پیغمبر اکرمصلى‌الله‌عليه‌وآله‌وسلم کی طرح دنیا اورآخرت کی سعادت کی طرف لوگوں کی رہبری کر سکیں اوریہ بھی ممکن نہیں ہے کہ وہ مہربان خدا بنی نوع انسان کو پیغمبر اکرمصلى‌الله‌عليه‌وآله‌وسلم کے بعد بغیر کسی ہادی اوررہبر کے چھو ڑدے ۔
مناظرہ ہشام بن حکم: ہشام کا شمار امام جعفر صادق علیہ السلام کے شاگردوں میں ہے: کہتے ہیں میں جمعہ کوبصرہ گیا اور وہاں کی مسجد میں داخل ہوا عمروبن عبید معتزلی (عالم اہل سنت) وہاں بیٹھے تھے اور ان کو لوگ گھیرے میں لیے ہوئے سوال وجواب کر رہے تھے میں بھی ایک گوشہ میں بیٹھ گیا اورکہا: میں اس شہر کا نہیں ہوں کیا اجازت ہے کہ میں بھی سوال کروں؟ کہا جو کچھ پوچھنا ہو پوچھو: میں نے کہا آپ کے پاس آنکھ  ہے؟ اس نے کہا دیکھ نہیں رہے ہو یہ بھی کوئی سوال ہے۔ ؟
میں نے کہا میرے سوالات کچھ ایسے ہی ہیں کہا اچھا پوچھو ہر چند کہ یہ بیکارہے انہو ں نے کہا جی ہاں آنکھ ہے، میں نے کہا ان آنکھو ں سے کیا کام لیتے ہیں؟ کہا دیکھنے والی چیزیں دیکھتا ہوں اقسام اور رنگ کو مشخص کرتا ہوں، میں نے کہا زبان ہے؟ کہا جی ہاں، میں نے کہا اس سے کیا کرتے ہیں؟ جواب دیا کہ اس سے کھانے کی لذت معلو م کرتا ہوں میں نے کہا ناک ہے؟ کہنے لگے جی ہاں میں نے کہا اس سے کیا کرتے ہیں؟ کہا خوشبو سونگھتا ہوں اور اس سے خوشبو اور بدبو میں فرق کرتا ہوں میں نے کہا کان بھی ہے؟جواب دیا جی ہاں، میں نے کہا اس سے کیا کرتے ہیں؟ جواب دیا اس سے مختلف آوازوں کو سنتا ہوں او ر ایک دوسرے کی تشخیص دیتا ہوں، میں نے کہا اس کے علاوہ قلب (عقل) بھی ہے؟ کہا جی ہا ں۔ میں نے پوچھا اس سے کیا کرتے ہیں؟جواب دیا اگر ہما رے اعضاء وجوارح مشکوک ہو جاتے ہیں تواس سے شک کو دور کرتا ہوں۔
قلب اور عقل کاکام اعضا ء وجوارح کو ہدایت کرنا ہے، ہشام نے کہا:میں نے ان کی بات کی تائید کی کہا بالکل صحیح۔ خدا نے عقل کو اعضاء وجوارح کی ہدایت کے لئے خلق کیا۔اے عالم! کیایہ کہنا صحیح ہے کہ خدا نے آنکھ  کان کو اور دوسرے اعضاء کو بغیر رہبر کے نہیں چھوڑا اور مسلمانو ں کو پیغمبر اکرم صلى‌الله‌عليه‌وآله‌وسلم کے بعد بغیر ہادی ورہبر کے چھوڑ دیا تاکہ لوگ شک و شبہ اور اختلا ف کی باعث فنا ہوجائیں کیا کوئی صاحب عقل اس بات کو تسلیم کرے گا ؟!۔

اصول عقائد (چالیس اسباق میں)

شیعہ امامیہ کو یہ امتیازحاصل ہے کہ انہوں نے اپنے مذہب کو اہل بیت اطہار علیہم الاسلام جیسے امین اورپاکیزہ ہاتھوں سے لیاہے،جومقام عصمت وعلم کے اعلیٰ درجے پر فائزہونے کی وجہ سے نہ سیاسی رجحات کے زیراثرتھے،نہ مادی مفادات کے فریفتہ،ہماری اس امتیازی حیثیت کی تکمیل اس صورت میں ہوسکتی ہے کہ ہم اپنے مذہب کواہل بیت اطہارعلیہم السلام سے لیتے ہوئے علم اورامانت کالحاظ رکیں ،ہرکس وناکس کو نہیں ،بلکہ امت کے سب سے بڑے اہلیان علم اورامین ہاتھوں کو ذریعہ بنائیں اورہم علم وامانت کے اس معیارکونہ بھولیںجورسول صلی اللہ علیہ وآلہ وسلم اپنے بعداپنی امت کے لئے قائم کرگئے تھے اورائمہ اہل بیت علیہم السلام نے اسی معیارکوقائم رکھنے کی تاکیدفرمائی ہے۔
شیخ صدوق علیہ الرحمہ علم وامانت کے اس مطلوبہ معیارپرفائزہیں جوائمہ علیہم السلام نے قائم فرمایاہے اورائمہ اہل بیت علیہم السلام کے گیارہویں تاجدارحضرت امام حسن عسکری علیہ السلام سے صرف ایک پشت کے فاصلے پرہیں،لہذا ان کی طرف سے تحریرکردہ یہ کتاب نہ صرف مکتب اہل بیت سے وابستہ افرادبلکہ دیگرمکاتب فکرکے لئے بھی مکتب اہل بیت کے سمجھنے میں مددمل سکتی ہے۔
الاعتقادات فی دین الامامیة یا اعتقادات الامامیة مشهور بہ اعتقادات صدوق، علم کلام کے موضوع پر ایک مختصر کتاب ہے جسمیں شیعہ دینیات بیان ہوئی ہے جسے شیخ صدوق علیہ الرحمہ (متوفی ۳۸۱ھ ) نے تحریر فرمایا ہے،اس کتاب میں مرحوم مصنف نے معصومین علیہم السلام  کی روایات سے استناد کرتے ہوئے شیعہ عقائد بیان کیے ہیں،شیخ صدوق نے نیشا پوری علماء کی درخواست پر یہ کتاب نیشاپور کے سفر میں تحریر فرمائی، یہ کتاب کئی زبانوں میں ترجمہ اور اسکی متعدد شرحیں تحریر کی جاچکی ہیں۔
زیر نظر کتاب ’’کتاب الاعتقادات‘‘ ۴۵ ابواب پر مشتمل ہے جسے شیخؒ  نے «باب الاعتقاد فی...» سے شروع کیا ہے ۔ ان ابواب میں سے کچھ کے عنوان یہ ہیں: بیان اعتقادات شیعه توحید میں،صفات ذات و صفات افعال،افعال بندگان،جبر و تفویض،اراده،مشیت،قضا و قدر،فطرت و هدایت،استطاعت،بداء،لوح و قلم،عرش و کرسی،نفوس و ارواح،موت و رجعت،رستاخیز و مباحث مربوطہ،بهشت و دوزخ،وحی،امر و نهی،قرآن،مقام انبیا و رسل و حجج و ملائکه و عصمت،نفی غلو و تفویض،تقیه،مقام اجداد پیغمبر(ص))،‌شأن علویان،احادیث،حظر و اباحه و....
کتاب کو لکھنے جانے کے بعد، اس پر سنجیدگی سے مذہبی ماہرین نے غور کیا اور اسے علمی حلقوں میں خاطر خواہ پذیرائی حاصل ہوئی تاہم صدوقؒ کی کتاب میں امامیہ مذہبی عقائد کی حیثیت سے پیش کیے جانے والے کچھ عنوانات کو انتہائی متنازعہ قرار دیا گیا اور ان کے شاگرد شیخ مفیدؒ سمیت کچھ دیگر علماء نے بعض مطالب کو تنقید کا نشانہ بنایا ہے۔ شیخ مفیدؒ، جو مذہبی عقائد کے اثبات میں عقل موازین کے حامی ہیں کتاب کی نقد اس کے مطالب کی وضاحت پیش کرتے ہوئے ’’تصحیح اعتقادات الامامیه‘‘ نامی کتاب تحریر فرمائی اور شیعوں سے منسوب بعض الزامات کو درست کیا۔

اعتقادات صدوق

زیر نظر کتاب شیخ صدوق علیہ الرحمہ کی ایک شاہکار کتاب ہے جسے اردو ترجمے کے قالب میں سید عطا محمد عابدی نے ڈھالا ہے،کتاب التوحید، روائی کتاب ہے کہ جو شیعہ عقائد کے بارے میں عربی زبان میں لکھی گئی، اس کے مولف چوتھی صدی ہجری قمری کے مشہور شیعہ محدّث شیخ صدوق ہیں۔ کتاب کا اصلی موضوع، شیعہ نقطہ نظر سے توحید کی شناخت ہے جس میں متعلقہ بحث و موضوعات جیسے صفات ثبوتیہ اور سلبیہ، ذاتی و فعلی اور ان کی ذات الہی سے نسبت اور حدوث و قدم اور جبر و تفویض بیان ہوئے ہیں۔ مولف کی نظر میں کتاب کی تالیف کا مقصد، شیعہ عقائد کے بارے میں مخالفین کی بے بنیاد تہمتوں کا جواب دینا تھا۔ کتاب التوحید، احادیث کی معتبر کتب میں شمار ہوتی ہے اورعلمائے شیعہ کی توجہ کا مرکز رہی ہے اور [ان کے بعد علماء کے ] آثار میں اسی کتاب کی روایات سے استناد کیا جاتا ہے۔
اس کتاب کے مولف محمد بن علی بن حسین بن موسی بن بابویہ قمی شیخ صدوق کے نام سے مشہور ہیں وہ چوتھی صدی ہجری کے بزرگ شیعہ علماء میں سے ہیں۔ ان کی تاریخ ولادت کے بارے میں دقیق طور پر معلومات دستیاب نہیں ہیں لیکن اندازہ کے مطابق (سنہ ۳۰۵ ھ) کے بعد ہوِئی ہے ۔ شیخ صدوق کی قبر، شہر رے میں ہے۔ ان کو شہر قم کے مکتب حدیثی کے محدثین اور فقہاء میں شمار کیا گیا یے اور تقریبا تین سوعلمی آثار اور تالیفات ان کی طرف منسوب ہیں جن میں کے بہت سے آثار آج موجود نہیں ہیں اس کتاب کے علاوہ، کتاب من لا یحضرہ الفقیہ جوکتب اربعہ شیعہ میں شمار ہوتی ہے،اورمعانی الاخبار، عیون الاخبار، الخصال، علل الشرائع اور صفات الشیعۃ ان کے آ ثار میں سے ہیں۔
ان کے بعض مشہور شاگردوں میں حسب ذیل افراد ہیں: سید مرتضی، شیخ مفید و تلعکبری۔
ابن بابویہ نے اپنی اس تالیف کا مقصد، مخالفین کی طرف سے اہل تشیع پر، تشبیہ اور جبر سے متعلق،کیے گئے اعتراضات کا جواب ذکر کیاہے۔
غالیوں، نے جبر و تشبیہ سے متعلق حدیثیں جعل کرکے ان کو شیعوں کی طرف منسوب کردیں۔ یہ تہمت اور نسبت، زیادہ تر اس زمانے کے معتزلی فرقہ کے لوگ لگا یا کرتے تھے جیسا کہ خیاط نامی مولف نے اپنی کتاب «انتصار»، میں بارہا اس بات کو ذ کر کیا ہے۔ کبھی کبھی بعض علم کلام کی شیعہ ماہر شخصیتیں، قم کے مکتب حدیث کے گروہ کی رد وتنقید میں یہ اعتراضات بیان کرتی تھیں۔ چوتھی ہجری کے اوایل میں، ابوالحسن اشعری نے تجسیم (خدا کے جسم ہونے کا عقیدہ) اور تشبیہ (مخلوقات سے خدا کی تشبیہ دینا) کی نسبت شیعوں کی طرف دی ہے اور یہاں تک کہ اہل سنت کے روایت پسند اور حدیث پسند گروہ بھی با وجود اس کے کہ خود بھی اسی تہمت اور نسبت کے دائرہ میں آتے تھے اہل تشیع کو صفات خدا کے اثبات میں زیادتی کرنے والوں اور تشبیہ دینے والوں کے عنوان سے پہچانتے تھے۔
علامہ مجلسی نے اپنی کتاب، بحار الانوار (توحید اورعدل سے متعلق جلدوں میں ) اس کتاب کی روایات سے بہت استفادہ کیا ہے۔ شیخ حر عاملی نے وسائل الشیعہ اور اسی طرح محدث نوری نے، مستدرک الوسائل میں اس کتاب سے روایات نقل کی ہیں۔
شیخ صدوق نے کتا ب التوحید میں، روایات کی روشنی میں عقائد سے متعلق مفاہیم بیان کرنے کے ساتھ ساتھ، در پیش عقائدی و کلامی مسائل کو دلائل کے ذریعہ ثابت کیا ہے انھوں نے در حقیقت، احادیث کی روشنی میں عقائد کے موضوع پر ایک منظم نیا کورس پیش کیا یے اوراس سلسلے میں، جہاں تک ممکن ہوسکا اپنی آراء کو استعمال نہیں کیا ہے۔ قابل غور بات یہ ہےکہ مرحوم صدوقؒ، معرفت خدا اور توحید جیسے مختلف مسائل کے درمیان، اسماء و صفات الہی کی بحث پر زیادہ زور دیتے ہیں جو اس بات کی دلیل ہے کہ اس دور کے مخالفین شیعہ کے نظریات کے مقابل آپ دفاع طلب سلبی و جدلی خصلت کے مالک تھے یا پھر آپ کا مقصد، تشیع پر لگائے گئے بعض اعتراضات کا جواب دینا تھا۔ ان بحثوں کے مقابل، پہلے مرحلہ میں وہ لوگ ہیں کہ جو تشبیہ اور جسمانیت کا عقیدہ رکھنے والے ہوں اگرچہ اس کا مطلب، قطعی معتزلہ کی ہمراہی نہیں ہے۔
اس کتاب کا موضوع، توحید عام معنی میں ہے اسی بنا پرمولف محترم نے وحدانیت ذات الہی اور صفات الہی، حدوث و قدم جیسے مسائل بیان کرنے کے علاوہ، قضا و قدر، جبر و تفویض اور جبرواختیار سے متعلق مسائل و عناوین کو بھی بیان کیا ہے۔ ایسا لگتا ہے کہ شیخ صدوق نے توحید کے اس اصطلاحی معنی کے سلسلے میں کہ جو معرفت خدا کے موضوع پر مفصل بحثوں پر شامل ہے مرحوم کلینی کی کتاب « کافی، کتاب التوحید کو نمونہ قرار دیا ہے۔ جبکہ ابن خزیمہ (متوفی ۳۱۱ھ) کتاب التوحید کے مولف جو مرحوم کلینی کے ہم عصرہیں نے اپنی کتاب «کتاب القدر» میں قضا وقدر اور جبر و اختیار جیسے موضوعات کو بیان کیا ہے۔
کتاب التوحید میں، صفات خدا کا عین ذات ہونے کا عقیدہ اور زیادتی صفات کی نفی اور تشبیہ کی نفی اور صفات خدا کے سلبی معنی کرنا جیسے قدرت، عاجزی کی نفی کے معنی میں اور کلام خدا کے محدَث ہونے اور قرآن کے حادث ہونے کا عقیدہ؛ مخلوق کا لفظ استعمال کیے بغیر،چونکہ حادث، مخلوق ہی کے معنی میں ہے اگرچہ معتزلہ کے نظریہ کے مطابق ہے، لیکن حسب ذیل نظریات میں معتزلہ کی مخالفت ہوئی ہے: تفویض کی نفی اور اس کے معنی و مفہوم کی رد، بہت سی چیزوں کی حکمتوں، نیزافعال کے ذاتی حسن کی شناخت میں عقل کو ناکافی سمجھنا، خدا کے لیے وعدہ پر عمل کرنے کو غیرضروری سمجھنا اورگناہان کبیرہ کو قابل بخشش سمجھنا۔ اس کے علاوہ،خداوندعالم کے بارے میں اور علم اسماء کے سلسلے میں،فکرانسانی کی صلاحیت کو محدود قرار دینا اوراس نظریہ پر زور دینا » اورفکرانسانی کو صرف عظمت الہی اور عرش [بلند و برتری جو خدا سے مخصوص ہے]کے علاوہ مسائل سے مخصوص کردینا » اور مجموعی طورپر،معرفت خدا کے سلسلے میں عقل و نظر کے استعمال کو نا کافی سمجھنا یہ چیزیں، واضح طور پرمعتزلہ کی نظریہ کے سراسر خلاف ہیں چونکہ یہ فرقہ، شدت کے ساتھ عقل پسندی کا قائل ہے۔
مرحوم صدوق نے اس کتاب میں، کلام اور متکلمین دونوں پر تنقید کی ہے؛ قابل غور بات یہ ہے کہ کلام کی مخالفت اور یہاں تک کہ متکلمین کو، اہل شرک و بدعت کے ہم پلہ قرار دینا اور"خدا کے بارے میں کلام ممنوع" کے عنوان سے ایک باب قائم کرنا اوراہل کلام کو اہل ہلاکت قراردینا اوراس کی مطلق نفی کرنا، یہ ساری چیزیں معتزلہ اورجہمیہ جیسے فرقوں کے غلط نظریے پر ناظر و گواہ ہیں؛ چونکہ امام باقر(ع) کے زمانے سے لیکر امام رضا(ع) کے زمانے تک کوئی دوسرا کلامی مکتب موجود ہی نہیں تھا۔ البتہ خود مولف محترم، عقلی ابحاث کومختلف مقامات پر ذکر کرتے ہیں اور احادیث کی وضاحت کرتے ہیں۔
اس کے علاوہ، کتاب التوحید اسلام کی ابتدائی صدیوں میں شیعہ معاشرہ کے عقائد سے متعلق اختلافی آراء سے جانکاری کے لئے ایک عمدہ اور قیمتی کتاب ہے، مثال کے طور پر ہشام بن سالم جوالیقی اور میثمی اور ابوجعفر الطاق کی طرف منسوب تشبیہ سے متعلق نظریہ سے جانکاری حاصل کرنے کے لئے اور بعض دوسرے افراد کے تجسیم(یعنی خدا کے جسم ہونے کا عقیدہ) کے بارے میں نظریات کی جانکاری، صفات زائد بر ذات خدا، کا نظریہ، امام محمد باقرعلیہ السلام کے دوستوں اور شاگردوں کا 'علم خدا خلقت سےپہلے' کے بارے میں اختلاف نظر، قرآن کا مخلوق یا غیر مخلوق ہونا (قرآن کریم کے بارے میں حدوث یا قدم جیسا نظریہ ہے)، اور جبر و تفویض سے متعلق اختلاف کے بارے میں جانکاری۔
شیخ صدوق اپنی روائی کتاب التوحید میں، خاص شیوہ تالیف استعمال کرتے ہیں کہ جو حسب ذیل ہیں: بعض صحابہ سے منقول، پیغمبر اسلام صلی اللہ علیہ و آلہ کی احادیث سے استفادہ۔ اس کتاب میں عبداللہ بن عمر، ابوہریرہ اور عثمان بن عفان سے منقولہ روایات موجود ہیں۔ موضوع اور باب کے ذیل میں روایات کے انتخاب میں مرحوم شیخ صدوق اتنی زیادہ دقت نظری سے کام لیتے ہیں کہ کتاب میں ذرہ برابر بھی، مطالب کے درمیان بے ربطی و بے نظمی یا تکرار نہیں ہے۔ بعض خاص مقامات پر جہاں مطالب کے درمیان، ذرا بھی ظاہری ٹکراؤ نظر آیا بلا فاصلہ ضروری وضاحت کرکے اس کو برطرف کرتے ہیں۔ اگر مذکورہ کتاب اور اہل سنت کی ان جیسے موضوعات پر لکھی جانے والی کتب کے باب توحید، کا سرسری مقائسہ کیا جائے تو اس بات کو بخوبی ملاحظہ کیا جاسکتا ہے کہ کتاب التوحید کی معقولیت کا مرتبہ بہت بلند ہے اورعقلی و منطقی معیار کے مطابق مفاہیم کے درمیان آپسی ربط اور نظم و نسق ان کتب سے کہیں زیادہ ہے۔
اس کتاب کے ابحاث میں،خدا کے «صفات ذات» جیسے: (سمع، بصر، علم، قدرت و غیرہ) اور«صفات فعل» جیسے: (کلام، ارادہ، خلق و غیرہ) میں فرق کی وضاحت کرنا شامل ہے۔ خدا کے صفات ذاتی اس کے عین ذات ہیں، ( اس کے صفات اس کی ذات سے الگ نہیں بلکہ اس کی ذات ہیں) ورنہ شرک اور متعدد چیزوں کا قدیم ہونے کا نظریہ لازم آئیگا، درحالیکہ صفات فعل، زائد بر ذات ہیں۔ مولف محترم کی نظر میں صفات ذات، سلبی معنی رکھتے ہیں(جیسے خدا کاعلم = جاہل نہ ہونا) یہاں ہر علم، صفت ذات ہے اور جاہل نہ ہونا اس کے سلبی(جو خدا میں نہ پایا جائے ضد اور مخالف معنی میں) معنی کو بیان کرتا ہے لیکن صفات فعل، ایجابی معنی( یعنی جو خدا میں پایا جائے) کو بیان کررہا ہے اور ان میں سے صرف صفات ذات، ازلی(یعنی جو ہمیشہ سے تھے، ہیں اوررہینگے) ہیں۔
اس کے علاوہ،شیخ صدوق، روایات کے ذریعہ ان آیات کی تفسیر بیان کرتے ہیں کہ جو ظاہری طور پر،تشبیہ اور تجسیم کی تصدیق وتائید کرتی ہیں؛وہ آیتیں جو ایک طرح سے اعضاء و جوارح جیسے: ( ہاتھ،چہرہ، پنڈلی،آنکھ،کان)، اورجسما نی صفات اور انسانی حالات جیسے: ( پہلو،عرش، کرسی، دھوکا،مذاق اڑانا، انجام دینا،رضامندی، ناراضگی و۔۔۔) کو خدا کے لئے ثابت کرتی ہیں۔ مرحوم صدوق، ان آیات کے ظاہری ٹکراو اور ضد و خلاف کو حل کرنے کے علاوہ، اپنے دعوے کی تائید وتصدیق کے لئے توحید سے متعلق مقبول شیعہ نظریہ کو تفسیر کی بحث سے قرآنی الفاظ جیسے : «سبحان اللّہ» اور «اللّہ اکبر» سے استفادہ کرتے ہیں اور قرآن کریم کی آیت: «فِطْرَتَ اللّہ اَلَّتی فَطَرَ النَّاسَ عَلَیہا» سے استناد کرتے ہوئے توحید کے فطری ہونے پر تاکید کرتے ہیں۔ یہ ابواب کہ جو کتاب کے اچھے خاصے حصے کو شامل ہیں ان میں مولف محترم کی توضیحات کے ذیل میں تفسیری روایات کے علاوہ، ان کے تفسیری نظریات یہاں تک کہ تأویل سے متعلق نظریات کو بھی ایک حد تک سمجھا جا سکتا ہے۔ اسکے بعد وضاحت کرتے ہیں کہ عقلی ہونے کا مطلب، حکمت اور معقول علت رکھنے کے ہیں کہ عقل، جس کی بنیاد پرعمل کے نیک اور اچھے ہونے کا حکم دیتی ہے۔

التوحید(شیخ صدوق)

حق و باطل کا معرکہ یوں تو صدیوں پرانہ ہے ساتھ ہی باطل کو حق کے لبادے میں پیش کرنا اور اتنا جھوٹ بولو کہ سچ  ہوجائے کے فلسفے پر عمل کرنا بنی امیہ اور حکومت شام کا ایک قدیمی نسخہ ہے جو وہ آزماتے چلے آئے ہیں جسکی ایک کڑی علی میاں ندی کی کتاب ہے جو سعودی ریال کے قلم اور وہابی جال کے کاغذ پر لکھی گئی ہے جسمیں بڑی ہوشیاری اور چالاکی سے حقائق کو پوشیدہ اور واضحات کا انکار موجود ہے اور بیوقوفانہ بھولے پن کی یہ حالت ہے کہ حقائق کو جیسے  جانتے ہی نہیں اور حسّاس موضوعات سے بس سرسری گزرجانا ہے۔
اغلاط و سے پُر جام سعودی سے لبریز ریال کے دم پر علی میاں نے اپنے نام کے ساتھ نا انصافی کرتے ہوئے کتاب لکھ تو دی لیکن بھول گئے کہ ہر دور میں ایسے بھی حق گو اور حق پرست موجود رہے ہیں جنہوں نے باطل کے قدم ایک ساعت کے لیے بھی جمنے نہیں دیئے، دست و پا قطع کردیئے گئے، زبانیں کاٹ دی گئیں، سولی پر چڑھا دیئے گئے، قیدخانوں میں قید کردیئے گئے لیکن سوائے کلمۂ حق کے دوسری بات زبان سے نہ نکلی، زمانۂ ماضی سے یہ ڈھرّا چلا آرہا تھا، ابطال باطل لکھی گئی تو اس کا جواب احقاق کی شکل میں سامنے آیا، عزیز مصر تعصب نے دہلی کے گندے نالے سے ایک بدبودار تحفہ شیعوں کو بھیجا تو یوسف کنعان دہلی نے بھی اس کا جواب نزہة اثنا عشریہ کے نام سے دیا، شوکت عمریہ شائع ہوئی تو اس کا جواب ضربت حیدریہ کے نام سے دیا گیا، قبقاب لکھی گئی تو اس کا جواب کنٹاپ سے دیا گیا، سیف قاطع وجود میں آئی تو برق لامع نے چوندھیا دیا؛ موجودہ دور میں انھیں خرافات کا ایک مجموعہ المرتضیٰ کے نام سے شائع ہوا جس میں حقائق کو چھپانے اور معارف پر پردہ ڈالنے کی ناکام کوشش کی گئی ہے، اس میں بھی وہی راستہ اختیارکیا گیا ہے جو ان کےاسلاف کا تھا۔ انہیں نشانات پرچلنےکی کوشش کی گئی ہے جواسلاف قائم کرکے گئےتھے۔ان کو یقین تھا کہ یہ حرف آخر ہےاورہماری بات کا جواب دینے والاکون ہے۔؟ ہر فرعون کے لیے ایک موسی ضرور ہوتاہے۔لہذا اس فرعون کے لیے موسی کا کردار فروغ کاظمی صاحب نے انجام دیا اور الخلفاء کے نام سے دو جلد میں اس کتاب کا مسکت و متق جواب لکھ کر حقائق کا آئینہ دکھاتے ہوئے ابطال الباطل کیا ہے۔
کتاب کے بعض مندرجات:
ابوبکر بن قحافہ کا شجرہ، قریش کون؟، ابوبکر خلیفہ تھے یا خالفہ،ابوبکر کا مسلمان ہونا، صدیق اکبر کون، ابوبکر پیغمبر اسلام کی نظر میں، ابوبکر کا شیطانی ایمان، ابوبکر کی نافرمانی اور خدا کی لعنت، غار ثور میں ابوبکر کا گریہ، غزوات سے کنارہ کشی اور فرار، صلح حدیبیہ اور ابوبکر کی گالیاں، ابوبکر سے رسول اللہ(ص) کی بیزاری، رسول اللہ کی شہادت، سقیفہ کی کاروائی،خالد بن کے مظالم، فدک پر قبضہ، ابوبکر سے سیدہ فاطمہ(س) کی ناراضگی، واقعۂ قرطاس، حضرت علیؑ کی خاموشی اور اپنے لیے تلوار نہ اٹھانے کا سبب،عمر بن الخطاب کی پیدائش، ابتدائی حالات، تعلیم رنگین مزاجی پہلوانی اور شراب نوشی،حضرت عمر کا ڈرامائی اسلام، عمری نوشتہ، حضرت عمر اور ام کلثوم۔

الخلفاء بجواب المرتضیٰ ج۱

اَلْجامعُ الْمُسْنَد الصّحیح الْمُخْتَصَر مِنْ اُمور رَسول اللّه(ص) وَ سُنَنه و اَیّامِه معروف بہ صحیح البخاری، ج ۱ تا ۶

رہبرانقلاب حضرت آیۃ اللہ  العظمی سید علیخامنہ ای کی  شہر آفاق کتاب "ڈھائی سو سالہ انسان" آپ کی مختلف تقاریر اور بیانات کامجموعہ ہےاس کے علاوہ اس کتاب کی آڈیو اردو ریکارڈنگ بھی منظر عام پر آچکی ہے۔
یہ کتاب ائمہ اہل بیت علیہم السلام کی سیاسی زندگی اور خدمات پر ایک منفرد کتاب ہے جس میں ایک نئے زاویے سے ائمہ معصومین علیہم السلام کی ڈھائی سو سالہ زندگی کو ایک بامقصد انسان کی زندگی کے طور پر پیش کیا گیا ہے۔
تمام ائمہ علیہم السلام اپنے زمانے کے تغیر وتبدیلی کے باوجود ایک ہی ہدف کے درپے تھے۔
رہبر انقلاب معتقد ہیں کہ:ائمہ اہل بیت علیہم السلام کی زندگیوں میں ظاہری اختلافات کے باوجود ایک مستقل ہدف اور مقصد ان کی زندگیوں پر حاکم ہے۔مختلف ادوار اور گوناگوں حالات میں بھی ائمہ کی جدوجہد کامرکز اورمحور وہی اہداف رہے ہیں۔ان اہداف کے حصول کی کوششیں ڈھائی سو سال پر محیط ہیں۔اسی لئے اس کتاب کا نام بھی ڈھائی سوسالہ انسان رکھا گیاہے۔
رہبر انقلاب کی نظر میں پیغمبر(ص)کی رحلت سے 260ہجری تک تمام ائمہ علیہم السلام نے سیاسی طور پر ایک الہی حکومت کے قیام کے لئے اپنی عمر کوصرف کیا۔
اس موضوع کے حوالے رہبر انقلاب کا فرمانا ہے:
«یہ فکر 1350شمسی کے  امتحان،سختی اور دشوار زمانے میں پیداہوئی۔اگرچہ اس سے پہلے بھی ائمہ علیہم السلام کی کلمہ توحید اور الہی حکومت کے لئے جدوجہد کے پہلو کی جانب متوجہ تھا۔لیکن ایک نکتہ جو اچانک میرے ذہن میں آشکار ہوا وہ یہ تھا کہ ان حضرات کی زندگی ظاہری طور پر مختلف ہونے کے باوجود مسلسل ہم آہنگی اور طولانی جدوجہد پر مشتمل ہے۔جو 10 ہجری سے شروع ہوکر 250ہجری تک تسلسل کے ساتھ جاری ہے۔اور 260ھ میں غیبت صغری کے اختتام کے ساتھ ہی یہ ادوار پایہ تکیمل کو پہنچتے ہیں۔»
یہ کتاب ائمہ معصومین علیہم السلام کی زندگی پر اور خصوصاً معاشرے کی مصلح اور متحرک شخصیات کے لئے راہ عمل اور ذمہ داری کے تعین کے لئے بہترین رہنما ہے۔
اب تک اس کتاب کا عربی،اردو،سندھی،انگریزی، آذری،ترکی،استانبولی،ہندی اور فرانسیسی زبانوں میں ترجمہ کیاجاچکا ہے اور علمی،فکری اور دینی حلقوں میں انتہائی مقبول واقع ہوئی ہے۔
اس کتاب میں رہبر انقلاب اسلامی نے آئمہ معصومین علیہم السلام کی سیاسی اور مجاہدانہ زندگی پر واقعات اور بیانات کو جمع کیا ہے،   یہ کتاب ستّرہ   فصول پر مشتمل ہے اور اس میں تمام فصول اور عناوین کو   پیغمبر اکرم(ص) کے زمانے  سے لے کر تمام آئمہ اطہار(ع) کی زندگی وسیرت کو  ترتیب سے  بیان کرنے کے ساتھ ساتھ  آئمہ اطہار(ع) کی زندگی کے مقصد کو بھی تفصیل  سے بیان کیا گیا ہے؛ اس لئے یہ کتاب محض تاریخی نہیں ہے، بلکہ ہر امام(ع) کی زندگی کو اس زمانے کے لحاظ سے تفصیل کے ساتھ بیان کرنے کے ساتھ ساتھ تجزیہ و تحلیل بھی کرتی ہے ، جس کی وجہ سے  قارئین کتاب ایسا محسوس کرتے ہیں جیسے اسی دور میں زندگی بسر کر رہے ہیں اور عملی طور پر امام کی زندگی سے آشنا ہورہے ہیں۔

اسلامی وحدت

اسلامی وحدت

Posts